رواية: مابين الضابط والجميلة(الجزء الثاني)
الكاتبة:مريم محمد
Part 7
يا أجمَل من هويّت..يا شخصِي الغير.😌
•°•°•°•°•°•°•°•°•°•°•°•°•°•°•°•°•°•°•°•°•°•°
بعد مرور شهرين
طبعآ جوك كان شهرين ملتحق وهسه راح يرجع
ايلول:بييييبي بيييببي وأخيرآ حفيدج راح يرجع
الجده(ام دلياز):ولججج وطرش منو كلج طرشة ومااسمع
شبيج تصيحين وبعدين هلا هلا بزينه الشباب هلا بالغالي
والحنين والزين
ايلول:اييي حقج هذا الغالي موو 😒 ليش متهلين هيج بيه
الجده:ولج شو ناوشيني النعال اضربج بيه ولج شو تقارنين
نفسج بيه
ايلول:اي حقج هذا حبيب الكلب وأني واحد محد
يحبني(طبعآ
اشاقه😹)
الجده: ولج والله احبج امشي ولي راح ترفعيلي ضغط
بس هذا الحنين ابو كلي الطيب رايح للموت وردلنا سالم
إلا انتي شمسويه
ايلول:ايباااه بيبي يعني شتريدين شأسوي عادي اذا تريدين
ادخل كلية عسكريه وعود اقاتل واعوف الطب😹
الجدة: امشي ولللي لجج رفعتيلي ضغطي
ايلول:اوووي بيبي فدوة لربج ، رحت بستها
الجده:حياله
ايلول:هههه😹
شمس:وللج ايلوول امشي سوي زلاطة وحظري غرفة اخوج
على جيه ولاتنسين تحطين الطرشي بالكاسات مو بمواعين
وتفشلينا مثل ذيج المرة ترى خوالج وعمج وعمتج على جيه
هم راح يجوون
ايلول:حييييل كل هالمحاظرة اووف اوكي
اكولج ماما هذا تلفونج يدك بابا يتصل
شمس:شيلي اني دااسوي بالتمن
ايلول:الو بابا...اهاا..منوو ...اوكي باي.. هلاو
ايلول:اكولج ماما منو هذا فاضل بابا يكول اليوم راح يجي
شمس:ايبااه ولج هذا صديق ابوج الروح بالروح كل الهلا
بيه
ايلول:يكول راح يجي هو ومرته وابنه وبنتو
شمس:كل الهلا ، وهسه يلا امشي سوي الكتلج عليه
ايلول:اوكي ،، طبعآ هاي كل ما يجي جوك هيج تنكلب الأمه
كلها تحبه وتحترمه وتخاف منو ووونفس الاجواء كل مره
طبعآ دااشتغل واندك الباب رحت افتحو وشفت بابا وياه ناس
سلمت ورحت كلت الماما
كلتلي هذا صديق ابوج وعائلته
ايلول:هااا اوكي
(حبايبي فاضل صديق دلياز ذكرته بالبارتات الاولى)
رحت حضرت مي دااضيفهم طبيت انطيهم
فاضل:ولك دلياز هاي الحلوه الاميره ايلول؟
دلياز:اي هيه
فاضل:كبرانه وصايره تخبل شبسرعه شوكت كبرتي ولج
ايلول:هههه والله عمو قبل شويه ماعندي اشي وكلت اكبر
شعندي صغيره😹
الكل:هههههه😹
فاضل:ولج وتقصفين 🔪
ايلول:اي هههه
طبعآ قدمت مي وكعدت يمهم
خلي اعرفكم عليهم
سهام(مرت فاضل)و عمو فاضل وابنه وبنته خلي اعرفكم ع
ابنه
جبل:السلام عليكم اني جبل عمري 32 ضابط من البصره
صديق جوك ، مواصفاتي حنطي على سمار عيوني عسلي
و عندي شوارب طبعآ اللحيه تلوكلي بس مااكدر اسويها
بحكم شغلي اني طويل وضخم وجسمي معضل لأن تدريب
واطباعي عصبي نااار كللش وأني حااد ويحترموني الجبير
قبل الصغير
وأني الشيخ من بعد جدي طبعآ ابويه مثل ماتعرفون هو جان
ببغداد و ضابط ابتعد عن أمور العشيره بس لمن جان يرجع من
الخفاره لبيت جدي شاف بنت عمه الي هيه امي عجبته
تزوجها فصار يتنقل بين بغداد والبصره طريق طويل نقل
نفسه للبصره بالتالي وطلع قبوله وظل هناك بس ضلت اطباعه
بغداديه المهم اجيت للدنيا اني جدي سماني وكبرني على ايده
ورباني تربية دواوين وشافني كد المسؤوليه ويشورني بعض
شغلات فكلي انته بعدي الشيخ صارت معارضه بس محد يكدر
يحجي لأن جدي بعد حجه المهم درست وصرت ضابط طبعآ
اني مو بحاجه لا لفلوس ولا اي اشي لأن حلالنه تارس العراق
بس حبيت اعتمد على نفسي وطلع قبولي بالبصره الحمدلله
اني لحد هسه مامتزوج لأن مالكيت الي تستاهل ولا الي رادت
كلبي لحد هسه اما البنات ذابات روحهن ذب عليه مقابل ليله
وحده مني حتى لو بالحرام بس اني مااقبل اتزوجهن زواج
سيد اكمل رغبتي واطلكهن طبعآ انطيهن حقوقهن من فلوس
من غايب واطلكها لذلك مامحتاج اشي ولا اعتقد بيوم وحده
توكع كلبي
طبعآ جنت ملتحق وخابرني ابوي كلي رايحين البغداد البيت
صديقه دلياز كلي عود تعال ورانه اني كتله ميخالف بس اكمل
واجي
مهره:هلاوو اني مهره بنت فاضل واخت جبل اني عمري 21
ادرس كلية تكنلوجيا إدارة الكترونية معلوماتيه اني اسم على
مسمى اني عيووني سووود ورموشي كثيفه سود حواجبي
هم سود خشمي صغير شفايفي منفوخه صغار عندي شامه يم
شفايفي وشعري اسووود فاحم طويل جوه خصري يعني
ملامحي تشبه ملامح الشيخات والسلطانات فعلآ مهره
جسمي
حلو وأني محجبه طبعآ ابد مااحب الحب واتخبل منه
رجعت للبيت كلتلي امي باجر نروح بغداد يم صديق ابوج
كلتلها اوكي غسلت وبدلت ونمت كعدت الصبح ب 6 بدلت
واتريكت ورحت للكلية اخذت اجازة ورجعت حضرت ملابسي
و غراضي من رجعت لكيت ماما وبابا كاعدين تريكو وكملوا
بابا خابر على أخوي جبل وكله ، ويه مكمل اتصال بابا كال يلا
للسيارة اصعدوا قبلي طبعآ ودعت جدو ، وبيبي الله يرحمها
ميته ، وودعنه البيت ورحنا للسياره عبالك رايحين للمريخ😹
طبعآ هو قصر تقريبآ ، لأن جبير وعايشين بية اثنين وابوي
الثالث اما الباقين عازلين
احنه 5 عمام اولآ الجبير صلاح ومرته نهى وعنده ولد اثنين
حامد و احمد ، حامد متزوج
و احمد لا وعندهم بنيه اسمها رحمه تدرس صف سادس أدبي
اما الثاني فهو ابوي ابو جبل عنده بس اني وجبل الشيخ
وعمي الثالث صالح عنده ثلاث بنات ثنين متزوجات ووحده لا
بعدها تدرس اسمها نور
عمي الرابع سليمان عنده ثلاث ولد وبنات اثنين
وعمي الخامس سالم متزوج وعنده بنية و ولد.....
~•~•~•~•~•~•~•~•~•
اجه بابا وتوجهنا البغداد وصلنا طبعآ ماشاءالله بيتهم حلو
بس بيتنا اكبر بهواي طبينا سلمنا حبيتهم صراحه لطيفين
ابوها وامها وايلول ولدهم جانو ماكو ؛ وطبعآ كلش حبيت
ايلول صرنه صداقه اني وياها
ايلول:لحضة مهرة الباب يدك ، اااا ماماااا اجوي عمتي وعمي
شمس:ياهلا بس تأخروا شعجب
شيلان (أخت دلياز للتذكير): ولج والله حاره وهذوله ليوين
يلا اجو افيندار وخبات من الكليه(كليه علوم سياسه ثنينهم)
افيندار:هلاووو عمه شلونج شلون صحتج والله ياعمه شنسوي
محاضرات
خبات:يلاا المهم شفناكم
دلير(اخو دلياز):شلونج ام جوك
شمس:الحمد لله دلير انته شلونك
ساره(مرت دلير):السلام عليكم ام جوك شأخبارج
(طبعآ عمو دلير وخالة ساره ماعدهم اطفال شكد عالجو بس
ماكو)
المهم بعد السلام ناس سلمت على ناس🤦♀️
شوية وبابا سأل عمو فاضل على ابنو جبل
فاضل:والله صراحه مكدر يجي صاير عدهم شغل على الحدود
ومراح يجي
سهام(ام جبل): والله موتني هالولد شكد اكله عوف هالشغلة
مايقبل والله يضل كليبي بخوف لبين مايجي ويروح
شمس:اي والله خطرة هالشغلة حتى جوك من اكله عوفها
مايقبل ويصل يصيح ويكول شنو زعطوط اخاف وابطل
بس والله اني الأخاف عليه
دلياز:ياله غير زلم ويحبون الوطن وبعدين اذا لكل يخاف ما
يبقى هالبلد بخير
فاضل:كلام دلياز صح
بس عيني دلياز ترى اطلبك جيه تجيني دائمآ اني اجي وانته
ما تجي اريدكم تجون كلكم الاسبوعين الجايات
دلياز:انشاءالله
جوكهان: السلام عليكم
طبعآ ناس كامت تسلم على ناس مابيه اكتب🌚
اعذروني اذا اكو سحكات ماراجعت البارت🔪🥺
عسولات لاتنسون التصويت ♡لأنو يشجعني
مااحلل الي ياخذ الرواية من دون حقوقي
الكاتبة:مريم محمد .
🕊🥺🖤♥️