احلام مراهقه>~<✌

40

الظلام  لافي المكان من كل الاتجاهات وماكان في ضوء داخل في الطابق الا من الشباك البتجاه الشارع .....
كان الجو  هادي لي درجه ......
رفع راسو عاين للسقف  وقال :ماحصل اتكلمت عن ابوي .......وماحصل جبته سيرتو .....
ايهاب كان مدنقر بس من سمع فهد بتكلم رفع راسو وبقي منتبه معاهو ...
فهد:ابوي سبب لي جرح هنا هنا ...قال كدا وهو باشر عل صدرو .....
ايهاب ماعارف يقول ليهو شنو ....لان دي اول مره فهد يتكلم فيها عن ابوهو .....ويفتح صفحات الماضي....
ايهاب رفع يدو وختاها في كتف فهد ....وهنا فهد اتلفت عل ايهاب ....مع انو الواطه ظلام بس ايهاب قدر يشوف الدموع الفي عيون فهد .....
ايهاب :فهد .....قال كدا وكان عايز يتكلم بس قاطعو فهد وقال:ايهاب خليني اتكلم ......
ايهاب سكتت ....
فهد وعيونو ملانه دموع:هو خلانه وانا عمري 6 سنه ..كنته بالاول فرحان لانو تاني ماحيضرب امي ....بس تاني فقدتو .....في كل الاجتماعات  لمن  اشوف أبهات الناس بتوجع وبقول لي انا مازيهم ....قال كدا وسكت حبه وقال:عارف ياايهاب  هو رجع هسي ....بس ...قال كدا بقي يبكي بي صوت...
ايهاب  كان عاجز كانو مربط ...وماعارف يعمل شنو او يقول شنو ....غمض عيونو كانو بحاول يستجمع شتات نفسو اشان يواسي صحبو ....
ايهاب بي صوت مبحوح:فهد.....ماتبكي....دا كل الطلع من خشم ايهاب .....لانو ماقدر يتماسك وهو شايف صحبو بالطريقه دي .....
كانو دا مافهد  القبل ساعات كان بواسي فيهو ...كأنو الادوار اتقلبت ....!!
وبهناك  في مكان تاني ..........................
قحه بي تعب ....ووشو كان مليان عرق .....عاين للسقف وقال :ايامي خلاص قربت بس  ياريت لوبقدر امحي الماضي ....قال كدا ودمعتو جرت ....وبقي يذكر
فلاش باك ..................
جاء داخل البيت يترنح وكان ظاهر عليهو سكران ....رزع الباب شديد ودخل ....قعد بي اهمال في الهول وختت كزازه في طربيزه ......رجع راسو لي ورا وغمض لي دقايق ....بس صحاهو صوت بقول:لمتين حتفضل في الحاله دي ...
فتحت عيونو وقال :ياخديجه اختيني ....واكسري شري...
قربت من الطربيزه ورفعت الكزازه من الطربيزه وجدعتها في الارض لحدي ماتكسرت ...وقالت:مابختاك ....والشر مابيختانا الا لماتختي السجم دا .......
وقف قصادها وقال باانفعال:خديجه انتي عملتو شنو ...قال كدا ولوي ليها يدها .....
خديجه باالم :فك لي يدي ياالقاسم ...قلت ليك فكني..
القاسم :مابفكك انتي عارفه نفسك عملتي شنو ...قال كدا ولوي ليها يدها زياده....
خديجه:ااي عارفه .....وبكسره الف كزازت سجم زي دي ....من قالت كدا دفرها لحدي ماوقعت في الكزاز الفي الارض .....
قرب منها وقال:حااندمك عل القلتيهو دا ...قال كدا ورفع يدها الكسرت بيها الكزازه وقال:دي مش يدك الكسرت الكزازه ....قال كدا وضغطها عل كزاز الفي الارض .........
بقت تصرخ وتتكلم معاهو اشان يزح يدو ....بس هو مستمر في البعملو .....لحدي مالارض اتلونت بي دمها ......
الوقت اتوقف وقتها بالنسبه للكان واقف ورا الباب وبشوف كل دا .....
اند فلاش باك ............................
غمض عيونو وقال  في نفسو "غلطت في حقك ياخديجه وحق اولادي .....انا هسي نادم ...بس الندم حيعمل شنو .......هسي بكون كبرو ....قال كدا وابتسم ابتسامه وسط دموعو ...وقال:ياريت تسامحوني ......قال كدا وغمض عيونو .....
وبي جاي في بيت ناس يارا .......................
قدير:يارا العملو جاسم دا  مابخش راسي ...قاصد شنو يعني بي عملتو دي .......قالت كدا وقعدت في الكرسي ......
يارا :والله ماعارفه يا قدير ......قدر ماحكيت راسي دا ...ماقدرت افهم قصدو ......
قدير:كان تلحقيهو
يارا:ياذكيه وانا من قبيل برطن بقول في شنو ...لحقتو بس مالقيتو .....خمس دقايق اختفي اتقول جني ......
قدير:اممم ...وهسي هتعملي شنو ......
يارا عاينت للصليب الفي يدها وقالت:حااحتفظ بيهو لحدي ماالاقيهو وارجعو ليهو .....
قدير من يارا قالت كدا ...وقفت وقالت :لالا انتي بالجد مجنونه ×_×.....افترضي شافو اخوك حتقولي ليهو شنو .....
يارا:اووف ياقدير اتفائلي ....ان شاءلله مابشوفو...
قدير:ختي كل الاحتمالات .....قالت كدا وكملت كلامها وقالت:الليله بي سببك قلبي قرب يقيف لما اذن المغرب  وانتي ماجيتي ...خفته يجو قبلك ....بس الحمدلله ماجو ....المره دي برضو طلعنا منها ...
يارا قربت من قدير وحضنتها وقالت:حبيبتي ياقدير ...ماكنته حااعرف اعمل شنو من دونك ....
قدير زحتها منها وقالت:تحبك الشكلوته ×_× حبيبتك لي زي دا ....بي سببك كان حبوبه حتكشفنا ...بس قولته ليها نايمه .....بس لو حبوبه كان مشت غرفتك كان عرفت انك مافيشه .......
يارا :انتي بالجد احلا قدير.....
قدير:خلاص سيبينا من دا.....وقولي لي حتمشي مع حبوبتك؟
يارا ملامح وشها اتغيرت في ثواني ...كانها دي مايارا كانت قبل شويه كانت بتتبسم ....
يارا:قدير ماعايزه اخسر اخوي.....
قدير قامت قعدت جنبها وقالت :تخسري اخوك كيف يعني ؟
يارا حكت ليها الحصل ......
قدير:اوووف دي مشكله .......والله
يارا :مامشكله ولا شيء ....اخوي عندي بالدنيا ....وهم يطيرو في ستين داهيه .....
قدير بي جديه:بس يايارا حبوبتك؟
ابتسمت وقالت:حبوبتي ؟....هي عارفه لي شنو ....امكن شكلي زاتو ماتكون متذكراهو ....انا ماحااغير رايي ...قالت كدا ورقدتت في سرير ...
قدير عاينت ليها وشافت لمعه في عيونها .. ...دنقرت في الارض وسكتت شويه وقالت مغيره الموضوع:صحي مالم اتاخرو كدا الليله ....شكلو احمد هدي فيهم وعلمهم الصياعه ...عايني الساعه كم ...
يارا عاينت لي الساعه وشافتها 10....اخدت نفس وغمضت عيونها كانها بتحاول تهرب من الواقع بي النوم .....
في نفسها "مهما حصل مستحيل اخسرك ...انت كل شيء بالنسبه لي ...وانت اسرتي "
قدير عاينت لي يارا لقتها مغمضه ودموعها جاريه ....وقفت من سكات وطلعت من الغرفه وهي بتقول في نفسها"مسكينه يارا....ماعارفه انا اذا كنته مكانها حااعمل شنو ........."
وبي هناك  في مكان تاني .....................
كان سونار وعلي قاعدين جنب النيل ......
علي اتلفت عل سونار وقال :لينا اكثر من تلاته ساعات قاعدين هنا .......قال كدا وكشر وشو وقال :بس قول عايز تضيع الوقت اشان اختك ماتمش لي حبوبتك ........
علي كان بتكلم ....وسونار كان سارح ......وماكان سامع شيء ....كانو انعزل عن العالم ومشي لي عالمو الخاص .......
كان سارح وماحسي بي شيء ......
علي لما مالقي رد منو ...هزاهو من كتفو وقال:سونار سامعني بقول في شنو ....
سونار اتلفت وعاين ليهو وقال:اها....
علي :يالله ....كنت سارح في شنو ....لي ساعه بتكلم معاك ×_× ......
سونار وقف وقال:يلا خلينا نمش بعد دا ....قال كدا واتحرك عل العربيه .....
علي عاين ليهو  وقال :انا حااجن مع الاسمو سونار دا .......كأني مااتكلمت معاهو .....قال كدا وهو واقف .....
سونار اتلفت عليهو وقال:حتفضل واقف كدا لمتين  ....ماتتحرك .....
علي :جاي جاي ......قال كدا واتحرك ...
علي في نفسو"انا الود حيجنني معاهو ×_× بس كان سارح في شنو قدر دا"
سونار ابتسم وقال في نفسو وهو بشوف تعابير وش علي " عارف اني جننتك بس كنته محتاج للقعده دي ...."
في مكان تاني وتحديدا في بيت ناس ايهاب ..........
امو  لبست توبها وكانت عايزه تمرق ...بس وقفها صوت مزمل وهو بقول :امي مارقه وين في الوقت دا ....
ام ايهاب:ماشه اشوف اخوك وين .....ماقلته بجي ....وينو ....عاين الساعه كم يامزمل ....اريتني لو ماسمعته كلامك ومشيت ...كان هسي هو معانا ..
مزمل قرب من امو وقال:ياامي ماتخافي عليهو مابتجيهو حاجه .....
ام ايهاب:كيف مااخاف ....يامزمل انت كما عايز تطلع تشوف اخوك خليني انا بطلع بشوفو ....
مسكها من كتفها وقال :اذا دا بريحك ...هسي بطلع اشوفو ....بس انتي خليك هنا ...قال كدا وباسها من راسها واتحرك ........
مزمل في نفسو "ان شاءلله يكون في بيت ناس فهد ..."
وبهناك في بيت ناس فهد .................
امو متمحنه وتبكي ......وجنبها اميره .....
اميره:ياامي ماتبكي ......
ام فهد:اميره اخوك من الصباح طلع ومارجع تاني ....ومامعروف وين مشي.....قالت كدا ووقفت وقالت:انا ماشه اشوف اخوك يااميره ....قلبي مامرتاح .....خايفه تكون حصلت ليهو حاجه .....
اميره مسكت امها وقالت :دقيقه ماتمشي براك في الليل دا ....بمش معاك .....استنيني البس عبايه واجي .....قالت كدا ومشت ....
امها عاينت لي سلم وقالت في نفسها"انا مره كبيره وكان طلعت في اي وقت مابتجيني حاجه ....بس انتي ....قالت كدا واتحرك عل الباب .....بس قبل ماتصلو سمعت الجرس بدق ....
مشت بي لهفه وفتحت الباب وهي بتقول :فهد ...بس لما فتحت الباب ولقتو مزمل مافهد .....ابتسم بي تكلف وقالت:اهلا ياولدي ....
مزمل:معليش عل الازعاج ياخالتو خديجه ....
ام فهد:مافي اي ازعاج ياولدي ......اتفضل ...
مزمل:تسلمي ياخالتو .....بس كنت داير اسالك  ايهاب معاكم....قال كدا وكان بدعي في نفسو انو تقول ااي ......
اما ام فهد من سمعت سؤالو  خافت ....مع انو سؤال عادي ومعالم وشها اتغيرت .......
مزمل:خالتو ...خالتو .....
ام فهد زحت مزمل ومشت وهي بتقول في نفسها"من الاول قلبي ماكان مطمن "
"كأننا بعالم  تملؤه الارواح الشرير  فحلل فيه البكاء وحرمت فيه السعاده"
يتبع ..............................................
عارفه اني وعدت اكمل بي سورعه وماكملته ...بس سوري وليكم التعويض ....حانزل كم بارت الليله ان شاءلله ♥
+رايكم بالبارت ؟
حلو
او لا
+هههه تحملوني انا وخيالي الشاطح ^_^
المهم المهم  نلتقي ♥بالبارت الجاي ...و كونو عل مقربه >~<♥♥