بقلم الكاتبة (حنفوشة)
بنص الليل كمت دا اشرب مي جان اسمع صوت احد يون.. ظليت امشي بالممرات.. البيت بسيط كولش بس مو صغير لان هم عددهم كبير بس مسافرين قسم منهم..
تبعت الصوت ووصل للغرفه اللي يجي منها الصوت.. شفت عمر نايم بس دا يون..
تجرات وطبيت للغرفة ورحت كعدت يمه.. گاعد يهذري.. حطيت ايدي على گصته مصخن حيل.. ارتبكت وكمت ماعرف شسوي بس اتذكر من جنت اصخن ماما جانت تحطلي كمادات.. بس شلون تسويها 😭 ماعرف كمت اكمز ماعرف شسوي.. رحت لامه
_خالة خالة.. خالةةة (واني اهز ايدها احاول اگعدها)
_ه ها ها سويرة شكو خير حبيبتي محتاجة شي؟
_خالة عمر مصخنن كولشش _عوفيه عرج ما يطگه.. (ودارت راسها وحتنام)
_ياا خالة صدوگ جذب؟ خالة خالة
_عوفيني اريدن اناام
_ياا هسه شلوون؟؟ رحت يمة وباوعت عليه جان اتذكر مرة من جنت صغيرة صخنت وماما حطت على راسي فد شي منكع.. معقولة بس مي 🤔.. مادري شلون وصلت لقرار انو راح اجيب مي وثلج واطشه عليه 😃
وسويتها 😂..
_يااااااااا حمااارةةةةةةة
_اشو وخر هل اشوف گصتك راحت الصخونة لولا؟
_انتي شنووو؟؟
_بشر 😐.. لالا انت الظاهر من صدوگ مصخن
_لججج.. المصخن يطشون علية مي بيه ثلججج؟؟؟ انتي غبية؟ بعدين شلون تطبين لغرفتي امشي كومي طلعي منا وما مسموحلج تطبيلها ابدد
_فوك مادا احاول اخليك تتحسن.. موصوجك صوجي اني خفت عليك ظل يعيط ويدردم اني رحت لغرفتي وسديت الباب.. باوعت بالشباك الحديقة حلوة كولش مكان يخبل وشمرت نفسي عالفراش ونمت..
گعدت الصبح والكل فوگ راسي وخالة تبجي وعمر يطكطك باصابيعه متوتر.. اني استغربت.. جان يباوع علية واندار على امه يكوللها كعدت كعدت
_الحمد والشكر الك يا رب.. كعدت الحمد لله مابيها شي اووففف يا كلبي ردت اموت من الخوف
_شكو؟ 😐 شبيكم
_يا يمة يا سويرة بيج شي تحسين نفسج تعبانة مريضة شي؟؟
عمر: زعلتي البارحة لان عيطت عليج؟
_هااي شكو غير تحجون شكو (گمت على حيلي)
_يمة دشوفي ساعة بيش.. خفنا عليج كلنا خاف صار بيج شي ضلينا نكعد بيج ما تكعدين
انداريت شفتها ساعة بال ١ الة ربع الظهر
_شكو مكعديني من الصباحيات الله يا الله شعندي مكعديني من الصبح(شمرت نفسي عالفراش مرة اللخ)
_ااااااااااا سويرة؟ تعرفين تقرين الساعة؟
_طبعا اعرف 😐
_بنتي ساعة بال وحدة الة ربع الناس حتى تغدوا هسه
_منو يتغدى من ساعة بالوحدة.. اني اصلا اكعد بالاربعة العصر وشمرت نفسي عالفراش وانداريت منهم
صار هدوء غريب تقريبا دقيقة.. انداريت عليهم داشوف شنو القصة شفتهم مصدوميين ويباوعون علية بنظرة غريبة كولش وعمر يفر بايدة ومعاجبه الوضع ويكول تهي بهي نايمة للاربعة العصر واحنا نكعد من الاربعة الفجر
سعدية:يمة سويرة تتشاقين ؟ معقولة للاربعة تنامين لج البهايم تكعد من الغبشة وانتي تنامين للعصر؟
ساره;تقارنيني بالبهيمة؟ بعدين انتو اللي تكعدون مثل البهايم على الاقل اني اسوي تصرفات تفرق عن الحيوانات
عمر: تادبي يا حيوانة شلون تتجراين تحجين هيج؟ الظاهر اهلج ما علموج الصح من الغلط.. نايمة للظهرية واحنا متنا من الخوف گلنا خاف ماتت او صار بيها شي هي تكول انتو مثل البهايم والله لو ما مرة جان هفيتج براجدي عميتلج عينج
ساره: (گعدت على حيلي) يي يي تعال تفضل هفني راجدي هي هاي البقت ابن الناصرية يذلني مادري شلون قبلت اجي لهيج مكان خايس ويم هيج شكولات زفرة.. ناس قروية همج
_لج انتي شكد ادبسز انتي ينرادلج اعادة تربية واجه جرني من ايدي حيل وگومني من الفراش وسحلني لنص البيت وشمرني وگال شوفي ساره اذا ماجريتي عدل ولا اخليج بهالبيت
ساره:علساس اني ميتة عليكم هه شلون شكول
اجه علية وكعد بالكاع يمي وتقرب مني صار وجهه يم وجهي وكاللي لا عبالج احنا ميتين عليج.. امج اللي رادت تجين هنا علمود شوي يصير براسج حظ.. وكالت لا ترجعوها الة تكون متعلمة الاصول لان امج كبرت وتعبت ومدا تكدرلج يعني اذا اريد اشمرج بشوارع الناصرية اللي معاجبتج واذا كدرتي ترجعين للبيت عود تعاي تفلي بوجهي
سعدية:كافي عمر تعال هنا عوفها لتحرگ اعصابك على هاي
يتبع
أنت تقرأ
الدلوعة وابن الناصرية
Romanceقصة بنت مدللة ولسانها طويل تروح لبيت عمها بالناصرية.. هل راح تگدر تتاقلم بأجواء الريف؟ القصة باللهجة العراقية 💖
