اعرف مراح يمررون السالفة على خير بس اني مو بحالة تسمحلي اتعارك اكثر من هيج.. راسي يوجعني وبالگوة حاصر دمعتي.. اريد ابجي مثل الاطفال.. اووف وينك يابوي وينك.. مصيبة الاب من يروح تحس نفسك ضعيف بالرغم من وجود الكل داير مدايرك... ابوية راح واحس راحت قوتي وياه وينك بابا اريدك تجيني واحضنك واشم عطرك وابوس راسك.. واكعد بحضنك وابجي مثل الاطفال.. يابوية اني ليش ماعندي حظ.. ليش الاحبه مايحبني..
ﻣﺮ ﺑﻴﻨﻪ ﺍﻭﺧﺬﺍﻙ ﺍﻟﻤﻮﺕ ﻭﺗﻌﺪﻩ ﻳﺎﻣﻮﺕ ﺍﻋﻠﻰ ﻫﻮﻧﻚ ﺳﻴﻔﻚ ﺍﺷﺤﺪﻩ
ﺍﺣﺒﺎﺏ ﺍﻭﻛﻌﺪﻧﻪ ﺍﻭﻛﻠﻨﻪ ﻣﻠﺘﻤﻴﻦ ﻃﺒﻴﺖ ﺍﻭﺧﺬﻳﺘﻪ ﺍﻭﺧﺮﺑﺖ ﺍﻟﻜﻌﺪﻩ
ﺗﻄﺐ ﺩﻭﻣﻚ ﻏﻔﻞ ﻳﻤﻔﺮﻕ ﺍﻻﺣﺒﺎﺏ ﻭﺗﺨﻠﻲ ﺍﻟﻨﺎﺱ ﻛﻠﻤﻦ ﺩﻣﻌﺘﻪ ﺍﺑﺨﺪﻩ
ﺷﺎﻫﺮ ﺳﻴﻔﻚ ﺍﻭﺗﻔﺠﻊ ﺑﺎﻟﻮﻻﻳﺎﺕ ﻭﻻ ﻓﺪﻳﻮﻡ ﺳﻴﻔﻚ ﺑﺎﻳﺖ ﺍﺑﻐﻤﺪﻩ
ﻭﻳﺎﻣﻮﺕ ﺍﻋﻠﻰ ﻫﻮﻧﻚ ﺗﺪﺭﻯ ﺑﻴﻨﻪ ﺍﺿﻌﺎﻑ ﻟﻮﻣﺎﺗﻨﻪ ﻭﺍﺣﺪ ﺣﻴﻠﻨﻪ ﺍﻳﻬﺪﻩ
ﻭﻳﺎﻣﻮﺕ ﺍﻟﺒﺸﺮ ﻣﻦ ﻋﺎﻃﻔﻪ ﺍﻭﺍﺣﺴﺎﺱ ﻣﻦ ﺩﻡ ﺍﻭﻟﺤﻢ ﻣﻮ ﻣﻦ ﺻﺨﺮ ﺟﺒﺪﻩ
ﻭﻟﻮﻣﺎﺗﻨﻪ ﻣﻴﺖ ﻣﻮ ﺳﻬﻞ ﻧﻨﺴﺎﻩ ﺗﺬﻭﺏ ﺍﺭﻭﺍﺣﻨﻪ ﻭﺗﺘﻜﻄﻊ ﺍﻟﻔﻜﺪﻩ
ﺍﻭﺍﺣﺪﻧﻪ ﻛﻀﻪ ﻣﻦ ﻣﺮﺍﺩﻑ ﺍﻟﺼﺪﻋﺎﺕ ﺟﺜﻴﺮﺍﺕ ﺍﻟﻨﻮﺍﻳﺐ ﺿﺎﻋﺖ ﺍﻟﻌﺪﻩ
ﻭﺍﻟﺮﺍﺣﻞ ﺗﺮﻛﻠﻪ ﺑﻜﻞ ﻛﻠﺐ ﺑﺼﻤﺎﺕ ﺑﺬﺭ ﺑﺬﺭﺓ ﻣﺤﺒﻪ ﻭﺷﺠﺮﺗﻪ ﺍﻣﻮﺭﺩﻩ
ﺳﻮﺍ ﻟﻴﻔﻪ ﺗﺪﻭﺭ ﺑﻜﻞ ﺭﻛﻦ ﺑﺎﻟﺒﻴﺖ ﻭﺣﻨﻴﺘﻪ ﺗﺪﺍﻭﻱ ﺍﻟﺠﺮﺡ ﻭﺗﺸﺪﻩ
ﻳﺎ ﺳﻠﻮﺓ ﻫﻠﻚ ﻣﺎ ﺍﺿﻦ ﻟﻴﻨﻪ ﺍﺗﻌﻮﺩ ﻭﺍﺿﻦ ﻣﻬﺮﻙ ﺧﺬﺍﻙ ﺍﻭﻣﺎ ﺑﻌﺪ ﺭﺩﻩ
ﻭﺿﻠﻴﻨﻪ ﻧﺘﺎﻧﻲ ﺍﻣﺠﺬﺑﻴﻦ ﺍﻟﺼﺎﺭ ﺍﻭﺋﻴﺴﻨﻪ ﺻﺪﻙ ﻣﻦ ﻃﺎﻟﺖ ﺍﻟﻤﺪﻩ
ﻭﺍﻟﺪﻓﺎﻥ ﺭﺍﺟﻊ ﻭﺣﺪﻩ ﺍﺑﻨﺺ ﺍﻟﻠﻴﻞ ﻭﺻﻌﺒﻪ ﻋﻠﻰ ﺍﻟﺪﻓﺎﻥ ﻣﻦ ﻳﺮﺟﻊ ﺍﺑﻮﺣﺪﻩ.
كلبي يتگطع.. مادري على ابوية اللي مشتاقله ومحتاجه هسه كولش لو على ساره اللي كسرت گلبي.. محد يعرف اني شلون انسان عاطفي وحساس.. الكل عبالهم اني انسان جدا قوي وميهزني شي.. بس الحقيقة اني كولش محتاج احد يسندني ويكون وياي ويشجعني ويحبني ويعوض عن مكان ابوي.. توقعت هذا الشخص راح يكوت ساره بس هي تحب غيري.. اووووف تجري الرياج بما لا تشتهي السفن
طلعنا من الديوان ورحنا للمستشفى شفنا ساره مرة لخ.. مادري ليش نهيت عليها.. هو صح اني اريد احميها منهم بس ماريد اتزوج وحدة متحبني..
YOU ARE READING
الدلوعة وابن الناصرية
Romanceقصة بنت مدللة ولسانها طويل تروح لبيت عمها بالناصرية.. هل راح تگدر تتاقلم بأجواء الريف؟ القصة باللهجة العراقية 💖
