المشكله والعنيد

البارت الحادي عشر

البارت الحاي عشر

#المشكله_والعنيد

منه محمد

سامح ومحسن دخلوا الاتنين مع بعض بسرعه قياسيه للمحل...ومسكوا العامل الاجنبي كل واحد من جهه..وكتمه بؤه...جه مهند و ضربه على راسه ضربه قويه خلته يغمى عليه..
رائد بنفس الوقت قاعد يلم اكبر عدد من اجهزة الموبيلات بكل اشكالها وانواعها..
محسن ساب العامل وخله سامح يمسكه لوحده ليفوق ويلم الكون عليهم...
سامر كان في مهمة المراقبه وواقف علي اعصابه..
رائد ومهند ومحسن كل واحد بيحط بكيسه أي حاجه تشوفها عينه..
مهند صرخ: سامح بسرعه جيب العربيه..
سامح نط بسرعه وراح جري لعربيتهم الي مكنتش بعيده عن المحل كتير وشغلها وداس بنزين بسرعه ووقفها قدام المحل..
بسرعه طلعوا من المحل التلاته واخر واحد ركب كان سامر....
سامح طلع بأقصى سرعه وانطلق عن مكان الجريمه..
بالوكر..
مهند مبسوط: والله الشغل كان مظبوط..
رائد قاعد جنبه: واااااااو واخيرا هنمسك الدهب زهقنا من الفتافيت.
محسن:ومين بقي الي هيبيع الاجهزه..؟
مهند بيلف سجاره حشيش: سامح...
سامح الي بينهج وبالعافيه بياخد نفسه: نعـــــــــــم!!!!
مهند: ايوه انت اللي هتبعها.
سامح قعد وبلا مبالاة:انا مش هبيع حاجه...
مهند بكل عصبيه اتنرفز عليه: ماشي بمزاجك انت...انا اللي احدد هنا...
سامح بصلو جامد: وانا بقولك مببعش حاجه..انتوا بعوها..
مهند: سامر...فهم اخوك..
سامر رفع ايديه: انا ماليش دخـــل..
سامح: ولا حتي تحاول...والله منا معرض نفسي للمشاكل..
رائد: يعني احنا عادي نتعرض للمشاكل..
سامح: انت حد جابرك على حاجه..واذا مش عاوز تبيع متبعش..
محسن: سامح...احنا ما اتفقناش على كدا..
سامح وقف: على العموم لما تتفقو وتلمو الغله ابقو اتصلوا بيا اوك.."ومشى"
بس فجأه صرخه خلته وقف مكانه "سااااامح"
وفجاه واحد اتعلق بظهره من ورا ولفه وعطاه لكمه قوويه..
سامح حس ان فكه انفك من الضربه..رفع عينه يشوف مين الحيوان فيهم الي اتجرأ وضربه..ولما عرفه رجعلو الضربه ضعف قوووتها...
وقامت بينهم خناقه جاااااامده...وكانت قوتهم تقريبا نفس بعض..مهند ما كانش اقل من سامح لا من ناحية الجسم ولا النشاط...
سامرصرخ: وانتوا ساكتين..تعالوا نخلصهم...
حاولوا لكن محاولتهم كانت كلها فاشله..
سامر وهو بيحاول يمسك سامح: سامح خلاص هَدي نفسك...
سامح بيتنفس بسرعه وبيمسح الدم من بؤه: سبني عليه اربيه من اول وجديد..ازاي يتجرأ ويمد ايده على اسياده.

مهند وهو مثبت من رائد ومحسن: انت سيدي يا كلب..

سامح: سيدك وتاج راسك يا زباله..

مهند بيحاول بكل قوته وغله وغضبه يحرر نفسه وهو في قمة غضبه:فكوووني...انت على ايه شايف نفسك ياوسخ

سامح ببرود وهو ينفض هدومه ويعدلها: لاني اشرف منك يا حقير..

مهند خلاص اتعما من الغضب والنار جريت بدمه..فك نفسه بأعجوبه منهم وقرب ومسك سامح من هدومه:شوف يا سامح...صدقني لا اخلي مناخيرك الي رافعها علينا تنزل في التراب..

سامح مسك ايدين مهند ونزلها بالقوه لدرجه ان القميص اللي عليه اتقطعت زرايره ..وبنظرة تحدي..:لا انت....ولا عشره من عينتك تقدر تنزل راسي.."ودفعه"...انا طالع من غير رجوع...بس بأخد حقي ولا بتشوفوني مره تانيه...سلاااااااااااااام..

"وطلع"

مهند نار في قلبه بتغلي...لسه مابرد ناره ولا شفى غليله:صدقني يا سامح الكلب بدفعك التمن غالي...انا مهند انضرب..انا هخليك تندم بعدد شعر راسك..يا سااااامح...

وصل بيتهم على اذان الفجر..وهو لسه داخل..قال:استغفر الله...

رجع طلع مره تانيه وراح للمسجد..دخل الحمام غسل وشه وايديه من الدم ..وبعدها اتوضا للصلاة..

دخل المسجد..وقعد بأول صف كان فاضي وما فيهوش الا ناس تنعد على الصوابع ..سند راسه على الجدار..وفجأه نزلت منه دمعه...دمعه زي ما تكون كانت محبوسه واتحررت غصب عنه..ضم رجوله لصدره..حط راسه ما بين رجوله وحس انه مخنووووووق...نفسه يبكي لحد ما يطلع كل اللي في قلبه...اجرم في حق ربه كتير وبحق نفسه وامه واخواته وابوه..تربيته واخلاقه ومبادئه..ازاي نساهم ووصل للمستوى القذر ده..ازاي نسى نفسه للحظه ودنس بياض روحه بالشغله الموبؤه دي..
ومع الناس الوسخه..وازاي ضعف لنزوة شيطان..حس بايد تمسح على راسه:ابني

سامح قبل ما يرفع راسه مسح دمعته بسرعه ورفع راسه..
سامح:اهلا..... ياعمي عبد العزيز!!
الامام عبد العزيز: سامح!!..."وسلم عليه"..عامل ايه يابني..؟؟
سامح محروج منه: تمام الحمد لله...
الامام: فيك حاجه ياسامح..؟
سامح حس نفسه صغيييييييييييير...هيرد يقوله ايه ..لو عرفوا اهل حارته هيكون ايه موقفه قدامهم و موقفهم منه..وهما يعرفو انه مثال وقدوه لكل ولادهم.
سامح رد:لا سلامتك انا زي الفل...
عبد العزيز ابتسم له بحنيه: مهما كان اللي فيك يا سامح..اوعي تنسي ان في رب كريم..بيستنى عباده يطلبو ويتضرعو له..الجأ له في كل وقت وهو اعلم بأحاول عباده.."امن يجيب المضطر اذا دعاه"
سامح رد له ابتسامه امتنان..بجد كلامه يشرح القلب ويطمن النفس باس راسه:ربنا يجزيك الف خير...
عبد العزيز خجل من حركة سامح:عاوز تكبرني ياولد..
سامح ابتسم: والله انت في مقام ابويا..
عبد العزيز طبطب على كتفه وراح يقيم الصلاة..
سامح قرر يعيد كل حساباته من اللحظه دي...ومستحيل يلتفت لوري مره ثانيه

.....................
صحت فتون عشان تصلي الفجر...
ولسه يادوب بتسلم وخلصت...سمعت صوت باب الشارع...
فتون بهمس:سامح ما شفتهوش النهرده.
طلعت تشوفه واتفاجأت من شكله..
فتون:سامح !!!....ايه الي عمل فيك كدا...
سامح ارتبك مكنش عارف ان حد بيصحى الوقت ده..
سامح:فتون؟؟
فتون قربت منه وهي قلقانه وخايفه على اخوها:ليــه كـــدا؟؟
سامح ارتبك:آآآآ,اتخانقت ..
فتون: مع مين..؟
سامح بيحاول يهرب من حصار اسئلتها: يووووه حكايه طويله..بكره انشاء الله
اول ما ترجعي من الشغل اقولهالك دلوقت عاوز انام ...تصبحي على خير..
وساب فتون واقفه على حالها...قعدت بقلق ياتري ايه الي حصل معاه..
فتون: لالا..سامح فيه حاجه...يارب تبعد الشر عن اخويا ..يارب ايه الي بيحصل معاه ...ياتري ايه اللي اخد عقله طول الاسابيع الي فاتت..؟
....................

تاني يوم صباح جديد
ياسر ابتسم وهو خايف: هههه ادخلي بسرعه وما تكلمينيش..
فتون ضحكت: ههههههههه طيب..
كرم اول ما شاف طيفها حاول يخفي ابتسامه جواه بعلامات جمود مصطنعه : اهلا ست فتون..
فتون في سرها اهلا شكلو صباح جميل ردت: اهلا سيد كرم... وقف كرم ومشى لعندها...خلينا نئعد على الكنبه افضل...
فتون ولا اعترضت.. فرز الاوراق قدامها على التربيزه..وبدؤ يتناقشو بالشغل : ومين اللي اخترتهم..؟
كرم سحب ملف: ده كشف بقوائم اسماء اللي صالحين للعمل...يعني على الاقل يقرو ويكتبو وسنهم معقول...
فتون فرت اوراق على رجولها..مدت ايدها تاخد الملف..وحست بكهربا سريعه مشت بجسمها كله.. كرم...حس بأدين ناعمه على صوابعه مسكته.. اتصلب ظهره فجأه من لمستها...حس ان وشه احمر وممكن بسهوله يفضحه ...ساب الملف..وبنفس الوقت هي سابت ايده ...ووقع الملف على الارض...عمل ضجه مع هدووووووووووووء المكان... كرم حاول يستجمع نفسه ويخلي الوضع عااادي..نزل واخد الملف ورماه على التربيزه تاني قدامها.. فتون لا قدرت تعدي الموقف وباين انها شاده على اعصابها.. كرم حس بيها: شوفي الاسماء... اخدت فتون الملف وبانت رجفتها حاولت تتصفح الاسماء بس مش عارفه تركز في المكتوب فقالت بسرعه:اوك انا هطلّع عليه بعدين...في اي امر تاني..؟
كرم حب هو كمان ينهي اللقاء: لا ما فيش ....بس بكره الجوله اوك...
فتون وقفت: اوكي....عن اذنك..."وطلعت" كرم حس انه تايهه للحظه...لقى نفسه لما نزلت عينه وبص لايده ...رفعها وقربها من وشه يتأملها. :قلبتي موازيني ....يا بنت عمي.. ملس مكان ايدها بايده التانيه...وراح لمكتبه عاوز يلهه عنها ثواني بأي حاجه والسلام!!!!!
فتون طلعت وهي كارهه حركتها الغبيه...وندمانه انها حصلت غصب عنها
.............................

ريهام بمكتبها ومتعمقه بشغلها...
خالد: ممكن ادخل...؟؟
ريهام: ايوه اتفضل دكتور خالد...
خالد بأبتسامه واسعه: يا صبـاح الخيـــر..
ريهام ضحكت : يا صبـاح النور..
خالد قعد عند مكتبها: اخبارك دكتوره ريهام..؟
ريهام: انت شايف بنفسك...تمام..والشغل مش بيخلص..
خالد: ربنا يديك الصحه...بس لو كان على الشغل مستحيل يخلص...
ريهام سكتت منتظره اللي بعد المقدمه..
خالد بدا يرتبك: دكتوره ريهام..امممم..والله ما عارف اقولك...
ريهام عقدت حواجبها مستغربه: خير يادكتور خالد في حاجه...؟؟
خالد: ايه رايك اشوفك تحت بالكافتيريا ..
ريهام: اوك...مفيش مشكله..
خالد قام بسرعه: اوكي...اشوفك....باي..
ريهام استغربت تصرفاته: باي...................

>>>>>>>>>>>>>>>
في غرفة سامي..
رايح جاي في الغرفه..
وبيكلم نفسه عاوز اكلمها...نفسي احكي معاها...اشتئت ليها...بس .... ماليش وش بعد اللي عملتو فجأه حس بألم بكل جسمه..حس ان في شي بياكله اكل..بينهش جلده وعظمه...اول مره يحس بالاحساس ده..وبالقوه دي ..دايما المه بيكون خفيف..
سند على جدار جنبه...وهو بيتألم:آآه ...ايه اللي جالي فجأأه..
حس ان روحه بتطلع...حاول يمشي كام خطوه..نفسه بس يوصل لسريره..حس ان المسافه بعيده وطويله وتهد الحيل..اول مره يحس ان الغرفه كبيره...دايما يتذمر من صغر مساحتها بس اكتشف العكس..
جاهد نفسه لحد ماوصل للسرير ورمى نفسه عليه من غير وعي وبكل حيله..ضغط جرس التنبيه للحالات الطارئه..
جات النيرس على طول...
ريهام وهي بتلف بين الغرف..شافت دكاتره تروح وتيجي بدليل ان في حاله طارئه..راحت وراهم .عاوزه تعرف مين..
وجعها قلبها وهي رايحه ناحيه غرفته...
"لا ....يارب مش سامي..."
مشت بخطوات سريعه عاوزه تتأكد ..بس كل اماالها اتلاشت لما شافت نفسها واقفه قدام باب غرفته..
"سامي تعبان.......زاد عليه مرضه اكيد...اتاخر على العمليه كتير..ليه يا سامي ليه..."
بعدت عن الباب اللي اتفتح وخرج منه فوج من الفريق الطبي..ثلاثه اخصائيين واتنين اطباء ومعاهم نيرس..
ريهام قلبها بيدق بقوه...اتأكدت ان حالته اتدهورت فجأه..
دخلت بسرعه..لقته شبه الجثه هامده...وباين عليه اثار التعب..
خنقتها الدموع لوضعه.
"مسكين يا سامي...اكيد انا السبب..هو بسببي رفض العمليه..."
طلعت من الغرفه وراحت للدكاتره المسؤلين عن حالته نفسها تطمن قلبها عليه..
.......................
هبه فالفصل...وحطه راسها على الدسك...حاسه بتعب وارهاق كتير..
مي: هبه...تعبانه..؟؟
هبه : لا.....
مي: هبه...وشك بيقول غير كدا...خليني اجيب لك عصير ولا اي مشروب يرد روحك
هبه دمعت: مش عايزه ريحيني..
مي سكتت وصعبت عليها.
وفجأه نطت: انا مش هسكتلو...
مي اتخضت: بسم الله قصدك...مين؟؟
هبه والحقد بيلمع في عيونها: اياد...
مي: وناويه تعمليلو ايه ..؟؟
هبه: مفكر انه بيذلني...والله لا اذله...واعلمه مين هبه سَيار...
مي خافت منها وعليها: هبه استعيذي يا حبيبتي من الشيطان..
هبه بصتلها: هتشوفي مين يقدر يغلب التاني..

<<<<<<<<<<<<
امير: الوعد يوم الاربعاء....؟
نسمه: لسه مش قلتش لمامي.
امير عامل نفسه زعل: ليه؟؟؟...ما اهتميتيش للموضوع صح؟
نسمه: لا مش كدا....بس..
امير: نسمه....ايه معني بس ...ع فكره البارتي صغير جدا..
نسمه: اوك بحاول..
امير مسك ايدها: نسوم..انا بحبك..وعاوزك بكل حياتي...عاوزك زي روحي معاي منين ما اروح واجي..
نسمه جسمها اتخشب منها ومن حركتها: احنا قلنا صداقه..
امير: صداقه....احنا روح بجسدين..
نسمه بتحاول تحرر ايديها بهدوء وقلبها يدق بسرعه..
امير حس برجفة نسمه: خايفه مني...؟
نسمه ارتبكت: اخاف.....ليه اخاف..؟
امير قرب منها: ما تخافيش وانا معاك....اوك..
نسمه تتوه في الكلام: اوك..طيب ممكن اروح لفصلي...
امير باس ايدها: هشتاق لك...
نسمه سحبت ايدها بسرعه وراحت ورجليها مش شيلاها ممكن تخونها وتقع..
.........

ابتهال: هتروحو فرح بنت الجيران.؟؟
مرام: معرفش لحد دلوقت...وانتي يا شهد..
شهد في جو تاااني وعالم تااااني
مرام حركت ايدها قدام وشها: شهد..
شهد: ها...ايه..؟؟
ابتهال زعلت كتير على حال شهد..مستحيل تستمر على حالها كدا...
ابتهال: شهد...مالك...لسه محصلش حاجه.
شهد بتحاول تكون طبيعيه: لا...مش عشان الحكايه..سرحانه في أمر تاني...مالكم انتم؟؟
ابتهال عارفه ان ما عندهاش الا موضوع الجوازا الي ابوها طالع لها فيها وفرضه عليها!!!
ابتهال: طيب رايحه فرح بنت الجيران..
شهد: معرفش...وانتي؟
ابتهال: انا ما عنديش فستان...
مرام : انا عندي واحد...جربيه..
ابتهال: هيجي مقاسي؟؟؟
شهد: ابتهال ما فيش فرق بينك وبين مرام كتير....
ابتهال بغرور: انا احلي منها يا ابله...
مرام حطت ايدها في وسطها: هه مسكينه شبه البطريق..انا احلى منك..
ابتهال: طيب لا ينط في قلبك عرق..جايه النهارده واخد الفستان اوكي..
مرام: اوكي..
ابتهال: مش انا...اخوي سامح...عشان بكره عندي امتحان..
مرام: انتي ولا اخوك..المهم يجي مقاسك..
شهد دق قلبها على سيره سامح..اتمنت ان كل حاجه فجأه تتغير ويكون اللي عاوزها هو سامح.
الاماني كتير بس صعب تحقيقها ...وتفضل الاحلام احـــلام..والاقدار هي الواقع اللي بنعيشه برضا او عدمه..

...................
بعــد ســـاعــات....
صحى من بعد ما حس في لحظه انه روحه بتفارق الحياة...
حاول يتحرك ..لكنه حاسس بخمول وصدااع غريب وتعب وكأن عظامه اتفتت من الالم..
ما فكرش الا بشئ واحد...عاوز يكلم ريهام...حس بتأنيب الضمير..تخيل انه مات وهو مزعلها من غير سبب وظلمها بعذر هو مالهوش حق فيه..
ممكن تبتسم لحظه..وتحقق لك امنيه.
دخلت ريهام عليه حابه تطمن على الحاله..
قربت منه بهدوء فكرته انه نايم...وهو حبكك الدور...
ريهام : يا عمري يا سامي...والله ما تستاهل اللي فيك..بس قدر الله وما شاء فعل...صدقني لك اجر كل آه صرختها ولا الم حسيته..
بصتله بألم وهي تفتكر كلام الدكتور عنه اللي اتراجعت كتيييير صحته
فاجأها الصوت: ربنا يسمع منك..
ريهام:ســامي...!!
فتح عينه بتعب: ايوه...ازيك يا دكتوره ريهام..
ريهام حست ان الحياة رجعت لها...ابتسمت نفسها تضحك نفسها تصرخ..شعور غريب اجتاحها ..مشعارفه ايه هو..بس حلووووو...وحلوووو جدا ردت عليه: انا مش مهم..انت عامل ايه؟؟؟ دلوقت تمام؟؟
سامي: دلوقت بس احسن...بس مش تمام...تعبان يا ريهام تعباااااان..
ريهام كبتت كلام كتير بقلبها نفسها تقول سلامة روحك ...ياريته فيا ولا فيك...وكلام وكلام...بس كل القيود تمنعها واولها اخلاقها وتربيتها..
ريهام بقلبها: ما تشوف شر ابدا..وتبقي اخر الالام انشاء الله..
سامي: انشاء الله..يجي الموت وياخدني ويرحني..
ريهام غرقت عيونها دموع وفاضت: ما تقولش كدا يا سامي...صدقني محدش بيموت قبل يومه..
سامي: بس عاوزه يريحني..
ريهام: بتتعالج منه انشاء الله..وتبقي احسن
سامي سكت وما علقش ولا حب يجادل في شئ هو عارف نهايته..
دقايق هدوء عدت عليهم...بس ما كانتش صامته...لغة العيون كانت بتتكلم وتحكي..وما وقفتش لحظه...
سامي يقرا في عيونها كلاااااااااااااااااام وبحور من الجمل..بس لسه في حلقه ناقصه حلقه مفقوده...!!
سامي اتنهد:ريهام انا اسف اني ما باركت لك...
طلعت منه غصب عنه..
ريهام الي ما فهمت قصده: الله يبارك فيك..بس على ايه...؟
سامي: على خطوبتك.
ريهام انصدمت واتفاجأت: انا؟؟؟؟؟؟؟؟؟؟؟؟؟
سامي حس وكأنها اول مره تسمع خير خطوبتها: ايوه انتي...!!
ريهام من الصدمه تاه الكلام: امتى.....اصلا مين قاله؟؟؟
سامي ما فهوش حيل لأي انفعال او صدمه.: يعني انتي مش مخطوبه..؟؟
ريهام بتأكيد: لا..
سامي: ودكتور خالد..؟
ريهام مخها بدء يقف : وايه دخله دكتور خالد..
سامي: انتي ودكتور خالد مش مخطوبين.؟؟؟؟؟؟؟؟؟؟؟؟
ريهام انصعقت من الفكره: لااااااااااااااا مستحيل...
سامي اتنرفز: طيب ليه قالي الكلام ده..؟
ريهام بدئت تربط الخيوط ببعضها: هو قالك كدا..؟
سامي : ايوه ...معقول......معقول كدب علي!
"يا غبائي ....وانا معيش نفسي بوهم...كل الايام دي راحت من عمري تعب ووهـــــم؟؟"
ريهام اتحولت لكتله نار طالعه من عيونها: احكيلي قالك ايه بالظبط...
سامي حكى لها كل حاجه بالتفصيل........

.......

فتحت باب مكتبه بعنف لدرجه انه ضرب في الجدار اللي وراه..
: انت......انت مين سمح لك تربط نفسك بيا...
خالد اتخض من طريقة فتحه الباب ومن صريخها :ريهام...خير فيه ايه بس..؟
ريهام: أي خير يجي من وراك..
خالد: ريهام ايه داعي للكلام ده؟؟
ريهام: انت مين سمح لك تقول ان انا وانت مخطوبين...
خالد وكأن جبل اتهد فوق راسه: آآآآآآ...مين قال الكلام ده؟؟
ريهام: مش مهم مين قاله...كل اللي يهمني...انك لو اخر راجل بالدنيا ما اوافقش عليك...ولا تحلم في يوم من الايام...ترتبط بيا..انت عارف عملت ايه..انت دبحت روح بأنانيتك...دمرت شخصين بسب تفكيرك الغبي...انت حرام تكون بالمكان ده..وحرام انك تكون مسؤول عن ارواح الناس..انت....انت...انت احقر شخص شفته بحياتي.."بدءت تبكي"...روح شوف عملت ايه بسامي..ولا كان عندك ضمير ولا قلب ..
انا بكرهـــك.....بكرهـــــك..
وطلعت وسابته يستوعب كل كلمه قالتها له...خالد قعد على الكرسي وهو شبه منهار: ريهام..انا بحبك..والله بحبك بحبك...ليه تعملي فيا كدا..بقي انا ما عنديش قلب...ليه ما رحمتي حالي..ما تعرفيش ليه انا عملت كدا ...ليه دست على قلبي وضميري وقلبي وعقلي...عشان مين؟؟؟عشانك انتي والله عشانك..
سند راسه بين ايديه بحسره...ندم على طريقته الغبيه...مفروض الاول كان كسب قلبها بطريقه تانيه...دلوقت كل شي ضاع منه ..ريهام..قلبه..ضميره..عقله..ويمكن شغله كمان..
فتح الدرج اللي جنبه طلع علبه صغيره...
فتحها..ولمع اللي فيها بلمعه قويه..افتكر المعاد اللي حدده النهارده الصبح...كان بيتقدم لها ويقدملها الخاتم الفخم اللي مغلف بالماس الي لمعته عاكسه نور الغرفه بكل شموخ..ليه ...ليه اتحطم كل شيء...ريهام كنت هخطبك فعلا...
حس ان الدنيا اتقفلت بوشه من كل ناحيه وبقى هو الخسران الوحيد فيها...
...............بقلم منه محمد...................

رجعت شهد لبيتهم...
وصدمت باخوها عبد الله اللي مرتبك: مالك بتجري وراك عفريته .
عبدالله:جيتي؟؟....كويس..اممممم..شهد ...شوفي..
شهد نغزها قلبها: قول مالك؟؟
عبد الله متوتر: ابــــوكي..
شهد خافت: هنا؟؟؟
عبد الله بأسف: ايوه....معاه...احم ..جوزك المستقبلي..
شهد صرخت: جوزي؟؟...انا مش هتجوز لو على جثتي..
وراحت تدور علي جدتها عاوزه تحتمي فيها..
ابو عبد الله سمع صرخه شهد واتحرج من الراجل الي جنبه..
وطلع لهم: شهد..شهد..
شهد في حضن جدتها: ارجوك يا جده..مش عاوزه..
جدتها: ما تخافيش انا هنا امك...وربنا معانا..
دخل ابوها غرفة الجده : شهد تعالي..
شهد مغمضه عيونها ودافنه نفسها بصدر جدتها..
الجده: مالكش دعوه ببنتي والجواز مش بالغصب..
ابو عبد الله بوقاحه: انتي مالك....انا حر في بنتي..
الجده: احترمني يا ابو عبد الله...انا كبر من امك..
ابو عبد الله: هاتي بنتي واحترمك...ولا بتشوفي شي تندمي عليه..
الجده: محدش بيطير الرقبه الا الي ركبها...يعني هتعمل ايه؟؟
ابو عبد الله بدء يطلع من طوره: خديجه...قلت لك...مش عاوز اغلط فيك..وانتي يا شهد مش عاوز امد ايدي واخدك بالقوه..وأأذي جدتك...تعالي بالتي هي احسن..
الجده حاوطت شهد اكتر بايدها : بنتي مش متحركه من هنا..
ابو عبد الله قرب وهجم ياخد شهد بالغصب اللي ما حاولت تقاوم..وخافت على جدتها..
ودموعها سيول: بابا كفايه ارجوك انا رافضه .
ابو عبد الله حاول يغير طريقته لا تكسفه قدام الراجل: انتي الاول شوفيه يمكن يعجبك...و فلوسه بتغنيك عن الدنيا..
شهد سكتت مالهاش حيل تجادل قدام جبروت ابوها..
وقف عند باب الصالون: اسمعي....حركه من هنا ولا هنا يا ويلك...هو يشوفك ونخلص..وامسحي الدموع دي بسرعه..
شهد بتمسح دمعه من هنا ينزل بدالها اضعاف..
دخلت بلبس المدرسه الي عليها...ولا همها يشوفها شيك ولا لابسه ولا حتى يلاحظ انها بتعيط.دخلت كام خطوه ورفعت راسها ...وانصدمت من اللي شافته..
شي مستحيل...للدرجه انا ولا حاجه عند ابــويا!!!!
شهد بنهيار:عبد الله ربنا يخليك..ورحمه امي عندك كفايه وارحموني وليك روحي وحياتي..
عبد الله اتخنق..مشعارف يعمل ايه: اعمل ايه بس ياشهد والله ما في،، في ايدي اي حاجه .
شهد ودموعها ماوقفت دقيقه من ساعه ما طلع ابوها وقال لها الخميس الجاي الجوازه:قولي يا عبد الله دبرني...
عبد الله قطعت قلبه اخته: جده...اعمل فيها ايه ..
الجده تمسح دمعتها: حسبي الله ونعم الوكيل...اشوف فيك يوم يا ابو عبد الله..اشوف فيك يوم...
عبد الله وقف: اكيد هلاقي حل...ان شاء الله القي حل.
وطلع وسابهم بيعيطو وينعو حظهم اللي بلاهم بواحد ظالم وجبّار ..ويستغل اللي اضعف منه بنته وحرمه ست كبيره بالسن..
.........................

المغـــــــــــرب..
قاعدين العيله ..وبيشربو شاي مع شابوره عملتها فتون بالبخار
ابتهال: لذيذ تسلم ايديك فتونه
سامح بياكل تين شوكي: والله انا جعان ..كح كح...شكرا فتون..
فتون: ههههه اوعي تموت علينا...اشرب عصير ولا شاي..
سلطانه:  يارب عيني ما تفقدكم ابدا يا ولادي.
تامر اخد ورقه يحرقها ويخليها تتفتت على الارض ويضحك..
ابتهال: هه شوفو المجنون ده بيعمل ايه.. انت يا اهبل بتعمل ايه ياض ...وسخت البيت..
تمارا بصتلو وراحت تعمل زيه.
قامت ابتهال وخدت منهم الورق..: يالا...يالا غورو هناك..
راح تامر يعيط على ظهر امه وتمارا ساكته لانها لسه ما عملتش كانت هتعمل..
سامح: بجد سيطره
ابتهال بفخر: تسلم يا اخوي...اعجبك...على فكره انا مسيطره بالمدرسه...
سامح: واضح..وكأني ما شفتكيش يوم ما كنتي بتترعشي من واحده كانت ماشيه جنبك فالشارع..
ابتهال: هههههههههه مسيطره جوه المدرسه اما دي نسيت احطها استثناء..
فتون بتريقه: ههههه والله انا مرعوبه تكوني مسيطره عليهم جامد
ابتهال شهقت: نسيت....مرام هتديني فستان اجربه لفرح لطيفه بنت الجيران..
فتون: طيب اشتري لك واحد....
ابتهال: لا اشتري لنفسك لو كان مقاسي مفيش داعي اشتري حرام...
سامح: الله واكبر على اختي ..تف تف تف ما شاء الله عاقله ورزينه وقنوعه كمان
ابتهال بقرف: الله يقرفك بجامتي كلها اكل هههههههههههه
سامح: عسل على قلبك..
فتون: ههههههههههه خناقكم مش بيخلص.يالا روحي جيبيه خلينا نشوفه..
ابتهال: خلي سامح يروح..
فتون: لا عيب...روحي انتي خديه وتعالي..
سامح قام: يالا بسرعه هستناك برا..
راحت ابتهال ولبست هدومها وطلعت..
ضربت الجرس وسامح وقف بعيد عنها...وشاف عيال الحاره بيلعبو كوره لعب معاهم وجننهم بما انهم اصغر منه..
ابتهال واقفه قدام الباب..
اتفتح الباب: السلام عليكم فين......آآآآآ فين...........؟؟
علاء: احم احم وعليكم السلام اتفضلي..
ابتهال: لالا مش مستهله ..بس قول لمرام عاوزه الفستان..
علاء ابتسم: حاضر من عيوني بس ثواني..
"ودخل"
ابتهال: اووووه يارب اوكسجين...هوا هوا محتاجه هوا
جه علاء ومد لها الكيس: ده الفستان..وبتقولك.."وحك راسه يفتكر"...بتقولك مرام اذا ما جاش مقاسك والله مشعارف هي قالت ايه هههههههههههههه
ابتهال داابت مع ضحكته وبعفويه: عيدها.....
علاء ضحك: ايه دي الي اعيدها الجمله؟؟؟
ابتهال اتكسفت وخطفت الكيس منه :آآآآ مع السلامه..وسلملي على مرام ..باي..
ومشت..
علاء ضحك على غبائه ودخل..
راحت ابتهال للبيت ونسيت سامح الي شافها جري وراها: طيب قولي يا سامح خلصت..
ابتهال بتغني..: يا اسمراني ما انا كنت خالي
انا شفت عينيك سلمت اليك ..
وشغلت بالي .. لا ارتحت معاك ولا يوم بنساك ..كان بس مالي ..
سامح باس ايده وش وضهر: الحمد لله اتهبلت اكتر ما هي..
ووصلوا البيت وابتهال لسه بتغني..اولها قلبي ابتسم .. واخرها دقت الألم .. حبيت وقلت الآه .. سلمت روحي للألم ولا لي عنه غنى .. واحتار دليلي معاه على الحال دا ليا سنه .. كان ايه رماني ..
فتون مسكت دماغها: ابتهال أرئفي بحالي وحال امي واسكتي..
ابتهال بتدور بالكيس: حبيت الافراح..وحبيت المناسبات والفساتين وكل حاجه...
امها ضحكت: ابتهال مالك؟؟
ابتهال: ههههههههه لما اروح اشوف الفستان ...انتوا مش بتحسو بيا ابدا...
...................................
هبه بغرفتها قاعده تفر في النت عن اخر الموديلات للمصممين..مش لقيه حاجه تعملها..رن موبايلها..وكانت نغمه مخصوص بيه
وردت بدلع: الووو
مات ع صوتها: احلي الو
هبه: مين اياد؟؟
اياد : ليه فيه غيري..؟
هبه بعبط: لا انت الوحيد بحياتي..
اياد: هبه قديمه حركاتك...المهم فينك انتي...؟
هبه: فالبيت...
اياد: منفسكيش في خروجه حلوه..
هبه بغيظ: عودتك انا..؟؟
اياد: لا....انا الي هعودك...عاوز اشوفك بكره في الكافيه اوك...
هبه: اوك..
اياد استغربها ولا عندت ولا صرخت ولا اتخانقت بتحذير:لو روحت ومالقتكيش يا ويلك..
هبه: جايه...اكيـــد جايه...
.....
دخلت مكتبه..
فتون ببتسامه مشرقه: صباح الخير..
كرم ما قدرش يمنع ابتسامته على بداية صباحها الجميل بطلتها...
:صباح النور.....
فتون دخلت بهدوء وأأعدت..تقريبا بدءت تتعود عليه..
كرم: انتي عارفه جدولنا اليوم اكيد..
فتون: اكيد..
كرم: تحبي نئعد شوي ولا نبدء دلوقت.
فتون بتفكير: لا دلوقت يكون احسن..
وقف كرم: اوك يالا بينا.
وقفت فتون وطلعوا مع بعض..وكانو راكبين عربيه واحده..وكان الصمت سيد الموقف..كرم حس انه صعب يكسر الحاجز..وفتون مستحيل تفتح حوار معاه بأي موضوع غير الشغل..
وصلو حاره فتون..
كرم يتأمل البيوت المهدومه..واللي كأنها شويه وتنهار على اصحابها وبعضها مهجوره والقطط والفيران كانت ملجأها..
كرم: منين ممكن نبدأ...؟
فتون: اممم نبدء من هنا ..من الحاره دي..خليني انا وواحد من الموظفين نتكفل بالموضوع..يعني لو عندك شغل............
قاطعها كرم بسرعه: مجنون انا اسيبك تدخلي البيوت دي لوحدك..رجلي ع رجلك..
فتون من النوعيه االي مش بتحب حد يفرض نفسه عليها...بس لاول مره تحس بأن وراها ظهر وسند قوي..يمكن لان سامح اصغر منها ودايما بتحس نفسها مسئوله عنه..وسندها الحقيقي عمرها ما حست بيه ولا كان سندها..بصت لكرم بشويه بأمتنان وكأنها بتشكره على الاحساس الي حسته وقربت بخطوه عنه:اوك يالا..نبدء بأسم الله..
وفعلا كان قرار كرم بأنه مايسبهاش قرار سليم..لانهم شافوا اشكال والوان من الناس منهم السيئ ومنهم الكويس ومنهم الي بايع ذمته وموت ضميره وشافو ردات فعل مختلفه ..والاغلبيه موافقه..
فتون وهي ماشيه لبيت في الزاويه في نهاية الشارع..
فتون:بصراحه مفكرتش انهم هيستجيبو لينا بسرعه..
كرم والشمس عاكسه على نظارته الشمسيه وباين انه مزعوج منها.
كرم:وانا كمان..فكرت توافق مجموعه صغيره...وبعد فتره لما يسمعو بان اللي اشتغلوا وباعوا اراضيهم كسبوا..حينضموا الباقي...بس الحمد لله طلعت النتايج ايجابيه هايله!!!!
وقفوا عند باب البيت...
فتون:اظن ده اخر بيت من الحاره دي..
كرم اتنهد: واخيرا..
ضرب الموظف حديده الباب المصديه...بعد دقايق طلع ولد عمره يجي حوالي عشرين.
فتح الباب وشاف الموظف وجنبه فتون..
وما شافش كرم اللي كان ساند نفسه على الجدار..
الشاب: اهلا بالقمر..
فتون: احنا مؤسسه(.....)وعندنا عرض ليكم..
الشاب: اهلا وسهلا ولو ما شالكيش البيت تشيلك عيونا..
كرم وقف قصاده فجأه: ربنا يخليك ويسلمك.."ودخل"
الشاب اتخض مين اللي واقف قدامه..يفوقه بالطول والعرض..وصوته يكفي انه يخلي الخوف يمشي بعروقه..
دخل كرم وبعده الموظف وفتون..
وكان كرم طول الئعده على اعصابه من نظرات الشاب لفتون..قرب من فتون شوي...
فتون حست انه لزق فيها..ورجعت لورا شوي..
كرم: ايه رايك نطلع اعتقد مش هحتاج لواحد غبي
فتون متوتره من قربه: براحتك...
كرم وقف على طول من موافقه فتون:اوكي يا عندليب..عجبك العرض تعال المؤسسه ووقع..ما عجبكش بينا وبينك سلام..
وقفت فتون معاه..
الشاب: والحلوه دي بتكون شغاله في المصنع ده ...؟
كرم بندفاع: انت...ياحلو يا سكر..احترم نفسك..انا من اول ما شوفتك مهضمتكش .
الشاب خاف بس لسه عيونه هتاكل فتون: اوكي نفكر...مش مشكله..
كرم مسك فتون من كتافها وزقها قدامه وفضل يمشيها..
فتون وقف كل جسمها من لمسته وقربه اللي بتحسه انه اقرب من ظلها
"ماله ده..وماله لازق فيا كدا .."
واخيرا طلعوا من البيت..
كرم نفخ وشد شعره: روح ربنا لا يباركلك ولا يبارك في الساعه اللي شفت فيها وشك..
فتون ضحكت: مالك حرقت اعصابك عشانه...
كرم بعصبيه: ما شفتيش نظراته ليك..شوي وياكلك..
فتون وقفت تفكر" معقول بيغير علي بجنون عشان انا بنت عمه بس!!"
كرم لف للموظف: يا رحيم..خلاص كفايه كدا النهارده انت روح الشركه وظبط اوراق اللي وافقوا اوكي....
رحيم: حاضر يا باشا ..حاجه تانيه؟؟
كرم: لا..شكرا...يالا فتون نروح عربيتنا لان الشمس بدءت تغلي دماغي...
فتون ابتسمت "مسكين ابن اكابر مش متعود على الشمس هههههه"
في العربيه.
كرم: جعانه!!
فتون: لا عادي..
كرم والجمود يغلفه: ممكن اعزمك على مطعم لاني ميت من الجوع..
فتون مش قادره ترفض وتقوله لا لانها هي كمان ميته من الجوع ردت: اوك مفيش مشكله..
..........
في المدرسه..
ابتهال مصدومه: يوم الخميس..!!
شهد والحزن مالي وشها..الدموع تعبتها..
شهد بدموع:ايوه يا ابتهال الخميس جواز شهد خلاص..
ابتهال: لالا..ابوك اتنجن بجد .. معقول يجوزك الكهنه ده..؟
شهد: ابتهال ...ياريته كهنه وبس..كهنه وقبيح جدا...استغفر الله..وشه كله مطبات..
ابتهال حبت تغير مزاجها: عادي عشان كل يوم تضحكي عليه..
شهد ابتسمت: ابتهال ..بطلي تريقه ههههههه.."ضحكت على حظها الاسود "..والله بضحك على نفسي..
ابتهال بجديه: لا الموضوع ده ما ينسكتش عليه..لازم نتصرف..ابوك مجنون..ومستحيل نخليه يرميك الرميه دي.
شهد: وايه في ايدينا...
ابتهال: كل شي في أدينا ..ولا يهمك يا قلب ابتهال..احلها لك.
شهد مسكت ايد ابتهال: ياريت يا ابتهال ياريت افديكي وقتها بعمري والله.
ابتهال ضمتها: والله ما يحصل يا شهوده انتي غاليه صحبتي وحبيبتي واختي كمان
شهد حضنتها بقوه: ابتهال ربنا يخليك لي...
ابتهال دمعت: ربنا يخلينا لبعضنا..
شهد بعدت عنها وهي تمسح دمعتها: وناويه تعملي ايه..؟؟
ابتهال: انا اقولك.....
.........................................
امير قاعد قصاد نسمه ولازق فيها بالظبط..
نسمه: طيب مين الي جاين بكره..؟؟
امير: يعني بعض شلتي وصاحباتهم...
نسمه: واخواتك..؟
امير عقد حواجبه: ما عنديش الا اخت واحده وجايه اكيد..
نسمه حبت تتعمق فيها اكتر:وعندك اخوات شباب؟؟
امير نزل راسه: لا....انا الوحيد..
نسمه انصدمت من الرد..."انا الوحيد"..تقصد انها الولد والوحيد...
: احم...طيب فين في بيتكم..؟
امير ارتبك: لالا.. في بيتنا ايه..انا حجزت قاعه..
نسمه: ليه مش في بيتكم...بما انها حفله صغيره..
امير: الظروف ماجتش معاي...
نسمه كان نفسها تسأل بس سكتت..
امير: مرات ابويا مش بتوافق..يعني حصل بينها وبينها مواقف كتير ومستحيل اعيد نفس الغلطه..
نسمه اشتغل عندها الفضول نفسها تعرف الموقف..
امير: مش حابه اغير جوك بمشاكلي...
نسمه بسرعه: لا بالعكس عادي...خدي...اقصد خد راحتك..
امير ابتسم على جنب: الغلطه ما تتكررش مره تانيه..يعني في مره عملت بارتي في البيت...وطبعا دخلت ست الحسن والدلال خربت كل حاجه وصغرت وشي قدام اصحابي..
"وتقلد صوتها": مجمع لي شلة الخراب...اطلعو برى بيتي واعملو الي عاوزينه "
نسمه: وعملت ايه اتصرفت ازاي...؟
امير: صح الناس طلعوا من عندي...بس الله وكيلك علمتها درس عمرها ما تقدر تنساه..صح بعدها اخدت تهزيئه من الوالد..بس فشيت غلي هههههه..اصلا انا مجننها في البيت..
نسمه: وامك..؟
امير لف للناحيه التانيه: مالها؟
نسمه: فين؟
امير: خليها ملهيه بجوزها وعيال جوزها.
نسمه تقريبا بدئت تفهم ليه حصل في امير كدا ...بس اكيد في شئ اقوى خلاها تتقمص شخصية ولد وتتعمق فيها للدرجه دي!!
نسمه حطت ايدها على ايد امير بحنان ..رحمته ورحمة حاله.
:اوكي اكيد حننبسط في البارتي..
امير وأيده على ايدها وهو مبتسم ابتسامه واسعه..:ربنا ما يحرمني منك يا قلبي..
.....
في العياده..
رجعت الحياة لسامي من جديد..اتغير 180درجه للافضل وخصوصا نفسيته..
ريهام تحكي له عنها وعن اخواتها
سامي: عاشق الغربه ده يطلع ايه..؟
ريهام ضحكت: بسلمتك ده يطلع اخويا.. تقريبا من سنين وهو برا البلد..ونادر لما يجي مَصر
سامي: طيب ليه..؟
ريهام: معرفش ..بس مش بيحب البلد هنا ..وكلمته"مستحيل اجي عند المتخلفين"
سامي :طيب بيعمل ايه هناك؟؟؟
ريهام: هو من ساعةما اتخرج من الثانويه وسافر يكمل..بس طبعا الفشل الذريع مرسوم على وشه يعني لا شهاده ولا اي بدنجان..بابا اجبره يرجع ويكمل هنا..رجع يمكن شهر ومقدرش يتحمل الجو ولا الحياة ..وقرر يرجع ويكمل المره دي بجد ..وفعلا نفذ اللي في دماغه ودرس عشان بس ما يرجعش هنا وكمل حياته هناك واشتغل كمان..وربك يستر لايكون كمان اتجوز
سامي: بصراحه اخوك ده غريب..
ريهام:هههههه معاك حق..اغرب ولد في الحياة اخويا..امي سمته عاشق الغربه لانه اتعلق بيها بشكل مخيف..
بس عارف الحمدلله انه هناك...لو جه هنا يا الله وجوده لا يطاق..دايما في مشاكل مع اخويا كرم..يعني هو البنزين واخوي كرم النار..
سامي ابتسم: رحمه ليكم انه هناك..
ريهام: ربنا يهديه لنفسه..بصراحه وجوده غير مرغوب فيه...
سامي غمز لها: وانتي...؟ايه النظام......."وسكت فجأه"
ريهام بصتلو: سامي مالك؟؟
سامي غمض عيونه بقوه لان احساسه انه قعد على نار بتخليه يغلي..ومقدرش يتكلم..
ريهام بسرعه وقفت: ثواني...انادي النيرس..
وطلعت ورجعت بالنيرس ...اللي معاها ابره مهدئه..
((بقلم منه محمد))
في المطعم..
دخلوا المكان
فتون ندمت انها وافقت..دلوقتي ازاي تتصرف معاه..ما تقدرش تخلي العلاقه رسميه"مدير وموظفه"...ولا تقدر تخليها سايحه"ابن عم وبنت عمه"..حست انها حطت نفسها في موقف غبي..
كرم كانت الافكار لحسه دماغه..متوتر وطبعا واكيد مش بيبان عليه...فرحان انه واخيرا قدر ينفرد بفتون في مكان بعيد عن المكتب والشغل..
سحب الكرسي لفتون بكل اتيكيت: اتفضلي...
فتون ضحكت من ذوقه..يعني عمرها ما تخيلت انها تصادف شخص بالذوق الرفيع ده..وخصوصا انه يحترم الجنس الناعم احترام مش طبيعي وبتلاحظ ده من تعامله مع البنات في الشركه..
أعد قصادها..تفكيره ازاي هيمشي اللقاء..وخصوصا انه الراجل ولازم يتحكم في مسار الاحداث على الموال اللي عاوزه..يعني هي بنت من حاره شعبيه وهو راجل من الطبقه المخمليه وهتفهم اي طلب له عكسي
سكت شوي..بس فتون لاحظت انه عاوز يقول حاجه بس لسه معندوش الجراءه : خدي راحتك...."قالها بسرعه"
فتون اندهشت من الطلب وووشها اتغير لونه ..كدا بدون مقدمات..
كرم بيلحق الموقف: يعني حر وتعب....فكي الجاكت بس من عليك..
فتون احمر وشها..صعبه الفكره...
كرم حس انها ممكن ترفض ونفسه يرد شوي من كرامته وطلبه الغبي..
:طبعا ده لو تحبي..والمصلحه ليك..مش ليا..
فتون رفعت ايدها ببطئ وخلعت الجاكت وهي منزله عيونها ..ما تقدرش تحطها في عينه القويه...
كرم ما صدق حركتها..لف للناحيه التانيه ناحية الشباك وكأنه مش متشوق يشوف حلاوتها وجمالها ع طبيعته من غير ما يستخبي تحت الهدوم
فضل يهز رجليه..دليل ع توتره..
حطت فتون جاكتها على شنطتها..وكان نفسها تشوف وشها بالمرايه..لانها لابسه بادي اسود توب اي نعم قديم بس عليها مخليها جميله ..اه لو تعرف انها هتخلع الجاكت لان المكان راقي جدا والي قاعدين يعتبر جنبها مش لبسين
كرم لف بس رقبته اتشنجت..
فتون محروجه ترفع عينها وتبصله..نزلت عينها على التربيزه.
لف كرم بسرعه واخد المنيو وحطه قدام وشه:ناويه تختاري انا جعان.
فتون بدء يخف حدة توترها لانه ما اهتم يشوفها..واخدت المنيو اللي قدامها...تشوف قائمه الاكل..الي عمرها ما جربته..اصلا لو تجمع الفايض من مرتبها كل شهر ممكن تفوت سنه عشان تقدر تاكل من نفس المطعم..ببساطه اسعاره نار...والواحد يستحرم يحط فيه مبلغ هو محتاجه...
فتون بحرج: انت ناوي تختار ايه؟؟؟
كرم حب يستغل الفرصه ونزل المنيو:تحبي اطلب لك على ذوقي..."وسكت يتأمل فيها"
فتون بصتلو بتجاوب...بس ضاع الجواب في بحر عينه..انصدمت من عمق نظراته ليها...ونزلت عينها على طول..وانحرجت منه..قاعد يتأمل فيها..
: اوك...ما عنديش مانع..
كرم حاول يجمع نفسه قبل ما يبوظ القاعده...طلع برا المكان بعد ما طلب واخدها فرصه يتنفس شوي...
راح الجرسون..وهو لسه واقف برا..
"كرم كرم مالك...مش من عوايدك تقلب كيانك بنت..انت شفت اشكال والوان..ومنها الاحلى..ليه بتضعف عندها..لا ما تضعفش"
اخد نفس طاقه ودخل مره تانيه...
لقي فتون مطلعه ملف للشغل وقاعده تقرء فيه..
حمد ربنا..على الاقل اتلهت عنه لا تكشف مشاعره وتقرا الكلام اللي بعيونه..
بس سألته: كام اخت عندك ...؟
كرم انبسط انها فتحت الموضوع العائلي ده بالذات..
كرم:عندي تلاته...ريهام 26سنه ..ونسمه وهبه توأم 18 سنه..
فتون ابتسمت: ما شاء الله..والولاد؟؟
كرم بدون نفس: واحد..
فتون استغربت حتى ما قال اسمه ولا سنه ولا حتى ابتسم على سيرته..
فتون بتفكر:ريهام اكبر مني بسنتين..بتدرس في جامعه..؟
كرم: ايوه...هي اخصائيه في مستشفى..
فتون: حتى هبه ونسمه أكبر من ابتهال اختي..تالته ثانوي مش كدا..؟
كرم ابتسم: كدا...<<قلدها..
فتون رفعت حاجب ما عجبتهاش الحركه:ومرات عمي...؟
كرم: مرات عمك سيدة مجتمع<<كان واضح انه بيقولها بأستهزاء
فتون استغربت منه..الراجل ده غريب في سيره امه واخوه مكشر...
كرم: وسامح عنده اد ايه...؟
فتون: تقريبا 21 سنه..
كرم بجديه اكتر: حلو..ليه ما يتوظفش في الشركه عندنا...
فتون اعجبت بالعرض..بس بسب المشاكل اللي بينهم وما تعرفش اسبابها المجهوله ما حبتش تقترح الاقتراح ده على الجهتين..من ناحية كرم او ناحية اهلها: معرفش هو يحب يتوظف
كرم: انتي مش حابه..؟
فتون بصت بعيد: لا..مش انا..اظن اهلي هيرفضو لانهم اصلا معترضين على وظيفتي...
كرم: عشان عند بابا..؟
فتون هزت راسها..
كرم: فتون....
فتون اتغير لون وشها بيقول اسمها بطريقه تانيه..غريبه!!
ردت: امممم.
كرم بص في عيونها: عاوز اعرف اللي بينهم..عاوز اكسر الحاجز ده..ومحتاجك تكوني معاي..
فتون بنفسها"لا حول الله...ده ليه بيكلمني بالاسلوب ده والله ثانيه كمان وقلبي هيقف من الخوف"
ردت:انا مش بدخل نفسي في دوامه انا في غنى عنها..
كرم بحنان: بس انا محتاجلك تساعديني..
فتون تنحت له وهي مش فاهمه ورى اللهجه ايه؟؟...سكتت
كرم بينه وبين نفسه محتار يتراجع ولا يتعمق اكتر..
شتم نفسه"مالك يا مخفي مالك..لا مش كدا..مش كدا...بشوية صلابه"
فتون: اساعدك في ايه..؟
كرم: حاولي تسألي تدوري وكدا يعني <<ورجع للاسلوب البرود..
فتون:مع انه مفيش حاجه ممكن تتغير ..بس بحاول..
وعم الصمت المكان..دقايق وجه الاكل وكانوا بياكلو بكل هدوء ..بس كرم بيسرق نظره وري التانيه والتالته .
وفتون بتاكل بتفكير بعيد
"ياريت اهلي معايا هههه بدال كرم المغرور"
ونفس المره اللي فاتت...رجع فتون لبيتهم وهو روح لبيتهم بدري...
دخلت فتون للصاله..
لقت ابوها قاعد يتابع التلفزيون واضح انه مش مركزه معاه..بقا لها كام يوم ما تكلمت معاه ..قررت تئعد وتحكي يمكن يديها منظر ولا يتعصب ويثور نفس كل مره..
قربت وقعدت جنبه .
فتون: اهلا يبه.
ابوها من غير ما يلف عليها: اهلا..
فتون: يارب يرد علي....احم..اخبارك..؟
بصلها بنظره جامده..لان سؤالها بايخ بالنسبه له..
فتون بلعت ريقها بالعافيه.وقررت تغير السؤال: يبه...كان عندك اخت...؟
فتحي رد بكل هدوء ..بعكس ما توقعت فتون: ايوه..
فتون كانت مستعده للخناقه والضرب عادي متعوده":اه الحمد لله..... كان اسمها ايه؟؟
فتحي وهو بيحاول يفتكر ملامحها اللي بدء الزمن يمحيها من ذاكرته
:مياده..
فتون استغربت: هي لسه عايشه...؟
فتحي: ما سمعتش خبر موتها....
فتون زادت غرابتها: وفينها اومال...؟
فتحي فجأه اتعصب ووقف: وانا ايش عرفني فينها ،،وانا لا عايزه اعرف عنها ولا هي ولا حتي اخويا ..انا سبتهم من سنين ومش عاوز اسمع عنهم حاجه خالص..اه هو سَيار لوحده الندل.بس هي وقفت تتفرج معملتش حاجه اي حاجه وكأنه عاجبها اللي عملو فيا..حتي ما سألتش عني..ولا تعرف هي ليها اخ اسمه فتحي ولا لأ..
فتون وقفت خايفه..مستعده لاي حركه مفاجأه منه:طيب ليه عمي عمل كدا..؟
فتحي نسى انها ما تعرفش السر: لانه غبي...وحقير وندل...مشى ورا كلام مَره..ونسى اخوه..غدر فيا الجبان غدر فيا واستحل حقي..
فتون عقدت حواجبها الافكار اندفعت لعقلها..
: حقك...؟؟؟؟
فتحي انفجر: ايوه حقي...سَيار مالوش ولا مليم ..كل الثروه ليا ..ابويا سجلها بأسمي..بس اخ,,اخ في زمن الاخ يطعن ضهر اخوه. في زمن ما تأمن نفسك مع الي من لحمك ودمك..واه من دنيا فرقت بين الاخوات عشان حبه فلوس...
فتون رجعت لورا: عمي سرق ورث ابوي!!!!!ده السر اللي خبوه من سنين...وليه ساكتين...؟
فتحي قرب منها ومسكها من ايدها بقوه: ما تتكلميش بحرف انتي ما تعرفيش ايه الي حصلنا ..ولا تعرفي ايه الي حيحصلنا لو طلع حرف..ربنا لا يباركلك لا انتي ولا اخواتك ولا حد فيكم
وزقها وطلع من البيت..طلعت امها بعصبيه...
فتون:ما زالت الصدمات مأثره عليها: يمه....فلوسنا..ليه ساكتين وراضين بالظلم؟؟؟ليه احنا نعيش الفقر وهما يتهنو..ليه..."ورمت شنطتها"..اشوف عيشتنا واتحسر على اساس ان احنا فقره ومساكين وما عندناش اي حاجه ..بس اكتشف انه واخد فلوسنا هو ومراته وعياله وعايشين بنعيم واحنا بجحيم..مين يرضاها ..قوليلي مين..؟
سلطانه والدموع تنزل من عينها وبحزم: فتون..اسمعي كلامي كويس وحطيه حلقه في ودنك . الشي ده اكبر مني ومنك ومن ابوك...عمك ماسك ابوك من ايده اللي بتوجعه يعني لو بتتهوري بتخسري ابوك..فهمتي...
فتون حست انها بتتجنن: يمه انتي بتقولي ايه ازاي يعني ماسك على ابوي ومخليه ساكت السنين دي كلها..؟
سلطانه وبدأ دقات قلبها تضعف: اسمعي يا بنتي..الكلام اللي هقوله لك بيني وبينك ..ومش عايزه أي مخلوق يعرف بيه..احنا ما سكتناش سنين واتحملنا الجوع والفقر والضنك عشان نيجي اخر عمرنا نخسر كل حاجه...
فتون وايديها تترعش من الانفعال وقالت بسخريه: هه اكتر من كدا خساره..اذا انتوا خسرتوا ثروتكم كلها...لسه فاضل ايه تخسروه..
سلطانه زعقت: فتون...احترميني..
فتون دمعت: يمه حرام والله حرام..
سلطانه: خليني اكمل كلامي...."وراحت تقعد لان رجليها مش شيلاها"
عمك ماسك على ابوك شيكات بدون رصيد..وبمبالغ كبيره..لو دخل بيها السجن مابيطلعش منه لسنين تعرفي ايه معنى سنين..
فتون حقدت على عمها وعياله ومراته وعمتها: معقوله يمه..اخ يهدد اخوه ويسرقه كمان...يعني ما كفاهوش انه سارقه فوقها يهدده..يمه ازاي سكتوا وصبرتوا"بدءت تبكي."...طيب حاولتوا..
سلطانه بنظرة ست متحمله معاها ذكريات الماضي الجريح..الماضي اللي ما تحبش تفتكره ولا بتحب تنبش فيه..لانه مستحيل يتغير لو اتكلمت فيه غير انه حيزيدها قهر وهم وخساره..داقت المر في حياتها...واتجرعت الاه والويل..قررت هي وجوزها يمشو جنب الحيط..لعلي وعسي يسلمو من شر الدنيا..
سلطانه:يمه ابوك ارفع منهم اخلاق..ما اقدرش يرفع على اخوه قضيه ولا يدخله محاكم..ما يقدرش يعمل حاجه..بس عرف يدمر نفسه بنفسه.شوف حاله يمه..ده حال!! ابوك من كتر ما شاف بدنيته وحوش قرر يبعد عن الدنيا الوسخه..غرق باللي يخليه ينسى اهله وعياله وحتى نفسه ..ابوك يا فتون ما كانش كدا..ابدا..كان راجل اخلاق ومحترم..بس لولا النفوس الضعيفه دي كنا زمنا كلنا بخير...
فتون غرقت في بحر المها ..حست بالقهر حست انه في شئ مزق قلبها وغرز فيه سكينه تلمه وسابه ينزف دم والم واه..
اتمنت لو ما سألت..اتمنت لو ما دورت ونبشت وري الاسوارالعاليه..اللي بنوها سنين..اتأكدت ان امها وابوها خبوا عنهم الا عشان ما يحسو باللي هي حساهدلوقتي..
كرهت الساعه اللي سمعت فيها كلام كرم....لالا ..كرهت كرم نفسه واهله واخواته وابوه وامه وعمتها وكلهم كلهم بتكرهم..دمروهم ودمروا عيشتهم
وكسروا فيهم كل مجاديف الحياة
###