يخخ والله تعبت من المشي يا ماب م ممكن معاككك شيلة هي ولا شنو ليك شهر كامل جارانا السوق آرام قالت ليها وع فكرة انا اجلت سفرتي عشان عرسك دا راعي للحتة دي قالت هانت يحبيباتي اهو خلاص اخر يوم كملنا الشيلة عندكم كم مآب انتو قلت ليها اووف يلا خلينا نرجع البيت تعبت قالت لينا داك مهاب واقف يلا قلت ليها يعني ضروري الا مهاب هدي العربات راقدة😒 جا علينا قال لينا اشتريتو السوق كلو آرام قالت ليو م دا كلو من اختك دي شال الاكياس وركبها العربية وبعدها ركبنا انا وآرام ورا ومآب قدام وصلنا بيتهم وع طول دخلنا غرفتها ارتحنا شوية وبقت تقيس في الهدوم وكدا ونحن برضو م قصرنا آرام قالت ليها يعني خلاص مآب ح تعرسي وتخلينا ناسية انك يا بيبي عندك سنتين جامعة لسة ناسية ولا مو ناسية قالت ليها اعمل شنو اذا حسام مستعجل على العرس م عارفة لشنو اسي لو كان خلاني اتخرجت مش كان احسن لكن هو كججج خلاص قلت ليها هيييي دا اخوي على فكرة قالت لي انتي زاتك كججج زيوو قلت ليها شووكرن يا جزمة صحي لي اسي ناس خالتو وامي في السوق قالت لي اي من المغرب فاتو م معروف دي ريحة ولا حاجة تانية لكن مهاب مشى يجيبهم آرام قالت ليها مهاب بقى شوفيير😹 صحي يا حنين موضوع الفساتين حقاتنا شنو لسة م جهزت العرس باقي ليو اسبوع مآب قالت ليها عشرة يوم يا سمحة قالت ليها يوم الليلة دا انتهى عاني الساعة ماشة لي واحدة بكرة الجمعة والعرس الجمعة الجاية تاني ف كلام مآب قالت ليها كأنو انتي الح تعرسي قالت ليها مووش كدا كدي عاني الشبشب دا قدرك ولا شلناهو ساي قالت ليها قدري يخخ كيف اشيلو ساي هاك يا حنين البسي التوب دا بي شبشبو عشان اشوفو متناسق قلت ليها متعباني لشنو شلتو منها ولبستو قالت لي وااي رهييب فيك جرس الباب ضرب قالت لي بكونو ناس امي افتحي ليهم قلت ليها م جادة افتح بي توبي دا تاني الجرس ضرب قالت لي ح ينتظروك مثلا 😒 قلت اوووف جدعت الشبشب ومشيت فتحت الباب خالتو هدى قالت لي مالكم اتاخرتو واقفين لينا ساعة قلت ليها كنا مشغولين مع الترتيب مدت لي كيس قالت لي امسكي شلتو منها قالت لي خلي الباب فاتح مهاب جاي دخلنا الهول شوية مهاب جا داخل عاين لي مسافة ابتسم وقعد في الكنبة قلت ليها خالتو امي وين قالت لي نزلناها ف البيت قلت ليها كيف تمشي تخليني اتفقنا نمشي بكرة سوا قالت لي ابوك قال ليها تجي ف شوية تجهيزات انتي عارفة بيتكم جايط كيف قلت ليها م مشكلة بكرة بلحقها كملتو الريحة كلها قالت لي اي الحمد لله عقبالك ان شاء الله قلت ليها هييي ديل مستعجلين انا مالي بيهم لسة قدامي سنتين جامعة وعندي شي لازم انجزو عندي كم دولة لازم اسافرها وازور ولايات السودان ولاية ولاية حتى افكر في العرس ضحكت قالت لي لو سيد النصيب جا ح ينتظرك قلت ليها مش دايرني خليو ينتظر 💅 ضحكت قالت لي غايتو بنات الزمن ديل نحن الواحدة زمان ولا بتشوف الراجل الا بعد العقد وحتى رأيها م مهم الكلمة حقت رجال قلت ليها لا انتو زمنكم قاسي شديد يعني الواحدة تعرس وعمرها ١٤ سنة وتكبر مع بتها سوا دا اغتصاب عديل ..مع كلمة اغتصاب دي جسمي كشش وسكت لقيت مهاب بعاين لي ومبتسم وممحن يدينو..قلت احم احم يلا انا ح ارجع للبنات ديل عشان ورانا شغل قالت لي اقيفي التوب دا جبتو الليلة حلو شديد فيك قلت ليها شكرا ومشيت كوينا التياب وهدوم البيت ورتبناها في شنطة والشباشب والمطابق رتبناها في شنطة هلكنا وتعبنا خلصنا مع أذان الفجر صلينا ورقدنا كدا مآثر جات داخلة قلنا ليها وين يا السمحة بدري قالت لينا اسكتو ساي عملية طويلة شديد دايرة انوم بس دخلت الحمام غيرت هدومها وجات رقدت
