-هو احنا عمرنا هنركز ف المحاضره ف ام الليله السوده دي
_ف ايه ي نيله، الكراش تاني!!
-مهو بصي ي تبعدوه عني ويبطل يبصلي ياما هروح اقوله اني بكراش عليه وافضحكو
-لا ابوس ايدك اهدي ي منار مش طالبه جنان وركزي ف المحاضره بقي عشان احنا مش بناخد كورس ف الماده دي
_ي ستي انا هتنقل من هنا مش هعرف اركز كده صدقيني
-قومي قومي عشان يقول انك مركزه وواخده بالك منه
_خلاص ي بومه اديني قاعده
قعدنا نسمع المحاضره وف اخر المحاضره الدكتوره قررت من حظي الاسود ف المحاضره اللي مركزنش فيها تدي كويز ف اللي هي شرحته
_بت ي همس متعرفيش المساله دي هتتحل ازاي؟!
-لا ي ايمي واالله معرفش انا مش متابعه غير الكراش
_روحي قولي للدكتوره كده خليها تعمل منك انتي والكراش بطاطس محمره
-لا م الكراش ساعتها هيحلف بالطلاق انه ولا يعرفني ولا عمره شافني اصلا
_طبعااا خايف ع مستقبله عايز يخلص بسرعه عشان يلحق يكون نفسه ويتقدم
-يتقدم لمين اوعي يكون ليا؟!!!
_لا للجيران
ضحكت-بتحطو الضحك انتو ف اماكن غريبه، يتقدم لمين ياما ده اخره كده هيفضل يبصلي لحد منتخرج وكل واحد يروح لحاله
_ده ساعتها انا اللي هعمل منه بطاطس محمرة، بقي واجع قلبنا ده كله وف الاخر تتخرجو وكل واحد يروح لحاله
دخلت ساره ف الكلام
-همس عندها حق ده لو جه كلمها هدبح ارنب واوزعه ع الكليه كلها
_ارنب ي عره العرر طب قولي فرخه مهو كده كده مش هيتكلم ولا انتي هتدبحي
ضحكو كلهم-حلي بقي يختي انتي وهي عشان الدكتوره هتنفخنا
قعدنا نحل وخلصت ومشينا سوا وروحنا ع المكتبه اصور ورق
-ايه ده المحفظه فين!!!!
_ايه ده هي محفظتك مش معاكي؟!
-لا ي ايمي دي فيها الفلوس والبطاقه....البطاقه!!! افردي الكراش شاف صوره البطاقه هيعمل ايه!! اكيد هيسيب الكليه ويحول
قرصتني جامد وقعدت تضحك_كراش ايه اجيبك من شعرك دلوقتي تعالي نرجع نشوفها
مشينا ولقيت حد بينده عليا
-لو سمحتي
_ايمي الصوت ده انا عرفاه كويس فلو طلع اللي ف بالي صح محدش يزعل
التفت ولقيته هو فضلت ببصله ومصدومه ومش عارفه انطق وقامت ايمي خبطتني ف كتفي عشان افوق وارد
_انسه همس
ايه ده قلبي بيتكلم انا اول مره اشوف قلبي بيتكلم!!
-انا!!
ضحك_امال هيكون مين يعني ،هو ف حد اسمه همس هنا تاني غيرك
قامت ايمي خبطتني تاني ووشوشتني-فوقي واتعدلي واتكلمي عدل هتفضحينا الله يفضحك
وشوشتها بنفس طريقتها_مهو قولنا 100 مره العنين الملونه متقفش ف الشمس مفيش فايده، اكلمه وانا باصه ف الارص دلوقتي يعني
-انجزي ي خره انتي
=حضرتك وقعت منك البطاقه دي
-هو انت بتناديلي عشان تديني البطاقه
وف ثانيه ادركت انه شاف صوره البطاقه وادركت اللي انا قولته وف اللحظه دي ايمان بعدت عننا ودمعت من الضحك
خدت منه البطاقه ومشيت وسبته وانا متغاظه جدااا وايمان وهي ماشيه معايا مبطلتش ضحك وكل شويه تبصلي وتفتكر الموقف وتضحك
-هنبطل تحفيل امتي بقي؟!
_مش دلوقتي
وضحكت تاني
-م اصلي مصاحبه مهزأه وبكراش ع مهزأ
_هههههههه لا حلوه اوووي وهو بيناديلك عشان يديلك البطاقه وانتي بتبصيله بغيظ وبتقوليله انت بتناديلي عشان البطاقه.. يبنتي اهو ع الاقل كسر حاجز الخوف ونده عليكي مش مهم عشان ايه خليكي ف نص الكوبايه المليان
وكملت ضحك طول الطريق
روحت البيت وبعدين فجأه حسيت بتعب جااامد جدااا ف جنبي
_اااااااه الحقيني ي ماما
-ايه ف ايه مااااالك!!!
_جنبي ي ماما هيموتني
-طب قومي نوديكي المستشفي بسرعه قومي
قومت معاهم ..الدكتور قال اني عندي الزايده ومحتاجه اشيلها ف اسرع وقت
مزعلتش لاني بفرح لما بتعب اصلا لانه تكفير ذنوب وانا اصلا تعبانه ف حياتي جدااا ف اي حاجه بتقربني من الموت خطوه بتفرحني
مبقتش انزل الكليه وبقو صحابي يجو من وقت للتاني يطمنو عليا عشان صحابي اصلا دول النقطه البيضه اللي ف حياتي وبعد كده حياتي ملهاش قيمه
لقيت حد باعتلي ع الاسك بيسالني مبتجيش الكليه ليه قولت اني تعبانه وكده وادعولي رد الشخص اللي باعتلي قالي تعبانه ازاي احكيلي حكيت وطلب مني عنوان المستشفي عشان يتاكد ان المستشفي كويسه ولا لا وقولتله عليها
وجه يوم العمليه.. كان اصحابي واهلي وكل الناس جنبي كنت بعيط ف صمت دموعي بتنزل وبس، اول مره اتحط ف الموقف ده
وانا داخله الاوضه بصتلهم كلهم ودمعت كل واحد جرحني فيهم ولو بكلمه افتكرت جرحني ازاي انا مبنساش وشياله جدااا وحقيقي حسيت اني لو مت مش هبقي زعلانه لاني ببساطه محدش حياته هتقف عليا وانا مليش حد اتمسك بالحياه عشانه فكنت داخله اعمل الزايده وبتمني الموت بجد وكنت بودعهم بنظراتي حرفيااا من غير متكلم
دخلت اوضه العمليات وقريت قرآن وخدت حقنه البنج ومحستش بحاجه بعدها
وبعد فتره معرفش اد ايه فتحت عيني وكانت ايمي هي اللي واقفه وف واحد كمان واقف جنبها متبينليش ملامحه اووي لاني كنت لسه بفوق
_حمدالله ع السلامه ي عمري
-الله يسلمك
ببص للشخص لقيته هو
_ايه ده هو انا هو انا مت دخلت الجنه ولا ايه!!
ايمان مقدرتش تمسك نفسها من الضحك وقرصتني وخبطتني ف كتفي
-ي شيخه قومي بقي خوفتينا عليكي
ضحكت وشدتها_ايمي هو ده هو فعلااا ولا ده تهيؤات البنج
ضحكت جااامد_قومي قومي ي مفضوحه هو وجي عشان يطمن عليكي
=حمد الله ع السلامه ي همس
سمعت صوته بيقول كده
-طب ي ايمي اتكلي انتي ع الله روحي هاتي اتنين شاي ولا اقولك هاتي اتنين لمون وشجره يلا متنحيش
_سمعتك علفكره وعلفكره بردو انا اللي بعتلك ع الاسك وعلفكره تاني صورتك ف البطاقه حلوه
اتكلمت جد-هو حضرتك ايه اللي جابك هنا مينفعش علفكره عموما الله يسلمك اتفضل
-مش من قلبك علفكره، امال بتكتبي القصص دي وقصدك ع مين
_علفكره بقي والله مش بقصد حد بقصصي
-طب علفكره بقي انتي قولتي كل اللي عايز اسمعه وانتي ف البنج
ايمي وشوشتني ف ودني_هو انا مقلتلكيش صحيح انك قولتي كل حاجه وانتي ف البنج وفضحتينا كالعاده!!! يقطعني
-هو انا قولت كل حاجه ف البنج فعلا!!!
رد هو وايمي ف صوت واحد_اينعم
-هااا ي ابني قولتلي هنقرا الفاتحه امتي؟!
"وان لم تكتنفني عيناك اين سأكون"
#عٌآشُقٌهِ_آلُآڛوُڊ🖤
#دنيا_فرج🎻✨
فولو ليا لو عجبتكو💜