اعرف مراح يمررون السالفة على خير بس اني مو بحالة تسمحلي اتعارك اكثر من هيج.. راسي يوجعني وبالگوة حاصر دمعتي.. اريد ابجي مثل الاطفال.. اووف وينك يابوي وينك.. مصيبة الاب من يروح تحس نفسك ضعيف بالرغم من وجود الكل داير مدايرك... ابوية راح واحس راحت قوتي وياه وينك بابا اريدك تجيني واحضنك واشم عطرك وابوس راسك.. واكعد بحضنك وابجي مثل الاطفال.. يابوية اني ليش ماعندي حظ.. ليش الاحبه مايحبني..
ﻣﺮ ﺑﻴﻨﻪ ﺍﻭﺧﺬﺍﻙ ﺍﻟﻤﻮﺕ ﻭﺗﻌﺪﻩ ﻳﺎﻣﻮﺕ ﺍﻋﻠﻰ ﻫﻮﻧﻚ ﺳﻴﻔﻚ ﺍﺷﺤﺪﻩ
ﺍﺣﺒﺎﺏ ﺍﻭﻛﻌﺪﻧﻪ ﺍﻭﻛﻠﻨﻪ ﻣﻠﺘﻤﻴﻦ ﻃﺒﻴﺖ ﺍﻭﺧﺬﻳﺘﻪ ﺍﻭﺧﺮﺑﺖ ﺍﻟﻜﻌﺪﻩ
ﺗﻄﺐ ﺩﻭﻣﻚ ﻏﻔﻞ ﻳﻤﻔﺮﻕ ﺍﻻﺣﺒﺎﺏ ﻭﺗﺨﻠﻲ ﺍﻟﻨﺎﺱ ﻛﻠﻤﻦ ﺩﻣﻌﺘﻪ ﺍﺑﺨﺪﻩ
ﺷﺎﻫﺮ ﺳﻴﻔﻚ ﺍﻭﺗﻔﺠﻊ ﺑﺎﻟﻮﻻﻳﺎﺕ ﻭﻻ ﻓﺪﻳﻮﻡ ﺳﻴﻔﻚ ﺑﺎﻳﺖ ﺍﺑﻐﻤﺪﻩ
ﻭﻳﺎﻣﻮﺕ ﺍﻋﻠﻰ ﻫﻮﻧﻚ ﺗﺪﺭﻯ ﺑﻴﻨﻪ ﺍﺿﻌﺎﻑ ﻟﻮﻣﺎﺗﻨﻪ ﻭﺍﺣﺪ ﺣﻴﻠﻨﻪ ﺍﻳﻬﺪﻩ
ﻭﻳﺎﻣﻮﺕ ﺍﻟﺒﺸﺮ ﻣﻦ ﻋﺎﻃﻔﻪ ﺍﻭﺍﺣﺴﺎﺱ ﻣﻦ ﺩﻡ ﺍﻭﻟﺤﻢ ﻣﻮ ﻣﻦ ﺻﺨﺮ ﺟﺒﺪﻩ
ﻭﻟﻮﻣﺎﺗﻨﻪ ﻣﻴﺖ ﻣﻮ ﺳﻬﻞ ﻧﻨﺴﺎﻩ ﺗﺬﻭﺏ ﺍﺭﻭﺍﺣﻨﻪ ﻭﺗﺘﻜﻄﻊ ﺍﻟﻔﻜﺪﻩ
ﺍﻭﺍﺣﺪﻧﻪ ﻛﻀﻪ ﻣﻦ ﻣﺮﺍﺩﻑ ﺍﻟﺼﺪﻋﺎﺕ ﺟﺜﻴﺮﺍﺕ ﺍﻟﻨﻮﺍﻳﺐ ﺿﺎﻋﺖ ﺍﻟﻌﺪﻩ
ﻭﺍﻟﺮﺍﺣﻞ ﺗﺮﻛﻠﻪ ﺑﻜﻞ ﻛﻠﺐ ﺑﺼﻤﺎﺕ ﺑﺬﺭ ﺑﺬﺭﺓ ﻣﺤﺒﻪ ﻭﺷﺠﺮﺗﻪ ﺍﻣﻮﺭﺩﻩ
ﺳﻮﺍ ﻟﻴﻔﻪ ﺗﺪﻭﺭ ﺑﻜﻞ ﺭﻛﻦ ﺑﺎﻟﺒﻴﺖ ﻭﺣﻨﻴﺘﻪ ﺗﺪﺍﻭﻱ ﺍﻟﺠﺮﺡ ﻭﺗﺸﺪﻩ
ﻳﺎ ﺳﻠﻮﺓ ﻫﻠﻚ ﻣﺎ ﺍﺿﻦ ﻟﻴﻨﻪ ﺍﺗﻌﻮﺩ ﻭﺍﺿﻦ ﻣﻬﺮﻙ ﺧﺬﺍﻙ ﺍﻭﻣﺎ ﺑﻌﺪ ﺭﺩﻩ
ﻭﺿﻠﻴﻨﻪ ﻧﺘﺎﻧﻲ ﺍﻣﺠﺬﺑﻴﻦ ﺍﻟﺼﺎﺭ ﺍﻭﺋﻴﺴﻨﻪ ﺻﺪﻙ ﻣﻦ ﻃﺎﻟﺖ ﺍﻟﻤﺪﻩ
ﻭﺍﻟﺪﻓﺎﻥ ﺭﺍﺟﻊ ﻭﺣﺪﻩ ﺍﺑﻨﺺ ﺍﻟﻠﻴﻞ ﻭﺻﻌﺒﻪ ﻋﻠﻰ ﺍﻟﺪﻓﺎﻥ ﻣﻦ ﻳﺮﺟﻊ ﺍﺑﻮﺣﺪﻩ.
كلبي يتگطع.. مادري على ابوية اللي مشتاقله ومحتاجه هسه كولش لو على ساره اللي كسرت گلبي.. محد يعرف اني شلون انسان عاطفي وحساس.. الكل عبالهم اني انسان جدا قوي وميهزني شي.. بس الحقيقة اني كولش محتاج احد يسندني ويكون وياي ويشجعني ويحبني ويعوض عن مكان ابوي.. توقعت هذا الشخص راح يكوت ساره بس هي تحب غيري.. اووووف تجري الرياج بما لا تشتهي السفن
طلعنا من الديوان ورحنا للمستشفى شفنا ساره مرة لخ.. مادري ليش نهيت عليها.. هو صح اني اريد احميها منهم بس ماريد اتزوج وحدة متحبني..
رجعت للبيت رحت بوجهي للغرفة مابية حيا اي احد.. طبيت للحمام وغسلت ودموعي تجري وية المي.. ياربي ارجوك طلعني من هاي المسكلة ياربي ارجوك لگيلي حل ارجوك.. هسه الكل يعادي ساره وياذوها ياربي ساعدني
طلعت من الحمام ورحت صليت وناجيت ربي يساعدني ووراها رحت للفراش.. شفت خمس مكالمات من رانيا.. هاي وحدة وياي بالشغل.. استغربت لمكالمتها لان هي ما تحجي وي اي رجال.. غلست عالموضوع و انداريت انام
قطع نومتي صوت تلفوني وهو يدگ.. انداريت شفته رانيا.. جاوبت
الوو
مرحبا
تفضلي اختي اشو داگة علية.. خير محتاجة شي
يعني الة احتاج شي يلة اخابرك؟ ميصير اخابر اسالك عن احوالك مثلا
لالا موهيج قصدي بس
بس اني ماحجي وية رياجيل؟.. عادي.. بس گلبي دگ الك
شنو؟
مثل ما سمعت.. عمر اني احبك.. احبك كلش
اختي استحي شوية اهم بالبنية حيائها
بلا حيااء اني دا اصرح عن مشاعري مدا اشوفك شعري
والله ماعرف شگولج
فكر باللي اگولة.. شوكت ما تقرر اني راح اكون موجودة.. تصبح على خير حبيبي
سدت التلفون.. ماعرف هاي شنو وشبيها المرة مجانت هيج هاي شنو شمالها تخبلت لو شنهو.. عفتها ورجعت نمت..
ضليت احلم كوابيس.. واحلم انو ساره تجيني بالحلم وافزز من اشوفها.. ما ارتاحيت ورحت للمستشفى ساعة بال 5 الفجر.. وطبيت لغرفة ساره.. ورحت گعدت يمها.. ضليت العب بشعرها واباوع بوجهها.. وكمت نمت عالقنفة اللي يم الجرباية مالتها.. اخيرا كدرت انام.. يمكن الة اطمأنيت عليها ووجودي يمها يريحني.. نمت وكعدت بال 10 الصبح.. كمت ورحت اشتريت چاي ورجعت للغرفة.. كعدت يمها شفت تلفوني.. مكالمات لم يرد عليها من سراج ومن رانيا ومن امي.. والله تعبت خلص كافي تعبوني.. غلست على امي وجاوبت سراج.. عدنا گعدة بديوان عمي نمر.. رحت وخلصت الگعدة ويومية حسبات وطلايب.. اخذت اجازة اسبوعين من الشغل.. وضليت من ديوان لديوان..
هيج صارت حياتي لمدة شهرين.. اكعد واروح للشغل والعصر لديوان وشغلات وارجع تعبان واروح انام راسا.. امي متحجي وياي لان نهيت على ساره وهي هسه يعتبروها عار.. اني طلعتها من المستشفى وجبتها للبيت واني اعتني بيها لان اهلي يكرهوها.. بس هي بعدها مو صاحية.. مدا تصحى من الغيبوبة
رجعت من الشغل ورحت سبحت وبدلت ملابسي ورحت لغرفة ساره.. كعدت يم جربايتها وبديت ابجي.. ساره ارجوج اصحي محتاجج الله عليج اصحي.. محتاجج تحطيني بحظنج وتكوليلي كولشي راح يهون عفية كعدي بجاه ابو فاضل كعدي..
غطيت عيوني بايد وايد اللخ لازم بيها ايدها.. تخيلت اصبعها تحرك.. وخرت ايدي عن عيني وشفتها دتفتح عينها.. كمت ابجي وافرح واگمز وماعرف شسوي.. بست ايدها وراسها.. بدت تنطق.. اا.. اا.. كلتلها حبيبتي لا تتعبين نفسج.. كالتلي ااا احمد ويين (بصوت تعبان جدا).. شعور مينوصف يعني اني راح اموت جنت من خوفي وهي تفكر ب احمد.. عفتها وگمت.. رحت نمت والعصر رجعت رحتلها.. كلت بلكي تتادب وبعد متسال عليه وتبدي تنساه.. رحتلها وهي جانت تبجي.. گلبي رف عليها ورحت ركض..
كلتلها هاا شبيج ليش تبجين.. كالتلي ماكدر اكوم كلتلها ليش كالت مدتشوف الاجهزة مربوطة بية.. شلت الاجهزة وحاولت اكومها بس شوية شوية خاف العمود الفقري متضرر.. شوية وشوية وكدرت تكعد عالجرباية.. باوعت عليها وكلتلها الحمد لله على السلامة.. كالتلي شصار بية ؟ كلتلها بعدين احجيلج.. كالتلي ارجوك كولي كلتلها والله احجيلج بس بعديين مو هسه
كالتلي اريد اسبح ساعدني اروح كلتلها شلون اخليج تسبحين وانتي هيج وهي ضاجت وزعلت بس احسن خل تزعل احسن مما يصير بيها شي وهي اصلا بعدها توها كاعده.. متحملت وكمزت عليها حضنتها حاولت تدفعني بس اني احترمت نفسي ورجعت كلتلها ليش دفعتيني كالتلي ماريد.. وطبعا مزاجها موزين بس ميهمني المهم داشوفها هيج كدامي.. بديت احاول امشيها.. استندت علية ومشيتها الغرفة.. ورجعتها حتى لتتعب.. باوعت علية وكالتلي عمر.. كلتلها عيوني كالتلي جوعانة ☹️ كلتلها هسه اجيبلج اكل.. طلعت وكلت لامي اريد اكل كالتلي شبيك مو تغديت كلتلها اريد اكل شنو حرام باوعتلي وكالتلي كعدت العار؟ كلتلها ما اسمحلج تحجين هيج عليها لو شميصير هي راح تصير زوجتي وهذا الحجي ممنوع
زوجتك شنو ملكيت غيرها تخليها زوجتك؟ الف وحدة تتمناك.. ماجاوبتها اخذت الاكل ورحت لساره وكعدت اوكلها بيدي بعدين هي كامت تاكل بيدها واني اباوع عليها.. هي مو هلكد جارعتني بس اني احبها.. من اشوفها انسى كل الصار.. بعدين شلت الاكل وكالتلي زين هسه يصير اسبح؟ كلتلها يي بس تبقين الباب مفتوح ومراح اباوع بس علمود اخاف ليصير بيج شي.. بالبداية ما اقتنعت.. بعدين ضاجت مني..
كلتلها براحتج بعد.. كالتلي الباب مو مفتوح بس شويونة.. كلتلها اوك.. اني كعدت وانطيت ظهري للباب علمود لا اشوف شي بس علمود اسمع كولشي.. كالتلي اريد هدومي.. دورت على هدومها مالكيتها.. تذكرت هي اخر شي جانت بجنطة والجنطة راحت وي السيارة.. رحت جبتلها قميص من هدومي وبنطرون وانطيتهياه.. طلعت من الحمام وشعرها منگع وطويل.. ضلت تباوعلي صفح.. راحت تريد تمشط حسيتها داخت.. لحكت عليها ولزمتها ووديتها للفراش.. جبت فرچة مال شعر ومشطتلها.. وهي تباوع علية وساكتة.. بعدين كسرت حاجز الصمت وكالت اريد اطلع من الغرفة.. كلتلها لا وميحتاج كالتلي لتتهرب شبيك اريد اطلع من الغرفة
اني سكتت.. لان اعرف اذا راح اطلعها راح يحجون عليها ف حاولت افهمها الموضوع.. هي سكتت.. كالتلي احجيلي شصار.. حجيتلها كولشي.. كامت تبجي كلتلها يلة ومومهم حتى ابوج خلي يولي المهم اني وياج.. كالتلي هو اني دا ابجي لان لازم اتزوجك.. ماحبك عمر ماحبك ماحبك.. ماحبك ومراح اگدر احبك فد يوم.. انت دمرت حياتي لو بس عايفني اعيش وي احمد بس انت دمرت حياتيي
بدون شعور هفيتها براجدي.. هي لزمت خدها وسكتت.. كلتلها شنو دمرت حياتي؟اني الشخص الوحيد اللي واگف وياج الى هسه وانتي تكولين دمرت حياتي؟ تدرين لو بس اعوفج هذولي ياكلوج؟
كامت تبجي.. عفتها وكمت.. قفلت الباب ورحت اشتريت تلفون ورحتلها انطيتهياه.. كلتلها بس تحتاجيني رمشيلي اني رايح.. واني متجرين عدل وياي بعد شوفي شسوي بيج..
ساره
كعدت ولكيت عمر يمي.. يا الله اني وين؟ وليش اني هنا شنو هاي ليش شكو شنو القصة مو جان المفروض اشرد وي احمد؟ سالت عن احمد.. كام وعافني.. بعدين كلت بلكي اكوم لكيت نفسي مربوطه باجهزة كومة وبديت ابجي.. واحاول اصيح بس محد يسمعني وصوتي بعده ناصي.. ورة كومة يلة اجه عمر وكومني وجابلي اكل وغسلت ولبست هدومه و حجالي كولشي.. كلتله اني ماحبك.. لان هو هذا الشعور الوحيد اللي اشعر بيه تجاهه من بعد ماعرفت انو احمد مات.. عمر راح.. ورجع جايبلي تلفون.. وطلع وراح..
احمد
ورة كل هذا وهي تكولي ماحبك.. زين والبهذلة؟ والتعب؟ والالم؟ والحب؟ والبجي البجيته؟ وين راحوا؟ بس يلة بلكي بمرور الايام تتغير شوية.. طلعت برة البيت وماعرف وين اروح بس ضليت برة البيت..
دگ تلفوني.. شلته وشفته رانيا دتدگ.. اهوو مو بحالها.. سديته ورة شوية دگت ساره.. جاوبت.. كالتلي عمر تعال عفية.. كلتلها شكو كالتلي تعال ارجووك تعال ارجووك راح يقتلوني
رحت ركض للبيت وطبيت لكيت ابوها جاي ويصيح.. امي رايحة كايلة لابوها انو هي كعدت وابوها يريد يقتلها بس شاف الباب مقفول.. وصارت عياط وهاي واني تدخلت.. كلتله شتريد منها بعد؟ كاللي انجب لك وامشي ولي منا اني ابوها والي كل الصلاحية انو اسوي اي شي بيها.. كلتله هذا الحجي قبل ما انهي عليها.. ابوها راد يتضارب وياي بس انهار وضغطه صعد وودوه.. اني طبيت لغرفة ساره وقفلت الباب وكعدت يمها كلتلها لتخافين اني وياج وماعوفج.. جانت دتبجي ومتقرفة بحافة الفراش.. حطيت ايدي على ظهرها وهي باوعت علية وجتي علية حظنتني حييل.. كالتلي عمر لتعوفني ارجوك لتعوفني مابقالي احد غيرك.. كلتلها مو متحبيني؟ كالتلي اني وحدة غبية معليج باللي اگولله بس لتعوفني ارجووك لتعوفني.. كلتلها ماعوفج لو اموت.. بعدين كلتلها يلة نامي وارتاحي وباجر نشوف شنسوي..
دا اطلع من الغرفة وكالتلي لتعوفني اخاف.. كلتلها لا تخافين غرفتي هنا.. كالتلي نام يمي.. صفنت عليها هاي شبيها على غفلة تغيرت قبل شوية تكولي ماحبك.. كلتلها اوك.. رحت لغرفتي جبت مخدتي ولحافي ودوشگ ورحت نمت بالگاع..
هي مدت راسها من الجرباية وكالتلي تصبح على خير.. وطفت الضوة.. اووف ياربي لا تحرمني منها صح خبلة وكلسع قرار شكل بس احبها مدري ليش..
هيلاو حبايبي شلونكم.. وياكم كاتبكم.. شتتوقعون حيصير بالبارت الجاي؟ اكتبوا واللي تتوقع صح عود من تخلص القصة انشر حسابها.. واحبكم 💖