البارت 25
#المشكله_والعنيد
منه محمد
الكل جهز نفسه واستعد للرحله في منتهي الحماس..
كرم: ها كل حاجه جاهزه..!!
نسمه: ايوه كل حاجه تمام..
كرم بص لفتون وابتهال وهما جايين ليهم وبيضحكو مع بعض وباين انهم فرحانين وفرح من اعماق قلبه لفرحتهم...ودعا ربه في سره ان الرحله تكون فال خير عليهم..
هبه انتبهت لنظرات كرم لهم ورفعت حاجب وكتفت ايديها:مطولين سيد كرم!!
كرم عطاها نظره ومشى وسابها..
سالي بدون نفس: كرم حجزت لكام خدامه؟
كرم: خدامتين والطباخه بس.
سالي ما عجبهاش: كنا اخدنا تلاته..
كرم: مش هنحتاجهم حتى السكن في فندق..فا في ايه هتحتجلهم؟
سالي: انا حره..اخد اللي انا عايزاه انشا الله حتي عشره انت خسران ايه؟..لا يكون من فلوسك كمان!
كرم بدء يغضب: الصبر جميل ..انا مش عارف انا ليه واقف اصلن وبكلمك "وركب عربيته وفتح الشباك"..البنات يركبو معاي والباقي معاك يابابا.
سالي اللي بعصبيه ركبت العربيه مع سَيار والخدم في العربيه الجيب ورى..
نسمه: نفسي اشوف كرم وامي من غير ما يتخانقو..
ابتهال: بصراحه الاتنين حاجه غريبه.
فتون : الغلطان كرم.مهما كان ما يردش عليها كدا.
ابتهال همست لها: كرم غلطان في عينك الغلط علي سالي النسر
وفي الطريق..
جانيت: مستر كرم..لما بنروح هوناك بدك تاخدنا على الساحه المشهوره..منظرها بيطئر العئل وفيها اماكن كتيره وراح تنبسطوا يا بنات..
هبه تكلم نفسها:بتعمل نفسها فاهمه..
نسمه: شكلك يا جانيت زرتيها كذا مره...
جانيت: لا تئولي..زرتها كتير..والعرب فيها كتار..من فلسطين ولبنان..
كرم حب يسكتها: جانيت ريحي نفسك..معانا مرشد سياحي!!!!!
فتون حاولت تكتم ضحكتها على حركة كرم بس ما قدرتش وفقعتها بتلعلع: ههههههههههههههه هههههههه
ابتهال والبنات ضحكوا من ضحكة فتون..حتى هبه وهي قدام ابتسمت..
جانيت انقهرت شوي..بس الوضع عادي عندها .
كرم ابتسم وخفى ابتسامته تحت لا يشوفها حد..بجد من زمان ما شاف فتون بتضحك.
........................
في المطار..
وصلت عايلة سَيار ولقو مياده وبناتها..ومحمد اخو سالي ومراته وبنته..
وخلصوا اجرائاتهم وانتظروا الرحله..
الكل قاعد بصالة الانتظار..
كرم جاب له قهوه وئعد معاهم..وبالصدفه مكانه في وش فتون وعلى شماله ريماس...وكان بيشرب شوي ويسرق نظره لفتون ..مش دايما تجيله فرصه يبصلها وهما هادين ونفسيتهم تمام..والوضع رايق..
ريماس لفت له وابتسامتها على وشها: كرم!
كرم بدون ما يلف عليها: نعم..
ريماس قربت جنبه اكتر :تعرف..لما اتخرج من الجامعه هتوظف عندكم..
كرم حاول يبعد عنها بدون ما تنتبه: انتي اتخرجي الاول من الثانوي وادخلي الجامعه واجتهدي..بعدها نوظفك
ريماس: بس عارف انا طموحي عالي..مش ارضى بأي حاجه زي بعض الناس..
كرم ماردش عليها...
فتون جت عينها على ريماس وشافت حركاتها مع كرم ..استحقرت ريماس جدا..ازي ترضى على نفسها تعمل الحركات السخيفه دي..
ريماس انتبهت لعيون فتون ..وقامت تتدلع زياده نفسها تقهرها...مسكت طرف كم تيشرت كرم وظبطته..
كرم فاهم كل حاجه بتحصل حواليه ..وهمس لريماس من غير حتي ما يحرك شفايفه : شيلي ايدك..مالوش داعي ارفع صوتي..
ريماس بلعت ريقها: ماعملتش حاجه !!
كرم وقف وظبط التشيرت ولف مشي ..
ريماس انقهرت لما شافت فتون بتضحك... وفتون شافت واحد لابس طقيه غريبه
فتون ضحكت: هههههههههههه ده عامل ايه في نفسه..
نسمه: ده معتقد انه شيك بعيد عنك ههههههههههههه
ابتهال: ده شيك!! ده كائن فضائي وحاطط شجره على راسه هههههههه
ريماس جات وقعدت جنب هبه: قهرني اخوك..
هبه: شفت حركته من بعيد هههههه واضح انه بعد عنك خالص..
ريماس زقتها بكوعها: اتلمي..قلت بقهر فتون شوي بس هو الي قهرني..
هبه: اصلا فتون ولا كرم في دماغها...بس شكل اخوي والله اعلم هو اللي ميت عليها..
ريماس انفعلت: نعم!!!!..احم "وخفضت صوتها"..نعم قلتي ايه؟؟؟...كرم ميت عليها وهي لا..مسكينه في حلمها تاخده..
هبه : شفتي ..انا ما قهرني الا الفتون دي المغروره شايفه نفسها ع ايه بنت الفقر...نست كانت ايه..رافعه مناخيرها على اخويا..بس ماشي والله لا انسيه فتون واهلها كمان..
ريماس بتموت: هبه !!! انتي متأكده انه بيحبها؟؟؟؟؟؟؟؟
هبه: هو ان شا ءالله لا...واتمنى اكون فاهمه غلط..بس اشك انه بيحبها ومش أي حب..بس تعرفي كرم غامض مش بيوضح اي حاجه
........ قصص منه محمد
سالي : لسه اتأخروا...
مياده: دي مطاراتنا ساعه عشان ينادو عليك...
احلام: يا مسهل في ايدينا ايه غير الانتظار
دقايق وصوتوا لرحلتهم..
سَيار: واخيرا..
سيف: بجد اتأخرو جدا.
محمد :المهم صوتوا للرحله..
................................
بالطياره..
ابتهال: نسمه ممكن سؤال...
نسمه: اكيد اتفضلي..
ابتهال بتبص لميسره: ليه هاديه بنت خالك؟
نسمه بصت لميسره:والله هي كدا..هاديه ناعمه بزايده..يعني بالعربي دلوعة امها وابوها..
ابتهال: اها...بس غريبه..
نسمه: سيبك منها...ابتهال ...لو تصاحبي واحده بويه عادي؟؟؟!
ابتهال : بعيد الشر عاليا منهم... ولو يدبحوني..انا ما عنديش الحركات دي..
نسمه انصدمت من ردة فعلها: ليه!!
ابتهال: اولا حرام..ثانيا مالهاش فايده..يعني وبعدين بعد كل ده انا ايه الي بستفيده بعد ما اموت نفسي ع واحده شاذه ولا هستفاد
نسمه: شئ يملي عليك كونك ودنيتك..وتحبيها وتحبك...
ابتهال سكتت شوي وسألت بجديه: نسمه انتي تعرفي بويه؟؟
......
فتون: انتي ميسره...دايما اسمع عنك بس ما التقيتش بيك..
ميسره بنعومه وصوتها ناعم وهادي: ايوه..لما جيت المزرعه ما شفتكيش وحصل الي حصل ..ولا اتعرفنا على بعض..
فتون ابتسمت لها وعلى طريقة كلامها: ايوه..معليش الجايات اكتر..انتي بأي سنه؟؟
ميسره وهي تشاور على هبه وريماس: انا معاهم بتالته ..بس انا اكبر منهم بسنه رسبت سنه..
فتون: اها..ربنا يوفقك واضح انك وحيدة امك وابوك..
ميسره: ده اتعس حظ....اتمنيت يكون ليا اخوات سواء بنات او صبيان .مافيش في البيت الا انا لحالي..واهلي عيونهم علي...شي يزهق شوي..
فتون: هههههه يعني مفهوش ولا ايجابيه؟؟
ميسره: معتقدش..غير اني مدلله بزياده كمان بس في عيني شئ غير ايجابي بالعكس شئ يملل..
فتون: الصراحه مشكله امال ايه يملى عليك حياتك..
ميسره برقه: انا زي ضل مامي..فين ما تروح وفين ما تيجي معاها...وبكون مبسوطه..البنات ماليش احتكاك بيهم كتير...احب دايما اكون مع مامي...
فتون: والجواز؟؟ايه رايك فيه حاليا بحسه ممكن يغير حياتك.
ميسره: انا مش بفكر فيه..بس عمتي حطاني في بالها وانا كارهه كدا..بس اتوقع دادي لو اتقدم لي واحد من عيال اخته مش بيرفضهم..
فتون عقدت حواجبها: تقصدي كرم ولا اخوه!!
ميسره نزلت راسها: لا ...كرم...
...........
كرم قاعد لوحده وفاتح جهازه يشتغل عليه...
الرجاله مع بعض..بس الكل ساكت..
الحريم وضعهم عادي ما بين صمت وكلام و استعراض مين اكتر اناقه وفخامه وعز من التانيه..
هبه حاطه السماعات في ودنها وعايشه الجو..
ريماس نغزتها: هبه..
هبه بعدت واحده عن ودنها: ايه
ريماس: انتي بعد الي قلتيه عن كرم وانا ما هدا بالي..
هبه: هنعمل ايه!
ريماس : فكري معاي...
هبه نزلت السماعه التانيه وسكتت شوي...وفجأه: لقتيها..
ريماس: ايه؟؟
هبه: الخطه الي حتخلينا نعرف كرم لو بيحبها ولالأ ..واذا كان بيحبها نخليه يكرهها للابد...
............................
ابتهال مصدومه: نسمه انتي بتكلمي بجد ؟؟
نسمه منزله راسها: ايوه..
ابتهال: مستحيل اصدق...طيب ليه؟...يعني ما كنتي عايشه من غيرها..
نسمه: كنت عايشه من غيرها..بس عمري ما حسيت بطعم الحياة..
ابتهال: بس مش ده طعم الحياة اللي انتي محتاجاه..ده قرف الحياة..انتي عندك فراغ كبير..وحسيتي ان امير ده ملاه عليك..ولا لو فكرتي فيها شوي..هو قاعد يدمرك بالبطيئ..انتي ازاي ما فكرتيش بربك وازاي هتقابليه بأخرتك!!!!
نسمه بكت: انا مش عارفه اعمل ايه...بس حبيته والله حبيته ومتأكده من كدا..
ابتهال: عارفه بتحبيه..بس هو ما حبكيش..هو استغلك بس ولا لو كان بيحبك كان خاف عليك اكتر من نفسك..ومش تقولي خدرك او خلاك تسكري!!!
نسمه سكتت ودموعها نزلت..
ابتهال: نسمه ..ارجعي لعقلك..واسألي نفسك سؤال وجاوبي نفسك بصراحه عليه..اللي انتي قاعده تعمليه شئ طبيعي!!
نسمه بتردد: لا..
ابتهال: اه طبعا شئ مش طبيعي هو قمه الغلط...ليه رميتي نفسك فيه!
نسمه: طيب اعمل ايه؟
ابتهال: انا اقولك تعملي ايه ..وتطبقي اول ما نرجع اوك..
نسمه: اوك..
...................................
فتون: وايه راي كرم بالموضوع؟؟؟
ميسره: ما علقش...دايما يقول مش وقته اوانه مش بيفكر في الجواز وعلاقته مع عمتي دايما متوتره..
فتون بفضول: وما تعرفيش ليه رافض يتجوز ؟
ميسره:لا..حتى اهله ما يعرفوش..هو شوي غامض ومزاجه صعب..
فتون: واخوه!!
ميسره: لا اخوه عكسه حاجه تانيه...يمكن يعجبك لو اخلاقه اتعدلت شوي..لان اخلاقه دايما زيرو..
فتون سكتت وبتحاول تفهم غموض كرم الغريب..واخوه الاغرب منه..
"بجد عايله عجب..مشعارفه ازاي اتجمعت"
...................................
في المستشفى..
: حبيبي..اهلي جايين الليله..وهروح استقبلهم بالمطار..
سامي وكلامه بيطلع بصعوبه من التعب: خالي بالك من نفسك .
ريهام: اطمن..محتاج حاجه تانيه قبل ما اطلع..
سامي: لا سلامتك..بس اديني مذكرتي اللي فالدرج..
ريهام: من عيوني..."وراحت للدرج وطلعت المذكره ومدتهالو"..حاجه تاني!!
سامي:لا سلامتك..
طلعت ريهام وصت النيرس تنتبه له اكتر...
رفع دفتره..وبصله شوي..سند ظهره على السرير...وبدء يدون كلماته..
... ريهام... اسميك حياتي...مش لانها كلمه تنقال ودارجه بين الناس..ولا لانها كلمت غزل وأقولها لك زي كل مره..او حتى كلمه عاديه تنقال لاي حبيبين...انا في كل مره بكتب لك حياتي..لانك انتي فعلا حياتي الي ضاعت وعايزك انتي تعيشيها..حياتي اللي راحت هدر ما بين الم..وجرح..ومرض..ونهايه حزينه..انا هروح من بين ايديك..و كأني عصفور جريح...صغير الحجم وضعيف الحيله..ومجروح من الزمن..ساعات اتمنى القدر يغير مصيري..واكون سامي تاني..واتقابل بيك من اول وجديد..واحبك اكتر من دلوقت..واعيش حياتي..وانا بملك حياتك ومحافظ عليها..انا سلبتلك حياتك معاي..تعاني معاي كل يوم...لكن بوهبك حياتي وعيشي فيها..ومحتاجك تمليها بكل شي حلو..وسعيد ومفرح..لانها غاليه علي وانتي عارفه كدا..ههديك كام كلمه بتقريها وانا بين أعداد الاموات..
بس حققي لي الكلمات وحققي الاماني اللي فيها واذا ما قدرتيش معذوره..اللي بيني وبينك مسافه طويله..مسافة بين الارض والسماء..
نفسي اشوفك وألمس ايديك
وأحكيلك عن قلب مليان غلاوه ليك
ونفسي تنادي ياحبيبي والبيك
ونفسي أجيلك وأنت في منامك
واقولك.. ياحبيبي أنا اللي عاوزك
أنا اللي فضل جنتك وعشق نارك
ياحبيبي والله نفسي اكلمك
وقولك أني بموت بترابك
ونفسي ياحبيبي أوصيك
على قلبي اللي متابع أخبارك
ونفسي قبل ما اموت ياحياتي وخليك
متمتع بدنياك مع اهلك وأحبابك
على دفنتي محتاج اني أوصيكي
ونفسي أنها تكون عند بابك
واقولك تمشي على تراب قبري برجليكي
وقوم أنا وابوس ترابك
وقفل مذكراته واتنهد..ودمعته بعينه حايره...
............................................
على اعصابها واقفه تنتظر..خايفه من ردة فعلهم .ازاي هيكون الاستقبال وازاي بيقابلوها...ممكن يبادلوها الاحضان ولا بيردوها..ماتت من الشوق ليهم..امها لحد اللحظه ما كلمتها ولا مره..حتى هبه يمكن ردت عليها وبعدها طنشت اتصالاتها..
مافيش الا نسمه وكرم وابوها هما اللي تقريبا متواصلين معاها..
الوشوش اللي جايه اغلبها اجنبيه....وعيونها على الناس بترقب..لحد ما اخيرا لمحت ملامح وش كرم وابوها واخواتها وراهم واتسعت ابتسامتها..ومن الفرحه نفسها تطير عليهم.
بس كل اللي قدرت عليه..
رفعت ايدها وشاورت لهم : كرم بابا انا هنا..
كرم شافها وابتسم..وابوها نفس الشيء ...
نسمه بس من لمحتها ..راحت تجري عليها ..
ريهام وقفه مستنياهم يعدو بسرعه؟؟ويوصالولها.
واول واحد كان ابوها...
رمت نفسها عليه وباست كتفه: حمد لله على سلامتكم..والله وحشتوني اوي.
سَيار بادرها الحنان والشوق..عنده ريهام غير بناته وجودها بالبيت يضيف جو حلو ووجودها كفيل يريح قلبه..
: الله يسلمك..وانا يا قلب ابوك اشتقت لك..
ريهام بعدت عنه وباست راسه وبصتلو: ربنا ما يحرمني منك.."وبعدت عن حضنه وحضنت كرم"..كرم والله واحشني..
كرم ارتبك: اهلا."وحط ايد واحده على ظهرها " وانتي كمان وحشتينا..
نسمه: ريوم..يالا عايزه اسلم عليك والله البيت من غيرك ما يسوى..
ريهام بعدت عن حضن كرم وهي بتمسح دموعها: نسوم تعالي يا قلبي والله والله ميته من الشوق ليكم..
نسمه ضمتها بقوه: ريوم والله احنا اللي اشتقنا لك..واياك تعمليها مره تانيه..وتسافري لوحدك...
نسمه بعدت عنها تدي مجال لغيرها..
ريهام سلمت على ريماس والهام ..وجه دور هبه ضمتها بقوه..
: وانا ايه موحشتكيش!!
هبه فقدت ريهام جدا بس ما حبتش تبين لها: وجودك وعدمك واحد عندي..
ريهام بعدت عنها وبصتلها: عارفه مش من قلبك..
هبه وهي تسحب شنطتها : ايوه ما شاء الله عليك ساحره..
ريهام وقفت قدام امها وجها لوجه..
سالي مهما كانت تبقى ام..مهما قست وقلبها حجر الا انها في النهايه ام..بصت لريهام بشوق ..بس من الكبر ما قدرتش تحضنها..
ريهام : اسلم عليك !!"وبعد السؤال مخلتش مجال لجوابها ورمت نفسها بحضن امها..لو كانت قاسيه عليها..لو ما شافت منها الحنان هتفضل للنهايه امها وتحبها وجنتها "..ماما سامحيني ما كنتش عاوزه اعصيك..
سالي رفعت ايديها نفسها تحضنها بس ما قدرتش: اخترتي ابن الفقر علي..خاليه ينفعك .."وبعدتها عنها وقلبها مكسور عليها لانها شافت ريهام مكسوره وصحتها ونور وشها مختفي..اكيد انها كانت اتعس عروسه مع الحافي المقشف في نظرها..
سلمت على عمتها وخالها ومراته وميسره..
وطلعو للفندق..اللي حاجزه كرم..
طبعا كل عايله بسويت بس اكيد على قد المستوى..
ريهام بتبص في وشوش اهلها نفسها تشبع عينها وابتسامتها ما فارقتها: واخباركم..الا فين بنات عمي مش شفتهم..
نسمه: ما سلمتيش عليهم بالمطار!!!!!!
ريهام: لا ...ما شفتهمش...
نسمه: يا الله لهينا بالسلامات ولا عرفناكم على بعض..
هبه بقرف: مش تتحمسي قوي عليهم لو تشوفيهم حاجه تجيب المرض...
ريهام: وياتري عسولات ولا؟؟
نسمه: والله عسل وطيبين ويتحبو وبجد يجننو ..وبجد بتحبيهم..
هبه بغرور: سيبك من بنات الفقر ولا تحبي تئعدي معاهم دقيقه...
ريهام مابتاخدش براي هبه باي شخص...اذا كانت هي نفسها في عينها شخص سفيهه امال ازاي بالناس...
دخلت عليهم سالي: امال فين جوزك المحروس..ليه مش معاك بالمطار ولا مقدرش يتنازل ويستقبلنا..
ريهام: الا اكيد كان نفسه يجي بس ما قدرش...
ااعدت سالي وحطت رجل على رجل: وانتي ليه بقي حالك كدا؟؟
نسمه: الا متغيره ونحفانه؟؟
هبه: يمكن هو بياخد الفلوس اللي بيبعتها ليها دادي وياكل هو وسايبها جعانه ..
سالي: طبعا هيطلع منه ايه غير كدا ..داخل على طمع..
ريهام بحزن: سامي مالوش علاقه باللي انا فيه..انا كنت محتاجه اخس..
هبه: والله كمان بدافع عنه..
دخل كرم.: عجبكم الفندق...
هبه: واو ..كرم بصراحه حلو ..
كرم: المرشد السياحي قال ده من افخم الفنادق في برلين..
نسمه: مرشدك عنده ذوق..
كرم: عطيته كام جنيه زياده ويظبط وضعكم..امال فين بنات عمي..
ريهام وقفت: كرم والله انا ما شفتهم ولا سلمت عليهم..بجد احراج..
كرم: ما سلمتيش عليهم بالمطار..؟
ريهام: لا.. لهيت معاكم ولا انتبهت لهم..
نسمه وقفت جنبها: والله احراج..هما بأي روم.
كرم: تعالي معاي..
وطلعوا وراحوا للسويت عندهم..
نسمه اتصلت على فتون تفتح لهم..
وفتحته فتون..شافت كرم ونسمه ومعاهم..واحده..
بترحاب: اهلا بيكم اتفضلوا..
ريهام قربت : اهلا بيك "وسلمت عليها"..انا ريهام..
فتون ابتسمت: اهلا بيك..انا فتون.. واخيرا شفتك يا ريهام.
ريهام: والله انا اللي اخيرا...اخبارك..
فتون ارتاحت لاريهام واضح عليها الطيبه: انا تمام انتي اخبارك..؟
ريهام: تمام الحمد لله.
نسمه: فين ابتهال..
فتون: جوه..
وأأعدت ريهام وفتون..وبدئت رحلة التعارف المبدئيه وكرم كان ساند نفسه على الجدار ويراقب حركات فتون بدون ما تحس...
طلعت عليهم نسمه وهي تسحب ابتهال..
ابتهال: عاوزه ايه انتي؟؟
نسمه: تعالي معاي..
ابتهال: مش عايزه غصب..قوليلي فيه ايه.."وشافت كرم.. كرم شوف اختك نسمه.."وانتبهت ان في شخص جديد وقفت عدل"..احم عندنا ضيوف..
نسمه ضربتها على ظهرها: كسرتي ضهري يا هبله...اي ضيوف دي اختي ريهام..
ابتهال بدهشه: دي ريهام..يا اهلا وسهلا..."وراحت تسلم عليها" انا ابتهال..
ريهام ضحكت عليها: ههههه اهلا بيك..واخيرا شفت بنات عمي ..كرم ونسمه دايما يحكو لي عنكم..
فتون بصت لكرم..الي طلع سيجاره ودخنها ولا كأنه سامع حاجه..
نسمه: شفتي ازاي يا ابتهال..دايما بمدح فيك عند ريهام.
ابتهال بكسوف: الله يسلمكم والله..
نسمه: ههههههههه اول مره ابتهال تتكسف..
ريهام لفت على كرم: كرم ائعد معانا...
كرم بسرعه. لالا...صح افتكرت عندي شغل .عن اذنكم..."وطلع"
جات جانيت..
: وانتي اكيد مدام ريئام..!
ريهام : ايوه انا "بهمس" مين دي؟
نسمه بصوت عالي: اعرفك يا ريهام دي المربيه جانيت..تبع تامر وتمارا..
جانيت مدت ايدها: اهلين تشرفنا..
ريهام: الشرف لي..فين الاطفال..
الا بدخلتهم..
تمارا: فتون ..شوفي تامر عاوز ياخد السرير الكبير...
تامر: لا لا ..هي نصابه...عاوزه تاخده وانا اقولها سرير فتون
وضحكوا عليهم..
ريهام قامت لهم: واوه..الله حلوين..."وباستهم وقرصت خدودهم" اسم الله عليهم يجننو..
تامر: مش تبوسيني..انا راجل..
تمارا عملت الكبيره: سيبك منه...اصلا ما يعرفش حاجه ..انا بنت عادي...
ريهام لفت على فتون.: ربنا يخليهم لكم..بسم الله عليهم قمرين والله..
ابتهال شالت تامر: دي طنط ريهام عرفتها؟؟
تامر: لا ..مس اعرفها.
ابتهال تعرفه عليها.."ونزلته"..ها تمارا مين دي..؟
تمارا: دي ابله ريهام انا اعرفها من زمان...انت ما تعرفهاش يا تامر ...
ابتهال: هههههههه واضح ما شاء الله عليك تعرفي تقولي صواريخ وانتي قد كدا..
والكل ضحك عليهم وعلى حركاتهم..
.........................................
في بيت خديجه..
خديجه: امال فين ابتهال يا بنتي؟؟
شهد: ماما ابتهال في برلين
خديجه: بتقولي فين ؟
شهد: ههههههههههه مسافره يا امي..مش فالقاهره
خديجه رفعت ايديها: يارب توصلها بالسلامه وترجعها لنا سالمه..
عبد الله وصل : مين الي ترجع بالسلامه..
شهد سكتت..
خديجه: ابتهال صديقة شهد..
عبد الله قعد جنب شهد: ليه راحت فين؟؟؟
شهد: راحت المانيا..
عبد الله: انتي قلتي لها حاجه؟
شهد:لا ما قلتش..
عبد الله : ليييييييه؟؟
شهد: البنت مسافره خليها ترجع واقول لها...
خديجه:فيه ايه يا عبد الله..
عبد الله: سلامتك يا ماما..انا طالع..
خديجه: لسه جاي...حتروح فين؟؟؟..
عبد الله: هاخد حاجه من فوق وراجع اخرج.."ومشي"
خديجه: ماله اخوك ؟؟؟
شهد: معرفش ماله ..شكل ابنك مخه خرف
خديجه شهقت: اسم الله عليه ..ربنا يخليه لينا..ويحفظه من كل شر يارب.
........
بالسجن..
علاء: جيت اقولك ان اهلك سافروا لبرلين..
سامح فرح عشانهم: ربنا يسعدهم فين ما كانوا..اخواتي ما شافوا يوم عدل خليهم يفرحو لهم كام يوم..
علاء وواضح انه مضايق: امين..
سامح: علاء مالك؟!
علاء: لا مافيش ...بس هما اكيد مع كرم بأمان ما تقلقش عليهم..
سامح: انا واثق بكرم بس انت مفكش حاجه؟
علاء ابتسم: لا الحمد لله انا زي الفل...انتبه لنفسك خلاص هانت على الخروج..
سامح: اه يا علاء متحمس...نفسي اشوف الدنيا والشمس والسما واتنفس هوا نقي ونظيف..واشوف الحياة برى..
علاء: هانت ياصاحبي..
سامح: ربنا يعدي الايام الجايه بسرعه..
علاء: يارب...
..................................
بعد ساعه..
كرم دخل على ريهام وهي بين البنات تاخد اخر اخبارهم..
كرم: ريهام..تعالي عايزك.
ريهام بصت ع البنات بقلق ووضح عليها لان كرم مرسوم على وشه الجديه: حاضر..
طلع كرم بالممر وريهام راحت لو...
: خيريا كرم ؟
كرم: مالك كدا خايفه..
ريهام: لا ما خفتش بس وشك ما يطمنش..
كرم: عاوز اشوف سامي..
ريهام سكتت شوي..سامي اتغير كتير عن اخر مره شافه فيها وحبت تمهد له الوضع..
واتكلمت: ايوه مفيش مشكله دلوقت نروحلو...بس شوف سامي حالته صعبه..وربنا يعطيه اجر كل وجع شافه من المرض واتألم منه..
كرم اتنهد: امين..خلينا نروح له احسن طالما الكل قاعد في الفندق ومريح.
ريهام: اوك يالا..
........
فالمستشفى..
وبغرفة سامي بالتحديد..
دخل كرم عليه..الغرفه بيضه مافيهاش اي حاجه تدل على الحياة..الجدارن بارده..وجوها مقيت ويخلي شعر الجسم يوقف..بص لريهام اخته اللي قضت الايام كلها هنا..وفهم سبب حالتها اللي تقطع القلب..اتقدم كام خطوه لحد ما وصل لسرير سامي...شعره مغطى بس السواد اللي كان موجود اختفى..حواجبه مختفيه..والرموش قليله..مع ان سامي كانت كثافة رموشه أكتر ما كان يميزه..ووشه نحيف ومايل للون الاصفر بجد حالته لا تسر لا عدو ولا حبيب..وحتى الي ميعرفوش..قلبه ينفطر عليه...لسه صغير ولا عاش حياته..
كرم حاول يجمع قوته...في موقفه مفروض يكون اقوى..وما يحسس ريهام ان جوزها اللي اتحدت الكل عشانه على مشارف الموت..
نزل راسه وعقد حواجبه بحزن: احم ..وازاي حالته دلوقتي؟؟
ريهام اللي كانت بعيده شوي مش حابه تشوف ردة فعل كرم لانها اكيد بتكسر قلبها اكتر..
اتنهدت من قلبها: ربنا يريحه من اللي هو فيه..فين ما كانت راحته..سواء بشفاء ولا...ولا...احم...انا مش عايزه سامي يتعذب اكتر نفسي يرتاح..
كرم قلبه وجعه جدا: طيب دلوقتي هو نايم!
ريهام: واخد مهدي..وبيخليه ينام اغلب الوقت..عشان ما يحس بالم.
كرم طلع نظارته الشمسيه ولبسها: ربنا يشفيه ويعظم اجره..انا خارج طالعه معاي ولا هتفضلي..
ريهام: انابئعد شوي؟؟واذا كانوا اهلى هيطلعو يتفسحو اتصل بيا على الاقل اطلع معاهم اول يوم..
كرم: براحتك..يالا سلام.."وطلع بخطوات سريعه"
مشى بين الممرات واللي شافته عينه مش شوي...ودعي لسامي كتير ان ربنا يعظم اجره
خلع نظارته اللي كان مخفي بها عيونه عن ريهام لا تشوفها..
حالة سامي دمعت عينه ولأول مره بحياته في غير الطفوله..اللي ما كانش يحب حد يشوفه بيبكي...وعاهد نفسه من اليوم اللي قرر فيه ما يخلي شي في الحياة يبكيه ولا ينزل دمعته من عيونه..لا من سالي ولا غيرها..
اشترى له ميه وقعد شوي على الكراسي اللي في صالة الاستقبال بالمستشفى ..محتاج ياخد شوية نفس وراحه..
لفت عينه من بين الوشوش الاجنبيه وش عربي..ومر عليه..
قرب منه لانه استغرب وجوده..
: انت ....انت مش دكتور خالد!!
لف عليه بصدمه والدهشه ماليه ملامحه.
: مين انت؟؟
كرم وهو يحاول يفتكر: انت مش كنت بتشتغل بنفس مستشفى اختي ريهام؟
خالد ارتبك لما عرفه: ها....الا ..انا..
كرم رفع حاجب: وايه الي جابك هنا؟
خالد: انا نقلت كل اوراقي هنا..
كرم: وقبولك الالمان؟؟
خالد: ايوه...صح مش بنفس مركزي هناك..بس خبرتي لا تستهين بيها..
كرم: وانت مشرف على حالة سامي...
خالد: لا ..مش مسؤول عنه..
كرم: يبقي اكيد متعاون مع اختي ريهام.
خالد بتردد: لا...دكتوره ريهام ما تعرفش اني هنا..
كرم استغرب تصرفه ..ليه ريهام متعرفش مع انهم كانوا مع بعض في قسم واحد وقال: وليه ما تعرفش انك هنا...مش مفروض تقولها ..اذا احتاجتلك في يوم...وهي في غربه ولوحدها..ولا انت ما عندكش نخوه؟
خالد: يا سيد كرم..انا جاوبتك على كل اسألتك مع اني مش مجبور اجاوب عليها...وانا حر في قراراتي اذا كنت عاوز ريهام تعرف ولا ما تعرفش..
كرم لبس نظارته: اصلا اختي مش محتجالك..وسوري اخدنا من وقتك الثمين..يا..يا دكتور خالد" وسابله المكان"
خالد فسخ نظارته الطبيه وحطها بجيبه: وده ايه بس الي جابه هنا؟ ..وازاي عرفني؟
كرم اول ما طلع برى المستشفى طلع سيجارته ودخنها..الجو بألمانيا شي خطير...مايل للبروده..مع ان في النهار مافيش شمس والشمس فيها مابتظهر كتير وحرارتها ما يوصل منها اي دافا..بس الجو ما كانش بالبروده المتوقعه..اخف شوي..
رجع للفندق...
فتون وابتهال اول ما مشت ريهام طلعوا لغرفتهم يرتاحو ..وبعدها البقيه اتفرقوا.
نسمه كتبت مسج لامير انها وصلت ولا كلمته..لحد الان لسه ما اخدتش قرار مع نفسها كلام ابتهال من جهه وقلبها مع امير من جهه تانيه..
اما هبه.. اللي عطت اياد خبر قبل ما تسافر وقفلت موبايلها وعذرها انها برا القاهره..ومش عايزه تكلم حد..
وصل كرم للفندق وهو كمان دخل لسريره ينام...لان عندهم جوله على برلين بالليل..
................................
وفعلا هجم الليل الا والكل مستعد..كل البنات طلعو بلبس عريان شويه..الا فتون وابتهال بلبس طويل.
اما الرجاله فا كان لبسهم سبور..
كرم: خلصوا ...مش هنستني كتير.."وقفل الخط في وش نسمه"
نسمه: الله قفقل السكه في وشي بسبكم..اخلصو بقي
ريماس واقفه على راس هبه: هبه حوبي انتي حلوه من غير اي حاجه...وانت عارفه اهلك مش بيحبو الميك الاب الاوفر..
هبه: مش حاطه اوفر ولا حاجه..وبلاش تضيقوني..وكرم ده بقي بجد نار..
الهام: ههههههه يعني شي جديد..
فتون وابتهال مستنينهم بالممر..
فتون: مطولين؟
ابتهال نفخت: معرفش..
طلعت لهم نسمه: سووري اتأخرنا..بس هبه لازم تتشيك كأنها رايحه فرح..
فتون: خلونا ننزل وهما يحصلونا...
الهام: انا هأجي معاكم..
وطلعت ريماس وطنشت الكل ومشت قبلهم..وبعدها هبه طلعت وقفلت الباب وراها..
وشافت فتون وابتهال واستحقرتهم ولحقت ريمو بغرور..
ميسره طلعت من غرفتها: سوري اتاخرت عليكم..
واتجمعوا كلهم ونزلو مع بعض..الفندق اللي هما فيه اغلب سكانه عرب فا ما حسوش انهم في مكان غريب عليهم..
ولقو كرم مولع والرجاله والحريم مروقين وبيضحكو ..
وطلعوا كلهم برى الفندق ..واخدوها مشي..
المرشد: انا معاكم ناجي من مصر..ارحب بيكم في برلين وائول لكم انكم حتنبسطوا فيها اخر انبساط.
ابتهال: هههههههههه عاوز يتكلم مصري غصب.
نسمه: ههههههههه خليه ياخد فرصته..
وبدء معاهم من اهم الاماكن الحلوه في برلين..وهي ساحة بوتسدام كانت كبيره ورائعه بمعنى الكلمه وكان يتكلم عن كل شي فيها وعن المباني الي حواليها والمعارض والمتاحف اللي بيزوروها وكمان المسارح اللي موجوده فيها..
وكانت بجد مدينه فوق الوصف والكل مبهور بيها.
سالي: والله كويس اننا اخترنا المانيا..
مياده: خلاص الصيف نقضيه هنا..
احلام: ان شاء الله...اسبوع ميكفيش..
جالهم ناجي: لا يا هانم..لو احتاجتو تروحوا لميونيخ او فرانكفورت..
البنات ماتوا ضحك عليه كل شوي ينط في الكلام..
جانيت: هيدي أي شي عند اللي راح تشوفوه..
واخدهم ناجي على الضواحي العربيه..
ناجي: دي ضاحية نويكولن ..كولها عرب..
سَيار: بجد كلها عرب...
سيف: اكيد بيكسبو سياحه عربيه
محمد: معاك حق..
كرم وكأنه المشرف عليهم..لانه مع الكل ووحيد بنفس الوقت بيسمع تعليقاتهم بس من غير ما يعلق..واتصل بريهام كذا مره بس موبيلها مغلق..وبعت لها مسج بانهم هيكونوا بالضاحيه دي لحد ما يرجعو لانها حلوه جدا..
فتون بأعجاب: والله شي خيال ..احنا كنا عايشين فين؟؟
ابتهال اتنهدت: والله كنت اتمنى امي وسامح بكل لحظه..ما نقصني الا هما..
فتون اتنهدت..بجد لو كانت مع امها و اخوها كانت حتطلع السفريه احلى مهما فرحت فيها هتفضل برضه ناقصه..
قعدو على تلات تربيزات قريبه من بعض شوي..وطلبوا لهم الاكل ..وكانت برى مش جوه المطعم..والجو كل شوي ترتفع درجة برودته..
نسمه وهي تقفل الجاكيت كويس: بجد برد...بدئت ارجف..
هبه: ياريتك كترتي لبس تحت .
ريماس: الحمد لله عملت حسابي..
الهام: معليش المره الجايه..
فتون فسخت الجاكيت وعطته ل ابتهال: قلت لك البسي ما رضيتيش..
ابتهال: معرفش انه كدا ..
ميسره: هههههههه والله شكلنا ما هنشوف خير..احنا متعودين على شمس القاهره..
ناجي نط في الكلام من بعيد: يا قمورات انتو عارفين ان احنا بالصيف والجو حاليا معتدل يعني مش بارد..
جانيت اللي كان الوضع عندها تقريبا عادي: لا درجه الحراره ما كتير منخفضه..
تامر وتمارا كانوا لابسين تقيل...
ابتهال: طيب طالما معتدل ليه بنترعش .
نسمه: ههههههه عشان احنا ما شاء الله ما نحبش الا شمسنا الي تحمصي..
فتون شفايفها ازرقت لان التيشرت اللي تحت كان خفيف: انا هموت من البرد..
ابتهال لفت لها: لا فتونه..بقي وشك احمر...وشفايفك زرقه خدي الجاكت بتاعي..
الا كرم وراها: لا خليه عليك يا ابتهال...انا لابس كويس فتون خدي ده
ابتهال ابتسمت واتمسكت بالجاكيت بتاع فتون وقالت:خلاص خدي جاكت كرم انا هموت من البرد..
نسمه وهبه وريماس والهام وميسره عيونهم كلهم على كرم...اللي واضح انه قلقان عليها ..لدرجه انه سمع كلامهم..
فتون انحرجت: لا...لا خلاص انا دفيت..
كرم اللي حطه على كفتها غصب: خديه لا تمرضي علينا احنا هنا عشان ننبسط مش نقعد بالمستشفيات.."ومشي"
ريماس لفت على هبه بقهر وهي متغاظه من حركته..
فتون ماتت غيظ لحد امتي هيفضل يتحكم فيها ويجبرها على كل صغيره وكبيره..
نسمه سكتت وحست الوضع عادي وهي ميسره والهام.
هبه اتأكدت شكوكها..وقررت هتوقف المهزله دي بأي طريقه كل شي ولا ياخد اخوها بنت الفقر..
فتون وقفت...وراحت لكرم عند الرجاله نزلت الجاكيت من على كتفها وحطته قصاد منه على التربيزه: خلهولك.. مش محتاجه له.
كرم رفع عينه عليها وهو رافع جاحب: فتون...مالوش داعي العند..خلصيني منه..
فتون تحاول تخفض صوتها : انا مش بعاند انت اللي بتعاند..
كرم وقف وبقي قريب منها لانها كانت قريبه...ومسك ايدها وسحبها معاه: عاوزك شوي..
تحت انظار الجميع من حريم ورجاله وبنات..وكل واحد وافكاره فين بقي ما توديه..
كرم بعد عن الكل بس مش مسافه كبيره: فتون انا عاوز افهم سبب واحد لعنادك..
فتون لفت وشها مش بتحب تبص جوه عيونه تخاف منها: الحكايه مش حكايه عند..الحكايه انك عاوز كل شي يحصل بالغصب يا اخي ده مش حل..
كرم شد ايدها: اذا انتي مش شايفه مصلحة نفسك انا اشوفهالك..
فتون بحده: ومين طلب منك تشوفها.؟
كرم: محدش طلب مني ومش لازم استني طلب انا اعمل اللي يمليه علي ضميري وبس!!..
فتون: طيب انا حره..اقبل بده ولا ما تقبله انت حر ...
كرم بدء يتعصب : اظن الحكايه كلها جاكيت..قولي مش عيزه منك حاجه وانتهينا..
فتون اللي وصلت معاها لحد الغيظ من تصرفاته: اه مش عايزه منك اي حاجه..قلتها قبل كدا وبقولها لك دلوقت..مش عايزه منك ولا اي حاجه بالغصب يعني،، انت سألتني وقلت لا..يعني لازم ارضى!!
كرم حاول يمسك اعصابه لا تنتهي الحكايه زي كل مره: الجاكيت خليه معاك..لان الجو بارد النهارده...وبكره اعملي اللي يريحك.."وعطاها الجاكيت"
فتون بصتله شوي..متردده تاخده ولا مش تاخده وتصر على رايها..
كرم خايف ترده ومش حابب يزل نفسه اكتر من كدا..وخايف عليها الجو بارد جدا.
فتون مدت ايدها بسرعه واخدته ومشت..وهي مستغربه من نفسها ليه خدته يمكن لانها شافت في عيون كرم انكسار وما حبتش كدا
كرم ارتاح وقدر يتنفس على الاقل ما كسفتهوش!!!.
أأعدت جنب ابتهال..والعيون تترقب منها كلمه..بس كانت ساكته..والكل كمل كلامه كانو بيعملو ايه قبل ما تيجي..
ريماس: مصيبه..مصيبه البنت شوفي ازاي جات والجاكيت معاها..انا حاسه ان كرم فضل يترجاها تاخده.
هبه مش مصدقه: لالا مستحيل اخوي يترجاها..هو اقنعها ايوه اكيد اقنعها..
ريماس: هو عنده اسلوب اقناع...احنا نعرفه يا هبه.
هبه سكتت..
ابتهال همست لها: كان من البدايه قبل ما تعملي حفله..
فتون: اشفقت عليه
ابتهال باحتقار: انتي تشفقي؟؟..ولا كرم حد يقوله لا ؟؟؟حتى انتي ما قدرتيش..
فتون: لا بجد صعب عليا ما حبيتش اكسر بخاطره..
ابتهال: صدقتك قالك ايه ؟
فتون: اتخانقنا..ولا قالي ولا قلتلو ..
نسمه: فتونه..بصراحه انتي كدا ما شاء الله عليك ما تخافيش من كرمله اخويا
الهام: ههههههههه اول مره اشوف واحده ضد اخوها...
نسمه: انا مش ضد اخوي...بس اخوي طبعه حاد..بابا وماما مالهمش كلمه بعد كلمته..
ميسره : بصراحه فتونه..انتي عملتي انجاز عظيم..
هبه بغرور: ما تفرحيش يا قلبي...لو هي مش بنت فقيره وغلبانه ووجعه قلبه وقال ضعيفه ويتيمه ومالهاش حد ولا كان اهتم اصلا
ريماس: كرم بيخاف من ربنا ..ويخاف يقصر فيهم اصلهم ياحرام غلابه مساكين..
فتون اللي حاطه الجاكيت بحضنها ولسه ما لبسته حطته على التربيزه: والله انتي وهي الي مساكين...اخوكم ده له كلمه عليكم انتم بس اما انا فاملوش كلمه عليا.وان كان على ده اللي حرق قلوبكم "وشاورت على الجاكيت"..اشبعوا بيه..
وراحت لتربيزه الحريم جنب عمتها وابتهال حصلتها...
نسمه بتهديد: والله يا هبه انتي وريماس اذا ما عقلتوا لا اقول لكرم عنكم..
هبه: بقولك ايه مدفعيش عنهم..دول يا روحي مالهمش امان..شوفي اخوك من ساعه ما شرفو حصله ايه..
نسمه: واذا أتغير!! مش للاحسن؟
ريماس: عليهم يا قلبي ولا علينا احنا
نسمه بغضب: ريماس..انتي مالكيش دعوه وكل كلامي وعتبي على دي..
هبه: مين دي..انا هبه اختك..حتى انتي قلبتي علي عشانهم..
نسمه: اوف والله تزهقو..اما أروح معاهم..
هبه: لالا..البنات عملين لاخواتي سحر.
الهام: اتخلو شويه عن حركاتكم البايخه وميحصلكم حاجه...."وراحت معاهم"
وميسره لحقتها بما ان ريماس مش بتحب تشوفها..
ريماس: بنات الفقر الدجالين..لعبوا بعقولهم كلهم..
هبه: طنشي سيبك منهم..
.....................................
مياده: فيكم ايه جيتوا واحده ورى التانيه..
الهام: قلنا نئعد معاكم شوي..
سالي بقرف: معرفش ليه مش قاعدين ع تربيزه لوحدكم..
نسمه: مامي...مش عاوزاني اقعد يعني اقوم؟..
سالي: لا انتي اقعدي...بس في ناس مضايقاني..
فتون خلاص قفلت معاها..لا هنا ولا هناك..فين طيب تروح بالاول بالقصر تروح الملحق ..طيب المره دي تروح فين..
وقفت تترعش ايديها من البرد والعصبيه: انا بتمشى شوي..
ابتهال: اجي معاك..
نسمه فهمت ليه قاموا: لا ابتهال معلش ائعدي..
ابتهال شافت فتون مشت كام خطوه عن التربيزه :لا رايحه مع اختي..
نسمه غمزت لها: خليها شوي لوحدها,,بس انتي ائعدي ومتخليش حد يقهركم انتوا اقهروهم حتي لو كانت امي لاني عارفه انها غلط..
ابتهال سكتت وقلبها مع اختها..
فتون ضاقت عليها الدنيا..سافرت ودلوقتي هي في اقصى مكان والهم معاها ومش راضي يسبها..مستحيل تمر عليها لحظة فرح كامله..الا لازم يطلع شئ بنغص عليها حياتها..يمكن سالي معاها حق هما حمل وهي مش مجبوره تتحملهم..ويمكن هبه معاها حق في انها بنت غلبانه ودخلت على حياة مش ليها...ويمكن كرم معاه حق في انه بيعمل الي بيعمله معاها وما تعرفش مصلحة نفسها الا بطريقته..يمكن الناس كلها صح وهي غلط..ويمكن هي صح والدنيا ضدها..تاهت مبقتش عارفه هي عايزه ايه ولا هما عاوزين منها ايه!!!
...............: ليه انتي لوحدك؟؟؟
فتون لفت عليه وعيونها مليانه دموع : عمي!!
سَيار: ايوه عمك "وحط ايده على كتفها "..ليه قاعده لوحدك؟
فتون : عمي انا خلاص...والله مبقتش قادره استحمل ..عايزه ابوي يرجع لنا بسرعه ونعيش لحالنا..الوضع ده مبقاش فيا حيل اتحمله..
سَيار يحاول يهديها من كتر الدموع في عيونها الي توجع القلب: فتون..هدي نفسك..انا عارف ان في بيتي الحياة صعبه شوي..وكل واحد منهم يتقل بطريقته..وفيه ناس قاصده وناس لا..
فتون: يا عمي انا مش عايزه حاجه..غير انك تطلعني من عندهم اليوم قبل بكره..
سَيار احتار معاها: طيب يا فتون على الاقل اصبري لحد ما اوصل لاخوي فتحي..انا مش بلغت البوليس خفت يسجنوه..وعاوز القيه بطريقتي..واجيبهولك..ولا تظني اني ناسي ده...انا اكتر منك على اني اشوف اخوي النهارده قبل بكره..بس هو كأن الارض انشقت وبلعته...
فتون : طيب انا عايزه اطلع من القصر..حطني في أي مكان يناسبك انا ماحاسه نفسي في المكان ده نفسي اعيش حياتي..
...............................
:قبل شوي كان عندك كرم..
سامي ابتسم: خساره اني ما شفتهوش..
ريهام حطت ايدها على صدره: لا خساره ولا حاجه..الجايات اكتر..
سامي: بأذن الله..ليه ما رحتيش مع اهلك..اكيد نفسهم يئعدو معاك..
ريهام بنفسها" أهلي بأشبع منهم ...أما انت...!!"
وانا عندي القمر مالي ومال النجوم..
سامي: ههههه دلوقتي اهلك النجوم!!..امال فين اللي كل يوم بتبكي مشتاقه لاهلها..
ريهام: انت اهلي وناسي..وبعدين سلمت عليهم وشفتهم وأأعدت معاهم..وان شاء الله بكره اطلع معاهم..لجوله
سامي: انشاء الله.."ورفع عينه على التربيزه اللي جنبه"..الورد حلو. ..كل يوم يتغير انتي اللي بتشتريه؟؟
ريهام بصت للورد ..كل يوم ترمي القديم وتحط الجديد..ولسه صاحبه مجهول..
: اه...لا ..لالا مش انا اللي اشتريته..
سامي رجع يبص تاني لريهام: بس انتي احلى ورده..
ريهام ارتاحت انه غير الموضوع على طول وراح بالها بعيد..بجد ليه ما فكرتش في صاحبه!!
........................
وبمكان تاني قريب عنهم..
هبه وقفت: قومي...قومي بسرعه ..
ريماس وقفت معاها: على فين..!!
هبه: امشي معايا..
واتجهوا لتربيزه الرجاله..واللي قاعد عليها كرم وعيونه تراقب من بعيد ابوه وهو يتكلم مع فتون..وهي باين عليها بتناقشه في حاجه!!!!!
قعدت هبه جنبه ومعاها ريماس..
: معرفش ليه عماله الشحروره تدلع..ده جزاء المعروف ان احنا عززناها وكرمناها.
ريماس فهمت قصد هبه: يا هبه يا حياتي مش كل الناس بيبان في عينهم.. فيه ناس لما تاخد حاجتها تجحدك..
هبه: ودي بدل ما تحمد ربنا وتشكره على اللي هي فيه..وتقول دول مهما كان اهلي والمفروض احطهم فوق راسي..
ريماس: ولا حاجه من الي عملها عمي عبت عينها لسه رافعه مناخيرها وعايزه اكتر.
هبه: ده الغرور بعيد عنك..بس جه اللي يكسر لها مناخيرها عشان تعرف قيمة النعمه اللي هي فيها..
كرم وقف بسرعه واتجه لهم..
هبه بحماس: يس.."وضربت كف ريماس"
ريماس: يارب.. يارب اشوف دلوقت احلى كف لاحلى بنت فقر..
هبه: يع دي احلى بنت فقر!!
ريماس: معليش نرفع من متسواها شوي..
سيف: فيه ايه هنا؟؟
ريماس ابتسمتله:دادي..مفيش بس قلنا نغير مكان..
.........................
كرم متجه لهم وهو في قمة الغضب... فتون ليه لحد دلوقت ما وضحش في عينها كل المجهود الي صامد و بيعمله عشانها..ولا اهتم لاي شخص بالكون عشانها..ومستعد يعمل المستحيل ليها..بس ليه ما قدرتش تشوف كل ده..وقف ورى ابوه ووصله كلام فتون..
فتون اتكت ع سنانها: ابنك كرم يا عمي شخص لا يطاق..
سَيار: كرم يا فتون .....
الا صوت كرم يقطع كلام سَيار: بابا بلاش تكمل...صح انا شخص لا يطاق..
فتون انصدمت من وجود كرم ولاعلقت..
كمل كرم وهو يحاول يولع سيجاره بس مش راضيه لان ايده ترجف بس في النهايه ولعها واخد نفس منها..
وببرود مصطنع: يا بابا..انا شخص لا يطاق لاني عارف مصلحتها ..وهي صغيره ولا تعرف من الدنيا اي حاجه..واكيد انها حست ان تدخلي بحياتها شي لا يطاق..مش صح كدا يا فتون ..
فتون ما توقعتش ردت فعله كدا وما قدرت تتكلم..
كرم وقف جنبها: وأولها لو هي تعرف مصلحة نفسها مستحيل كانت قررت تطلع من البيت " كرم خمن ان فتون اكيد قررت كدا وبصلهم بترقب خايف يكون توقعه غلط"
فتون: لا انا عارفه مصلحة نفسي في خروجي من بيتكم..
كرم ابتسم باستهزاء: شفتي انك متعرفيش مصلحتك..انا قلت لك قبل كدا ده بيتك ليه مش راضيه تفهميها..
سَيار اخد الصمت طريقه..عاوز النقاش يدور بينهم ويطلع منها..فكتفي بدور المتفرج للنهايه
فتون: أي بيت اللي بتتكلم عنه..انا مش حاسه بنفسي الا شخص غير مرغوب فيه..ولا لي مكان فيه..البيت مش جدارن يا سيد كرم..البيت المكان اللي ترتاح فيه وتحس انه ملكك وهو ملجأك الوحيد..
كرم رفع حاجب واحد وحط عينه بعينها: واللي يخليك ست البيت بجد ولا حد يقدر يقرر من بعد كلمتك ويقول حرف واحد وعشان تحسي انه ملكك وبيتك وتحت تصرفك ..
فتون بصتلو باستغراب ومنتظره يكمل كلامه..
كرم: تتجوزيني!!!
سَيار انصدم وبحلق في ابنه...ده وقت يتكلم فيه عن الجواز!!
فتون وكأن حد لطشها كف على وشها...صدمتها قوووويه" تتجوز كرم!!" الكلمه صداها يتردد بعقلها ورفعت راسها ببطئ عليه..
: نعم !!...اتجوزك انت ؟؟؟؟
كرم : انا ابن عمك ..ومنك وفيك..ومفيش مخلوق هيخاف علي مصلحتك قدي...
فتون لسه الصدمه مأثره عليها لفت على عمها : عمي...سامع ابنك بيقول ايه ..؟
سَيار: فكري في الموضوع يا بنتي..
بصتلهم الاتنين حست انها غريبه بينهم..وكأنهم وحوش ومستنين الفرصه عشان ينقضو عليها ..كلهم مع بعض ضدها ولوحدها..
هي بس تخيلت انها هتكون تحت سلطة كرم اكتر من كدا لا وبسرعه ردت: مستحيل....مستحيل اخد كرم..
كرم انصدم من ردت فعلها السريعه..
سَيار: فتون انتي فكري كويس ..وادي نفسك فرصه..
فتون مستحيل تستوعب كرم زوج ليها...مستحييييل..
سَيار: يالا يافتون نرجع لهم..اتأخر الوقت وعاوزين نرجع للفندق..
ومسك ايدها واخدها ..مينفعش يسبها مع كرم لوحدها
كرم مصدوم من ردة فعلها " للدرجه بتكره"
فتون ماشيه زي اللعبه بأيد عمها يسحبها فين ما يروح..ئعدها عند عمتها وهي ما زالت ساكته وما نطقت بحرف..
ابتهال لاحظت لون وشها وعيونها ماليانه علامات استغراب..
ابتهال: فتون مالك؟
مياده: فتون ... حصل ايه...؟ عمك قالك حاجه؟
فتون: لا...لا ماقالش ...لأ قالوا..
وسمعوا صوت الرجاله مقررين يرجعو للفندق..
اخدوا كرم لهم تاكسي ورجعوا..
.......
بغرفة فتون..
ابتهال: فتون لما رحتي مع عمي قالك ايه؟
فتون بالها مش معاها..اتلمت عليها الافكار
ابتهال: تعرفي ان سالي ماتت غيره وقهر..لانها شافت الاول عمي راح لك..وبعدها كرم لحقك..وعمتي مياده نازله مدح فيك عند سالي بتقول اخلاق وادب وجمال ودلال..يا ريتها زوجه لكرم..
فتون انتبهت لاخر كلمه: مين اللي قال يا ريتها لكرم
ابتهال: عمتي!!
فتون اتنهدت والتفكير تعب مخها..."انا مستحيل اخد كرم..انا ما بتحمله من غير ما يكون في بينا اي حاجه تربطنا..امال لو هو جوزي ومسؤول عني..شخص مغرور وشايف نفسه..ومفكر الناس عبيد كلمته..ما عندوش احساس ومشاعر..وعاوز ياخدني بس عشان افضل في بيتهم..لو قالي عشانك..انا عايز اتجوزك يافتون لاني معجب بيك او بحبك..بس هو كل همه الفلوس والمصلحه العامه..انا مش مشروع من مشاريعه..ومستعده اتخلا عن كل حاجه لو لقيت المكان الدافي اللي يلمني..ويبعدني عن قسوة الدنيا ويحميني من شرورها وظلمها...مستعده ابيع كل حاجه مقابل احصل على حياة جميله سعيده وما فيها اي مشاكل..لكن مع كرم كل ده مش متوفر عنده ولا يقدر يوفره..كل همه يمسك فلوسي لا تضيع...وعاوز يحطني زوجه عنده بمعنى عبده..وكل اللي بينا مصلحه..مستحيل اطلع من عيشه صعبه..وادخل في اللي اصعب منها..الحياة مع كرم بالنسبه لي لعنه.."
رفعت عينها لقت ابتهال بتبصلها..وعلى طول سئلتها..
ابتهال: مالك؟
فتون: مفيش.."ووقفت"
ابتهال مسكت ايدها وئعدتها: مش هخليك تتحركي من هنا غير لمت تحكي لي فيك ايه...وايه الي حصل معاك!!
فتون ببرود: مافيش الحكايه ان كرم عاوز يتجوزني..
ابتهال انصدمت: لا بجد يافتون؟
فتون ابتسمت ابتسامه حزينه: مستكترته علي!!..اتكلم معاك بجد..
ابتهال وسعت عيونها: ايه!! كرم بيتجوزك...امتى حصل الكلام ده؟
فتون: لما كان عمي معانا..قررت اني اطلع من البيت لاني مش واخده راحتي فيه والكل بأي شكل من الاشكال يضاقني.. جه سيد كرم بيحل المشكله قال اتجوزك وتنحل ..
ابتهال: ورديتي عليه؟
فتون: على طول قلت لا..بس عمي قال فكري..
ابتهال تتأمل: وانتي بتفكري صح..؟
فتون: لا وليه اتعب نفسي بالتفكير..انا لا بحب كرم ولا بتقبل وجوده..وهو بياخدني عشان اقعد وارتاح في البيت..فا انا بئعد بدون ما اضطر اني اتجوزه..
ابتهال: بس كرم يا فتون بيحـ
فتون قاطتعها:بلا...بلا هبل.."ووقفت" انا هنام عن اذنك..
وراحت..
ابتهال تكلم نفسها: كرم بيحبك يا فتون..والله بيحبك...
.......
سَيار: انت ليه استعجلت بالموضوع ده..
كرم: بابا لحد امتي وانا بأأجل..!!
سَيار: على الاقل كنت اخترت المكان والوقت المناسب..
كرم: مافيش انسب من الوقت..وبعدين فكرتها انها تطلع من البيت ما خلتيش فرصه قدامي حتي افكر..
سَيار: وبتوافق مع اسلوبك ده؟؟
كرم: وليه فيه ايه اسلوبي؟
سَيار: كرم..ليه مش راضي تفهم البنات لهم اسلوب خاص..انت مش في معركه ولا تحدي...انت واقف بتكلم جنس ناعم لطيف محتاج حنان ورحمه...ما بالك بفتون اللي فاقده كل ده ..امان..حنان..حب..وشوية احساس...انت في حياتها شي منفر لان اسلوبك بجد صعب..
كرم: بابا اسلوبي مش مشكلتنا دلوقتي..
سَيار: لا مشكلتنا..ويستحيل توافق فتون لحد ما تغير طبعك..هي مش اختك ولا امك سالي..
كرم عقد حواجبه: امي الله يرحمها..
سَيار سكت شوي ورجع يكمل: الله يرحمها..فتون هتبقي مراتك يعني غيرهم محتاج اشرح لك وانت بالسن ده!!
كرم لف على ابوه:اظن اني ما بقيتش كدا الا بسبب مراتك سالي..انا مستحيل الوم نفسي ولا الومك انت..كل اللوم على سالي لانها خلقت انسان جدار زي..دايما اسمع الكلمه دي بكل مكان..تتوقع انت الجدار ممكن يحس ولا يقدر يعبر..ولا يقدر يجذب
.......تكمله البارت25
سَيار: انت ليه استعجلت بالموضوع ده..
كرم: بابا لحد امتي وانا بأأجل..!!
سَيار: على الاقل كنت اخترت المكان والوقت المناسب..
كرم: مافيش انسب من الوقت..وبعدين فكرتها انها تطلع من البيت ما خلتش فرصه قدامي حتي افكر..
سَيار: وبتوافق مع اسلوبك ده؟؟
كرم: وليه فيه ايه اسلوبي؟
سَيار: كرم..ليه مش راضي تفهم البنات لهم اسلوب خاص..انت مش في معركه ولا تحدي...انت واقف بتكلم جنس ناعم لطيف محتاج حنان ورحمه...ما بالك بفتون اللي فاقده كل ده ..امان..حنان..حب..وشوية احساس...انت في حياتها شي منفر لان اسلوبك بجد صعب..
كرم: بابا اسلوبي مش مشكلتنا دلوقتي..
سَيار: لا مشكلتنا..ويستحيل توافق فتون لحد ما تغير طبعك..هي مش اختك ولا امك سالي..
كرم عقد حواجبه: امي الله يرحمها..
سَيار سكت شوي ورجع يكمل: الله يرحمها..فتون هتبقي مراتك يعني غيرهم هل انت محتاج اشرح لك وانت فالسن ده!!
كرم لف على ابوه:اظن اني ما بقيتش كدا الا بسبب مراتك سالي..انا مستحيل الوم نفسي ولا الومك انت..كل اللوم على سالي لانها خلقت انسان جدار زي..دايما اسمع الكلمه دي بكل مكان..تتوقع انت الجدار ممكن يحس ولا يقدر يعبر..ولا يقدر يجذب حد ناحيته..
سَيار: كل شيء نقدر نغيره..بس انت ابدء مع نفسك..
كرم اتوتر :بابا...انا طالع انام...تصبح على خير.."وراح للسويت الخاص بيه"
سَيار لعن اليوم اللي قرر ياخد سالي فيه..لانها دمرت ابنه وكرم غالي عليه...وبعدها دمرت علاقته مع اخوه..وولادها الواحد ورى التاني..ودلوقت هتبدء مع بنات اخوه..
>>>>>>>>>>>>>.......>>>>>>>>>>>>
كرم طلع من غرفة ابوه ووقف يتنفس بضيق...حس بخنقه..والجدارن كاتمه انفاسه.. الود وده يصرخ صرخه..يمكن تصم الاذان منها ويرتاح..
الدنيا قست عليه بما فيه الكفايه...وعماله تعذبه بذنب مالهوش فيه.. ..اتمنى امنيه وحيده ..وعلق كل امال الفرح عليها..وهي موافقة فتون عليه..حتكون بداية نهاية حياته القديمه ويقدر بيها يعيش حياته من اول وجديد معاها يجدد مراحل حياته خطوه بخطوه..
..........
وفي مكان بعيد..في بيت امير
: عمك بيقولك نروح في الاجازه .
: عمى في عينه..مش رايحه اي مكان..
صرخت بوشها: شوق عيب عليك..احترمي نفسك..
شوق بصريخ: مش محترمه نفسي..وعلى البلد مش رايحه..الناس نشوفها تسافر برا وتنبسط..وانتوا كل ما قالو يا اجازه سحبنا للفلاحين لبلد جدتي..
اامها : شوق.. بلاش تعاندي والسلام. عمك يزعل مننا..بعدين هو هيروح يشوف اهله..
شوق: قلتيها اهله..احنا مالنا بأمه..
جات سجي اختها الوحيده والكبيره: خير ليه اصواتكم طالعه!!
شوق: تعالي شوفي عمك المصون عاوزنا نقضي اجازتنا في قرية امه..
سجي بصت لـ امها: بجد يا ماما !!
امهم: ايوه بجد...وكلنا هنروح..وما فيش حد هيفضل هنا
شوق وقفت: انا رايحه اتفاهم معاه..
وفعلا طلعت ولا في شي ممكن توقفها حتى صوت امها وهي بتجري وراها وتترجاها تقف.
................................
دخلت عليه بهم طافح في الفيلا بتاعته ولقته بالصاله..
هو اتفزع من اللي دخل عليه بالطريقه القويه دي: شوق فيك ايه جايه وانتي ماشيه بهمجيه...!
شوق بدون نفس: لا واضح خفة الدم في النكته اللي قلتها من شوي..بس المشكله ماليش خلق اضحك..اسمع احنا مش عاوزين نروح معاك للبلد..
وقف: ليه...؟
شوق: مش عاوزين... هناك طهق وملل وهما اهلك مش اهلنا..
بص لمراته: بس انتي قلتي كل البنات موافقين..
امها بسرعه: اه هما موافقين..بس يمكن شوق غيرت رايها..
رفع حاجبه وبنظره خبيثه: اذا شوق مش عاوزنا نروح ما نروحش..
شوق بحتقار: انفد انت بروحك..انا واختي هنروح لخالتو..
رد ببرود: ليه العصبيه..شوفي بتوصل معاك للوقاحه..
شوق: الوقاحه ما تنقالش الا اهلها..على العموم انا جيت ااديك خبر...سلام"وطلعت"
ام شوق: معليش سامحها مراهقه مش بتفهم...
جوز امها: شوق قله ادبها دي عادي..
ام شوق سكتت بحسرتها على بنتها..
شوق رجعت لسجى..
وئعدت بطريقه سوقيه: حليتها..مش رايحين معاهم..يالا بيت خالتي مستنينا..
سجى: بيت خالتي ولا نروح عند اهله اللي بيكرهو يشوفونا..
شوق قررت تطلع غرفتها: كويس ارتحنا منهم السنه دي
.......منه محمد.....
على الفطار الكل قاعد ومروق..الا شخصين..كرم الي مشلش عيونه من ع فتون ونفسه يعرف ايه الي بيدور في تفكيرها!!!!
وفتون اللي تتصنع اللامبالاة وعايشه دور البرود وهي في قمة حرقة اعصابها نفسها تقول رايها لكرم بأسرع وقت..
ريهام: كرم..معليش امبارح ما قدرت اجي معاكم..
كرم مركز في الفنجان: لا عادي...عوضينا النهارده..
همست له بأبتسامه: سامي بيسلم عليك..
رفع عينه وبصلها ع سيره سامي وشها احمر وخدودها فراوله
كرم: الله يسلمه..
سالي: حتى النهارده جوزك ماجاش ياريهام..امتى ناوي يجي..
ريهان اتلبخت: ماما هو النهارده.....
قاطعها كرم: ما يقدرش يجي..لا النهارده ولا حتي بكره..
الكل على التربيزه سكت..
ريهام بصت لكرم بصدمه..مشعارفه ناوي يقولهم ايه!!!!!
كرم كمل: سامي تعبان فالمستشفى..وحالته خطيره..
سَيار عقد حواجبه: حصله ايه؟؟
كرم: من الاول هو تعبان..وجه هنا عشان يتعالج ..بس شكله ما استجابش للعلاج..
سيف: ليه هو فيه ايه!
كرم: سرطان بالدم..
سالي انصدمت: ريهام وانتي كنتي عارفه؟؟؟
سَيار بصدمه: سرطان !!!
هبه: يعني مش دكتور معاك المستشفى زي ما فهمنا...كان مريض عندك..!!
كرم: ايوه مريض عندها..
سالي بكل عصبيه: وانتي مجنونه تاخدي مريض...ولا مخك ضرب..!!
البقيه كانوا ساكتين ويتابعو الحوار اللي اساسه ريهام وهي الجزء الساكت منه..
سالي كملت عليها: لا فلوس...ولا مكانه..ولا حتي عايله زي الناس ومريض!!
سَيار: كرم انت كنت عارف بده !!
كرم: كنت عارف وكمان عارف ان ده مش بيغير موقف ريهام
ريهام حاولت تكتم وتكتم زي كل مره..وتمشي الامور..بس خلاص وصل الحد لاخره وصرخت: بس...خلاص كفايه ارحموني..انا حره ف حياتي..اختار اللي عايزاه...الكل بيعمل اللي هو عايزه سواء صح او غلط ولا عمري ادخلت فيكم..كل واحد فيكم ممشي حياته على ما هو عاوز وحابب ولا مره ادخلت فيه..ليه حياتي فارضين نفسكم فيها..ليه عاوزني امشي زي ما انتوا عاوزين..ليه اخد اللي يختاره ابوي..ولا اخد اللي ترضه عليه أمي..ولا اللي يعجب كرم..انا بأعيش حياتي زي ما انا حابه سبوني على راحتي كفايه وسبوني ..."وطلعت من المطعم كله"
سالي سَيار كرم سكتوا...اول مره يشوفو ريهام منهاره بالشكل ده...ريهام الي دايما مسالمه وتمشي جنب الحيط دايما يقولوا تتجنب المشاكل قدر الامكان..
مياده: وبعدين معاكم..سيبو البنت تعيش حياتها..سَيار مش انت اللي كنت موافق عليه اتحمل بقي..سالي هي اتجوزته وهي راضيه بيه خلاص مالكمش دعوه بيها..كرم مكنش من حقك تتكلم ابدا عن لسانها هي ليها لسان وتعرف تتكلم..فتون لوحدك روحي شوفيها ولو تاخديها تتمشي معاك شوي يكون احسن..
فتون وقفت: حاضر..
طلعت فتون عشان تلحق ريهام..هي ما تعرفهاش حق المعرفه..ولا عارفه ازاي ممكن تتعامل معاها او ازاي حتقدر تهديها..والي اكتر محيرها ليه عمتها اختارتها هي بالذات تروح لها..مع ان البنات موجودين ..
فتون شافتها واقفه على الرصيف منتظره الاشاره وتقطع الشارع..
وقفت جنبها..
فتون : ريهام..
ريهام ماردتش عليها..بس صوت شهقتها كان عذر كافي بأنها ما تقدرش ترد على حد..
فتون مسكت ايدها: خلينا نروح مكان هادي وبعيد..
فتون مشت معاها وهي ما تعرفش فين توديها بس الا ما تلاقي مكان في طريقهم..
ريهام حست بفتون انها ماشيه ومشعارفه تروح فين: : هنا مكان رايق..
فتون: طيب نروح له..
وقعدو على كراسي قصاد بعض وقريب لبعض لصغر التربيزه..
بدئت فتون بالكلام: لو كل شي بالحياة جه على هوانا ما كنا حسينا بطعم الحاجات الحلوه..يعني زي دي"ورفعت قطعة شوكولا" لو ما كانتش مره ماكنا عرفنا لذة الحلو منها..
ريهام بصت لفتون وهي بتاكل الشوكلاته وتتلذذ فيها..
فتون: انتي مشكلتك مع ذاتك..انا صح ما عرفكيش ولا بحكم عليك..وممكن يكون تخميني صح ويمكن غلط..بس اللي حسيته انك عطيه مجال للكل..بس نسيتي مجال نفسك حتى بأختيارك لجوزك..يمكن قبل ما تحبيه كان شعور العطف والرحمه اقوى..لحد ما اتمكن منك الحب..انا مش بقول اختيارك خاطئ لان الحكايه قدر..سامي قدرك وانتي قدره..بس مهما كان أي قرار في حياتك للمستقبل خليه لنفسك اولا وللاشياء الباقيه ثانيا مهما كانت..
ريهام مازالت ساكته وتسمع لكلام فتون..
فتون بصت لريهام وابتسمت: ونصيحه مني عيشي قدرك زي ماهو واستمتعي بيه لانك مش هتقدري تغيريه..لا يضيع الوقت عليك في ندب حظك ولا في الاماني الغبيه..لاننا لو نتمنى ونلاقي كل شئ عاوزينه...كنت انا اول واحده اتمنيت امي وجات لعندي دلوقتي.."واتنهدت"
ريهام واخيرا اتكلمت: الله يرحمها..
فتون: ما علينا ..حلوه برلين مش كدا!!
ريهام: كرم ما كانش على طبيعته..فيه ايه خلاه اندفع وقال الكلام كله مرة واحده بندفاع؟؟؟
فتون: حتى جوها يجنن..
ريهام: اكيد في سبب مخليه زعلان للدرجه.
فتون: انتي اخدتي جوله فيها؟؟
ريهام سكتت..وبصت لفتون...كل واحده في حكايه
ريهام: فتون...حصل ايه امبارح خله كرم متعصب!!
فتون ببرود: لا..حصل موضوع تافهه سيبك منه..
ريهام: بينك وبينه..!!
فتون وقفت: نرجع !!
ريهام: ليه مش عايزه تتكلمي عنه؟
فتون: لان مافيش شي يخلينا نتكلم عنه..
ريهام: كرم كشخص بعيد عن انه اخوي وهو ابن عمك...يستحق اننا نتكلم عنه..
فتون: وجهة نظر..بس مش بطابق وجهة نظري انا..
ريهام: كرم بيكون ايه بالنسبه لك!!
فتون: بكلمه واحده؟!
ريهام هزت راسها: ايوه..
فتون وهي تلم حاجتها: متطفل و لا اكتر..ومدت
ريهام لسه مااستوعبت كلمة فتون...مستحيل كرم يكون متطفل!!..ولحقتها: ازاي متطفل..
فتون: انتي قلتي كلمه واحده..
ريهام: معلش افتحيه حوار..
فتون وقفت عن المشي ولفت عليها: وانا ملزمه اتحاور معاك عنه!!
ريهام وقفت جنبها: لا مش ملزمه..بس ياريت توضحي لي ..يمكن انتي شايفه حاجه انا ما انتبهت لها..او العكس انتي فاهمه تصرفاته غلط..
فتون كملت مشي: لا انا مش فاهمته غلط..بس كرم اخوك بيحب يدخل نفسه بكل حاجه..ويفرض رايه على الجميع..واذا على الامثله يا كترها..ابسطها واقربها..وظيفتي..سفريتنا هنا..وسبب خناقنا امبارح على جاكيت..
ريهام بعدم فهم:وظيفه ..وسفر..وجاكيت..وكرم؟؟...ايه العلاقه بينهم؟
فتون: قلت لك تطفل..رفض الوظفيه..وفرض علينا المانيا..واجبرني على اني البس جاكيته وانا رافضه..ده طبعا اقل وابسط شي..غير ما شاء الله اسلوبه الجميل واللطيف في الكلام وخصوصا معايا..
ريهام تعرف اخوها صاحب قرار..ولا يحب التردد..حتى لو كان بين نعم ولا..بس مش متطفل لدرجه تدخله بحياة فتون!..
ريهام: واللي مخليه متعصب اليوم الجاكيت بس!!
فتون: لا...
ريهام: امال ايه السبب؟
فتون: وصلنا...أسأليه..
دخلوا الفندق ... ما كانش فيه حد من اهلهم الا كرم..والباقي بغرفهم..
اول ما لمحهم قرب عليهم وتجنب يبص يشوف فتون
وقال لريهام: هديتي!!
ريهام: ايوه...وانت؟!
كرم بص لفتون عاوز يشوف هي حكت لها عن اللي حصل امبارح ولا لأ..بس فتون ما بينت له اي حاجه: انا هادي الحمد لله ومروق كمان..
فتون: اوك عن اذنكم
ريهام: فتون ميرسي..القعده معاك تشرح الواحد "وابتسمت لها"
فتون ردت لها الابتسامه ومشت..
ريهام اول ما اختفت فتون عن عينها على طول سألت كرم..
: ايه الي بينك وبين فتون؟؟
كرم عقد جواجبه: من أي ناحيه.؟!
ريهام: من كل النواحي..
كرم: انا امبارح عرضت الجواز عليها.؟؟
ريهام اتفاجأت شوي ..بس كان شي متوقع منه بما ان اخوها من النوع اللي ما عندهوش مجال للتأخير..
: ها...وبعدين!!
كرم: ولا قبلين..
ريهام: كرم..اتكلم بجد..طيب علقت فتون..!!
كرم: الا اكيد علقت وقالت مستحيل اخدك..
ريهام: وليه ؟؟؟؟؟؟؟
كرم بقهر مخفي : وانا عارف اسأليها..بس عطيتها مجال تفكر..
ريهام سكتت شوي...واضح قرار فتون ولا محتاج تفكر من اساسه..ليه للدرجه متأمل كرم!!
ريهام: انت بتحبها؟؟
كرم السؤال صدمه..الحب عنده مش ضعف..وكمان مش نقطة قوه..
: معرفش ولا فكرت ...
ريهام: اوك..خليها تفكر على راحتها..وبلاش تضغط عليها..وان شاء الله خير..وقفت عشان تمشي
كرم: على فين!!
ريهام: هروح المستشفى شوي..وارجع لكم لان سامي اغلب وقته نايم..
......................
سالي بجنون: ابنك ده في يوم هيدبحني ...عارف ان بنتك بتاخد واحد بيموت ويجوزهاله..مبيفكرش ..مافيش عقل في راسه ..
سَيار: يا بنت الحلال خدته وخلاص..وكرم ماله بنتك عايزاه .
سالي بزعيق: ازاي مالوش..واذا هي عايزاه احنا رضينا على فقره وكل عيوبه بلعتها وقدام الناس اقول انه بيشتغل بشركة جوزي وسَيار واثق فيه وجوزه بنته واحنا بنشتري راجل..يطلع لا موظف ولازفت وبنتي تشفق عليه وتعبان وبيموت؟؟؟ ده كلام !!
سَيار: يا صبر ايوب..انتي وبعدين معاك..يعني لازم نتخانق في كل مره ..عاوزني اروح اطلقها مثلا...!
سالي: ايوه روح طلقها..من عدلته عشان نتمسك بيه..
سَيار وقف: انا غلطتي اني بتكلم معاك "وطلع"
سالي: تعال هنا رايح فين......انا ربنا بلاني بجوز معارف عن الدنيا وابن البريطانيه واقف لي زي الشوكه
..........
في السويت
جانيت: فتون كنتي فين؟؟
فتون بزهق: انتي شفتيني رايحه مع ريهام..
جانيت: بس اتاخرتي كتير..مستر كرم خاف عليكون كتير..
فتون غمضت عيونها وبنفسها"كرم كرم كرم...منين ما اروح اسمع اسمه ...يا الله مش حاله دي.."
وردت: اسم الله عليه من الخوف والقلق..شافنا وارتاح..ارتحتي.
جانيت: فتون...معليش بدي ادخل شوي..بس انتي كتير أسيه (قاسيه) على مستر كرم خفي عليه شوي..
فتون: جانيت..لو سمحتي خليك بشغلك وانا وانتي صحاب وحلوين وياريت ما تدخليش نفسك في الموضوع ده اوكي..
جانيت خافت منها لانها اتكلمت بعصبيه: اوكي..
...............................
نسمه : انا ما تخيلتش سامي يكون مريض..
الهام: ولا انا ..والله رحمته..
ميسره:ربنا يشفيه..
هبه: اصلا كان واضح عليه مش قادر حتي يمشي..
ريماس: حتى بسرعه طلعوه يوم كتب الكتاب..
ابتهال كانت ساكته وبتحاول تفهم الموضوع لانها ماحضرتش كتب كتابهم !!!!
نسمه: بس ريهام اكيد بتموت فيه..
هبه: حبتها القرود..بصراحه انا من زمان وانا بقول ريهام ما عندهاش ذوق...
.........................
مياده: عمري ما توقعت كرم يوافق يجوزه ريهام وهو عارف انه مريض..
سيف: يا مياده هو ادرى بمصلحة اخته..
مياده: أيه مصلحه يا سيف..شفت البنت ووشها بقي عامل ازاي...كانها هي المريضه مش هو..
سيف : ده نصيبها الشكوى لله..
مياده اتنهدت: الله يعينها..
.........................
احلام: بصراحه اختك شوي وتموت..
محمد: ماهيموتها الا كرم
احلام: عاوز الحق مفيش حد بيلمها الا كرم
محمد: وانتي قلتي لسالي عن ميسره..
احلام: دايما اقولها وألمحلها...تقول نفسي ياخدها بس مالناش كلمه عليه ..عاوزه ابنها يرجع من برا وتشوف رايه...
محمد: اهم حاجه عاوزين ميسره تاخد واحد من عيال سَيار...انا كدا أضمن عيشة بنتي..
احلام: اما انا الود ودي ياخدها كرم ولا اللي استغفر الله ..قصدها(عاشق الغربه)
محمد: كل الشباب لما بيتجوزه بيعقلو.
احلام: ربك الهادي..
محمد: المهم عاقل ولا مش عاقل...بنتي تاخد من عيال سَيار وبس
......................
: هي راحت لاهلها..وهتسهر معاهم..اكيد مش راجعه دلوقت..
: متأكد
...: ايوه متأكد.. انا ما جبتكش هنا الا عشان عاوز منك طلب واحد بس..اتمنى توعدني انك تنفذه..
....: اذا ربنا قدرني عليه..وبدون مقدمات اتفتح الباب..
...: يا صباح ومساء ال...."واختفت الكلمه وضاعت من الصدمه"
الالبوم
https://www.facebook.com/groups/376065872516999/permalink/1394963397293903/