ما بين الضابط والجميلة

part 28 :😌لحد يحَبك أني آصيرلك كُلهم

رواية: مابين الضابط والجميلة(الجزء الثاني).

الكاتبة: مريم محمد.

Part 28

بضَحكْتچ تتجمع ﺗَﻔﺎﺻﻴِﻞ ﺍﻟﺠَﻤﺎﻝ 💛🍭،
♡°♡°♡°♡°♡°♡°♡°♡°♡°♡°♡°♡°

جاسر: من بعد اخر موقف... صارت هية مصدر تفكيري..

شوكت مااصفن تجي ببالي ملامحها..

وطعم عسل شفايفها...

و وكاحتها وجرأتها... من بعد صفنة طويلة..اخذت قراري

وكلت لازم اكول لأبوي يحاجي ابوها ...

وجدها.. يخطبوها الي..

لأن بعد مااتحمل متصير حلالي..

كعدنة كلنا على سفرة وحدة..اباوع عليها كاعدة هية

وبنية بصفها ماعرفتها..بس يمكن بنت عمهم..

جانت دتشاور بيها وتضحك..

ضحكت هية..وبينت غمازتها..لو جمرت اويلي لو

هسة حلالي ، الا اضمها بكلبي وما اطلعها..طول العمر

رجعت انوب ضحكت طلع صوتها بس خفييف...صدفة اجتي

عينها بعيني..

خزرتها وخزرتني..

ورأسآ بوزت وشالت عينها..مدري شكالت للبنية الي بصفها..

والبنية ضحكت..

اني نزلت راسي كلت عيب لا ينتبهون..بس لازم أحاجي

ابووي..

كملت بنت عمها وهية كامت وراها...

عاد ورى شوية الكل كمل..احنة رحنة للديوان..

بس قبل لا ابوي يروح طلبت منه انو أحاجية..بما انو

الكل بالديوان كاعد..

قبل لا انطب سحبتة على صفحة وحجيت وياة...

جاسر: يابة اريد احجي وياك ، بخصوص موضوع مهم..

دلياز: كول ابني.. شتريد

جاسر: يابة اني كبرت..واريد اكون بيت وعائلة ..

اريد مرة بحضني ...واطفالي يمي...

وامي هم اخاف عليها تتعب...الصراحة راح اطبلك

بالنضيف والمختصر المفيد..

اني قررت اخطب...

دلياز: بتفاجئ.. ابني متأكد.. شنو الي خلاك تريد

تخطب..من بعد هالمدة..

جاسر: والله يا ابو جلال ..بلا لف ودوران ابنك واكع

ومحد مسمي علية...وأني فضلت الحلال..والتسريع..

دلياز: ابتسم..اهاا يعني الصكر صادوة..