رواية: مابين الضابط والجميلة(الجزء الثاني).
الكاتبة: مريم محمد.
Part 33
قـَبلنـِي ححَتـٰى أرتخِـٰي بيـטּ يـَديـٰڪ ♥️🥺
♡°♡°♡°♡°♡°♡°♡°♡°♡°♡°♡°♡°♡°♡°♡°
جبل: طلعنا بسرعة بالسيارات راد يجي ويانا جاسر..
بس مقبلنا..
وبلغت الحرس يدورون...
الطريق اظلم والدنيا ليل الشارع ماينشاف لأن المنطقة
زراعية...
وصلت للطريق العام...ابااوع من بعيد سيارات متجمعة وضوء
قوي...
لازم قلبي بأيدي واتمنى البالي غلط...
وصلت يمهم نزلت ركض من السيارة...
الناس متكومة...
مشيت يمهم واحس رجلية تثكل كلما اقرب عليهم..
وادعي ربي كون مو محمد...ربي لا تفجعني بخويي
وعضيدي..
ملتمين على سيارة...دخلت بينهم
وجاان اشووف سيارة محمد مكلوبة كلب من الحادث والناس
تريد تطلعة من السيارة
ميكدرون يخافون لا تنفجر السيارة..
وكلها تصيح خطية ماات...الى رحمة الله
ونااس تكول الله يصبر اهله
كمت ادفع بالناس ناار بقلبي سعررت واشووف محمد بالسيارة
ودمة بطولة...
والسيارة مشتعلة ناار واذا ماطلع راح تنفجر علية...
اتخبلت وااني اشوف محمد ابن عمي واخوية الماجابتة امي
بهالحالة...
رفعت دشداشتي...ونزعت عكالي لفيتة بإيدي
صرخت عليهم..مااريد واحد يقترب منه..
جبل: ااالكل يوخرر..
هذا عصيدي اااني...ااني الأطلعه هذا حصتي
كسرت الجامة بأيدي ماخفت ولوو لحضة على روحي..
واشووف محمد وجها مابيبن من الدم وصايا الكزاز ماليتة...
الله ااكبر اني موجود وعضيدي بهالحالة يصير...
كمت اصيح...محمد وسفة علية بسنوني زلمة
اذا ما طلعتك..لو انموت اهنا اثنينة..
مديت ايدي اريد افتح الباب لاطشة من الحرارة...
جبت عمدو وحشكتة بالباب ودفعتة وااني اصيح...
علي...علي نخيتك ياا علي
احمي الي...
صرت مخبل بس اريد اطلعه..
فتحت الباب ..
كمت اتلمس وجها ميبين من الدم...اتلمست نبضة
مااكو...
ربي...ربي لا تاخذ عضيدي ربي الااا محمد
والله مو وكتة... بعدني ماشايفة عريس
اريد اشيلة داخلة كزازة بكلبة
رجعت الكشن مال السايق ليورة
وكول شلتة وصعدت بية السيارتي..نومتة بالكشن الورا
صعدت وكمت اسوق بية...طااير بس اريد اوصل
للمستشفى حسيت الطريق
ميخلص..
كل ما اله ويزيد..
كل نقط التفتيش عبرتها...
وااني كل سااع وادبر وجهي اله
واصيح...محمد يبعد ااخوك لا تستسلم
...وين عارف خويك وحدة..وليلى بنتك مافكرت بيها
تدري تموت بليااك ...
محمممد ...
وصلت للمستشفى وكفت ابابها...نزلت واأني اصيح
دكااترة وين...اريد دكتور بسرعة
شلتة وتركت بيت الباب المستشفى...
الناس مكومة والدكاترة والموضفين يتمخطرون وعلى كيفهم..
ااني منااا فاير وروحي طالعة...محمد راح يموت وذولة محد
مهتم...
خليتة عالسديا...
وركضت الدكتور كاعد يشرب جااي الحقير والناس راح تموت..
سحبتة من ياختة...
كاال..شبيك انته عوفني..متعرفني منو
كتلة وعيوني حمر من العصبية : إنعل ابوك لابو كلمن يطلع
وراك....إرهابية
وعطت بيهم...
إنعل ابوكم لأبو كل دكتور بالمستشفى..
حقراء...الدكاترة كلها اريدها اهناا بسرعة
مااريد واحد بمكتبة..يلاا
لا والله اسجنكم كلكم...
كاامو يرجفون...
شمرت الدكتور كدام سدية محمد...
اتكومو علية واخذوو طبل الغرفة العمليات...
يمشوو وااني وياا...لازم ايدة
كتلهم وكلبي ناار علية...
اليطلع من الغرفة وما كايلي الحمدلله على سلامتة
...
والله اخذ روحة وراه...
الدكتور: اتركه ابني واستهدي بالله...وادعيلة
خلي نشوف شغلنة..كل اشي بيد ربك
عفت ايده واحس كلبي المصوب مو كلبة...
دخلو وسدو الغرفة...
انهد حيلي ابااوع الروحي اهدومي مليانات بدمه...
كعدت بالكاع وراسي عالحايط...
اتذكرت مابلغت احد..
خابرت احمد..جاوبني بخوف
احمد: هاا..جبل بشر لكيتة
كلبي يصيح..وياا ريتني ما لاكي
ياريتني ميت ولا شايف محمد بهالحالة
كتلة بصوت مخنوك ومكسور.. احمد راح يروح محمد منه
كمت ابجي بحركة...
ولك خويي راح من ادية...
احمد: وأني كل اشي مامفتهم..بس اتخبلت من شفت جبل
هيج مكسور...
وكفت سيارتي بالطريق..
جلال سحب مني التلفون..
وهو يكول..
جلال: شبيك جبل شبية محمد
لا تخبلني...اكيد مابية اشي
محمد قوي...
جبل: ولك محمد شلتة بأيدي ودمة بطولة
...
ورجعت كلت..والله ..والله لو صاار على محمد اشي
لأحرك الأخضر واليابس...
والله لأخذ حقك يخوي..من حلك السبع
جلال: دكلي انته وين هسه..
جبل: بالمستشفى... لا عمي ولحد يجيب طاري الجدتي
والعمتي ام محمد وليلى..دير
بالك احد يكللهن
ما يتحملن..
سديتة منه...شفت الدكتور والدكاترة مخبوصين طلع و وجها
ميبشر بالخير
ركضت اله...هاا دكتور بشرر محمدد
الدكتور: وهو يريد يروح مستعجل ، مااجذب عليك شيخ
انته جايبة ميت...نبضة ميت والشضية داخلة بمكان حرج...
وفاقد دم هواي...
كتلة: دكتور دمي كله اله...شتريدون دم سحبوا مني
شتحتاجون اجيبلكم ...
بس خلو يعيش ومن باجر اسفرة
الدكتور: وهوو يخليي اسده على جتفي...والله كاعد نسوي
النكدر علية...ميفيد هسه
غير الدعاء
ادعيلة شيخ
عاافني وراح...
كعدت بالكاع احس روحي لأول مرة عاجز...
مابيدي اشي..
رفعت وجهي للسمه ورفعت ادية...
اتوسل بربي وابجي بحركة...
ربي...أخذني وعوفة
والله ماشايف اشي بحياتة..
الهي...اني عبدك الضعيف الفقير الذليل
ما الي غير رحمتك...
انضر الحالة ونجي..
مثل ما نجيت حبيبك من الكفار..
ومثل ما حفظت يونس ببطن الحوت..
احفظلي محمد...
الهي ما الي غيرك...
دموعي تجري بحركة...
الرايح والجاي يباوعون على حالي..
*..........
ليلى..
من طلع محممد ..واني احس روحي راحت وراه
...
عفتهم ورحت اركض واسمع عياط رشا وراي..
ابوية وجدي...جنزوهاا
سلمتها بيد الله...عالسوتة بيت
دخلت لغرفتي.. قالت الباب
كمت املخ بروحي واعيط...
امي كسرت االباب وهية آدم..
وهي تصيح...ليلى يمة
فتحي..لا تأذين روحج
كتلها وااني اكسر بالغرفة..
ليلى: وينج عني..هسه يلا اتذكرتي عندج ابنية
عمرج كله كارهتني...
هسه سألتي عني...
رووحي مااريدج..
كمشت المزهرية وضربتها بالمراية..
وصورتهم متفاركني...
واتذكر شلون شابكتة...
ابجي بحركة واصرخ...
ليش اتدوسي...هوو الي
ولج ليش يا سا***
نزلت للكاع...وصوتي راح من العياط
همست بضعف ...
محممد...شلون تكدر تلمسها
حبيبي مو اني بنتك ليش بعتني..
ولك والله متحبك كدي...والله ماتحبك
ليش اختاريتها...
كلبي يعصرني من الوجع...
اعض ايدي واصرخ بوجع..
اريد ااذي روحي...حتى كلبي ميذبحني على فراكه
نمت بالكاع واشهك...
اااه ياوجع كلبي
لو بأيدي...ارجع الوكت
واشلع كلبي من مكانة..ولا اعشكك
سمعت طبكت باب ماال سيارة فزيت قلبي فرفح على
شوفته..
يمكن هوو...
كوه كمت واحس جسمي مكسر...
نزلت وانتجي عالحايط ...
وصلت للهول وكفت ورة الباب من شفت ضهر واحد جنة
محممد..
سمعت امي شهكت وادكت على وجها بخوف وكالت..
وهسه شلونة...خوما صارلة اشي
احمد: يحجي بصووت مخنووك ، مااعرف جبل خابرني
منهار كلش..
ويكول محممد راح من ادية...
يمه لحد يكول الليلى...ديربالكم
ااني سمعت محمد..وكمت اضحك
وابجي...
وكعت بالكاع جسمي بعد مابية قوى..
رجلية ميشيلني...
مااحس بأشي...بس كلمة
محممد رااح ، تتردد بأذني..
اجااني احمد وأمي..
ام ليلى: بخوف ، يمه ليلى كومي...ولك احمد الحك اختك
كمت اهمس بهوس...وااني ادفع بيهم
محممد..مححمد ما بية اشي
لااا لااا ميعوفني...
لزمت احمد وأني اشووف نضراتة الشفقه والخووف وهوو
يباوعلي...
احمد احمد..محممد مابية اشي موو..
جبل اكيد مخربط...
محممد ميعوفني...
امي تريد تشبكني ادفعها...
فقدت مااحس بروحي..
ماحسيت إلا بأحمد ضربني راجدي وجرني الحضنة..
احمد: كاافي يروح اخوج...
لتسوين بنفسج هيج...اصحي
محممد هسه محتاج دعائج ميريد ضعيفة..
شبكتة حيل وابجي بحركة..
احمد بس كلي..ميعوفني محممد
والله احبه..
حتى لو زعلانة منه..
بس هو يعرف ااني احبة..
خل ياخذ رشا عااادي..والله ازفة بإيدي
بس خلي اشوفة واكف بطولة...
احمد: بست راسها كطعت كلبي بعياطها وبجيها ،
أن شاء الله يرجع مححمد النه...
ونفرح بيكم..كاافي ياكلبي
ليلى: احمد أخذني اله ...فدوة اروحلك
اريد اشوفة..
احمد: بأعتراض ، يا حبيبتي ...ميصيرر
قاطعتة وأني اكمش ايدة ابوسها سحبها مني..
ليلى: ابوس ايدك احمد..بس أخذني اله
والله اموت وراه اذا صار اله اشي
احمد: ولج يروحي والله اخااف عليج ادري ماتتحملين..
وجبل حذرني مااجيبج
ام ليلى : وهية تشوف حالة بنتها..اخذها يمه..
متكدر تمنعها هو محتاجها اكثر...
احمد: بأستسلام ، الي تشوفي...يلا لبسي عباتج وامشي
ايلول وعائلتهم طلعوو قبلنة بلغتهم من جنت بالطريق..
ام ليلى: اوكف يمه خل البس عباتي واجي ويا اختك..
الطريق كله ادعيلة ودموعي ماجفت...
وصلنة المستشفى نزلت اركض وامي واحمد وراي...
الناس كلها تباوع علية...
رحت لأبو الأستعلامات...
عفو فدوة...وين محمد
اجى احمد ..كاال اصبري ليلى..يمه كمشيها لايصير بيها اشي..
اجتي امي سحبتني وهية تكوول بكل حنية ..
بنتي صبري ...ربج يفرجها
اول مرة اشوف امي هيج وياي بس بالي مو يمها
بس اريد اعرف وينة..
سأل احمد...
كالولة بغرفة العمليات..
رحت اجر بروحي جر...قلبي يعصرني من الوجه
اريد اشوفه...
وصلنة المر وشفنة جبل كاعد بالكاع وراسة عالحايط وشماغة
على وجها ويبجي ..
وفووك راسة واكفين جدي وابوي وعمي و ولد عمي وجلال
وجااسر وعمو دلياز ، وجودهم مطمن..
صايرة هوسه..
شفت جبل هيج..بهاي الحالة
جبل القوي هيج ضعيف..
رجلية ثقلت...والهوى احسة انقطع...
جبل اول ما شافني...
اجاني يركض .. عااط بأحمد
جبل: مو كتلك لا تجيبها ..
ليلى: كمت اشهك وااني احس اختنكت مااكو هوى..
ليلى: جبل وين محممد...فدوة لاتكلي بيت اشي
شبكني وبصووت مختنك ضعيف...
جبل: ادعيلة لليلى محممد حتى محتاج..دعائنة
كمت ابجي بحركة على صدرة ...
ورى شوية طلعت ايلول من غرفة العمليات..لأن دكتورة
طببوها...
اجتي النا...
ايلول: وهية تلهث ، جبل محتاجين دم بسرعة
شوفنلنة اكثر من واحد زمرة دمه +B ..
لأن فاقد دم كلش هواي...
وخرني جبل وكاال...
جبل: ااني اخذي مني شكد متريدين..
اسحبي كل دمي..
بس خلي يعيش..
ليلة: ايلول ااني فدوة الكلبج..اخذي مني
خلي امووت بس محمد يعيش..
جبل: احمد الزم ليلى..هيه ضعيفة مو مال تتبرع
ليلى: وهية تبجي... فدوة جبل عوفني خلي اموت...
شنو حياتي بدونة...
ايلول : وهية تحضن ليلى وتهديها...
يروحي لؤلؤة كاافي...اذا اعتبرعتي
راح يصير عندج مضاعفات وتتمرضين..
ومحممد تدرين بية ميقبل..
همه يكفون...
وصاحو اكثر من واحد
ايلول: يلا تعاالو بسرعة..
ليلى: ضلوو ساعات وماكو اي خبر
ورى شوية طلعت خالة شمس وايلول..
ووجهم تعبان...
الكل ركضلهم..
جبل : بخووف ، هاا خالة
شمس: بتعب ، اتعدة مرحلة الخطر..جاان شبة ميت
لأن فاقد دم هواي...والشضية الداخلة الكلبة كدرنه نطلعها...
بس اكو مضاعفات واذا
مرت الأربعة وعشرين ساعة ومصاار عندة مضاعفات اعتبروة
اتعدة مرحلة الخطر..
جبل كاام يبجي سجد الربة...
#مابين الضابط والجميلة
#مريم محمد..
.........♡•♡•♡•♡•♡•..........
مساء الورد...
الى هنا خلص البارت..
اليوم طبعآ والله صايمة واكتب بالبارت من قبل الفطور الكم وأني تعبانة ..والله حتى عيوني تغوش ..
بس والله علمودكم كتبت وحاولت..☹💔..
حتى كولو كاتبتنة متحس بينة..
كتبت والله من وقت..
هذا البارت لازم اقسمة من ناحية الأحداث واحجيلكم على الأبطال البقية..بس كلت خطية مااريد اشوقهم واخليهم ينتظرون ..كعدت اكتب من قبل الفطور والله وفطرت ورأسآ اخذت التلفون وغسلت المواعين وصعدت فوك..خالتي اجتي بس سلمت عليها وصعدت اكتب الكم..
بعض المشاهد مقتبسة من روايات اخرى..
لاتنسون التصويت قدروا تعبي..والله النجمة ماتكرص والتأثر عليكم..
وهاي بوسة..بس الي بيت كورونا لا يبوسني..😘
#يفدوة
#الكاتبة : مريم محمد .