روما بين الضابط والجميلة_ .
للكاتبة:#مريم محمد
Part 2
دلياز:صبتلي اكل امي اكلت وكعدنا وتجمعنا جمعة عائلية وسولفنا اثناء مدنسولف خابروني عدنا آنذار
ام دلياز:ها دلياز شبيك
دلياز:يمة راح اروح خابروني عدنا آنذار
ام دلياز:يايمة غير هاي عطلتك اشو مانشوفك ابد يعني ماكو غيرك الخلقك ما خلق غيرك اي مو مجمعين
دلياز :يايمة هذا شغلي يلا اني صاعد ابدل حتى اروح راح يجي علية فاضل (طبعآ فاضل صديقي من طفولة طبينا كلية اني وياه اعتبرة اكثر من اخ كل أسراري يمة)
ام دلياز:شوكت تجي
دلياز:ماادري يلا اني صاعد ..رحت بدلت ولكيت فاضل ينتظرني بالباب مالتنا رحنا للمركز كلولنا باجر تروحون يم المدرسة نفسها لأن هنالك اكو جاسوس ارهابي
دلياز:كيفت ماادري ليش اجتي على بالي شمسي كلت بلكي اشوفها
فاضل:دليااز شبيك مو صارلي ساعة احجي وياك وين صافن
دلياز:ها شبيك اي وياك
فاضل:باجر نروح اني وياك وعمر يم المدرسة زين ب6نروح
دلياز :شدعوة من ال6 شعدنا حصاد
فاضل:ترى موجديدة عليك هذا شغلنا
دلياز:استغفر الله اي ميخالف
شمس: كعدت ثاني يوم هم بالدفرات ماما كعدتني مابية حيل😑 رحت غسلت وبدلت وكعدت تريكت وهم نفس الأسطوانة اقري واقري اييي ماالي واهس اني ادري بروحي ماانجح السادس صعب شورطني وطبيت علمي اووف😑
ام شمس:يلا شمس اجة الخط
شمس :اي ماما(بضوجة)
حسين:اشو من ماعاجبج حجينا هاي فوك ماننصحج
شمس:لا عاجبني وغصب علية يعجبني ونص😒
حسين : ها عبالي😒😒
شمس: رحت للخط صعدت ضايجة
نسرين: شبيج شموسة شو ضايجة
شمس اوووف نسرين روحي طافرة يومية نفس الأسطوانة اقري واقري
نسرين:فعلآ شمس لازم تقرين الحق وياهم انتي مهملة ترى هذا مستقبلج مابقة شيء على استلام شهايد حتى نشوف ندخل بكالوريا لولا
شمس:اهوو حتى انتي اني ادري بروحي ماادخل بكالوريا شكو اتعب روحي
نسرين: 😒مامنج فائدة
شمس:😑 اووف ..وصلنا للمدرسة وكالعادة نفس الاسطوانة دروس ومدري شنو طلعنا
نسرين:شوفي ذلك الضابط نفسة الي البارحة اجاج
شمس :وينة
نسرين:ذلك
شمس :اووو مابية حيل اباوع
نسرين:😒
شمس: 😑..يلا امشي
نسرين:شوفي شلون اكلج بالنضرات
شمس:منو؟
نسرين :الضابط
شمس:كبر
نسرين:ترى والله يلوكلج اذا يصير زوجج😹😹😹
شمس:😑😒
نسرين:يلا امشي امشي😹😹😹😹
شمس:كافي لاتضحكين
نسرين:😬
شمس :ضل بالي لمن نسرين كلتلي الضابط يباوع عليج ضليت افكر بعدين كلت يااا هاي شبية هزيت راسي طردت الأفكار
ابو رحيم:يلا بنتي شمس نزلي وصلنة
شمس :هاي اي عمو يلا باي
الكل:بايات
شمس: طبيت البيت تعبانة..مامااااا شمسوية اكل
ام شمس:شبيج تصيحين مسوية بامية وتمن
شمس:احممم اوكي اجو بابا واخوتي
ام شمس:هستوة اجه ابوج ديبدل اخوتج بعدهم
شمس:اهووووو شوكت يجون والله جووعانة ماما صبيلنة همه بعدين
ام شمس:لا ولج غير سفرة وحدة شبيج مشايفة
شمس : حقكم مشايفين التعب
ام شمس:ادري دازينج للحصاد هي مدرسة تدرسين وترجعين
شمس:اي الرجلية بالمي البارد مو مثل الحار ..يلا المهم اني صاعدة ابدل....رحت بدلت وغسلت باوعت غرفتي صبح ماعزلتها اهوووو انوب هوسة همزين ماما مشايفتها..رحت نزلت لكيت اخوتي جايين همزين كعدت اكل اثناء الاكل بابا كال بيت عمكم حسن اليوم راح يجوون
ام شمس:هلا بيهم كل الهلا
شمس (بكلبها) اهووو شعدهم جايين هذا ابنهم شكد غثة حاط عينة علية بس يحجي هالمرة اذا يسوي شيء اروح اكول لمحمد أخوي علية 😑 ....المهم كملت وغسلت و رحت صعدت فوك الغرفتي كلتت اهو الغرفة هوسة انام شوية واعزل الغرفة نمت كعدت الساعة ب 5 غسلت وعزلت غرفتي ولكيت نستلة بجنطتي اكلتها وكعدت اقرة شوية اثناء دراستي هم اجة بالي كلام نسرين بعدين كلت اني ويني وين الحب خلي اكمل دراسة لأن باجر عندي امتحان ولوو ادري بروحي ماادخل بكلوريا بس شأسوي شوية وكملت دراسة نزلت ولكيت بين عمي اهنا اهووو كوة سلمت على ابنهم هو ضل يبصبص شوية وصعدت فوك ماتحملت ابنهم نزلت اريد اشرب مي فتت من يم الهول شافني ابن عمي واجة لحكني للمطبخ
تامر: هلاو شمووس
شمس:هلا (طبعآ من ورا خشمي كلتها)
تامر:شو ضايجة
شمس: لا مضايجة
تامر: هااا شلونج بالدراسة
شمس:زينة بس ممكن توخر لان اريد اروح وجودنا خطأ
تامر:اي حقج شموس حقج روحي
شمس : اممم يلا باي
تامر:تعالي كعدي يمنا
شمس:ها لا اريد اروح اصعد وعفتة ورحت كلت اهوو شكد لزكة لو يموت مااخذة احسة ماعندة شخصية 😪
المهم رحت كعدت ع التلفون صارت بال ١٢:١٧ نعست نمت كعدت بالدفرات نزلت تريكت بس الحمد لله هالمرة الكل ساكت ماكو اسطوانة كل يوم اقري وادرسي واتعبي اجو ابو الخط ورحت ويه نسرين كلتلي شكو الشرطة يومية اهنا ذلك نفسة الضابط الي باوع عليج
شمس:كتلني الفضول وردت اشوفة شفتة وباوعت علية ملامح حادة عيون مثل السيف الخشم قلم عدل حنطي شواربة اتخبل جسمة يمووت معضل وضخم ضليت صافنة جمالة يخبل شفتة اندار وباوع علية عيونة مثل الصقر يخوفن وحلوات اني من باوع رأسآ نزلت راسي وفتت للمدرسة درسنة وكملنة وكذا..طلعنة وهم شفتة بس خطف مباوعت علية كلش رحنة اني ونسرين لأبو الخط وصلنة للبيت
ام شمس:يلا اليوم ابوج واخوتج هنا روحي بدلي وتالي اكلي مسوية مقلوبة
شمس: ايييي وأخيرآ اليوم الرزق نازل رحت بدلت بسرعه وكعدت اكل كلت محمد طلعني اليوم
محمد: انجبي مابية
شمس: اننن انته انجب حباااب طلعني
محمد:هه ذلي روحج يلا اطلعج 😌
شمس:😡😡حباااب
محمد :بعد
شمس:امم يروحي
محمد: اوكي نروح مول
شمس: يعني والقطة الزينة من اخي العزيز😌
محمد :بطلت مااطلع
شمس:ها لالا ماكو قط😬😹😹
احمد:هاي بدال متكعدين تدرسين
شمس: بكلبها..اهووو
شمس:رحت بدلت وطلعنا للمول وقطيت محمد😹
محمد: هاي عود كلتي مااقط لعد اذا ردتي تقطين شسوين مشترية المول كلة شعندج بهالملابس
شمس:😹😹😹سوالف بنات معليك
محمد:دامشي وعثرت ببنية اها العفو
البنية :تمام
شمس😹😹😹شبيك فشلتنا متعرف تمشي 😹
محمد:انجبي
شمس :اوكي انجبيت بس جوعانة😬
محمد :ماعندي فلوس قطيتيني😒
شمس:البنك المركزي العراقي كلة يمك جذاب لا قطيت ولاشيء جوعانة
محمد: تاكلين سم
شمس :اليسمك 😹
محمد: دااشوف منو يوكلج بعد زقنبوت ويطلعج
شمس:ها لالا اخي الحبيب العزيز😬
محمد :بلا لواكة امشي يلا نصعد للطابق بس شتاكلين
شمس:كنتاكي
محمد: اوكي امشي على ذيج الطاولة
شمس:شعدنا هنالك معزولين امشي هنالك يم الناس
محمد:ذلك صديقي ..لك ها هلاوو دلياز
دلياز:هلاو حبيبي حمودي شلونك
شمس:بكلبها هذا شايفتة بس مدري وين هااا اتذكرت هذا الضابط ..اممم طلع صديق محمد
محمد: الحمدلله زين وانت
دلياز:بخيرر شو ماكو هالايام
محمد: و الله غاط بالشغل وانت هم ماكو
دلياز:اني هم بالشغل
محمد:تعال تفضل ويانة
دلياز: لا اخذو راحتكم
محمد: لالا شلون ميصير تفضل ويانة
دلياز:يلا منردك بس ترى مرجوعة
محمد: هههه تأمر
دلياز:مايأمر عليك ضالم حمودي
محمد:اعرفك هاي اختي شموس شمس
دلياز:ثاني يوم رحت يم للمدرسة بأمر من الفوج رحت وشفتها تخبل اووف بس لو صدريتها تبدلها والله ضيكة صعدت الخطها مدي اضل طول العمر يمها اوف اوف
ثالث يوم ..
هم نفس الاسطوانة جنت دااحجي ويا الجندي دااوصي على بطل مي يجيبلي وهم اوصي على جاسوس خاف يشوف واحد يشبها انداريت وشفت شمسي تباوع علي حسيت ملكت الدنيا بس رأسآ نزلت راسها اوووف على عيونها العذاب عيونها جنة بس بالأرض ضليت صافن لحد ما طبت للمدرسة كلت لازم اجمع معلومات عليها واخطبها هاي الي ومو الغيري
الجندي: سيدي تفضل صارلي ساعة مادلك بطل المي
دلياز:ضحكت وكتلة ماااريد بس ماشفت الجاسوس
الجندي:لا سيدي
دلياز:بكلبي..كود طول العمر منلكاه حتى اضل اكحل عيوني بشوفتها واشوفها يومية رحنة للمقر رجعنة كلت للأمر ماكو الجاسوس
الأمر:الك اجازة دلياز لأن بوكت عطلتك ودخلنا انذار وتعبناك
دلياز:لا سيدي هذا شغلي..رجعت للبيت غسلت ونمت كعدت امي كلتلي تريد اكل كتلها لامااريد رحت صعدت بدلت وطلعت للمول كلت صارلي هواي مطالع رحت اهنالك وشفت صديقي محمد وياه شمس ضجت عبالي حبيبتة وبنفس الوقت كلت هاي عرض صديقي لازم اطلعها من بالي بس مااكدر احبها يا ناس احبها طبعآ كعدنا على طاولة وحدة بس شنو هية طالعة صاكه فدشيء ميتشوف من الجمال ضجت كلت هسة اكيد اكلتها عيون الشباب كلت هاي لو يمي إلا ابوشها جانت لابسة فستان اسود سادة كلوش من فوك ضيك ومن الخصر منفوش بطريقة حلوة قصير تحت الركبة بشبر وربع اردان وهي بيضة وطالعات الرجلين والزنووود بييييض وشعرها ذيل حصان وماكو كلشي على وجها هي من الله مكيجة كلت شلون هيج مطلعها محمد بعدين عرفنا وكلي هاي اختي فددد رتااااحيت من عرفت اختة
دلياز:اهلآ شمس تشرفنا
شمس:اممم فعلآ الي الشرف دلياز☺
دلياز: كلت بكلبي ..اووف هاي هيج اسمي حلو وأني ماادري عبالك اغنية اسمي حلو بشفتها
شمس:طلبنا كلنا كنتاكي ..اباوع علية خطف من جوة الجوة يالله شكد يخبل ورجال بمعنى الكلمة يا هاي شبية
دلياز:اباوع عليها شلون ناااسكة وكوةة تاكل لو بيدي اضمها بكلبي ومااطلعها حتى من امووت
شمس:كملنا وكمنا ودعنا دلياز بس حسيت عيونة عليه اكلتني
دلياز:يلا امشوا اوصلكم
محمد:لالا سيارتنة موجودة
دلياز: سلملنا على اهل
محمد:واصل وانته هم سلملنه
دلياز:واصل واصل.. اباوع على شمسي ماودي اعوفها ابد بعدين كلت هاي عرض صديقي ميصير ..بس هم مو بيدي
شمس: رحنه رجعنا للبيت شفنا هوسة يم الباب مالنا لزمنا كلبنا اني ومحمد شفنا عمامي ولدهم وخوالي ولدهم طبيت شفت امي تبجي ويمها خالاتي ونسوان عمامي
شمس:شكووو..فهموني شكو شصاير..ليييييش محد يجااوووب شبيها ماما
طيبة (بنت عمي حسن): اخوج احمد متعارك علمود مستند بية خطأ متعارك وي ولد من الشركة وكلمة منا وكلمة منا ومتلازمين واخوج ضاربة سجين
شمس:😳
شمس: شنو شنو احمدددد!!!! اوووف اووف وهية وين هو وليش تبجووون
طيبة:اخوج بالسجن اهل الولد الضاربينة مشتكين علية وسجنوة مبينين يدورون مشاكل
ام شمس:ولكممممم ارييييد ابني اريد ابني ولكم والله الضنى عزيز
اماني(خالتي):عيني زهرة كولي ياالله بلكي مابية شيء ويحلوها بالعشائر
ام شمس:الله يسمع من حلكج اماااني
شمس:كمت ابجي اخوياااا هسة شلون ادري بأمي تتخبل اذا يصير شيء على اخواني ونوب اهل الولد مبينين عراكة اووف بلكي تنحل وتفض السالفة... صعدت ابجي طبعآ اني كللش احب اخواني رحت صعدت الغرفتي فوك ابدل.. بدلت ونزلت حطيت مي حتى اوزع لأن ادري كلمن ملتهي بحالة وزعت مي وخلصت
اماني:ولج شميسان خالة شبيج كطعتي نفسج من البجي
شمس: خالة.. شهكة...خالة ..شهكة..خالة هذا أخوي شلووون..شهكة..شلوون ماابجي..شهكة...شلوون
اماني: الله يسهللكم خالة
شمس: طب اخوي حسين ...حسين كللنا فدوة شصار فضت
حسين:بعد راح تصير كعدة بلكي تنحل بالفلوس الكعدة راح تصير باجر
ام شمس :يعننننننييي شلوووون ابني يبات بالسجن ابن بطني بالسجن وأني اهنا مرتاحة
شمس: يمه هاج اشربي مي واهدئي
ام شمس: شلوووون اهدئ اشلوون.. مااشرب مي اني هنا مرتاحة وهنالك ابني بالسجن مدري ياكل مدري يشرب
شمس:متحملت حجي امي اني كلش احب اخوواني
حسين:تعالي شمس حطي مي وجاي
شمس:اووف اووف ..اي اي ...نزلت حضرت المي واخذهن حسين الجاي على النار حضرت الأستكاين واكفة يم الطباخ ابجي على اخووي واجة الغثة ابن عمي
تامر:هااا هاي شبيج شمس احنة نحلها وجان يباوع بنضرات خبيثة
شمس:اتنرفزت وكتلة انت شعليك غير أخوي وابجي عليه
تامر: يطلع انشاء الله يطلع لتخافين
شمس: ممكن تتطلع لأن وجودنا غلط
تامر: : اااا اريد مي
شمس: هستوة وزع حسين
تامر:اييي مو ماشبعت
شمس:اي هاك وروح لحد يشوفنا
تامر: رحت رحت
شمس: اوووف عود اليوم خميس كلت نطلع اني ومحمد وارجع انام بس ويييين فاجعة اخوووي احبة بلكي الله ويسهلها
طبعآ كالبيها مناحة ماكو اليوم ماكو شيء باجر الكعدة وامي تخبلت شلون ابني يبات بالسجن بس شنسوي لا حول ولاقوة المهم محد نام ولا غفة ثاني يوم الظهر كاعدين جان يجون اهل الولد ٣ شباب و٢ازلام اكبار والشرطة اجوي يريدون يعتقلون حسين لأن جان وياه بالشركة صارت عركة بين اهلي واهل الولد ومصايح بس اخذو حسين الشرطة محمد اخووي تخبللل كلي شمس روحي بسرعة خابري على دلياز اخوتي ثنينهم بالشرطة تلفوني بية ٥ شحن خابري منج بس اخذي الرقم مني طبعآ محمد جاان منهااار تمامآ وميدري بروحة لأن كلش متعلق بأخي حسين رحت اخذت رقم دلياز خابرت علية
دلياز:الوو
شمس:الوات اني شمس أخت صديقك محمد
دلياز: اها تفضلي شموسة
شمس: اشرلي محمد انطيهياه انطيته المحمد وكله
محمد: دلياز اخذو اخوتي
دلياز :لحضة فهمني وحدة وحدة
محمد:السالفة هيج وهيج
دلياز:هسة اني جاي
الكاتبة:#مريم محمد
يتبع..
1848 كلمة اتمنى تصوتون حتى اعرف انو داتقرون
ذلك حسابي مال الأنستقرام سديتة هذا ضيفوا الجديد mar_._315
احبكم عسولاتي🖤🥺😻