احلام مراهقه>~<✌

10

بعد شهرين شهور .....................
في بيت ناس فهد .......
كان راقد في السرير وبفكر " امي زعلانه مني من اليوم داك ،لازم اخليها ترضي عني ..... بس ...اذاكدا  لازم ازورو ..."
قعد وقال :كل شيء ولا زعل امي حتي لو امشي وازورو.....
رفع تلفونو من شاحن واول مافتحو لقي  ٢٥ مكالمه من اختو اميره .... اتخلع وقال :اللهم اجعلو خير .....وقبل مايتصل عليها سمع صوتها بتنادي بصراخ :فهدددد
فهد :بسم الله متين رجعت ومالا بتصرخ كدا ...
طلع من الغرفتو  لما وصل جنبها قبل مايتكلم ضربتو كف ....هو اتفاجاءه وفي النفس الوقت ماعارفه لي هي ضربتوو..
مسكتو من يدينو الاتنين وقالت :كنت وين انت وين ...انت وين يافهد انت وين ..قالت كدا وبقت تصرخ  ....وحيلها بقي ماشايلها  ووقعت جنب رجولو
فهد  بي خلعه :اميره مالك  في شنو ... بس اميره ماكانت بترد عليهو ...وهنا فهد خاف زياده ...
وحسي بي رجفه في اطرافو ...بلع ريقو وقال :اميره امي حصلت ليها حاجه..... اميره ردي....
اميره دقايق وغابت عن الوعي  ....وقعت في الارض ...
فهد اتخلع زياده وبقي يحاول يصحيها ...ووقت ماصحت ،شالها ورفعها في الكنبه ....وقعد جنبها  ....
طلع تلفونو بقي بتصل عل امو عل امل انو ترد وتكون كويسه ...وقت مارددت قلبو اكلو ...
قشي وشو وقال :هي كويسه ...ايوه هي كويسه
بهناك في مكان تاني .............
كانت بتبكي بي صوت عالي وتكورك :القاسم مامات ...خلي الدكتور يجي يفحصو بكون نايم ساي ...
قرب منها وهوبقول :استهدي بالله ....دا قدر الله ...
زحت منو وقالت بي صوت عالي : واااي ياقاسم ...واااي نا من جاني .... واااي .. صرخت بي صوت عالي .... وكل مايحاولو يهدوها تزيد ...
وبي جاي في الممر بتاع المستشفي ....
كانت واقفه  وبتتلفت وعيونها مليان دموع ..."وينك يااميره .... "
وهي واقفه حست بي يد في كتفها اتلفتت وكان اخوها زياد ...حضنتو عليها وقالت :زياد عمو مات ... زياد انا انا ..ماعارفها مشت وين ......
زياد حضنها عليهو وقال :ربنا يرحمو ....هسي بشوفها مشت وين ... انتي اقعدي جنبهم هنا ...
اتحرك  من جنبها وبقي بفتش في مستشفي ..... بس ماشايف ليها اي اثر ....
طلع برا المستشفي ولسه بتلفت ...لمح زول بيعرفو  طوالي مشي بتجاهو  وختي يدو في كتفو ...
ايهاب اتلفت وقال :زياد ....
زياد :ايهاب  اتصل لي فهد عليك الله سريع ...قال كدا وحتي قبل يسلم عليهو ....قال ليهو كدا لان طلع مستعجل ونسي تلفونو....
ايهاب كان مستغرب   بس اتصل .....
وبهناك .......
فهد كان قاعد جنب اختو وبحاول يفوق فيها ....
وهو قاعد جنبها شاف تلفونو بضوي  ...مشي عليهو وفتح الخط  وقال :الو ايهاب
ايهاب داير يتكلم شال التلفون منو زياد وقال:فهد
فهد من سمع الصوت زحي التلفون وعاين لي الرقم وقال في نفسو"دا رقم ايهاب  الجاب زياد هنا شنو"
فهد:زياد ؟
زياد بدون مقدمات  قال :فهد اميره معاك ....
فهد استغرب ورد ليهو :ايوه
زياده:هي كويسه
من قال كدا زاد استغراب فهد وقال :زياد في شنو ...واميره مالا كانت في الحاله دي ...قال كدا بانفعال...
زياد:كدي اهدي وبتفهم ......قال كدا وكمل:لازم تكون قوي اشان اختك ...وقبل مايكمل كلامو فهد قاطعو لانو حسه احساس غريب ...قال بي رجفه :زياد امي حصلت ليها حاجه .....
هو خاتي انو امو حصلت ليها حاجه بس ماكان عارف انو ابوهو هو المات ....ابوهو المالحق يزور ،ابوها كان كل مازول يتكلم فيهو مابرضي ...ولي ناس امو بيظهر انو مامهتم وبكرهو ...وجواها عكس كدا...
في مكان تاني وتحديدا بيت ناس يارا ........
قدير كان ماسكه تلفونها وتتصفح تلفونها  وقعت عيونها عل منشور  بصفحه تالين .... وكان المنشور عباره عن صدمه .....
ماحست بي دموعها وهي بتجر .....
بقت واقفه وبتتذكر كلامها معاهو ......
فلاش باك :
" فهد :انتي عارفه يايارا ..انا مابكرهو ....بس ماقادر اسامحو...
قدير رددت :هو منو يافهد ...منو ...
فهد رسل وشي حزين معاهو كلمه ابوي ..
قدير ماعرفت ترد بي شنو ....بس في نفس اللحظه جاتها رساله من فهد بتقول:هو الخلاني لاكن ماحااخليهو.....عارفه هو كل شيء بالنسبه لي ...عارف اني غلطه يوم ابيت اسلم عليهو....حتي لما شفتو مااتوقعت يكون كدا ...انا ابوي المرض ماخلي فيهو شيء ....ماقادر ماقادر اعاين ليهو بالطريقه دي ....
امي قايلاني بكرهو وهي زعلانه مني من اليوم الشفتو فيهو ....يارا انا عايز اقيف جنبو واقول ليهو لي خليتنا
لي ماكنت جنبي ونا بكبر ...لي ...
قال كدا ووقف كتابه ...
قدير اتاثرت بي كلامو وقالت :انت امشي ليهو وكل شيء بنحل يافهد ....ودا ابوك لازم تسامحو ....
فهد:اشتقت ليهو ماقادر اقول...
قدير كانت بتقرا ومتاثر وبعدها فهد طلع ......
اندفلاش باك .....
كلام فهد دا كان امس ...يعني امس القريبه دي ...ووقت قرر يمشي لي ابوهو  ،الدنيا قالت ليهو لا..
قدير كانت واقفه وبتبكي .....
وبي جاي يارا جات مارا  سمعتها  طوالي جات عليها وقالت :قدير مالك ...
قديرحضنت يارا وبقت تبكي .....
يارا بتسال فيها وهي وماكانت بترد عليها ،كانها كانت بي عالم تاني ......
في مكان تاني تحديد المقابر ...........
حاول يحرك رجولو  ماقدر ....حسي بي ضعف بس حاول مره تاني ...بس وقع من العجله جنب القبر ....
بقي هو القبر عل نفس المستوي ....
كان في عبره في حلقو وماقادر يتكلم بس دموعو بتنزل ......
بعد دقايق ...ختي  يدو في القبر وبقي يرفع التراب من الاطراف لي النص .... وكل مايرفع يتذكرو ويتذكر ابتسامتو   وتعاملو معاهو ......
قال بصوت برجف :لي ماموته انا ....لي ماموته انا .... علي ...قال كدا ودموعو عشره عشره ....

ربما حلت علي غمام حزن وقلت انها عابره ولكن  مازلت اجد نفسي في نفس المفترق ، اعزم الحراك
ولكن نفسي تابي حتي الرحيل .....

يتبع.......................

مرحبا متابعي الروايه ...بعرف طولت منكم ...واسفه للتاخير ...كل التاخير بي سبب الظروف وظروف كانت اقوي مني ومنكم ...
بس باذن الله التنزيل حيكون يومي  كل يوم بارت
بس اذا لقيت زمن بنزل بارتين 🥺💜💫
شكرا لكل من احب روايتي ودعمني💜