ما بين الضابط والجميلة

part 24:‏أريد أن أُعـانقڪ وأن تُلازمني يـداك ‏😻

رواية: مابين الضابط والجميلة(الجزء الثاني).

الكاتبة: مريم محمد.

Part 24

هو معي ، لي دائماً، من أجلـي فقط .🤍🩸
♡°♡°♡°♡°♡°♡°♡°♡°♡°♡°♡°♡°

جلال: وصلنة للمزرعة وأني أتذكر خزرة مهرة...

اويلي عليها.. مهرة جامحة يردالها خيال يروضها

بس مو على جلال.. داافكر وقطع تفكيري عمي ابو جبل وهو

يكول..

ابو جبل: عمي جلال ولوو راح اتعبك بس شوف الخدم

والشغلات صايرة وكاملة لولا ..

جلال: اني جنت ضايج لأن ما عندي اشي اسوي اني بطبيعتي

حرك..اضوج اضل كاعد ف من كلي هيج كيفت..

وكتلة...

جلال: تدلل عمي ، تعبك راحة..هسه اروح واشوف..

اترخصت ، ورحت شفت الشغل..مو كلش مضبوط اكو بعض

الاشياء مو مضبوطة ...ف رحت اشرف على الخدم واشتغل

وأني اباوع عليهم بعزم..مااريدهم يسختون(يضيعون الوقت).

مهرة: جنت دا امشي حتى اروح اشوف الغزلان...

وأني طايرة من الفرحة.. داامشي اريد اروح بس احذتني..

صفنة بالمنظر الكدامي..غير يخبل شعره مخربط ودشداشتة

البيضة مشكلها ويشتغل...لحضة هو من شوكت

يلبس دشداشة...اول مرة شفتة بيها بالبنطرون والقميص..

وهسه بالدشداشة يا الله يخبل..وانوب يشتغل

وية الولد خليت ايدي على كلبي...

ونبضاتة سارعت حسيت الكل سمعها..

لا ياربي دخيلك لا ...لا تخليني بالهمتاهة ومو اي متاهة

متاهة سيادة الضابط جلال..قطع تفكيري سحبت ايدي

بقوة..

باوعت...

جلال: صاك على سنونة ، ولج انتي شلون وياج راح ابتلي

بيج والله...بحدة صياح...شعندج واكفة اهنا عليمن

صافنة ها...

مهرة: بجفصى ، والله عليك..

لوهلة..غمضت عيوني شكد غبية رجعت كلت بتوتر...

مهرة: اا اجيت ادخل وصفنت شوية..

جلال: هدئ وعلى وجهة شبح ابتسامة على جفصتها ..

...احمم يالله فوتي واذا اشوفج بعد متلومين إلا نفسج...

مهرة: بأنتباه وعصبية... وانته شعليك بيه هااا

قابل انتة ولي امري..اسمع عيني لاتدخل بية اطب واطلع

وبكيفي..اني مطالعة على حسابك تمام !! ..

وهسه يلا وخر من كدامي اريد اروح...

جلال: سرعان ما تحول إلى غضب... ولجج احجي اعدل

لا اكص السانج ، واي بكيفي تمشين..

وعلى حساب كلبي...

واعرفي انتي ويامن دتحجين .. وهذا الأسلوب مينحجي

بيه وياي...ترى متلومين إلا نفسج..الضاهر بعدج متعرفين

منو جلال... ف اسمعي الكلمة زين..

مهرة: بتحدي .. ، معليييك ..و و لا اريد اعرف

قابل انته منو عيني... ومتدخل بية لا اعرفك ولا تعرفني ..

بعدها ممكملة.. وقطع عليها

جلال: اتقرب عليها لزمها من ايدها ولفها ورة ضهرها..

وكال بغضب وبفحيح..همس...

مهرتي الجامحة اتدخل بيج وغصبآ عليج وانتي الممنونة

لأن ..وقرب من اذنها وبهمس اقل ..وكال

لأن حتصيرين مرتي..قرب وجها على وجها

وهذا الكلام اذا تعيدي يااما ينكص السانج او ينعض

يا ...وكمل بقرب يم شفتها...

يا مُهرتي البرية الشرسة..

مهرة: بصدمة وخجل من قربة ، ااا اني ه هيج

جلال: اي انتي..

مهرة: غلطان .. بس اكره ذاتي اذا احد حجة وياي بهيج

اسلوب..

واتوكح...واتهجم هم.. بس هم ماانكر انه عصبية وصح

جامحة ..

جلال: بضحكة ، ورفعة حاجب ...

اني مو آي احد اني زوجج...ووو ... بهمس اكثر..

وأني أحب الوكحة.. واحب الهجوم..واحب الوكاحة من نوع

آخر اذا تريدين اشوفج الوكاحة الحقيقية على اصولها...

كمل جملتة الأخيرة بغمزة..

مهرة: بشهكة وصدمة وخجل ، اا اانته ش شنو قصدك

ماتستحي يامنحرف..وبعدين انته ليش هالكد واثق من روحك

انو انته زوجي وأني أقبل بيك..كملت كلامها وهية تبتسم

بمكر ورفعة حاجب..

جلال: وهو يلزم شواربة.. شاربي مو علية اذا ماتصيرين

مرتي ...وو تتوكحين وتهجمين بحضني...

مهرة: بشهكة وخجل...اااا انته شكد منحرف شلون هيج

تحجي و شنو هالثقة هاي ..تريد تكمل وانتبهت علية وين

متوجها عيونة..على شفايفها..

جلال: طبعآ كل هذا الحجي النحجي والصار واني قريب

من شفتها بحيث اتنفس من انفاسها وهية مرتبكة...

...اااي كملي منحرف وشنو..وثقة شنو ...

مهرة: وهية هسه استوعبت الي همة بية...

دفعتة...وهية تكول... انته شلوون هيج تتقرب..

جلال: بضحكة ، مرتي قابل شكو...

مهرة: برفعة حاجب.. اي هاي العايزة..

جلال: برفعة حاجب.. جلال من ميعجبة اشي بية طبيعة

يرفع حاجبة والكل من اهلة يعرف بهل اشي..

...اي شنو العايزة..

مهرة : بأنتباة...جلال ممكن توخر من كدامي اريد اروح..

جلال: وين..

مهرة: بضجر ، اريد اشوف الغزلان الي جابهن ابن عمي..

وكملت بمكر ... يلا ماماتي كمل الي عليك من شغل..

جلال: وهوو يضحك ، ولج منو ماماتج..

مهرة: وهية تضحك... هيج هيج بس اريد اروح..

جلال: روحي ولا تتأخرين..

مهرة: مو جن اخذت زايد وكمت تتدخل ..

جلال: اي وقابل شكو مرتي وبكيفي...

مهرة: اممم واثق من روحك على كلآً اريد اروح...

رحت وأني اضحك علية..ياربي على هالرجال وتأثيرة..

طبعآ غيرت طريقي ورحت يم التجمع لكيت ..

رحمة و ليلى وبنات خالها وخالتها سلمت وكعدت ...

طبعآ بيت خال وخالة ليلى يصيرون كرايب جدي ف عن

طريق جدي... اتزوج عمي ام ليلى... فعزمناهم..لأن هم

قريبين علينا...

.............

جبل..

قررت مااروح للمزرعة..حتى مااشوفها واضعف

كلش ضجت منها...

بقيت اشتغل حتى مجبتها خابرت احمد ياخذها وياه..

موو هذا الي تريده...

ضليت الوكت كله اكل بروحي وأني اتخيلها تضحك هسه ويه

احمد..

ضليت افتر بالمكتب رايح جاي...واريد اطلعها من راسي

ماكوو...إلا خابرني حمزة الي مخلية يراقب حسن اخو

ليلى..

حسن واحد سكير ابو قمار يومية يطب بسجن و ابو بنات مره

من المرات كعدنا عشائريآ ويا اهل بنية وفضيناها بالشافعات

حياتة كلها ..هيج ، عمي دائمآ يخجل مت سوايات ابنة

احنة مانلومة لأن معلية عمي ..صوج حسن...

المهم خابرني حمزة الي مخلية يراقب حسن ...

جاوبتة: ها حمزة خير

حمزة: سيدي حسن طلع من شقتة من نص ساعة

وهسه بطريقة للمزرعة...

جبل: استغربت ، حسن شودا وشعرفة احنة بالمزرعة..

كتلة بأمر ... ابقى مراقبة ولتخلية يغيب عن عينك لحضة..

جاي اني بالطريق...

اخذت السويج ونزلت بسرعة..

حركت طاير للمزرعة...اعرفة ميروح مكان اذا ماسوى

مصيبة بيه...

وصلت للمزرعة لكيت حمزة اباب المزرعة...

نزلت وكتلة..

جبل: صار شكد من وصل

حمزة: هسه سيدي صار خمس دقايق

جبل : كتلة وأني اتجة للباب...تمام ابقى مكانج واذا طلع

الحكه...ولتلخلي يغيب لحضة عن عينك..

دخلت بسرعة...

باوعت من بعيد الديوان هوسة بيت خالي وخالاتي

وكلها...يضحكون مبين محد دره بجيتة

وأني اريد ادخل جوه...

واسمعه يكول...ولوو يا حلو

التفتت واشوف حسن جسمة مغطي على احد

دا يحاجي...

اتجهت اله...وأني اريد ارزلة لأن حذرتة من قبل

ميعتب المنطقة...

صرت ورا سمعتة كال...

حسن: بس معرفت الحلو منين

جبل: ااني لمحت ايلول عقل ما ضل براسي...

يعني جان يتغزل بيها..

جريتة جبل من ياختة..

كتبة وأني اجرة البرة المزرعة مااريد احد يحس

...

ايلول : ااني اعرفك..

ايلول اول مشافتني شهكت متفاجئة...

كالت بخوف..وهي تمشي وراي

جبل..هو فى شبيك مسوه اشي

جبل : ااني دمي فاير صارلة ساعة يتغزل بيها وهاي جايتني

ادافع علية..

عطت بيها وقهر الدنيا كله بيه...

...طبي جوة لا والله انهيج اهناا.. امشي واياني واياج

االكاج معتية باب المزرعة

...

عفتها وجريتة وراي وهو يصيح

وساعة يضحك...عرفتة شارب

طلعنا المزرعة...

وكفتة كبالي ضربتة بوكس وأني اعيط بية..لك خسيس

شوكت اتوب...مو فضحتنا وجاي هسه تتحارش بالعرض

بنت الناس وبنت صديق ابوي..تريد تخزينا..

ياعار...

حسن: كام يضحك وحلكه كله دم وكال...

يعني هاي الصاكه بنت صديق عمي...اي يااب

مبين راسم عليها مو ابن العم

جبل: مااحس غير نمت فوكه...

و وجها صار كله دم...اجه حمزة

كام يدفع بيه ويوخرني..

كال ..سيدي راح يموت جوة ايدك..

جبل: فقدت دفعتة...ورجعت اضربة

شوية يلا كمت عنه...

وجها مورم وكله دم...

كتلة: حمزة اخذ هذا الجلب وذبة بالتوقيف

هلي يتربي شوية...ويصير رجال

ويتعلم يدافع على عرضة..

................

رحمة: بعد ما باسني جاسر ونبهني على شعري

طبيت اركض وأني الهث...

ام رحمه: شبيج جنتي تركضين..

رحمة: هاا مابية اشي بس عجبني...

ام رحمة: عجبج شنو ولج وين كاعدين وشنو تركضين..

رحمة: بضجر ، ايي زين فهمت...طبيت للديوان وسلمت ..

وكعدت شوية ووحدة من البنات كلتلي بلا زحمة اريد مي...

كلتلها تدللين وكمت دااروح اجيب مي..

ورجعت شفت جاسر بوجهي..

خزرتة.. ورحت اكمل طريقي..

كمش ايدي وجرني بقوة وهوو يكول..

جاسر: هاي النظرة اذا باوعتيلي بيها مرة ثانية ..

اشوفج اشي ميعجبج..

رحمة: نترت ايدي منه وأني اكول..

... عيوني وبكيفي وبعدين وخر من عندي لا يشوفنا احد

عقتة ورحت وديت مي للبنية واتشكرتني...

اجتي يمي سرى بنت عمنا بس مزوجة..قبل لا تزوج

جنة صديقات كلش والحد الأن..

سرى: اجتي يمي وكلتلي بغمزة..اي عيني شبيها شفتج

مجروحة..

رحمة: بأرتباك ، هاا ياشفة ااا ها مابية اشي اني كرضتها

بسنوني ...

اجتي يمي وشاورتني بهمس وضحكة والركبة منو عاضها

هم انتي..كملت وهية تضحك..

رحمة: شنوو ولج نعال اسكتي... وبس لا مبينة..

اتلمست شالي اني من الأصل مالافتة عدل ..عاد لفيتة عدل و

كلتلها هاا وهسة...انلف عدل..

سرى: بضحكة اااي انلف...ترى شفتكم ، كالتها وغمزت..

رحمة: سرعان ما احمرت خدودي..وكلت ، ششفتي..

سرى: وهية تضحك.. هااا يعني تريديني اشرح الج شسوى

جاسر اخو ايلوول..

رحمة: عزززااا انجبي سرى انجبي.. ولج

اسكتي ماناقصني فضايح.. اووف يا جاسر منين طلعلي

هالمعتوه هذا اووف..

سرى: بغمزة...سلامتج من الأوف...ههههه

رحمة: ولججج سرى فضحتينا بس تتمضحكين هسه

ميكولون شبيهن يتمضحكن..

سرى: اي عادي اكللهم اكو اهنا روميو وجوليت الفرع الثاني...

رحمه: ولجج اششش لا احد يسمعج وبعدين ترى مااحبه

واكرها واموت منه...شبسرعة خليتينا نحب بعض..

سرى: الأيام تحكم..صح هسه تكرهي انتي بس صدكي

حتحبية ..
•~•~•~•~•~•~•~•~•~•~•~•~•~•~•~•~•~•
حبايبي عندي مشكلة وهية لما احد يراسلني عالواتباد او اريد انشر رسالة او اجاوبكم ميصير يطلعلي هيج...بالصورة ليجوة
عود ليش

غيرت البريد ونفس الأشي حتى كلمة السر غيرتها
سويت اعادة إرسال البريد الإلكتروني ادوس عليها وميطلع اشي ف الي مراسلني عالواتباد مااكدر اجاوب والله والي يعرف خلي يساعدني..

وراسلوني عالأنستا (mar_._315 )
اكتبولي احنة من الواتباد عشان اجاوبكم لأن مااجاوب الي يراسل بطبيعتي وبس اكتبولس من الواتباد احنة
وبس والله..💜
♡•♡•♡•♡•♡•♡•♡•♡•♡•♡•♡•♡•

وإلى هنا وخلص البارت..🌚
1442 كلمة..💛
لاتنسون التصويت جدآ مهم بالنسبة الي..❤
بعض المشاهد مقتبسة من روايات اخرى..🧡
والي ممسوي متابعة يسوي..🖤
والي ممصوت عالبارتات الي فاتت يصوت لأن والله مهم ويشجع الكاتب عالكتابة والأبداع هم..💕

احبكم..💋

وبس والله..💗

#الكاتبة: مريم محمد.