احلام مراهقه>~<✌

(6)

قل لي هل انا وهم ام ان الوهم هو انا....
انتي عارفه انك وحده كذابه ......
كشرت وشها وقالت باستغراب:أنا.....
قالت كدا ومشت عل الزول القال ليها كدا ومديها ظهرو
وقت قربت منو قالت :انت منو......
اتلفت عليها ....اول ما شافت وشو قالت :ايهاب.....
قرب منها مسكها من كتوفها وقال وهو بهز فيها:اي ايهاب ايهاب ....قال كدا وفجاءه راسو اتقلب لي ثعبان وأول مانط عل وشها .....صرخت وقامت مخلوعه.....
ختت يدها في قلبها وقالت :دا شنو الحلم الغريب ...دا....قالت كدا وقشت وشها وقامت من السرير وهي بتقول في نفسها"حاجن من الاحلام الغريبه دي ،بس قال كدا وكانها اتذكرت حاجه وشها اتغير وابتسمت باالم وقالت:امي دايما كانت تحميني انوم بالزمن دا.......
قالت كدا وكملت:الله يرحمها .....
وبهناك ........الاوضه القريبه منها كانت قدير راقده في السرير وماسكه تلفونها....وابتسامتها لي.اضانها ....
جاتها رساله "شفتك امس بس ماقدرته اسلم ....بتعرفي كل مااشوفك بحس الدنيا ماواسعاني.......كل مره بشكر ربي اني انتي حبيتي وحياتي"
كانت بتقرا في الكلمات وحاسه بي دقات قلبها زادت....ختت التلفون في صدرها وقالت بدون ماتشعر:وانا كمان.............
بهناك في مكان تاني .............................
فتحت الباب ودخلت شايله في يدها فواكه.... اول ماشافها ابتسم ......
رددت لي الابتسامه وهي بتعاين لي ملامحو الاتغيرت ١٨٠ درجه .....قربت منو قالت :كيفك الليله قالت كدا وهي بتخت الحاجات في الطربيزه ......
مع انو كان كل جزء في جسمو واجعو بس رده ببتسامه:الحمدلله كويس....كيفكم انتو.....
ردت :الحمدلله كويسين......
دنقر وقال:لسه بكرهوني
قالت:ما تقول كدا يالقاسم.......مافي زول بكرهه ابوهو...قالت كدا وحاولت تغير الموضوع وقالت :الليله كانت اميره جايه معاي ...قالت كدا وكملت بصوت براحه حتي فهد ....
من سمعها رفع راسو وعيونو لمعت بي فرحه....
شالت برتكانه قشرتها ومدتتها ليهو وقالت:هسي اكل دي ...
كان كانو ما قاعده تتكلم معاهو قال ؛لي ماجوو
بلعت ريقها وقالت:حصلت ليهم ظروف ...بس بكرا ان شاءلله بكونو معاك....
مافي زول حيحس بسعادتوو لما سمع كلماتها....احساس حيشوف اولادو بعد السنين دي كلها.....شوق انو يضمهم ويسلم عليهم ويسمع كلمه ابوي منهم كانت زي الحلم ليهو...بس هسي كانو حلمو بقي حقيقه....
ابتسم وعيونو زي الدمعت قال:هسي كبرو مش ....فهد طال ......وبقي يتكلم بي فرح.......
كانت بتعاين ليهو وفرحانه وفي نفس الوقت حاسه ان كذبتها دي حتنكشف....بس فرحتها في اللحظه دي خلتها ماتفكر كثير......
ختت يدها فوق يدو وقالت:ايوه بقي كبير....وراجل طول وعرض....نسخه منك في كل شيء......
وقت قالت كدا قال:مافي كل شيء ....لاني انا مازول كويس....
ام فهد:لالا يالقاسم انت زول كويس....وولادك زيك ....انت الظروف الخلتك كدا....بس هسي كل شيء حيرجع احسن من اول ....
كان بعاين ليها وساكت ....مستغرب بعد كل شيء عملو فيها لسه بتعاملو كويس ...ورغم كل شيء وقفت معاها في مرضو....وسانداهو ودعماهو......
رفع يدو وقشي دموعو....
قالت ليهو مالك يالقاسم بتبكي
ردد كلمتين بس :دموع فرح ...دموع فرح......
وبهناك في بيت ناس فهد .........................
فهد كان نازل بالسلالم وهو بقول في نفسو"ماعارف للان هي بتحبني برضو.....حاسي بي نفسي في حلم وماعايز اصحي منو.......
وهو ماشي وشارد ضرب في اختو...
اميره:🙂💔عميت خلاص....
فهد فاق من شرودو وقال:ااي🙂
اميره:اللهم صبرني ...كدي زح لي مافاضيه ليك ....
فهد :لان مزاجي رايقه ماحاارد ليك ...قال كدا واتحرك كم خطوه كدا واتلفت عليها وقال :اميره...
اميره وقفت وقالت:اه في شنو تاني...
فهد:🙂💔مالك بتردي عل كدا .....كوني رلاكس بيبي
اميره في سرها"اللهم طولك ياروح"
اميره باابتسامه مصطنعه:اه يااخوي الحلو عايز شنو
فهد ضحك وقال:ايوه كدا.....وكمل كلامو وقال:امي وين
اميره بااختصار:امي مشت لي ابوي قالت كدا واتحركت طوالي مااستنت ردو...
فهد ملامحو اتقلبت في دقايق وضغط عل يدو وقال:مشت ليهو ليه....مالو مامات وريحنا......
كان الشيطان مسيطر عليهو في اللحظات دي وكان كل شيء بقولو مابعكس الحقيقه الفي نفسو......
بهناك في بيت ناس يارا ............................
كانو كلهم قاعدين يتغدو......وكان الجو صاني لحدي ماقالت يارا:حبوبه سونار مالو.....
الحبوبه :مالو .....
يارا:اتكلمته معاهو بعد جيت من الجامعه بس ماقاعد يرد لي مع انو صاحي....حاساهو مضايق ياحبوبه....مازي كل يوم......
الحبوبه:خليهو يابتي ماضايقيهو....اخوك ماقادر يتاقلم لسه....ماتضغطي عليهو.....
يارا:حبوبه انا بقول في شنو وانتي بتقولي في شنو....قالت كدا وكملت :الحمدلله وقامت من الصينيه
الحبوبه:يارا ماتاكلي مالك قمتي .....
يارا اتلفت وقالت:شبعته الحمدلله قالت كدا ومشت...
حبوبتها كان بتعاين ليها وبتقول :كلها أيام وان شاءلله بعدين تحكوها قصص......
قدير طول ما يارا قاعده ما تكلمت كانت بتاكل بس ولما مشت قالت في نفسها"حق اخوي لسه حاخدو منكم ....اصبري بس حااخليكم تفتشو للسعاده ماتلقوها"
قالت كدا وابتسمت وهي بتاكل .....
ماكنت حاسه بنظرات حبوبتها ليها ......كانت بتعاين ليها وهي بتشوف الحقد في عيونها ......اخدتت نفس وقالت في نفسها"نيتك يابتي ماسليمه....ماكنت دايره قعدت يارا هنا ....بس ما باليد حيله ....."
يتبع........................................