#فوبيا_الحب❤
الحلقة[52]
ابراهيم : ايوه يا خالي
خاله : جيب امك بسرعه
ابراهيم : كنكم شن فيه
خاله : جيبها للحوش واسكت
ابراهيم : جدي شن صار فيه
خاله : تي طياره بعد 4 ساعات جيب امك يا فرخ
ابراهيم : وسع بالك يا خالي ازف فجعتني واقسملك بالله كرعيا رقدن
خاله : غير هيا حتي باتك نرن عليه مايردش
ابراهيم : توا نجيبلك سلاله كلها بلا منهن فجايع وانت معش ترن ع حد بطريقه هذه نصيحه بيش معش تلقط دعاء
خاله : وجك يا كلب
ابراهيم : هههه منور يا بو خال حاضر توا نجيبها
خاله : خلاص سلام
سكر ابراهيم ورد للكافي
ابراهيم : ايوب انا طالع
ايوب يأرقل : وين إن شاء الله
ابراهيم : ماشي للحوش
صاحبهم : شباب راه نا داير مشكله من آخر نبيكم تصبو معايا
ايوب حط ارقيله وابراهيم قمعز : قول ونحن معاك
صاحبهم : هذا عشمي فيكم
ايوب : انقز يا برنقز شن داير
صاحبهم : متعارك نا وشاب في سوق جمعه ع حمام طيرلي طيرين حقهن 1500 لنقاني رديتها وقتي من آخر دفيت القفص طار نص حمام امتاعه
ابراهيم : اقسم بالله من بدايه قلنالك ما تخش فيه موضوع هذا قتلك فوته سوق جمعه وحمام بذات
ايوب : باهي توا وحده بوحده ولا هو يدور فيك ولا كيف
صاحبهم : ماه ضربته بطباق وسعفوه وخش مستشفي طلع دارو طلح بس هو مازال متحلفلي من آخر هك خايف ع هلي كلا نا بايعها روحى
ايوب صبي خبط ع طاوله : كيف خايف ع هلك من فرخ هذا ما تقوليش الفرخ ### مانجا
صاحبهم : اهاا هو مشكله دفعتله
ابراهيم : تي انت واحد ### كيف تعارك مع واحد نفس هذا تي هذا ما يعوعش يوم فيه 24 ساعه ينوض ساعه بس وباقي ساعات زارط ماينوضش بكل
صاحبهم : نبي نطلع هلي برا بنغازي
ايوب قمعز : وين تبي تشيلهم يعني
صاحبهم : عند عيت جدي في زاويه توا نشري حوش غادي حدا عيت جدي
وهذا توا نقعدلا في بنغازي نقربعها له فوق رأسه
ابراهيم : خليها توا نحلوها و اصبر بس
ايوب : شن يصبر يا راجل هذا واحد وسخ وهذا خواته صغار ابتدائي تي تذكر مره عاكس بنت طالعه من خلوه بنت طالعه من جامع هو يسمع فيها في كلام اكبر من رأسه واقسملك بالله زرق عليه انس رقده تحت كاين كيف مروح من محور فش فيه غلا
ابراهيم : خلاص خشش فيها انس
صاحبهم : زعما
ايوب : توا نحكولا القصه ونرن عليك غير لهينا مع احمد
صاحبهم : تمام و الحمدلله علي سلامته
ايوب : الله يسلمك
ابراهيم صبي : تي نسيت هلي عنشكلكم
صاحبهم : منورين شباب
ايوب وابراهيم : بجوده ياغالي
ايوب : هيا سلام تبي شي
صاحبهم : منور يا صقر
طلعو ابراهيم وايوب كل واحد في سيارته للحوش
.......
هاجر متمدد ع صالون : تي كان تشوفن كيف دار
ايمان : فرحان يا خيا
هبه : قصدك فيها جو بعد يعرفك حامل
هاجر : تي دلع كله بعد تحملي هههه
الاء قعدت تبحت في هاجر : الله يا بنات
نجاح اضبح : شوفن كوشه انتن
ياسمين : هيا هي "وصبت وخذت معاها طاجين اخر"
مريم : بنات اوفي طولت
هاجر : توا تجي اكيده باسم قاللها احمد طلع
ماما خشت : ها يا جوري متريحه
هاجر ابتسم : اها يا ماما تمام
ماما : كان هذا خشي ارقدي في داركن
هاجر : لالا تمام دابيني بعيده ع كوشه ونا تمام
هبه : خاطرك في حاجه تبي حاجه
هاجر : ههههه لالا
ماما : باهي كان تعبتي خشي ع سرير " وطلعت"
ايمان : ايام سمحه دلع في جميع اتجاهات نا نذكر اسامه في حوش هبلته وبعد نجي هنا تحملوني ياناري
هاجر : نا عميمه وبنات بكل
ايمان : معش ذكريني بيهم
الاء كانت سرحانه وادير ومبتسمه
هبه : الااااااااااء
الاء بحت فيها : كنك يا خيا عليش عياط
هاجر : اللي واخذ عقلك يتهنى
الاء ان شاء الله : كنت نفكر فيك بعد بطنك تكبر كيف يقعد شكلك تهبل صح
هاجر : ههههههه كنه مينو
الاء تنهدت : بنات نبي نخش دكتوره نساء وتوليد
ايمان : إن شاء الله ياريت والله
هاجر : ماشاء الله توكلي
ياسمين خشت وقمعزت
ايمان : قتلكن يومها يا بنات
هاجر : اها كنهم عربك كملي
ايمان : هذا يا حنه
قعدت تدويلهن وهنا يديرن وهاجر متكيا والاء وخرت خذت تلفون ودزت مسج للانس "يقتلني جمال صوتك حينما تكرر كلمة احبك❤"
........
ابراهيم قدام باب حوشنا : امي امي
هدي طلعت : كنك شن في
ابراهيم : رن عليا خالي قالي جيب امك طياره جدي شويه اخري نشيلك مستشفي تشوفيه ونرد بيك هنا
هدي : باهي اركب دق ع باتك يعدي معانا
ابراهيم : وين الاء
هدي : جوا ادير مع بنات
ابراهيم رن تلفونه بحت فيه طلع يدوي للخالتي : قوليها هيا
هدي اضبح : اسمع ياليد تعدي معايا ولا تنوض باتك أبراهيم انت استغفر الله العظيم
هدي خشت قالت الاء تركب تنوض عمو
.......
انس يقرأ في مسج نعليا منها النقطه هذه دزلها مسج : "نعليا يا نقطه وانت ديما جايا في وقت بدل الضايع نحبك ياعمري"
ورن ع ابراهيم
انس : ايوه
ابراهيم : هاا
انس : قتلك وين قاعد
ابراهيم : في حوش نبي نشيل هلي للجدي في مستشفي بكرا طيارته
انس : تبو تعدو كلكم
ابراهيم : اها توا نشيلهم بسرعه تبي حاجه
انس رقاله : طلعت بيهم انت
ابراهيم : لالا ، انت وين عديت
انس : قاعد عند جماعه شويه ومروح نبي حوش و بعدها طالع للأردن بكرا ان شاء الله كان ربي سخرها
ابراهيم : ان شاء الله تروح طيب مطول
انس : لالا اسبوعين عمليه ومروح طول قبل فرح عمر نقعد عندكم
ابراهيم : خلاص تمام نتلاقو في حوش
انس : سلام
سكر من ابراهيم رن ع الاء ماردتش دزلها مسج
"ما تمشيش مع امك عندي كم مشوار ونجي نبي نشوفك"
........
باسم : كنك
بواب : صديق انت برا
باسم طلع لقى احمد
احمد : خير يا باشا
باسم ابتسم سلم عليه : شن جو يا طيري حمدلله على سلامتك
احمد : الله يسلمك شن جو عندك
باسم : تمام خش والله توا كنت جايك امتي طلعت
احمد : قبل ظهر تقريبا
باسم : تعال تفضل كنك مارنيت
احمد : لقيتك مقفل
باسم : باهي خش مش براني
احمد زر بطمة سياره وخش يكح
انا طلعت من حوش ونلقاهم خشين مع بعضهم قعدت نسرع في مشيتي وماسكه بطني
انا ضبحتله: حمادي
احمد وباسم برمو
باسم يفنص
احمد ابتسم : اهلا
انا جيت واضبطته : نجك ليا ياروحي الحمدلله على سلامتك
احمد : ههههه الله يسلمك شن جوك
انا وخرت : تمام ترا وريني يدك
احمد رفعها
انا : عطه كسره الله لا يربحه ان شاء الله
باسم : كملتي ولا مازال
انا بحتت فيه جو كنه
احمد : كنكم ههههه
باسم : اختك راسها مسكر
انا : لا صاحبك اللي رأسه مسكر
احمد برم ع باب : باهي سلام عليكم شكلي غالط في فيلا
باسم قرب مني : خشيشي شعرك بواب مقابل ، تعال يا حانط امي تبي تشوفك
انا بحتت فيهم وابتسمت : تعال يا حمادي
احمد رد : فكوني من طواطي اه ماتمزطونيش خير مانروح
باسم : علي اساس جينا يا استغفر الله خش خش
انا قعدت نضحك واحمد ازلط بكل
باسم : جاي و يده فاضيه
احمد انحرج : لا في سياره جايب
باسم : ههههه تعال
خشينا كلنا للمربوعه بعدها سيبتهم وخشيت للسناء
انا : وينك هيا نوضي احمد برا
سناء نطت : كيف قالي بكرا
انا : تي اين بكرا قاعد لوطى
سناء صبت تجري للحمام : حي عليا مش موتيه شي
انا : غير اهدي بس خشي للحمام توا نطلعلك واسماء وحنين يديرله في نسكافي
سناء خشت تاخذ في دوش ونا سلحت وشاح فتحت دولاب وطلعت قونه قصيره لعند ركبه سوده وعليها قميص قصير ابيض فيه ورد جيش وفي ربطه من عند بطن وطلعت واستشوار وتيت مكياج وهيا طلعت جففت شعرها ودرتلها بلموملس وهيا تمكيج
سناء : طولنا هي شن طلعتيلي
انا : اهيا
سناء : هييي عنجد هذه
انا : وشن فيها
سناء : لالا مش قاري فاتحه خوك يا عيني
انا : توا يقراها غير البسي الله يربحك طلعتلك كعب الدمي ونا ننزل نشوف بنات ونطلع بباسم
سناء : وباقي خوتي
انا : فش ولا سياره ههههه باسم توا ناخذه نور عيوني
سناء : لا هو واضح نور عيونك هههههه
انا لبست وشاحي : البسي وانزلي
سناء : هههه تمام
.......
الاء لبست وخشت تأخذ في فونها
هبه : ربي يطمنكم عليه
الاء تبحت في فون : ان شاء الله
هاجر : تلفونك رن وجن مسجات
الاء مبتسمه : اها هذه صاحبتي
هبه : بالانجليزي الكلمه مافهمتهش
الاء بحتت فيهم : عشان عندي الاثنين اسمعن مريم بنت عميمه ومريم صاحبتي كاتبه معاها اسم باتها
ايمان : كنك تحققن معاها انتن
الاء : لا مش ملاحظه انا نبرر
هدي : الاااااء
الاء : توا نجيكن شويه بس
ابراهيم : هيا ازف
هدي : اختك تأخذ في تلفونها
ابراهيم : من قاللها تبي تمشي
الاء : باهي توا نقعد خلاص
هدي : كيف خلاص مش قلتي نبي نشوف جدي
الاء : و ابراهيم قال لا شن اندير
عمو محمد : خلاص خشي
الاء خشت قعدت مع بنات قالتلهن ابراهيم قاللها لا وهي قعدت عشان انس قاللها ماتمشيش
......
انا : من في في حوشنا
احمد : سيبتهم قالو يبو يوتو ع فرح عمر
باسم : باهي ما شاء الله كل شي ع بركه
انا : هيا يا باسم وصلني
احمد : خليك توا نشيلك
باسم : لالا
عميمه : سلام عليكم
احمد صبي مد يده : عليكم سلام خير يا عمتي
عميمه تسلم عليه بيديها الاثنين : الحمدلله يا باتي انت اللي الحمدلله ع سلامتك كيف حالك توا كويس
احمد مبتسم : الله يسلمك لا الحمدلله
قمعزو كلهم ونا جنب باسم ونقرص فيه في كرعه وعميمه واحمد يهدرزو
باسم يوشوش وبحت فيا : والله كان ما تريحي روحك نبرم عليك حدا خوك
انا ابتسمت ورقصت حواجبي : تقدرش
باسم صبي : توا نجي
احمد : حوذ راحتك
انا بحتت فيه استغربت قبل نبي نصبي تحشمت من احمد
باسم رد : ايلاف يبوك جوا
انا صبيت واحمد وعميمه مازالو يهدرزو
طلعت من باب اللي يطلع ع جنان عشان هو ضبحلي من هنا
باسم مسك يدي : الله الله ع ثقه
انا : فجعتني كنك
باسم حطني ع ساس : معش تنابشي باهي
انا ابتسمت : حاضر خلاص
باسم باسني في خدي بالقوه : فكيني منه جو عباطه هذا باهي
انا : ههههه باه ، حبيبي جعانه انا كليت شوكولاطه بس
باسم باس يدي : توا نطلعو ناكلو نا شربت عصير بس
انا : باهي هيا
باسم نزل ع ....
انا : حبيبي شن هذا
باسم ابتسم : شي هيا ، تي كنك قاعد هبلتيني
انا مسكت في رقبته قميصه ورفعت روحي : عادي ياروحي مه معه عميمه وعلي خشت محمود نا طولت قريب مغرب" بصوت بيبي" ونا مرايفه عليهم بكل
باسم عض فمه بعدها نزل ع .... : اطلعي يااوفي خير اطلعي بسرعه
انا بسته : ههههه توا هيا
خش باسم وقاله نستاذن منك وطلعنا خذا من مطعم
انا : بنته زفره مانبيش
باسم : مش قلتي تبي حاجه دجاج
انا : لالا اععع شم حشاك نعيمه
باسم : والله احسن مطعم في بنغازي
انا : تي زفره طلعهن من سياره ولا افتح رواشن
باسم : باهي خلاص اعزقيه كولي هذا
انا : لحم لا
باسم حط سندوتشات في كرسي الوراني وفتح رواشن وخذا معطر السياره وبخ
باسم : شن انديرلك
انا ابتسمت : تي شوكولاطه بسرعه
باسم ضحك : باهي ياهمي مش عارفه امتي قعدتي تحبيها قعدتي ساكنه عليها
شرالي شوكولاطه وكليت وحطني عند هلي وعدا للمحلات وخشيت للحوش لقيت ايوب في جنان
انا : سلام عليكم
ايوب صبي من الماده امتاع مربوعه : عليكم سلام اووو ايلاف
انا بحتت فيه مش عارفه كنه قال اسمي هكي : تمام كيف حالك انت
ايوب : نفس ماخليتيني مازلت قاعد شن يبي يتغير لا جديد ولا قديم
انا : نستاذن منك
ايوب قرب مني شويه بس في مسافه بينا : خشي خشي ديما تهربي ع اساس أول مره
انا خشيت وايديا يرعشن قلبي يدق بسرعه من خوف سلمت عليهم ولقيتهن شبه مكملات قمعزت نهدرز معاهن ونفكر في كلام ايوب وقاللي ع هاجر باركتلها جبلي من بكلاوه جيبتها معها هاجر وصبيت بشويش للحمام رجعت وغسلت وجهي وطلعت رقدت ع كراعين ماما
.......
سناء : سلام عليكم
عميمه واحمد : عليكم سلام
عميمه طلعت
احمد صبي ابتسم : تعالي
سناء مرتبكه مشبكه ايديها في بعضهن قدمت : الحمدلله على سلامتك
احمد قدم عليها وفك ايديها : الله يسلمك شن جو
سناء : تمام قمعز كنك مصبي
احمد وخر ومازال ماسكها قريب طاحت بكعب مسكها من وسطها بيد وحده : الله الله عليش لابستيه بس
سناء وخرت قمعزت : مش عارفه قتلها انا
احمد قمعز : حتي نا قلتها قبل تلبسي في طويل
سناء صبت : توا نجي
احمد مسكها بيده المضروبة بسرعه : اااه لا خليك
سناء بحتت في يده قمعزت : باهي شن صار مش قتلك بكرا
احمد : درت خروج للروحي وطلعت تقوليلي تعال نبي نشوفك ونقعد
سناء : نجك ليا يا روحي باهي انت كويس
احمد : ميه ميه
سناء : ربي يخليك ليا
احمد : نعليا نا بس رايحه سمحه شن تاكلي اه
سناء : في حوت هههه
احمد : هههههههههه خايفه ع روحك منى
سناء : نبصر انت روحي اصلا عندي عليش خايفه
احمد قرب ومسك ايديها : مش لبسه هذه مره دويتلي عليها
سناء تحشمت : اها
احمد إبتسم : طلعت احلي ما توصفي بواجد
سناء سكتت
احمد باس ايديها : نعليا نا " قعد يلعب علي دبلتها"
سناء تبحت فيه ومبتسمه : يدك كويسه توا
احمد رفع راسه : توا ميه ميه
حنين : سنيوه
سناء وخرت : نعم هيا هي
احمد سقم تقمعزته و سناء طلعت
سناء ابتسمت : شن هذا
حنين : انا أول قالو احمد جاء دزيت البواب للحلواني جاب موالح
سناء : نجك ليا ان شاء الله نرده لك في فرحك
حنين : هههه خشي للراجل يا هبله
سناء خشت وحطت سفره ع طاوله وخذت تبسي : تفضل
احمد : منوره
قمعزو قعدو ياكلو ويهدرزو ويضحكو ساعه وبعدها طلع جابلها باقه الورد وشوكولاطات
احمد قرب حظنها : نحبك
سناء : نا نموت فيك
طلع من مربوعه وروح
..........
انس خاش بشكاير : سلام عليكم
كلهم : عليكم سلام
ماما : جعان ايديرولك حاجه تاكلها
انس : اها بسرعه ونبي يا هبه وخوذي هذينا حطيهن في مربوعه
خشت هبه للمربوعه حطت شكاير وعدت هي وياسمين يحطله من عشاء وقمعز تعشى طلعت انا والاء وهاجر من دار
انس ياكل : اووو جيتن
هاجر تسلم عليه : اهلا كيف حالك
انس مد يده بالمقلوب عشان ياكل بها : تمام شن جوك انتي
هاجر : تمام
انا : شن جو يا نوسي
انس مد يدي : تمام يا بطه شن جوك انتي
انا : الحمد لله
الاء قمعزت : شن جو
انس ابتسم : تمام ، كنت مع باتي وعمامي لقيتهم فم باب
نجاح : كانو يتعشو وطلعو برا
انس بحت في الاء : كيف ابراهيم مازال ما جاء
الاء : رنيت عليه قالي شوي ونوصل
انس صبي : الحمد لله منورين
خش للحمام وغسل وطلع للمربوعه ودز مسج الاء "يا نقطه نبيك بروحنا كيف يصير "
الاء " توا نقول للاوفي واركب ع ثالث في شقه عمو عمر "
انس "نعليا من اللي يفكر تم"
خذا دخانه وتلفون ومفتاح طلع من حدنا نحن في صاله ركب قعد جنب شقه عمو عمر
.....
انا : ايوه هكي نسمع فيك
باسم : شن تمام يا روحي
انا : اها تمام
باسم : عطيني نص ساعه ونجيك
انا : تمام حبيبي
باسم : سلام
انا : باي
سكرت خشيت جتني الاء
الاء : اوفي نبيك تشوفيلنا جو نبي نركب انس يبيني فوق
انا بصوت تاعب بكل : تمام اركبي
الاء : نجك ليا ياروحي
الاء ركبت وانا قعدت في ممر بحيث نشوف اللي خاش من شارع واللي طالع من حوشنا مصبيه ع اساس نبي نرن ع باسم
.....
الاء : نعليا دهشت
انس : وين ع سماحه
الاء ابتسمت : شن حاجه اللي تبي تقولها ليا
انس مسك ايديها : تعالي قمعزي ع دروج
الاء قمعزت وانس قمعز جنبها في نفس درجه
انس : حبيبي اليوم كنت ننهي في اجراءات عمليه
الاء فنصت : اي عمليه
انس قنط ع يدها : غير اهدي بس انا نبي نطلع للاردن
الاء تبحت فيه : كيف يا انس
انس : اقسم بالله مضطر كان هذا ما عديتش بكل
الاء : كيف مضطر
انس : شضايا قعدن يتحركن في جسمي معش نقدر لازم اندير عمليه عشان نطلعهن بعد قعدت مع احمد في مستشفي درت كشف قالولي لازم من عمليه
الاء عيونها غرغرن طبست رأسها : باهي تمام
انس رفع رأسها : يعني شن نعدي
الاء : علي اساس تسأل انت مطقم امورك
انس : ورب العزه كان تقوليلي اقعد نقعد
الاء ابتسمت نزلت دمعتها : لالا عدي عشان صحتك
انس مسح دمعتها : نعليا من نقطه
الاء : اسكت يا سامط ، قولي كم يوم
انس ابتسم : لا وين قولي كم شهر
الاء صبت : شههههر تي ك
انس صبي وسكر فمها : تي اسكتي نبصر معاك اسبوعين بس
الاء قعدت تبحت في عيونه وساكته
انس حول يده وقرب منها و الاء وخراته
الاء : علي فكره انت قليل ادب
ونزلت تجري
انس : الاء
الاء وقفت برمت عليه
انس : نا ماشي اندير في عمليه مرات نموت تحت عمليه
الاء : بعيد سو كنك تدوي هكي
انس : خاطري في حاجه نبي انديرها عشان بكرا مش حنقدر انديرها كثر خيري كان سلمت عليك بحواجبي
الاء : شن تبي
انس نزل مع دروج وجاء حضنها بالقووووه : نحبك يا نقطه نحبك
الاء دمعت : حتي نا نحبك بكل والله خليك معايا يا نوسي
انس : معاك والله معاك هي مفروض شهر لكن انديرها ونروح طول
الاء : باه توصل بسلامه
انس وخر : إن شاء الله حبيبي هذا وين تريحت خلاص انزلي
الاء : دير بالك علي روحك
انس : باهي انزلي
الاء : كلمني باهي
انس : حاضر انزلي خير ههههه
الاء نزلت ههههه
انس بصوت واطي : خيرلك يا نقطه
الاء نزلت شافتني مقمعزه ع دروج
صبيت وخشيت وخش انس قاللهم بكرا طيارتي عشان عمليه وهبه وتتله دبش وخشو شباب كلهم وبابا وعمامي وبعدها جاء منذر واسامه وباسم هدرزو شويه وروحنا
........
ثاني يوم انس وصله ايوب واحمد معه اصحابه لعند الابرق وتلاقو مع ابراهيم كاين مع خوالا وردو للعمل أول ما انس عدا الاء قعدت تبكي وهبه تسكت فيها تحسابها تبكي علي جدها
.......
يتبع ...
رايكن ..
كل عام وانتن بخير ينعاد عليك بالصحة والعافيه ان شاء الله
#Fafy fa
