#فوبيا_الحب❤
الحلقة [49]
باسم فتح باب حوش وقعد يخشش في حاجات ونا مابيتش نصبي بكل حطهن في مطبخ جاء شافني في صاله راقده ع بطني
انا برمت عليه : نحسابك طلعت
باسم يبحت فيا : لالا جعان ديري دحي بسرعه نبي نرد مستشفي
انا درت روحي ماحويتك ماصبيت : باهي بعد توصل رن عليا نبي نكلمه احمد نطمن عليه
ورن تلفونه
باسم : خلاص خلاص هذا احمد يا الله نلحق عليه
انا : باهي رد نبي ندوي معه ونا نقليلك دحي سريع
عديت للمطبخ وباسم قمعز ع صالون
باسم : ايوه
احمد : وين يا باشا
باسم : توا حطيت هلي في حوش شويا وجايك
احمد : لا تعبش روحك راه تقريبا نصهم بايتين هنا
باسم : مش اتفقت انا عمر
احمد : انقلبت الحكايه رن صاحب انس جاي من درنه
باسم : تي خليه يروح به شن يبي يبيته في مستشفي
احمد : جاي ايوب وعمر بايتين وقريب معاذ جاء وانس توا نخليه يروح
باسم : باهي تمام براحتك ، هلي يبو يكلموك ما في حد جنبك
احمد : معاذ وقريبه
باسم : خلاص مش لازم توا نجيك الصبح
احمد : تم ، قتلك شن صار في بضاعه اللي عيطلك عليها وليد ولد عمك امس في زفه فارس قتلي شريتها وين حطيتها
باسم : شريتها زفه في صبح وعزقتها عند عبدالسلام وجيتكم يعدي بنقلا انظر شن امبربشين في ماتوري بنزينه وكاين يدخن و حاط متوري برا بضاعتي مازال ماخششها نار تاكل بضاعه كلها بنقلا شكله خاف وخر جاب طفي نار لكن بعد بضاعه راحت كلها
احمد انصدم : لالا امتي كلام هذا كنك ماتدوي يا راجل
باسم : اليوم في صبح اسلوما قالي نعوضك مانعوضك قتله اللي بيا بيك وانا مسامحك ما نبي منك قرش رن عليا فارس قالي وينكم قتله ع بضاعه قبل يبي يجي قتله اطلع مش حاجز طياره تفوت عليك
احمد : تمام خليه يهيج هو كان ما خذاها راه فرا سماء
باسم : لا حتي نا ماقلتلش عليك قالي تعالو عشاء ما عشاء قتلله لالا منور شباب في اشغالهم
احمد : تمام ، صار واخذ رعشه اليوم
باسم : ليا اسبوع مش متريح بكل عندي بضاعه في محل ### خسرت فيها معش بت تنباع ازف نزلت سعرها اليوم واجعتني أكثر من اللي انحرق
احمد : ربي يعوضك قول الحمدلله
باسم : لا الحمدلله ع كل حال انا مش ع فلوس غير مضغوط ازف
احمد : صلي علي نبي يا راجل كل شي يتعوض ان شاء الله
باسم : إن شاء الله ان شاء الله
احمد : صار باهي اللي قلتلك ماتجيش
باسم : لا والله قبل نبي نجيك وندوي معاك في قصه هذه
احمد : باهي تريح وتعال مع فجر
باسم : بكرا في صبح عندي كم مشوار توا نجيك ع زياره
احمد : تمام اسمع بيش تقولها العيسي بيش يخطاك نقار ازف
بإسم : الله كان نشوفه نتلاه طريحه هو اللي نقر ع امها في حمام بخاري امتاع فارس قولي تبي تشريها يا باسم تبي تشريها هل###
احمد : هههههه خليه توا نزرو في مزرعه
باسم : هذه اللي جايا ، هي سلام
احمد : سلام يا افندي
سكر باسم وخش للدار خذا دبش وخش للحمام اللي برا وانا لهيت في عشاء وتيت دحي وتن وجبنه قليت بطاطا شكاير واتيه وقرضت طماطم وخيار وصبيت عصير وحطيتهن ع طاوله اكل وخشيت لدارنا دورته مالقيتش بخيت عطر باسم طلع من حمام لابس شرت لعند ركبه وينشف في شعره خاش اتجاه دار وانا كنت كيف طالعه من دارنا هو يبي يخش وقفنا قدام باب دار انا جو وباسم برا
باسم نزل منشف قرن حواجبه وبحت فيا من فوق لعند لوطه وتنهد
انا رفعت راسي بحتت فيه ابتسمت : نعيما
باسم خش بجنب للدار عزق المنشف ع كنبه وعدا ع زيانه يمشط في شعره : حطي عشاء مش ماشي للاحمد
انا انصدمت من حركته يعني جو تجاهل بس مش درجه هذه مفروض يدوي ولا يهزب ولا يكسر مش يعاملني خدامه طلعت وسيبته قمعزت ع طاوله وجعتني معاملته ليا يعني ع اقل رد عليا مش لازم حركات هذينا
باسم جاء وفي يده لابتوب حطه ع طاوله اكل قعد ياكل ويبحت في لاب وانا ولا كانه هنا تنرفزت بكل
انا : احم بكرا عندك عمل
باسم ماردتش
انا : نوعيك ولا تنوض بروحك
باسم ماردش
انا خبطت طاوله وصبيت : تقريبا ندوي معاك انا شن جو اللي دير فيه هذا عليش هذا كله
باسم أول ما خبطت طاوله بحت فيا وفنص : كنك تعالي في صوتك انتي غلطانه وتدوي واخري
انا : باهي شن فيها كان عديت مع عويل عمامي
باسم تنرفز خبط ودف لابتوب لعند طاح انكسر
انا خفت وخرت منه
باسم يدوي بيده بصوت عالي : بعد تقعدي ع ذمة راااجل ما تطلعيش الا بإذنه حتي مع باتك مش مع عويل عمامك تطلعي من ورايا انا ضاغط علي روحي اسبوع كامل بين محلات وفرح فارس و100 قصه ومشكله في راسي نحاول نحلهن وهذا كله يومها نقول توا نطلعها نعوضها ضغطت عليها قبل نبي نجيك بدري وفتت حتي اصحابي عشان ما تزعليش شاء قدر احمد انضرب نسيبه مثلا ولا كيف انا ع قطع رقبتي نسيب صاحبي حتي ع اتفه أسباب لا بال طايح بدمه حضرتك ما فوتيش مشيتي ومكلمه هلك وجو افنديا الاثنين وماشيه معاهم شن منظر ## هلي قدام خوتي مراته طالعه مع عويل عمامها نقوللهم مدام مش معبره تبي تطلع وانتي تحسابيني ناسيك ومطلعك من بالي في نص شغلي تجي ع بالي وحجزت مشرق ع اساس نغيرو جو لكن ماشاء الله غيرتي جوي وحرقتي دمي ولعتي في ### امي بالقاز وانتي اكيده مكياج و لابسه طبعا
انا انصدمت من كلامه ودمعتي نزلت دغري من شكله كيف يدوي بعصبيه واضح انه متنرفز كيف فكر في موضوع سكت سكت وبك فيا مره وحده
انا : بس عويل عمامي محترمين وأصغر مني
باسم : وانا مانعرفش لا اصغر منك ولا اكبر منك هك انا فاااااهمه ولا مش فاهمه
راه نا نوعيتي نسكت نسكت ونبك مره وحده اللي فيا كافيني مشاكل فوق راسي وكنت ساكت عشان مش وقته كلام لكن انتي اطلعي واحد من دبشه
خش دار خذا تلفون تيشرت لبسه ولبس سباطه وطلع خبط باب
انا كنت مصبيه ونبحت فيه لعند طلع قمعزت شويه قعدت نفكر في اسبوع اللي فات لعند طلعته حتي بعد ندويله يقولي مش فاضي مش وقت كلام يعني مضغوط في عمل باهي وانا شن يعني توا غلط فيا اوووف استغفر الله العظيم بس مش معقوله عياط هذا عشان طلعتي بس صح حتي انا كيف مافكرتش في طلعتي بس هو ماردش عليا مقفل باهي حل يارب يارب
صبيت لميت حوسه وغسلتها وخشيت للحمام "حشاكم" غسلت وجهي وتوضيت طلعت نصلي ونبكي كملت صلاتي خشيت رقدت
..........
انس : انزلي يا نقطه
الاء : حي عليك ان شاء الله جيت صح
انس : لا جيت خطأ تي قتلك انزلي
الاء : ع خشت ابراهيم يا انت خلاص عدي
انس قرن حواجبه : و رب الكعبه ماني راد يافرخه انزلي رنيت عليه خوك قاعد في كافي مع جماعته
الاء : باهي شويه بس
انس نزل من سياره وخش صبي جنب باب مربوعه خارجي اللي ع جنان قمعز ع ماده وطلع سبسي مطبس راسه وقعد يدخن نزلت الاء حفيانه ماسكه سباطها في ايديها وتجري ع روس صوابعها
الاء دهشانه : انس
انس رفع رأسه وضحك : حفيانه يا نقطه
الاء نزلت سباطها : اسكت بيش مايسمعونيش وانا نازله
انس مسك يدها : نعليا نا من ذكي ويفكر
الاء ابتسمت وقلبها بيطلع بعد قرب انس : خلاص عدي راه صاحبك يجي
انس : كيف جايه بلوشي فش حاجه دستيها ليا هكي ولا هكي
الاء : لا مادرت شي كان قلتلي راه درتلك
انس : هههههه نعليا نا من غباء قصدي ذكاء مش شورك بكل
الاء : انس
انس قربها : عيونه وقلبه
الاء تنفس بالقوه : خلاص يا نوسي عدي
انس عض فمه تحتاني : بوسه خطف ع اقل
الاء فنصت : اننس
انس : ريت نقطه ما يطلع منها تفنص بعد نتقابلو في تلفون حبيبي ما حبيبي عكس دنيا يدلعي هكي وهكي ولا نشوف بنت اخري ايوه
الاء عيونها غرغرن ونزلت رأسها : قصدك انت معش تحبني يا طويلي
انس ابتسم ورفع رأسها : كني مطرشق بيش مانحبكش تي وربي نحبك ونموت فيك وانتي احلي حاجه في دنيتي حاجه الوحيده اللي قلب ينبضلها ونفس يتنفس عشانها ما نقدرش نفقدها انتي ليا يا نقطه ليا تعرفي شنو ليا يعني امتاعي انا انتي كان خذاك غيري انا نقتله ما تهز فيا شعره
طول ما انس يدوي الاء دموعها ينزلن
الاء : حتي انا نحب وحق الله ان شاء الله ربي مايفرقنا انا تبعدت عليك اسبوعين قريب انجنيت كان ما نبقي لكي نموت
انس مسحلها دموعها : ليا باذن الله ليا يا نقطه معش تبكي عليك نكد كلا انتي هههههه
الاء تمسح في خشمها ابتسمت : خزي عليك يا سامط
انس رفع تيشرت وقرب منها للآخر مسحلها دموعها مسك رأسها من لاوراء : الله غالب امسحي فيها وخلاص دابنها غاليه ازف لكن يالله صدقه علي روحي
الاء يبست معش تحركت انس طبس عليها باسها في خذها اول ما انس حط شفايفه ع خدها الاء رعشت قرب من وذنها
انس ابتسم : نحبك وانتي هك
سمعو واحد يكح انس وخر دغري والاء تخبط ع وجهه
انس : تي اسكتي كنك
الاء تخبط : يا بابا يا عمو عمر حي عليا وحي
انس نزل ايديها : ماتخافيش انا معاك عدي وراء طاوله وكراسي ونا توا نطلع اللي نازل
الاء تبكي : لا خلاص حقونا
انس كرها من يدها يجري حطها وراء طاوله وسكر عليها بكراسي هو برم وطلع عمر من باب وسطاني
عمر : اووو مازالت ماعديت
انس عداله اوووف : هي طالع تعال
عمر : احسن حاجه نبي نعدي معاك ماعنديش نيه نطلع بسياره
طلعو للشارع انس تلفونه رن
انس : اركب باهي درناوي وصل
عمر : جمال درناوي هذا
انس فتح : اها ، الو يا الاقرج
جمال : انا وصلت انت وين
انس : خش للمستشفي دور ثاني غرفه 303 تلقي احمد وايوب اني جاي نجيب عشاء ونجي
جمال : تمام ماطولش يا فجل
انس : هههه لا شوي جاي
سكر انس ولع سياره وطلع ودز مسج للاء " حبيبي اطلعي و اركبي راه يكبسك شي حد مش شوري بس نعليا نا من نقطه وبانة عطر نقطه نححححبك"
انس : والله يا عمر الله يسامحك
عمر يبحت في فونه : عليش كنك
انس : شن فيها توا قتلك الله" بصوت واطي "لا" يسامحك
عمر : سوق واسكت مش ناقصه تنفيخ منفخات من ربي
انس : تفكر في عرس اه
عمر : انا مش مزرور حاجتي واتيه غير حاجات فرح بس ناقصات
انس : ما تفكر في شي كل شي في وقته حلو
عمر : إن الله اهو مطعم تكي
نزل انس وجاب عشاء وطلع شور مستشفي
......
منذر : ها تمام توا
هاجر تمسح في فمها بالمنشف : اها
منذر : هيا البسي نعدو مستشفي
هاجر : لالا ليل بكرا ان شاء الله
منذر : انا قلت توا يعني توا
هاجر خشت للدار عزقت روحها ع سرير و منذر لحقها
منذر : صبي البسي
هاجر : باهي جيبلي جاكه طويله وبنطلون
منذر فتح دولاب : وينهن
هاجر : جاكه كريميه بنطلون أسود واي وشاح
منذر طلعهن وهاجر لبست و منذر لابس جاكه توته وخذا فلوس وسلاحه تلفون ودخان وطلعو
.....
ايمان : ارقد يا ماما الله يربحك
اسامه يبحت في حمادي ويضحك : حبيب باته يا بقه ايمان والله يشبهلي فرخ
ايمان عطته له : به أمسك اللي يشبهلك تعبت نا
اسامه : باهي تريحي وانا توا نرقده
ايمان خذت دبش وخشت للحمام تغسل وتبكي واسامه رقد حمادي وحطه في سريره ودق ع ايمان
اسامه : حبيبي رقدته
ايمان غسلت وجهه : هي هي
اسامه عدا للمطبخ حط في تبسي فواكه وحلو وعصير وحطهن ع سرير
ايمان طلعت خشت للدار شافت اللي ع سرير : اووف
اسامه : كنك يا روحي
ايمان : انا نبي نتريح دابينه حمادي رقد
اسامه صبي حول سفره : تعالي هنا "شبر علي صدره"
ايمان رقدت ع اسامه وخشت فيه تبكي لكن بدون صوت : نبي نعدي للهلي نطمن ع احمد
اسامه : حبيبي انتي مريضه
ايمان : شن اندير نحبس روحي
اسامه : باهي تريحي بعدين ساهل
ايمان : اقرأ قرآن
اسامه حضنها وقعد يقرأ عليها لعند رقدت غطاها وشال سفره وحمادي ناض خذه طلعه في صاله يبي يسكته مابش يسكت خش للإيمان
اسامه : حبيبي مني نوضي رضعي حمادي
ايمان فتحت عينها وقمعزت حطلها اسامه حمادي ع كرعيها وقمعز حداها ويبحت فيها كملت خذها منها
اسامه : ارقدي توا نقرعه انا
ايمان رقدت اسامه قرع حمادي وحطه في سريره وخذا ايمان ع صدره ورقد
.......
هاجر : بكرا قالتلي
منذر : عليش بكرا
هاجر : منذر شوف ساعه كم
منذر : باهي ساعه كم يطلعن بكرا
هاجر : في صبح
منذر : باهي هيا
ركبو في سياره وروحو
.......
باسم خش للحوش وبعدها خش للمطبخ شرب اميه بحت في ساعه لقاها 2 جاء للدار خذا مخده ورغان وطلع رقد في صاله
......
انس : طييييري
جمال : اوووو رفيقي
اضبطو بعضهم
عمر حط عشاء وسلم ع شباب وقريب معاذ
احمد : شن ساكو هذا
عمر : شرينه من طريق حاطينا فيه عشاء عشان نقدرو نخششه
احمد : هههههه ع اساس يا دنس
ايوب : جبتو طابونه
عمر : جبت وجبه تبي طابونه اطلع جيب
انس : شن جوك والله لك وحشه يا معفن
جمال : منور
عمر : نورت بنغازي
جمال سلم عليه : منوره بهلها
قعدو يهدرزو ليل كله وتعشو وقعد ايوب وعمر وانس رن ع منتصر وقاله جايب صاحبي اطرحو المربوعه وروحو بسياره جمال وانس سيب سياره للعمر
.....
انا نضت ساعه 9 طلعت لقيت باسم مش قاعد خشيت غسلت وتوضيت وصليت وبديت نظم وكملت الحوش خشيت للمطبخ بديت في غداء
.....
منذر : ايوه اني خاش للشارع
هاجر : كنك طولت
منذر : كملت مشاويري وجيتك
هاجر : شن صار
منذر : اهو نزلت من سياره انتي ارقدي شويه وراكب
هاجر : باهي قولي
منذر ابتسم : شن نقولك اني نحبك تي نحبك ونموت فيك ياعمري شوي وجاي
هاجر : يعني
منذر يجري ع دروج : شن يعني
هاجر : مينو قولي تحرقش دمي
منذر فتح باب شقه وخش : حبيبي
هاجر طلعت من دار صبت : نعم
......
#يتبع..
رايكن 😉
ان شاء الله كان قدرت كاااااان قدرت كاااان😅بكرا في حلقة🙈
#Fafy fa
