قال لي معاك مهاب سكت ساي قال لي عارفك م طايقاني ولا انا طايق اتكلم معاك بس ممكن تزحي الخلاف دا ع جنب وتسمعي الح اقولو ليك
قلت ليو كويس انك عارف هاا عندك دقيقة واحدة قول قال لي عارفك انك م ح تسمعي كلامي بس داير منك الايامات دي ما تطلعي من البيت لأي سبب بالغلط ساي م تطلعي
قلت ليو دا الفضل انك تحدد لي اطلع ولا لا قال لي دا م وقت عنادك صدقيني لي مصلحتك م تطلعي من البيت قلت ليو شكرا ليك الدقيقة انتهت ولو سمحت تاني م تتصل وقفلت الخط
حسيت من نبرة صوتو انو ف حاجة حاصلة طيب لي منعني من الطلعة ؟ مكالمتو وترتني وفرحتني في نفس الوقت يعني احساس تلقى زول خايف عليك وفي نفس الوقت م عارف السبب شنو م كان عندي طلعة ولا اي شي بس حبيت استفزو وقررت بكرة اطلع 😁
الله يهديك يا حنين اسمعي الكلام لمرة واحدة بس شكلي ح اضطر اراقبك م عندي حل غير كدا رفع تلفونو اتصل على احمد....
قال ليو احمد كيفك اسمع كلامي دا كويس انت عارف المشكلة الحاصلة في الشركة دايرك تشيل كل شي من راسك وتراقب لي حنين م تسألني من السبب ح تعرف ف الوقت المناسب بس من بكرة اعرفها لي هي وين وبتعمل شنو لانها م ح ترد علي وقفل منو
باب غرفتو دق وجات داخلة مآرب ابتسم ليها وقعدت قالت ليو مهاب انت عارف اننا ح نسافر نهاية الأسبوع دا وعلى الاغلب الجمعة قال ليها لي بدري كدا خليكم شوية انا ح اتكلم مع يسري قالت ليو لالا عندو شغل م ح يقعد اكتر من كدا والبركة في الاسبوع دا قال ليها مآرب انتي مبسوطة معاو؟ قالت ليو بعد العمر دا حتى لو م مبسوطة ح استحمل عشان خاطر اولادي قال ليها اوع تفتكري انك براك وراك سند نحن كلنا معاك ومستحيل نخليك تعيشي حياة غصبا عنك قالت ليو انتو طول عمركم كنتو سند بس م لاقيين مني شي حتى م قدرت اقعد معاكم عشان نشيل هموم بعض ولا قدرت اقعد اواسيكم لمن ابوي فات خلانا انا م فرقت منو في شي برضو مشيت خليتكم وبقت تبكي 💔 حضنها عليو وقال ليها انتي كنتي مجبورة م بيدك انا الما قدرت احميك من ابوي بس بوعدك تاني مستحيل اخلي شي يجبرك على شي انتي حرة م اسيرة وانا معاك جاهم صوت طفولي برئ بقول ماما انا حايفة دايلة انوم معات💕 مسحت دموعها وقالت ليها طيب يلا ننوم قالت ليها حالو زعلك بتبتي لي؟ ضحكت وقالت ليها لالا ببكي عشان ح نمشي منهم قالت ليو حالو قال ليها عيون خالو انتي قالت ليو متخلي ماما تمسي وانا م دايلة امسى ولا سمس دايل يمسي قال ليها وح تخلو بابا لمنو قالت ليو بابا سين حليو بلاو عسان بكولك فينا وبضلبنا حضنها وقال ليها طيب يا عمري م ح اخليكم براكم مآرب طلعت خلتهم وجمان نامت في حضنو
الصباح صحيت وكنت مقررة اطلع بعد عملت الروتين اليومي قلت لي امي طالعة أتمشى ما عارفة امشي وين بس طلعت فجأة لقيت نفسي في شارع النيل تحت مع البحر دخلت رجولي ف الموية جاني اتصال من احمد سلمت عليو وقال لي وين انتي قلت ليو والله ف شارع النيل داير حاجة قال لي كنت داير ورق في دولاب حسام يا ريت اتصلت عليك ابدر كان جبتيهم معاك قلت ليو م مشكلة اصلا م ح اطول برجع ليك بعدين قال لي طيب مع السلامة وبقيت سرحانة وطبعا نسبة لي انو الواطة صباح ماف ناس كتار وحتى الفي زاتهم قاعدين فوق
