الدلوعة وابن الناصرية

Pt. 10

مر شهر تقريبا واني وساره علاقتنا جدا عادية ولا كانو بيناتنا عقد.. بس هي نفسيتها متحطمة لان رجلها مكسورة.. اجه اليوم اللي نفك بيه الجبس.. وجانت بيومها اسعد انسانه بالدنيا.. شگد فرحت من شفت الفرحة على وجهها مرة لخ..

كل يوم قبل ما انام بالليل اكعد افكر بية اني وساره وعلاقتنا.. مدا اشوف بوجهها الحب اللي شفته بهذاك اليوم من شفتها عالشباك.. يكولون البعد يخلي الواحد ينسى ليش الى هسه منسته؟ زين ليش محبتني الى هسه.. هواي مرات اكون اريد ادلعها واسولف وياها بس هي تصدني وتبعدني عنها.. تعبتني.. صح احبها بس مدا اشوفها نبادلني الشعور نفسه فليش افرض نفسي عليها.. مو جانت زينة؟ مو جانت دتبدي تحبني؟ليش هيج تغيرت؟ تعبتني هالبنية والله.. هواية افكر بشغلة رانيا.. البنية تريد تسعدني وماتنعاب.. بس گلبي ماهاويها.. كل ما افكر بشغلة رانيا احاول اطلع الفكرة من بالي واروح احاول اتقرب من ساره واتحارش بيها بالسوالف علمود انسى بس ساره جامدة وياية كولش.. ماعرف الى متى راح نبقى هيج بس لازم الگي حل مهما كان

طلعت من البيت وقفلت باب الشقة.. رحت للشغل وگعدت على المكتب واني منايم الليل كله صاير عندي ارق.. اندكت الباب.. صحت ادخل بس بنبرة منزعجة.. طبت رانيا وگعدت كدامي كالتلي عمر.. اني مستعدة اخطبك وحتى اني ادفعلك مهر بس اريدك وياي بعد برودك دمرني.. كلتلها رانيا لاتتوقعين هذا البرود يتغير ترة اني هيج.. كلتلي لا جذاب اني سمعتك بالتلفون شلون تحجي.. اعرفك مو هيج بارد بس انطيني فرصة.. كلتلها منرهم ابد رانيا.. غورگت عينها وكالتلي اوك.. خلص اني اسفة واسفة من نفسي لان هنت نفسي وكرامتي علمودك.. انكسر گلبس عليها كلتلها لازم اشرحلج.. كالتلي اشرح.. حجيتلها على كولشي من البداية وعلى ساره وعلى المي وضوجتي وحتى مسيطرت على نفسي ودمعت عيني.. شفت بعيونها حب حقيقي.. نفس الحب اللي احبه لساره..

عرضت علية الزواج.. ماعدنا هيج شي بالناصرية بس اني انسان فاهم وواعي ف تقبلت اللي صار

ضليت صافن بوجهها.. گلت وي نفسي شراح اخسر؟

ماعرف ليش هالكد صرت اناني ومفكرت بساره وشنو راح يكون مصيرها خاصة انو الكل كارهها.. وافقت وكلتلها خلص خل نتزوج

هي مجانت تريد شي مني لا ذهب لا مهر غالي كالتلي بس اريدك تزوجني.. رحنا سيد وعقدلنا وكالت ميهم حتلو شوكت مجان نعقد محكمة هسه اهم شي اني اصير زوجتك امام الله.. جنت فرحان بيها لانها عكس ساره.. جدا مطاوعة وتحبني ولزكتلي كولش واني هذا الاريده.. صعدنا بالسيارة وفتحت اغاني

اني ما احبها بس لان حسيت راح تسعدني ف تزوجها..

وصلتها للبيت.. كالتلي انزل تعال انت ممتغدي تعال مسوية اكل اكلي كولش طيب.. جرتني واستدرجتني وقبلت.. صدوگ اكلها كولش طيب وطول ما احنا گاعدين هي تتغزل بية.. هو اني صح احب اللي يحبني بس هي كولش جريئة وماحب المرة تقود العلاقة.. كلت خلي لا هسه احجي خليها فرحانة اليوم.. بعدين كالتلي تعال ارتاح.. رحنا للصالة والشقة مالتها حلوة ومرتبة وهي ذوقها كولش حلو.. كعدت وكعدت يمي وحطت راسها على صدري.. فتحنا تلفزيون وكعدنا نتفرج ونضحك وتونسنا كولش.. مع انو تونست بس حسيت اكو شي غلط ماعرف هذا من ندمي لان سويت هيج بساره لو لان هي من صدوگ بيها شي غلط المهم اني غلست عالموضوع..

انتبهت انو الشقة مابيها ساعات.. كلتلها ساعة بيش.. كالتلي شسوي بالوقت.. كلتلها اريد اروح تعرفين ساره ببحدها.. اشو هاي كامت تبجي وزعلت كالتلي اني مدوملي فرحة.. اهلي وماتوا وبقيت ببحدي مصدكت بيك هسه تريد تعوفني وتروح حرام عليك لتقهرني هيج.. اني حسيت نفسي دايخ وعيوني مغوشة شوية.. كلتلها ماكدر لازم اروح جرتني وكالتلي الله عليك اليوم بات يمي.. يوم الي يوم الها اني وحيدة لتسوي هيج بية.. كالتلي اذا ماتبقى اليوم يمي ازعل منج وبعد ماحجي وياك ابد.. كلتلها امري لله راح ابقى يمج..

ووووووووو.......

گعدت من النوم ورانيا مو يمي.. راسي يوجعني عبالك مضروب.. گعدت على حيلي وضليت لازم راسي.. طبت رانيا وجايبة وياها ريوگ الي وكالتلي صباح الخير زوجي الحبيب.. كلتلها اسف ماكدر اكل لازم اروح لساره اعذريني

گمت لبست هدومي وطلعت بوجهي لساره.. طبيت للبيت وهي اجت گمزت علية كالتلي وين جنت والله ضل بالي عليك ليش مجاوبني.. كلتلها جنت يم اصدقائي مسوين لمة وبقيت يمهم.. درت وجهي داروح.. ساره لزمتني من وجهي وباستني.. باوعتلها بصدمة 😳.. كالتلي بعد لتخوفني عليك هيج.. متت عليك وانت مجاوب.. حضنتني حيل وضلت تحجيلي شلون منامت بالليل وشلون هي تفكر بية طول الوقت.. كلتلها اريد اروح اغسل.. رحت طبيت للحمام وضليت مصدوم اني شورطني وتزوجت رانيا.. هسه شلون يعني اني گلبي يدگ لساره واخذت رانيا يعني حرام علية اطلگها هي هم مرتي وهذا صوجي.. طلعت من الحمام ورحت صليت وگعدت ادعي رب العالمين يساعدني.. والله مصيبة

اني احب ساره وهي بادية تتجاوب وياية ورانيا تحبني واني ورطت نفسي وتزوجتها.. زين ليش هيج سويت؟ هسه شسوي وياها لا اني الاريدها ولا اني اللي اكدر اعوفها هسه

يتبع