الجني اليهودي العاشق

البارت الرابع والعشرون

البارت الرابع والعشرون

الجني اليهودي العاشق

سوري حبايبي جداً مشغولة تأخرت عليكم ❤

ام رباب انصدمت بالمنظر..
شافت رباب نازعة ملابسها وكاعدة بالزاوية مال الغرفة وملابسها يمها وتبجي..

ام رباب : شبيج ماما شبيج حبيبتي اهدأي..
رباب : ماما ماما خلصيني منه ماما يريدني يريدني
ام رباب : ماما شبيج منو يريدج فهميني
رباب : الجني ماما هذاك هو شوفي (تأشر عليه).. (بس امها متشوفه).. ماما جبرني انزع ملابسي دخيلج ماما خلصيني منه..
ام رباب : اهدأي ماما ونصي صوتج فضحتينا العالم جوة اهل الولد جوة ويردون يشوفوج ياربي شهالمصيبة هسة شنو راح اكول إلهم وانتي بهالحال هذا..
رباب : ماما ما انزل ما انزل اخاف منه.. ميقبل انزل ميريدني انزل..
ام رباب : كافي بطلي هالكلام وتعوذي من الشيطان..
ام رباب بدت تغير ملابسها لرباب ولزمتها من إيدها وكومتها حتى تنزلها وياها تشوف العالم لإن عيب جوة كاعدين ودينتظرون يردون يتعرفون على رباب..
ام رباب : ماما من ننزل روحي بسرعة غسلي وجهج مااريد احد ينتبه عليج دتبجين عيب بنتي..

رباب بهالأثناء كامت تسمع صوته(صوت الجني)..
الجني : رباب لترحين.. لتنزلين..
رباب توقفت..
رباب : ماما روحي ما انزل..
ام رباب : امشي ماما كافي سكتي..
الجني : رباب رجعي لتعانديني تره راح ابدي أذيج..
ام رباب جرتها من إيدها.. يله امشي..
الجني : أني حذرتج تحملي اللي راح يصير..

رباب بس طلعت من الغرفة هي وأمها فقدت الوعي..
ام رباب حاولت بهالأثناء تتمالك أعصابها حاولت تصحي رباب بكل هدوء حتى محد يحس من العالم..
رباب صحت..
اخذتها امها لغرفتها.. نيمتها
وراحت ام رباب نزلت جوة راحت على ربى كالتلها صعدي يم اختج وديربالج عليها..

ام رباب دخلت على الضيوف..
ام رباب : يا جماعة عذرونا البنية تعبانة ودايخة ما راح تكدر تنزل تستقبلكم..
ام خالد (ام العريس) : شنو يعني ما راح نشوفها؟
خالد : خلص أمي على راحتها.. يله خلونا نروح..
ام رباب : ترى الموضوع مو مثل ما انتوا فهمتوا..
ام خالد : لا كل شي صار  واضح..

راحوا الخطابة طلعوا من بيت رباب..

ابو رباب : هاي شبيج ام عاصف ليش هيج سويتي..
ام رباب : بنتك واصلة مرحلة ترى.. صعدت لكيتها نازعة ملابسها وكاعدة بالزاوية مال الغرفة وتبجي وتكلي يريدني
ابو رباب : شنو قصدج لتخبليني معقولة ديصير شي بينها وبين الجني..

صعدوا على رباب لكوها ترجف وتبجي..
ابو رباب : بنتي لتخافين كوليلي خوما سوالج شي..
رباب متجاوبه بس تبجي..
ابوها كام يفكر غير تفكير..!!

صار وقت المغرب..
بدوا يحضرون البخور اللي نطاه السيد لرباب..
نزلوها لرباب حتى تسبح وتتبخر..
رباب رفضت تسبح تخاف تدخل للحمام.. تخاف يظل يباوع عليها هي وتسبح متريده يشوف جسمها..
امها كالتلها لتخافين.. اني راح أدخل وياج للحمام..
دخلت امها وياها للحمام حتى تساعدها تسبح..
رباب ظلت خايفة وتتلفت وتردد يا هشيم..
امها تخبلت بس خافت تحجي وياها.. تركتها على راحتها..
كملت سبح و طلعت حتى تبخر بالبخور..
لبست دشداشة قصيرة..
طلعت جابت البخور وبدت تبخر لنفسها..
ظلت شايلة المبخرة وتمشي بالبيت..
فجأة...
رباب كامت تصرخ وتعيط..
رباب : ماما ماما وينكم تعالوا الحكولي..
جوي أهلها لكوا رباب كاعدة على الأرض وتبجي..
والمبخرة واكعة على الأرض والحصيرة دتحترك شوية بالجمر..
طفوها بسرعة..
ورباب ظلت تبجي وتصيح رجلي رجلي..
اهلها سألوها شبيها رجلج..
رباب : مااعرف اني ودبخر ظلت عيني بس على رجلي وفجأة المبخرة وكعت مني وطارن الجمرات علية ردت أحترك.. هاي هو اكيد هو راد رجلي تحترك هو كال راح يأذيني لإن عاندته..
اهلها ظلوا خايفين من اللي ديصير..
خايفين على بنتهم.. 💔