يا ريتني م مشيت ويا ريتني ما شفت حسام عامل حادث فظيع وملان دم والموتر عبارة عن كتلة من حديد 💔 قلت لي احمد دا حسام يا احمد قال لي اهدي قلت ليو اهدى كيف ما شايفو عامل كيف اكيد مات صحح انا السبب لو م طلعت م كان لحقني وقعت في الأرض وبقيت ببكي وتاني م حسيت بي شي....
فتحت عيوني لقيت ماب وآرام والحجة جمبي بقيت ببكي حضنوني قلت ليهم والله م بقصدي مات صحح انا السبب لو م طلعت م كان لحقني الحجة طلعت م قدرت تستحمل مآب قالت لي دا شنو البتعملي فيو دا ارجعي لعقلك امك محتاجة ليك م شايفة حالتها كيف تشيل هم اخوك الفي العملية من امس بالليل ولا همك انتي وريني قومي استغفري ربك قلت ليها حسام للان م طلع من العملية م قادرة ي مآب والله م قادرة آرام قالت لي طيب وامك م فكرتي فيها فكرك هي قادرة تتحمل شوفتكم الاتنين كدا قلت ليها دايرة اشوفو انا وديني ليو قالت لي حاليا هو ف العملية لو طلعوهو ح تشوفي قلت ليها لا قالت لي بس وديني ليو قالت لي طيب بوعدك اول ما يطلعوهو ح تشوفي حاولي نومي واوعدك ح اوديك ليو ....
صحيت مخلوعة بي كواريك من برا قلعت الدرب من يدي وطلعت لقيت الحجة بتبكي بصوت عالي وعمو ساندها وأحمد مقبل على الحيطة وببكي ومهاب ساندو وبرضو ببكي وخالتو هدى بتبكي وبتحاول تهدي في امي آرام ومآب جو علي وعيونهم ملانة دموع قلت ليهم ف شنو لي بتبكو كلكم حسام كويس صح مآب قالت لي انا لله وانا اليه راجعون ربنا يرحمو ويجعل مثواه الجنة قلت ليها لا انتي قاصدة شنو حسام م مات حسام مستحيل يفوت يخليني هو قال لي انا دايما ح اكون جمبك من كل النواحي وفي كل الظروف وانا حاليا محتاجة ليو مستحيل يخليني عارفاو لزيتهم وجريت على الغرفة الهو فيها لقيتو راقد ومغطينو كلو مشيت عليو واتراجعت خطوتين انا م عندي الشجاعة اتقبل الحقيقة لا بس واثقة انو م مات مشيت عليو فتحت وشو وتاني م حسيت بي شي ...
حسيت بي يد بتطبطب علي عشان اصحى مآب بتقول لي حنين قومي فتحت عيوني وقمت مخلوعة قلت ليهم حسام وين قالت لي اهدي يا بت من قبيل بتهلوسي وجسمك معرق حسام كويس والعملية نجحت طلعوهو في غرفة العناية المركزة أربعة وعشرين المراقبة بعدها بطلعوهو قلت ليها متأكدة قالت لي متأكدة اي قلت ليها وديني ليو قالت لي الا تشوفي من برا لانو الدخول ممنوع قلت ليها طيب .. للحظة حسيت على نفسي وشكرت ربنا انو كان حلم م قادرة اتخيل حياتي من دون حسام هو بالنسبة لي كل حياتي .. وصلنا الغرفة شوفتو من بعيد حولو الأجهزة دموعي نزلت مآب حضنتني عليها قالت لي خليك قوية تفتكري لو كان صاحي ح يرضى يشوفك كدا قلت ليها لا قالت لي طيب امشي ارتاحي الوقت أتأخر انا ح امشي وارجع الصباح قلت ليها طيب بعد فاتت قلت اول امشي لي الحجة وعمو ماهر كنت مقررة سلفا اني انسى كل شي وابدا من جديد مشيت ليهم في صالة الانتظار واترميت في حضن عمو ماهر قلت ليو وانا السبب في الحصل دا اعفي لي 😭 قال لي عافي ليك دنيا وآخرة والحصل قدر وربنا لطف خالتو اماني قالت لي وبعدين الحصل دا عشان ربنا يشوفنا ح نتماسك ولا لا وياهو نجحنا في الامتحان حضنتها وبكينا لمن نمنا في الكراسي ...
