#فوبيا_الحب❤
الحلقة [48]
باسم خش للحوشنا خش للدار خذا دبش دار دوش وجاء ع سرير ماجشش نوم طلع ع صالون فتح تي في تقلب ماجشش نوم خذا مفتاح وتلفون وطلع برم برم أول ما جت ساعه تسعه باب حوشنا يدق بالقوه نضنا مفجوعين
بابا : ايوه أيوه
هاجر ترعش : حل يا بابا انا
بابا فتح : اهلين خشي
هاجر سلمت علي بابا : صباح خير
بابا : صباح النور خشي
هاجر : نايضين
بابا : توا ناضو كلهم . وين منذر
هاجر : حطني وعدا للمستشفي ، شن صار في احمد
بابا خش وهاجر لاحقته : كويس ما في شي
انا مصبيه في فم باب : انتي فجعتينا
هاجر خشت سلمت وقمعزت جنب ماما وبابا خش للدار وهبه وماما في صاله
هاجر : شن صار منذر قالي كويس وحتي بابا قال هكي
ماما : كويس انا شفته بعيني حمدلله
هاجر : نعليا رعشت رعشه
هبه : كلنا انفجعنا احمد عصبي لكن ماتوصلش به يدير طحنه
انا صبيت خشيت مطبخ درات سفره فطور وحطيته لهم
ماما : وين باسم يا ايلاف كنه ماجاك
انا وجهي انحمر : قالي بايت مع احمد
ماما قربت من سفره : باهي الله يربحه يوانس عمر
انا خشيت للحمام "حشاكم"
ماما : نوضي مرزي صغير خليه يفطر تعالي جاي بيش تاكلي
هبه : توا نوضه انا
ماما : وباتك حتي هو
قعدو يفطرو ويهدرزو شويه وبابا طلع و منتصر معه جابولنا نواقص وطلعو اخري نحن قعدنا نلمو في حوش وانا عقلي مع باسم وما رنيتش عليه بكل رنت ايمان قالت مروحه من مزرعه عمو قالتلها ماما علي احمد وحلفتلها ماتجيش وجت شويه وروحت
......
الاء : ايوه حبيبي
انس : ايوه نعم
الاء : وينك
انس : مش فاضي توا نرن عليك بعدين
الاء : تمام
سكر انس مع خشت ابراهيم وايوب وعمامي وبابا و منتصر وعبدالله عشان وقت زياره بعدها بشويه جو أصحاب احمد كلهم وجاء محمود ومحمد وباسم واسامه وخوته و منذر وخوه وعويل خالاتي وعمام وخوال معاذ وجت امه بعدها جوهم قاللهم انتهت زياره
عمر روح هو وانس عشان يغيرو دبشهم قعد ايوب و ابراهيم
.....
انس : ايلاف المنشف
انا : اسكت خالاتي وبناتهن عليش تنعر
انس : وين نندري عليهن امتي جو قايله ازف
انا : تي اسكت
انس : جيبي منشف عادي مش برانيه خالاتي
انا عديت جبت منشف وعطيته له ورديت للمطبخ
اميره : هههههه صدق مش برانيه
انا : طلباتهم مايتمنش بكل هو أول ما خش امسحي حددي جيبي شيلي
الاء تغسل في طواسي عصير : اميره تعبيش روحك عدي تريحي
اميره : لا والله كيف نساعدكن
انس طلع وجانا في مطبخ : اووي
اميره قدمت مده يدها : كيف حالك انوس
انس يبحت في الاء : ميه ميه
انا نصب في قهوه : هيا مدي معايا اميره خوذي حلوه
اميره : نصبلك قهوه انس
انس : لا منوره توا تصب الاء ارحبي راه قهوه تصقع "ابتسم"
طلعت في جرتي اميره بالحلوه
انس : نعليا نا
الاء برمت عليه : تأخذ فنجال القهوه وتطلع من هنا ومعش تجي بكل عشان صبايا شويه ويخشن
انس : وسعي بالك شن لسان اللي عندك يا نقطه
الاء : تبي ادير اللي قتلك عليه ولا لا
انس قرب : وكان مادرتش
الاء : نركب ونرن ع بابا يعزقني عند ماما وغادي
انس : ريت نقطه ما تهدد
الاء : وراس حبيبي تعدي
انا : هي هي نحط سفره بس ، هي انت اطلع
انس : وسعن بالكن عليا عليك لاز ازف صبي قهوه طالع ومعش جاي اه معش جاي
الاء ابتسمت : توا نصبها انا قهوه
انس رفع حاجبه : بسرعه
انا مسكت في رخام مطبخ وضغطت علي بطني
الاء تصب في قهوه : كنك يا اوفي
انا : شي تمام
اميره خشت : يطولن ياخيا ما ياخذن حلوه
انا قمعزت ع كرسي : خوذي يا ميرو وقمعزي انا لاحقينك
اميره : لا ماعنديش نيه
الاء جت تمد في قهوه للانس
اني بصوت واطي : تردي للعيت جدك نذبحك
الاء ابتسمت : حاضر
انس خذا قهوه وطلع وبعدها شويه وقعدن صبايا يخشن وردينا درنا عزومه جو عرب ايمان وهاجر وخالتي هدي وأختها وخالتي نجاح وهلها وعربي جايبها باسم
قعدنا نحوسو ونا تعبت خشيت للدار رقدت قعدن في مطبخ هبه والاء وياسمين واميره بعدها خشت عليها اسماء في دار ومعاها الاء
الاء : اوفي اوفي
انا زاره ع بطني : همم
الاء : اوفي كنك
انا : ااااااااه بطني
اسماء : بسم الله كنك
انا ضغطت عليها بيديا الاثنين : ااااه ااه
الاء : معدتك صح
انا : اهااا
اسماء : توا نرن ع باسم
انا : لالا
الاء : رني رني
انا نبكي : اااه جيبولي حبوب ### بس
الاء : لالا ماتخذيش حبوب من دون إذن دكتور
اسماء طلعت تجيب في فونها وقالتها للرحاب وهبه
هبه خشت : هييي كنها
الاء : بطنها
هبه : امس مارقدتش بكل نسمع فيها تألم
رحاب قربت مني وحطت يدها ع بطني : بسم الله الرحمن الرحيم "بدأت تقرا في سوره الفاتحة 7 مرات "
.....
اسماء : ايوه وينك
باسم : ماليا شي كيف حطيتكم كنك ازف
اسماء : تعال شوف ايلاف مريضه شكلها معدتها
باسم انفجع : كيف أن شاء الله ناضت عليها
اسماء : اها تعال شيلها حرام تبكي وتلاوه ع سري طوط طوط طوط
اسماء : سكر في وجهي معفن
....
احمد : باهي امتي خروج
ممرضه : ما اعرف
احمد : شن تعرفي املا
ممرضه : اعرف اعطي دواء انت في موعد
ايوب يبحت فيا مبتسم : نعليا من موعد وخلاص
ممرضه : لا أفهم انت ماذا تعني نعليا
ابراهيم واحمد ومعاذ وايوب اطربقو ضحك
ممرضه تضحك : ماذا بيكم
ايوب صبي : تعالي جاي نا بيدي تفهمك
ممرضه : ماذا
ابراهيم : لا بيدك لا بكراعك سيب البنت
ايوب : عليك طلاق من ببتي تأخذ رقمي كيف يا راجل البنت قاعده في غربه كان تحتاج شي حاجه من يبي يجيبلها
معاذ : ههههه لا صح صدق
احمد : ايوب روح ماتقعدش معايا انت تمرضي اخري من وراءك زيدوني ايام
ايوب يشرط في باكو مناديل : غير صلي ع نبي يابرو
ممرضه : انا لا أفهم شي اريد خروج
ابراهيم : والله تريحي اطلعي
ايوب : لا ارجي عطيني بنينه "خذها وكتب رقمه" هذا ليبيانا ومدار هيجي هي ديري رنه رد عليك
احمد : تحشم ازف
ايوب : خليك في يدك انت باهي اللي استنفعنا من وراءك بحاجه
ابراهيم : فوته هذا بارد
ممرضه خذت ارقام وابتسمت وطلعت
معاذ ميت ضحك ع ممرضه وايوب
احمد : انت راك تموت علينا من ضحك
معاذ : هههههه عنجد وجوكم بكل
انس جاء : سلام عليكم
شباب : عليكم سلام
ايوب : نصي شن جو
انس قمعز ع كرسي : اكيده داير حاجه
ابراهيم : فضح بينا قدام اجانب
انس : ههههه شن درت
معاذ : قعد يدوي ويضحك سكته مافهمش منه قعد ايوب يدوي ورن تلفون انس
انس : اووو درناوي ياطيري
صاحبه : ماتقوليش ياطيري يا### نرجاء فيك
انس : وحق الله صار معايا موضوع
صاحبه : شن صار تقولك نرن عليك امس في ليل مشغول مشغول بعدين عطاني مقفل في من تكلم اه خزي ع صاحبه اللي بينا ياكلب تفوتي عشان بنت خساره ايام مانرقدو تحت نار رصاص جمر فوقنا نشهدو ونرقدو خزي عليك خساره كيكه وعصير ولا عصيده اللي في ## نسيتها اه
انس : مطول ياطيري وانت تعبر ع مشاعرك
صاحبه : نقولك نرجاء فيك تقولي مطول تي انا
انس قص عليه : تي خلاص ازف هكي عليك طلاق سمطت امها خوي راقد في مستشفي
صاحبه : احلف
انس : لا اله الا الله اقرج وتكذب فيا اخري والله احمد في مستشفي ياسي
صاحبه : سكر سكر اني نازل بنغازي
انس : ماتعبش روحك
صاحبه : كيف يا رجل مش معقوله قتلك اني نازل اوكي
ايوب يضبح : اقرج
صاحبه : من هذا
انس : هههه ايوب
صحابه : عطي لي
ايوب خذا فون : ايوه يا الاقرج
صاحبه : اني نازلك ياصايع كم طيحت بنت
ايوب : وانت نازل راك طيح ههههه
صاحبه : وجك يا ###
ايوب : هههههه تم سلام
احمد : يبي يجي
انس : اصلا قبل ماشيله اليوم اوهو جاي هو
معاذ : تي باسم وين يا احمد
احمد : يبرم ع محلات قالي في ليل توا يجي يجيب عشاء جاي بايت هو عمر قاله باهي
معاذ : اها تمام
احمد : ايوب تعال اشحلي تلفون ترا
ايوب صبي ابتسم واحمد فنص فيه عشان معاذ قعدو يهدرزو
.......
باسم : ايوه نا قدام باب
اسماء : خشلها تبكي ورجعت راه
باسم : باهي تعالي افتحي بسرعه
سكر
اسماء : عميمه افتحي باسم برا
ماما فتحت : خش يا اوليدي
باسم : خير يا عمتي كيف حالك
ماما : والله حال الرعايش بعيد عنك
باسم : إن شاء الله خير
ماما : حمدلله علي كل حال خش تفضل
باسم خش جنان : خوذيلي طريق
ماما خشت للحوش : تعالن يا حناتي هذه راسها مسكر بالك تلين مع راجلها
طلعن للدار مقعد
هبه : مع احمد بس تعدي للمستشفي
اسماء : لا توا تطلع ياناري كيف تسحون
الاء : بعد تزعل تكمتها تكمتها بعدها تنوض عليها معدتها
اسماء : اكيده انقهرت ع احمد
هبه : بكل فجعه في ليل هذينها لعند كرعيا يبست وحق الله
.....
ماما : تعال تفضل
عميمه تقرا عليا في قرآن
انا نبكي : اااه ياربي يا ربي
باسم خش بحت فيا لقاه مسكه شعري مفكوكه ضغطه ع بطني وجهي كله حبوب حمر من ترجيع وتبكي
عميمه : تعال شيلها سلم وليدي بنت انظر كنها
باسم قرب مني وانا اول مابحتت فيه قعدت نبكي اخري حط يدي ع شعري عميمه وماما طلعن
باسم : هي صبي خلينا ناخذو ابره بيش تريحي
انا نبكي قمعزت قعد يلفكلي في شعري ولابسني جاكه وبنطلون ولافلي وشاح وقمعزت
باسم : صبي ايلاف
انا صبيت وناحيه ظهري ونمشي خطوه وتوقف جاء رفعني نا مسكت فيه هو وخر وجهي وطلع بيا
ماما : تعدي معاك وحده من بنات
باسم لابس كويش عفاسي رفعني : لالا
عميمه : طمنه عليها
وطلع فتح سياره ركبني وركب وطلعنا عدينا اقرب عياده عينت وخذيت ابره بسيف بمجده لعند خششوه باسم
وطلعنا ركبت سياره تكاء ع محل جاب عصير وكيكه
باسم : توا نحطك في حوش ونرد نجيب هلي من حوش هلك ونعدي للاحمد يرجاء فيا شوفي شن ناقص في ثلاجه رني عليا
انا : بايت برا
باسم : اها
أنا: باهي ماتبيش تدوي ع
باسم : مش وقته كلام
انا سكتت لعند وصلت حطني وعدا وخشيت وجتني سناء رنت عليها اسماء
انا : وهذا اللي صار
سناء : حكاها ليا احمد
انا : والله عليك فجعه حصلنها
سناء : شن تقولي عليا ران عليا قريب فجر
انا : مهم تصالحتو
سناء : لا مازال مادوالي نبي نعرف قالي نطلع من مستشفي توا نجيك
انا : باهي تمام
سناء : إن شاء الله يطلع نبي نشوفه
انا : إن شاء الله نطمننو عليه
سناء : اليوم ما حصلتش بكل مسجات بس
انا : زحمه تلقي غرفه كلها شباب
سناء : اها قالها ليا خلاص تريحي انتي
انا : نبي نشوف نواقص ونرن ع باسم يجيبها
سناء : خطرها انتي امتي عديتي للمزرعه البواب قال مش باسم شايلك
انا : احم ماه نا ليلتي سوده عديت مع عويل عمامي باسم طول عليا
سناء : يا نهار اسود ما في ضي حي عليك شن درتي
انا : خلاص ساد الاء ركبت فيا رعب وفجعه احمد وحق الله من خوف وتوتر لعند معدتي ناضت عليا
سناء : لا حول لله وخلاص خليك خشي دوشي وانا نكتبلك نواقص وانتي رني
انا : تمام الله يربحك بس بتلفونك عشان تلفوني نسيتي عند هلي
خشيت اندوش سناء دقت عليا
انا : نعم
سناء : باسم يرن عليا اطلعي
فتحت باب شويه وخذيت فون والورقه
انا بصوت هادي : ايوه
باسم : وينك ان شاء الله كنك ناسيه تلفونك عند هلك
انا : انا طالعه ساعفني مش طالعه ندهور
باسم : شن ناقص
انا : حليب وعصير طماطم وفلفل ودحي وجبن وتن وزبده "نزلت الورقه " ورز و مكرونه وشكلاطات ومكسرات وكعك وتست وخبزه شاميه
باسم : هذا كله انتي ماتاكلش فيها شكلاطه عليش نجيبها
انا بصوت هادي : لا نبيها نا
باسم : باهي وين قاعده انتي
انا : في حمام اندوش
باسم : دزي اللي تبيه في مسج مانحسابه ليسته
انا : حاضر
باسم : سلام
انا سكرت : عليك عناد فيك يدوي فوق نفس لكن والله نوريك
ضبحت للسناء عطيتها فونها كملت دوش وطلعت خليتها تستشورلي شعري وكحلت خطيت حواجبي ودرت روج سمعنا بيبت باسم
سناء : البسي روبك احمر وسلام
انا : إن شاء الله يعجب
سناء : هههههه توا يقولك هذا كله ومريضه
انا : ههههه مشكله ناخذ ابره نقعد تقول قرده حشاك
سناء : حشاك من سويا يا خيا ديري روحك مازالتي مريضه باهي
انا : هههههه تمام
سناء : هههه سلام
طلعت وانا سقمت روحي لابست وتعطرت ورقدت في صاله
......
انس : جاي صاحبي من درنه بكرا ندوي معاك
الاء : لالا دخلنيش انا نبي ندوي معاك فوته صاحبك
انس : ماتجيش حبيبي عيب
الاء : يعني هو أهم مني
انس : والله ما هكي انتي حبيبتي وروحي وحياتي وهو صاحبي يا نقطه وجاي من طريق
الاء : باهي خليك معايا لعند يجي
انس ابتسم : توا شن منظري وانا في سياره وهما جو
الاء تعصبت : خلاص يا انس عدي هدرز معاهم
انس : هههههه نبصر معاك يا نقطه عليش ران عليك توا نبي ندوي معاك توا لعند يجي درناوي
الاء ساكته
انس : اووي حبي
الاء ساكته
انس : يا تدوي يا نولع سياره تلقي وجهي قدام وجك
الاء : تقدرش
انس ولع سياره : انزلي لجنان يا نقطه توا نوريك
الاء : غير قمعز واسكت
انس : قتلك انزلي اوكي
وسكر
الاء : حي عليا وحي مطرشق هذا
.......
سناء : ايوه حصلت فرصه
احمد : اها طلعو كلهم وسيبو غرفه
سناء : باهي كيف حالك توا
احمد : توا توا
سناء : اها توا
احمد : توا توا ميه ميه فوق ريح اللوز اللوز
سناء ابتسمت : باهي حمدلله
احمد : نحبك
سناء سكتت
احمد : من امس وانا نقول فيها وانتي ما تدويش ومن انا ندوي في صار معايا اسبوع كله وانتي شي ولا كانك هنا
سناء ساكته
احمد : حبيبي
سناء : نعم
احمد : عارفه روحك حبيبي كنك ما قولي اي حاجه باهي
سناء : مش وقته كلام هذا توا نتفاهمو فيه يوم اخري توا نطمن عليك بس
احمد : هذا عليش تردي عليا املا عليش خفتي عليا
معاذ خش بكروسه مع ممرض : منور والله تعبتك
احمد : هيا اوكي توا نرن عليك بعدين
سكر
ممرض رفعه : بوجودك
معاذ : رن ع باسم يا احمد
احمد : عليش
معاذ : مش لازم يجي كلهم قاعدين انس وصاحبه ولد خالي
احمد : تم صح توا نرن
......
باسم فتح باب حوش وقعد يخشش في حاجات ونا مابيتش نصبي بكل حطهن في مطبخ جاء شافني في صاله راقده ع بطني
انا برمت عليه : نحسابك طلعت
باسم يبحت فيا : لالا جعان ديري دحي بسرعه نبي نرد مستشفي
انا درت روحي ماحويتك ماصبيت : باهي بعد توصل رن عليا نبي نكلمه احمد نطمن
ورن تلفونه
باسم : خلاص خلاص هذا احمد يا الله نلحق عليه
.......
يتبع....
هذا اللي قدرت نكتبه نزلتها من غير تعديل عشان وعدتكن بس ...
#Fafy fa
