ما بين الضابط والجميلة

part 18 :🥺كان يا مكان يَدك اجمل امان .*

رواية:مابين الضابط والجميلة(الجزء الثاني)

الكاتبة:مريم محمد

Part 18

بوجهي لمن تضحكين راحة ينگلب تعبي 🕊🙏🏻
♡°♡°♡°♡°♡°♡°♡°♡°♡°♡°♡°♡°♡°

ليلى:طبيت للبيت وأني أتذكر محمد..وخباله وانو لازم

اخابرة فززني من صفنتي امي وهيه تكول..

ام ليلى:وعليكم السلام

ليلى:وهيه تشبك امها..حبيبي الحلوو والله نسيت اسلم

وبعدين ترى مييته جوع جوعانه شمسوية اكل

ام ليلى: دولمه يمه

ليلى:وهيه تغمض وتفتح عيونها بشهوا..

اللله عليييج ياست الحبايب ميته جوع هسه راح اهجم

عليها

ام ليلى:كالتلي امي وأني اطلع...

هسه بدلي وتعالي تغدي وعندي موضوع وياج

ليلى:كلتلها اي وأني اعرف شنو الموضوع الي تريد تحجي

بيه..اوووف

طبيت بدلت ونزلت صبيت دولمه اكلت ورحت لماما..

ليلى:اي ماما شنو الموضوع الي ردتيني بيه..

ام ليلى:يمه انتي كبرتي والوادم كامت تطلبج مني واحنه

كايليلج سابقآ انو ابن خالج رايدج على سنة الله وروسوله ولا

اني ولا اخوتج ولا ابوج شايفين بيه عيب بقى بس رأيج

صارلج شهر تفكرين وعيب من خالج يمه وبعدين ابنه احسن

من الغريب الماتعرفين عنه اشي..

ليلى:بتوتر وازعاج وشلون حتكول لأمها وامها تدري بيها

تحب ابن اخوها ،

يمه ترى اني بالعكس بعدني صغيرة مو جبيرا ليش هيج

تشوفيني وأني رافضه فكرة الزواج نهائي اريد اكمل دراسه يلا

عود افكر ..الله يخليج يوم لا تضغطين عليه

ام ليلى:بقهر ، اي ليش ياامي ليش والله الولد مامعيوب لو بيه

اشي جان كلتلج بس مابيه اشي وبعدين هوا كالها بالسانه

انو يقبل ويخليج تدرسين يمه وكال على الاقل بس خطوبه

وهوا عايش ببغداد وماعنده مشكلة..اقبلي بيه بدون ضغوط

ليلى:يمه شلون بدون ضغوط وهاي انتي بحلكج تضغطين

عليه وبعدين اني ..

مااريده..مااريده..

وهسه اكوم ماما وارتاح

كمت من يم امي وأني بين الحزينه والفرحانه ..

وبين افكر بحبي لمحمد..اوووف يامحمد..

فتحت باب غرفتي توني حطيت راسي ع المخده واشوف

تلفوني يرن..

تنهدت وأني اشوف المتصل محمد رديت عليه بخجل..

ليلى:بخجل ..الووو

محمد:يابعد روحي..شنو هالصوت ترا مااتحمل هالمياعه

ليلى:محمممد

محمد: بضحكه.. ياروح محمد ، تغديتي لولا

ليلى:اي تغديت وهسه صعدت دااريد انام وحضرتك

زعجتني..

محمد: هااا..هسه صرت اني المزعج مووو

وبعدين تعالي اكلج انتي ششايفه من الازعاج تعالي بحضني

واشوفج الازعاج على اصوله

ليلى: محمممد لا تخجلني وبعدين شنو بحضنك ترا اني

احوص يعني اضوجك

محمد: بتنهيده...هسه انت تعالي بحضني وشوفي منو

اليضوج ..

وهسه يلا بلا كلام ونامي وعوفي الخط مفتوح اريد اسمع

انفاسج..

ليلى:غمضت واني افكر بمحمد وحبه ياالله شكد احبه

هالشخص ربي لا يحرمني منو..غفيت شووكت ماادري

بس المهم غفيت..

■°■°■°■°■°■°■°■°■°■°

مهرة:كملت محاضراتي طلعت واتذكر من كلي من تكملين

اتصلي عليه..

هه.. والله يحلم بعد الي صار

تنهدت وأني امشي واتذكر ، من كتله دكتور خبيث وجرني

وراه إلا يطببني ..

جلال:كمش ايد مهرة وهو يتوجه للجامعه..

مهرة:كمش ايدي غصب حاولت اوخرها لكن رأسآ اندارلي

وخزرني عصبت..

وأني اباوع مرا الوجها ومره الأيده لحد ما جرني اكثر ومشاني

بصفه..

يمشي ولازم ايدي كهرباء سرت بكل جسمي ..

نمشي والكل يباوع علينه خجلت صراحه..

كل خطوتين نمشي الكل يسلم عليه ، الظاهر هو عرف هنا

الكل يعرفه..

وصلنه..

جلال:هذا قسمج

مهرة:بصفنه ، هااا ااا يي هذا قسمي

جلال:ابتسم وهو ينتبه عليه صافنه عليه..

مهرة:رأسآ خنزرت وكتله اي هوا بس شنو الفائدة راح اترزل ..

جر ايدي وهو يفتح باب القاعه ونفوت..التفت علينه الدكتور

بغضب لكن سرعان ما ابتسم وهو يصافح جلال ويسلم

عليه..

اتفاجأت صراحه ...

جلال: وهو يلتفت عليه ويكول..اقاربي تأخرت ...

الدكتور:ايي عادي تفضلي مهره بأستولج

مهرة:شكرآ دكتور..

كعدت واني مصدومه شلون يعرفون بعض وشلون

الدكتور قبل يدخلني..اباوع نضرات الطلاب علي وعليه

خجلت..

ماحسيت إلا ندسه بخاصرتي من سلوى وتكول

سلوى:ولج هذا الحلو منين

مهرة:ايي سلوى شنو منين من المريخ كافي سدي

الموضوع..

كملنه المحاضرة بعد ما تسالمو الدكتور وجلال وطلع

كمت وأني الم بغراضي وسلوى وياي..

سلوى:يعني اهلهل

مهرة: بأتسغراب ؛ وليش تهلهلين منو عرس

سلوى: انتي قريبآ ، لأن ما شاء الله وأني اشوف نضرات

بعيونه الج

مهرة:انجبي سلوى وبلا سخافات ..

فقت من ذاكرتي وأني اوصل للخط توني دااصعد وجان

تنجر ايدي انداريت وأني اشوف جلال وهوو يكول..

جلال:توكل بالله عمي اني اوصلها

سحبني من ايدي الي حتى ملحكت اجاوب عصبت واني

اكوله

مهرة:هالاسلوب شنو ، وبعدين منو سمحلك ، وما اريد

توصلني..

وهسه اترك ايدي يلا

جلال:اصلآ ولا كأنو يسمعني شمرني بقوه للسياره وهو يندار

الجهته يصعد وهو يكول..

جلال:شكلت اني

مو كلت اني اوصلج ليش مخابرتي وفوكاها تريدن تولين

للخط..

مهرة: وانتتته شعليك منو انته اصلآ حتى توصلني..

جلال:ضرب الستيرن بقوه وهو يكول..لججج اني خيالج مهره

خيالج الي راح يروضج ويكسر خشمج..

مهرة:بعصبيه ، شنوووو شنو هالحجي لك شمفكر نفسك انته

ولا وواثق من نفسج هم

جلال:ببرود..ايي نشوف اذا مااكسر خشمج وبعدين هذا العطر

غيري بعد مينحط من اليوم لأن قوي

مهرة:بصدمه..شنوووو وليش تدخل بيه اصلآ

جلال: تشترين عطر هادئ او اصلآ بعد متحطين عطر..

وشكوو لابسه اسود

مهره: بصدمه وعصبيه من بروده وتدخله..معليك

جلال:وهو يشعل جكارة ويندار الها

نفث الدخان بوجها..وهو يكول ،

لا عليه ونص وبعدين ماجاوبتي على سؤالي ليش الاسود

مهرة:ترى كايله سابقآ انو صديقتي توفت..كلتها بحده..

جلال:وهاي وصلنه وقبل لاننزل الاسود بعد مينلبس ولا

تسألين ليش وعطر مينحط وهسه نزلي..عندي شغل

اتأخرت عليه

مهرة:نزلت بغضب وأني اكول ، مجابرتك تجيني حضرتك

ممان عليه انته..

سديت باب السيارة قوي..

راح وأني اشوف بس الغبار وراه

طبيت سلمت وبدلت وتغديت ونمت..

♤°♤°♤°♤°♤°♤°♤°♤°♤°♤°♤°

جبل..

اليوم كله عيني على الساعه...احاول اشغل نفسي بأي اشي

احاول اقنع نفسي مو علمودها..

سويت قضايا اسبوع بس اريد يمشي الوكت

..

اشتاكيتلها..احس روحي فاكدتها

شوية وضربت عالمكتب وعطت حيل

..

اي شنو شوكت تجي السبعه مو متت...

من الأنتظار ...تالي عمري انتصارها

وأني الي الكل ينتضرني..هاي حالتي

ليكول مراهق..مواعد حبيبته

كما من المكتب..ضليت اروح واجب بالغرفه

الجكارة ممفاركتني...

باوعت الساعه ب 6 ونص...

بعد مااتحمل ...مخلصه ممخلصه مشكلتنا

بعد ما عندي صبر...

بسرعه اخذت المحفظه والسويج وباكيت الجكاير..

ونزلت...

رحت طاير بالسياره..

وصلت الباب المستشفى الساعه 7 الا ربع

نزلت من السيارة.. وعيني على باب المستشفى

شوكت تطلع منها...

دكيت عليها...مره مرتين..الثالثه اجاني

صوتها الناعم..الوو

جبل:خرب بأهلج على هالنبرة..موعت قلبي

كتلها واعصابي كوه لازمها...

انتي ياهو الي يخابرج اجاوبي بهل مساعه

ايلول:كالت بأستغراب..جبل

جبل:كلتلها وصبري نفذ .. ااي زفت جبل

شنو انتي اي رقم غريب تجاوبي عادي

ايلول:كالت بهدوء...

شبيك معصب...لا ما اجاوب اي رقم

بس شفتك لحيت بالأتصال...كلت اكيد اشي مهم

جبل:كلتلها وأني اسحب نفس من الجكاره بقهر...

ولج هذا صوتج يسبي عشاير..لتتموعين لأحد

وعلي اسوي سوايه محد مسويها..

ايلول:بأتستغراب...شبيك جبل شنو متموعه..والله

دااحجي طبعي وبعدين اني هلكانه ويني وين الدلع

حالتي صايره دمار هسه طلعت من أخر عمليه...

بعدين انته شبيك مخابرني معصب..

جبل: بأمر ، تعالي انزلي جوه انتضرج بعدين نتفاهم..

هاا..وتنزلين وانتي لابسه الصدريه اياج احد يشوفج بالتنوره

ايلول:وشويه وتبجي، جبل شبيك شنو انزلك بالصدريه

شيكولون عليه...وبعدين بعدني ممخلصه

لازم اتفقد جروح المريض خاف يلتهب...لأن منطقته العمليه

خطره...

جبل:خلصت الجكاره ودستها بحذائي وكلتلها بنبرة تهديد...

لأنعل ابو المريض لأبو المستشفى...ثواني والكاج كدامي

بسرعه..وبالصدريه ودخل المح التنوره لأهجم المستشفى

على راسج اليوم...

سديته قبل ما اسمع ردها..

اني انتظرها الخاتونه اليوم كله وابو ابوي مسموط...

وهيه ابرد من الثلج...

ورثت جكارة بلكت تبرد نار كلبي...

هسه انه شورطت روحي...مو جنت مرتاح لا هم ولا شلعان

كلب...

شبيك حنيت متكلي شبيك شبيك... طول عمري محد هزني

ولا حركك شجاك هسه فهيت عليها...وأني اضرب على كلبي

...

ثواني وشفتها نازلة بالصدرية البيضة...ولابسه على كتفها

جنطة لابتوب...وبالأيد الثانية جنطة ايد..ومبينه ضايجه من

وجهها.. لأن جبرتها عالنزلة بالصدرية

عادي اهم اشي اجتلي..وأني اراضيها بطريقتي..

وصلت يمي..

كالت من ورة خشمها...

هسه ارتاحيت..من اتفشلت وأني نازلة مبهذلة

جبل:اخذت الابتوب من اديها..

لزمت ايدها..

ااشتعلووو...ودور تكلي مبهذلة..

ولج وعلي كمر...

اتمنى اضمج عن عيون الكل..

مااريد احد يشوفج مثل متشوفج عيني..

ايلول: يربي هسه جنت ناويه اتعارك وياه...وكلامه كلبني

180 درجة..

صحت بصدمه ، منين تجيب هذا الكلام اليدوخ..

◇•◇•◇•◇•◇•◇•◇•◇•◇•◇•◇•◇•◇•

ولهنا وينتهي البارت عسولاتي ♥️
1220 كلمه
الف كلمه ، اسفه عسولاتي بس والله
مريضه وماانطاني كلبي اعوفكم وحتى مابيه اكتب كوه تجي ببالي الافكار اكتب وامسح وماالي خلك الروحي..♥️ بس كتبت العيونكم الحلوه....🖤
شكرآ على التعليقات الحلوه اتمنى ارد عليكم وحده وحده بس ماالي خلك انشاءالله اجاوب عليكم..
لاتنسون التصويت جدآ مهم بالنسبة الي..💜
بعض المشاهد مقتبسة من روايات اخرى اتأكدواا تمام..🧡
شنو رأيكم بكل واحد بيهم..💛
وبس والله..💕
احبكم..💚

الكاتبة:مريم محمد