الجني اليهودي العاشق
البارت السابع
ظليت صافنة على الزاوية مال الغرفة وإيدي على الباب..
شفته..
اي اي شفته..
شفت الجني اللي ظل صافن عليه..
اللي جان بهيئة شاب وسيم..
شفته كاعد بالزاوية قريب على سقف الغرفة..
كاعد يباوع عليه ومبتسم..
ولوحلي(أشرلي) بإيده شلون ديكلي باي او مع السلامة..
اني ارتبكت..
سديت الباب وطلعت بسرعة..
نزلت كعدت يم اهلي..
اني وكاعدة يم أهلي ظليت افكر بي..
بس ابد ما شفته..
مرت أيام..
واني ما شايفته ولا شايفة غيره من الجن..
نوعاً ما ارتاحيت..
كلت هم زين بعد ما دشوفهم..
وبعد ما رحت لبيت عمتي أبد..
ماريد اشوف عمو رائد كولش ضايجة منه..
وبالأحرى خايفة منه هم كلبي ما كام يرتاحله مثل قبل..
كعدت مرة من الصبح كولش دايخة مااعرف شبية..
رحت للمدرسة كوة امشي..
كاعدة بالدرس المدرسة تشرح واني مو يمها اصلاً..
دايخة حيل..
فجأة جتي عيني بمكان..
المكان بزاوية الصف هم قريب ع سقف الغرفة مال الصف..
شفته..
رجعت شفته لنفس الشاب الوسيم..
الجني الوسيم..
لكيته ديباوع عليه ومبتسم..
اني ظليت صافنة عليه وفاتحة عيوني..
هذا شجابه هنا..
خاف احد يشوفه..
زين وذا أحد شافة اني ليش خايفة؟
زين هو ليش دائما يطلعلي من الزوايا..؟!
يا ترى اكو بنات هم ديشوفنه..؟؟
المدرسة نطتنا مجال نكتب اللي ع السبورة..
كمت اكتب..
عين على الدفتر وعين عليه..
بعده ينظرلي ومبتسم..
كلت لصديقتي اللي كاعدة يمي بالرحلة..
اكلج هم دتشوفين شي بالزاوية مال الصف..اشرلتها على المكان..
صديقتي باوعت على المكان كل شي متشوف..
كالت شبيج رباب شكو بالزاوية..؟؟!
اني كلبت الموضوع إلى شقة..كلت خاف تكوم تضحك عليه وعبالها تخبلت..
ضحكت..
كلتلها هيج دتشاقة وياج قابل شكو بالزاوية..
تأكدت هو محد ديشوفه غيري..
رجعت باوعت على مكانه..
كام يأشر علية ويضحك يمكن لإن صديقتي هيج كالتلي وما شافته..
ازدادت صوت ضحكاته..
الصوت كام يأذيني هواية..
حطيت إيدي على اذاني وكمت ابجي ما اتحملت الصوت ابد..
ما حسيت نفسي غير بالإدارة مال المديرة البنات شايلاتني ومودياتني للإدارة..
صحيت الكي المدرسات يكعدن بية..
كعدت عركانة ودايخة وبس اباوع عليهن كل شي ما احجي..
اتصلوا الإدارة على أهلي يجون ياخذوني..
اجه بابا أخذني ورجعنا للبيت..
كل هالفترة اني ما نطقت ولا كلمة..
بابا يسألني شبيج بس اكله دايخة..
لحد الآن صوته بإذاني.. إلمني حيل صوته لدرجة متحملته ابد..
رحت ثاني يوم للمدرسة..
بالفرصة اكو بنات مجتمعات على رحلة كاعدة عليها بنية وبيدها كتاب..
رحت اباوع هاي شديسون؟
انتبهت على الكتاب اللي بإيدها كتاب قاموس لغة إنكليزية..
زين ليش البنات متجمعات عليها..؟
شنو كلهن صارن شاطرات فجأة ويردن يتعلمن كلمات إنكليزية..
سألت وحدة من البنات كلتلها هاي شبيهن البنات ملتمات على هاي البنية شدتسويلهن؟
كالت دتاخذلهن خيرة..
كلتلها بالقاموس..؟!
كالت اي بالقاموس اكو بنات يعرفن ياخذن خيرة بالقاموس..
أني بصراحة صار عندي فضول..
لإن كولش أحب هاي المواضيع..
ابد ما أتوب منهن..
رحت كعدت يمها كلتلها اخذيلي خيرة..
فتحت الكتاب وسدته..
وكامت تحجيلي اشياء من الكتاب..
نصهن صحيحات ونصهن لا..
كملنا دك الجرس رجعت لرحلتي كعدت..
جتي المدرسة وبدت تشرح..
اني ما ركزت عليها..
ظليت افكر بكلام البنية اللي اخذتلي خيرة..
بصراحةد كمت أغار منها..
ليش هي تعرف وأني ما اعرف 😒
ظليت غيرانة منها واكول بداخلي ليش هي بشنو احسن مني حتى تعرف تاخذ خيرة وأني لا..؟؟
على الأقل اني عندي معلومات اكثر منها..
رجعت للبيت..
ظليت افكر بالبنية اللي تاخذ خيرة..
اشعر بالغيرة..
هاي شبية ليش هيج كمت اغار؟؟
قررت أسوي شي..
ما اعرف هالشي صح أو غلط..
بس..
بس قررت أسوي..
#بقلمي #زهراء_الزهيري
