#فوبيا_الحب❤
الحلقة [93]
محمد : لا الله الا الله ان لله و ان اليه راجعون ، اني جاي شويا و نكون عندكم
......
انا نضت دوشت وصلت كنت تاعبه شوي، بس صبيت وخشيت للمطبخ قعدت اندير في فطور خش باسم يمسح في شعره
انا : صباح الخير
باسم مرفع حاجبه : صباح النور
انا ابتسمت : قمعز توا نجيب الفطور
باسم حط المنشف ع كرسي في مطبخ قمعز ماسك تلفون
انا قعدت اندير و مرة مرة نبحت فيه كملت وقمعزت قعدنا نفطرو
انا : حبيبي
باسم بحت فيا
انا : كان فاضي عادي نطلعو هك يعني نغيرو جو
باسم : مش وقته بعدين ساهل نبي نوزع بضاعه ونبي نسعر و نبي نشوف حساباتي وكم قصه نبي نحلها
انا : تمام علي راحتك علي فضوتك
باسم غمزلي وابتسم
انا قعدت ناكل درت روحي ما فطنتش
باسم صبي : سلم ايديك ، نبي نغير ماشي للشغل تبي حاجة قبل ما نطلع
انا : جيبلي خضرا عشان اندير غذاء
باسم : عليك قصه باهي توا نجيب
انا صبيت قعدت نلم باسم لبس وطلع
.........
ابراهيم : ايوه خالي
خاله صوته متغير : وينك
ابراهيم : كنكم شن فيه
خاله : تعال حوش جدك جدتك عطاتك عمرها
ابراهيم انصدم : كيف و امتي
خاله : توا في هالصبح سكته قلبية
ابراهيم طلع من مستشفي : اني جاي يا خالي
ايوب يجري وراه
خاله سكر
ايوب : تي انت وين ماشي
ابراهيم صبي : ماشي حوش جدي جدتي توفت
ايوب : لا حول لله كيف و امتي
ابراهيم يحكي و مخنوق : سكته قلبية في صبح
ايوب : عظم الله اجرك
ابراهيم : اجرنا واجرك ع الله
ايوب : عدي توا نقعد انا هنا نطمن عليه ونجيك
ابراهيم ركب وعلق السيارة وطلع ايوب رد
.........
هاجر : ايوه
منذر : وينك من امبدري وانا نرن
هاجر : كيف طلعت من حمام
منذر : تقدري تطلعي فم الباب
هاجر : عطيني شوي ونجيك
منذر : تمام
هاجر سكرت : احم ماما قتلك
ماما : انعم خير ان شاء الله
هاجر : لا خير ما فيا شي بس نبي نقولك نبي نجيب جلبية من فوق توا نجي
ماما : جبتلك جلبيتين اجدد وينهن
هاجر : منذر ركبهن فوق
ماما : خلاص كلميه هو و لا وحده من بنات يجيبنها لك
هاجر انحرجت : لا توا نركب انا نبي نبرم علي شقة
ماما : لا حول لله اركبي بس بشويش
هاجر صبت : ماما عينك علي سنودي
ماما : غير عدي بس
هاجر طلعت ركبت فوق
منذر كاين يدخن في جنان
هاجر رنت علي منذر : الو
منذر : شن صار وينك
هاجر : في شقه اركب كذبت الكذبة وصدقتها
منذر ضحك : اني ركبلك
سكر وركب
هاجر راقده ع سرير
منذر خش : نعليا نا كنك
هاجر : مرايفه ع سرير خاطري نرقد
منذر قمعز جنبها حط يده ع شعرها : مازالتي تعبانه
هاجر : اها شوي وجع قولي كنك
منذر : نبي نقولك شن تبي اديري جو صبايا انا ما نفهم فيه
هاجر : ما نبي اندير سريب توا اندير معاك مرة وحده
منذر : تمام خلاص معناها ابدي اعزمي ع اسبوع انديرو عشاء مرة وحده شيلا بيلا
هاجر : هكي تمام
منذر طبس عليها : باهي تبيش حاجة إنت
هاجر توخر فيه : هههههه لالا شكرا
منذر معصي مطبس عليها : غير قولي حسيتك تبي حاجة
هاجر : و الله ما نبي حاجة يا سامط وخر ههههه ثقيل راك
منذر وخر اتكه جنبها : تمام اه وخرت
هاجر قمعزت : اااااه ااوف ياربي
منذر يبحت فيها : توا مش جبتلك بوماطه
هاجر : قالولي يومين و تريحي
منذر : باهي تحملي كان هذا نشوفلك دكتوره ولا شن
هاجر : لا طبيعي فترة بس
قعدو يهدرزو ومنذر ما ريحش روحه شويا ونزلت هاجر ومنذر نزل بعدها بنص ساعه جاب نواقص وعدا
.........
عمو محمد يدق علي حوشنا
هبه فتحت : خش يا عمي
محمد : باتك وين
هبه : اهو يبي يطلع
بابا طلع من دار : خش اشرب قهوه
محمد : لا مستعجل، قتلك الحاجة ام هدي عطاتك عمرها
هبه انصدمت مع طلعت سناء كانت تصلي في صبح
بابا : ان لله وان اليه راجعون لا حول لله ولا قوه الا بالله
محمد : بيش تقول للفوزية راك تنسي
بابا : توا ماشي نجيبها
هبه : شيلنا معاهم قبل يا بابا
محمد : انا طالع
بابا : عدي شيل هلك ما تقوللهمش هنا بس
محمد : اها عارف
شوي وسمعو صوت عياط ركبو يجرو عمو محمد و هبه و هنيده وعمو عمر نزلو للدور ثاني و سناء قعدت ترن ع احمد
..........
احمد خش للجلاء يجري رن تلفونه يسكر رن اخري سكر رن اخري وسكر وصل فيهم
ايوب : كنك داهش ما في شي ساهله
احمد : كنكم ما تردو ع تلفوناتكم يا ### امكم كنكم
ايوب : تي وسع بالك كنك ازح و الله ساهله رصاصه خشت و طلعت
احمد : وينه
ايوب : في عناية شوي ويطلع تستقر حالته بس
احمد قمعز : شن قصه كيف جاته الرصاصه
ايوب : كنت مكسد انا و ابراهيم في سيارتي شوي ورن علينا صاحب انس معاه في معسكر قال صار فيه كلام بين شباب و انس خش فيها كبرت مشكله صار فيها رصاص جت في انس رنينا ع رقمه رد علينا جنقله هو الي ماشي معاه قال كويس تعالو في جلاء جينا لقينه مش مخشينا درنا دوشه خششوه طول داروله كشف قالو ساهله خش عمليات طلع اهو في عناية
احمد : باهي الحمدلله ، وين ابراهيم
ايوب : جاء تلفون جدته توفت
احمد : يا عليك صبح ### ان لله وان اليه راجعون
ايوب : ما رنيت ع حد راه
احمد : توا نرن ع عمر توا يصرف
ايوب : حتي هذا حل
احمد رن تلفونه صبي ورد : كنك ازف
سناء : كنك ترد هكي
احمد : درت مشغول معناها مش فاضي
سناء : باهي مرات عمك امها توفت نبي نقولك نعدي معاهم ولا لا
احمد متعصب : لا ما تحركيش من حوش هلي فاهمه
سناء : باهي يا احمد كنك تدوي هكي
احمد سكر في وجهه و رن علي عمر
...........
هدي تبكي : نعلي شيلني يا محمد نشوفها شيلني
محمد : من قالك إنت
الاء تبكي : رن عليها ابراهيم قاللها جدتي مريضه بكل البسي اني جاي نبي ناخذك
محمد : عليش البكاء اسكتن والبسن توا يجي ياخذكن ما فيها شي
هبه حضنت الاء وتبكي
هنيده ماسكه في هدي ترعش : ان شاء الله خير ان شاء الله خير البسي بيش يجي يلقاك واتية
هبه وخرت : الاء عدي واتي ساكو للامك و للروحك قبل ما يوصل ابراهيم
الاء ساكته عدت تواتي في دبش وصل ابراهيم خذاهم
......
محمد مقمعز في سيارة : متوفيه هيا
عمر مصبي ع باب سيارة : لا إله إلا الله بقاء ودوام لله
محمد : ونعمه بالله، سلام عليكم
عمر وخر وخبط ع سياره : وعليكم السلام مربوحه
......
احمد : ايوه
عمر : الو وينك
احمد : انت وين
عمر يفتح في بيبان : شايل هلي للهل هدي مرات عمك امها توفت اليوم
ركب وعلق طول
احمد : تمام عارف قتلك حطهم وتعال في جلاء انس مصاب بس تخليش حد يفطن
عمر يضغط في سنونه يسوق : تمام ان شاء الله كويس
احمد : في عناية قالو كويس
عمر رفع صوته شوي : تي كيف تجي هذه باهي باهي اوكي خلاص شوي نرن عليك
احمد : تم اوكي
هنيده : حبيبي عليش ماشيه ع صبح وهيا مريضه كان خليتها مرة اخري في عشية
عمر : عطاتك عمرها
هنيده فنصت : قصدك ماتت
عمر : اها
هنيده : يا ناري لا حول لله
........
باسم : سلام عليكم
احمد و ايوب : عليكم السلام
باسم يبحت في احمد : شن صار
احمد قعد يحكيله
باسم : داروله بلاتين داخلي
احمد : اها رصاصه مدششه العظام
باسم : لاحول لله
احمد : جاني صاحبه قالي قبل ما يخش عمليات ما تقولوش للهلي
باسم : بعد نخشو عليه أسأله
عمر جاء يجري : ها شن صار
احمد : كويس شوي ونخشو
ممرض : شباب المريض شبه ناض خشو بس بالله فكونا من هرجه مديروش نفس امس تقلبو المستشفي
ايوب : خليك في همك يا خيي
ممرض عدا وسيبهم خشو شباب
احمد قرب من انس : حمدلله على السلامتك
انس دوبك يحكي : الله " سكت شوي " يسلمك
شباب اصحابه : حمدلله على السلامتك يا عيني
انس هز رأسه
قمعزو جنبه قعدو يهدرزو وانس يا دوبك واعي احمد رن ع منذر و أسامة قاللهم
.........
احمد : باتي لازم يعرف
عمر : خليك توا نحلها انا ماشي للعزاء نروح بهلي بيهم
احمد قعد يفتش في اجيوبه يطلع في تلفون : تعرف نسيت هلي بكل يا رااا
عمر : قاعده مع هبه ولا لا
احمد عيونه في تلفون : اها توا في هاليل شن يبي يردني و ايوب عدا للابراهيم
عمر : خليك نروح بهلي ونجي إنت رد
احمد : تمام ما طولش بس
عمر طلع واحمد رن ع سناء ماردتش
.......
انا : ايوه حبيبي
باسم : اهو خاش للحوش عطيني دقائق بس
انا : تمام
باسم بعد ربع ساعه خش : سلام عليكم
انا كنت مقمعزه ع صالون نتفرج ع TV : عليكم سلام وينك
باسم : وراء رزقي ويني يعني
انا : ربي معاك ويساعدك
باسم حط تلفون ومفاتيح ع طاوله ورقد ع كرعيا : لنقاني تعبان ع آخر
انا : تعشيت
باسم هز رأسه اها
انا : وين تعشيت
باسم : انا واحمد وشباب
انا : احمد جاك
باسم : لا انا عديتلك " برم بحت فيا " بكرا تبي تمشي اخري للعزاء
انا : اها اكيده الاء حالتها حاله
باسم : تمام توا نبرم موضوع ونقولك
انا : كان مش فاضي توا نقول للانس يجيني
باسم : لا انا نشيلك وانا الي نروح بيك
انا : تمام علي راحتك نوض دوش وتريح
باسم قعد يمشي في يده ع جسمي : نعليا نا
انا : نوض مش تعبان
باسم ضحك قعد يبوس فيا بعدها صبي خش للدار وانا برمت ع حوش خشيت للدار
........
هاجر : نعزي في نهار عيب
منذر : قتلك فيش مشي
هاجر : كيف ما نمشيش هذه مرات عمي الي مشيتلها
منذر : وانا قلت لا اسمعي الي نقول عليها بعد تريحي توا نشيلك
هاجر نقصت صوتها : معش نبي نمشي
برمت غطت روحها ورقدت
منذر : هاجر هاجر
ام منذر خشت : خليها ترقد كنك تنوض فيها
منذر انحرج : لا ع عيل بس
ام منذر : خليها تريح توا نقعد جنبه انا
منذر صبي : انا راكب تبو شي
ام منذر : سلامتك شوفلي خوك بس
منذر : ما في شي رد يشتغل ع حاله و أمور تمام
ام منذر : الله يربحك ويفتحها في وجهه يارب
منذر : تصبحي على خير يا امي
ام منذر : قدامك كل الخير
منذر طلع ركب شقته رن ع هاجر بس هاجر سكرت في وجهه وقفلت الفون
........
احمد روح ساعه 3 في ليل
سناء راقيلها : هيا تصبحو ع خير
هبه ومنتصر وبابا : قدامكم الخير
بابا صبي : احمد نبيك شويا
احمد : اطلعي سيارة توا نجي
سناء طلعت قدامهم ركبت في سيارة وبابا و احمد قدام الحوش
بابا : يعني بسيطه
احمد : لا بسيطه الحمد لله وشاب قاعد في حبس معسكر بكرا توا نسأل انس ونقولك
بابا : باهي من من عمامك غادي
احمد : عمر علي وعمر و ايوب رد معاه ابراهيم وأصحابه ما سيبوش طلعو معايا
بابا : من بايت معاه
احمد : ايوب وابراهيم
بابا : باه كويس خلاص عدي مراتك ترجا
احمد : بكرا صبح قولها لكم
بابا : ان شاء الله خير
احمد : تصبح على خير
بابا : وانا بخير
............
هنيده : نعلي عليك عياط يا عمر لين نحس في روحي مرضت في عزاء
عمر حط ايده ع عيونه : ربي يرحمها هيا ما طقت شي
هنيده : اها لحقت شايبها طول وجعتني هدي كيف دايره
عمر : لا حول لله الاء شن دايره
هنيده : مستوهه وخلاص مش نفس عزاء جدها تبكي بس مستوهه
عمر قمعز : كيف مستوهه كنها
هنيده : تحسها كتمتها فهمتي
عمر : حي ع ام القصه امالا كان تسمع ع انس شن يصير
هنيده انفجعت : كنه انس
عمر : اسسس ما في شي ساهله
هنيده : كيف ساهله كنه
عمر : مضروب في كراعه من امس في ليل دار عملية توا كويس الحمدلله
هنيده : نعلي عليك حظ البنت هذه ربي يصبرها
عمر : الحمدلله علي كل حال الواحد ما عنده ما يقول هذا ابتلاء من عند ربي يختبر في صبرنا بس الحمدلله
هنيده سكتت
عمر برم عطها بظهر : هنو طفي ضي عشان نفك ع ايوب في صبح
هنيده : باهي نبي نقولك
عمر برم بحت فيها : شنو
هنيده : ما حد يعلم ولا كيف
عمر : تؤ فيش حد يعلم الا شباب وصلاح
هنيده : يا قلبي ع الاء
عمر : خلاص فضي الموضوع طفي ضي
هنيده صبت طفت الضي جت قمعزت ع سرير تبحت في وطي
عمر برم عليها مسكها من وسطها كرها حضنها بصوت واطي : تريحي ارقدي بكرا نبو نوضو بدري
هنيده حضنته ورقدت
.........
سناء بدون نقاش خشت طول للحمام دوشت وطلعت طول للسرير
احمد دوش وجاها راقيله : سناء نوضي عدلي تلفون بيش تنوضيني بدري ماشي للمستشفي
سناء قمعزت : عليش مستشفي
احمد عطها بظهر : انس مضروب
سناء خبطت علي صدرها : هيييييي كيف مضروب بسم الله
احمد برم بحت فيها متعصب : أعصابي تالفات بروحهن راه خلاص ارقدي ازح
سناء : نبي نطمن بس
احمد : كويس ما في شي عدلي الخارب تلفون بيش تنوضي جد امي
سناء هزت رأسها برمت تعدل في تلفون و احمد رقد
..........
باسم : انزلي توا نرجاك هنا
انا : عليش
باسم : مرات تبي تقعدي
انا : اكيده في عزاء يا باسم شيلني
باسم : تي انزلي بس
انا نزلت وسيبته دقيت ع حوش فتحلي منتصر لقيت ماما و ايمان و عميمه فاطمه و هبه و مريم خالتي نجاح وياسمين يبكن انفجعت بحتت في هنيده وسناء ساكتات ويسكتن فيهن
انا : شن فيه كنكم
هبه حضنتني : ما في شي تعالي
انا نوخر في هبه و عيوني ع ماما : ماما كنك عليش تبكي
ماما : ع حظ خييك علي انس الي ماعاد تريح ع انس الي مش عارفه من وين يلقاها ع انس الي مش مهني روحه تعبلي قلبي من وراء
انا قعدت نبكي : تي كنه انس شن فيه
ايمان صبت : تعالي ما في شي مصاب جات خفيفه
انا نبكي خبطت ع كرعيا : وووووه عليااااا وووووه نعلي يا خييي
عميمه فاطمه حضنتني : اسكتي معش تعيطي كويس والله كويس ما في حاجة
انا نبكي : نعليا يا عميمه هذا انس يا عميمه
ماما : الحمدلله ع كل حال هكي ولا غيرها الحمدلله
انا وخرت عديت للماما ونبكي : وين جاته امتي انصاب كيف و من من
ماما : باتك قالي أول أمس في ليل نحن ما نعلمو بخيك و هو يسايل بدمه
انا نبكي : كيف انضرب يا ماما قبلها كان في عشية معناها قاللنا ما تبتنش عند هاجر
ماما تبكي : جاء صاحبه في ليل خذاه عطي ما يرزيه يا الله ولدي قاري فاتحه و خطبتله وين شايله ليا
عميمه فاطمه : قولن لا الله الا الله كنكن تفاولن عليه إنت اسكتي باتك قال كويس ما فيه شي
ماما تمسح في دموعها : انضرب في معسكر في كراعه
انا نبكي ونشهق : حسبي الله ونعم الوكيل فيه الي ضربه حسبي الله ونعم الوكيل فيه
بابا خش : سلام عليكم
بنات : عليكم سلام
انا مسحت دموعي نبي نصبي معش قدرت ساعدتني مريم : خير يا بابا
بابا : خير كيف حالك
انا : الحمدلله كيف حال صحتك
بابا : الحمد لله
انا : كيف حال انس
بابا : كويس اهو ورايا منتصر مصوره لكم شوفوه
ماما : تبي تشيلني للولدي ولا لا
بابا : زحمه مستشفي
ماما : انا ما دخني بحد وليه كبيره جايا للولدها مش حاسه في حد تبي تشيلني ولا نرن ع احمد
بابا رقتلي : البسي توا نشيلك
ماما صبت مع خشت منتصر
انا : وين الفيديو
منتصر طلع تلفون ولعه خذينا تلفون قعدنا نتفرجو
انس : اوي، شن جوكم انا كويس ما فيا شي فكوني من جو الشين عياط ومعيله مافيش ولا وحده فيكن تجي للمستشفي راه عرفاتني انا بعد نقلبلكن ع وجهه ثاني قمعزن في حوش كم يوم ونطلع ان شاء الله طمنو جماعه كلها الحمدلله علي كل حال هيا اوكي
انا فرحت في نص وجعي كيف هو كويس بس كراعه كيف مشنقله مجبسه عطينا تلفون للمنتصر
انا : باسم برا
منتصر كاين بس عدا
انا هزيت راسي وقمعزت طلعت ماما وبابا عدو للمستشفي
احمد : يعني اجرا يأخذه باتي
انس : اها خلي باتي يصرف
احمد تلفونه يرن : هذا باتي ، ايوه ، كيف ، كان سكرت رأسها مفروض ما جبتهش ، اني طالع اوكي
انس : كنك
احمد : امك جت
انس يضغط ع سنونه : عليش جايا ازف قلت محد يجي انا دار مليانه
احمد : توا نصرف
طلع
بابا : عويل قالولك مش لازم تخشي
ماما تبكي : معناها داسين عليا حاجة عارفتكم
بابا : والله ما في حاجة يا ولية افهمي
احمد جاء : كنك يا امي تبكي
ماما : خليني نشوف خييك الله يربحك
احمد : استغفر الله هيا تعالي " يتمتم بصوت واطي" عليك طواطي كلا صبايا ازف
قعدو يمشو لين وصلو قدام الغرفه
احمد : خليك هنا ع يمين شويا نطلع شباب الي جوا
ماما : كيف امهم خليني نخش
بابا : لا ما تخشيش انا مازالت نمشي فيك نرد بيك للحوش ما ترقيليش القاز
ماما سكتت واحمد خش
احمد : شباب اسمحولنا العجوز جاية تشوف في انس
شباب : لا عادي و لا يهمك
قعدو يطلعو
انس يبي ينفجر انحرج من موقف
احمد طلع للماما : خشي هيا وبسرعه
ماما خشت شافت انس كيف راقد وحاط يده ع عيونه : انس كنك شن جاك
قعدت تبكي حضنت انس
انس : تؤ تؤ يا امي كويس ما فيا شي كنك ازح بلاش بكاء قتلك كويس
ماما : نعليا اوليدي حظك عطيب وانت من حاجة للحاجة
انس ضحك : تي كنك شن عطيب الحمدلله ع كل حال خلاص يا امي
ماما وخرت وقمعزت جنبه : كويس انت توجع فيك حاجة قولي خاطرك في حاجة تبي حاجة
انس : لا جو تمام شباب مش مقصرين
ماما : ليش تخش في هالدوشه يا باتي كان خليتهم ينحرقو في بعضهم
انس : اهو نصيب ، خلاص يا امي عدي خالتي هدي شوفيها
ماما صبت : باه مهم طمنت عليك دير بالك على روحك كان تبي حاجة قولي باهي
انس : ان شاء الله
ماما حضنته آخر : حمدلله على السلامتك
انس : الله يسلمك
طلعت ماما مع بابا روحت للحوش
.......
نحن لمينا اروحنا عدينا للهاجر شوي طلعنا بس ما قلنالهش ع انس عدينا للعزاء وقعدت معاها ايمان قعدنا في عزاء لعند ساعه 9 قبل ما نروحو جاتني الاء
الاء : ايلاف قتلك
انا : نعم
الاء : انس مقفل متحشمه نرن ع ابراهيم رني ع باسم كان في خيمه رجاله قوليله يعطيك انس خليه يفتح تلفونه
انا نسمع فيها وساكته
الاء : مقفل من عشية معش عرفت نحصله
انا : تعرفي اكيده طافي شحن بكرا كلميه
الاء صبت : مشغوله عليه بس بكرا توا نرن اخري
بنت خالتها : الاء تعالي
الاء صبت : توا نجيك
انا : خوذي راحتك
الاء عدت
سناء : كنك ما قلتي
انا : بيش تمرض عليا بعدين بابا وعمو محمد قال ماتقولوهش لها
هنيده : نعليا عليك فجعه ربي يكون في عونها
انا تنهدت طبست راسي : الحمدلله
هبه : كنهم يتحوسو
مريم جت قمعزت
هبه : ميمي كنكم
مريم : خالهن قاللهن عربنا من قبه قريب يجو ارمن المكرونه ع اساس 6 مقاعد توا قال 8 مقاعد
انا : عليك تعب يا ناري
...........
الاء مصبيه وتبحت وبنات خالتها يحوسن
خالتها : الاء طلعي أول قصعه خوك وخوالك برا يرجو
الاء فطنت : نعم
خالتها : طلعي عشاء قتلك
الاء رفعت قصعه مش مربوطه كويس وطلعت
خاله : و انا نقول ما شفتش بكل نسيبكم في عزاء
ابراهيم : راقد في مستشفي مضروب
خاله : قالولي خوتي انس يبي يعزيكم ع تلفون بس كنت مستعجل وطالع
الاء مصبيه
ابراهيم : انضرب في ليل في صبح رنت عليا خالي مفتاح قالي جدتك توفت جبت امي وجيت
بنت خالتها : ما في حد يا الاء و لا كيف
بنت خالتها فتحت الخيمه جت عين ابراهيم في عين الاء
الاء دموع ينزلن ع خذها تقول شلال مش قادره تحكي : شنن صارله
ابراهيم قرب خذا منها قصعه والاء خشت بكل هدوء بنت خالتها عطت قصعه للخالها وخشت شرتيلها
الاء صبت عند باب الحوش عيت جدها واتكت ع ساس ونزل لين قمعزت ع وطي وساكته دموعها ينزلن جيتها انا وبنات
بنت خالتها بصوت واطي : ابراهيم قالي قولي بنت عمي راه عرفت انا وهبه قربنا منها
الاء : اااااااااااااااااااااااااااااااااااااااه
قعدت تعيط وبنات خالتها وخاولها طلعن من جنان الي يطبخن فيه يجرن من عيطتها وخيمه كلها بحتت
هبه مسكتها : اسسسس ساهله و الله ساهله
الاء تبكي : اننننس انسسسسس مضروووب كنت حاسه والله كنت حاسسسه
ابراهيم يضبح بصوت عالي : هببه ايلاف
ياسمين تبكي طلعتله : نعم
ابراهيم رقتلا : جيبلي ### امها هذه خير ما نخش نكر ### اصلها من شعرها
ياسمين : كيف نجيبها
ابراهيم ضغط ع سنونه : قتلك كريها ليا مش ناقصه هيا
ياسمين جتني انا كنت نبكي ضربت انس هذه وجعتنا عشان هو مش شوره بكل موضوع وعشان مش وقته مفروض يبني للحياته الجديده لقينا عزاء جدته الاء سبلا بكينا كلنا لين قلنا بس
الاء تبكي : تكذبو عليا عارفين كلكم نقولكم راه مقفل انس يا هووووه انس مقفل ااااااه يا حبيبي نعلي نا
انا قربت منها : غير اسكتي بس اهدي و الله كويس كان معايا نقال منتصر راه وريتك فيديو استهدي بالله قولي لا الله الا الله تعالي قمعزي نفهمك
هدي تبكي : قولي الحمدلله سلم بنتي طلع منها طيب ما فيه حويجه اهي مرات عمتك كانت تحكيلي قالت كويس اسكتي الله يستر بيتك والله ما عاد عندي حيل
قعدت تبكي خذتها هنيده ردتها جنب ماما وضيوف الي جاين يعزو
الاء صبت حضنتني : نبي نشوفه نبي نشوووووووفه نعلي نار والعه في قلبي نار يا انس قلبي ن " سكتت"
انا هديت : الاء اسكتي كنك تفاؤلي عليه كويس والله كويس
الاء سكتت
انا : ايوه هكي سلم خيتي
مريم تبكي : اوفي هذه فاقده الوعي
انا : خوذنها طلعنها للابراهيم
هبه وياسمين و مريم وخرنها من عليا وطلعنها للابراهيم طلعت معاها خالتها الدكتورة وخيمه كلها كانت تبحت في الاء صبايا من كثر ما تاثرن بالموقف نص الخيمه بكت مع الاء وفجعه الي حصلتها
........
ابراهيم : هااا ازف هاااا
ايوب : وين قاعد
ابراهيم : ساعف الاء مرضت
ايوب : كنها
ابراهيم : وين نندري انا ماشي للعياده ####
ايوب : تلقاني قبل اوكي
سكر وخش للغرفه مليانه شباب
ايوب طبس ع انس : اووي يا طير
انس : شن فيه
ايوب : رنيت ع ابراهيم قبل نبي نمشيله بيش نجي نا وياه نفس امس قالي ساعف هلك
انس
......
يتبع....
Fafy fa
