"كل شخص يظن ان الماضي يصبح ماض وحسب ولاكن مالايعرفه كثيرون ان الماض كأغلال يكبل صاحبه ...."
فتح عيونو وبقي يتمغي في السرير ...بعد دقايق قعد وبقي يدعك في عيونو
احمد:والله كمامجبور اقوم ماكان قومتا ....
وقف من السرير واتحرك بتجاه الباب وطلع .....
وبي جاي قدير شغال تلبس بي سرعه
قدير في نفسها "اووف اتاخرتا ....دا كلو منك يايارا" قالت كدا وعاينت ليها ....
وهي واقفه الباب انفتخ ودخل علي
علي:قدير جهزتي
قدير:دقايق بس البس طرحتي واجي ...
علي :ماتتاخري ...ماشي اشوف احمد
قدير :اوكي ....
وبي جاي...........
في منزل ايهاب ...........
كان بفتش في في دولاب وبقول "اووف مشت وين الساعه دي ....
وهو بنكت في الدولاب وقع دفتر بنبي ....
دنقر رفعو ومن شافو تعابيرو اتغيرت ....
قعد في سرير وبقي يعاين ليهو بي شرود ويتزكر
"....ايهاب ....
اتلفت عليها وقال:نعم
طلعت يدها من وري ظهرها ومدت ليهو دفتر بنبي
ايهاب:دا شنو
اختو:دي مواقف حصلت لينا وكتبتها ...
مسك الدفتر وقال:كويس بقراها بعدين ...
ابتسمت وقالت:اوعي تضيعو ..دي هديه ..
ايهاب بي ابتسامه :حاضر من عيوني
قبل ماتطلع قالت:فوقو حاجات حلوو قالت كدا وضحكت"
صحي من زكرياتو ....عاين للدفتر مسافه وقال :ماحصل فتحتو من ادتني ليهو ...قال كدا وفتحو بقي يقري في الصفحه الاولي .......
"يوم الاحد
كلماتنا قد تبقي زكري وزكرياتنا عمرا
هههه بحب اتفلسف ...يلا الكتاب دا يومياتي او ممكن اسميها مواقفي مع اخوي المنقولي ايهاب ..
الليله جونا ناس عمو خالد وايهاب مابحب ولدو وانا نازله شفته ايهاب دخل المطبخ وشغال يكب شيء في العصير ...
ايهااب ...من قلت كدا ارتبك ههههه وقال لي الجابك شنووو
ساره:جابني الجابك
ايهاب:ههه ظريفه
قال كدا وعايز يمرق مسكتو من يدو وقلته:كنت بتكب في العصير شنو
ايهاب:ولاشي وطلع ....واول ماطلع مشيت عل الكبابي وغيرت مكان الكبايه ....
امي نادتني وقالت لي جيبي الكبابي جيت شايلاهم وبقدم في عصير لما وصلت جنب ايهاب وحسن شفت ايهاب بعاين للكبايه القدام حسن ...بي قلبي قلت "يعني كنت عايزو يشرب الكبايه دي هههه "
وقدمته الكبايه لي ايهاب والجنبها لي حسن ...ايهاب بقي يعاين لي حسن وببتسم ابتسامه شريره ...وانا بعاين لي ايهاب منتظره اشوف شنو كبه في الكبايه ...واول ماشرب ايهاب قام زي مجنون وجري عل المطبخ ....لحقتو وقلت ليهو :خخخخخ من حفر حفرة لي اخيه وقع فيها ...حمر لي وقال بي غضب :اللليله ما بخليك ....وانا جريت هوا لي غرفتي ههههه
مسكين ايهاب شرب شر اعمالو ..."
غفل الدفتر وابتسم بانكسار وقال:اختي الحلوه اشتقت ليك ...قال كدا وماحسي الا بدموعو بتنزل ...
وهو قاعد سمع صوت اخوهو مزمل بناديهو ..طوالي وقف وقشي دموعو ودخل الكتاب في الدولاب وطلع .....
وبهناك في بيت ناس يارا ............
طلعو وركبو العربيه الا سونار لانو يارا كانت متعلقه في يدو وبتقول:سونار عليك الله خليني امش ...
سونار:كلامي واحد مابغيرو ...يلا فكي يدي هسي ...
يارا :عليك الله سونار.....عليك الله ...قالت كدا وبتهز في يدو
سونار:يالطيف ...هسي اليحلني منها شنو ..قال كدا واتلفت عل جهت الباب وقال وهو بعاين لي قدير:مالك صحيتها ...هسي عاينها لصقت فيني زي اللبانه ...
قدير:والله ماصحيتها ...براها صحت وشافتني لابسه قامت طوالي...
سونار:يارا ادخلي جوا ...
يارا:مابدخل ...عايزه امشي معاكم
علي:يارا اتاخرنا خلي سونار يركب وانتي خشي جوا ....
كشرت وشها وقالت :حاضر
يارا دخلت وسونار ركب العربيه وقال :يلا مشينا ...
علي :ااي... قال كدا ودور العربيه ...
قدير:علي بعدين ادخل معاي اشان الاستاذ مايدقني
علي:ههه خلي يدقك تستاهلي في زول قال ليك اتاخري
قدير:مابسببي اتاخرنا بي سبب يارا
سونار:ماتشتغلي بي اخوك دا انا بدخل معاك
قدير ابتسمت وقالت :تسلم يااحلا سونار
علي:اها بدينا لي كسير التلج ....
قدير:دا ماكسير تلج دي هقيقه عل قول ماما اميره
سونار ضحك وقال :تسلمي ...سكت حبه وقال :ياجماعه ماملاحظين الليله في زول ساكت ...من قال كدا علي عاين بي المرايه بتجاه احمد وقال:شكلو كدا عندو امتحان
سونار :مالك ياابو حميد ساكت كدا
احمد صحي من شرود وقال :مافي شيء
سونار:ماعلي عادتك الليله غريب
احمد ختي يدو في شعرو وقال:حبيت اجرب الصمت طعمو كيف هههه
علي :اه فتحتو فينا ....
احمد:كان ساكت مابتريحوني وكان اتكلمته مابتريحوني اعمل ليكم شنو انا ....
علي :عصير ليمون ههههه...قال كدا ووقف العربيه وقال:يلا انزلو ...
نزلو..... من سونار عايز ينزل مسكو من يدو وقال:اتاخرنا مافي طريقه تنزل ....
قدير:شنو مافي طريقه ...
علي:امشي انحنا زاتنا اتاخرنا ....
سونار :علي مامشكله ...بدخلها وبجي سريع
علي :اووف ...خلاث امشي بسرعه وماتتاخر
سونار:اوكي كابتن هههه
قال كدا ودخل مع قدير واحمد ...ومامرت دقايق وجاء راجع
سونار:اتاخرتا ....
علي:لا ..يلا الله يعينا نصل قبل الدكتور المكروه داك ...قال كدا ودور العربيه ومشو
وبي جاي ...........
يارا قاعده في الهول وتتكلم مع نفسها
يارا:ماممكن اقعد في البيت كدا ...اووف مليت ...حيجيني اكتئاب من القعد في البيت
وكمان دكتور سونار قال ماامرق الا بعد يفكو لي رجلي ....اااخ
كانت بتتكلم ماشافت حبوبتها البتعاين ليها وبتضحك ...قربت منها وقالت:اذا فضلتي كدا حتجني
يارا:حبوبه ....
الحبوبه :اخوك كلامو صاح
يارا:بس انا مليت وزهجتا.....وغير كدا غبتا كثير ...بالطريقه دي ماحأنجح ...
قعدت جنبها وقالت :كل شيء ملحوق اهم شيء صحتك ...
يارا:هدي كويسه ياحبوبه ماعندي شيء ..وكان عل المشي هدي ماشه بالعكازات ديل ..
مسحت عل شعرها وقالت:حبيبتي يارا قبل فتره اخوك اتكلم معاي وقال لي عايز يجمد ليك السنه دي وتمتحني السنه الجايه
يارا بي خلعه :شنوووو لاااا مستحيل حاامتحن السنه دي يعني السنه دي ....قالت كدا ووقفت ...وكملت كلامها :ياحبوبه لوخايفني ماانجح انا كل يوم في الايام القاعده فيها دي قاعده اراجع ...قالت كدا واتحركت
الحبوبه في نفسها"هو بس خايف عليكي يابتي "
عند يارا ......
دخلت غرفتها وقعدت في سريرها وقالت:اووف وكمان طلعت لي قصه جديده ..بس انا مستحيل اجمد ....
قالت كدا ورقدت في سرير وبتعاين للسقف ..وهي بتعاين اتذكرت صحباتها دانيه ورانيه ...وقالت :اشتقت ليهم ....من سافرت مااتواصلته معاهم ....حسي حيقولة نسيتهم ...قالت كدا وقعدت ....
يارا ::انا مانسيتهم بس تلفوني اتفرمط ...يب ...لاكن برضو كان اسال عنهم ...خلاص لما يجي سونار حاقول ليه يجيب لي رقمهم لانو صاحب اخوهم ....
قالت كدا ورجعت رقدت في السرير تاني ...
في المدرسه ..........
اسرار:قدير الليله مالك اتاخرتي
قدير بي همس :ست يارا
اسرار:يارا ...مالا يارا
قدير:يارا اتعلقت في يد سونار وقالت الا تمشي معانا
اسرار ابتسمت وقالت:كيوت بت عمتك دي ...
قدير:خخخ لا كيوت ولا شيء ...بي سببها اتاخرنا وكما سونار كان اخدته دقه معدله ..
اسرار:البسمعك حيقول غيرانا منا
قدير:اغير من شنو...هاا اتلهي خلينا نركز في الفيزياء دي ....
قدير في نفسها"قال غيرنا قال "
مرت الحصه بي سورعه .....وطلع الاستاذ ....من طلع الاستاذ وقف واحد من الاولاد وقال :استاذ محمد ماحيجي الليله
سميره:احلا شيء ...
قدير :احسن ..انا زاتي نعسانه عايزه انوم ...بس ختت راسها في الكنبه حست بي زول واقف في راسها ...رفعت راسها وقالت:جاسم
جاسم:امم قدير تعالي عايز اتكلم معاك
قدير وقفت وقالت:اوكي
اسرار وسميره بقو يعاينو لي قدير ويعاينو لي بعض
اسرار:تتخيلي جاسم داير يقول ليها شنو
سميره:امكن داير يعترف ليها ....ااي
..قالت كدا وكملت وهي شابكه يدينها جنب وشها :زي المسلسلات الكوريه بالضبط
اسرار ضربتها في راسها وقالت :كوريه قال ..خفي علينا انتي والكوريين بتاعنك ديل
ماعارفه بس حاشراهم لينا في اي مكان ..
سميره:مالم الكورين ...هي وتاني هي ..عيبيهم لي بس
اسرار وهي بتعاين لي قدير قالت :اتهلي خليني افهم بقولو في شنو
سميره :حتفهمي كيف يالذكيه ..
اسرار:كان سكتي بفهم قالت كدا وسدت لي سميره خشمها ......
يتبع .....................