بقلم الكاتبة (حنفوشة)
استمر عمر ميحجي وياي ابد ولا حتى يقبل يشوفني.. اني ميهمني.. بس اني مفد يوم احد هملني.. دائما الكل يحبني وميحتاج حتى اعتذر بس عمر غير..
سعدية: ساررررةةة... عممررررررر... سااااررةة.. عمرر
ساره(جاية ركض) :خالة خالة شكو شبيج
_دصيحي عمر وتعالي عندي وياج حجاية
_حاضر خالة.. رحت اصيح عمر طبيت للغرفة وجان يصيح
_لج انتي الى متى تبقين هيج؟ اكو واحد يطب هيج للغرفة بلا احم ودستور
_اللي يسمعك يكول دتهرب مخدرات يعني قابل شتسوي؟ واذا طبيت يعني شصار على گلبك؟ هااا؟
_انتي شكد صلفة؟ تصدقين بحياتي مشايف وحدة مثلج.. لج بابا البنية لازم يكون عدها شوية حيااء مو هيج
_ييي يلة اني موبنية اصلا.. خالة تريدنا عدها حجاية ويانا وتعال وعدل خلقتك وبلا تزعل.. ودرت وجهي ومشيت دا اطلع برة الغرفة
_والقران لوما بنية جان كسرت خشمج..
انداريت عليه ورفعت حاجبي.. گلت شي؟
_سلامتج 😒
عمر
من يوم اجتي ساره وهي متعبتني دومها تتنعوص ولسانها طويل وتتموع.. مادري شنو من بنية هاي.. عندها تصرفات مو طبيعية تخليني اتخبل.. احت علية وفتحت الباب بلا احم ودستور وطبت وراددتني وولا كانه اني رجال.. والله لو ما مرة جان كسرت ايدها على هالتصرفات.. رحت للهول يم والدتي وساره كعدت يمي.. كلبت وجهي عنها وكلت لامي.. خير يا امي يا ام الوفه.. كالتلي چا شبيك اليوم تتلوگلي ماعندي فلووس 😐
ساره
تقصدت اسوي هيج بعمر حتى شوي يحس على نفسه ويرجع للخباثة لان ملييت هيج ببحدي.. اجه ديحجي وي امه جان تكوله ماعندي فلووس 😂..
ساره: هييي هيييييييييى😂😂😂
عمر:لجج فضحتينا شنو هالضحكة الكل سمعها
_اووي شكد مزعج حتى ضحك ميخليني اضحك عشتووو
سعدية: ولكم كافي تتناگرون.. عمر راح يجون خواتك واخوانك.. اريدك تطلع تجيب مسواگ هاك هاي القائمة.. وساره انتي عليج الطبخ والتنظيف واني وخالتج طالعين عالبستان نحش الزرع..
كالتلنا خالة سعدية هيج واحنا كلمن راح على شغلة اني كعدت انتظر عمر يجيب المسواگ وكاعدة ببحدي طلعت تلفوني وخابرت احمد
صباح الخير ❤️
صباح النور هاي شنو شو گاعدة من وكت؟ مو من عوايدج تكعدين من ال ٨
مو كلتلك؟
يي صح تذكرت.. شلونج ماي لوڤ
موزينة.. هذا واحد مليق ابن عمتي كولش مضوجني كووولش
YOU ARE READING
الدلوعة وابن الناصرية
Romanceقصة بنت مدللة ولسانها طويل تروح لبيت عمها بالناصرية.. هل راح تگدر تتاقلم بأجواء الريف؟ القصة باللهجة العراقية 💖
