#بلاعنوان
البارت الثاني والثمانون
ل وردالعامري
زينه: بس اشوفه
محمد: مااوديج والله كعدي خيتي
زينه: ليش بس اشوفه ماانزل بس اشوفه من بره
محمد: اي بعدين
زينه: شوكت بعدين الفجر طالعين احنه
محمد: اي قبل مانطلع نمر تشوفيه
زينه: عيطت ولطمت وبجيت ام خليل وامي يجرني باايدي
منو حركه هسه متوديني احجي فهمني منو حركه
محمد: محمود وولد عمي احم موكلهم اخوان كوثر بس ثنين منهم لباقين هم مقبلو بس همه وكم واحد من ولد خوالي
زينه: لاعتب عليهم العتب ع اخ الي حرك بيت اخوه
اووووووف يمه
ليش حركوه غير افهم ليش
ام خليل: يختي فدوه والله احتركت كلوبنه صار فرهود ببيتج ويتمالخون وياهم حماج وابوخليل
زينه: شنو فرهود
ام خليل: متكدر تسكت متكدر
زوجه محمد: هيه اول وتالي تعرف فدوه ام ادم بس انتو سالمين
زينه: شنو فرهود فهموني
ام خليل: والله خيتي مااضمها عليج كامو يطبون يحملون ويطلعون
تكولك بيت الريس ونهيبه صار حوسمه تحوسم
هذا ابو وسام شايل لسيوف ولصور ولكتب وينكل بسيارته ماخله شي بديوانيه خيتي حته الطبلات اخذهن
زوجه محمد: همه تقاسمو البيت محمود الديوانيه والثاني الغرفه
ام خليل: وهاي كويثر لاتزعلون مني
حطتلج شليف هدومك وحركته تكول عبالك تنتقم من لهدوم
زينه: لبارحه جان كلامي صح صخام دخان اسود بهدومك خويه
ابوخليل: شكولج خيتي والله ماطفيناه اله بطلاع الروح
ناس اخذت ع ناس لبردات ناس تكب وره ناس ولبيت لهب لهيبه
مانطفي شي اله كاب غيره الدخانه ترست الدنيه
خذيتهم بليل طلعتهم من البيت بيتي ماينشاف من لدخانه
زينه: سيارته سيارته شلون هم حركوها
محمد: هيه الوجه الاوليه بسياره لهل سبب مالحكنه ع بيت سياره وبنازين
زينه: لومال يهودي مايسون هيج بي
والله مسلم ويعرف الله ويخافه
محمد: همه يهود خيتي همه يهود
ابوخليل: والله الجيران تتراكض وتبجي
تكولين بيتهم الي احترك
يتراكضون ويانه قدر الله وماشاء فعل خيتي
زينه: غمضت عيوني شتحمل بعد يعني كل هل فات ع راسي موكافي
انوب جبال هموم تنتضرني مامليتي يدنيه مني
اووف وشستفادو هيج بس يحركون كلوبنه لويطلبونه بورث
غير اعرف
زوجه محمد: سوها لان انتي
زينه: اني شنو
ليش خزرتها محمد احجي خيه بداعه حملج
ليش اني شنو
زوجه محمد: لان انتي موبالبيت كالو احم كالو
زينه: شكالو لاتباوعين لمحمد احجي خيه
زوجه محمد: كالو انهزمت ويه رفيجها وجابت لعار لخونه وحركو البيت
زينه: حسسسبيييي الللله ونعم الوكيل
حسسسبي االللله وننننعم الللووووكيييل
كضه عليه الليل دموعي مافاركتني
محمد راح يجهز السياره ويشوف الركاب
اتفق هوه وابو خليل اطلع للشارع واصعد وياه
لان بالكراج كلها ولد عمه وخواله ماكدر افوت للكراج
وهمه بله شي شاكين بي راد يطلع من لكراج ويأمن يله
حاطه ايدي ع خدي وابجي
ليش كل هذا يهود احنه شسوينه الهم
ام خليل: خيتي
زينه: ها خيتتي
ام خليل: يشهد الله انتي وحده من خواتي
واعزج اكثر منهن وداعت جهالي
زينه: حبيبتي يعز غاليج وانتي عزيزه وغاليه
ام خليل: عندي طلب ولاترديني
زينه: عيوني الج
ام خليل: تاخذين ذني مني
زينه: غطيت وجهي بيدي هيج حالي صارر من بعدك مؤييد احجي بداخلي الي يسوه يزيدني نارر
ذهبها حاطته بجفيه خاولي صغير وحطته باايدي
ام خليل: لخاطري خيتي هاا هم يفيدن للدرب
زينه: ام خليل عندي ولو ماعندي صدكي اكولج
ام خليل :ولو كان لاترديني
زينه: خيتي فلوس عايف مؤيد وعمي دزلي ومحمد اطاني
وداعتج ممحتاجه ولو احتاج وين اروح اكولج
ام خليل: بداعه العشره والخبز ولملح البينه تاخذيهن
زينه: والله تأذوني هيج طب ابوخليل
ابوخليل: من خير ابوادم هذا خيتي
زينه: خير الله خويه اريدكم سالمين والله ممحتاجه
اخذهن من ايد زوجته وحط فلوس عراقي وحطهن فوكاه
ابوخليل: والله العضيم ان مااخذتيهن لتكون طالك مني هل مره ومحمرمه عليه منا ليوم الدين
زينه: لااله الاالله خويه دخيلك
ابوخليل: اه اني كلت اني مامديتي ايدج واخذتيهن وياج لتكون طالك مني ومحرمه علي
زينه: شلتهن خويه شلتهن اكسر حلفانك خويه والله ممحتاجه
ابوخليل: خيتي واطيتها وتعذريني عن التقصير ذني للدرب للجهال ماتعرفين شيصير
خليتهن عراقي واعذريني عن لقصور
زينه: خويه والله عندي
ابوخليل: اعرف وعندج كل الخير ان شاءالله وذني ماينحجي بيهن للدرب مصرف
زينه: زين الذهب اخذيه
ابوخليل: ابد والله تحرم عليه ليوم الدين
وام يوسف هسه تجيب ذهب..
زينه: والله وداعت مؤيد مااخذهن لاكافي والله ممحتاجه ياخويه والله
طبت ام يوسف
والله وداعت جهالي وداعت الغايب ياخويه اكوم احرك روحي مثل البيت حلفت ع ذني اخذتهن بس لهنا وكافي عليك الله
ابوخليل: ماشي خيتي بس هاا اعرف تفكيرج انتي ومؤيد من تعارك ويه ابوه اطيته هل عندي اخذهن مني
وتالي من طلع لكيتهن جوه الفراش الكاعد عليه
تحرم عليه صديقتج ان ماراحن وياج وانشالن بجنطتج
ام خليل: لاتردين اطلكيني دخيلج يمعوده
زينه: مادري ابجي ع حالتي ماعرف افرح اكو ناس صاينه للعشره ومو من اهلنه
جابت امي لشداد مخيطته صاير عليه
حطيت لفلوس بجيوب
ابوخليل العراقي750خليه بجنطه للدرب
ولبست الشداد ع بطني شديته جوه لهدوم
امي بدلت للولد وتحضرنه
ام خليل ومرت محمد كابلني ويبجن واني ابد مامشتهيه احد ينوح حته انوح
دك محمد كال تحضرو طلعو واني أئمن ماكو احد وراي
اوكف الكم انتو طلعو تحضرو
طلعت الولد نايمين شالهم ابو خليل بسياره صعدهم بس ادم كعدمصيبتي ياادم شكعدك
ادم: وين رايحين
زينه: نام ماما اني يمك حبيبي
اطيت عمار ل امي كاعده بصدر وعلي يمي بحضن خليل كاعد ليوره صعدت ادم يمي كعد بحضني وحاط راسه ع جتفي ونام
خويه مررني ع بيت دخيلك
ابوخليل: عوفي يختي خليكم بس انتو سالمين
زينه: عليك الله بس اشوفه
ابوخليل: شينزلج خلينه بدربنه ماشين
زينه: حلفتك توديني وداعت الولد ماانزل بس اشوفه من بره
ابوخليل: ماتنزلين
زينه: لالا بس اشوفه من بره
فات بفرعنه الدنيه هستوها يطلع لضوه
فات من يم البيت اسسسووووود
محترك الشجر رايح منتهي
امي مدت ايدها قفلت لباب وحاطه ايدها ع دكمه حته لاافتحتها
شبت روحي نار هذا بيتي هيج يصير حاله مطلعين سياره مؤيد بالباب شامريها والباب مفتوحه ع حيلها
صرخت اللله وااااكبر
فز ادم عينه ع بيت واخوته ع صوت يتلفتون
ادم :هذا بيتنه هاي سياره بابا محروكه
وين ابويه وخرررري هديني اريد انزل هذا بيتنه
زينه: جلبت بي وهوه يدافع بيه فتحو لباب انززل بيتنه
حرك ابوخليل وهوه يرافس بيدي
واخوته ع صراخه شافو البيت ووياه يبجون وبيتنه اريد ابيتنه اريد ابويه
ادم ماما حبيبي
ادم: ليش تبجين لاتبجين هسه يصير بيتنه حلو نزليني هسه اصيح اصدقائي ونغسله يصير نضيف
زينه: لك يمه حبيبي اسمعني فدوه بيمن احير بيك بااخوتك
حبيبي عوف البيت بعدين نرجعله وانضفه
ادم: لاوين رايحين احنه نزلوني اريد اروح ل ابويه وين ابويه
ام زينه: اسكت بيبي احنه رايحين ل ابوك شبيك
ادم: رايحين ل ابويه وين ابويه
ام زينه: احنه مسافرين اله هوه هناك ينتضرنه
ادم: صدك
ام زينه: يااا اكذب عليك بيبي اني
هوه خابر امك وكلها جيبي لولد وتعالي
ادم: كذابه ابويه ميخلي امي تطلع وحدها
ام زينه: هااا اني كذابه لا شو خابرها وحته كلهاجيبي لولد ولاتخافين ادم وياج سبع يدير باله عليج وع اخونه
زينه: يباوع عليه اهز براسي اي
ام زينه: كلها هوه رجال بمكاني وراح يدير باله عليكم
ادم: ادنه ادنه علي
زينه: وخر من حضني كعد بصفي
علي بجه يريدني
كام وكعد بنص بين اخوته ولازم عمر وعلي ويباوع ع عمار بحضن بيبيته
عيوني موكفت وماعله لساني اله وينك مؤيد
وكفنه ع شارع ويتخابرون ابوخليل ومحمد
يمشي ويوكف اخر شي كال يله صار ورانه
جتي سياره محمد
نزلنه ركض ركض ادم كايد اخوه عمر ويركض كدامنه
وخليل شال الجنط وامي بيدها عمار نتراكض علاوي شايلته يحجي بااذني
هيييي حروح ل ابويه
صعدنه ركض مفرغلنه الوره الركاب كلها خايف وجوهه مصفره ع وكفته بس هوه يحجي وياهم
محمد: اهلي وتأخرو ع كراج ملحكو يركبون مناك
زينه: شافونه نسوان وجهال اطمنو شويه بس كل شويه يندارون علينه
صعد ابوخليل يمه كرسي ليكدام وخليل صعد سياره ابوه ورجع
حرك محمد عيني ع درب عمار بحضني
ماالله يفرحني ويخليني اشوفك بهل درب يامؤيد
كطعت صفنتي صوت ادم
ادم: اكعد عمر ابويه ميقبل هيج تتحرك تكوم وتكعد اكعد علي كام يسوي مثلك
ام زينه: اي بيبي كعدو عيب
ادم :اكعد والله ل اكول ل ابويه عمر وكح بسياره عمي
عمر: لالا كعدت لاتكوله
ام زينه: يعين كلبج يمه يعين كلبج
زينه: ضليت ادهك وابجي العالم تباوع عليه كتمت صوتي وابجي
اذكر سفراتنه
الطريق كله يسولف ويضحك وياي
اجه ابالي اول سفره وياه شلون جنت اقاهره
ومن رجعنه شلون الدرب كله يباوع عليه
ويصيح شوكت نوصل
ضحكه وسوالفه
شحلات الدرب وياك
والله امشي اليوم جني يتيمه
مانزلت دمعه مني من كالو ابوج مات
بس عليك عيوني ماوكفن انت ابويه
وين عفت بنيتك يايابه
عفتني بركبتي اربعه طاري اسمك بعده يمشيهم
اووووف يامؤيد شجنت حاميني من ذياب
برفعه ايدك جانو يخافون
بغيابك ضهرت انيابهم
بعيني منضر لبيت
يابيت الغالي حرك كلبي
انعل ابو البيت الي عاموده غايب
ولدي بحضني الطريق كله مارفلي جفن
اباوع ع شارع بلكن صدك واشوفه
طبينه سوريا قبل لكراج الي مقرر يوكف بي نزلنه
ابوخليل ويانه نزلنه يم مطعم غسلت للولد ووكلتهم
ادم :وين ابويه وصلنه. شومااجه
ام زينه: هسه يجينه بالبيت شبيك
زينه: بليل طبتنه صارت حجزنه فندق ادم عيونه كوه مفتوحه ووين ابويه كوه نام
اني وامي ولولد بغرفه
وابوخليل ومحمد بغرفه
صبح الصبح راح محمد يدور شقه رجع كال لكيت طلعنه شقه هيه مؤثثه جنطه وحده شايله اني
اطاني محمد العقد بااسمه جان
اطمنو هوه وابوخليل علينه كعدونه بشقه
وراحو فاتت ساعه دك لباب محمدجايب مسواك
صفنت بوجهه لوكلت انت اخو مؤيد،صدك ذاك منين
ذب لمسواك وراح وادم امي حارت بي تقشمره هسه يجي
وهوه يبجي خابروه يجي
ثاني يوم مر محمد كال الفجر طالع محتاجين شي
بوس الولد وراح
جان جايب خط سوري دك عله رقمه منه
طبيت للغرفه تمددت وطبت امي
ام زينه: وين التلفون
زينه: هياته اخذته بيدهادفتر ارقام
حطيت راسي ع مخده وهيه ادك
الوووو
مرحبا عيني شلونج مس
اني ام زينه
ياحبيبتي زين عبالي نسيتيني
هههه تسلمين عيوني. مس فدوه اخوج مو دلال بيوت
اي اي هوه احنه نكول دلال اي عيوني اريدلي شقه
لالامو ايجار شره اشتري يعني
اي فدوه لعينج ماعرف غيركم
لالاعيوني بمنطقه عاديه ع كد فلوسنه
ماشي عيوني مس انتضر منج خبر
الله معك الله معك
زينه: صار ساعه تحاجيها عراقي من سديتي اذكرتي الله معك
ام زينه: هههه تفتهم عليه هيه لاتخافين
ناميلج ساعه يمه ولج عيونج راحن
زينه: اينام الباله مرتاح اني شيجيب لنوم لعيوني
ام زينه: تفرج يمه تفرج
زينه: فرجي بجيه مؤيد برجعته ماريد شي بس رجوعه عاد انهد حيلي
ام زينه: لاحول الله اطلع للولد
زينه: غمضت عيوني ماكدر انام روحي موبجسمي احسها
رفعت راسي جريت جنطتي طلعت العطر
افيييششش ياريحتك
حطيت ايدي ع خشمي(انفي)
احس عيوني ثكلت بديت اغفه
وطب ادم
ماااااماا
زينه: تؤ تؤ ها ماما
ادم: صيحي بعمر اني ضايج لحد يحاجيني
زينه: شبي وياك
ادم: هوه هااا لامابي شي لااصيحين عليه اني ضايج عوفي عوفي
زينه: تعال تعال ابوك هم جان يرجف كلبه ع اخوته تعال ماما
ادم: شوكت يجي ابويه ضجت
زينه: يجي يمه ان شاءالله يجي تعال نام يمي
حطيته بصفي ادور ريحه مؤيد وعندي اربعه من ريحته
نام ع ايدي وع نومته غفيت
حسيت عليه يريد يكوم ايوخر ايدي
هاماما كعدت
ادم: اي جوعان
زينه:اطلع لبيبي هسه اني هم اطلع واك
طلعت شفتهم كاعدين ع كارتون وامي ع كعدتها غافيه
ماما كومي نامي
ام زينه: لايمه كاعده كاعده
زينه: كومي نامي اني كعدت يمهم
سويت اكل ل ادم وكعدو اكلو وياه
درته ع اخبار اسمع شصاير
وكمز بحضني عمار
وواحد وره لثاني صارو حواليه
ادم: ماما
زينه: ها
ادم: طلعي صور ابويه انشوفهن
عمر: اااييي عافتهن بالبيت صور ابويه
ادم: لاجابتهن اني شفتهن من بيبي فتحت الجنطه حبابه ماما
زينه: كعدو هسه اجيبه
طلعت الالبوماات وكعدت بينهم
هذا يصيح هذا عيد ميلادي والاخ يصيح هاي من رحنه للمطعم
ابوهم بنصهم وواحد يشوف الثاني
فتحت البوم الصور سفرتنه
عيوني تجري بس بشوفته يضحك بصور
ارسمت ابتسامه ع وجهي
ادم: ماما هاي وين
زينه: انت شجابك يمي تجون حته مااحس بيكم ههه تعال اي جوي واحد وره الثاني
عمر: هنا بابا جان صغير
زينه: اييي
ادم: هاي وين
زينه: هاي بالموصل
ادم :وين اني
عمر/علي :واني وين
زينه: انتو بعدكم مجايين هاي قديمه الصور
عمر: هيهاااايي. شوفي امي ملابسه حجاب
ادم: اي جان ماكو احدبشارع
زينه: شلون عرفت بله
ادم: ابويه ميخليج تطلعين بله حجاب اكيد محد بشارع
زينه: اكلب الصور وبين اسئلتهم ايد عمار تسللت ع خدي مسح دموعي
يروح امكم انتو
بعد هوستهم ولعبهم نامو
طلعت اخذت البوم صورنه
جتني غمامه سوده وره هل فرحه
وزالت بجيتك وهسه اني بضيق تعال ابعد هل غيمه عني
عدن يومين امي تاخذ لولد تشتريلهم
اني بالبيت مالي حيل لشي
وصارت روحي بصور
اكو صوره محمد واكف ويه مؤيد
صدك هذا الول وصل ولاسئلت عليه شكد عيب
دكيت عليه يدك محد يرد
يجوز نايم
لميت الصور ورجعت ع تلفون دكيت ع ابوخليل دك محد يجاوب
ام خليل هم مجاوب شصاير شنو قصتهم
ام زينه: منوالي منو قصتهم
زينه: دكيت ع محمد لاهوه لاابوخليل يردون ام خليل نفس الشي
ام زينه: يجوز عدهم شغل وام خليل شافته رقم غريب يجوز ومردت
زينه: والله مادري بعد
ام زينه: يله تعاي تغدي صبيت
زينه: اي جايه طلعت الولد كاعدين ياكلون عمار كعدته بحضني اوكله بعده صغير سنه ونص عمره جان عمره ست شهور من اختفه مؤيد
وهسه ع اختفاء مؤيد صارت سنه
يله الي كمل اكل يغسل وللفراش نوم
ادم: نعرف نعرف
زينه: شنو هل اسلوب ادم
ادم: اني ضجت
زينه: لااصيح بوجهي ادم
ادم: هوه هاي انتي نامو. ولاتصيحون وعيب بس انتي وبيبي تكذبون علينه موعيب
زينه: هااااا لللك
ام زينه: عيب يمه شلون تصيح ع امك هيج
ادم: انتي بيبي موكلتي اروح ل ابوك وينه ابويه شو مااجه
زينه: لاتصيح
ادم: اي اي رايح انام احسن
زينه: تعااال لك
ام زينه: عوفي طفل
زينه: لاموطفل صارت استهتار تره يكب بوجهي ويعيط ويشومر باايده اطيح حضك ادم والله ان مانعدلت. وانتو كل واحد لفراشه يله
ام زينه: امشو بيبي اني انيمكم
زينه: عمار عاقج حاجبه ويباوع بوجهي شبيك انت الاخ
هم لوعندك السان جان شطوله هسه
هاا صارت بوسه ههه
يلم شفته ويسوي ممم عود بوسه
حطيته بحضني يباوع عليه يجر بشعري لحد ماغفه
طبيت نيمته شفت امي منيمتهم وتغطيهم
طلعت وهيه ورايه
ام زينه: ع كيفج ويه الجهال وبذات ادم
زينه: متشوفي يايمه شيسوي
صاير عنودي ويتمرد ميعجبه شي
صاير حته ميخاف
ام زينه: ع ابوه يمه ع ابوه
زينه: ادري هاي مواخوته وياه
ام زينه: اخوته صغار بس هوه واعي ع ابوه
زينه: اوووف ادري طفل صار سنه مامليت مانسيت
ام زينه: يمه طفل متعلق باابوه
زينه: هوه هم جان ساحلهم وياه هوه واحمد ياللكراج يا ماخذهم لهله يا لسوك
ام زينه: اه انتي تكوليها جان وياه تحملي يمه ميخالف
زينه: والله ياامي متحمله منين مااندار اكو ضغط عليه
شسوي بعد والله تعبت
شهل عمر الي كضه بس بالهم
ام زينه: تفرج باجر يكبرون ويعوضوج خير
زينه: بس خل يكبرون بخير وسلامه ماريد شي
شسويتي ع شقه
ام زينه: والله انتضر خبر موكتلج اخت مس رقيه تريد تبيع شقتها
كالت يومين واخابركم روحو شوفوها
زينه: الله كريم
ذوله يرادلهم هدوم هم
ام زينه: سهله ناخذهم للسوك
زينه: لادخيلج لاتكولين ناخذهم كولي اخذهم اني لااروح ولااجي ماله روحي والله
ام زينه: سهله باجر اخذهم اني
زينه: ادري ذابه حملي عليج وتعبتج
ام زينه: سكتي ولج تعبكم راحه بس انتي رحمي نفسج
اكل عود وجبه وبدفع نوم متنامين وهل بجي ولحركان
رحمي نفسج شويه
زينه: الحمدلله ع كل حال بس الله يرد لغايب
ياااارب
تلفوني ركضت بالمطبخ حاطته
الووو
السلام عليكم
-وعليكم السلام خويه ابوخليل شلونك وشلون ام خليل
-بخير الحمدلله انتو شلونكم
-الحمدلله ضل بالي والله دكيت عليكم الضهر لاانت ولامحمد تردون
- اي والله خيتي هسه طلعت من لفاتحه ودكيت
-هاا ياساتر فاتحه منوو
-والله خيتي شكولج البقاء في حياتكم
-لزمت كلبي
-ابو مؤيد اطاج عمره
-لااااااا
-اي والله سلم امانته ل الله البارحه الفجر
-لاحول ولاقوه الابالله استغفرك ربي واتوب اليك
-كلنه ع هل درب خيتي انا لله وانا اليه راجعون
-اليوم الاول يعني
-لالا من لبارحه نصبو الجادر اليوم الثاني
الرجال كلبه جان عالمه والله انه راح يموت
بس رجعنه رحناله اني ومحمد
سئل عنكم وطمناه انكم وصلتو بخير وكعدناكم واطمنه عنكم يله رجعنه
الاربعاء رجعنه كناله الضهر هوه الفجر الخميس سلمها ل الله
-لاحول ولاقوه الابالله الله يرحمه الله يرحمه
الووو ها يمه ابوخليل البقاء لله
زينه: اخذته امي مني نهاريت
كلبي كرصني من دز محمد يكوله اخاف اشوف مؤيد هناك ويعاتبني
راح وهوه باامل رجعه مؤيد
تاليتي ياعمي اني مثلك اموت واني ع هل امل
محمد مكله ع حرك البيت حته لاينقهر خايف عليه تالي
لاحول الله
ياربي دخيلك ارحم بحالنه
بيومها انهاريت
بين عيوني طبته لبيتي من جان مؤيد زعلان
وشلون يحضنه ويبوسه
جان يصيح خليتني بحسره شوفتك
وتالي راح وهوه بحسره شوفته
بليل دك تلفوني محمد
جاوبته عرف اني اعرف من سمع صوتي ابجي
محمد: وصلج لخبر خيتي
زينه: البقاء لله البقيه بحياتك الله يرحمه
محمد: ضربتين ع راس توجع
اي موثنينهم شحمل اني
زينه: لاحول ولاقوه الابالله الله يرد الغايب
محمد: وووووينه وييينه مات ابويه وعيونه ادور عليه
رببببببيييي تاخذه وتاخذ ابويه ومخلي الانذال ع راسي
زينه: محمد كول يالله
محمد: تعبت والله ياخيتي منا مؤيد وانتو وانوب ابويه
زينه: الله يعينك ويصبرك
محمد: ديري بالج ع ولد خيتي
زينه: بعيوني لاتخاف الله يصبرك
سديته مسكين شلون يبجي
عده اسبوع علينه وراحت امي شافت الشقه
ورحت اني بعدها شقه طابق رابع غرفتين وهول ومطبخ وخدمات
بس سعرها مناسب جان الاكبر والارقه اغله تصير
محمد يتصل يسئل علينه
لعصر كاعدين امي مسويه جاي واندكت الباب
ياساتر منوو
ام. زينه: هسه اوكفي
زينه: شافت من العدسه
ام زينه: ابوخليل
زينه: فتحيها فتحيها
السلام عليكم
وعليكم السلام
زينه: هلاخويه ابوخليل تفضل
ابو خليل: عامر ان شاءالله خيتي حبيت بس اطمن عليكم ان شاءالله ممحتاجين شي
زينه: ابوخليل انت اخويه فوت البيت بيت اختك وامك عيب اتضل واكف بالباب
ابوخليل: بالله ع راسي مااريد ازعجكم
زينه: فوت ياخويه اني عندي شغله اريد اكولكياها
كوه دخل
شكوماكو اخبار ام خليل
ابوخليل: الحمدلله والله كلنه بخير وندعيلكم بالخير
زينه: عساكم دوم بخير
محمد كل ميخابرني اسمع صوته تعبان
ابوخليل: اي والله تعبان هذا محمود لام كم واحد من ولد عمه حواليه
ومسويه شيخ
ومحمد خواله وولد عمه الباقين يردوه هوه شيخ
وناس تجر طول وناس عرض وواكع بيها هل مسكين محمد
ناس تريد تقسم لورث وناس لا
وهاي مشاكل كل يوم ناس هاده ع ناس
زينه: لاحول ولاقوه الابالله
ابوخليل: والله خيتي هوه محمود صارشيخ شضل بعد
زينه: حسبي الله ونعم الوكيل اني
ادري شلون مقتنعين بي
ابوخليل: خيتي كلهم كم واحد ملمومين عليه
بس اهله تعبو ومالهم خلكه وبذات محمد
تعب منا ابوادم ماينعرف عنه شي
وانوب ابوه الله يرحمه
وذوله ع راسه
زينه: الله يعينه
خويه ابوخليل اني اعرف علاقتك بمؤيد اكثر من اخوته
سره يمك وانت اقرب لناس اله
ابوخليل: الله يرده سالم
زينه: اللهم امين
ياخويه انت تعرف الي صار ويايه ومحمد ع كولتك تعب
واهله ميعوفوه اني نويت والله يسهل يعني
نويت اشتري شقه هنا
ابوخليل: اي احسن من الاجارات
زينه: شفت وحده وها ع كدنه بس اريد انت تعرف مكانها ويضل مكانها بيني وبينك
ابوخليل: قصدج متردين محمد يندلكم حته اخاف بيوم ينفر من الضغظ ويدلي عليكم
زينه: بصراحه اي
ابوخليل: محمد تربه ع ايد ابو ادم لتخافين ميسويها
زينه: ونعم منه والله اعرف بس هم ماريد اكون ثكل عليه كدام اهله
ابوخليل: خيتي الي اكدر عليه اكولج شتؤمرين ع هل ركبه
زينه: اريدك سالم والله خويه الله جابك اني ماعرف شغل دلال وروح وتعال
اريدك تكون بمكاني وانت تتفاهم وياهم
ابوخليل: ااي بعيوني شوكت تردين اروحله اني عكب باجر ارجع لازم
ام زينه: والله وليدي ياريت هسه ولا بعدين لان تعرف العراقيين
كل يوم يكثرون ماشاءالله بسوريا وماتتلاحك الشقق تنعرض اليوم تتأجر باجر
ابوخليل: اي صحيح اني حاضر شوكت تردون اروح للعالم
ام زينه: اذا ماعندك شي هسه نتمشالهم همه موبعاد
زينه: هسه
ام زينه: اي هسه مادام الله سهل وجاب ابوخليل
ابوخليل: جاهز اني كومي حجيه
زينه: اخذامي وراحو من رجعو عرفت انهم متفقين والسعر نازل 5اوراق
الصبح مر عليه رحنه دفعنه لفلوس وسوينه المكاتبات وفره شكبرها
ويانه ولد من المكتب سوري هوه مثل المعقب عدنه
اصعد انزل كال باجرتستلمون سند
رجعنه وصدك الصبح استلمت سند الشقه بااسمي
ابوخليل: تتهنون بيهاخيتي ياريت عندي وقت والله اساعدج بيهابس لضهر لازم اتحرك منا
زينه: اعذرني والله اخرتك هسه ب10شوكت تلحك ترتاح
ابوخليل: راحتي اطمئنيت ع اختي وجهال اختي
زينه: رحم الله والديك
ابوخليل: خيتي راح اكولج شغله وانتي بكيفج تنفذيها اولا
زينه: كول خويه ابوخليل
ابوخليل: خيتي اتصلي بمحمد وكوليله ردت اشيل حمل من ركبتك
اعرف اهلك ضاغطين عليك ع انت السبب بهزيمتها
لو انت الي تعرف مكانهم وين
وماريدك تعادي احد اني انقلت من لشقه واشتريت وحده لمهم فهمي احسن
لان ان فجأه يعرف انج عفتي الشقه وميعرف شي عنج
راح تصير موحلوه بعدوكفته وياج
زينه: كلامك صح اليوم اتصل بيه ان شاءالله
……. يتبع