#فوبيا_الحب ❤
الحلقة الاخيرة [100]
جزء الثالث....
انا صبيت باسم ماتحركش طفيت ع بيتزا وشربة وتيت العشاء رديتله : هي حبيبي
باسم صبي : هي نغسل ايديا بس
خذيت عليوه و روفي خششتهم في دارهم كانو يبو يغفو هزيت بيهم هما في سريرهم شوي لهايتهم في فمهم شوي رقدو طلعت لقيت باسم مغير حتي دبشه قمعزنا نتعشو
انا : حبيبي خطرها فرح حنين كنه تأجل اخري
باسم : رن علي محمد قاله مازالت ما كملت الشقة
انا : اها هي قالتلي مانبيش نسكن مع هله
باسم : لا وين مع هله ساد كلب الأول
انا : ربي يهنيها ويريحها ، وعيت اسامه زادو عليهم بنوته
باسم : باهي ماشاء الله تتربي في عزهم
انا : حبيبي بكرا نمشيلها عشان بعد يبدأ فرح هبه معش نحصل الفرصه
باسم : ساهل لعند بكرا
انا ابتسمت
باسم يستعبط : من الي مطيب
انا بحتت فيه نفنص: انا كيف من هذه
باسم صبي ويبحت فيا : في تطورات ماشاء الله هههههه
انا ابتسمت : ماه تعلمت ع خاطرك
باسم رفع حاحبه مسك ايدي باس صوابعي بصبع : تعرفي تسكتيني يافكرونه
انا ابتسمت : صحتين
باسم حط يده ع شعري : لنقاني عجبني لون عليك
انا ابتسمت : لا شي عليا سمح
باسم طبس قعد يشم فيه : اوووووف
صباني يمشي فيا قدامه شور دار حطني ع سرير رحنا في نص خبر كااان سمعنا صوت روفي تبكي شوي وصبيتلها وعلق وراها عليوه جاء باسم حتي هو يسكت ويرضع انا نضحك
باسم يرقص في حواجبه : قيسها ليله هيا
انا نضحك
باسم : الصبر ايوب يا الله
انا : هههههه معلش حبيبي تحمل
باسم : باهي معش تضحكي إنت
انا ضحكت
باسم : ساهل زيدي اضحكي
رقدناهم ردينا للدار .....
.........
عمر : خلاص اصرفت طلعتهن تحاليل نرجا في اخت هدي تجيني
هنيده : تمام
عمر : حبيبي ماتحركيش الله يستر بيتك لين نجي تلفوني يبي يطفي راه من صبح انا اتصالات عشان يسرعو بالتحاليل ما تنشغليش
هنيده : حاضر بس ماطولش عشان خاطري
عمر : باهي هي اوكي ممرضه جت
هنيده : باي
سكرت رقدت ع سرير هيا ع نار
عمر : سلام عليكم دكتورة
دكتوره اخت هدي : عليكم سلام تفضل
عمر خش : مشكورة سامحينا ع اتصالات
دكتورة : لا عادي ولا يهمك اذكرتها مراتك شفتها في فرح تبارك الرحمن عليها
عمر : تسلمي دكتورة
مدلها تحاليل
دكتورة تفتح في ظرف : تفضل قمعز
عمر كان مشغول لدرجة مش فاطن ان طالع من صبح لا غذاء ولا عشاء ولا تريح : لا متريح
دكتورة تقرا ابتسمت : أول شي الف مبروك مدام حامل
عمر قعد يمسح ع وجهه بالقوه مسك في كرسي وقمعز
دكتورة : لكم فترة متجوزين
عمر هز رأسه بمعني اها
دكتورة : بكرا جيبها المدام عشان تابع مع دكتورة صديقتي اديرلها تحاليل وتعطيتها دواء شوي الالتزامات تمشي عليهن
عمر : يعني هيا حامل خلاص
دكتورة ضحكت : حامل اها
عمر صبي حايس مش عارف شن ايدير : بارك الله فيك سامحينا مرة اخري
دكتورة عطاته تحليل : لا عادي والف مبروك مرة اخري
عمر خذاها : الله يبارك فيك نستاذن منك
دكتورة : تفضل
عمر طلع ركب في سيارة طلع طول محل صاحبه شراء خاتم ذهب وروح فرحان بكل يركب مع دروج بسرعة يسمع في بنات والعات المنظومة ع آخر ويتعايطن مع اغاني فتح شقته وخش لقاء هنيده راقده حط تحاليل وعلبة الخاتم ع كومديني
عمر يبوس في كتفها : حبيبي نوضي هنيده
هنيده فتحت عيونها بشويش : جيت شن قالتلك
عمر حط يده ع بطنها : هنا في فرخ وربي جلاله
هنيده قمعزت حطت ايديها ع يد عمر : عمر يعني انا حامل صح
عمر مسح دمعته قبل ما تنزل : اها قالتلي بكرا جيبها باقي كلام ما نجيبش بس قالتلي جيبها نذكر قالت جيبها
هنيده حضنت عمر قعدت تبكي : أخيرا يا عمر يبي يجينا بيبي واخيرا
عمر قعد يبوس فيها : انا حبيتك أكثر ما كنت نحبك
هنيده تهمس في وذنه : نعشقك أنا نعشقك
عمر وخرها قعد يسلحلها ورقدها وراحو في خبر كان.....
..........
ثاني يوم
انتشر خبر حمل هنيده كلنا فرحنالها بكل
انا وهاجر ردينا للحوش هلي ماما قعدت تحكيلنا ع ام أسامة ونحن عارفات كلنا بس مانبو نحكولها عشان خايفينها تمرض نحلو في مواضيع بينا قعدنا نحوسو ع فرح هبه كل يوم تمشي الاثنين منا للايمان لين تم اسبوع اول بعد اسبوعها تعاركت مع اسامه عشان مايبيش يجيبها امه قالتله ان بنت تمرض كان ايمان طلعت ايمان كبرت الموضوع وسكرت رأسها لين جابها لنا انا طبعا باسم رفض أبيات نهائي يوميا يشيل فيا ويروح بيا بس حكتلي قبل ما نروح في ليل قلتلها ماتروحيش لين يجيك ويتاسف ويرد كيف قبل رضي امه بالتدخل في حياتكم مايلزمكش
انس والاء يرنو علينا وكانت الفرحة في صوتهم كل ما نسأل الاء ع معاملة انس تقولي ماكنتش متوقعة هكي ولا متوقعة كمية الحنان الي عنده انا فرحت في نفس وقت كنت واثقة من انس
خلال اسبوع ثاني
سناء مرضت ع احمد هو مروح بيها منا شالها طول مستشفي رن ع باسم عشان يجيبله عميمه ورن ع عمر عشان يجيبله ماما عدن ماما وعميمه زادت ع احمد بنت وبابا فرحته كان مش وعطيها للحد اقاربنا الي جاين ع فرح هبه رجاله قعد يمسك فيهم ع غذاء وعشاء يقوللهم احمد زادت عليه بنت
هبه زعلت عشان سناء وايمان مش حيحظرن الزفة
سناء طلعت ع حوشها عشان ايمان في حوشنا قالولها نافس ع نافس ما تخشش قعدت معاها عميمه وماما يوميا يشيل فيها ابراهيم ولا ايوب
احمد سمي بنوته رودينا كل وافق ع اسم بذات ماما وبابا كاينين فرحانين ما في حاجة ما جابوها لها
ثاني يوم انس وصل بنغازي بس ماجوش كانو تعبانين من طريق يوم كامل رقدو فيه ثاني يوم جو بطبقين قاتو حسبوها زيارة للهلي وللهل الاء
يوم الأسبوع رودينا احمد قال للباسم ما تجيبو شي ان شاري كل شي بس باسم قاله والله لازم منه حتي ع خفيف فعلا جابو اسبيزه كاملة دبش للرودينا ذبح احمد ووزعهن عشان كانت زفة هبه كلنا لاهين ما في حد فاضي عدت هاجر مع هبه مزين كان حتي هبه فرحها مشترك مع هل عصام عشان عربهم طشه ونحن عربنا واجد مشي وقت درنا جو للهبه مش طبيعي كان فترة هذه لا تأكل ولا تشرب كويس بعد جت تبي تطلع من بكاء لين داخت في استقبال ع عصام
عصام خاف عليها قعد يهزب في الي تجي قدامه بذات خواته من باته دارن زحمه عليها نوضها صحصحت معاه وكلها شوكولاطه وطلع بيها طول كانت ماما تبكي عشان هبه اخر وحده كانت عابيه عليها في كل شي تساعد فيها
في نفس اليوم لفينا الفرش كله شاله منتصر و ابراهيم للغسيل جارنا نحن روحنا وبدن في لمات سناء
اسامه يوميا يجي يشوف في ايمان ومحمد ونعيمه ايمان ماتقعدش معاه واجد شوي تطلع معش عرف يحكي حتي تلفون مش جايبته معاها بعد أسبوعين فتح الموضوع معاها تأسف قعد يترجا فيها ويقنع فيها ردو للبعضهم...
بعدها بكم يوم عدت نجاح وعميمه فاطمه شافن ابتهال عجبه نجاح الي عميمه فاطمه قالت مش للايوب بكل ايوب سكر رأسه قال نبيها قعدو يرجو في رد هل ابتهال
........
بعد شهر .....
انس يعيط : اسمعي انا راجل مانحبش نحكي واجد هنا كلمتين ياريت تحطيهن في راسك انا كيف متجوز شاري راحتي فياريت معش ترني عليا إنت ماتورينيش صح من خطأ سي محمد انا مش مقصر معاه لا توا ولا بعدين كان يبيني يرن بروحه رقمك في حظر وأخذه تلفون بوك ليش نبي نفهم
انتصار تبكي : عشان عشان
انس : تي فوتي #### ### از##
سكر تلفون عدا يدق ع باب حمام
انس : الاء افتحي نفهمك
الاء كاتمه بكيتها ماردتش
انس يخبط ع باب : اقسملك بالله حنفهمك بس افتحي واطلعي من حمام خشي للدار نخليك بروحك
الاء ما ردتش
انس : افتحي قتلك كنك إنت
الاء قعدت تستفرغ
انس قعد يسمع فيها انفجع عيط : افتحي انم ازف افتحي بيش تفهمي إنت
الاء تستفرغ
انس دف الباب مرة والاثنين وثلاثة لين اعتله
الاء تستفرغ تقنط ع بطنها
انس قدم قعد يحول في شعرها يلم فيه لها : اهدي بشويش
الاء وقفت قعدت تبكي : اااااااااااه
انس انفجع : و الله نفهمك بس
الاء ردت تستفرغ بالقوه
انس : ما تخوفينيش عليك كنك ازح
الاء وقفت قعدت داهشه تبكي تغسل في وجهه وتمصمص في فمها
انس برمها عليه يمسح في وجهه
الاء وخرت من عليه كان سايخه من كثر ما استفرغت : حول حول ماتلمسنيش
انس قرن حواجبه : فيش تحكي إنت كنك قتلك توا نفهمك
الاء بصوت هادي : كلام واضح مانبيش نحكي هذا وفي بداية زواجنا هكي تي مش مقصرة معاك بكل " قعدت تبكي " شن تبي اخري قولي بس شن تبي أكثر من نعم وحاضر آخري الرقم الي ديما يرن عليك مسجله سي محمد بات صاحبك تضحك عليا يا انس تضحك عليا
انس : إنت افهمي بعدها ناقشي بجوك
الاء تبكي حست زي الصوره الي قدامها غبشت : انا انا معش نب
داخت قبل ما اطيح ع حوض انس مسكها
انس رفعها طلع بيها : الاء الله يربحك كنك و الله مانكلم فيها الاء الاء
الاء دايخه مش حاسة بشي انس حطها ع سرير كان أول مرة في حياته يخاف بس مش خوف عادي شعور الي حس بيه انس شعور ان يفقدها عدا يجري للزيانه خذا عطره الي تحبه الاء قعد يبخ في يده ويدها يقدم فيه ع خشمها
انس : الله يربحك نوضي حبيبي الاء
الاء قعدت تحرك في رأسها يمين ويسار بشويش : ام امم ااه
انس عزق عطر جنبه رفعها من رأسها وحضنها
الاء توخر فيه تبي نفس انس مش فاطن ان مكثر العطر والاء نفسها قعدت تستنشق ادور في نفس
انس صبي يجري جاب البخاخه وحطها ع فمها رفع راسها شوي قعد يبخ
الاء استجابت البخاخ لين تنظم نفسها وخرت من انس ورقدت ع جنبها ع طرف سرير
انس حول بخاخ وعطر قرب منها حط يده ع كتفها وبشويش : عيوني
الاء نفضت يدها حول يده : اووووف
انس رقتله : ارقدي بعدين نتفاهمو
الاء برمت عليه قمعزت : مافيش حاجة اسمها بعدين انت توا تشيلني للماما
انس تعصب صبي من سرير وعلاه صوته : لعبه هيا تي كيف تجي لنا شهر كم يوم ام من الي تحكي عليها هذه مافيش مشي ارتزعي هنا
طبس خذا مفتاح سيارة وحوش ودخان تلفون طلع من شقة طربق الباب بالقوه
الاء خذت تلفون رنت عليا
انا مبتسمه : ايوه يا لولي
الاء تبكي : إيلاف وينك
انا انفجعت : كنك تبكي شن صاير
الاء : وينك إنت وينك
انا : في مزرعة ملتمين كلنا قلنالك هبه جايا زيارة
الاء كانت تواتي في روحي بس نست : نبي نجي للهلي انس مابش يجيبني
انا ضحكت : هذا عليش تبكي يا هبله عادي اول ثلاثة شهور هك بعدين سايسيه توا يجيبك حتي انا باسم يومين وانا ندلع ونسايس عشان وافق تقول طفل
الاء حست جو سمح تسمع في ضحكهم وهدرزتهم سكتت : باه توا نجرب اخري
انا : ياغبية من اولها هكي شن قلنا نحن افردي شخصيتك مش كل حاجة لا ومش كل حاجة باهي
الاء نزلت تلفون تبكي
انا : فهمتيني ولا لا تعرفي كيف تصرفي
الاء رفعت تلفون : تمام اوكي
انا : توا نرجوك نحن
الاء : لا ماترجنش كملن جوك مطوله
انا : باهي نرجوكم ع عشاء
الاء : باهي خلاص اوكي
سكرت انهارت بكاء
مريم : كنها
انا قلبي مشغول عليها صوتها مش مريحني : لا شي قالتلي مرات تأخر بس
مريم : هبه جت وراجلها عدا
انا : اها قالتها ليا في تلفون عصام متحشم قال توا نجي ع عشاء مايبيش يقعد من قايلة
مريم : حتي بواشي مازالو ماجو
انا : عمو عمر طالع من امبدري كنه تأخر
ياسمين خشت ميته ضحك
انا ومريم ضحكنا : كنك
ياسمين : هنيده تسب وتكفر من عمو عمر
انا ومريم ضحكنا : عليش
ياسمين : اطلعن من مطبخ بسرعه
طلعنا كلنا شفنا هنيده تسلم ع ماما وهدي ونجاح وعميمه فاطمه وايمان وهاجر وهبه
انا : يا مرحبا وعشر مراحب وينكم طالعين معانا من صبح وين عديتو
هنيده جايا شوري : اقسم بالله من حوش للمزرعة عمكن هذا يبي يقتلني
انا ابتسمت سلمت عليها : كنه عمنا يا حنه
هنيده سلمت علينا صبت : هذا ياحنة عمكن كان تشوفنا كيف يسوق اااااه ياربي نبي نموت والناس تبيبله عشان يسرع هو شي شايب عنده السكر ضربله عيونه سرعة 40 يا بنات 40 من بنغازي للمزرعة ولا مطبات كل كم وكل ما يقرب من مطب كوووم السيارة قريب تطفي عشان يضغط ع بنزين بشويش كل ما نفوتو مطب يبحت فيا يقولي إنت كويسه نبي نموت خلاص انتهيت
انا انتهيت خاطي ملاحظات الي في حوش كان نحكي معش نسكت
نحن طربقنا ضحك كلنا
هنيده تضحك : أول ما حملت معش طلعت الا مرة وحده للعياده كل ما نقوله نبي هلي يقولي حاضر يلبس ويعدي يجيب ماما و بشري
ياسمين ومريم من ضحك لين طاحن في وطي
عمر خش يبحت في هنيده : كنكم
مريم تضحك : خالووو ووووه بطني
نحن كلنا نضخكو انا قعدت نضحك في ضحك مش طبيعي ليا وين ما ضحكت هكي كنت نضحك بدموعي كلهم هدو وانا مازالت نضحك
عمر : كنكن شن فيه
ماما ضحكت بشويش : ما تعدلش عليهن يا باتي هذينا مكلبه عدي صلاح وخوتك يتمشو في مزرعة من لاوراء
ياسمين تضحك : بو 40
عمر يسلم عليهن كلهن ماعاد انا ومريم وياسمين قعدنا نضحكو : اقسم بالله ماني مسلم عليكن
مريم وياسمين عدن يجرن : والله تجي ههههه
عدن يضبطن فيه قعد يضحك
انا نزلت نضحك مش قادرة نمسك روحي سلمت عليه وخشينا نوتو في عزومه كل شوي هنيده تحكي ع موقف نحن نضحكو عمر كل ربع ساعة يجي يبحت في هنيده يبقي يهز في راسه يعني تمام متريحه نحن ع اساس مش فاطنين ويطلع ونحن نطربقو ضحك طلعنا بالقوه والحلوه
سناء : سلام عليكم
نحن : عليكم سلام
سناء عطت رودينا للماما باست ع رأسها : كيف حالك يا عميمه
ماما : الحمدلله يابنيتي كيف حالك إنت شن دايره صحتك
سناء : الحمدلله
قعدت تسلم علينا واحمد جايب صندوق عصير شوكولاطات خششهن جاب ساكو رودينا وسلم علينا وطلع شربنا القهوة وعصير نجاح رمت خبزة تنور شوي شوي شباب قعدو يجو درنالهم سفرة خفيفة كملنا غسلنا مواعين بدينا في العشاء طول
انا : انا نبي نخش نساعد البنات عينكم من عليوه وروفي
سناء صبت : نخش نساعدك
ماما : لا تريحي قريب يكملن
سناء صبت : مافيها تعب نساعدهن
انا خشيت وسناء لحقتني قعدت نحوس ع عشاء وانا
وبنات معانا نجاح وهدي مرة مرة تجينا عميمه فاطمه تشوف في عصبان الي دايرته
.............
انس خش مع ساعة 9 بحت من فم الباب دار لقي الاء راقده بدون غطاء جاء يبي يخش يغطيها سمعها مازالت تبكي طلع للصالة قمعز كانت الصالة مظلمة قعد حوالي ساعة سمع الاء تستفرغ صبي يجري للحمام
انس خش للحمام حفيان : استغفر الله ياربي
الاء تخبط ع حوض تبكي وتستفرغ
انس يضغط ع سنونه متعصب : البسي نشيلك مستشفي
الاء تغسل في وجهه ولا كأنه انس يحكي مشت من جنبه تبي تطلع مسكها من يدها
انس قارن حواجبه : نحكي انا
الاء لسانها مرخي : انا مانبيش نحكي
انس : باهي البسي نشيلك مستشفي بس نبي نطمن عليك
الاء ضحكت بهزوه : تطمن تطمن مرة وحده والله حالة
نفرت يدها وطلعت وسيباته
انس قعد يخبط في باب الحمام بيده بالقوه : عيشه ### هيا اصلا
الاء ولا كأنها خشت للدار غيرت دبشها اخري ورقدت ع سرير ترعش تبكي
انس قمعز في صالة قعد يفكر عم هدو في حوش رن تلفون انس رد
انس : ايوه ، طالعلي شغل كيف روحت لنقاني تعبان ماعندي نية نجي ، لا ماتجيش قتلك مانبيش نجي لا انا ولا هلي ، ماكني شي قتلك جو تمام غير تعبان شوي من عمل ، تم اوكي..
سكر عزق تلفون في ساس تكسر
.........
هدي : ايلاف الاء تلفونها مقفل رنت عليا في صبح قالتلي جايا
انا ارتبكت : اها بس ماصارش انس صارله شغل في عشية قالتلي مازال ما روح
هدي ابتسمت : مش مشكلة توا تجي مرة اخري
انا : ان شاء الله
هدي : يومها رنت عليا سألتها قلتلها شن دايرة مع انس قالتلي مهبلته متحملني هههه قالتلي متريحه يا ماما تقول قاعدة في وسطكم
انا ابتسمت : ربي يدوم عليهم يارب
هدي : ان شاء الله ديما ندعولكن كلكن تريحن وتهنن
انا ابتسمت ورديت نحوس ونفكر فيها شغلتني بكل مش عارفه ليش قلت هكي للخالتي كنت اول مرة نكذب ع خالتي مش عارفه شن نحكي كلام طلع بروحي انا نقرص في طماطم فتحت صبعي
انا : ااااااه
بنات جني كلهن : كنك
انا : صبعي
سناء كرت يدي تحت شيشمه : ساهله ماترعشيش
انا نضحك نغسل في صبعي
كلهن استغربن عشان نضحك قعدن يضحكن معايا
هبه : غريبه اوفي تنجرح وتضحك
انا : ماني عارفه هههههه جيتني ع ضحك اليوم من صبح بكل
ياسمين : ختمها لنا بو 40
انا نضحك لفيت صبعي وطلعت خليتهن يكملن قمعزت مع ماما وهنيده في سور من لاوراء
انا : اطلقيهم يلعبو
ماما : راه يطيحو بس
انا : لالا توا نبحت فيهم
طلقتهم قعدو يلعبو فتحت تلفون رنيت ع الاء لقيتها مقفل دزتلها مسج " روحي وينك كنك ما جيتي وكنك قافلة تلفون شغلتيتي"
انا كنت نكتب شوي بحتت لقيت عليوه يلعب باللعاب الي في المشاي صبيت قعدت ندور في روفان لقيتها ماشية بالماشي قريب اطيح من دروج قعدت نجري
انا عيطت : روووووفي
ايوب كاين فطلها وصل فيها قبلي وشدها : يا مجرمه ياصفرة
انا بعد لقيت ايوب شدها تريحت كلهم جو يجرو
ايوب طلعاها من الماشي يبوس فيها : يا شيطانه وين ماشية اه
انا صبيت قعدت نبحت فيها
اطمنو كلهم ع روفي وردو قمعزو
ايوب : كنك مفجوعه ههههههه
انا : قلبي وقف اقسم بالله ايديا يرعشن
ايوب قرب مني : اهي كويسه كنك مرعوشه
انا حطيت يدي ع قلبي : قريب يوقف
ايوب : تعرفي تشبهلك إنت صغيرة شعرك عيونك بشرتك شدوقها هك سبحان الله نسخة مصغرة منك
انا تحشمت : احم اها كلهم قالوها ليا
ايوب : تذكري زمان بعد تطلعي للشارع انس يكر فيك من شعرك ويخشش فيك
انا ضحكت : اها كله من ياسر ولد جيرانه كل ما نطلع يقولي طلعت الاصفرة
ايوب : أثقل واحد في شارع ياما من طرايح واخذهن منا
انا : بعد تضربوه انت وانس نفرح
ضحكت وجريتها له مع خشت باسم للمزرعة كان مدرس سيارة برا خاش ع كرعيه شافنا نحن مع بعضنا ونضحكو
انا : يا عليك ايام شارع قريب هج منك انت وانس مشكلة حتي انس زمان أشعل مش عارفه كيف مش جاي شور انس
ايوب ضحك : انس يدق فيه في دق امه هبله زمان ياسر كاين مش قادر عليا انا وانس فيضرب في ابراهيم ههههههه ع اساس يأخذ في حقه نزرق عليه انا وانس قريب مات يومها فتحتله رأسه 5 بونتو وابراهيم يعيط يقولي حي عليك من عمي عمر
انا ضحكت : اها نذكرها عدا بابا وعمامي يتاسفو بعدها حرمني من طلعو في شارع وانس لبسني محرمه بدري بككل كنت صغيره انا والاء ههههههه
ايوب : إنت حرشتي فيه عمر قدامي ههههه قالك البسي وإنت ساكته الاء لبست ماحكتش
انا : ههههه ماه ضربني وحرشت حتي بابا واحمد وخذا هزية من احمد كنت وراء احمد ونهز في حواجبي عشان ينقهر هههه بس والله ايام سمحات
ايوب : مايردنش الايام هذينا
روفان : با ب
انا فطنت بحتت لقيته باسم مصبي حط تلفون ع وذنه يبحت فيا يفنص
ايوب مدلي روفان : خليني نرد نولع الكانون غيرلها لبزتها بالفحم
انا عيوني ع باسم وخذيت روفان مارديتش عليه خشيت للحوش حطيتهم هما الأثنين قعدت نغيرلهم وانا خايفه مش عارفه ليش قلبي قريب يوقف من خوف رضعتهم خليت مريم ترقدهم خشيت للحمام غيرت دبشي وتوضيت عشان نهدي شوية وطلعت
ياسمين : تلفونك قريب ينحرق من رن
انا خذيت تلفون لقيته باسم عشرين مكالمة زمطت ريقي : تمام شكرا
طلعت في مكان بروحي قعدت مقابلته نشوف فيه بس بعيد بكل ورنيت
انا : الو اهلين
باسم : وتي عويل اطلعي توا إنت وياهم
انا ترعش : حبيبي عشاء ع نار
باسم : كلمه مانعاودهش
سكر في وجهي قلبي قريب يطلع خشيت قعدت نلف في عويل بنات يسالن مابيتش نرد
سناء : ايلاف كنك ردي هلي فيهم حاجة
انا : لالا بس باسم بروحه قالي هيا
سناء طلعت خشن ماما وهدي ونجاح يسالن كني عاودت نفس كلام وطلعت انا والعويل
سناء : كلملي باسم
احمد يضبح : باااسم
باسم صبي قاللهم يبي يرروح مسكو فيه واجد بس هو اسر ان يروح عطي مفتاح منتصر خششله سيارة
باسم : يا مرحبا شن جو
سناء : الحمدلله قتلك كنك تبي تروح باوفي شن فيه
باسم : عندي شغل وحسيت روحي تاعب من صبح طالع
احمد : خليك ياراجل بعد عشاء روح
انا طلعت : باسم تعال خوذ عويل
باسم مابش يبحت فيا : سيارة مفتوحه
انا تفاجاة عديت شور سيارة مابيتش نحكي
باسم : هي تصبحو ع خير
سناء : هلي كويسين
باسم : كويسين خلاص خشي
احمد : قالك مافي شي خلاص
باسم : ام طواطي صبايا حنه
احمد : قاريت برا ليبيا تخصص طواطي تكبير مواضيع
سناء : لا كيف برا ليبيا هيا اصل هما يجو يقرو عندنا هههههه
احمد ضحك
باسم ابتسم : تصبحو ع خير
لحقني قعد يسرع في مشيته كان ايوب يشوي هو ابراهيم ويبحتو فينا
ابراهيم : تريحت يا###
ايوب : خلك منه هو والع برزحه والله نحكي معاها عادي هو منظره تقول شرار ولعت فيه نار
ابراهيم : لا يجي يهدرز معاكم
ايوب صبي ولع سبسي من فحم : ترا ### إنت وياه حتي بعد خطبت زاقبيلي
عدا وسيب ابراهيم يدخن وراء مزرعة
باسم : خليهم عدي جيبي دبش
انا حطيتهم في سيارة وسيب سيور عديت
باسم قعد يقمعز فيهم وايرلهم في حزام الأمان
انا جبت دبش معايا ماما
ماما : خليك يا باتي بدري
باسم ابتسم : اسمحيلي يا عمتي والله تعبان
انا حطيت دبش ع وطي ركبت في سيارة خبطت الباب
ماما : ع راحتك تصبحو ع خير
باسم : وإنت بخير
ركب دبش في كوفلي ركب سيارة بيبلهم وخر
بغير عليها حتي لما تسلم ع الناس
وليه يلمسوا ايديها
مايشاوروا كدا وخلاص
بغير عليها لما تسلم ع الناس
وليه يلمسوا ايديها
مايشاوروا كدا وخلاص
ومهما تقولى عليا . ده مجنون بيا .
آه وفيها ايه
عايزه واحد مع الجمال ده كل . ازاى مايغيرش عليه
ومهما تقولى عليا . ده مجنون بيا .
آه وفيها ايه
عايزه واحد مع الجمال ده كله . ازاى مايغيرش عليه
انا اخترتك . انا فضلتك .
انا موش عارف اقولك ايه
فيه حد ف الزمن دا لاقى . حد بجد يخاف عليه!!
انا اخترتك . انا فضلتك .
انا موش عارف اقولك ايه
فيه حد ف الزمن دا لاقى . حد بجد يخاف عليه
ومهما تقولى عليا . ده مجنون بيا .
آه وفيها ايه
عايزه واحد مع الجمال ده كل . ازاى مايغيرش عليه
ومهما تقولى عليا . ده مجنون بيا .
ده انا بموت لما بشوف حد عينه بتيجى عليكى
ببقى عايز اخد عينيه من قبل النظرة ما توصل ليكى
...........
انس خش ع الاء لقاها مقمعزه حطه ايديها ع كرعيها مطبسه راسها ع كرعيها وتهز
انس قمعز جنبها ع طرف سرير وعطها بالظهر وبالكل هدو : في يوم حفلتك رن عليا رقم وسكنلي نحسابه إنت رانه من تلفون وحده من بنات خالتك رديت طلعت اخت المرحوم عبدو فهمتها هيا صغيرة ممكن ما تفهمش قلتلها انا عريس فياريت معش ترني عليا الحق البنت تأسف قالتلي تم وجو بعدها في اسبوع دزتلي رسالة حذفتها وحطيتها في حظر بعدين معش رنت فترة بعدها قعدت ترن في قايلة وفي ليل ومرتين كنت نرد فيهن نحسابه سي محمد في ليل قعدت نقفل في تلفون بس قايلة مانقدرش عشان اصحابي وهلي انا نص شغلي بالتلفون إنت بعد شفتي رسالة رنت فتحتي الخط عارفتيني مانحبهش بعدين نحكو فيها بس انك تخونيني وماتصدقينيش هذه حاجة ثانية موضوع هذا من ايام خطبتنا حلينه بس إنت مازالتي نفس ما إنت
الاء لا تحركت ولا تكلمت
انس : اهو وضحكتلك كل شي ويشهد عليا ربي اني قلبي مادق الا لك مش حيدق الا لك نوعدك لعند نموت تبقي عايشة فيا جوا والي يقعد جوا مستحيل يطلع لين روح تطلع وانتي عارفه اني نموت في ترب الي تمشي عليها إنت عارفتيني ماعنديش في حركات الفروخ انا بعد قتلك نحبك قررت نخطبك تقريبا قعدت شهر حتي نوم مايجيني وبعد قلتيلي نحبك قريب فريت السماء من فرحه انا لك مش للغيرك عارفك غيوره بكل يانقطه "ابتسم" من حقك تغاري في نفس والوقت من حقي ثقي فيا ثقة مش كلام تقولي اصلا واثقة فيك ونحن وضعنا غير حبيبي إنت مراتي وفي نفس وقت بنت عمي عرضي وعيوني الي نشوف بيهن فكري في موضوع كان شلتك للحوش كبرنا الموضوع يقولو بعد شهر بس صارن مشاكل بعدين كيف إنت عارفه عمي محمد بعد ويل وافق عليا كان نشيلك معش يردك ليا انا نقتل ع شعره من شعرك مش يخذوك مني انا نبيك عارفه شنو نبيك يعني نموت مانفرط فيك الاء ركزي معايا نبيك وشاريك لعند آخر نفس فيا انا مازالت نبيك إنت بالنسبة ليا كيف الوطن نموت ولا نفرط في شبر منك
الاء قعدت تبكي بصوت عالي معش قدرت تسيطر ع روحها تبكي وتشهق : هيا تحبك ما رنت عليك الا تحبك
انس حط ايديه ع رأسه قعد ساكت يسمع فيها كيف تبكي يضغط ع سنونه بالقوه
الاء تبكي : ا ا اطللع بررا اطللع
انس برم عليها حضنها بالقوه
الاء تحرك تفك في روحها توخر فيه من كتوفه بس مش قادرة توخره كان حضنها بالقوه وهيا بين ايديه طشه
انس كتف ايديها وراء ظهرها قعد يبحت في عيونها كيف منفوخات من بكاء : اسسسس خلاص توا نطلع اهدي
قعد يبوس في خدوها وعيونها الاء غمضت عيونها داهشه وقفت حركة
الاء بصوت هادي : انس كان تحبي وخر
انس وخر وطلقها صبي تنهد طلع
الاء رقدت كانت تعبانه من قايلة وهي تبكي معش عندها جهد
........
باسم درس سيارة ونزلنا انا خذيت عليوه وهو خشش روفي حطيتهم في دارهم كانو راقدين
باسم قعد ينزل في مشياتهم وساكواتهم حطهن في صالة طربق باب الحوش
باسم عيط : إيلااااااااف
انا طلعت من دار نجري كان أول مرة باسم يضبحلي باسمي ونحن بروحنا
انا : نعم
باسم حاط ايديه في اجيوبه قارن حواجبه : من قالك تصبي معاه
انا : من
باسم قدم عليا وعيط : من قالك تصبي معاااااه
انا خفت : روفي روفي كان تبي طيح من دروج مسكها هو و الله
باسم يفنص : مسكها تصبي تضحكي معاه
انا نرعش : هو ذكرني بموقف قديم ضحكت
باسم : موقف كيف بينكم مواقف انتم
انا : نحن صغار بكل والله
باسم : عارفه امي مانحبش ### امه الفرخ هذا ولا لا
انا هزيت راسي بمعني اها
باسم عيط : ليش تحكي معاه
انا : باسم نقص صوتك العويل ينوضو
باسم يعيط : ماتقوليش نقص حسك فاهمه ولا لا
انا وجعني كيف يعيط عليا ويهزب سكتت مانبيش موضوع يكبر ونغلطو في كلام مع بعضنا
باسم : إنت من قالك تفتحي معاه دواء اصلا
انا دموعي ينزلن ساكته
باسم علاه صوته اخري : تضحكي معاه وتجري فيها له ليش وانا قالب ام الدنيا معاه ضاربه مكسره اعضامه تي حتي سلام مانسلمش عليه إنت مركبه ### امي قرون بالجو سمح
انا نطيت من صوت قعدت نرعش نبحت فيه
باسم : بس العيب مش فيك العيب فيا انا ولد الكلب الي وافقت ع مشية ولا حطيتك وعديت شن صار انا مش قاعد لعبتي معاه ولا طلقتو كرعيكم ادهورتو
انا دموعي قعدن ينزلن نبحت في باسم اوووف ع فرق بعد يتعصب اوووف ع الحن الي فيه بعد يحضني
باسم يعيط : نحكي انا كنك تبكشتي
انا : والله واقسم بالله ما حكيت معاه الا بعد مسك روفي قبل ما اطيح ليش تفكيرك عدا هكي
باسم عيط يخبط ع قلبه : عشااااان نار والعة هناااا ناااار مش معبره ### امي بكل ديما نقولك فيها يا إيلاف انا طيب طيب ونعطيك عيوني لين يركبني الجن نشوف الفرخ هذا معش تعرفيني بكل
انا نبكي : بس كلام هذا قديم مفروض تنسي
باسم عيط : ننسي ننسي واحد يقول ع مراتي كنت نحبها ننسي شنووو قولي
انا نبكي وساكته مارديتش
باسم : وإنت وين كنتي الي بنتك قريب ما طاحت وين اااه وين
انا نبكي : كنت نكلم في تلفون
باسم : علي من عابية ان شاء الله من بيمسك العويل
انا نبكي مطبسه راسي
باسم قمعز ع كرسي داهش من عياط كان متعصب درجة عرق قعد يمسح في وجهه
انا قعدت نبحت فيه من تحت تحت سمعت روفي تبكي : نبي نشوف روفي
باسم مابش يعبرني صبي خش خذا دبش وخش للحمام ولا كأنه كنت مصبية خشيت درتلها رضاعة ورضتعها وتيت رضاعة عليوه هذا وقت رضعتهم اصلا كملت روفي عليوه ناض قعدت نرضع فيه وانا نبكي قعدت معاهم قريب نص ساعة رقدو وطلعت لقيت باسم واخذ فوطه خفيفه راقد في صالة بحتت فيه وخشيت درت دوش ساخن وانا نبكي طلعت عطرت جسمي وطلعت بحتت في باسم من بعيد وخشيت سهرت للاربعة انا نفكر ورقدت
........
انس كان برا الشقة شرا تلفون ورد للشقة : صباح الخير
الاء طالع من حمام واصله حدها ماردتش
انس : البسي عباية ع سريع
الاء : للهلي
انس هز رأسه باها وطلع
الاء قعدت تلبس بنطلون وبلوزه وعابية بشويش خذت الوشاح خذت شنطه حطت فيها توته قصيره عشان ترقد بيها ملابس داخلية وعطرها تبي تطلع قابلها انس
انس : طولتي نحسابك تعبتي
الاء طلعت تلف في وشاح ومابتش ترد
طلعو وانس فتحلها باب سيارة ركبت سكره برم لبس نظراته وركب طلع بيها شور عياده خاصه
الاء : تقريبا قلت هلي
انس : نعاينك بعدين توا نشيلك
الاء : مانبيش ننزل
انس : خلاص توا نردو للشقة
الاء فتحت الباب نزلت انس تنهد ونزل خشو للعيادة
انس حجز قعدو يرجو كل مرة يجي للغرفة خاصة انتظار النساء يبحت في الاء ويرد لين طلعت ممرضه قالتها خشي عطتها تحاليل كانت الاء رأسها دايخ مش فاطنه للشي من امس مش واكلة قالتها انها تستفرغ كبدها زاعما داخت مرة وحده دكتورة كتبتلها تحاليل وطلعت
انس : شن قالتلك
الاء : مش عارفه قالتلي ديري هذينا وردي عليا
انس خذا ورقة مافهم شي : كلام امها عالق في بعضه اقري ترا
الاء : راسي دايخ نبي نقمعز
انس مسكها من مرفقها دفها جنبه : تعالي تريحي ع كرسي هنا لين نسأل وين اديري تحليل
الاء وخرت قمعزت عدا انس سال جاء خذا الاء دارلها تحاليل ردها قمعزت عشان تريح عدا دار افاري مع شاب الي مصبي برا شاب اخر ايدير في تحاليل عطي رقمه قاله اي شي تبيها من معسكر### وميناء بنغازي رن عليا وخش قول انس ### وشاب خذا رقم قعدو يهدرزو طلعوله تحليل بسرعه قاللهم اقرولي
شاب : تحليل وليه هذينا
انس فطن ان اسم الاء مكتوب ضغط ع سنونه : اها. شاب : حامل
انس ابتسم خذا تحليل : منور يا أخينا
شاب : بالجوده يا طير ومبروك
انس سلم عليهم : يبارك فيكم هيا اوكي
طلع فرحان مبتسم عدا للااء لقاها مطبسه رأسها
انس : نقطه صبي
الاء رفعت رأسها صبت مابتش تعبر انس عطها تحليل خشت للدكتورة قالتلها انها حامل كتبتلها روشيته الفيتامينات واجد عشان ضعيفه خايفه عليها من هبوط قالتلها لازم تاكلي وطلعت منصدمه
انس فرحان : شن قالتلك
الاء تبحت في انس ساكته
انس سكت لين طلعو من عيادة وركبو للسيارة : كنك ما تردي شن قالت
الاء مطبسه رأسه مشبكه ايديها : حامل
انس ابتسم مسك ايديها يبوس فيهن : وتبيني نسيبك
الاء غمضت عيونها
انس ولع سياره : نعدو مكان جديد غيري جوك
الاء : انا نبي هلي اكيده روحي من مزرعة في ليل
انس تلفونه رن طبعا معلقه جنب دومان الاء بحتت طول
انس فتح الخط وفتح مكبر ويسوق : ايوه يا نصي
جنقله : وينك طولت
انس : شوي ونقعد ظلك اضحكات واتيات
جنقله ضحك : واتيات يرجن من ينفس عليهن وينصرفن
انس : ههههه اني جاي اوكي
سكر وبحت في الاء تنهد عدا للصاحبه درس سيارة بعييييد سكر ه الاء وسيارة مظلمه اصلا مستحيل تشوف الي في سيارة
جنقلة : يا مرحبا
انس سلم عليه : اووي
جنقلة : كنك درست غادي
انس : مستعجل وين ضحكات
جنقلة طلع شكاره سوده فيها فلوس : اهنا الضحكات هذا المفتاح مكان نظيف امس بعد رنيت خذيت هلي نظفوه لك
انس : منور يا جنقلة والله نصبولك في فرحك ان شاء الله
جنقله : بالجوده يا طيب
انس : نفس ما وصيتك ع سي محمد كنت نعدي كل بعد يومين بس توا عويل عم مرحوم مش مقصرين عدي في اسبوع مرة قول سي محمد اني برا بنغازي هيا اوكي
جنقلة : تم يا طير سلام
انس عدا ركب سيارة حط فلوس جنب المارشه علق طلع ووقف ع مطعم
انس : شن نجيبلك
الاء : مانبيش
انس علق وطلع طول بدون ما يحكي
الاء ماعبرتش
انس : مازالت موسع بالك عليك وإنت عارفتيني اه
الاء برمت وجهه ع قزاز ورقدت
انس طلع ووصل شور شاليه نوضها
الاء نزلت قعدت تاخذ في نفس
انس فتح باب شاليه وخشو منظم نظيف وثلاجه مليانه
الاء طول اتكات ع فراش وانس خش مطبخ
..........
انا نضت مالقيتش باسم غيرت للعويل وغيرت انا وضميت الحوش درت غذاء قعدت نرجا في باسم لعند سته ماجشش لبست عويل وعديت كسدت مع عميمه وحنين وزينب لعند تسعه روحت حطيت غذاء في ثلاجه غيرت بدلة شرت قصيره وضابطه شعري مطلوق قعدت نلعب في عويل غيرتلهم ساعة 11 خش باسم نحن كنا في الدار نومنا
باسم خش قارن حواجبه أول ماشافوه روفي وعليوه قعدو ينطو يبوه معش يبوني قرب رفعهم مع بعضهم
انا : اهلين وينك طولت رنيت مارديتش
باسم ولا عبر : نعلي حبايب بوهم شن درتو اليوم لعبتو برا ااه قطاطيسي
قعد يذغذغ فيهم في بطونهم بفمه هما يضحكو
انا : نحطلك تعشاء
باسم : لا
يبوس في روفي بالقوه : عويناتي سمحات حبيبي الفسدقي عسل بنيتي
انا قعدت نبحت فيهم شوي صبيت وطلعت
باسم بعد طلعت قعد يبحت فيا حط عويل في مشاياتهم قمعز ع سرير وحط يده ع رأسه
انا كنت موتية رضعات بس كنت ندفي فيهن خشيت برضعات فيهن فواكه مضروبات في خلاط باسم صبي عدا شور غرفة ياخذ في دبش انا رفعت عويل حطيتهم ع سرير عطيتهم رضعاتهم باسم خش للحمام انا خذيت روفي وعليوه جنبي غطيتهم وتغطيت غمضت عيوني وانا مضايقة كنت نبي نموت ويحضني كيف قبل كنت نبي نموت ويقولي فكرونتي كنت نبي نموت نسمع منه #فوبيتي نزلت دمعتي انا نفكر فتحت عيوني نبي نشوف العويل باسم طلع من حمام سكرت عيوني
عويل قعدو يتحركو باسم لابس شرت لعند ركبه بحت فينا ورد ع مرايا يبحت فينا في انعكاس المرايا ويمشي في شعره لورا انا دموعي ينزلن معش كفن بكل قعدت ضاغطه ع عيوني
باسم قرب قمعز ع طرف سرير خذا روفي من جنبي رقدها جنبه كنت راقده انا وروفي وعليوه وسط سرير
انا حسيت بيه يبي يرقد وخرت شوي عطيته بالظهر حضنت عليوه باسم خذا روفي وطلع انا حسيت بيه مابيتش نتحرك قعدت واعية
باسم طلع في صاله فتح الكنبه خلها سرير رقد روفي ورقد جنبها
........
هبه راقده ع ظهرها حاطه يدها ع عيونها
عصام طلع من حمام خش للدار هو يمسح في راسه شاف هبه عزق المنشف ع كرسي قرب منها مسكها من وسطها ورقد رفعها جابها عليه
هبه تضحك : فجعتني
عصام يوخر في شعرها : ان شاء الله بعد بعد تنفجعي تبقي بالسماحه هذه كلها
هبه تضحك
عصام : فيش نعيما
هبه ابتسمت مشت صبعها ع لحيته : نعيما
عصام قدم رأسها قعد يبوس فيها
رن تلفون
عصام وخر يبي يأخذ تلفون
هبه تكر في يده : مش لازم ترد
عصام ضحك : نشوف من بس
هبه تكر فيه : لا
عصام كتفها بايديه وكرعيه ويضحك خذا تلفون : هذه امي
هبه رفعت حواجبها : رد
عصام مبتسم ورد : ايوه يا جنتي
هبه عضاته في خده
عصام نزل تلفون مفنص مبتسم : اصبري عليا بس
هبه رقصت حواجبه مبتسمه
عصام : ايوه ، اها جبت توا انزلكم
هبه رفعت حاحبها
عصام : باه تمام اوكي
هبه جت تبي تصبي
عصام قانط عليها يبحت فيها يبي يحط تلفون ع كومديني طاح ع وطي فاته قلب هبه ع ظهرها جاء هو مقابلها مسكها
عصام : من الي نابش
هبه : شن تبي عميمه
عصام نزل يبوس فيها : قالتلي خليك مع مراتك العسل
هبه ضحكت
عصام : قالتلي دلعها حتي كان خسرت الرهان من وراها
هبه حطت ايديها ع ظهرها : شنو نادم
عصام : أول مرة نخسر وماندمش
هبه ابتسمت طلعت شوي من لسانها ضغطت عليه بسنونها هزت رأسها يمين ويسار
عصام عظ شفايفه نزل عليها وراحو في خبر كان....
..........
انس والاء قعدو ثلاثة أيام في شاليه كلامهم رسمي ع دواء ماكله يطلعو يدهورو شوي ويردو
انس معش فتح الموضوع مايبيش يضغط عليها في نفس الوقت جاء ع جرح الاء صاحبه رن عليه قعد يحكيته ع محور انس قاله يسهفتوني ع موت ازح
الاء اول ما سمعتها خافت تحساب انس يبي يرد للمحور ما تعرفش ان انس امتنع نهائي عشان إصابته مع انه يقدر يرد بس ما يبيش عشان ما ينفصلش من عمله اصلي الاء قعدت اليوم كله تفكر في مكالمه انس وصاحبه وانس من يوم الشقة معش رد حكي في موضوع أغلب الوقت تلفونه جنبها
الاء : امتي نبو نروحو
انس قمعز : بعد تروقي وتفهميني ماتقوليش شيلني للهلك عشان تحرق كلمة النم هذه
الاء ابتسمت بس مابتش توريه : عادي نطلعو ندهورو في مصيف ولا لالا ليل
انس صبي : صبي توا نبرو
الاء صبت عدت للشكاير لقت شانبو منشف بنطلون امريكي وبلوزه لعند ركبه خذتهن هنا وشنطتها خشت للحمام غسلت وغيرت وطلعت لقت انس يرجا فيها
الاء : وين عبايتي
انس يبحت فيها : مش لازم
الاء استغربت بس سكتت طلعو قعدو يبرمو
انس : بعد تتعبي من مشي قوليلي
الاء هزت رأسها
انس قرب مسك يدها
الاء عيونها غرغرن : تعرف اني نغار صح
انس صبي جاء مقابلها : عارف
الاء دموعها نزلت : معناها مش حترد للمعسكر اصلا يبي يبقي عندنا بيبي
انس ابتسم وفرح ان خطه امتاعه جابت نتيجه : عندي وين ماشي
الاء رفعت رأسها دموعها نزلن : عارفك اصلا مش حتعدي وتخليني
انس مسح دموعها : إنت عارفه اني مش حنخونك صح
الاء طبست رأسها
انس رفعه لها : نحكي انا نفس ما طمتتك قتلك مش ماشي طمنيني قولي عارفه
الاء مسكت في تيشرت حطت رأسها ع صدره
انس ابتسمت : عرسان وجايهم جفاف كيف تجي بس
الاء ضحكت
انس بحت يمين يسار : احم كيف الي نروحو
الاء تضحك ردو للشاليه انس مش ماسك روحه
انس : 4 ايام خشينا في خامس شن هذا
الاء رفعت رأسها : عذاب الهدهد تستاهل
انس يسلح في تيشرت في حاجر امتاع الشاليه
الاء تفنص : انس
انس يفتح في شاليه : مافي حد خشي
الاء خشت : عارفه ما في حد بس
انس كرها برمها عليه مسكها من وسطها : اسسس مرايف مرايف
الاء : بس انا
انس فتح بلوزه بالقوه البطم اطرطشن كلهن يوخر بيها ويبوس فيها : قتلك اسسس
الاء مبتسمه حضنته من وخصره
انس رقدها ع فراش لوطي خذا جهاز وعلاه تلفزيون راحو في خبر كان.......
...........
يتبع...
Fafy fa