سمحولي على التاخير مي دوكا حنولي نحط يوميا انشاءالله
راح امين طلعت للشمبرة عيطت لنور
الين : الو نور
نور : وي حبيبتي
الين : سافا
نور : وي حمدالله
الين : عندي ليك خبر غدوة انشاءالله كاين حفلة تاع لانيفارسار تاع ريان
نور : صح
الين : ايه و راني حابة نروحو كيفكيف
نور : ياي خلاص مالا غدوة نشاءالله نتلقاو
الين : ايه دوك نشوف وقتاش و وين و نعيطلك
حوست الين على الفايسبوك تاع امين فليزامي تاع ريان كي لقاتو بعتثلو ميساج
《 سلام امين هاذي انا الين حبيت نسقسيك وين وقتاش الحفلة》
منبعد شوية لحقها ميساج
《 اه سمحيلي علبالك نسيت باش نقولك غدوة انشاءالله على الزوج تاع العشية رانا دايرينها في غابة ***** 》
عيطت الين لنور و قاتلها واش قالها امين و قاتلها بلي باباها راح يديهم
غدوة منذاك ناضت الين على 12 فطرت و راحت وجدت روحها لبست و دارت مكياج خفيف وهبطت مع باباها باش تجوز لنور و يروحو للانيفارسار
الين : الو نور هبطي رانا لتحت نسناوك
نور : ايه دوك نهبط
هبطت نور و دخلت
نور : السلام عليكم
احمد : و عليكم سلام بنتي
وصلو البنات و دخلو لقاو بنات و لي جون لتما
امين : اه الين مرحبا
الين : امين واشراك
امين : سافا حمدالله و نتي
الين : حمدالله ؛ هذي هذيا صاحبتي نور نور هذا امين صاحب ريان
Enchanté : نور
عيط امين لريان
ريان : الو
امين : وي ريان سافا خو
ريان : سافا حمدالله و نتا
امين : حمدالله واش كنت حاب نقولك راني حاب نشوفك
ريان : ايه وين راك
امين : في ********
ريان : واش داك للغابة
امين : كي جي نقولك
ريان : ايه دوك نجي
هكذا شوية وصل ريان شاف امين مي مكانش وحدو كانو معاه صحابو و واحد البنات منبعد قعدة يغنيولو ...... سنة hapy birthday to you........ حلوة يا ريان
........
( ياك تعرفوها الغنية 😁 )
امين : لعقوبة ل 100 سنة نشاءالله صاحبي العزيز
ريان : يسلمك بصح كبرت على هاذ العفايس
الين : هيا صح كبرت في العمر مي في العقل مشيكتش
ريان : بلعي فمك ديجا واش راكي ديري هنا
امين : انا عرضتها عيب قاع يجيو و ختك الوحيدة لالا
الين : صح هو عرضني عيب قاع يجيو و ختك الوحيدة لالا
ريان : و نتي بيانسور متراطيش
الين : بففف حقااا ارواح نبوسك نسيت اليوم الحمار تاعي ولا في عمرو 22 سنة
ريان : الين متخلينيش نقتلك اليوم
الين : هيهيهي
راحت الين عنقت خوها و باستو مام هو زاد عنقها صح يظلو يضاربو مي هما يحبو بعضهم بزاف ريان يقعد الاخ الوحيد تاع الين و الين هي الاخت الوحيدة تاع ريان
راحو قطعو القاطو و قعدو يلعبو و يضحكو منبعد ريان راح لواحد الجهة يهدر في التيليفون
لحقتو نور كي كمل دار لقاها واقفة
نور : كل سنة والدنيا بين إيديك والضحكة ما تفارق عينيك وعيد ميلاد سعيد علينا وعليك و العقوبة ل100 سنة انشاءالله مقدرتش نقولهالك مقبيل كنت لاتي
ريان : اه مارسي نور
نور : يسلمك .....امم .... هاك هذا
ريان : واشنو هذا
نور : كاد تاع لانيفارسار
ريان : لوكان متعبتيش روحك
نور : بلا مزيتي ... ايه ماتفتحوش
ريان : اه ايه
هو كان رايح يفتحو
سندس : ريان
ريان : اه سندس
راحت سندس عنقت ريان ر باستو من خدو
سندس : لعقوبة ل100 سنة حبي
نور مسكينة كانت مصدومة قاعدين يعنقو في بعضهم ناسيين بلي راهي معاهم منبعد ريان فاق لروحو
ريان : سندس هاذي نور صاحبة اختي و في نفس الوقت جيرانا ، نور هاذي سندس.....
سندس : مدامتو و عمرو و حبيبيتو و قريبا مرتو ياك ريان
( باش نفهمكم هاذي سندس وحدة متكبرة شايفة روحة و تلعبها بزاف معروفة بطابلو مكياج يوميا و اللبسة المزيرة و العريانة ريان يخرج معاها ماشي بارسكو يحبها يجوز الوقت بيها بارسكو هي تحبو و ظل موراه ايا صحابو انسيستاو عليه و قالولو شوف سندس خرج معاها سييي و منا و هي كوم ديما موراه و لا يخرج معاها )
ريان : هههه ايه راهي عرفاتك بروحها
نور مسكينة غاضتها روحها لدرجة كبيرة كانت حابسة دموعها بسيف انها تشوف الشخص اللي تحبو مع وحدة اخرى صعيب بزاف
رمات نور يدها باش تسلم على سندس
نور : متشرفين
سندس ( خلات يدها هكذاك و ماسلمتش عليها و هدرت بتكبر ) : اممم ريان هيا نروحو
راح ريان معاها وخلا نور و دموعها وديان راحت تجري شدت تاكسي و صلت للدار دخلت ديراكت لشمبرتها و كملت البكا
لعشية كامل شعلت تيليفونها لقات لي زابال تاع الين منبعد عاودت عيطتلها
الين : الو نور وين راكي مصبح و انا نعيطلك وين رحتي مقبيل سقسيت غليك قالي امين بلي شافك خرجتي
نور : والو راسي كان يوجع برك
الين : نور واشبيه صوتك
نور : مابيه والو قتلك راني عيانة شوية
الين : تخبي على ختك ياك حنا نحكيو كلش لبعضنا
نور : اهئ اهئ
الين : نور حبيبتي واشبيك
نور : ( حكاتلها كلش ) انا الحمارة الين انا علبالي ميحبنيش و هكذاك ذليت بروحي و طمعت روحي
الين : اششش خلاص خويا الحمار مايستاهلكش هذيك سندس لوكان نحكمها نوريلها و البغل هذا كي يجي نوريلو يشوف كيفاش هاذي يبكيك
نور : خلاص الين مرانيش حابة نزيد نبهدل بروحي كثر لي حكيتهولك يقعد بيناتنا و خلاص
الين : ايه خلاص
هذا هو البارت نتمنى يكون عجبكم و نتمنى نلقى تفاعل ومتنساوش تخليولي ارائكم في التعليقات
رايكم في
نور و ريان و رح يولي ريان يحب نور و لا نور راح تنسى حبها ليه و تبدى من جديد نسحق تعليقاتكم خاصة في هذي الكرو باسكو راهي من تاليفي