وجا اليوم المنتظر واخيرا ح نتحرر بعد القيود واخييرا ح نجدع طواقينا ف الجو واخيرا ح يسبق اسم كل واحد مننا ب المحامي / ة عدا آرام السيدة ح نتخرج واخيرا من الصباح شغالين تجهيزات انا وآرام ومآب وباقي الشلة تقريبا كان يوم متعب بس ع قدر م هو متعب ع قدر م هو احلى يوم في حياة كل انسان ثابر وكافح واجتهد ساهر الليل كلو عاين لي تعب اهلو فيهو وشاف كيف هم بعملو المستحيل عشانو دا اليوم ال ح يكون فخور بنفسو وح يرفع رأس اهلو 💕
الليل جا والتخريج كان ف الجامعة نفسها داقين صالة قاعدين في الكراسي والناس كانت كمية هايلة جدا عشان ح يتخرج مجالين ( إدارة + قانون) والترتيب بالحروف الجو كان ظابط شديد والبرنامج بدا شويتين بدو توزيع الشهادات😔💛
اول زول من شلتنا اتزاع وكان محظوظ هي السيدة آرام والصفافيرر بدت حسيت بيها زعلانة يمكن عشان اهلها م معاها بس لما وصلت نص الصالة منها والمنصة البقيفو فيها اهل الخريج شافت امها واختها واقفين ليها قعدت في الأرض وبتبكي🥺💛
وضاح مشى عليها ورفعها وقعد ع رجولو طلع خاتم ف اللحظة دي الصالة كلها سكتت عاينت لي امها الغمضت عيونها دلالة على المواقفة هزت رأسها بمعني اي ابتسم ولبسها الخاتم والصفافير بدت وهو قدمها للمنصة لي امها ورجع لينا طوالي اشتغلت اغنية 🎶🎶
يمة الليلة يوم فرحي يا يمة.... يمة الليلة يوم فرحي 💕
جناك الانتي بتريدي فرحتي مرادك اتماا ي يمة ...💕
بعد استلمت الشهادة رجعت قعدت معانا بعد مسافة اتزاعت تسنيم زفتها كانت ظابطة🌸
وبعدها بمسافة اتزعت انا اتزفيت بي اغنية Magic In the Air وطبعا الشلة كلها بوراي م قصرت😹💛 وصلوني للمنصة ورجعوا
بعدها استلموني حسام وابوي وامي اشتغلت اغنية منتصر هلالية 🎶🎶
الفرحة فرحتنا خلونا نتخرج التاريخ بسجل الناس بتتفرج 🎶💛
يا امي الحبيبة...يا ملكة ي طيبة ... انا اهديتك نجاحي... يا الكاسياني هيبة...عشان تتعدل دنياي دايرك لي قريبة 💛🎶
انا يا يابا يا يابا... الدنيا يدابا..قالت لي ادخل .. فتحت لي بابا .. لو م انت فيها كان سفيت ترابا💛🎶
استلمت الشهادة ورجعت قعدت معاهم
بعدي طوالي اتزف خطاب المجنون اتزف بي زنق 😹 رقص رقيص ونحن بنحمس فيو زيادة وصلناو لحدي المنصة لي اهلو ورجعنا
شوية وزعو لينا موية لانو صراحة ريقنا نشف من الزغاريد بعدها واصلو لحدي م جا دور مآب طبعا حسام قطعها لينا ف راسنا وم مشينا معاها لانو استلمها بأغنية تمبا قولي ليه 🎶🎶
ي قلبي انا💕 تعالي جمبي هنا🎶 حسسني اننا ف الجنة 💃 ترا غالية عليا 💕 اش دي حلاووهه...شقاوهه... حلاوههه 🎶💃
مستعد اني اوقف قدام الناس كلهم ولا علي💕 مستعد اني ابيع الدنيا كلها وتكوني لي🎶 انتي حلالي...ام عيالي💛 حلالييي🎶 ام عيالي 💕
وصلها لحدي المنصة وهناك كانو امها وأبوها ومهاب منتظرنها استلموها لحدي م استلمت الشهادة وجات قعدت معانا
وجا دور وضاح اتزف بأغنية🎶🎶 Andiamo وصلناو لحدي المنصة ورجعنا المفاجأة الكانت بالنسبة لينا كلنا انو اختو واقفة منتظراو مع امو م قدر يتماسك وبكى وكلنا بكينا معاو اشتغلت اغنية احمد امين 🎶🎶
امي يا نبع الحنان ومحنة م بتعرف حدود 🎶
ي جنة من اغلى الجنان كتوف عيالك ليك عود 💛
تقريبا الصالة كلها بكت معاهووو لانو الموقف مؤثر بالجد بعد استلم الشهادة رجع قعد معانا ولسة دموعو م نشفت بس خففنا عليو شوية وواصلنا التخريج والوقت داك فترنا خلاص وباقي من الشلة يزن بس والساعة قربت لي أتنين صباحا بس لما جا دورو الصالة كلها هاجت لانو رقص جنس رقيص شي راب وم بعرف كلنا رقصنا معااو وصلناو ورجعنا كان بعدو نفرين بس اتزفو وكلنا مشينا المنصة واشتغلت اغنية احمد الجقر 🎶🎶
الليلة ليلتنا الفرحة لمتنا زغرودة ي اهلنا حققنا منيتنا🎶💛
لمة الأمة...ابشري ي يمة🎶💛 حبوبة والعمة ..قولي لي مبروك مرادي اتمة 😔💛💛
( ربنا م يحرم انسان من اللحظة دي💕)
بشرنا بالطواقي وبكينا وانبسطتنا تقريبا كان احلى يوم بالنسبة لينا كلنا لانو كل الناس البنحبهم حوالينا بعدها الناس بدت تخف شوية شوية بقينا قاعدين انا ووضاح وآرام ومآب برا الصالة في كراسي جات خالتو فتحية واروى سلمو علينا
- مبروك التخرج ي اولادي
* الله يبارك فيك وعقبال اروى كمان
- ان شاء الله ي رب يلا بعدا ي آرام نمشي عشان ننوم حنسافر بكرة طوالي
* ماف طريقة ي خالتو تقعدوا يومين تلاتة كدا
- لالا والله ماف اي طريقة وبعدين خلاص شغلها جاهز هناك ح تنزل ع طول
* م قادرة اتخيل السودان بدون آرام 😔
- دا حال الدنيا ي بتي مصير الناس تشوف اشغالها تاني ماف اي طريقة للعطالة الزمان وح تتواصلو بالتلفون
* طيب ي خالتو ربنا يكتب سلامتكم
بعدها فاتو طبعا آرام ووضاح م اتكلمو ولا حرف والعجب بعد فاتت بقينا نتكلم انا ومآب برانا وهو ساكت لمن لاحظت ليو لكزتو
- ف شنو ي وضاح م قادر تعبر عن سفر آرام صح كلنا صعبة علينا بس انت اصعب عليك
* المشكلة م هنا بس ف حاجة م قادر اوريكم ليها وآرام الوحيدة العارفاها
انا ومآب ف وقت واحد - اللي هي؟!
* انا برضو ح اسافر او بالاحرى حنسافر انا وامي وكفاح تاني م حنقدر نقعد هنا ولا ثانية واوراقنا جهزت بمساعدة من مهاب وغالبا بعد يومين بالكتير ح نكون ف عالم تاني 😔💛
- كيف؟! انتو م جادين يعني نحن ح نتفرزع كدا ؟
^ والله ي حنين هي صاح صعبة بس انا شايفة انو وضاح كلامو صاح والقعاد هنا بالنسبة ليهم صعب دا غير لازم يكون نفسو ويشيل اسرتو عشان يقدر يخطو خطوة ناحية آرام
- صاح كلامكم😔 بس اوعدني انك م حتنقطع مننا
* انتي هبلة اكيد م ح انقطع منكم وكل يوم ح نتكلم كلنا نهاية اليوم
^- ان شاء الله
جا حسام ساق مآب ودعونا وفاتو بعدها جات كفاح لقتني مع وضاح براي قالت لي حنين ممكن اتكلم معاك وضاح عاين لينا وقال استأذن منكم م تتأخري ي كفاح عشان نمشي البيت بعدا قالت ليو طيب بعدها فات وهي قعدت مكانو
- كيفك ي حنين عارفاك مستغربة فيني وكيف انا وانتي حاليا بنتكلم وقاعدين مع بعض بس الشي الجيت اقولو ليك كلمتين م تخسري مهاب 😔💛
عاينت ليها بنظرة استغراب بس هي واصلت
- مهاب انسان رائع وقدر م اوصفو م بدي حقو وقف معاي من عمري سبعة سنة وقتها كان عمرو عشرة
(حكت ليها القصة)
انا م قدرت احافظ على حبو الاداني ليو ونفس الحب دا انا اديتو لي غيرو مرت السنة والاتنين ويوسف اتغير علي شديد وابوي اتوفى م لقيتو جمبي ودا كان سبب مرضي اتمنيت الاقي مهاب واعتذر منو💔
اتمنيت اقول ليو انت صاح وانا غلط 💔
اتمنيت اقول ليو انا طلعت خسرانة ف النهاية الزول الخنتك معاو عمل فيني نفس الشي💔
اتمنيت حجات كتيرة بس م لقيتو💔
بعد صعوبة لميت في اختو مآرب وعرفت منها انو سافر بقيت متواصلة معاها وحكت لي عنك لانو مهاب معتبرها بير اسرارو بس انا ف الوقت دا الحقد ملا قلبي تجاهك وبقيت اعتبرك عدوة لي وهي زاتها بقت فاكرة انك ناوية تستغليو عشان كدا بقينا متفقين عليك بعدها جا عرس مآب وأخوك بالصدفة عرفت انو وضاح جاي العرس لانو العروس صحبتو و مآرب عزمتني وجيت معاو وياهو لمن كنا بنعاين ليك كانت بتوريك لي ولمن طلعنا شفت مهاب قاعد معاك بعد جوزيف قام من جمبك وحقدي زاد وهو م شافني الا لمن خلاص منها وطالعين والنظرات الكانت بيناتنا كفيلة انها تخليك تفهمي كل حاجة💔
بعدها قدرت اوصل ليو وهو كان بصدني دايما ف يوم مشيت حكيت لي صداح وعملنا لعبة تافهة شديد بسببها مهاب خطبني بس م لقيت منو شي ابدا وكان واضح معاي من الاول قلت اعترف ليو يمكن يسامحني بس وين ؟ زدت الطين بلة وقال لي اخوك بستغل فيك وكلامو كان حار خلاني افكر كم يوم ف النهاية م قدرت استحمل ورجعت لي صداح قلت ليو ح اوري مهاب الحقيقة بس يداب ظهر ع حقيقتو ضربني وحبسني ف الغرفة صرخت واترجيتو يفتح الباب عمل كدا مع انو عارفني اكتر واحد اني بخاف من الوحدة💔
عمل كدا وعارف نفسياتي تعبانة قدر شنو😔
خلاص من الصراخ فقدت كل شي حتى عقلي وبعدها شفتوني بالحالة ديك وكان ف احساس جوا بقول لي انك الخطر الوحيد ف حياتي ولازم اقتل نفسي واقتلك ودا الحاولت اعملو كم مرة بس ربنا انقذني بعد محاولات من مهاب قدر يوديني المصح النفسي وهناك اتوفرت لي كل مطالبي وبقيت بفرح بوجود مهاب جمبي ودا السبب البخليني اسمع كلامهم ف كل شي بعدها بديت اتعافى شوية شوية ولاحظت ف عيون مهاب انو الشي العملو لي كلو مجرد شفقة ولا ندم حاجة بالشكل دا بعد اتعالجت يوم سألتو منك اتفاجأ من سؤالي بس اقنعتو بطريقتي يحكي لي عنك وفعلا دا الحصل عيونو كانت بتلمع وهو بحكي لي عنك نفس اللمعة الكنت بشوفها زمان بس المرة دي م حقتي م عارفة حسيت براحة كبيرة لما شفتو مبسوط بقيت كل يوم بسالو عنك وهو بحكي لي بلهفة لحدي م بقى لي عادي واقتنعت انو مهاب بحبك اكتر من نفسو وحسيت اني بحبو بس م زي زمان بقيت بحبو زي وضاح اخوي قبيل كان اخر لي يوم ف المصح وقبل م نطلع قلت ليو يعترف ليك بحبو قال لي عارف جوابها بس بحاول واسي انا جيت عشان اقول ليك سامحيني لو عملت ليك شي لاني مسافرة وم معروف البحصل شنو وعليك الله لو اتقدم ليك وافقي عشان انا معاو يداب عرفت قيمة انك تخلي انسان مبسوط ويداب حسيت براحة ورغبة ف اني اكمل حياتي بعد سمعت منو كلمة عافي ليك دنيا وآخرة و ح اقولها ليك للمرة الثانية م تخسري مهاب 😔💛
بعدها فاتت ولا انتظرتني اجاوبها حسيت براحة كبيرة بعد كلامها دا جاني احساس قال لي وافقي ووريو الحقيقة بس تاني اتراجعت وقررت انو بالاول لازم اعمل الخطوتين البسببهم اخترت درب المحاماة وهي نفسي وابوي لازم اجيب حقهم بعدها رجعنا البيت انا وامي وابوي دخلت الغرفة بقيت بعاين ليها لاحظت للدفتر الاسود الكتبت عليو بعض من لحظات حياتي فتحتو ومسكت القلم وبديت الكتابة
- حاليا انا في الغرفة الجيت ليها قبل تمانية سنوات دخلت هنا وانا الطفلة المغتصبة اللي عمرها ١٢ سنة وحاليا انا فيها الانثى الكملت حياتها وم وقفت لحدي م بقت عمرها عشرين سنة ايوا انا حاليا عمري عشرين سنة واتخرجت وكان تخرج حلو بمعنى الكلمة...( دونت التفاصيل ) بعدها طفيت النور ورقدت نمت لاني هلكانة
عدا شهر آرام واهلها سافرو وحتى وضاح سافر مع اهلو يزن وخطاب نزلو الخدمة الوطنية اما انا ومآب حننزل بعد يومين لانو الليلة عرس مآثر وعمار 💛
في الصالة......
كنت في الطاولة لابسة فستان ازرق فاتح طويل ومحجبة الطرحة نفس اللون بس ع اغمق شوية وكعب عالي نفس درجة الطرحة وم غيرت الميكب البسيط عبارة عن كحل وروج....
جمبي مآب اللابسة توب حرير اصفر سادة ومطقماهو بالرمادي....
ومعانا امي وخالتو هدى و مآرب وجمان منتبهين كلنا مع الحفلة الكانت هادئة والجو حلو شديد والطاولة الجمبنا كان فيها مهاب وحسام وابوي وعم عبد الرحمن ويسري وشمس شوية كدا الأضواء طفت وبقت باللون البمبي والازرق والموسيقى علت وجات داخلة مآثر متأنقة بالزفاف الابيض البسيط وجمها عمار الطالع وسيم بزيادة ببدلتو السوداء اتزفو بأغنية 🎶🎶
عريسنا سار قطع الرحط..عديلة هووي هلّ ف الساحة وعرض عديلة هووي هل ف الساحة وعرض🎶💕
غنو ليك ي ود ابوي حننوك انت واخوك بخروك م يسحروك والعقبة للناس البجوك🎶💕
الف مبروك ي حشاي عافي ليك انا ي جناي ي وليدي ويا ضناي بشيلك انا والمعاي🎶💕
بعد الزفة انتهت رقصو سلو بأغنية كارمن سليمان 🎶🎶
ربنا يخليك لقلبي تبقى طول العمر جمبي كل م اسمع حاجة عنك بعرف اني اخترت صح 💛
كان لقانا احلى صدفة يلي جمبك ببقى عارفة انك انت جيت حياتي تملأ كل سنيني فرح💛
( الله لينا بس🌚💔)
الحفلة كانت رهيبة عجيبة بعدها الجرتق كان ارهب بعدها الناس بدت تخف شوية شوية لحدي م بقينا بس الاهل كنا انا ومآب قاعدين مع بعض بنتونس ف جو الاشجار الرهييب الساعة أتنين صباحا قالت لي ماشة الحمام وفاتت شوية حسيت بزول ف راسي ومن الريحة عرفتو منو قعد جمبي وانا قبلت بالجهة التانية
- م تسلمي علي يعني
* ف شنو ي مهاب لينا مية سنة ف وش بعض م حصل سلمت علي اسي الجد شنو يعني ؟!
- ماف شي جديد كل حاجة زي م كانت وللان انا بحبك وعشمان فيك 😔💛
* شكلك ح تموت وهم 💔
- مش كفاية مكابرة شيبت عديل وانا منتظرك يرضيك تخلي راجل عمرو ٢٧ سنة يحنس ليو شافعة م تمت العشرين كل السنين دي ؟!
* أولا انا م شافعة وتاني حاجة هي كلها تلاتة سنة ف م تكبر المواضيع...
ابتسم ابتسامة خفيفة ورد لي
- يعني حاسبة ؟! طيب رايك شنو نعقد صفقة فيها حجاتك المطلوبة عشان توافقي ولو انا م قدرت اعملها عادي بنسحب ؟
* انت فاهمني غلط ي مهاب المشكلة م في اني اوافق المشكلة غير كدا...!
- طيب وريني ليها ممكن نحلها مع بعض؟!
* م عندها حل وبعدين دا م وقتها المناسب...
- يعني ح يجي الوقت المناسب ف يوم ؟! طيب انا مستعد انتظرو 🙂💛
* انت بتضيع ف عمرك ساي انا شايفة انو تشوف حياتك أحسن ليك ...
- يعني اعتبر العقد انو انتظر الوقت المناسب لحدي م توريني المشكلة ونحلها مع بعض؟! اوك موافق 🙃
* بتسفهني ولا بتكابر؟!
- بحبك بس
* 😒 طيب معناها ح تنتظر كتير يلا انا ماشة
قمت على حيلي وشفت من بعيد حسام شايل مآب وركبها عربيو وركب قلت ليو..
* مهاب مش كانو مآب حصلت ليها حاجة آرح نلحقهم
- طيب يلا العربية برا
ركبنا ومشينا وراهم لحدي م وصلنا المستشفى مآب كانت ف النقالة ودخلوها الغرفة حسام كان متوتر شديد مشينا عليو ...
- حسام ف شنو ؟!
* م عارف ي حنين بس كانت ماشة الحمام بعد جات شكلها داخت ووقعت ..
- اكلت معاك حاجة قبل م تجو الصالة سوا ؟!
* لا لي ؟!
- لانو م اكلت معانا شي ف البيت وقالت ح تاكل معاك قبل الحفلة ولمن شفتها م اكلت شي ف الصالة قلت معناها اكلت معاك و ....
قبل اتم كلامي الدكتورة طلعت وقالت لينا معقولة الاهمال دا ف مدام حامل بتجوع نفسها كدا اسي هبطت شديد الحمد لله قدرنا نلحقها بس اعملو حسابكم تاني
حسام عاين للدكتورة بإستغراب قال ليها حامل؟!
^ اي حامل ف الشهر التالت شكلكم م عارفين؟! ع العموم مبروك عليكم وخلو بالكم منها
حسام اتلفت علي قال لي سمعتيها قالت حامل يعني ح ابقى اب وضماني عليو شديد قلت ليو اي سمعتها وانا ح ابقى عمة يسلامممم مهاب قال ليو مبروك عليكم دخلنا ليها جوا حسام م كان مصدق لدرجة ضماها قدامنا من الفرحة 😹💛 فرحنا كلنا شديد بعدها من دربنا داك رجع البيت طوالي ونحن رجعنا الصالة كلمناهم والزغاريد ملت المكان وبعدها اي زول اتوجه ع بيتو💤
بعد سنة ..
ف مكان تاني كانت قاعدة جمب بتها الحاولت تنتحر بسبب واحد تافه حاول يعتدي وحولينها اجهزة بتتكلم وبتبكي 💔
- لي يا بتي عملتي في نفسك كدا انا حذرتك كم مرة قلت ليك خلي بالك من نفسك ومن دراستك وابعدي من أصحاب السؤ وريتك انو صحبتك دي م برتاح ليها بس دايما بتعاندي شوفي بسببها وصلتي وين اسي م ح يرحموك قتلتي ولدهم ح ينتظروك تصحي ويسوقوك السجن انا اقبل وين تاني م عندي غيرك وم عندي قروش عشان اشوف ليك محامي واكيد ماف محامي ح يمسك قضيتك لأنك قاتلة طيب اعمل شنو؟!
جاها صوتو من وراها ....
* انا معاك ي عمة وم ح اخليك براك لحدي م تجيبي حق بتك من الوحوش ديل دا رقم محامية شاطرة وبتساعد الناس المحتاجة ولو رفضو بتقسط ليهم المبلغ مع انها صغيرة ويداب خلصت الخدمة واستغلت في شغلها الخاص بس للان م حصل مسكت قضية الا وربحتها وان شاء الله ح تساعدنا اخدت معاها موعد بعد الظهر ارح نمشي ليها
- الله يجعل فيك البركة يا عمر يا ولدي انت الوحيد الفضلت لي وساندني ف الوقت الصح الله يجعلو ف ميزان حسناتك ان شاء الله
* ان شاء الله يا رب بس كتري من الدعوات يلا نفطر ونمشي نقابلها
- طيب
في مكتب فخم و أنيق جدران مطلية بالأسود والأبيض المخطط وكل الأثاث بالأبيض كنت فاتحة اللابتوب بتكلم مع آرام ووضاح الكان عقدهم قبل أسبوع وح ينزلو يتمو العرس ف السودان بعد يعطلوا ليهم قفلت منهم وقمت شربت من الكولر ورجعت قعدت في الكرسي جاني اتصال من السكرتيرة ....
- أستاذة حنين الدوام بتاعك بدا من جديد وحاليا منتظرنك برا
* اوك دخليهم
قفلت منها وعدلت الكرفت الباب ضرب قلت اتفضل والصدمة كانت.....
قد تكونُ أنتَ الإجابة الّتي اختارها الله
لِدُعاءٍ عزيزٍ عليه!♥️
ابقو عافية 🖤