امي لمن شافتني في الحالة دي تلاتة يوم جاتني في الأوضة وبقت تهررج يعني انتي لمتين ح تقعدي كدا وريني لمتين يعني عشان شاكلناك دايرة نخليك تمشي في درب الغلط يلا قومي عشان م أكسرك قمت دخلت استحميت واكلت غصبا عني اصلا م عندي نفس رجعت الغرفة لقيت سجى بتتكلم بالتلفون اي م تتفاجأو سجي عندها تلفون بالدس جابو ليها حبيبها م اشتغلت بيها كتير رقدت امي تاني جات قالت لي راقدة ليها شنو قومي امشي الترعة غسلي الهدوم دي ولا رديت ليها لفحت لي عباية وشلت بجة الهدوم وطلعت خليت سجى بتتكلم بالتلفون وانا في الطريق كلو ببكي غشيت منى سلمت عليها وحكيت ليها قالت الا تمشي تغسل معاي قلت ليها لالا خليني بمشي براي طلعت مشيت ...
من جانب ناس بيتنا سجى بتتكلم مع حبيبها قال ليها اها انا طالع من البيت ح انتظرك في الجناين لاني مشتاقك قالو ليو لالا م بقدر اطلع من البيت قال ليها يعني ازعل منك خلاص راحتك قالت ليو خلاص ح اجيك بس م بتاخر معاك قال ليها طيب بنتظرك قامت دخلت الحمام وخلت التلفون في السرير لانها كانت ضامنة ومتأكدة ماف زول ح يدخل في الغرفة وحتى امي ح تضاري ليها بس سبحان الله دخلت الحمام كدا عمر جا داخل سال امي بتك وين قالت ليو ياتو واحدة فيهم قال ليها الاتنين قالت ليو واحدة مشت الترعة والتانية في الغرفة مشى الغرفة وشاف التلفون في السرير رفعو كدا بس جات رسالة فيها انا ح انتظرك في الترعة لمن تصلي اتصلي علي عمررر دا عيونو حمرت من الغضب جا لي امي قال ليها دا حق منو امي قالت ليو بري م عارفة قال ليها طيب الفاتت الترعة منو قالت ليو سمر قال ليها يعني م تابت يلا انا الليلة ح اقتلها ليك لو لقيتها مع الفي بالي وطلع منها.......
من جانبي انا وصلت الترعة وبديت الغسيل والشمس قربت تغيب يعني الوقت عصريااات شديييد وانا بغسل حسيت بزول واقف في راسي رفعتو وشفت حبيب سجى طوالي قمت حيلي قلت ليو انت منو وداير شنو قال لي انتي قلت ليو احترم نفسك وامشي من هنا انا لسة م فضحتك مع ود عمي الا يقتلك قال لي والخايف منو انا ماف زول بخوفني سامعة تعالي هنا مسكني من يدي بقيت بقاوي فيو وهو جاريني وطبعا نسبة لي انو حجمو أكبر مني م قدرت عليو وجراني لغاية الجناين وانا بكوركك قلت ليو داير مني شنو انت قال لي انتي اصلا عجبتيني من يوم شفتك داك وحلفت الا اجيب اخرك واسي م صدقت لمن اختك قالت لي مشيتي الترعة قلت الحقك وفعلا لقيتك قلت ليو عليك الله خليني امشي امي بتقتلني لو عرفتني معاك وبقيت ببكي ليو أمكن قلبو يحن بس وين دا زي الما معاهوو اي نعم الواطي اغتصبني..💔 ودمرني وقتل لي ثقتي في نفسي وفي كل شي في اللحظة ديك اتمنيت الموت ... قال لي كدا ممكن تمشي واخيرا اخدت العايزو منك وعقبال اختك التانية وقام مني بلبس في بنطلونو بس عمر جا وضربو الولد رجع لي عمر الضربة وقال ليو بدل م تضربني اضرب بت عمك وعلمها الاحترام علمها م تلف في الشوارع مع اولاد الناس وفات خلاو عمر دا بقى بعاين لي عشرة عشرة وشاتني ليك بكل قوتو قال لي عجبك ؟! وريني خلاص عجبك لمن غلطتي معاهو؟! عجبك الكلام القالو لي بت عمك لافة وم محترمة ؟! وهو مع كل كلمة بضربني وانا من البكى م قادرة اتكلم جراني من يدي وانا اصلا مشي م قادرة امشي بس بالغصب مشيت طلعنا من الجناين كدا لاقينا منى في وشنا قالت ليو مالها سمر وانت مالك ماسكها كدا قال ليها زحي لي من وشي الليلة ح اقتلها بس م نصل البيت قالت ليو اقيف فهمني البت مالها قال ليها تزحي ولا اديك كف قالت ليو تدي منو انت واحد قليل ادب وم نافع هو انت متين كبرت وريني ومتين خليت عمايلك وجاي تقبل على بت الناس زح لي كدا ولا كدا ومسكتني من يدي قال ليها احسن تختيني وتمشي بيتك عشان م تحصل مشاكل قالت ليو ماشة بيتي بس مع سمر والمشاكل لو انت دايرها الحقني كدي وساقتني معاها انا في الشارع ببكي ساي والوقت داك المغرب أذن وصلنا بيتها وقالت لي اهدي واحكي لي الحصل عشان اقدر اساعدك قلت ليها تتذكري الضرب الضربوني ليو امي وعمر قالت لي البسبب سجى والولد داك قلت ليها بس الولد هو السبب لمن مشيت اغسل و........حكيت ليها بقت تبكي معاي قالت لي انتي عارفة والله حسيت انو حاصلة ليك حاجة عشان كدا لحقتك وقبل م الموضوع يكبر وامك واعمامك يجونا هنا احسن تطلعي من الحلة دي قلت ليها خلي البحصل يحصل انا اصلا تعبت وكرهت نفسي وبعدين ح اجيب ليك مشاكل قالت لي انتي عويرة دايرة تنهي مستقبلك بيدك وبعد شوية الحلة كلها ح تتقلب فوق تحت عشان كدا اطلعي سريع قلت ليها بس انا م غلطت ف حاجة وبعدين هو وينو المستقبل بعد الشي الحصل فيني دا تاني م اظن عندي مستقبل قالت لي سمر الله يهديك ارح تتزكري سهى وابوك كانوا بقولوا ليك شنو و.....بعد رغي وكلام كتييير اقنعتني بكلامها قلت ليها طيب بس م عندي حاجة قالت لي و لا يهمك ادتني كيس صغير وورقة قالت لي الكيس دا فيو عباية وجلبابين مشي بيهم حالك والورقة دي فيها رقمي دقي لي فيو من اي رقم وهاك دي قروش اتصرفي بيها والله كريم اسي اركبي اقرب حافلة وبعد تصلي اضربي لي في الرقم دا ووريني لحدي م نلقى حل للموضوع دا ربنا كريم وبعد يجي عثمان بوريو أمكن يساعد وخلي بالك من نفسك واعملي القلتو ليك حضنتها وبكيييينا وفعلا طلعت من بيتها بسرعة وصلت موقف الحلة لقيت حافلة واحدة واقفة قلت ليو دي ماشة وين قال لي انتي الماشة وين الحافلة دي ماشة مدني قلت ليو انا ماشة مدني قال لي اركبي ركبت سريع وكنت مغطية وشي ولابسة عباية سودا نفس العباية القبيل شويتين الحافلة اتملت واتحركنا وطبعا انا خايفة لاني ماشة حتة م عارفة عنها حاجة ولا عارفة البحصل لي هناك شنو الوقت كان العشاء والدنيا ظلام وهمي في منى ح تقول شنو وح يعملو ليها شنو شوية ابكي وشوية اسرح وكل ما اتذكر الحصل فيني ببكي زيادة يعني انا ذنبي شنو في الدنيا دي القاها من امي الماعارفها لي بتكرهني ولا في ابوي واختي اللي كانو اكتر من سند ولا من الحصل معاي القاها من القريب ولا الغريب ...💔 فضلنا ماشين ساعة ونص وانا ما قادرة اوقف تفكير شوية كدا الحافلة وقفت والناس بدت تنزل وانا بتلفت ساي السواق قال لي يا بتي م نازلة ولا شنو قلت ليو نازلة قال لي براك انتي قلت ليو جاييني اخوي بس شكلو أتأخر ح انتظرو تحت بس يا عمو وين نحن قال لي في السوق الشعبي انزلي واعملي حساب نفسك الدنيا ليك وانتي لسة شافعة والله اهلك ديل غلطانين يخلوك براك في سن زي دا ربنا يغطيك يا بتي ابتسمت ليو ونزلت حاضنة الكيس علي واتلفت ساي عاد خايفة خوف شايفة ليك حافلات كبار واقفات الوان واشكال والناس قاعدين كيمان كيمان بيشربو في الشاي والجبنة والونسة قلت في سري اسي دا ليل وفي حلتنا داك ليل والله زي الوقت دا م تسمع شي غير نببح الكلاب طبعا انا واقفة وبقول في الكلام دا قطع تفكيري صوت مرة قالت لي يا بت مالك واقفة ليك فترة رايحة ولا منتظرة زول قلت ليها منتظرة زول قالت لي خلاص تعالي اقعدي متقيفي كدا الدنيا ليل قلت ليها لالا خليني كدا قالت لي يا بتي متخافي مني انا زي امك شغالة هنا ببيع شاي ودا مكاني اقعدي اشربي ليك كباية لمن شفتها اصرت علي مشيت ادتني كباية شاي بس مقدرت اكملها لاني جعانة شديد م اكلت من الصباح حاجة قالت لي شكلك جعانة م اتغديتي قلت ليها فعلا قامت مشت وقفت ليها في حتة كدا قريب عشرة دقايق وجات جابت لي حشوتين وكباية عصير ليمون شلتهم منها واكلتهم كلهم لاني فعلا جعانة بقت تتكلم معاي قالت لي انا يا بتي عندي بتين الكبيرة قدرك والصغيرة في تانية أساس ابونا متوفي واهل امي كعبين عشان كدا انا شغالة وقلت لأزم اوفر لي بناتي احتياجاتهم وحاليا جاتنا فرصة بتاعة تقديم لوتري وقدمنا من قبل كم شهر بس منتظرين النتيجة قلت ليها والله يا خالتو ...قالت لي فتحية قلت ليها والله يا خالتو فتحية الأب هو سند البيت ومن بعدو كل شي ببقى مسيخ البركة في بناتك ربنا يخليهم ليك قالت لي اامين يا رب فضلنا نتونس بس م حكيت ليها قصتي في عز الونسة قالت لي صحي اخوك دا مالو خلاك كدي براك عااد بالغ والله بت قدرك كدا يخليها براها وفي وقت زي دا اتصلي عليو يمكن نساك قلت ليها بس م عندي تلفون قالت لي لو حافظة رقمو هاك تلفوني اتذكرت انو عندي رقم منى قلت اطمنها شلت التلفون ودخلت الرقم ودقيت دخل الجرس الاول والتاني طوالي الخط فتح ....
*ما دام الله معك لا يهمك شخصًا آذاك، ما دام الله يحفظك لا تحزن على أحد أهملك، وما دام الله يريد لك شيئًا فلن يقف في وجهك شيء أبدًا🖤*
ابقو عافية 🖤
