الين : نسقسيك
سامي : سقسي
الين : راك حاب هاذ الطفل
سامي : وعلاش
الين : معلباليش قلت كي جا غلطة بلاك متتقبلوش
سامي : شكون قالك غلطة واذا راكي تهدري على هذيك الليلة انسايها انا لي يهمني دوكا وليدي و دوكا ايا نوضي تاكلي
الين : مرانيش حابة
سامي : ايا نوضي وحبسي متطلقي في جياحتك راكي كبيرة
راح جابلها الماكلة
سامي : تاكلي ولا نوكلك
الين ( ضحكت ضحكة صفراء ) : اممم عندي يديا
قعدت تاكل و سامي يخزر فيها حتى كملت
الين : خلاص
سامي : ايه مليح
رفد سنيوة داها و الين رقدت وهو ولى كمل خدمة لي كانت عندو
مع العشية كامل ***
ناضت الين لقات سامي راقد راحت غسلت ولات قعدت قدامو في البونك تفكرت واش صرا اليوم بدات تتبسم وحدها دنات عندو غير بشوية وقاعدة تمس فيه في وجهو وتمسحلو على راسو
الين ( حطت يدها على كرشها ) : راك تشوف باباك شحال شباب وليدي يخرج يشبه لباباه يدي عينيه و شعرو و زين تاعو مي العقلية لازم تدي تاع ماماك باسكو باباك عقليتو بيريمي اااه الزين كاين و العقل مكانش
اوووب لقات سامي فوقها وهي من تحت
سامي : الزين كاين و العقل مكانش اهه
الين : ما......شي كننن...ت راقد
سامي : وعلاش نتي تخلي بنادم يرقد
الين : اممم سمحلي .... دوكا دنا خليني نوض
سامي : سما انا شباب😏
الين : شكون قال
سامي : نتي قولتي
الين : موليتش تسمع مليح وقيلا امنت روحك
سامي : انا شباب بلا ما تقولي
الين : عندك كونفيونس في روحك
سامي : بيانسور بصح على العقلية منتفاهموش تهدري عليا هكذا قدام وليدي
الين : وعلاش راني غالطة
سامي : سما متعرفينيش مليح
الين : هههه كيفاش حبيتني نعرفك وحنا ملي تزوجنا مقعدناش كيما العيباد و هدرنا
سامي : سما كي متعرفيش بنادم مليح متهدريش عليه
قعد غير يدنا عندها غمضت عينيها حتى دقدو في الباب
سامي : شكون
فتيحة : مسيو مدام كريمة راهي تعيطلكم باش جيو تتعشاو
سامي : رانا جايين
سامي ناض راح ديراكت للسالدوبان والين ناضت سقمت روحها وهبطت شوية ولحقها سامي قعدو كامل في الطابلة باش يتعشاو
كريمة : حقا سامي جواد هاذ اليامات يجي لهنا يجوز يامات
سامي : ايا بيان
فاطمة : توحشتهم بزاف هذي مدة مشفناهمش
كملو العشاء و قعدو في الصالون كامل حتى نطق سامي
سامي : حقا بابا كاين واحد جا خطبني في ياسمين
هنا ياسمين كانت حتموت خافت لوكان يسيفو عليها وهي حكاية سيفو مزال منساتها
مراد : شكون هذا
سامي : فارس صاحبي
مراد : فارس منلقاش كيما هو راجل فاهم واعي قاري و لباس بيه بصح انا منقدرش نسيف على ختك اذا قبلت انا ماعندي حتى مانع
فاطمة : ياسمين بنتي خممي في هدرة خوك و رجعلينا بالخبر
ياسمين : انشاءالله
صونا تيليفون الين رفدتو وراحت للشمبرة تهدر
عند الين :
الين : الو
وليد : الو الين سافا
الين : سافا ونتا
وليد : حمدالله
الين : كنت حابة نهدر معاك
وليد : مام انا
الين : شوف قبل كلش سمحلي على واش دارلك سامي المرة اللي فاتت بصح نتا تاني غالط قتلك راني مزوجة نحترم مشاعرك بصح ....
وليد : بصح واش علبالك شحال تعذبت ديجا سامي باين بلي ميحبكش و نتي تاني انا راني .....
الين : شوف مرانيش حابة نخسر معاك حق العشرة بصح ميحقلكش دخل روحك بيني و بين راجلي يحبني ولا ميحبنيش حاجة متخصكش بصح نقولك عفسة انا نحب سامي وجامي لا حبيتك ولا راح نحبك نتمنى تفهمني
وكوبات عليه
هيا دارت وتشوف سامي موراها يبست في بلاصتها
سامي : واش هذا واش يسحق
الين : طلب سمااا..ح على واش صرا وهاذ السوجي تغلق هنا
سامي : مليح منحب نزيد نلقاك معاه ولا نلقى نيميرو تاعو في تيليفونك
الين دارتلو براسها تاع ايه و دخلت للسالدوبان
الين : زعما سمع بلي قلت نحبو ..... ايه و كيفاش عرف بلي وليد ..... بصح مجبدليش قاع...... سور مامنش
خرجت من سالدوبان لقات سامي مكسل راحت ترفد مخدة باش تروح للفوتاي
سامي : ريحي هنا
الين : مفهمتش
سامي : رقدي هنا
الين : معااااك
سامي : لالا مع جدي
الين : 😒 الطبيبة مقالتش بلي منرقدش في الفوتاي
سامي : بصح انا قلت
وجبدها قعدت في البونك منبعد سقمت روحها ودنات لطرف كامل ( حافة تاع البونك ) حتا رقدت سامي قعد نايض يخمم في الين و وليدو لي جاي و لي صرا اليوم منبعد تفكر كي قالت لوليد بلي تحبو قعد يضحك وحدو حتى يلقى عفسة ترمات عليه شاف لقاها رمات رجلها و يدها سقمها وعنقها ورقد
صباح جديد ***********************
ناضت الين لقات روحها معنقة سامي بدات تتبسم وحدها حتى بدا يتفاطن
سامي : صباح الخير
الين : صباح النور
ناض سامي دوش ولبس و الين قعدت مكسلة تلعب بالتيليفون
سامي : الين راني رايح عندي اجتماع واحد الساعتين نكون هنا وجدي روحك رانا خارجين
الين : صاااح وين
راح باسها من خدها
سامي : بلاكي على روحك
الين : حاطني في الثقيل
راح سامي و الين ناضت تشطح وحدها فرزت شمبرتها هبطت لتحت غير دخلت للكوزينة لقات ياسمين تما شمت ريحة طياب ومنا طلعت تجري للشمبرة تتقيا لحقتها ياسمين
ياسمين : راكي مليحة
الين : امممم كي شميت ريحة الماكلة هذيك دارت على قلبي
ياسمين : ..... الين
الين : واشنو
ياسمين : يعني زعما يخرجو شكوكي في بلاصتهم
الين : وشمن شكوك
ياسمين : اففف مفهمتيش زعما حنولي عمة
الين تبسمتلها ياسمين سوطات عليها و تعيط
ياسمين : سمحيلي مكانش لازم نسوطي عليك هكذا اقعدي
قعدو البنات
ياسمين : ايه من وقتاش مخبية علينا
الين : ( حكاتلها واش صرا كامل )
ياسمين : من دوك نقولك سامي يحبك
الين : هههه باين
ياسمين : مرانيش نتقعد لوكان ميحبكش ميخافش عليك كي دختي و ميقولكش مرانيش حاب نطلقك باسكو لوكان ماشي والفك و ولا يحبك يطلقك يعني جيه فرصة ميضيعهاش
الين : معلاباليش ؛ ايه حكيلي عليك واش حكاية هذا فارس
ياسمين : نعرفو من لي كنا صغار يعني هو مليح عاقل بصح جامي لا خممت فيه ولا خممت باش نتزوجو
الين : يا حبيبتي خممي شوية في حياتك و انساي سيفو ابداي صفحة جديدة بلاك فارس هو لي غيرلك حياتك وفي فترة الخطوبة بلاك تولي تحبيه
ياسمين : نخمم ؛ ايا ارواحي نعاون مرت خويا باش تخرج شابة دوك شوية تلقاي سامي جا نتي تاني طلقتي روحك كامل تهليالي في روحك سامي ونعرفو واش يحب
الين : ايا روحي تلعبي هههه
ناضت الين وجدت روحها و مكيات
كانت كيما هكذا
هكذا شوية لحق سامي ؛ بعثلها ميساج هي هبطت
كي دخلت قعد يشوف فيها
الين : نروحو
ديمارا سامي راحو دارو و حوسو منبعد فطرو و قاتلو يديها للبارك راحت لعبت كيما دراري صغار
سامي : انا راني حاير كيفاش راح تربي طفل ونتي مزالك دراري
الين : اتمسخر اتمسخر بيا
سامي : اذا كملتي لعب نروحو
ركبو في طنوبيل
الين : وين نروحو
سامي : اذا عييتي نوليو للدار
الين : لالا
سامي : كنت حاب نشري حوايج جدد دوكا شتا
وتاع عام لي فات مديناهم
الين : سما نتا كل فصل تعاود لخزانة
سامي : دراهمي نصرفهم لكثارة على الحوايج و لخرين نتبرعوا بيهم لي معندوش
الين : مليح
وصلو للماغازان كان كبير و باين بلي فيه غير الغالي
كان فيه حوايج نسا و رجال
سامي : الين اذا كاش حاجة عجباتك رفديها ياك
الين : اممم
سامي كان يخير في الحوايج الين تاني عاونتو
سامي : معجبك والو
الين : لالا معجبونيش
سامي : باسكو معندكش القو كافية
الين : شوفو شكون راهو يهدر 😒
سامي : امشي قدامي
الين عجبتها واحد روبا قعدت تشوف فيها مي حشمت تخير كاش عفسة على هذيك قالت معجبونيش
كي كملو
الين : سامي
سامي : اممم
الين : هيا نروحو لبحر
سامي : في البرد
الين : مراحش نعوموا نقعدو برك قدام شط
سامي : واحد مدلك صبعو كليتيلو يدو
سامي دور طونوبيل و راحو للبحر
قعدوا قدام الشط
سامي : بردتي
الين : اممم
عنقها و زير عليها
سامي : و دوكا
الين : اممم مرانيش بردانة
...........
الين : سامي نسقسيك
سامي : سقسي
الين : ياسمين راح تقعد هكذا معاها و متهدرش معاها راهي ختك
سامي : علبالي بلي ختي بصح غلطت
الين : هي غلطت و نتا تغلط وانا نغلط كامل نغلطو لازم تسامحها
سامي : راني مسامحها بصح خليها هكذا باش تعرف غلطتها
الين : اممم مكنتش مسنياتك تخرج حنين هكذا
سامي : متقدريش تقعدي ساكتة
الين : ( دارتلو براسها لالا )
سامي : اسكتي
............
مع العشية ولاو للدار الين كانت تبان بزاف فرحانة
غير دخلوا لقاو الحس جا جواد و مرتو و بنتو و سليمة و بناتها غير شافوها راحو يسلمو على الين يبوسوا و يعاودوا من غير اسماء بيانسور
كريمة : مبروك عليكم
فاطمة : يعني قريب يجي لي يعمر عليا دار
الين خزرت في ياسمين تاع واش بدات تتبسم معاها
سامي : حنا معمرنالكش عينك
سليمة : اسكت نتا زعما حيولي عندك طفل
سامي : اففف كسرتولي راسي النسا النسا وين مانروح
سلم على خوه مرت خوه و بنتهم
سامي : عمو سافا
تعشاو كامل كيفكيف و موراها قعدوا سهارين في واحد لومبيونس هايلة مي اسماء كانت تخزر لالين خزرة تاع حقد و سامي روماركا هاذ العفسة
صونا تيليفون تاع سامي راح يهدر
فاطمة : الين بنتي اذا عييتي روحي تريحي
كريمة : غير اطلعي الين متعبيش روحك
الين : لالا معليش
سليمة : معليش بنتي حنا اصلا دوك نروحو
طلعت الين للشمبرة و تبعتها اسماء دخلت عندها
الين : اه اسماء كشما تسحقي
اسماء : جيت نهدر معاك في عفسة
الين : راني نسمع
اسماء : نجيك مالاخر سامي يحبني انا ونتي ماشي معبرك قاع زيادة في حياتو جيبيلو طفل هذا و مبعد يطلقك و يديلك وليدك مزال متعرفيهش راهو يتعامل معاك هكذا باسكو راكي رافدة وليدو نتي اكبر جايحة اذا حسبتلك بلي يحبك المهم راكي معروضة لعرسنا من قبل و تهلايلي في راجلي حتى نجي عندو
الين : نهار تتزوجو قولي راجلي مي دوكا راهو راجلي ( وراتلها الخاتم ) و دوكا اخرجي من شمبرتي دوك يجي راجلي و يحب نكونو وحدنا
اسماء تغزلت من هدرتها و خرجت الين خرجت للبالكون بدات تبكي بالشهقة صح مكانتش حابة توريلها ضعفها مي من داخل كانت تتحرق
الين : ميحبهاش اهئ اهئ ..... وليدي انا منسمحلكمش تديوه
هذا هو بارت اليوم طويييل تعويضا على الايام لي غبت فيها و ايضا على جال وحدة قاتلي بلي البارت اللي فات قصير
اذا حبيتو نكمل نسحق دعم و تعلييييييقات
خليولي ارائكم
1 علاقة سامي و الين
2 ياسمين زعما تقبل بفارس
3 اسماء
4 واش راح يصرا بين سامي و الين ارائكممم
نسقسيكم برك على لي شفات على اسم بنت جواد مشفيتش اصلا اذا حطيتو مع الاحداث و منا نسيت لي تفكرت تكتبلي