الجني اليهودي العاشق

البارت الخامس عشر

الجني اليهودي العاشق

فتحت عيني واني مصدومة..
لاااااا..
هاي شنو..
دخيلك ياربي..
هاي شبيها عيوني..
احس حجمهن كبر..
والنار اللي بجسمي شنو ما دتحملها..
اخذت مي من على الميز ودرته عليه..
درته على وجهي وجسمي بدون واعية..
لإن احس نفسي اشتعلت..
جسمي مدتحمل حرارته..
عمو رائد أستغرب من موقفي..
كمت وصلت يم الباب انداريت على عمو رائد كتله اني رايحة..
بس هاي شنو..؟؟؟؟؟
لااااا عفية شنو هااااي..😥😥😥
الصوت..
الصوت مو صوتي..

بهالأثناء..
عمتي فتحت الباب..
شافتني واكفة يم الباب..
عمتي هاجر : اي خوش كملتي.. حتى تساعديني عندي شغل بالمطبخ
كلتلها : اي عمه كملت..
عمتي راحت طلعت..

أني انداريت على عمو رائد وابتسمت..
كتله : ام ليث إيدها حلوة..
عمو رائد : شنو قصدج..؟!
كتله : شفتك ترى من.. من بست إيدها جنتوا واكفين يم الباب..
عمو رائد : نصي صوتج..
اكلج رباب هاي شبي صوتج..؟ ليش هيج دتحجبن..؟
اني ابتسمت..
بس..
بس هاي شنو الإبتسامة دتصير خارج عن إرادتي..
مو أني اللي دبتسم..
وعيوني..
عيوني ديوسعن شوية شوية..
احس حجمهن كبر..

جتي عمتي كالت يله تعالي..
اني انداريت على عمو رائد كتله : فاسق..
وضحكت ضحكة شريرة..
مو أني ابد.. مو أني اللي دتصرف..
الرجال انصدم.. 😳 ظل صافن علية وما نطق ولا حرف..
سديت الباب وطلعت..

رحت يم عمتي بالمطبخ..
بس..
بس رجعت طبيعية صوتي رجعلي.. عيوني رجعن طبيعيات..
زين هاي شصار بية قبل شوية..؟؟!
كملت شغل وية عمتي واريد اطلع ارجع لبيتنا..

عمو رائد اجه للمطبخ مثل المجنون..
اجه يركض..
ويرجف.. مرتبك..
كال رباب تعالي.. تعالي بسرعة..
عمتي هاجر : شبيك شتريد منها..؟
عمو رائد : هااا مو.. مو اكو مرشحات بالعربي اريد انطيهيا نسيت انطيهيا قبل شوية..
بعدني ما عرفت شنو يريد..

جتي أختي ربى لبيت عمتي..
ربى : رباب هاي إنتي وينج امي تريدج شلون تطلعين بدون لتكلين..
رباب : هاا مو نسيت..
عمتي هاجر : يعني قابل وين تريد تروح.. هي بس تجي يمنه..
ربى : يله امشي بسرعة..
عمو رائد : ربى بابا روحي انتي ورباب هسة تجي وراج..
ربى : لا عمو عفية خلي تجي وياية لإن ماما حيل معصبة..

اني ظليت صافنة على عمو رائد هذا شبي شيريد مني..؟
وليش هيج مرتبك..؟
ليش أحس جسمه ديهتز..؟
احسه خايف من شي..؟
بس شنو ماادري..؟؟!
زين هاي هو شنو شايل بإيده..؟؟
هااا هاي الأوراق اللي طلعهن من الكتاب اللي جان يريد يقرا بيهن علية..
زين ليش شايلهن..؟

ربى اختي بهالأثناء جرتني من إيدي..
ربى : يله رباب شبيج صافنة.. امشي..
طلعنا رحنا لبيتنا واني افكر بعمو رائد شبي..؟ شنو راد مني..؟
وحتى من ردت اطلع حسيته ميريدني اطلع من بيتهم..!!

رجعت للبيت..
ماما عصبت علية لإن طالعة بدون لا اكلها..
اعتذرت منها وصعدت لغرفتي..
أني وعلى الدرج كمت أردد يا موسى..
كل درجة اصعدها أذكر : موسى..
دخلت لغرفتي..
و اني أردد يا موسى..
يا حبيبي يا كليم الله..
هاي شنو..؟
ليش كلت يا حبيبي يا كليم الله..
اني بالعادة اكول يا حبيبي يا محمد..
استغفر الله ياربي..
معقولة..
معقولة بديت أترك الأسلام.. واصير.. اصير يهودية..
لا.. لا..
لا مستحيل..
رجعت أردد أدركني يا موسى..
رحت حضرت ملابسي اريد ادخل للحمام..
طلعت دشداشه طويلة..
اكو صوت وراية..
صاح : لا.. اختاري غيرها..
اني تركتها.. اختاريت غيرها..
رجع كال الصوت : لا.. غيريها..
اختاري شي قصير..
اشتاقيت.. اشتاقيت لرجلج..

لا إرادياً وبدون نقاش طلعت دشداشه قصيرة ورحت للحمام حتى اسبح..
على طول ما اني بالحمام.. وأني أردد يا موسى..
ومبتسمة وأني أردد كلمة موسى..
اني كل مرة اسبح بالدوش..
بس..
بس هالمرة صحت على أختي ربى كلتلها جيبيلي جدر ودولكة مال مي كالت ليش..؟
كلتلها ما عليج..
جابتهن إلي..
اخذتهن..
مليت الجدر مي وكمت أسبح..
وية كل دولكة مي اذبها على راسي أردد يا موسى..
ويه كل دولكة مي اذبها على جسمي أردد يا موسى..
ادركني يا موسى..
ظليت على هذا الحال لما كملت اخر قطرة من المي بالجدر..
توضيت وطلعت رحت صليت..
الجني الوسيم واكف يباوع علية ومبتسم ويكلي حبيبتي.. احبج..
ما جاوبته..
كمت رحت جبت القرآن وأني وعلى المصلاية كمت اقرأ القرآن الكريم..
بس..
بس الصوت مو صوتي.. حتى كمت ارتل بالقرآن.. أحس نفسي راح اكوم أجود القرآن.. بس شلون هيج اني مااعرف أجود القرآن الكريم..
زين اني ليش مستغربة..!!
اني ادري مو أني اللي دقرأ..
هالصوت مو صوتي..
أدري بي هو.. الجني..

مرت أيام وأني على هذا الحال..
اقرأ قرآن دائما بس مو بصوتي..
وخلال ما اقرا القرآن افسر الآيات..
  بس شلون هيج..؟
شلون دفسر..
دخيلك ياربي..
وظليت أردد يا موسى.. يا موسى.. بكل وقت..
عشقتك يا كليم الله..
يا حبيبي يا كليم الله..
بعدها اصحى على نفسي.. هاي شبية ليش هيج دحجي..
استغفر الله..
من استغفرت ربي اكو صوت صار بإذني..
الصوت : ليش دتستغفرين.. إنتي مو كافرة..
موسى نبي..
مثل ما محمد نبي..
موسى الله رسله.. مثل ما رسل محمد..
اهتدي إلى الطريق الصحيح..
اليهودية هي ديانة.. ومحسود اللي يعتنقها..
اني سكتت ما ناقشت لإن المن اناقش..؟؟!
أني بس دسمع صوت.. ما دشوفه.. كمت ما أشوفه أبد..
بس جسمي شبي..؟؟!
ليش هيج حرارته..؟؟
أحس جسمي من نار صاير..

مرت هواي أيام وأني ما دشوفه..
بس اسمع الصوت..
ومن اقرأ قرآن اقرا مو بصوتي..
بس خايفة من روحي..
خايفة اعتنق اليهودية..
يا موسى أدركني..
استغفر الله هاي شبية..
رجعت اكول يا موسى..

ساعدني يا هشيم..
شنو..؟؟؟؟؟
منو هشيم..؟
هاي شبية..؟ شدحجي..؟

رحت بسرعة على موبايلي سويت سيرج(بحث) عن كلمة "هشيم"

طلع معناه  "الله"  بالعبرية.. باليهودية..

هاي شنو ياربي يعني فعلاً بديت اتحول لا إرادي ..
كمت احجي كلمات مثلهم.. صرت احجي بلهجتهم..
ادركني يا موسى..
لااااا..
خلص.. كافي..
ليش دكول يا موسى..
ادركني يا هشيم..
لاااا يااارب.. يااارب.. ساعدني..
خلصني من اللي ديصير بية..
ادركني يا محمد..
ساعدني يا محمد..
من ذكرت إسم محمد.. النار زادت بجسمي اشتعل جسمي يا هشيم.. يا موسى ادركني..
ما اتحملت.. فقدت الوعي..
صحيت على صوت اهلي لكيتهم يصحون بية..
ويشمرون علية مي حتى اصحى..
كعدت باوعتلهم..
كالوا : شبيج..؟
كلتلهم مااعرف ضغط الدراسة علية..
زين ليش.. ليش ما اكول إلهم الحقيقة من شنو خايفة..؟!!!

يا هشيم ساعدني..
اهوووو كافي ليش دكول يا هشيم
كافي.. كافي.. كافي..

كمت غسلت وجهي وصعدت لغرفتي..
صاحوني على العشى كلت الهم ما اريد خلوني ادرس..
سديت الباب..
ظليت اقرأ بكتبي..
فجأة التفتت لدراستي..
هاي شنو..؟
كل شي اللي دقرا احس نفسي حافظته.. فاهمته..
راجعت اكثر من اربع كتب بحدود أربع ساعات..
احس نفسي مسيطرة على كل المواد..
يا هشيم اشكرك..
شنوو..
لا لا كافي ترى صدوك وصلت حدها..

لازم اروح اكول لأهلي اللي ديصير وياية..
نزلت جوة حتى اروح أحجيلهم..
قررت أحجيلهم..

وصلت آخر درجة جتي عيني على المغسلة..
هاي شبية..؟
ليش دباوع على المغسلة..
لا إرادي توجهت للمغسلة..
غسلت وجهي.. ظليت اغسل بوجهي هواية.. وأباوع على وجهي بالمراية..
بهالأثناء...
طفت الكهرباء.. 👻👻👻
وهنا جانت المفاجئة...
#بقلمي #زهراء_الزهيري