البارت الثامن
#المشكله_والعنيد
منه محمد
فـــي المدرســــه..
نسمه ترتب ادواتها بسرعه لان الحصه الاخيره خلصت والبنات كلهم نزلوا....
اخدت شنطتها بايد وتلفونها بالايد التانيه وطلعت من الفصل مستعجله وصدمت بواحده..
نسمه:اوه سوري ياةقلبي...
البنت: ايه عميه مش بتشوفي...
نسمه لفت عليها : طيب قلت سوري..
البنت: يعني بجد تنفعني كلمه سوري...بجد ناس ما عندهاش دم وابقي فتحي عيونك مره تانيه ..
نسمه اتعصبت: مين الي ما عندهوش دم؟؟
البنت: يعني فيه غيرك يا مغروره هانم
نسمه بحده: انا احسن منك يا حوثاله..
البنت قربت منها وهي منفعله: انا حوثاله يا غبيه؟؟
نسمه خافت منها بس عملت نفسها قويه: ايوه حثاله وزباله كمان..
وسمعت صوت وراها غليظ: وحشره كمان..عندك حاجه عاوزه تقوليها...؟؟
نسمه سمعت الصوت الغليظ وبقوه ولفت عليها..وانصدمت لما شافت البنت البوي..
البنت :امير بليز ما تتدخلش...<<امير الاسم الحركي للبوي ..
امير: روحي يالا من هنا ..
البنت: بس هي...
قاطعتها امير: بلا بس بلا مبسش قلت روحي..
البنت اتنهدت ومشت وسابتهم لانها عارفه العواقب لو ادخلت..
بصتلها نسمه وهي خايفه منها...
قرب منها...
امير: اوك حبيبي ما تخافيش... هدي نفسك خالص"وحطت ايدها على خدها"
نسمه جسمها اتصلب ولا قدرت تتحرك ولا تتكلم..
امير: ممكن اوصلك للباب..؟
نسمه سكتت وتقديرا للي عملتو من شوي لازم توافق توصلها..
نسمه:اممم اوك مفيش مشكله..
امير مد ايده لنسمه: طيب يالا..
نسمه اتحرجت ترد ايدها وشبكت ايدها في ايد امير..
ووصلو عند الباب وهما ساكتين..
نسمه ماشيه بس مشاعرها متضاربه جدا..خوف..قلق..على شوية استلطاف بعد حركتها..
نسمه:تسلمي
امير ابتسم ابتسامه جانبيه: العفو...حبيبي انتبهي لنفسك..اشوفك بكره ..اوك..
وغمز لها وباسها من خدها وراح بمشيته الهمجيه..
<<<طبعا انا بتكلم بصيغة المذكر لان النوع الشاذ ده بيزعل لو كلمتيه على اساس انو بنت..وانا كمنه احترمت مشاعر امير..
نسمه تنحت ثواني ولبست شنطتها ع الكتف وطلعت وهي بتدعي انها ما تقع على وشها لان التوازن عندها اختل...
........منه محمد................
....: انا شاكه ان الحكايه فيها انَ..
شهد بقلق: هيكون فيها ايه ؟؟
ابتهال وهي بتلم كتبها بالشنطه: والله معرفش ..حتى انا حسيت..بس قلت يمكن نفسيتها تعبانه..
شهد: ربنا يستر ..
ابتهال: آمين..
.....:هاي صبايا..
ابتهال وشهد: هايات...
مرام: اخباركم؟؟
ابتهال: تمام والله..
شهد: منيحه.
مرام: ههههه ياريت تخلي اللبناني لاهله..
ابتهال: مشكلة بتحب تحتك بيهم ههههه
شهد بصتلهم باحتقار وسكتت..
وحبت ترد الحركه لابتهال..
شهد :الا بقولك ايه يا مرام..
مرام: خير
شهد: الا اخوكي لما شاف ابتهال في اليوم اياه قال ايه ع العفريته الي شافها بتصوت في الجنينه من حته فار
مرام ضربت كلها بكف ابتهال: هههههههههههههه حلوه..
ابتهال وسعت عيونها ع شهد: جنيه تدخل فيكي ولا تطلع يا بنت الفقريه.
شهد: هههه فقريه اهون من جنيه..
مرام: حرام عليك والله شكل اخويا خاف..
ابتهال على طول انقلب وشها وردي: بقولكم ايه قوموا بقي خلونا نركب الباص قبل ما حد يقعد مكاني.."وقامت"
شهد وهي مُصره تكمل الموضوع: ايوه برضو بجد قال ايه يا مرام ؟؟
مرام بصت لـ ابتهال بنص عين: والله انا راي ان اخويا دااااااب..هو ما قالش حاجه...بس الكتاب واضح من عنوانه..
ابتهال اختفت في نص هدومها..
ابتهال زعقت فيهم:بطلي هبل بقي انت وهي .
مرام : مين قدها الظابط وقع في حبها..
ابتهال مشت وسابتهم وهما ميتين ضحك عليها!!!!!.
...................
هبه في البيت مرحتش اليوم ونفسيتها دمااار..اول مره تخاف او تحس بتأنيب الضمير..
"يارب انا عملت ايه شكلي لعبت لعبه اكبر مني..اول هام تهديد ..وتاني هام كرم..والله لو عرف كرم بموت والله بموت.."
وخنقتها الدموع.سمعت موبايلها يرن بنغمه اجنبيه رومنسيه...
ردت بصوت مخنوق: اهلا ريموو..
ريماس: اهلا حياتي..مالك؟؟
هبه: ريماس والله ما قادره اتحمل اكتر من كدا "وانفجرت في العياط"...حاسه اني بتخنق
ريماس خافت عليها: ليه حصل ايه.؟
هبه بتحاول تسيطر على دموعها: لا ماحصلش حاجه ..بس بحس اني خايفه..
ريماس اتطمنت: الحمد لله ريحتي قلبي...فكرت فيك حاجه ..وبعدين ما تخافيش..مافيش شيء يخوف.كرم ومشت عليه انه بيعاكسنا..واياد مفيش شئ في ايده يعملو .
هبه.:اصلا هو كان بيهددني انه هيعمل حاجه اندم عليها ..ومش عارفه ممكن تكون ايه..
ريماس: ممكن تبطلي قلق هيعمل أيه يعني سيبك منه يولع ..وبعدين مش دي هبه اللي اعرفها..هبه حياتي عاوزاك ترجعي زي الاول ولا يهمك من اي حد..
هبه رجعت لها ثقتها شوي: رايك كدا؟؟
ريماس: ايوه طبعا..يعني انتي مش عارفه كلامهم اللي دايما يقولوه كله في الهوا..طمني قلبك وحطي ايديك ورجليك بمايا بارده..
هبه اللي اقتنعت براي ريماس..وفكرت انه فعلا اياد ممكن يعمل ايه مثلا ..ما عندهوش الا الكلام..
..............((منه محمد))..................
بعـد ساعه...
رن تليفون مكتب فتون..
فتون بصتلو وهي عارفه انه السكرتير لانه فعلا بقالها ساعه بالظبط طالعه من مكتب كرم ..
فتون ردت:أهلا ياسر...
كرم: لا المره دي مش ياسر..
فتون شرقت: كح كح..عفوا اهلا كرم بيه..
كرم بلهجه حاده: وبعدين اعتقد انه ما ينفعش تقولي ياسر كدا حاف..لان المكان اللي انتي فيه يفرض عليكي الاحترام..مش كدا برضو يا انسه فتون!!
فتون ارتفع ضغطها ترليوووون..
فتون بغيظ:معليش ..طلعت مني عفويه..
كرم ببرود: على العموم ياريت ما تتكررش ...وبعدين مش كل المكالمات بتكون لياسر...انتبهي للنقطه دي..
فتون في نفسها" الصبر جميل فتون والله المستعان"
فتون بطوله بال: اوك بأنتبه مره تانيه..
كرم: ودلوقت تعالي مكتبي..
فتون: اوكي جايه حالا..."وقفلت السماعه"...آآآآآآآآخ آآآآآآآآآخ نفسي اهرسه بسناني هرررس..
علياء مستغربه: مين؟؟؟
فتون وهي متعصبه وتاخد موبايلها: واحد دمه يلطش ورخم وبارد وتنح وسخيف..
هوايدا فهمت وضحكت: والله لو سمعك روحتي في خبر كان .
فتون وهي عند الباب: خليه يسمع ما يهمنيش..
علياء ضحكت: هههههههههههه بجد قويه..
قدام مكتب كرم
فتون : استاذ ياسر ادخل..؟؟
ياسر: ايوه ايوه اتفضلي..
فتون بدون ما تخبط الباب دخلت وقفلت الباب وراها..
كرم كان عطيها ضهره وباصص من الشباك..
فتون قربت منه...واستغربت "الشئ ده ليه مديني ضهره ؟؟...بس عليه جسم رياضي طبعا متعود علي النوادي.."
فاجأها بصوته: فكرتي..؟؟
فتون اتخضت ظنت بيلف ليها بيقعد الاول مش على طول يسأل
فتون: ايوه..
كرم:وقررتي ايه...؟؟
فتون: بما انك ما عطيتنيش مجال الا اني اوفق..فا انا موافقه..
لف كرم ليها: ايوه كدا ممتاز..دلوقت اقولك مبروك..الشراكه الجديده بيني وبينك..
فتون: الله يبارك فيك..طيب عاوزه اعرف ايه هي وظيفتي وبأيه ممكن اقدر اساعد..
كرم: الامور دي بعدين...يعني حكايه يوم او يومين واقولك..
فتون: طيب تامرني بشيء تاني..
كرم بحزم: لا سلامتك..بس مره تانيه خبطي ع الباب وانتي داخله...
فتون خلااااااااااااص فعلا مش قاده تتحمل الكائن السمج ده اكتر من كدا " دمه تقييييييييييييل استغفر الله."
فتون بين سنانها:حاضر..حاجه تانيه؟؟؟
كرم مثل نفسه بيفكر: حاليا لا...تقدري تتفضلي ..
فتون لفت بسرعه مش قادره تتحمل تشوف وشه وطلعت ورزعت الباب بقوه
فتون :بجد مغرور..
ياسر سمعها وكتم ضحكته: قلتي حاجه فتون..؟
فتون ارتبكت: لالا ....."ومشت بسرعه"
كرم ابتسم ابتسامه عريضه وأأعد على الكرسي واخد لفه كامله والابتسامه الساحره مرسومه على وشه...
.......................
فـ العيـــــــاده..
ريهام ..عرفت معلومات كتيره عن سامي ..تقريبا دخلت بأمور خاصه متعمقه بيه..قدر ياخد اكبر اهتمامها..
ريهام مش من النوع اللي يحب بسرعه لكن مشاعرها المره دي هي المسيطره عليها ترحم سامي..وحاسه انها هي المنقذ الوحيد له في الحياة..وخصوصا بعد ما فقد الامل بحياته وكان يتمنى الموت..لمست فيه جوانب كتير حلوه.. شخصيته مرحه..ابتسامته المشرقه..في ثقافته الواسعه وفي حنيته وطيبه قلبه..وكتير تزعل في نفسها عليه كل ما تفكر انه وحيده بدنيته مالوش صاحب ولا رفيق..ولا حتى اهل..
دخلت عليه: صبــاح الخــير..
سامي ابتسم: دلوقت مساء الخير..أتأخرتي.؟
ابتسمت ريهام: انشغلت شويه..
سامي بعفويه: كنت مستنيك..
ريهام صدمتها الكلمه وما حبتش تعلق عليها..
ريهام:عامل ايه اليوم..؟؟
سامي حس انها رجعت له: الحمد لله تمام..بس كنت بجد قلقان بالنسبه للعمليه..
ريهام: استني الاول تطلع النتيجه ..بعدين اقلق براحتك!!!!!
سامي: انا قلقان من النتيجه خايف......خايف ما يكونش ليا امل..
ريهام: لا ما تقولش كدا ..الامل بالله.. وصدقني لو ربنا كاتب لك حياة جديده..ها تعيش الحياة غصب عن الكل..
سامي: ونعم بالله..بس تصدقي دكتوره ريهام..نفسي النتيجه تنجح عشان احقق موال في دماغي..
ريهام اتحمست: وايه هو الموال؟؟؟
سامي ابتسم : بعدين اقولك عليه..
ريهام ضحكت: والله بعد ماحمستني ..ليه قلتليش عليه..؟
سامي ابتسم: والله هتعرفينه صدقيني..
ريهام بصت في ساعتها: طيب سامي..انا هسيبك دلوقت..اشوفك على خير..
سامي: شكلك مشغوله..اوكي اشوفك على خير..
ريهام ابتسمت : ورايا شغل قد شعر راسي..باي..
وطلعت......
خالد لمح ريهام طالعه من غرفة سامي ..مستعجله على غرفه تانيه..وقرر ينفذ اول خطوه مرسومه في دماغه.
خبط علي الباب ودخل: السلام عليكم..
سامي:وعليكم السلام..
خالد:ها طمني عن صحتك اليوم سامي؟
سامي اتفاجاء زيارته: لا الحمد لله كويسه..
خالد قرب لعنده ورفع ملف جنب راسه..
خالد:لالا ما شاء الله..كل امورك تمام والحمد لله..واظن دكتوره ريهام ما قصرتش..متابعه حالتك بدقه..
سامي مر طيف ريهام قدامه زي الطيف الجميل
سامي:لولا الله ثم هي ما وصلتش للي انا فيه حاليا...
خالد ضحك: ههههه الحمد لله اني عرفت اختار واحده نشيطه وصبوره.
سامي مفهمش معني كلامه.
خالد اللي حس ان سامي ما فهمش قصده..
خالد:ربنا يوفقنا انشاء الله..ادعي لها الدعوه بعد ما قامت بواجبها ووفيت جميلها..
سامي اتصدم: انتوا مخطوبيــــن!!!
خالد واخيرا ووصل لهدفه: ايوه ما عندكش خبر هههههه شكلي بوظت مفاجأتها ..على العموم ما تقولش اني قلت لك لا تزعل مني وتقول متسرع..وربنا يشفيك ويديم الصحه والعافيه عليك..سلامو عليكم..
وطلع بعد ما قلب الدنيا رأسا على عقب..سامي مش قادر يستوعب.."ريهام مخطوبه.......مخطوبه!!...طيب ليه ما قالتليش ...ليه خلتني ابني احلام واعلق امال...ليه؟؟؟...حرام عليك يا ريهام..حرااام..انا قلت مستحيل حد يكون وفي وصادق..مستحيل...حتى انتي يا ريهام حتى انتي.."
منه محمد
......
بالليــــل..
وفي صالتهم الصغيره..قاعدين ومنسجمين مع التلفزيون..
وفجأه رن موبايل سامح..
سامح طلع موبيله من جيبه وكشر واتغيرت ملامح وشه.
رد بدون نفس: ايوه..
سامح:طيب ...دلوقت؟؟
سامح:وسامر؟؟
سامح:خلاص..خلاص اوك انا جايلكم..
وقفل السماعه واخد نفس عميق وخرجه بأقوى ما عنده..
كانت في عيون خفيه بتراقبه وخايفه عليه..
فتون: سامح كنت بتتكلم مع مين؟؟..
سامح ارتبك: واحد....من الشله
فتون: وعاوز منك ايه ؟؟
سامح قام ومثل انه بيدور ع الشوز: فين جزمتي..؟
فتون وهي رافعه حاجب: شوفها وراك...في الكرتونه
سامح اللي حس انه متوتر ابتسم ابتسامه باهته: مش شايفها والله..يالا يمه انا طالع..ولو أتاخرت ما تقلقوش علي اوكي..."وطلع"
سلطانه: رايح فين ده؟؟
فتون وقلبها مش متطمن وبدئت الشكوك تزيد: والله ما عرفالو..بيقول مع صحابه..
سلطانه: الله يحرسه من كل شر..
فتون بنفسها "امين..وربنا يستر منه كمان"
فتون:ابتهال قومي نحط العشي..
ابتهال بعالم تاني" يعني يمكن علاء يكون حبني من اول نظره..يكون قلبه دق ليه ..الحمد لله ان اليوم كنت شيك..وطالعه حلوه..ولو قلبه مادق لي يبقي اكيد ما عندهوش ذوق ولا نظر.....والله لو يشوفني بطرف عين من حقه..بجد انا واحده غبيه..ده ظابط.. ..بس قلبي غبي اعمل فيه ايه..لو انا حبيت عبد الله اخو شهد مش كان احسن"
فتون بصوت عالي: ابتهااااااااااااااااااااااااال طرطشتي.
ابتهال لفت مخضوضه: نعم نعم نعم...ليه بتصرخي طارشه انا
سلطانه: والله انتي فعلا طرشه..
ابتهال احمر وشها: طيب عاوزين ايه؟؟
فتون مسكت راسها: يارب صبرك..لو انا حاطه العشي لوحدي كان اهون..
ابتهال: كنتي حطيتيه لوحدك هي نقطه وانتهينا مش لازم النكد والغم الشخط والنطر ؟
فتون نفخت وسابتها وهي مولعه ..واعصابها تعبانه اصلا من كرم وحكايته.. وغير سامح اللي بتحسه انسان غامض .
...................................................
راح سامح للمقر
دخل عليهم: السلام عليكم..
الكل: وعليكم السلام..
مهند ابتسم: جيت اخير يا سموحه اصل كنا ناوين نعملك حفلة لاول نجاح ليك..
سامح بدون نفس: والله نجاح مرة واحده!!
رائد بلع ريقه لان مهند ممكن اعصابه تفلت من رد سامح: ههههه المفروض تفرح يا سامح..
سامح بص لسامر : اخبارك ياسامر..؟
سامر ابتسم وعرف انه عاوز يسكتهم: تمام .
مهند اللي فار في مكانه من القهر واسلوب سامح...
مهند بتهكم: النهارده الارباح ما شاء الله عامره..وهنقسمها على الشكل التالي..سامح ياخد النص لانه اكتر واحد اشتغل...انا ومحسن ورائد ناخد ثلاث ارباع النص التاني..والتلت ليك ياسامر لانك كنت بتراقب بس ...الكل موافق؟؟؟؟
الكل رد الا سامح: ايوه...
دخل مهند الغرفه لثواني وطلع بعدها وماسك فلوس في ايده...
وبدء في التوزيع والابتسامات ماليه وشوشهم كلهم..
سامح بعد ما اخد نصيبه: سامر هات نصيبك..
سامر عطاه الفلوس: ليه..؟
سامح جمعهم وعدهم وقسمها بالنص بينه وبين سامر
سامح ضحك:والله تستاهل اكتر من كدا يا سامر.
سامر ابتسم بحياء من سامح دايما افضل منه بكل شي:تسلم يا اخويا.
سامح غمز له: اوعي تنسى اللي بينا..
مهند والشله اللي معاه فار دمهم..
مهند: ما عجبتكش القسمه يا سامح.
سامح: الا عجبتي..بس اعتقد اني حر بفلوسي..
رائد: انت حر..بس انت محتاجها اكتر...
محسن: وفرها لنفسك احسن..
سامح: قلت لكم انا حر...فلوسي لو احرقها محدش له دعوه بيا..ويالا عن اذنكم "ومشى كام خطوه"
مهند صرخ: هتيجي معانا في المره التانيه..؟
سامح وقف بدون ما يلف ويبصلهم: مشعارف ...اتصلوا بيا "وطلع مع الوكر"
سامر حصله بعد دقايق..
مهند بحقد: طيب يا سامح الكلب والله لو ما كسرت دماغك ما اكون مهند..
......
فتون شافت ابوها لسه داخل وقعد بالصاله كالعاده فاقد نص عقله..قربت وقعدت عنده..
فتون بهدوء:يبه..
ابوها ما ردش..
فتون كررت:يبه...ابو سامح..
فتحي بدون نفس: نعم..!!
فتون :الدين الي عليك يطلع كام ؟
فتحي اتعصب: الله يلعن الديانه..ما مزهقوش.
فتون ضحكت: يعني ما عندكش نيه تسدد..وعاوزهم يملو..محدش بيمل من حقه..المهم يبه ما تعرفش كام بالظبط..
فتحي ولسانه ثقيل: وانا ايش عرفني بيهم.انشاء يولعو ولا ياخدو مليم احمر..
فتون ضحكت وهي كلها الم: بعد ما كلت حقهم بتدعي عليهم..
وسمعت صوت الباب الخارجي يتفتح..
سامح :فتون لسه صاحيه؟؟؟
فتون: مش جايلي نوم..
قعد جنبها: ليه..؟؟
فتون: قلت احسب دين ابويا واشوفه كام ...؟
سامح حك راسه: اعتقد انه مبلغ كبير...
فتون اتنهدت: عارفه..بس عاوزه اعرف كام..عشان ابدء اسدد فيه..ملينا وزهقنا والديانه تهبد كل شويه ع بابنا...
سامح بثقه: خلاص ولا يهمك انتي خلي دين ابويا علي..
فتون: هههه ليه عندك مال قارون...
سامح: انا بتكلم بجد ...سبيه علي...انتي عليك التزامات كتيره...
فتون استغربت: ومنين حتجيب الفلوس..؟؟
سامح : ياستي بدبرها..
فتون: طيب ازاي...؟؟
سامح قام يودي ابوه لغرفته: انتي متشغليش بالك اخوك يحلها..
واخد ابوه بأيده وسنده علي كتافه وراح لغرفته..
فتون قعدت بحيره والافكار تاخدها يمين وشمال...وفي نفس الوقت ما تقدرش تشك باخوها وبنفس الوقت الشك مالي قلبها.
...............................................
دخل كرم البيت متاخر...و ده مش من عادته ..لانه لازم يحضر العشي..
كرم: السلام عليكم..
الكل : وعليكم السلام..
هبه اتفزعت وبعدين هدت نفسها "ريلاكس هبه..ريلاكس مالك.محصلش حاجه ومش هيحصل حاجه اهدي بقي يا بنت .."
رمى كرم نفسه على الكنبه....وبص لـ ابوه
سَيار خاف يتكلم كرم عن موضوع عمه قدام اخواته
سَيار:روح غير وارتاح..
كرم بهدوء:طالع دلوقت...بس الاول بقولك حاجه...مهمه
سالي حطت ايدها على قلبها وبصتلو وهي خايفه..
وسَيار نفس الشي...
كرم حس بخوفهم وكان نفسه يضحك عليهم...بس مسك نفسه بالعافيه!!!!
كرم:بقولك ....اني مش همسك مشروع المصنع..
سَيار اخد نفس وارتاح: ايوه مش مشكله ...بس ليه؟؟
كرم:في دماغي خطه ممتازه.
سَيار:براحتك يابني..
كرم: امال فين ريهام ..؟
الا بدخلة ريهام: ميي جايب في سرتي..؟
كرم: بسأل عليك..
ريهام: الله يسلمك كويس ان حد افتكرني .
سالي: انتي سيبي شغلك واحنا نفتكرك ..
ريهام بملل: ماما...مش هخلص من نفس الموال..
نسمه طول اليوم مشغول بالها ....فالبنت البوي ..قلقت تفكيرها..لانها متعرفش دي عايزها منها ايه ..
كرم: نسمه هبه..اخباركم..شايفكم ساكتين...؟
هبه ابتسمت غصب: لا عادي ..تمام...
نسمه ساكته..
هبه لفت عليها ونغزتها: كرم بيسأل عليك...
نسمه: ها...كرم بتكلمني..
كرم رفع حاجبه...:بدري..؟؟..مالك.؟
نسمه: لا عندي امتحان بكره وخايفه شوي...
سالي: شدي حيلك يا نسمه انتي واختك وقلت لكم انه فيه مفاجأه حتعجبكم...
ابتسموا الاتنين: انشاء الله..
كرم حس انهم مش طبيعين...بس وقف لانه فعلا تعبان:يالا تصبحو على خير..
الكل: وانت من اهله...
ريهام: ماما ماتصلش عاشق الغربه...؟؟
وقف كرم على سيرته وكشــر ..بيكرهه كره العمى..
........((منه محمد)).............
صبــــاح يوم جديد...
منار: والله غبيه..
ريهام: ليه.....انا معملتش حاجه غلط..
منار: دكتور خالد كويس معاك ليه بتحبي تعانديه..
ريهام بتكشيره: انا مش بعانده بس مبحبش حد يفرض على حاجه انا مش عايزها..
منار: شوفي الحكايه كلها مريض وانتهينا..
ريهام بحده: والمريض ما عندهوش احساس....يعني مالوش حق يتعلق بدكتور ويرتاحلو....ليه نغيره..وخصوصا انا خايفه ان حالته تنتكس وترجع لورا..
منار: والله انتي حره...عارفه مصلحتك..
ريهام: ايوه انتي قلتيها..اوك حبيبتي اسيبك تشوفي شغلك واشوف شغلي..
منار: اوك..اشوفك على خير,..
طلعت ريهام من مكتب منار وهي تراجع جدولها وكشف اسماء المرضى اليوم..
ريهام: أبدء بسامي الاول.
وفعلا راحت تنفذ اللي في دماغها..
خبطت علي الباب ودخلت..
كان واقف عند الشباك الطويل اللي بيطل على جنينه المستشفى الخضراء..وساند ايده على الشباك..
ريهام استغربت وقفته..
ريهام:صباح الخير ..سامي..
سامي قلبه وجعه قوي لما سمع صوتها مع انه كان عارف انها هي من دقتها للباب ومشيتها المميزه..
ريهام عقدت حواجبها وقربت شوي..
ريهام:سامي...صبـاح الخير...!!
سامي وهو بيحاول يداري دموعه لا تنزل قدامها
سامي بصوت مخنوق:في حاجه دكتوره ريهام..؟
ريهام انصدمت من رده: سامي..حصل حاجه؟؟انا غلطت معاك في حاجه..؟
سامي: دكتوره ريهام انا بخير وتمام جدا ..وياريت تبلغي الدكتور الي مسؤل عن حالتي اني صرفت نظر عن العمليه ومش عاوز اعملها...وتقدري تتفضلي ..
ريهام مصدومه مش قادر تلحق تفهم الجمل اللي قالها ..هي مش عارفه ايه اللي قلب حالته بالشكل ده!!
ريهام: سامي كل شي ولا العمليه...ليه صرفت نظر انك تعملها فهمني..؟
سامي لف عليها وواضح من عيونه اللي فيها لمعه تدل على انها مليانه دموع..
سامي بحده :قلت مش عاوز ايه..غصب!!
ريهام: سامي مش هطلع من هنا الا لما اعرف ليه..؟؟
...........
فـــــي الشـركه..
كرم بيدور في مكتبه الواسع وهو محتار مش عارف اي كخطه اولى ينفذها...وفتون تقدر تقبلها .
دخل ياسر عليه ولاحظ توتره..
ياسر: كرم بيه الوفد وصل..
كرم: خليهم يدخلو.."ولمعت فكره في دماغه"اوك خلي فتون تيجي اوك..وما تدخلهاش عليا ع طول..
ياسر بعد فهم:اخليها في مكتبي..؟؟
كرم: ايوه..
ياسر: امرك يافندم
ثواني ودخل الوفد الاجنبي المتكون من خمس اشخاص من جنسيات مختلفه..
واستقبلهم كرم ورحب بيهم..
..................................
ياسر حول لمكتب فتون: اهلا فتون
فتون: اهلا استاذ ياسر..
ياسر ضحك: ههه حلوه استاذ ياسر بتحسسني اني مهم..طيب انسه فتون تعالي مكتبي..
فتون استغربت ما قالش مكتب المدير: ليه...؟
ياسر: علمي علمك...دي اوامر كرم بيه..
فتون: ثواني واكون عندك...
علياء: ناس كترت روحاتهم لمكتب المدير معرفش ليه..؟
هويدا تكمل معاها: قلقانه يكون وقعو في شباك بعض ولا حد سمى عليهم..
فتون: ياغلستكم انت وهي ..ما قلت لكم ان فيه مشروع وانا قائمه عليه..
علياء استغربت: انتي..؟؟؟
فتون بتهكم: ليه واقعه من عينك ..؟
هويدا بنفس الدهشه:اول مره يختار بنت تكون معاه..
فتون اندهشت: بجد!!..يمكن انا غير ههههه...لا بس اكيد عشان لي علاقه بالحكايه من ناحيه
علياء: ازاي...؟
فتون: اروحلو دلوقت..ولما ارجع ابقي اشرحلكم ...
وطلعت لمكتب ياسر..
فتون : ســـــلام..
ياسر: وعليكم السلام اتفضلي..
قعدت فتون : ما قالكش عاوز مني ايه..؟
ياسر: لا...بس حاليا هو عنده وفد..ومشعارف أمتى بيخلصو..
كرم فتح الباب..
كرم بسرعه:فتون وصلــت..؟؟؟
ياسر وقف: ايوه..
كرم لف على المكان اللي أأعد فيه فتون...وقرب منها ..
فتون لما قرب وقفت..
كرم بهدوء قاتل: صباح الخير انسه فتون...
فتون: صباح النور..
كرم : أأعدي...."وقعد على كنبه طويله شوي"
فتون تبص ع الكنبه ..وتفكر لو قعدت ايه المسافه الفارقه بينهم..
كرم شافها تتأمل المكان اللي مفروض تقعد فيه وفهم قصدها..
كرم: اقعدي مش هاكلك
فتون: لا مرتاحه وانا واقفه..
كرم: وانا مش مرتاح وانا رافع رقبتي ومشعلقها..قلت لك أأعدي.
فتون ما عجبتهاش لهجة الاوامر دي وكانه ولي امرها ..بس استسلمت وأأعدت على اخر الطرف..
كرم بجديه: شوفي يا انسه فتون..جوه فيه وفد اوكي..هم اللي حيشاركوني في المشروع الجديد..اللي هو اراضي حارتكم اوك..
فتون معاه بجديه: ايوه..اوك..
كرم: انا عاوزك تكوني مساعدتي بكل خطوه...يعني المشروع ده تنسي تماما ان انا مديرك وانتي موظفه ..وحتكون علاقة شريكين..انا بالفلوس..وانتي عليك مهمة اقناع اهالي الحي في بيع ارضهم والشغل في المصنع...والوفد عليهم التخطيط والهندسه..
فتون اللي اتحرجت من فكرة تكون القرابه اكتر بينهم: اوك...
كرم:أي راي...اي شئ..اي تعليق نفسك تقوليه اوعي تتردي انتي مقامك من مقامي...
فتون: اوك...
كرم: يالا ندخل واعرفك عليهم..
فتون وقفت قبله وهي ساكته...
وقف كرم بعدها وراح عند الباب وفتحه: ياسر مش عاوز أي اتصال او ازعاج..
ياسر: امرك .
كرم: اتفضلي انسه فتون..
فتون اللي اتحرجت تعدي من جنبه بس اضطرت ودخلت..
دخل بعدها كرم وقفل الباب..
ياسر اللي استغرب كرم جدا..
"اول مره يعمل الحركه دي مقامها من مقامه..وشريكته..انا واللي هو انا ..وعنده موظف عمره ما رفع التكليف بيني وبينه ..ولا حتى برا الشركه ..ليه بقي هي...لا يكون مفتون بيها!!!!"
دخلت فتون واتوترت شوي..اول مره تقابل وفد اجنبي..هيكون فاهم ودارس ومثقف وصعب مواجهته وحتى مناقشته..
سمت بالله وأأعدت معاهم..
كرم عرّفها بالوفد..وعرف الوفد بيها..
وقدر يدخلها بالغصب بينهم وبين حوارتهم لانه حاس بتوترها وخجلها...
مدحها عندهم وكأنه مش اول مشروع بينهم وده اللي استغربته فتون منه..
الوفد اعجب بفتون كتير وخصوصا ان كل اقتراحاتها في محلها ولو حتي كانت بسيطه
كرم كان بين فتره والتانيه يبص لفتون ومركز لكلامها واسلوبها وحتى حركة ايديها...
وجواه راسم ابتسامه واااااااااااااااسعه وراها الف معنى ومعنى..
فتون بتحاول قد ما تقدر انها تثبت وجودها ومش حابه تكون اقل من المستوى المطلوب ولا عاوزه كرم يمسكلها علي تقصير ويمسكه عليها..
بعد مرور تلات ساعات دامات بس في مناقشات ...طلع الوفد..
كرم بعد ما طلع الوفد وقفلو الباب..سند ضهره على الكنبه الجلد بتعب..
كرم بتعب: اووووه هدوا حيلي..."وفتح زراره الاول بس"...
فتون بصتلو شويه اول مره تشوفه يتكلم بعفويه كدا...حست انها اتعودت عليه..فكت اول زرارين من جاكتها ورجعت قفلته بعد ثواني مره تانيه..
كرم انتبه لحركتها..
كرم: حرانه؟؟؟؟
فتون لفت عليه: لا عادي...
كرم: لو تحبي تقلعيه عادي..
فتون وكأن حد ضربها رصاصه:افندم.؟؟؟
كرم استعبط : اقصد الجاكت مش الي تحته...لو حرانه اقلعيه عادي..
فتون وكل خليه في جسمها ارتجفت: كرم بيه انت مستوعب الكلام اللي بتقوله..
كرم بثقه: ايوه..
فتون وقفت: عن اذنك..
كرم وقفها بنبره حاده: تعالي اقعدي...
فتون بدئت تخاف منه وحست ان نيته مش صافيه : اعتقد الاجتماع خلص..
كرم: بس اظن انا ما خلصتش كلامي..
فتون بنفسها" مصدق نفسه البتاع ده............"
فتون:فاضل شئ ما قلتهوش..
كرم : ايوه..
فتون استغربت منه ...وسكتت يكمل..
كرم وهو يدلك ورا رقبته: اه عادي لو قلعتيه لاني ابن عمـــك...
فتون وقعت منها نص الاوراق اللي معاها..مش مستوعبه الكلام اللي عَمال يقــوله..
البارت الجاي لعبه القط والفار هنشوف عجب