#فوبيا_الحب❤
الحلقة [20]
هبه : ايلاف ايلاف يرن نرد
نا :ردي بسرعه
هبه : ايوه
عصام بصوت هادي : نا نعشقك نموووت فيك يا فرخه لنا سنه وسته شهور خلاص مليت نا راه نبيك حدايا اصبرت واجد بكل لعند امتي ونا نصبر
هبه صبت وقعدت ومنصدمه : حبيبي وسع بالك كنك وين قاعد انت توا
عصام بصوت هادي : ع بحر أتعبت تعرفي يعني تعبت وخايف يصير اللي في بالي ويجي يوم وياخذك غيري
هبه : لالا نا لكي ومش لغيرك بس نبي نطلب منك طلب عشان خاطري وافق عليه كان تحبني
عصام : انتي تأمري مش تطلبي
هبه : آخر شهرين والله بعد شهرين في عيد ميلادي جيب هلك
عصام سكت
هبه : حبيبي تسمع فيا والله آخر تأجيل
عصام تنهد : حاضر يا عيون حبيبك بعد شهرين
هبه : يا نجك ليا وخلاص
عصام : نا اندير اي حاجه عشان تقعدي ليا
هبه : إن شاء الله يا روحي خلاص تصبح علي خير يا زاعل بكل نتلاقو في مدرسه معش تستكردني لو سمحت
عصام : ههههه حاظر وانتي من اهلي
.............
ايمان تقرض : تي قالي اليوم يبو يجو
ماما : مفروض قبلها بكم يوم يقولو لازم خالاتك يحضرن وعمتك
هاجر : باهي رني يا ماما وخلاص
ماما : مدي تلفون توا نرن توا يقولن تكلمي فينا بعد ظهر وناس جينك بعد عصر
ايمان : نا مش فاضيه يالله نكمل اللي في يدي
هاجر : بس عليش جيبلك عيد اليوم وهو ثلاثاء وين يبو يحطو حولي كان جابلك فلوس
ايمان : قتله عليش حولي قالي فاتحه
هاجر : هييي حتي نا حولي قصدك اعععع
ماما : اسكتن . الو خير يا حنه .لا كويسين .كيف حالكم انتم . لا باهي قتلك اليوم عرب ايمان جاين يحددو فرح ويبو يعطوها عيديتها بيش تجي عاد انتي عمتها مش برانيه .. سلمك.. عقبال للمريم سلمك سلمك بسلامه
تعالن حطلي علي خالتكن قعدت ماما ترن هاجر وايمان يحوسن جنبها
هاجر : وين ايلاف
ايمان : قتلها تسيق برا
..............
نا نسيق ونغني : سمعني نبضك دافيني بنار حضن ابيك ليل وحدك اليا تكووون قرب عليا حس بنار اللي فيا ابيك ايدك بيديا هييي
الاء : حسيتك منسجمه قلت نتفرج عليك
نا : خزي عليك واللله انفجعت كيف خشيتي
الاء : فتحلي بابا وعدا بس قوليلي لمن تغني😉
نا😌 : للراجلي المستقبلي
الاء : ههههه باهي نركب نتريح بعدين في عشيه نبي ننزل تدويلي عليه راجلك هذا
الاء : عرب ايمان جاين هكي ولا هكي تبي تنزلي
الاء : صح يا خيا تم توا ننزل
ركبت نص دروج
انس خش : كيف مخليا باب مفتوح وتسيقي
نا عديت نجري شبطت فيه: نجك ليا جيت الحمد لله علي السلامة
انس : الله يسلمك امسكي روحك راك اطيحي
نا : الاااااء انس جاااء
انس😤 : تي نقصي صوتك شارع
الاء عزقت شيتاها ونزلت تجري زلقت في ممر اللي بين دروج وحوشنا
الاء عيطت : اهاااااا اه
انس عدا يجري : حي ع امها طاحت
نا لحقته : هييييي
الاء تبكي طلعن خواتي وماما
انس نزل عليها مسكها من ظهرها : تي كيف طحتي
ماما : بسم الله يابنيتي كنك
ايمان وهاجر : ارفع البنت
الاء تبكي : لالا توا نصبي بروحي
نا قربت منها : تعالي توا نرفعك نا
انس : وخري توا نرفعها بروحي
خلاني وراه
ماما : عمليتك انت خليها توا يرفعنها البنات
الاء تبكي : صح عمليتك
انس طبس عليها : نا نرفعك يعني نا
رفعها وهي مسكت فيه ويبي يخش بيها للحوشنا
نا : ههههههه لا كمل جميلك حطها في حوشها فكنا منها
انس بحت فيها : تبي حوشكم ولا حوشنا
ماما : تي خشش بنت عندنا والله ماهي ركبتها لعند تصح نحن توا نعانوها
الاء : لا ياخالتي توا نركب نبيش نتعبكم
ماما خشت : تعدلش عليها خششها خششها وانتن تعالن شوفن اللي ديرن فيه
خشن هاجر وايمان وماما للمطبخ
انس قرب منها بصوت واطي : مش كان عندنا حوش خير راه عنيتك بروحي
الاء في وسط دموعها ابتسمت وطبست رأسها
نا : هيا خشو عاد شن هذا راه نا هنا
الاء برمت : مش ماتبينيش 😒 ركبني فوق
نا : كنك عاجبك جو امالا 😉
انس : ايلااااف
الاء : احم خلاص خششني يا انس
انس : لا غيرت رأي توا نشيلك مستشفي نسخن سياره احمد بس
خش بها علي حوشنا حطها صالون
الاء : لالا اكيده مروح تعبان تريح
انس : شن توجع فيك
الاء تألم : شي
انس : توا نتأكد ايلاف خشي جيبي مفتاح سياره احمد
نا : باهي بنعدي معاكم نلبس بس
انس : باهي غير هيا
الاء ماسكه ظهرها بصوت واطي : مش لازم والله كان تريحت
انس طبس علي قصد كرعيها : انتي راحتي ليا وين معش شفتك مرايف عليك بعد شفتك طحتي عليك حظ حظي
الاء انحرجت : هههه لنا وين عليك من عزاء صاحبك
انس صبي مسح وجه
الاء رفعت رأسها فيه : اسفه والله ماقصدي انذكرك
انس : لا عادي نا بروحي ومستحيل ننسي هذا رفيقي
الاء : الله يرحمه
هاجر جت : خوذي عصير يا لولي
الاء : عليش جو هذا توا
هبه ومنتصر يدقو
منتصر : حلووو جعان
انس فتح : خش ادفن شرك
هبه اضبطته : هييي انوسي
منتصر سلم عليه : اووي يا باشا شن جو
انس كره من يده وشتشتله شعره : تمام يا رأس
انس خش للمطبخ للماما وايمان
هبه : هيي كنك مبلوله يافرخه
هاجر : ههههه ازلحقت
هبه : هههههه كذابه..خساره فاتت عليا
منتصر : هههه شن صار فيك كويسه
الاء : بعد ضحكو يسألو خزي
نا : هيا يا انس
انس ياكل : نسخن ونجي تطلعنش
طلع ولحقه منتصر
ماما : هبه وين باتك
هبه : رن عليه صاحبه مافهمتش نسمع فيه شنقيل ما شنقيل
ماما : اهااا .قالتن للهدي بنتك طاحت
الاء : هييي صح ماما
انس : هيا
خش للمطبخ جاب محبس فيه اميه
الاء جت تبي تصبي معش قدرت قعدت تبكي : خلاص قوليله يفوتها
نا قربت منها : خلاص اسكتي اكيده تتدريد من قوه طيحه بس
انس قدم عليها عطها محبس : تي غير هاكي اغسلي وجك مفروض الزواق اللي في خلقتك مش لازم منا
هاجر : توا نجيبلها مناديل معطره
ايمان : ياناري يالولي
هبه : اسكتي ماتزيدش عليها
هاجر : خوذي امسحي وجك
خذيت نا قعدت نمسحلها في وجها وهي تبكي
انس : خلاص هيا حولي يا ايلاف
جاء انس رفعها : ماتقولش للخالتي الا بعد نجيبها
ماما : مربوحه شيلها وطمنا
طلع انس ومنتصر فتحله باب وحطها جنبا وركبت نا من لاوراء شالها مستشفي خاص وقالتلها تتدريد كراعها مفصوعه عطوها روشيته فيها بوماطه شراها انس وردينا للحوش تغذينا مع بعضنا
الاء : لا خلاص شبعت
انس وخر جت يده علي يدها :صحه يابكايا
الاء مبتسمه فرحانه : سلمك
هدي : ان شاء الله قعدتي تبكي في مستشفي
نا : تي دارت عزاء
الاء : هييي طح سعدك ياكذابه
نا : ههههه نبصر معاك بس ماطوليش عندنا راه كويسه يدك وظهرك فيهن تدثريد وكرعك مفصوعه بس يعني تقدري تركبي
هاجر : ههههه هذا كله بس
الاء : كنك تلزي بعدين كله منك
نا : لا نا مادرت شي كنت نضبط في خويا كيف جاي من محور نا ضبحت قلت انس جاء انتي عليش تجري
الاء : ماهو تي لا ماجريتش
انس بصوت واطي : كذابه نسمعو فيك تاخذي في درجه بدرجتين
الاء : احم وين ايمان
هاجر : توتي في روحها
انس : امي نبي نتريح اطرحولي
ماما : ارقد هنا ياوليدي مربوعه جاين رجاله يبو يحدودو فرح اختك ودار مقعد صبايا
الاء : خلاص توا نطلعو وتريح
ماما : لا نا حلفت مانك راكبه تقعدي معانا لعند ادبي علي كريعاتك
هدي : خلاص خليك هنا خالتك حلفت
هاجر : عليك طروح كنك متحشمه من انس كيف خوت ياهبله
انس : صبي من قدام وجي يابارده
هاجر : كنك بسم الله
نا : ووووه مهزبه كش وجك
ماما : خلاص صبن وتن اروحكن
الاء : اوفي نبي بجامه
انس : اسمها توته
نا : اللي هيا توا تبو اديرو جو نفس زمان عليك عناد
هاجر : مشكله زمان كلمه انس هي اللي تمشي توا كلمه من زعمك
الاء ابتسمت : انس ما تغير شي اصلا
نا : صح غير زاد شوي حاجات ههههه
انس مبتسم : جيبولي فراشي بسرعه غبشت عندي نطلع ندخن ونرد نلقي جو هادي
هاجر طرحت للانس والاء دهنتلها ببوماطه غيرت دبشها قبل ما يرد انس ورقدت علي سريري قعدت نا وهي بس بعدها رد انس
انس : عارفكن مستحيل تشبعن من هدرزه لكن والله نسمع حسكن نذبحكن ياخذني نوم وبعدها دربكن حتي دربكه عشان مش حنوض تعبان ع اخيرر
نحن هزينا روسنا باهى
انس : الله أكبر ع ادب هكي تمام
هزينا روسنا اخري وهو رقد ونحن رقدنا من خوف يديرها اصلا وجو عرب ايمان جابو معاهم طبقين باسطي وصندوقين راني و علبه شكولاطه وحولي وسله فيها بجامتين وملابس داخليه اطقم طبعا حدودو في 12لكن تاريخ علي حسب قاعه وعطو ايمان 4000جنيه عمتها قالت هذين دازهن اسامه تكمل بيهن حاجات ناقصه وباقي عليا وروحو وبابا ومنتصر عدو للمزرعه يحطو في حولي ونحن مازالنا راقدين
..........
