ما بين الضابط والجميلة

😌مالتي وكلش نحـس بـ اشيائي:🤍❕part 20

رواية:مابين الضابط والجميلة(الجزء الثاني ).

الكاتبة:مريم محمد.

Part 20

ْ
كٌـــلش اقتــِــنع بالذنــٌــب لو .. ويــــاك🤍‼️
♡°♡°♡°♡°♡°♡°♡°♡°♡°♡°♡°♡°♡°

جبل:كمش اديه وعيونه بعيوني...

كال ببحه وخشونه بصوته الرجولي ونبرته الحنونه..

..ولج والكفل زينب...ماوحده كدرت بحياتي كلها

وهو يخلي ايدي على صدره مكان كلبه..

تهز هذا..جان حجر بصدري مو كلب

شفت هواي وعاشرت هواي..بس جانوا بنضري

حاجة رجل لا اكثر ولا اقل...

حتى مااعتبرهم نزوة..لأن مكدرت وحدة تأثر بيه

او اتحرك كلبي..

جان عقلي هو المسيطر عليه..

وجانوا كلما يحجولي عن العشك والحب..

اضحك واكول بكل ثقة..مو اني الي اتهزني مره

بس باليلة الشفتج..لأول مره ادري عندي كلب

ولأول مره افقد السيطرة على نفسي...

حاولت اعاند كلبي.. ومااخضع اله

بس الظاهر..النجر وكع ومحد سمه عليه

قاطعني..صوت التلفون

واديها بعدها بأيدي...

باوعت للرقم...

كلتلها واني اكوم...هذا ابو المطعم صديقي

اكيد جهز الأكل..

اكعدي واخذي راحتج..

ثواني واجي..

ابتسمت وهزت راسها..

ايلول:يحجي وكلبي احسه ينبض ويه كل حرف يطلع من

شفايفه ..

مااريد اكره روحي اكثر..واتعلق بيه

مااريد امل جديد..

كل مااريد ابعد...الكه روحي متعلكه بيه اكثر واكثر...

كل مااتذكر الماضي...

اكره روحي على غبائي...واكره الحب

سنين يلا رممت جروحي..ما اريد

انطعن من جديد...

هالمره امووت والله...

محسيت غير دموعي على خدي..

وشبح الذكريات يطاردني...

حسيت صوته وراي مسحت دموعي بسرعه...

وهو يكول بحماس...

جبل:وهذا اطيب سمج لأميرتي...

ايلول:اباوعله شايل بيده..صينيه جبيره..