البارت الثلاثون والأخير
الجني اليهودي العاشق
تأخرت عليكم ❤
هسة كملته للبارت وحيل تعبني.. 😣
يا ترى رباب شنو شافت هالمرة..؟! 🤔
رباب جان فجر هذا اليوم أصعب يوم مر عليها بحياتها.. 💔
بعد اللي راح تشوفه لو مستسلمة للأمر الواقع جان رباب صارت...
ما جان صارت مجنونة.. لااا
رباب جان صارت......
ظلت رباب مغمضة..
قبل لتغمض من سدت كتاب القرآن الكريم..
رباب سمعت صوت..
صوته.. صوت الجني اليهودي
الصوت : رباب.. رباب غمضي..
رباب تلقائياً سدت كتاب القرآن الحكيم وغمضت..
ليش هالإبتسامة اللي دتبتسمها رباب..
شنو رباب فرحانة باللي دتشوفه..؟؟
رباب بهاللحظة كامت تشوف هواي جن..
لكن ميتشابهون.. جماعات جماعات
والمكان كان عبارة عن أرض مفتوحة الأرضية تشبه أرضية الصحراء لونها رملي لكن ماكو اي رمل.. لإن الكل يمشون عادي.. وأكو أشجار.. لكن.. لكن الأشجار قصيرة مو كاملة ومعضمها متقطعه أوراقها باقي بيها كم ورقة..
وتسمع أصوات معظمهم.. لكن اللغة ما دتفهمها رباب
وكل جماعة تشوفها شكلها ولبسها يختلف عن المجموعة الثانية..
رجع الصوت تقرب يم إذان رباب..
الصوت : رباب احبج.. احبج ومن كثر حبي إلج حجيت لأهلي عنج.. وطلبت منهم يهدوج للطريق الصحيح.. أهلي رفضوا لإن انتي انسية(إنسانة).. ولإن انتي.. انتي مسلمة.. بس بالنهاية من شافوني عاشقج قرروا يساعدوني ولازم انتي متخجليني كدامهم.. اريد تنفذين كل شي يطلبوا منج..
رباب : وينهم اهلك؟ ياهو اهلك؟ أني دشوف هواي ناس..
الجني : رباب هذولي مو ناس هذولي جن.. وهسة راح اخليج تشوفين مجاميع أشكالها غريبة لإن لحد الآن اللي دخليج تشوفيهم أشكالهم طبيعية ويشبهوكم(يشبهون البشر)..
رباب فتحت عيونها..
الجني : لا.. لا غمضي عيونج وأبد لتفتحيهم..
رباب : بس.. بس اني اريد اشوفك إلك ليش ما متشوفني نفسك؟
الجني :هالمرة شوفي أهلي.. وبعد دقائق أو بالأحرى ساعة راح تشوفيني وراح تصيرين إلي.. إلي وبس.. ملكي.. حبيبتي.. و... زوجتي
رباب : زوجتك؟؟
الجني : بعد ساعة وكم دقيقة اذا صار اللي اريده.. اي راح تكونين زوجتي
اختفى الصوت..
رباب : وينك.. وينك وين رحت..
الصوت ماكو..
اختفى..
رباب ظلت مغمضة..
شافت مرأة لابسة عباية على الرأس بشرتها جداً سمره وعمرها تقريباً بالخمسين سنة أو أكثر..
وشافت المجاميع اللي كال إلها عليهم الجني اليهودي.. المجاميع اللي متشبه البشر..
منظرهم نوعاً ما رعبها لرباب..
اكو جماعة منهم بشرتهم لونها اخضر وعدهم قرون برأسهم(علماً إن الرأس يشبه رأس الإنسان) وأجسامهم ضعيفة ميرتدون ملابس تستر كل جسمهم.. ملابسهم نوعاً ما مكشوفة وبشرتهم الخضراء هي اللي تجذب النظر إلهم..
