الجني اليهودي العاشق
البارت الرابع عشر
بارت مفاجئ لأحلى متابعين.. ❤
ظليت افكر بعمو رائد..
وبحقيقته..
وبموقفه اليوم وياية..
من دخل علية للغرفة..
ونظراته..
اوووف ما كدرت أفسرها..
بنفس اللحظة باوعت على رجلي احس حرارة صارت بيها..
ألزمها خدرانة.. الخدر بيها مو طبيعي.. ما أحس بيها..
اكو همس مال صوت صار بإذاني..
رباب.. رباب.. حبيبتي..
باوعت على الزاوية مال الغرفة..
شفته..
صرت اندل مكانه..
كتله : حبيبتك؟
كال اي حبيبتي.. ومتصيرين حبيبة لغيري..
إنتي إلي..
كتله : بس احنه من عالمين مختلفين شلون يصير..؟
كال تبقين بس إلي.. يله أوعديني..
كتله وليش اوعدك..؟ ليش أربط حياتي بجني..؟!
هو تعصب.. شكله بدأ يتغير.. وعيونه اوووف منظرها يصير مرعب من يتعصب..
كل جماله يختفي بلحظة الغضب..
اني خفت منه..
كتله : خلص لتتعصب.. شكلك يخوف من تتعصب..
كال : ليش انتي تشوفيني حلو..؟؟!
شو حسيته مستغرب من كتله شكلك يصير يخوف.. زين ليش كلي انتي تشوفيني حلو..؟
ليش هو ميدري بروحه حلو..؟
كال : احجي شبيج ليش متجاوبين..؟؟
كتله : اي انت حلو.. شاب حلو..
هم رجع استغرب من كلامي..
كلي : شاااب؟؟ (بصوت عالي)..
كتله اي شاب.. شبيك هم متعرف بروحك شاب؟
ظل ساكت ما جاوب..
كال : أني أريد أحذرج من رائد..
كتله : ليش شبي عمو رائد.. لو ما هو ما جان تعرفت انت عليه..
كلي : أني احبج.. حبيتج.. وكمت أخاف عليج.. حتي من نفسي.. مرات ما اكدر أظل اباوع عليج حتى ما افكر غير تفكير.. كمت أغض بصري عنج.. احبج.. احبج..
كتله : شنو الغير تفكير اللي تفكره بيه..؟
كال : اريدج.. اتمناج تكونين زوجة إلي.. صرت أحس انتي جنية مو إنسانة.. ياريت لو انتي جنية.. جان هسة احنه متزوجين..
اني خفت.. كتله كااافي واترجاك لتنظرلي بغير نظرة بعد لتخليني أخاف منك.. أحس عندك رغبة إتجاهي.. وهالشي ديقلقني منك
كال : لتخافين.. بس رائد
كتله : شبي..؟
كلي : الحذر.. الحذر..
وأختفى فجأة..
ظليت ادور عليه ما لكيته..
فكرت بكلامه..
يعني هو يعرف بعمو رائد شنو..
زين هسة اني شسوي حايرة..
وبنفس الوقت خايفة من اللي ديصير وياية..
لازم اكول لأحد عن اللي ديصير وياية..
بديت أخاف..
زين شنو تفكيره الغريب بية..
معقولة يأذيني..
معقولة بالأيام اللي جاية ممكن تجي لحظة ويعتدي علية..
نظراته تخوف صايرة..
بهالأثناء..
أحس صارت حرارة برجلي وهم رجعت خدرت..
سمعت فجأة همس صوته بإذني..
حرك خصل شعري..
وكلي : لتفكرين بيه تفكير مو حلو.. لتظنين بية ظن سوء.. انتي حبيبتي
التفتت ما شفته..
كتله تعااال وينك..
جاوبني : شبيج؟ ليش خفتي؟
كتله : ليش عينك دائماً على رجلي وليش من تباوع عليها تصير حارة نار.. انت شدتحاول شتريد تسويلي..
كال : خايف..
كتله : من شنو..
كال : خايف مني عليج.. عندي رغبة بيج.. د
أحبج وأريد املكج..
