الجني اليهودي العاشق

البارت الثالث عشر

               الجني اليهودي العاشق

البارت الثالث عشر

*للتوضيح : عمو رائد يصير زوج عمتها لرباب مو عمها..

تفاجأت بوجود عمو رائد بباب الغرفة مالتي..
استحيت هواية لإن جنت لابسة دشداسة قصيرة ورجلي طالعة وماخذه راحتي بالنوم لإن وحدي بغرفتي..
توترت..
كمت بسرعة تغطيت..
عمو رائد إبتسم..
ودخل للغرفة وسد الباب..

كتله هلو عمو شو جاي لغرفتي ليش؟
عمو رائد : دشوف الحلوة حلمت بية اليوم لو لا..
حط إيده على شعري..
أني ارتبكت..
شسوي..؟؟
وخرت إيده بسرعة..
وغطيت جسمي كله بسرعة..
حسيت بغايته..
ونظرته إتجاهي احسها تغيرت..
هو ذكي..
من شافني هيج ارتبكت كال شبيج بنيتي شو خايفة..
اني جيت جبتلج ملزمة قواعد اللغة العربية نازلة جديدة من شفتها تذكرتج كلت رباب بنيني اكيد تحتاجها خلي اشتريها إلها..
كام وكف نطاني الملزمة..
وتوجه لباب الغرفة كلي اهتمي بدروسج بابا اريدج هالسنة تنجحين وتجيبين معدل مو مثل العام تخجلينا..

سد الباب وطلع..

اني بصراحة تندمت..
شعرت بالندم لإن فكرت بعمو رائد هيج طلع خطية جايبلي ملزمة وجاي.. ويكلي بنيتي.. وبابا.. هاي شبية ليش هيج ظنيت بي..
بس..
بس ليش جان واكف يباوع علية وشلون تجرأ يدخل لغرفتي واني بنية..؟
زين شلون صعد لغرفتي..؟
معقولة اهلي ما انتبهوا..؟
وشافني نايمة ولابسة لبس مال نوم المفروض ميفتح الباب ويدخل..
بس هو فاتحها وديباوع علية..!

ربطت هاي أفكاري بأشياء سابقة شفتها على عمو رائد..
تذكرت المسجات(الرسائل) اللي قريتهن بموبايله..

اوووف..
واحد من المسجات جان ديطلب من بنية على الفيس تجي للبيت وتلتقي بي حتى يشتغل الها العمل اللي تريده..
بس..
بس طلب منها طلب ابد مو حلو..
طلب منها تجي لابستله لبس خاص وحتى الألوان حددهن هو..
والمشكلة..
المشكلة البنت وافقت بوقتها على طلبه..!!!

هذا معقولة عمو رائد..؟؟!!!
وين أخلاقه..؟؟!
وين الحكم والنصائح اللي يقدمهن إلنه من نكعد بجلسة عائلية..
كلها تظل صافنة عليه وعلى كلامه وعلى درايته وأدبه..
بس..
مع الأسف..!👎👎

والمسج الثاني اللي قريته..
بينه وبين بنت ثانية كانت طالبة تسوي عمل لزوجها حتى يكوم يحبها..
هو وافق.. وطلب منها ذات الطلب..
بس هالمرة المكان يختلف..
هالمرة طلب منها يشوفها ببيتها ويسويلها العمل..
ويكونون وحدهم..!!
وذا وافقت يقلل من السعر اللي راح ياخذه..
وهي وافقت..!!

يعني عمو رائد طلع يسوي سحر..
يشتغل بالشعوذة..
وهو خادعنا وخادع كل الناس إنه هو ميشتغل بالسحر..
ويترفع عنه ويرفض هذا المجال..
مجال السحر..
مجال التخريب بين الناس.. وبين العلاقات العائلية..
المجال اللي يخلي البعض يموت..
المجال اللي يخلي البعض يوصل للجنون..!!

والمسج الثالث اللي شفته كان بينه وبين رجل على برنامج الواتس آب..
الرجل كله ماعندي انطيك الفلوس كلهن..
عمو رائد رفض يشتغل إله.. اذا مو الفلوس كاملة..
توسل بي الرجال وهو ما قبل..!!

يا الله ليش هيج هيج..
كولش انقهرت بوقتها على الرجال حسيته صدوك ما عنده فلوس لإن كام يتوسل إلى درجة جبيرة بعمو رائد.. في سبيل ينقذ ابنه ويشوفه سليم كدامه..
بس عمو رائد رفض يساعده..
الإنسان الخير الكريم رفض يساعده..!!
اللي يساعد الفقراء بأموال مو طبيعية رفض يساعده..
اللي سوه أعمال تطوعية لمساعدة الفقراء رفض يساعده..!!
وينها إنسانيته..؟؟!!!
وينه اللي دائماً يردد : "ارحموا من في الأرض يرحمكم من في السماء"
وينه..؟؟
وينه..؟؟؟؟!

والمسج الرابع اللي قريته كان بينه وبين بنية شابة مبين بعدها صغيرة..
هم كالتله ماعندي انطيك باقي الفلوس..
وهو بوقتها تعصب عليها..
وطلب منها صورها بملابس البيت وبدون حجاب..
هي رفضت..
بس..
بس هي غلطانة.. غلطانة وياه من البداية..
دازتله صورة من صورها بدون حجاب وبملابس حفلة أو سهرة يعني هيج شي..
من رفضت طلبه على صور البيت..
هددها..
هددها بهاي الصورة ينشرها ويفضحها اذا ما وافقت ترسل الصور اللي يريدهن..
البنية لا حول ولا قوة.. نفذتله طلبه..!! 👎
بكل جهل وغباء نفذت الطلب..!

هذا اللي جان دائماً ينصحني أني وخواتي إنه ما نوصل أو نتقرب لهيج أمور..
جان يعلمنا شلون نبتعد عن الشباب ونتجنبهم..
طلع..
طلع يساوم بنات الناس..
يساومهن على أغلى شي يملكنه..
اللي هو... 👇👇
شرفهن..!!!

وطلع مسوي صفحة على الفيس وكاتب عليها الروحاني العجيب
ويراسلوا هواية عليها..
يشتغل إلهم شغل على النت..
ويطلب طلبات غريبة وحقيرة من البنات..
أعتذر.. اترفع عن ذكرها وكتابتها.. 👎👎

اما الفيديوهات اللي شفتهن بوحدة من المحادثات بينه وبين أحد أصدقائه.. صديقه راسل إله الفيديو..
جان بعضهن شي مرعب..👇👇
جان ديخرج جن من شخص متمدد ونايم واكو شخص ديصوره(صديقه).. الولد كام يرفع رجل وينزل رجل.. ويضرب راسه على الأرض.. ويحجي ويغلط غلط شنيع على عمو رائد..
اني بصراحة خرجت من الفيديو أول شي ما تحملت اشوف الولد بهاي الحالة..
جسمي وايدي كامن يرجفن..
وثاني شي الغلط والكلام البذئ صعب اسمعه.. صعب بنت تسمعه..
اما الشخص اللي ديصور(صديقه) يضحك.. ويكله لعمو رائد ههههه اتحمل الغلط مالته واتحمل كل شي يسوي بيك لإن انت اللي دخلت إله الجني.. ديله هسة طلعه منه مولانا.. !! (يحجي وياه بإستهزاء)

يعني طلع عمو رائد يدخل جن بالأشخاص هم..؟!!
زين اني.. اني ليش مستغربة هو مو دخل الجني اليهودي بية..
زين أني ليش ما اكول لأهلي..؟!!
ليش ما أحجيلهم إنه هو مدخل جني يهودي بية..
بس لا لا خاف تصير مشاكل..
وخاف بعد ما أشوفه..
ما أشوف الجني الوسيم..
تعودت عليه..
شكلي تعلقت.. 😥
بس شلون أتعلق بجني وأني إنسانة..!!!
شلون درضى هيج شي على نفسي..!!
بس والله والله مو بيدي.. 😥
هالشي خرج عن سيطرتي..😭😭
خرج عن إرادتي..

والفيديو ال ثاني اللي شفته جان جداً وقته قليل..
نفس الفيديو السابق بس هالمرة بنية شابه مو ولد..
بس..
بس البنية كانت لابسة لبس مال نوم وشعرها وجسمها كله واضح وهمة ديصوروها..
وعمو رائد كاعد يم راسها ويردد كلمات ما مفهومة..
كلمات مو عربية..
بس البنت نايمة لا ترفع إيد ولا رجل نايمة بكل صمت وهدوء..
وصديقه اللي ديصوره يكله هاي المرة جايب إلنه خوش قطعة عاشت ايدك..
يعني يقصد على البنية..!!

طلع عمو رائد يجيب بنات ويضحك عليهن..
يستغلهن..!!
وهنة الغبيات مصدكاته..
مسلماته روحهن بدون خوف..
في سبيل يحققن غايتهن..
زين اني ليش دحجي على البنات اني مو هم صرت مثلهن..
بس لا.. لا اني مستحيل اسلم روحي لشخص لو مهما كانت الأهداف والأحلام اللي راسمتها بهذا المجال..

وآخر شي جذبتني وحدة من المحادثات..
جذبني الإسم..
الإسم كان ابو در الصابئي..
دخلت على المحادثة ما لكيت بس مقطع صوتي..
نصيته للموبايل وحطيته بإذاني..
ابو در يحجي بصوته :
شلونك مولانا ابو محمد.. الأعمال صارت جاهزة..
والسحر اللي طلبته مني للبنت الكردية كامل وجاهز..
وانتظرك بيوم الأربعاء حتى نروح للمقبرة ندفن الأعمال..
واكو عمل لازم يتم بشرط وجود بنت وهالبنت لازم تكون جاهزة لأي طلب نطلبه منها حتى لو ندفع إلها فلوس..
لإن العمل ميتم بصورة نظيفة لازم بصورة غير نظيفة..
(بهالجزء..👆👆 اعتذر من القارئ لإن اكو الفاظ ما اكدر اكتبها..)
(اكو موضوع جداً جريء ومخل بالأخلاق.. موضوع يخدش الحياء واني اترفع عن كتابة هكذا الفاظ غير أخلاقية.. كل اللي اكدر اكوله انه راد بنت بعلاقة غير شرعية حتى يتم العمل اللي يردوا)..

طلع عمي ذرة أخلاق ما عنده..
وحتى غيرة ميملك..
هيج أعراض الناس لعبة..؟
وليش ديتعامل وية هذا الصابئي..
واللي معروف عن السحر اللي يسوي الشخص الصبي او الصابئي إنه يتم مو على نظافة.. يتم بوجود علاقات غير شرعية بين الشخص اللي يعمل العمل وبين بنات رخيصات..
بنات شوارع..
مستعدات يخسرن نفسهن ويبيعنها مقابل فلوس..
يبيعن شرفهن بكل سهولة حتى يحصلن على أجور تافهة تجي بسهولة وتروح بسهولة..

والمقطع الصوتي الثاني كان بمثابة صدمة إلي..

كان ابو در ديسأل عمو رائد :
مولانا وينك ردت اسألك على الجني اليهودي استحضرته لو بعدك..؟
لازم تستحضره هالفترة هذا كنز اذا وصلنا إله نطك طكة مو طبيعية..
اني ما دكدر استحضره بقت انت وشطارتك..

هاي شنو...؟؟؟!
يعني ديسأله عن الجني اللي عمو رائد دخله بيه..؟؟!
همة مو كادرين يستحضروا ولا كادرين يشوفوا..
زين شلون اني شفته..؟ اكيد اكو سر ورى هذا الشي..

بوقتها هم زين عمتيهاجر ظلت تحجي وية ماما من يم الحايط وتأخرن بالسوالف..
وعمو رائد ما طلع من الغرفة..
هم زين ما شافوني..
هم زين شفت كل هاي الأشياء عن عمو رائد..
ربي راد يضهرلي حقيقته..

هذا الشي اللي شفته عن عمو رائد وكمت اربطه بموقف اليوم..
يعني عمو رائد طلع..
طلع دجال..
طلع سحار..
طلع منجم ميخاف الله..
يتضاهر بالدين وهو إنسان حقير..
الصلاة والعبادة مجرد رياء..
زكاته وعطائه للفقراء مجرد رياء..
طلع إنسان مادي..
إنسان يمشي ورى رغباته ونزواته..
وهالشي ما اكتشفته بس من المحادثات اللي طالب بيها فلوس..
لا..
كشفته من مرة رحت لبيتهم وجان عنده جلسة وية شخص ديقرا عليه..
من ظليت اباوع عليه والباب مفتوحة..
آخر شي بنهاية الجلسة الرجال أعطى لعمو رائد فلوس..
عمو رائد اخذهن بس..
بس شمرهن على الرجال ما قبل ياخذهن..
كله هاك هذني قليلات..
الرجال توسل بي كله ماعندي بس عمو رائد أبد ما تفهمه ولا تسامح وياه..
وكله أءذي ابنك اذا ما نطيت المبلغ كامل..
اخلي يطلع مخبل ويمشي بالشارع..

لا حول ولا قوة إلا بالله العلي العظيم
اني بوقتها حيل انصدمت..
معقولة اكو ناس بهالطمع وبهالجشع..؟؟!
ومنو..؟؟!
عمو رائد..؟؟؟!!
الإنسان المتدين..؟!!
اللي كل العالم تحجي بأخلاقه وكرمه وعطائه للفقراء.. ومساعدته للمحتاجين..
هيج طلع..!!!
طلعت هاي حقيقته اللي متخفي بيها تحت ستار الدين والأخلاق والشرف...
بس..
بس بقى سر واحد عن عمو رائد..
ولازم..
لازم أعرفه..
#بقلمي #زهراء_الزهيري