رفع تلفونو اتصل لي عمار...
اووو يا مان وينك من عرس اختك فاصلني قال ليو والله مع ضغوطات الشغل وهسا راسي جايط شديد داير مساعدتك قال ليو خير يا مهاب الحاصل شنو قال ليو والله مشكلة في الشركة يا عمار وانت عارف م بثق ف زول غيرك قال ليو خلاص نتلاقى قال ليو بعد اطلع بتصل عليك م عندك شي صاح قال ليو لو عندي ح انكسلو قال ليو ظابط يا مان لي بعدين قفل التلفون ورفع تلفون المكتب طلب قهوة واتكل على درج المكتب وبانت على ملامحو الزهج ختة راسو بين يدينو وغمض عيونو
صحيت من النوم واليوم دا بالتحديد زهجانة وروحي مارقة استحميت وصليت ونزلت تحت لقيت الفطور جاهز م كان نفسي ف اي شي كبيت عصير شربتو ورجعت فوق طلعت السطوح الجو كان خريفي غمام ورزاز قعدت مسافة ورجعت الغرفة لقيت تلفوني بتصل عاينت للرقم لقيتو رقم حسام العالمي لا اراديا حسيت بالزهج راح فتحت الخط واتونست معاوو هو ومآب اتكلمنا ساعة وبعدها قفلت الجوع غلبني قررت اطلع افطر برا وبما انو الجو خريف ف قررت أكتفي بي عباية وشحاطة فرو شلت شنطة صغيرة ونزلت تحت لقيت ابوي طلع والحجة براها قلت ليها ماشة افطر برا قالت لي يا بتي ما شايفة الجو دا كيف م تطلعي احتمال تزرك مطرة قلت ليها م بتأخر مسافة الطريق بس قالت لي الله معاك خلي بالك ف الطريق قلت ليها طيب بوستها ف رأسها وطلعت بالجد الجو كان مووبالغة شديد ركبت المواصلات نزلت في شارع النيل ولكم ان تتخيلو المنظر جو خريفي وف شارع النيل 🤤 إتمشيت م خليت منقة م خليت فول 🥜 واخيرا وصلت المطعم الجمب شارع النيل دخلت وقعدت ف اخر طاولة وقبلت على الحيطة عشان اخد راحتي وما اعاين للداخل والخارج (عثل والله😹)
اي يا مهاب احكي المشكلة شنو قال ليو تشرب حاجة قال ليو انا من قبيل ف المطعم دا فطرت وشربت اي شي قال ليو طيب اسمع ..حكى ليو كل المشكلة.. قال ليو طيب انت شاكي ف احمد وأمجد قال ليو ماف زول غيرهم قال ليو طيب أمكن دا حسام قال ليو حسام مستحيل يهدم الشي العملو بيدو قال ليو طيب نفس الثقة الاديتها لي حسام دي هي نفس الثقة الاداها حسام لي احمد وبعدين هم أصحاب من قبل م تتعرف عليهم يبقى م تظلمو ساي ركز في امجد العينتو انت من دون سابق إنذار وظهر ليك فجأة دا قال ليو انا زاتي قلت كدا بس تاني فكرت مصلحتو شنو من كدا وانا اصلا م بعرفو ولا عندي معاو عداوة قال ليو بس غيرو عندو واحتمال كبير استخدمو امجد عشان يوصلو ليك قال ليو والله يا عمار راسي جايط شديد كل المشاكل جات ف وقت واحد قال ليو قصدك كفاح قال ليو عليك الله اقفل لي السيرة دي م ناقص دقيقة دقيقة المشكلة دي جات مع ظهورها احتمال كبير عندها علاقة عمار قال ليو م بعيد انت اسي ح تعمل شنو مع الأوراق المفقودة دي مهاب قال ليو الاوراق في منها نسخة تانية عند حسام حلها هين المشكلة في المبلغ الاندفع والورقة بتاعت العقد والمتعاقدين المنتظرين ديل عندنا اسبوع بس لو اتأخرنا منهم ح ندخل المحكمة وجرجرة وف النهاية ح نخسر قال ليو م تشيل هم لو الموضوع عند كفاح بكرة ح نعرفو ركز على شغلك قال ليو طيب يلا بعدا نرجع شكلها ح تمطر
