#فوبيا_الجب❤
الحلقة [83]
مزينه امتاع السنتر رنت عليا مارديتش رنت ع باسم ماردش رنت ع اسماء جت ادق علينا
انا : حبيبي شوف الباب
باسم كاين كيف طالع من حمام لبس سريع وطلع
اسماء : صباح الخير
باسم : صباح النور
اسماء : قتلك رنت عليا مزين قالتلي سناء دايخه
باسم : كيف دايخه اشريتلها اوكال
اسماء : اكيده ما كلتش هيا اصلا ما تاكلش
باسم : توا نطلع نشوفها
انا طلعت : صباح الخير
اسماء : صباح النور
انا : كنكم شن فيه
اسماء : مزينه رنت عليا قالتلي سناء داخت عليها
انا : هييي كنها يا خيا
اسماء : توا كويسه ناضت إنت عارفه سناء
باسم : نفطر ونعديلها غير الي تبي تمشي تلبس بسرعه
وخش للمطبخ
اسماء : تعدي إنت ولا تبي تلبسي عربي
انا قربت من باب : لالا نبي نلبس الجلوه طرابلسيه
اسماء : باهي تقدري تعدي
انا : تمام توا نعدي وناخذ حاجاتي نصرف غادي
اسماء : تمام بكل الله يربحك اسمعي ما قلتها للحد راه افطني
انا : لا تمام اطمني
اسماء : هيا باي اكيده ايدور فيا
انا : باي
طلعت اسماء وسكرت الباب سلحت املايا الصلاه وخشيت للمطبخ لقيت باسم داير فطور
انا : الله بعدك جعانه
باسم ياكل : تعالي قمعزي جنبي
انا قمعزت : مع إن فاطره هههه لكن جعت
باسم ضحك صبي طفأ ع حليب : هو مفروض غذاء ع نار قريب يطيب لكن عادي حتي خفيف كويس
انا رفعت حاجبي وبدلع : كيف مش عاجبك
باسم قرب مني ابتسم : راضي وعاجبني " نزل باسني " نصبلك ولا تبي حليب وشاهي
انا ابتسمت : لا حليب وشاهي
باسم حط شاهي ع نار وصب للروحه نسكافي قمعز فطرنا ولبسنا وباسم كلم عميمه سلم عليها وركبنا سياره طلعنا شور سناء نرن عليها طريق كلها مشغول بس ما قلتش
باسم رن ع احمد
انا : ع من ترن
باسم ابتسم : احمد كنك
انا : لا شي شنو حصلته
باسم كح حط الفون جنب المارشه وقدم ع دومان وخر : لا انتظار
انا ابتسمت فهمتها طول
.........
سناء : كويسه وحق الله
احمد : تي دختي راه كيف كويسه كيف ، معناها ما تاكليش صح
سناء : ناكل بس مش واجد
احمد : كيف مش واجد راه يصيرلك هبوط حاد كنك إنت لازم تاكلي كويس
سناء : باهي توا ناكل خلاص
احمد : عندك ولا اندزلك
سناء : عندي جابلي باسم
احمد : انزيدك باهي
سناء : لالا جاب واجد غذاء وعصاير وشوكولاطات
احمد بصوت هادي : باهي كولي قوتيلي روحك تخلينش مشغول عليك
سناء ابتسمت : حاضر
احمد نزل فون شافه ما بش يرد : هيا صبي جيبي اوكالك اوكولي
سناء : كليت شوكولاطه وعصير
احمد بنبره ترجي : اووف سناء
سناء : باهي حاضر
صبت جابت ماكلة قعدت تاكل من فوق الفوق الوقت الي تاكل احمد كاين ع خط ومره مره ينابش فيها
...........
باسم : اهو باب الي مقابلك بشويش ع دروج
انا : تمام باه ، حبيبي معاك فلوس صح
باسم : اها معايا تبي حاجه
انا : ماه نبي اندير هنا ما نلحقش بروحي
باسم رفع روحه وحط يده في جيبه وراني طلع فلوس : معايا 300 يسدنك
انا : ما نعرفهش السنتر هذه كم تأخذ
باسم حك لحيته : باهي خوذي هذينا انا جايك نجيبلك الباقي
انا : تمام باه دبش الي في سياره نزله ليا
باسم : تبيه هنا
انا : باه خلاص خليها هنا توا نلبس في قاعه
باسم : تمام فتلكينا الجو اه ما نوصيكش " غمزلي"
انا : ههههههه تؤتؤ
باسم ابتسم عض فمه : خيرلك راه
انا : خلاص عادي ننزل
باسم : انزلي يا حبة عيني إنت
انا : باي
نزلت وخشيت للسناء لقيتها حطينها في غرفه متكيا ومركبه سماعات وتهدرز ومبتسمه
انا : وين وين ههههه هذا منظر وحده دايخه
سناء نزلت سماعه : اهلين ههه
انا : كملي مكالمتك وتعالي برا
سناء : تمام
انا طلعت
سناء : ايوه
احمد : إيلاف جاتك
سناء : اها
احمد : باهي هكي تريحت ديري بالك على روحك وكولي كويس كان ما رنيت عليك راه ما عرفت انك دايخه افطني اه نبيك مصحصحتيلي ما شور شي دايخه جو مش قاعد راه
سناء : حاضر حبيبي
احمد : نحبك يا سونه
سناء ابتسمت : انا
احمد رفع حاجبه : شنو
سناء : نحبك
احمد ابتسم بصوت هادي : وانا نموت فيك غلايا ياربي
سناء : باهي اوفي تراجا نكلمك بعدين
احمد : تمام حبيبي اوكي
سكرت وطلعت لقتني نكلم في ملاك عرفت من ملامح وجهي اني متعصبه شيرتلي وعدت
انا : بلاش تخلاف فكك من نكد مع راجل طالع يدهور فيك وإنت اديري في جو بنات صغار
ملاك : لا حتي هو يسلم بصارته توجع فيا والله يكثر لين انا نبكي بعدها يبقي يدحنس
انا : شن فيها كنك هكي في نهاية بصاره راه
ملاك : مش عارفه حتي انا رايحه حساسه ولا مش عارفه كني
انا : غير هدي روحك بس تعودي من شيطان فكيكي من نكد راك اديري نفسي في تركيا أول اسبوع كره اليوم الي خذاني فيه هههههه
ملاك : بعدها سلك جو عندك
انا : عليك سلكه تهبل
ملاك : هههههه ريت الفوبيا ما يطلع منها
انا : لا والله بس هكي نحس فيهن ايام تركيا غير حسيت معاه بحاجه أول مره نحسها حسيت بالحب بعد ردينا حبيته أكثر برغم مشاكل الي صارن لكن بعد يصالحني نحبه أكثر من قبل هك عنده طريقه لعند توا مش فهمتها ما نبيش نفهمها نحس فيه حاجه خاصه ليا انا نغار عليه من كل شي صح ما نبينش لكن نار تاكل فيا من جوا لكن عند رانيا الكلبة هذه ننقلب معش نعرفه حتي هو ومعش نعرف حتي اندسها تلقائي نلقي روحي رقيتلي ينوضن جنوني كلهن
ملاك : يا خيا ربي يكمل عليهم يارب
انا : إن شاء الله ياروحي إنت ربي يهنيكم
ملاك : ان شاء الله مهم شن دايره معاها البارده هذه في فرح
انا : شي بس باسم محرمه عليه فيلا الايام الي بتت فيهن عند هلي هو بات في استراحه
ملاك : حي حي ههههههه
انا : كنك تضحكي هاا نخليه في الحوش بيش كل تسكنله هو صح ما يقعدش حتي في استراحه لكن هك ما يباتش في فيلا
ملاك : صح هك خير بيش حتي إنت تطمني
انا : خلاص حتي إنت رني ع راجل يا نكد ديري جوك ما نوصيكش
ملاك : شن اندير
انا : تذكري مسج الي دزاته لنا موني انا وياك و بيلسان
ملاك : اها اذكرته قاعد واتس
انا : توا دورك يا روحي دزي مسج بس توا يجيك بروحه انا و بيسو دزينا
ملاك : باهي تمام اوكي
انا : باي
سكرت وعديت للسناء وقعدت معاها بعدها جت مزين بدت فينا
................
هاجر : عطوني كرسي راه خلاص نحس في روحي ع آخر
ياسمين ماسكه الفون امها دز في مسج : " انت كان تحبني وتخاف عليا راه ما تطلبش حاجة نفس هذه انت تمديت معايا وكلامك قعد مش تمام ياريت تمسح رقمي بالنسبة ليا طلعتك من حياتي "
صبت جابت كرسي للهاجر قمعزت ع مرايا تمكيج و مضايقه بنات جنبها يهدرزن ويمكيجن جاها مسج
" هذا مش آخر كلام بينا عارفك مش فاضيه وانا بروحي توا مش فاضي بس اول ما نحصل فرصه ونرد للبنغازي نتفاهم معاك حاولي تنسي موضوع واسف "
ياسمين دزتله : " ممكن معش تدوي معايا عشان بدال فرصه عطيتك ميه سلام "
قفلت تلفونها وخشت للحمام بكت بكت وغسلت وجهه وطلعت
هبه : تي كنك غسلتي
ياسمين : حسيته ثقيل ايوب توا يهزبني
مريم : الحمد لله ماعندي خوت
هاجر : هههه ع اساس دايره حاجه
مريم : عارفه ههههه اصلا ما نحبش ميك اب واجد
ايمان خشت : بنات ساعه 9 هيا البسن
هبه : لا مازال بدري
هاجر : لا بدري من عمرك نحن عربي يا ماما
هبه : وانا كنت نحط في عشاء رجاله مع ماما غسلنا مواعين يعني هذا وين نبي نلبس
ايمان : غير هيا بس سرعي
هبه قعدت تمكيج وبنات كلهن في غرفه ع مرايا كبير ويوتن في رواحهن بنات عمامي وخوتي وبنات خالاتي
الاء طلعت من جنبهن : ايوه
انس : وينك اليوم من صبح ما سمعتش صوتك
الاء : والله ما فضيت حبيبي
انس : باهي شن جوك
الاء : تمام شنو جوك انت وينك
انس : تمام قاعد انا و احمد وشباب في حمام بخاري
الاء : اها روحتو
انس : اها من امبدري قتلك وين خالتي
الاء : تحزم في صبايا برا مع عميمه فاطمه
انس : اها باه توا نبي نسكر شباب جو نكلمك بعدين
الاء : أبراهيم معاك
انس : لالا طلع
الاء : وين
انس تنحنح : مش عارف ما قالش
الاء : باهي تمام باي
انس : سلام
سكر قمعز مع شباب برا
..........
باسم : انا برا
انا : تمام قرب عشان تركب سنو
باسم : قدام الباب اطلعن اسمعي
انا : نعم
باسم : تعالي خوذي باقي الفلوس
انا : لا خلاص تمام سدن
باسم : باهي هيا
انا سكرت مزين لبست سناء برنوس امتاعها وفتحتلها الباب خذها باسم مبتسم ومسك معاها الفيلو وركبها لاوراء وسكر الباب برم لقاني ماسكه حاجات سناء خذاهن مسكني ركبني وحط شنطه في كوفلي وركب
باسم : سلام عليكم
انا وسناء : عليكم سلام
باسم علق و طلع : شن شوكن
انا : كويسات
باسم بحت في سناء من مرايا : شن صار فيك كيف دختي إنت
سناء : لا توا الحمدلله شكله هبوط
باسم : باهي الحمدلله علي سلامتك
سناء : الله يسلمك
باسم بحت فيا ويتنحنح وفتح اغاني وعلاه ع آخر وانا مره مره نهز
باسم شافني ضحك
وصلنا للقاعه جاء محمود نزل سناء وخششها سكرو باب القاعه بين استقبال وقاعه وباسم نزلني وجابلي شناطي وانا خشيت للغرفه جنب تواليت محمود طلع جن بنات وعميمه وعمتها خدوج حولن البرنوس سقملها شكلها وعطنها مستيكه "علكه " وقعدن ينشت عليها وسناء تقرا في معوذات
انا خشيت للغرفه سلحت عباية قمعزت نتريح شويا وخشت عليا عميمه خدوج
خديجه : تبارك الرحمن اللهم صلي وسلم وبارك عليك إنت كيف نبو اندسوك
انا : هههههه والله عادي بعدين حمل داير جو مخليني مليانه
خديجه : بس فيك حاجه سمحه ملفته مش عارفه شنو اقري قرآن قبل ما تطلعي
انا : هههه إن شاء الله حاضر
خديجه : مازالتي تبي تريحي ولا نلبسك قالولي جلوه طرابلسيه تبي تلبسي
انا : اها نبي نلبس الجلوه
سمعنا اغنية العروسة
انا : شكلها سنو خشت
خديجه : هيا معناها خلينا نلبسوك توا تجي نجاة حتي هيا تساعدنا
تلفوني رن لقيتا باسم
انا : ايوه
باسم : حبيبي ديري بالك من كعب الله يسترك بان عليا في شنطه راه شفته
انا ابتسمت : حاضر مش مطوله بيه شوي ونسلح
باسم : نعلي منك وخلاص شنو اليوم نعدو للاستراحه
انا : يوصل اها جنبي توا نقوللها
خديجه : من باسم
انا هزيت راسي
خديجه : سلميلي عليه
باسم : صوت خدوج هذه
انا : اها تسلم عليك
باسم : نحبك ياروحي
انا تحشمت وارتبكت معش عرفت شن اندير بيش نسكته : يوصل هيا باي
باسم قعد يضحك
انا سكرت وخشت نجاة
نجاة : ما شاء الله ع مرات خويا
انا : تسلمي
خديجه : سناء خشت
نجاة : فتحو اغنية وكملت ما خشتش ترجا في باسم يخششها
انا : ترن عليه بيش يخش
سمعنا اغنية اخري
انا : شكله خشلها
قعدن يلبسن فيا بشويا انا كل مره نقمعز ناخذ في نفس خشت حنين كانت طالعه تهبل بكل وقعدت تفك في ذهب وتساعد فيهن طولت وانا نلبس عشان كملنها هدرزه دويتلهن ع سناء كيف داخت وهنا دوالي ع ترتيبات كملنا ولبست سباط وقمعزت رن تلفوني
انا : ايوه
هبه : طلعنا من شارعنا
انا : شنو
هبه : طلعنااااا من شارعنا سمعتي
انا : اهاا اوكي تمام
هبه : باي باي
انا سكرت : حنين قولي للسناء تغير الفيلو هلي في طريق
حنين : تمام
.........
انس سيارته فيها دبش سناء بس
ابراهيم معاه ماما وامه وعميمه فاطمه معاهن ذهب
ايوب معاه امه من قدام هبه وياسمين ومريم من لاوراء
منذر معاه امه وهاجر
اسامه معاه ايمان و باقي دبش سناء
عمر معاه هنيده والاء ام هنيده
عويل خالاتي معاهن خالاتي وبنات سيارتين
ثلاثة من جارات معاهن بنتين
ثلاث سيارات فيهن أقاربنا
طلعو وراء بعضهم تبيب وأغاني
وصلو وخرو هل باسم قعدو بسياره تنزل وتطلع تنزل وتطلع درسو جنب بعضهم ونزلو سلم ع شباب لقو معاذ و فارس وعيسي عبدالسلام وحسن وشباب يعرفونهم كسدو معاهم
هلي خشو استقبلتهم عميمه وخواتها وعمات باسم قعدن يسلحن انا طلعتلهم من غرفه تفاجأن بيا
لقيت هاجر وايمان وعميمه فاطمه هنيده خالتي نجاح لبسات عربي ماما ذراعه مغربية وبنات فساتين
قدمن العربي قدام وبنات لاوراء كل وحده ماسكه حاجه من كسوة سناء لبست كعب وخشيت مع هلي بشكل منظم قعدت الفرقة تغني علينا ركبنا ع مسرح قعدن يرقصن وفرقه تغني ع سنو
سنيوه راهي غاليا... سنيوه راهي غاليا.. يا غاليا.. كي ذهب ايطاليا
حبها ما كذبش عليها حبها جاب كساويها حبها
بنات : حبها ما كذبش عليها حبها جاب كساويها
نحن قسمنا اروحنا وحدات ع يمين وحدات ع يسار قعدن البنات يشتن بصوت عالي لين سكتن الفرقه وماما وعميمه جنب سناء
مريم : يا سنيوه شورك صليتي يا سنيوه شورك صليتي
بنات : شورك صليتي
مريم : تاجر من تجار خذيتي تاجر من تجار خذيتي
انا ابتسمت
اسماء : تاج ذهب واطرافه فضة
بنات : تاج ذهب واطرافه فضة أطرافه فضه
اسماء : يا عوين الي جيتي حظه
الاء قدمت ترقص
ايمان : الي طوله طول السلوم طول السلوم
بنات : عليها كيف الصقر يحوم
الاء ترقص وتضحك
انا : الي تحصل خويا ترتاح الي تحصل
بنات : خويا ترتاح
انا : خلال ذهب في حجرك طاح
بنات عيطن والاء فنصت فيا وتضحك
ام منذر بصوت واطي : يسلم ما جاب احزامك رجاله يمشو قدامك
سمعتها هاجر عودتها ماما قعدت ترقص
عميمه فاطمه : هذا عرس كبير خوته يستاهل قرنين وحوته
جت خالتي هدي قربت من ماما بسفرة الحنه ماما قربت من سناء ومصورتيه جت تصور ماما خذت حنه حطتها في يد سناء وفوقها خاتم ذهب وسكرتها لها سلمت عليها
ماما : مبروك عليكم يا بنيتي
سناء : الله يبارك فيك يا عميمه
بنات قعدن يزغرتن
انا : هذا وين قعدتي لنا يا سنيوه يا عريق محنه
بنات : العب ولعت يا حي عليها ولعت ويش ايطفيها
ماما ترقص : يا سعدودي عندي فيهم رجاله ويقولو بيهم
قدمن هنيده وهاجر وايمان يرقصن
عميمه فاطمه : يا سلم ودادته جنا يداعن من غير منا
بنات : سلم ودادته جنا يداعن من غير منا
ايمان ترقص : وين يخشو بسربوط وين يخشو بسربوط
بنات : بسربوط
انا : اندير عشايا شربة حوت
بنات يسفقن بصوت واحد
ضيوف عيونهم ع مسرح
خالتي هدي : احميدا ناويلك ع راحه .. دايرلك حوش بمفتاحه
هبه تزغرت
ايمان وخرت : الله وحد الله علينا يا عوينه راك اضرينا
مريم : يا خمسو بيدكم ... يا راه العين عليكم
بنات رفعن ايديهن قعدن يخمسن بصوت واحد : يا خمسو بيدكم يا راه العين عليكم يا خمسو بيدكم يا راه العين عليكم
اسماء كرتني عشان نرقص مسكت فيها سلحت كعبي قعدت نرقص
هبه : يا مولاي ليا خله ..ع الكرسي قدام محله
انا ابتسمت نرقص بشويش انتبهت للرانيا مربعه ايديها وتكشخ
اسماء : اوفي سلم صرفيك عيشي دنياك ع كيفك
حنين ضحكت : اللي ملبسها كل جديد انعنه نواره ما يحيد
انا ضحكت : إن شاء الله يارب
بحتت في ماما وعميمه لقيتهن يفنصن ابتسمت وخرت مسكني الاء
الاء : ترقص هي و جنينها فرحانة ربي يعينها
انا : ههههه خلاص تعبت
عميمه فاطمه : هي انزلن خلاص
قعدنا ننزلو وفرقه ردت اخري وبنات عمام باسم وبنات خالاته قعدت يرقصن ويعيطن مع فرقه
ماما وعميمه صورن مع سناء ونزلن
نحن قمعزنا ع طولات واسماء وحنين ورانيا قعدن يخششن في كسوه سناء للغرفة العروس الي غيرت فيها الفيلو
طبعا سناء غيرت الفيلو لبست لبسة تركيا امتاع حريم السلطان لونها احمر في ذهبي منفوخه زي فيلو بطقيتها وشعرها أفلو مطلوق ودايره نفخه من نص وجمتها باينه من طاقية دايره ميش بلاتين هي بيضاااا كيف تغيرت بمكياج ولبسه جايا عليها الله اكبر
هلي تعشو رنو قالولهم هيا طبعا سبرنا ان ماما تأخذ من هل العروس مخذه وشيشة زيت عطتها عميمه وطلعو انا قعدت طلعت وراهم قعدت نبحنت فيهم رنيت ع باسم خشلي
باسم ابتسم غمزلي : شنو هذا
انا ابتسمت : شنو
باسم تنهد : انا نطلع خير بعدين نتفاهمو
انا : ماه انا رانه نقولك عادي نعدو للهلي نبي نشوف احمد
باسم : ورب الكعبه مانك ماشيه خلاص بكرا توا تشوفيه إنت اليوم ليا
انا كشخت : عليش تحلف توا
باسم : خشي اسلحي كعب
انا برمت وخشيت و ما عبرتش وباسم طلع خشيت للغرفه غيرت فستان قصير وعليه كندره واطية شويا قعدو ناس تخف خشو شباب من باب الوراني عشان ياخذو طناجر رن عليا باسم
انا : ايوه
باسم : وينك
انا : مقمعزه جنب عميمه
باسم : تعالي في كوجينه
انا : وأنت شن خششك
باسم : غير تعالي بس
انا : باه تمام
سكرت قعدت نبحت اندور في رانيا ما لقيتهش لقيت بنات كلهن يهدرزن ويضحكن الا هيا مش باينه عزقت وشاح ع شعري وكتوفي قربت من باب لقيت باسم يرجا
انا : نعم
باسم قرب ويبحت فيا تنحنح : عدي البسي عبايتك هيا
انا بحتت يمين يسار لقيت بنات مطبخ : باه
طلعت قلتلهم هيا لبسنا وطلعنا كلنا وانا ركبت معايا عميمه وسناء
وصلنا للفيلا نزلنا وخشيت معاهم ضحك وهدرزه مع ساعه 3 بعد سحور كل وحده مسكت فونها لقيت باسم ران عليا
سناء توشوش : مش قادره نرد عليه ولا قادره نرقد
انا : شكلك خايفه
سناء : تي مووووت موزون خايفه موت وحق الله مش قادره نصدق أن احمد قعد راجلي
انا بحتت في فوني لقيته باسم : شويا بس نزلحق خوك ونجيك
سناء : عدي منها تغيري دبشك تعالي تلقيني نرجا فيك
انا صبيت : تمام
طلعت سناء رقدت ع ظهرها ورفعت ايديها قعدت تبحت في دبلتها وحنتها ابتسمت تلفونها رن
سناء بصوت هادي : الو
احمد مبتسم من صوته فرحان : اهلين حبيبي شن جو
سناء : كويسه
احمد : كليتي
سناء : اها الحمدلله
احمد : باهي صحتين يا نور العين
سناء : سلمك حبيبي
احمد : وين قالولي طلعه قمر
سناء ابتسمت : من قالها لك
احمد : كللهم ما في واحد ما دواء جو أتراك ما جو أتراك
سناء : ههههه صورت توا يطلع الالبوم تشوفني
احمد : اها باه شن جوك إنت
سناء حست باحمد بيقول حاجه : تمام
احمد : قتلك حبيبي
سناء : نعم
احمد : شنو جو عندك
سناء : قتلك كويسه
احمد : سنو شكلك مش مركزه معايا صحصحيلي نبيك في موضوعين
سناء خافت : كنك
احمد : موضوع اول من آخر بكرا ان شاء الله يعني بعد نخش ما نبيش ولا تلفون يرتفع يصور من اقاربكم عارفها جو تزليط لكن إنت وصي من بكرا صبح انا دويت للهبه هيا تبى توصلها لهن
سناء : تمام حاضر شنو موضوع تاني
احمد ابتسمت : نحن بعد نروحو نبي انديرلك م
سناء قصت عليه : احمد خلاص بكرا ساهل صراحه انا نعسانه بكرا توا نهدرزو يعني توا معش نقدر نسهر تعبانه
احمد عارفها متحشمه : بشويش كنك تدوي بسرعه يعني ما نبي نقولك شي حتي نا نبي نقولك ما تخافيش ارقدي اكيده تعبانه
سناء : اها باه تصبح على خير مادو
احمد : وإنت بخير يا عيوني
سناء سكرت وقمعزت ترجي فيا
........
انا : باهي عادي نشوفها شن تبي ونجيك
باسم : عنجد هذه كنك هبله إنت تبي تعدي وتيبيني هكي
انا برمت بحتت فيه ابتسمت : كنك شن فيك
باسم : إيلاف راه خيرلك
انا : كيف صار حبيبي يهدد
باسم قرب مني لعند لصق فيا : حبيبك يهدد و ينفذ
انا بدلع : اوبس خفت
باسم نزل عليا يبوس فيا
انا حطيت ايديا وراء رقبته : نبي نعدي
باسم : وحبيبك
انا وشوشتله في وذنه : حبيبي بكرا انديرله احلي جو
باسم ولا كانه ندوي نزل عليا ورحنا في ربع خبر كان
انا صبيت غسلت سريع وطلعت
باسم : توا نوريك عليها
انا : ههههه كمل حمامك انا طالعه
باسم : تمام بجوك لكن بكرا ساهل
انا لبست وشاحي وطلعت خشيت للدار هدرزت مع سناء وهديتها وروحت لقيت باسم يرجا فيا خشيت حضنه ورقدنا
.........
عمر سلح ذهب للهنيده : والله ربي يكون في عونكن
هنيده : بكل والله متعب
عمر : اسلحي اسلحي تي شنو هذا كله
هنيده تضحك : خلاص توا نكمل بروحي نبي تواليت
عمر غمزلها : سريع سريع يا روحي
هنيده خشت غسلت جلدها و سقمت ميك اب امتاعها وشعرها دهنت جسمها لبست روبها وطلعت لقت عمر ع تلفون وقارن حواجبه
هنيده : حبيبي
عمر ارتبك بحت فيها قفل تلفونه : الله الله شنو هذا
هنيده ابتسمت
عمر : تي نعلي نا طفي ضي تعاليلي هنا
هنيده طفت ضي قدمت صبالها عمر مسكها من ايديها وراحو في خبر كان.......
...................
انس : وينك ساعة 5
الاء : رقدو كلهم
انس : ما في حد اطلعي للفرندا
الاء : تمام شوي بس
انس : اهو قاعد نرجا اوكي
سكر قمعز ع كرسي بعد عشر دقائق طلعت عليه الاء
انس عزق سيسي وصبي وعفس عليه بكراعه : يا مرحبا بغلايا
الاء تحشمت توشوش : اهلين
انس قدم عليها : شن جو
الاء : تمام
انس مسك يدها يمين الي فيها دبله قعد يحرك في يده ع يدها
الاء قلبها قريب يطلع نفسها علاه قعدت ترعش طبست رأسها
انس حس بيها : بست حبيبي
الاء تحاول تفك في يدها وهيا ترعش : نننبي نخش خلاص ضي قريب يطلع
انس : باهي بحتي فيا شن معيله هذه
الاء رفعت رأسها بحتت فيه عيونه ونزلتهن
انس : تهيالي قلتلك بحتي فيا
الاء رفعت شعرها بيدها اليسار ورفعت عيونها في انس
انس : نعلي منك يا نقطه
الاء ابتسمت
انس قنط ع يدها مسك يدها اخري : ترا قولي نحبك
الاء : توا نقولها لك بعدين
انس : نبيك تقوليها في خلقتي
الاء ضحكت ع كلمه خلقتي من ضحك لين ركعت وانس مبتسم ويبحت فيها
انس مبتسم : كملتي
الاء فطنت للروحها : احم
انس قرب منها : هيا قولي
الاء : ماهو ماهو في تلففون نقولها عشان ماهو " طبست راسها " انس والله نحس في روحي منحرجه بكل
انس : وانا نحبك وإنت هك و نموت فيك
الاء ابتسمت بصوت هادي : حتي انا
انس قدم وذنه ع فمها كرمش وجهه لعند صغر عيونه بس في مسافه بيهم : شنو
الاء : حتي انا
انس نفس ماهو لكن قرب اخري : إنت شنو
الاء قلبها قريب يوقف بعد قدم خذت نفس شمت عطره ودخانه تلخبطت : انس
انس وخر مبتسم : نعم
الاء : نبي نخش والله
انس : باهي كنك ترعشي
الاء : شي نبي نخش
انس : تقولي نحبك تخشي غير هدي مش طالقك
الاء : وانا ما نبيش
انس : عليا طلاق ماني طالقك لين نسمعها منك توا
الاء رفعت رأسها وفنصت : كيف تحلف بطلاق تحسابه ساهله الحلفه
انس غمزلها : قوليلها نطلقك
الاء تبي تفك يدها
انس قنط عليها : اثبتي يا فرخه حلفت بطلاق
الاء : ما تجيش راه
انس بصوت هادي : باهي قولي بيش انا نتريح بس شنو خساره فيا الراحه تبيش تريحي حبيبي
الاء : لا نبي
انس : باهي قولي يا همي بهدلتيني
الاء بصوت هادي : نحبك طويلي
انس طول حضنها : انا نحبك ياروح طويلك وقلبه
الاء انحرجت : باهي خلاص
انس وخر : خشي خشي
الاء تحك في ايديا في بعضهن : تصبح على خير
انس : نصبح ع صوتك يا نقطه ههههه
الاء بحتت فيه بنص عين وخشت
انس دخن كم سبسي وطلع بات مع ايوب
احمد بايت عند حسن مستقبالهم كلهم معاه فارس وعيسي معاذ
............
ثاني يوم ما في حد فاضي
فارس وعيسي عدو للمول يشرو في حاجات للثلاجه احمد عبوها له ع اخر
باسم شال حنين واسماء رتبن كسوه سناء في حوشها ورد بيهن للفيلا ومحمود شال سناء للنفس السنتر باسم شالني مزين امتاع فرحي
قعدو كلهم يوتو في اروحهم أول من عدت مع طباخه ماما وعميمه فاطمه للقاعه وبنات قعدو يشيلو فيهن بالفوج يحطو فيهن في قاعه
بنات في فيلا يوتن في اروحهن جايبين ثلاث مزينات 2 يشتغلن وثلاثه تساعد فيهن عشان البنات واجد
ورحاب قريب زعلانه عشان ما حضرت شي وعميمه خايفه عليها و تقوللها قاعده معاك انا اليوم تلهي فيها
احمد مازال في حوش حسن وجابولا حلاق و اذاعه وتلمدو شباب كلهم عند حسن وجاهم باسم حسن دز خوه ع وجبات حوت بجميع انواعه فواكه ومكسرات وعصير و قازوزه قعدو باسم تغذا معاهم هدرز هو و احمد بروحهم شويا بعدها صبي احمد خش للحمام " حشاكم" دوش وطلع داروله شباب جو مش عادي رقيص وعياط بدا الحلاق في احمد وشباب مهيجين
رنت ع باسم جاء خذاني وحطني في قاعه عشان معش في وقت يبي يرد ع احمد لقيت ماما وعميمه فاطمه في استقبال سلمت عليهن وخشيت سلحت لقيت القاعه شبه معبيه كنت لابسة فستان طويل بودري هافت وشعري ديرتله تسريحه بسيطه لابسة تاج لكن بسيط سلمت ع صحباتي قعدن يركبن ع شكلي كيف منتفخه وضحكننا وجت فرقه ركبن البنات ع مسرح خذيت صحباتي وركبنا بنات مهيجات ع فرقه الا علينا عطيتها انا فلوس اخري شوي فوني رن بحتت لقيتها اسماء دزتلي مسج " نحن وصلنا "
قلتها الاء اسرع مني قالتها للفرقه ونزلت للماما نزلت انا لقيتهن يسلحن في عبايهن شفت سناء طالعه تبارك الرحمن تجنن بكل مغيره كل شي مش نفس امس بكل طالعه احلي
فتحنالها اغنية حسين الجسمي قعدت تدرج بروحها معاها مصورتيه بس ماسكه باقة الورد تدرج ابتسامه خفيفه ترعش مع بعضها وصلت للمسرح بدت تصور خشو عربي قمعزو في جيهه وحده بدت فرقه من جديد ولعتها
........
حسن ايدير في قرواطه باسم
باسم يسقم في قرواطه احمد
انس فرحان ويبحت في احمد ماسكله ساعته ودبلته
ابراهيم مقمعز مع ايوب
عيسي يلم في حاجات احمد
احمد قمعز : خلاص انا تمام هيا
عيسي : كنك يا معلم متوتر ولا مستعجل فهمنها
شباب ضحكو
انس : تعال البس ساعتك انت مستعجل
احمد قدم ع انس : درتو الي قلتلكم عليه
انس : طلعتي الي ع مغرب هيا الي درته انا وابراهيم
انس يلبس في دبله : منور عقبالك ان شاء الله
انس ضحك : ان شاء الله يا طير
عيسي عطي الجاكه : البس طايح سعدك ع قول امي
احمد لبسها : راك تسيب ميعاد عزايز انت باهي
حسن : ههههه هذا وجهي عيسي عزايز هذا
احمد ضحك عيسي طلق كويشه في حسن
فارس : تي هيا ازف
باسم خش لبس بدلة رسمية
باقي شباب كلهم كجول لبسو كلهم و تو ارواحهم رن باسم ع محمود قاله ان حطوهم لهم ساعه قمعزو يهدرزو مع احمد مشوله جو ضحك وجو احمد ضحكه ما فرقاتش بكل عمر رن قاللهم هيا احمد ركب مع باسم هو الي زينها له سياره عالية سمحه معاهم انس باقي وراء باسم داروله زفه من حوش حسن لعند القاعه مش عادية شباب فاتحين بيبات سيارات في الي فوق سقف سياره والي يفرغ وفي الي يطلق في العب ناريه سيارات واجد وراه بعضهم تبارك الرحمن ناس كلهم قعدو يبحتو فيهم برمو بيه بنغازي و احمد فرحان متحشم يقوللهم هيا وفي نفس وقت مستغرب فيهم ما داروله شي ما فيش مقالب بكل لا سكرو عليه حمام ولا خذو تلفون بحت في دبلته لقاها قاعده كل شي تمام طلعو بيه للقاعه نزلو كلهم فتحو بيبان سياراتهم وأغاني ع آخر انس طلع كلاش قعد يفرغ فرغ مخزن كامل كان رميته زي لحن " مش اي حد يقدر ايديرها رمية هذه مش معروفه الا بين شباب محاور " جو شباب يباركو للاحمد كلهم عمر خذا
عمر : خلاص يا راجل خش تأخرت راه
احمد : اه صح باه " برم ع انس " اننننس
انس قدم شوره
احمد : الباقه
انس جابله باقه الورد
عمر قعد يمشي هو واحمد شور باب القاعه : هديلي روحك وخليك عادي
احمد : باهي ازف كنكم توترو فيا انا عادي راه انتم تركبو ع واحد
عمر فتح الباب : اوكي يا رجل خش هي
احمد خش لقانه في وجهه ابتسم جينا انا وخواتي وماما وعميمه فاطمه باركناله هبه كلمت الفرقه عشان احمد يبي يخش
اسماء نزلت طرحه للسناء وبختلها عطر اخري ونزلت
احمد سقم روحه فتحت ايمان الباب وخش هو ماما مبتسم ويبحت في سناء الي صبتله بس ما تحركتش خش ع اغنية ناصيف زيتون نفس الي خش عليها باسم عشان سناء تحبها اغنيه هذه بكل
مبروك عليكي وعليي.. انتي صرتي مني وفيي... قالو ما في فرحه بتكمل... كملت وصرتي بين أيدي... +
احمد كل ما يقدم كل ما قلبه يدق من فرحه
.لا الي لا الي .. هل الحلاا لا الي ..طلة بتبكي الغزلان... وعيون بتغلي غلي... ما في شي تمنيتو .. الا وفيك لقيتو..حبك صلاحيتو ابديه ابديه..+
احمد وصل في سناء رفع طرحها وسلم عليها بالخذ وباس رأسها
احمد مبتسم : وأخيرا يا كبيدتي مبروك علينا
سناء ترعش : الله يبارك فيك
احمد جاء جنبها ماسك يدها زين وعطها الباقه قربت ماما صورت معاهم ونزلت جت مصوراتيه بدت في تصوير وفرقة ردت تغني هنت احمد باركتله ذكرت اسم باسم وشكراته
بنات ركبن جنب الفرقة وردن يهيجن
احمد وسناء يصورو
مصوراتيه : حط يدك ع وسطها وخليك وراها وإنت امسكي الجاكه امتاعه
احمد دارها طول سناء في بدايه ارتبكت بعدها حطت يدها مصوراتيه وخرت
احمد : شن جوك اليوم ما سمعتش صوتك بكل
سناء : تمام وانت
احمد مبتسم : انا ميه ميه نرجا في مفاجأه
سناء برمت عليه قعدت تضحك حطت يدها ع فمها واحمد يضحك : كنك والله عندي احساس انها كارثه
سناء تضحك
احمد : عنشكلك الناس تبحت
مصوراتيه قربت منهم : شن فيه يا عرسان
احمد : والله سامحينا نوبة ضحك مفاجئه
مصوراتيه ضحكت : هيا يا عروسه ما فيش وقت بعدين اضحكي
و وخرت
احمد غمزلها : اصدقت الوليه بعدين اضحكي مش توا
سناء سكتت تنحنحت برمت كملت تصوير كل مره مصوراتيه تجرأ في صوره لعند احمد دواء
احمد : الله يستر بيتك خلاص صور
مصوراتيه ضحكت : مزال لقطه وحده لكم هنا ولقطه مع تورته ولقطين مع اقاربكم وخلاص
قربت احمد وسناء مقابلين بعضهم دارت رأس سناء يمين شوي وفي يدها باقه الي جابها احمد
احمد طلع منديل مسح جبهته ورده في جيبه رفع فيلو سناء من فوق ابتسم صور نحن صورنا معاهم قسو تورته قمعزو
احمد يبي يطلع : هيا حبيبي خلاص
سناء : لا مازال
احمد : لا وين مازال ياروحي هيا طولنا
ايمان جاته : شنو مطول ههههه
احمد ضحك : لا وين خلاص نبي نطلع
صبو احمد مسكلها الفيلو وينزل فيها
سناء قربت من وذنه : مادو عشان خاطري نبي نسلم ع خواتي ما بنش حتي صورن معايا
احمد قرب من وذنها : حاضر توا تسلمي عليهن
جن بنات لبسات عبايات وخمارات عشان مكياج نجاة وحنين واسماء حضننها وانا وخرت اسماء وسلمن ع احمد باليد وطلعو لبستها البرنوس وعطيت احمد عطرها فتح الباب لقي سياره واطيه حتي هي مزينينها له و مفتوح بابها قدامي وسياره قدام الباب بزبط ركب سناء وسكر الباب برم شير للشباب وركب سيارة وبيب طلع وطلعن وراء ثلاث سيارات سود عاليات وثلاثه سياره قدامه فيهن فارس وحسن ومعاذ وباسم وعيسي وانس وابراهيم وايوب منتصر وعبدالله شابين اصحابه خلو يمشي شوي و فارس عرضله
و احمد يضحك : عارفهم وحق ربي مستحيل يسكتو
سناء : كنهم
احمد مسك يدها : هذوما شباب بس الحمد لله جتني في ريشه
نزلو من سيارتهم وفاتحين سياره انس فيها اسبيكرات صوت عالي قعدو يرقصو في نص طريق وناس تبيب وشباب يرقصو من جدهم وينطو مع بعضهم ولعو العاب الناريه في طريق قعدن يطربقن وفي ايديهم زي ايناره الحمرا كلهم
شباب ينطو : هييييييي هووووو هييييييي هووو
انس صبي في نص يلوي من جده وهو فارس
سناء : مادو عادي نرفع شويا
احمد : ارفعي سياره مضلمه هههه شوفي خوك الهبل
سناء بحتت لقتهم يرقصو ضحكت
احمد ببيب يشيرلهم من قزاز قدامي خلاص يبي يطلع
وخرو شباب عطو طريق وطلع احمد شباب ركبو سيارتهم وراء احمد لين وصله للشارع وردو
نزل احمد برم للسناء فتحلها الباب ونزلها ماسكها زين
فتح الباب
احمد : هذا وين نور الحوش خشي
سناء قلبها قريب يوقف خشت بكراعها اليمين احمد قرب منها نزل البرنوس وفكه بحتت في حوش لقاته كله شموع
احمد : شنو كنك
سناء ابتسمت : شي
احمد مسكها من ايديها : هيا تعالي نخشو نوريك الحوش
سناء زمطت ريقها وقعدت تمشي معاه وراها الحوش كله قمعزها في صاله
سناء : مادو نبي نسلح الكعب
احمد ضحك سمع كعبها انسلح : حبيبي جعانه
سناء : لالا
احمد قرب منها حط يده ع خدها : شنو جمال هذا
سناء ارتبكت نزلت عيونها
احمد : تعرفي انا شن امدايرلك
سناء بصوت هادي : شنو
احمد قرب فمه عند وذنها : صبي نوريك
وخر وصبها عدو شور المنظومه فتحها ومسكها وسناء مبتسمه
احمد : كيف يرقصو ان شاء الله
سناء ضحكت مسكت ايديه حطتهن في وسطها وحطت ايديها وراء رقبته قعدو يرقصو واحمد يبحت في تفاصيل وجهه مبتسم ويسمعو في اغنيه جو هادي واحمد كل ماله كل ما يقرب من سناء
سناء قريب دواخ قلبها بيوقف
احمد نزل ع وذنها بصوت هاددددي : نحبك
سناء قلبها زان دقته وسكتت
احمد وخر وحط رأسه ع رأسها : نموت فيك
سناء هنا خلاص معش قدرت : احمد نبي نقولك
احمد وصوت هادي : كان ع رهان خلاص
سناء : احمد
احمد : قلب احمد وروحه
سناء معش عرفت شنو تقول قلبها قريب يطلع من كلامه وحركاته
احمد حس بيها حضنها : اسسس اهدي كنك حبيبي انا مرايف عليك بس ليا وين معش شفتك تخافيش مني باهي مش لغيتلك راهن توا كنك
اغنيه كملت احمد وخر
سناء فرحت لكن ما بتش تبين
احمد : لكن بعدين يتنفقذ
سناء فنصت
احمد : هههههه تعالي نصلو ونتعشو
سناء : نغير الفيلو بس
احمد مسكها في طريق من صاله للدار نوم بالورد تخرب طبعا من فيلو خشو للدار نوم لقت ع سرير روبها وهديتها من احمد وسرير كله ورد كوميني عليه شمعاعي
احمد : نساعدك
سناء : ااه لالا توا نفك بروحي
احمد قرب منها من لاوراء فتحلها سوسته وباس كتفها بشويش وخذا دبش وطلع
سناء هدت شويا خذت دبشها و طلعت للحمام غيرت وخفافت من ميك اب سقمت شكلها وطلعت لقت احمد يرجا فيها للصلاه
احمد ضبح بعد سمع باب الحمام انفتح : هيا سنو نصلو
سناء خشت لابست ملايه صلاه وطلعتله صلت معاه كمل احمد قرب منها وحط يده ع رأسها قرأ دعاء باس رأسها مسك ايديها و باسهن
احمد : أحسن حاجه الحنه خفيفه
سناء : اها
احمد : طلعتي سمحه بكل
سناء ابتسمت
احمد : شن رايك ناكلو
سناء : لا ما عنديش نيه
احمد : لنقاني جعان إنت في حمام انس جاب عشاء كولي معايا شويا سايريني
سناء : باه
صبو ع طاوله اكل
احمد : ههه حوليها بدلة الصلاة
سناء كاينه لابسه روب ابيض قصير ومشبك من فوق وحرير فوقه ديشمبر امتاعه سلحت وقمعزو ع سفره اكل ياكلو ويهدرزو ع عرس لعند سناء شرقت من ضحك احمد صبي يجري جاب اميه وشربها قدم كرسي جنبها قعدت كويسه
سناء : ههه تمام
احمد يبحت فيها وخلاص : نبي رهان يتنفذ توا
سناء زمطت ريقها
احمد قدم خذه : هنا
سناء قعدت تبحت في لحيته بعدها
احمد صبي
............
#يتبع ....
اسفه ع تأخير بس نبي نمشي شوط الحلقة الجايا كان الأربعاء عطله معناها نبي انزل حلقة
بدون تعديل 😁❤
Fafy faa