رواية: مابين الضابط والجميلة(الجزء الثاني).
الكاتبة:مريم محمد.
مهم : اقروا النوت الي بنهاية البارت ضروري كلش...
Part 22
- يـ واهس ديـرتي عيونك سبَني🖤.😌
♡°♡°♡°♡°♡°♡°♡°♡°♡°♡°♡°♡°♡°♡
ايلول: كعدت الصبح على صوت المنبة ساعه 7:00
يربي ولا اريد اكوم ...كله من ورى جبل مشبعانة نوم..
عطاري جبل صدك وينة..
باوعت للجرباية بفزع وخوف فارغة...
خليت ادية على قلبي..
ااف همزين راح..يربي مخبل
مراح لحد منومني ...
كمت غسلت واخذت شور...
اباوع لنفسي بالمراية..خليت ايدي على وجهي من الصدمه...
صحت بتفاجئ ... يربي هذا شمسوي بيه وأني أشوف اثر
بركبتي وصدري...
وأني الغبيه..حتى ممنعته يربي شدا يسوي بيه...
هسه ليشوفني شيكول...
اوووف يجبل...شكد مااريد ابعد عنك
دا اتقرب منك اكثر..وقربك خطر عليه
خاف يجي يوم الأنصدم بيك...
التفكير حيموتني..خلي اخلص بسرعة
طلعت من الحمام...
بدلت بسرعة ..لبست بنطرون رصاصي قماش مخطط
و وياه سترته قصيرة وجواه بدي بتفسجي مكتوب عليه
بالتركي AŞKĪM...
خليت خافي عيوب لركبتي من وره استاذ جبل..
ومكياج خفيف..لأن عادتا ما استخدم الميك اب
...
وهيه لازم اكعد الشيخ..لأن حضرة صدر اوامر البارحه
باليل وأني أتذكر قبل ميصعد الغرفتة...
يهمس بصوتة الرجولي...وهوو محاوطني بأدية الي
ساندهم عالحايط...
هاا..شكلتي يحلوة الضاهر عجبج العرض
قرب من أذاني وهمس وأني قلبي يرجف من قربة
...
انومج الليله بحضني ...هنا وهو ياخذ ايدي وخليها
على صدرة..
و..
دفعتة من صدرة وأني احس صدق حفقد القدرة..
بحظورة على نفسي...
كتلة وعيوني بعيونة وأني حاولت اتماسك وما ابين تأثري
بيه..
ايلول:لا مشكور..سيارة للضابط الك ولاجنك
مااعرف انام الا وحدي..ممتعودة انام بحضن غير حضن بابا...
محسيت بيه عاصرني عالحايط
ولازمني من زنودي حيل...
همس بفحيح وخشونة دماراتة برزت..وخشمة يطخ بخشمي
جبل:عيدي مسمعت ، بحضن منوو
ايلول:همست بأرتباك وخوف من قربةواني احس انفاسه
على شفايفي...
باابا..شنو شبيك
جبل:عصر ايدي اكثر...باعي لج
اااياج ثم ااياج ...تعيديها مكانج بحضني ااني وبس
لا بابا ولا ااي احد..
ايلول:كتلة وأني اخاف لا احد ييجي ويشوفنة بهالوضع..
ايلول:كافي جبل..روح لتتخبل شنو مااعيدها شبيك
غير هذا ابوية ..
وليش انته بس الك الحق بيه عيني..
جبل:لجج لتخبليني بهالليل
لا وعلي اصيح والم البيت كله ، وساعتها هيج هيج..
مزوجج اسرع وبدون تعب...
ايلول:فتحت عيوني بصدمة...تريد تفضحني انته
...لك بابا انته مو شيخ ولازم يستر على الناس ويحل أمورهم
ولازم تكون خايف اكثر مني على سمعتي وسمعة العائلة..
وأني من شفتك والهسه...وانته ماكو شغلة
مخبلة ممسويها بيه...
محسيت غير ساحبني وداخل للغرفة ..
عطت بيه..هاي شدا تسوي وين داخل
كمشت ايده.. جبل اوكف لتتخبل شبيك
ميسمع مني...شمرني عالجرباية
ردت اكوم بسرعة..اجه نام وسحبني الحضنة
وكال بحدة..
جبل: ولا حركة ، اذا شفت حركة منج
انام يمج الليل كله وهاي امنيتي...بس اذا كعدتي عاقلة و
طعتيني..امل حجيي واروح
ايلول:خنست بحضنه لأن اعرفه نصيبه البراءة بيتي...وأكبر
واحد ميمنعه
قريتي اكثر لحضنه وادية تشدني اكثر اله...كتلة بأعتراض
شدا..مو كلت مااسوي اشي
جبل:كال بخشونة..وهسه شمسوي..ترى اذا اريد اسوي اشي
مراح أخذ رأيج..وهسه نامي على صدري اسمعيني
...
نمت على صدرو..واديه تلعب بشعري تمنيت ميوخرها
...
كال بهدوء...اسمعيني زين لأن كلامي هذا مراح اعيده
ابدآ...
اااني صح شيخ وصاحب منصب بالدولة...
وأني اختاريت هذا الأشي مراح اكلج احد جبرني
لا ااني من جنت صغير جنت جريئ وطموح..
وجنت دائمآ فارض رأيي وشخصيتي عالكل..
بديت ادرس مع انو مجنت محتاج لكل هذا..
لأن اموالنة تغطي عين الشمس..بس حبيت ابني
نفسي بنفسي..طلعت معدل عالي يأهلني لدخول الطب..
بس اختاريت العسكرية...وبنفس الوكت صرت شيخ عشيرة..
جانت كلش صعبة عليه
بس مشكيت الأحد بيوم...ولا احتاجيت احد غير ربي..
لك. مصرت رائد والكل يحسبلي الف حساب...
حصلت كل الأريدة واحلامي حققتها...بس جان ناقصني اشي
مال عندي خير من الله من تعبي ، ونسوان اتعودت دائمآ
اشوف نضرات الأعجاب ومحاولات لفت انتباهي بعيون
الأشوفهن بي ولا يوم حسيت روحي رايد وحدة...رغم حياتي
الكاملة بس حسيت بيها ثغرة
...لحد اليوم الي شفتج بيه
عرفت...انتي الي جنت انتضرها طول هالسنين
وصدكي الي سويتة وياج مسويتة ولا راح اسويه
ويه اي وحدة...
وياج افقد السيطرة على كل اشي.. وانسى العيب والمستحى.
وانسى منو ااني
صدكي ويااج...ارجع مراهق لأن بعمري ممجرب الحب
لأن ااني ما اعشق بسهولة الي اختارها لازم تشيل اسمي و
كلبي..وانسى منو ااني
صدكي ويااج..ارجع مراهق لأن بعمري ممجرب الحب...ومن
اعشق مااعوفها الموتي..
ايلول:خليت ادية على شفايفو وكتلو بخوف من جاب طاري
الموت...
اسم الله عليك..اي ليش هالكلام
كال...
جبل:تخافين علية
ايلول: كتلة ، وادية على صدره وأني العب بأعصابة...شلون
مااخاف عليك غير صديق اخوي ومثل..
لزم شعري حيل وكال بعصبية...
لتعصبيني احجي عدل لا وعلي اكسر الغرفة فوك راسج...
ايلول:ااي عد شعري هسه وأني شكلت..اي دخل اكمل
...
جبل:لتكملين انجبي..ماوراج غير حركان الأعصاب
كتلة بزعل..هاي اني مو بعد مااريدك روح ماانام بحضنك...
اني ردت اكوم ...جرني الحضنة وشبكني حيل
جبل:كاافي لج بلا عيارة...تعالي لقلبي خل اشبع من حضنج
ايلول:وأني افرك بعيوني...كاافي حباب والله نعسيت كلش...
جبل:ولج لاتحجين هيج لا اشتعل العشيرة اليوم...
ولج لاتدلعين عليه...ااني مو حمل هالسوالف
...
كتلة وأني بديت اغفي محاسة بنفسي حتى شأحجي...
ايلول:لاجبل وربي نعسانة..حبيبي خل اانام كاافي
اشو هذا صار فوكاي ...
كال ..
جبل:عيدي ولج شكلتي...اليوم العشيرة احركها كلها...يابعد
جبل واهلة
كتلة بنعاس...شكلت شبيك
كتلك اريد انام..دكوم مني اريد انام
...كام يبوس بخدودي بقوة...
جبل:ولج عيديها شكلتي...مو شعلتي اهلي
وتالي نايمة وعايفتني ..
ايلول: امم جبل..و وخر نعسانة بلا خباثة
رجع ناام وسحبني الحسنة...كال بعصبية
جبل:افف شلوون بالتنبل العندي...بس ماال نوم
مافكرت بالمشعوول اهله شراح ينومه...
ايلول: شبكتة حيل وراسي على صدره وصدرت كلش مريح..
كاافي لتحجي خلي انااام..اشش
...
جبل: كال بتحذير...باعي لج
باجر تصعديلي الصبح تكعديني...مو تدزيلي الخدم
دتروحين وي احمد حضرتج..ترى سواية الصبح مناسيها...
ترة من توصل حدها...مارحمج وآلله
...
ايلول:كتلة وعيوني طفت كلش ، أمرك شيخي الصاك
لتعصب...
جبل: كال بحسرة وقهر...حضي بس من اتنام
يبدي الحجي الحلوو...ومن كاعده مكضيته بس عرك
نامي يبعد شيخج نامي...
ايلول:ابتسمت على حجيت وخبالة..ونمت
مااعرف شوكت طالع ورايح الغرفة ...
♡•♡•♡
صحيت من أفكاري وأني اريد اصعد درج الطابق الثالث...
لاكتني مهرة...
.كلتلها
ايلول:صباح الخير..مهورة
مهرة وهية لابسة ملابس الجامعة...صباح العسل ايلوو
شطالعة عيني...ولج خاف حبيتيلج دكتور صاك
امرج معاجبني وهية تغمزلي..
ايلول:كلت بقلبي لو يسمعك اخوج جان علكني اني وياح
اباب المستشفى لحد مايعرف منو...
كتلها...ولج ياحب عبالج الناس واكعه كلها مثلج عيني
وأني اغمزلها..
مهرة: بقهر ، ولج هذا ياهو الي يتحملني اني وخبالي
عاد ياريت صدك... لحد يسمعج ويصدك ..
صدك ايلول قبل ما انسى
اليوم مو تنسين العزيمة مال ابهاتنا صارت بالمزرعة..
ايلول: كلتلها ، ادري البارحة ماما كلتلي
بس ما اكدر اجي من وكت..عندي شرح دكتور وعملي تطبيق
عمليتين ..
اليوم...وكم شغلايات
يعني شغل كلش اهواية...
هاي بعدني ما كمت اطبق وصرت صدك دكتورة وتكومن علية
المهم... بس احاول اخلص من وكت والحكم
....
كالت...
مهرة: مو تتأخرين واحنه مسوين العزيمة علمود بابا وعمو
ابوج..
ايلول: كلتلها بأستغراب ، وهو بابا وينة صارلة يومين
مختفي جاسر بالشغل هوا وإخواني..يطلعون الصبح ويرجعون
نص الليل
مدا اشوفهم...
مهرة : هستوة طلع عمو دلياز....هو وبابا راحو مدري وين
بأن عمو دلياز صاير عندة تحقيق ضروري فحولوا اهنا على
تحقيق البصرة هو وبابا يكملون ويرجعون...
ايلول: والله مشتاقة البابا...هنالك جنت 24 ساعة وياه
وكل ساعة اروح يم جلال لو جاسر..
هسه شوفة مدا اكدر اشوفهم...الشغل اهنا والونسة ماخذة
كل وقتهم...
مهرة: يلا اليوم شوفيهم وشبعي من عدهم...ترى نبات اهنالك
حضري هدوم الج..مو تبقين بذن وتجيني
..مهرة لحكيني اريد ملابس منج
ترى ماانطي...
ايلول : وأني أضحك على خبالاتها ، شكد خبيثة..ولا ليكول
بنت البصرة اهل الكرم مدري عليمن طالعة..
..
مهرة: وهية ترفع حواحبها ، طالعة عليج بنت الصاك..
اكلج صدوك انتي وين صاعدة اشعندج فوك..
ايلول: كلتلها وأني احاول الكه حجه... ها..مو اريد اكول
للخدامة اتكعد جبل لأن راح اتأخر حتى يوصلني..
مهرة : جبل اول وتالي يخلي احد يكعدة من الصبح ويدخل
غرفتة...ولك عوفي لا يكب بوجهج من الصبح
خلي احمد يوصلج لأن راح يكعد...
ايلول: يربي شكللها..اكللها اخوج ميقبل إلا هو يوصلني
...كلتلها... هلا لعد خلي اشوفة صدوك
مهرة: كالت وهية نازلة..يلا ايلوو اتأخرت عالسايق باي
صخلتي اشوفط العصر...
ايلول : كمت اضحك عالخبلة..تجنن هية وحجيها مثل
اخوها.. خليتها تنزل
صعدت بسرعة لا يطلعلي احد وانفضح صدك..
وصلت الباب السويت ماله...
ردت ادكة شفت وحدة من الخدم صعدت ..دخلت بسرعة لا
اتشوفني...
♡•♡•♡•♡•
كلبي كام يدك بسرعة أول مرة ادخل غرفتة..
باردة ثلج وضلمة...
مشيت على كيف وأني اباوع التصميم غريب
يختلف عن تصميم القصر...عبالك بغير بيت داخلة
الأسود يسود الغرفة..واضح عليها غرفة اعزب
لأن الألوان والأثاث رجولية..مبيها لمسه أنثوية
لفت نضري صورة الجبل ..معاكى بوسط الحايط
اله بلبس العربي..
وصلت للجرباية...اباوع مبيها احد استغربت
ردت اروح للصالة...
محسيت غير ادين حاوطتني من ورة...
وصدرة الصلب يطخ بضهري...
وانفاسة الحارة على ركبتي...
جسمي كام يرجف ..من قربة
ودكات كلبي صارت طبل...
نوم راسة على جتفي وانفاسة على ركبتي..همس وصوتة بيه
بحة واضح هسه كاعد
..
جبل:ليش ترجفين...
ايلول: كتلة واحاول ماابين ارتباكي...
بااردة غرفتك..
جبل: وشفافي على ركبتها..
يعني مترجفين من كربي منج..وجسمج صار جنه ورقة بأيدي
ودكات كلبج الي اسمعهم يصيحون جبل...
يعني هاااي...
وأاني اابوس ركبتها بشغف..
صاحت.. ااه كاافي شدا تسوي
جبل: همست ، كوليها
ايلول: كتلة وجسمي احسه حيوكع بين أدية..
شنو..
جبل:كال وأدية تمشي على خصري...
تعرفين شنو...لتعبيني من الصبح وكوليها
...
ولج متلهف اريد اسمعها من بين هالشفايف
ايلول: احس بلمسته ملكني كلي...
همست بدون وعي...
حبيبي..
شبكني الصدرة حيل اله من ضهري..
وصاح بشغف ودحس راسة اكثر بركبتي...
جبل: اوووف يبعد لعبة وتشيرت لحبيبج...
...
ايلول:خليت ادية على حلكي بتفاجئ..
هاي شكلت..يربي شدا يسوي بية قربة
فقدت عقلي وياه...
كتلة بأرتباك...لهنا وكاافي فدوة
...اتأخرت كلش جبل
جبل: وبودي مااعوفها واحبسها بغرفتي العمر كله..
ولج خليني اتهنة..بالحضة وياج
لازم تتحججين...
كتلها واني اتوجه للكنتور (خزانة الملابس)..
ايلول: درت وجهي علية..خدودي صارت حمر
وهو لابس بس شورت اسود..وصدرة كله عاري
عيوني...اجتي على عضلات صدرة وبطنة
تجنن...صخنت من المنظر
طلع ملابس واني صافنة علية..
عطت ودرت وجهي وأني اشوفة..يريد ينزع الشورت
...
ردت اطلع من الغرفة..صاح
جبل: اذا عتبتي باب الغرفة اكسر رجلج..
ايلول:كتلة و وجهي عالباب..شكد متستحي شلون تبدل وأني
موجودة..
كال بثقة وأني اسمع صوت تبديل الملابس...يربي
يعني اني وياه ودا ينزع ملابسة...
جبل: عادي...انتي مرتي وتصيرين
يعني هذا المنظر حيصير طبيعي لازم تتعودين من هسه...لأن
من نزوج انتي الي اتبدليلي بأيديج
...
ايلول: عقلي راح يطك شدا يحجي وانوب بثقة موتتني...
كتلة بقهر...شكد واثق انو حوافق اتزوجك
جبل: كال بغرور واحس صوتة بدأ يقترب اليه ارتبكت كلش..
باعي كتلج حتصيرين مرتي..يعني حتصيرين
وربج جبل ميحجي اشي ...مواثق منه
سحبني من ادية جرني الصدرة...
كال مقابيل شفايفي...الف بالمية
ختم كلامه.. ببوسة سريعة عشفايفي
وخر وكال...عشقي انته
صفنت شوية... كتبة ، تعرف تردي
هز راسة...وفتح الباب وادية بأدية
طلعنه وهوو لازم ايدي يربي والله مخبل..جريب ايدي من
ايده..
خزرني...مشيت بسرعة كدامة
همست..اذا شافنة احد شيكول
عفتة ومشيت سريع الغرفتي اجيب الجنطة..
وأني عمدتآ اريدة ينزل قبلي حتى محد يشوفنا سوى...
...
نزلت وراه بعشر دقائق...
لكيتة كاعد عالسفرة ليشوفة هو وهيبتة..
شكل كلش جدي ويخوف...مثل البركان
ولا ليكول نفسة الي جان مساعة بالغرفة....
صبحت عليهم واجيت اكعد..بصف ماما
اجت عيني بعينة ..خزرني واشرلي بمعنى اكعد بصفة
...
شكد جريئ ومسيطر ومتحكم بكل اشي..
انداريت كعدت بصفة...
احس مرتبكة وأني اكل وهو صافن عليه..
قاطعتنة ماما(شمس) : ماما ايلوو..مو تنسين اليوم العزيمة..
ايلول:لا ماما شلون انسى...
محسيت غير ادين تمشي على فخذي...
وجهي صار احمر...اوخر ادية يدفع ايدي
اباوع الوجهة جدي كلش وياكل.. طبيعي
ولا جنة نفسة الي يتحرش بية وميخليني
الجد: بنيتي ادز عليج احمد ياخذج من المستشفى..
ايلول: همستلة ، وخر ايدك بلا خبال راح تفضحنه...
ماكو ابد .. انوب كام يكرص بيه
كوه كاتمة صوتي...
كتلة: هاي هية جدو كيفك
محسيت غير ايده عاصرة زري حيل..
عطت من الوجع.. ااه
كلها اندارت عليه...من الفشلة مدري وين اودي وجهي وانوب
امي تخزر بية ..
وهو ولا يمة متفاجئ..
ام جلال(شمس) والكل: شبيج ماما...
ايلول: هاا..لا ماما شوية بطني نغزتني
الظاهر ثكلت بالأكل..
ام جبل: ولج يمة وانتي شماكلة...جنج معدة عصفور
ايلول: لا خالتوو ، من اكُل زايد معدتي تأذيني كلش..اسألي
ماما...
قاطعنا جبل وهوو يكوم...وأني جريت النفس من كام
جنت كاعده على اعصابي...
جبل: كال بخشونة ، دايما
جدي أيلول اني اوصلها ميحتاج ادز...احمد
وانتي يلا منتضرج بره...
عافني وراح ..ليكول اشتغل عنده
شكد متكبر ومغرور وشايف نفسة...
سلمت عليهم وطلعت هسه اكيد الكه الأستاذ معصب...
اثناء طلعتي اتذكر من قبل لا اطلع سلمت على ماما وكلتلي...
شمس: ماما ايلوو ، اليوم اخر يوم تروحين للمستشفى
حتى لو مفاهمه المواد عود اخذيهم من صديقاتج...
لأن عيب.. ابوج وأخوج
عدهم شغل...
وهمه ممبتلين بيج....
كتلها: اوكي ، مستحيل بعد مااروح للمستشفى اني كلش
اتعلقت بالشغل ودراستي حبيتها اكثر من شفت التطبيق مالها
بس كلتلها اوكي..اريدها تسكت ومستعجلة...
وطلعت..
طلعت لكيتة بالسيارة ودا يدخن...
مدام يدخن يعني كلش معصب..
بلعت ريكي وسميت بالله وركبت...
اول مركبت..حرك السيارة بدون ولا كلمة
...
جان يسوق بسرعة اني مجلبة بالحزام حيل وادعي ربي
منسوي حادث..
اكله خفف..احجي ولا يرد ليكول صنم كباله
لحد موصلنة للمستشفى...
وايدي على كلبي ...
اباوعلة كتلة وأني روحي طالعة من اسلوبة ...
ايلول: متكلي شبيك تسوق مثل المخابيل...اذا انته نتعود و
متخاف...
كول بني آدم وياك يخاف من السرعة...
يباوع ليكدام ولا دار وجها علية...
حجة بجمود وحده...
جبل: انزلي بدون حجي زايد...وبالخمسة اجي
الكاج جاهزة...
ايلول: كلش متفاجئة من اسلوبة وين ذلك الحنون
والرومانسي...ليش صار بارد وعصبي بسرعة
..
كتبة وأني اريد احجي اكثر بلكي يكول السبب..
ايلول: شنو بالخمسة...ممخلصة
صاح بعصبية...
جبل : ااانزلي...وبالخمسة اجي لغوة ما اريد
ايلول: نزلت ودمعتي بطرف عيني...ليش دا يعاملني بهذا
الأسلوب ...
اول منزلت شخط السيارة وراح بسرعة...
بقيت اليوم كله افكر بيه وبسبب تغييرة واسلوبة وياي
..
حاولت الهي روحي بالشرح والمستشفى واستطلاعي
عليها...
بس كوه الكه روحي دا افكر بيه...
كل ساعة اكمش الفون...
هسه يتصل..هسه بدو مسج..
مااكو
..
معقولة هذا نفسة الجان الصبح وياي...معقولة
نفسه الي جنت نايمة بحضنة البارحة..
صارت الساعة بالخمسة..
جهزت نفسي...انتظر اتصالة
سويد ودك اتفاجئت هذا احمد شعندة داك..
جاوبتة..هلا احمد
كال..هلا ببنت الغالي...يلا نزلي أنتضرج جوه
كتلة بأستغراب..ليش مو جبل كال هو حيجيني
كال : والله مااعرف خابرني قبل ساعة...وكال روح وصل
ايلول للمزرعة...لأن عندة شغل ميكدر
يجي..
اختنكت كلش لهالدرجة ميريد يشوفني..سهلة
اشوفك من ايلول..الضاهر عبالك صرت سهله
بعدك الهسة معرفتني عدل...
كتلة وابين صوتي طبيعي...ثواني وانزلك احمد
...
وصلنة للمزرعة...والطريق كلة احمد يحجي ويضحك..بس
بالي مو يمة
وصلنة للمزرعة..كلت اكيد موجود
.......
ليلى:
اجتي رشا تضحك وتباوعلي بخبث ونزلت وراها مرت عمي
صالح جانت راكبة ليورة..
احس كلبي شب نار...اريد اكسر ضروسها جنها
ستون ميساء السحارة...
نزل وراها محمد...
اجتي عينه بعيني ضحك بوجهي من شافني..
وختفت ضحكته من شافني مخنزرة بوجها...
عفتة وكملت طريقي لأبوي...
والقهر البقلبي ماكو اشي يطفية...
حاولت ما ابين وأني اتوجة لأبوي الجان كاعد بالديوان البره
مثل الكعدة العربية هو وجدي وابو جبل وعمو دلياز..
لأن محد جان واصل...والنسوان جوة
كعدت بحضن بابا وجلبت بركبتة والأرنب بحضني...
ومهرة بحضن عمو ابو جبل..
شفت محمد وصل وكدامة السعلوة رشيوة..
شفتة بطرف عيني كعد بعد ما سلم على الكاعدين..
ومرت عمي صالح سلمت ودخلت..
بس هااي العكربة بقت كاعدة قريب من محمد..
ااني الك محممد...جايبها وجااي واكله
تعال اني وياك يكلي عندي شغل...
شوف منو التعتبرك اليوم...اذا ماخليتك تتوسل
كتلة وأني أتعمد ادلع على بابا: باباتي شوف هذا
الأرنوب...صغيروني خلي اخذة باباتي
ابو ليلى: يروح ابوج..اخذي اليعجبج
جم ليلو عندي...
بستة بخدة...اروح فدوة لأحلى اب بالدنيا
...اسمعهم يسولفون...
مهرة:باباتي خلي اني هم اخذ هذا الأرنوب
العنوني..
ابو جبل:هاي شلون شغلة ، ولجن بس يلا ميخالف
اخذي يروح ابوج..
الجد: شلون طريقكم...
حجت العكربة(رشا): هم زين أصر محمد يجيبنة هو...
لأن سيارتة كلش مريحة جدوو..وسوالفة تخبل
شبعنة ضحك...
ليلى:تحجي واحس دمي يفور ...بدي اكوم وأنتفها.
واسحلها سجل بالمزرعة..
قاطعنا محمد وأحسه من صوتة راح يطك اني صاير ضهري
علية يعني ما اشوفة ..
محمد: عمي الغزلان ...وصلن
وجهزتلهم حضيرة الوحدهم..
ابو جبل: عاشت أيدك ابني..
عمي ليلو ومهورة جبنة غزلان علمودتجن...مو جنتن ادكن
عالغزلان جابلكمياهن محمد..
مهرة: بخجل ، شكرآ محمد تعبناك..
محمد:وهو يباوع على ليلى ، ولوو بنت العم ماسوينا إلا
الواجب...
ليلى: كتلة وااني عقلي مو يم محمد حلمي جااان يجيبولي
غزلان...بوست بابا وكمت بسرعة...
حروح اشوفهم باباتي...مشكور فديتك
كامو يضحكون بابا وجدي وعمو دلياز وعمو ابو جبل
اني كلت لمهرة..
ليلى: يلا مهرة تكومين نشوفهن..
مهرة: لا عود اني وراج اجي مابية حيل هسه...
اني رحت ركض الهم...
وصلت واشوف...ثلاث غزلان اثنين كبار و واحد صغيرون...
كمت أكمز ...اوووي يروحي فدوة
محسيت غير ايد سحبتني وصوتة يكلي...
محمد: كلها روحي ...بس أني ممحصل اشي
غير الزعل...
وااني الصارلي اسبوع احضرلج هاي المفاجئة
ورحت لأخر الدنيا حتى أشتريلج..
غزلانج..يغزالي
ليلى: دفعتة حيل اول مسمعت صوتة..
كمت اصيح.. وخر مني
روح الها هسة تكلك ... الكاتل نفسك حتى تجيبها
كال مصدوم... شبيج ليلى شنو هالخبال
كتلة..اي مخبلة روح للعاقلة العكربة رشا
اتوسل بيك ساعه...حتى نجي اني وياك
وطلعتلي مية حجة...
وتاليها جاي انته وياها ومركبها بالصدر وتتمضحكون..
عفتة ردت اروح...جرني حيل..
محمد: اوكفي لتخليني اتخبل عليج هسه..
افتهمي ولتسوين الطلعة سم علينة ...
♡•♡•♡•♡•♡•♡•♡•♡•♡•♡•♡•♡•♡•♡
لهنا وخلص البارت..🖤
2885 كلمة(تقريبآ 3000 كلمة)🌚 ، عوضتكم وانتو عوضوني بالتصويت..
عمري مسائكم اني 😌😹
طبعآ الي يسأل سؤالين الأول ، شوكت تخلص الرواية علمود الدوام لايبدي...
.. باعو عمري احنة دوامنة يبلش 3/1 قبل هاي الفترة بس ممتأكدة اكمل الفصل الأول مال الجزء الثاني بعون الله..
والفصل الثاني ..بالدوام عادي اكملة حتى لو قبل الدوام يعني اعتيادي تمشي الرواية..
الثاني...شوكت تخلصين رواية السر_والانتقام..
عسولاتي مثل متعرفون إني طالبة كورس ثاني (نضام كورسات احنه) يعني تعرفون حنكون بينة خمول لأن تعبانين مو مثل الكورس الأول وأني طالبة شاطرة يعني اريد درجات عالية فأحاول اوافق بين الرواية هاي واذا كدرت اكتب بارت الذيج الرواية + اضافة الى انو عاجبني اغير اسم السر_والانتقام شنو رأيكم..المهم راح احاول اوافق بين دراستي والروايات
واذا مكدرت السر_والانتقام وقت الدوام...
فراح ائجلها الى شعارٍ اخر..
+
بعض مشاهد الرواية مقتبسة من قصص او روايات اخرى❤
لاتنسون التصويت جدآ مهم بالنسبة الي...💕
اكتبولي شنو رأيكم..😜
احبكم..🥺
وبس والله🧡.
#الكاتبة : مريم محمد.