#فوبياا_الحب ❤
الحلقة[24]
طلع لقي احمد قدام حوش
باسم : كنك مادقيت وخشيت
احمد : نرن عليك ماتردش
باسم : تلفون في داري حاطه في شحن خش تعال
خشو للمربوعه هدرزو شويا شربو نسكافي وكالو بسبوسه
احمد : ها ادوي شن موضوع
باسم : نبي نكمل نص ديني
احمد : باهي ماشاءلله كيف نا محمد شن دخلني بيك هههه
باسم : ماه نبي ناسبك
احمد : كييف كيف
باسم : كنك
احمد : بس اللي عندي اكبر منك والاثنين مخطوبات
باسم : كيف اكبر مني مش مره رنيت عليك قتلي ماشي للجامعه بعدين هلي يزنو بيني وبينك امي عشعشت قالولي ناسب واحد من اصحابك ما لقيت خير منك
احمد : اها تسلم، بس اصغر حتي من سناء هذي
باسم : يعني مش موافق
احمد : مش مش موافق بس موقف يضحك صراحه انا خطبت اختك في مربوعتنا وانت تخطب في اختي في مربوعتكم
باسم : هههههه عادي حوش واحد ها شن ردك
احمد : نسأل ونرد عليك كان عليا موافق مانلقي خير منك ياطيري
باسم : منور والله توا نجيك نشوف باب
طلع
احمد : حي ع امك ما خذيت الا ام لسان حتتعب ان شاء الله
باسم مبتسم : كان خشيتي عليك طروح
سناء : مش خاشه خوذ سفره ثقيله تعال رد ع قازوزه
باسم خذاها وخش : لحقيها تعالي احمد بس
سناء بصوت واطي : عطك مووت يا باسم الكلب
باسم : سنااااء
عطت سيلا سفره للسناء وخشت
سناء ماسكه سفره تخبط بكرعيها علي وطي : ارزيك فيها سناء ارزيك فيها
خشت احمد عيونه ع باب شافها لابسه لبسه اللي جايبها لها من تركيا وحااطه وشاح
سناء : سلام عليكم
احمد أبتسم وصبي مد يده : عليكم سلام
باسم ياكل : مطولين ارتزع كول مكرونه صح
سناء معش عرفت شن ادير حتي سفره في يدها قدم عليها احمد خذا سفره مسك ايديها
احمد قرب منها بصوت واطي : مره هذه جيت وتعشيت وسكتت مره اخري تصرف اخري نوعيتي مانحبش نبيت الموضوع وافتحي تلفون 🤨
سناء هزت رأسها وطلعت تعشي احمد وهدرزو وروح
.......
نا : ماحسيتنش ان انس قعد يجينا يوم ف اسبوع وساعتين ويرد
هبه : الله غالب هانت
ايمان : بس فرحي مازال عليه شهر لازم يكون معايا
هاجر : توا يجي وندوله بس عليش بعد يجينا يركب للعيت عمي محمد غريبه
نا : ماغريب الا شيطان يطمن علي عمامه
هبه : نبي نكلم عصام نا هبهبن
نا : غير اعبي نبي نرقد بكرا جامعه
هاجر : تعالي نطلعو نكلمو برا يامني
ايمان : عكس دنيا نحن برا وهيا اللي جوا
نا : ماه هي حرام وانتن حلال
هبه : ايلاف اسكتي والله ماناقصني تأنيب ضمير
هاجر : هههههه حلوه هذي لكي سنه ومعاها هذا وين صحصح ضميرك قوليله قاللك خواتي ارقد ياباتي مازال نوض ع فرح
ايمان : صوت مفتاح احمد اسكتن
هبه : امشن اطلعن
احمد : ايلاااف
هبه : مايستغنش عليك
هاجر : كلاب هم ثلاثه أول مايخشو يضبحولها هيا
نا : ماما نا روحي مريحه نضحك ونهيج معاهم انتن مثقلكن عزايز
ايمان عزقت فيا مخذه ونا طلعت نضحك
احمد : كنك طولتي
نا : من باردات خواتك شن جو
احمد يسلح في تي شرت : تمام شيلي عشاء متعشي برا وجيبي ميه وسكري مربوعه
نا : تي شن معامله هذه خدامه نا
احمد حط واي فاي : نأخذو فيك فرصه بعدين انتي يبن يخدمنك خدامات يابومه طيري
نا : تبي تجيبلنا خدامه نفس عيت سناء
احمد رن تلفونه : اطلعي ازف راسي
نا 😒 : خزي
وطلعت درتله اللي قال عليه وخشيت رقدت
.........
عصام : كنك طولتي
هبه : لعند مافضيت جو
عصام : رقدو كلهم
هبه : شبه مش كلهم كلهم
عصام : شن جو تحضيرات فرح
هبه : يشرن مع بعضهن نا مانطلعش معاهن واجد فستان احمد قالي عندي ماشيه للتركيا توا نجيبلك انتي وايلاف
عصام : نجيبلك نا حبيبي
هبه : لالا شن نقول للهلي من من
عصام : قوليلهم من حبيبي وخطيبي وراجلي
هبه : هههههه حلوه هذه
عصام : خلاص هانت توا نقعد تانيه وثالثه اما اوله غصبن عنك
هبه : من قالها
عصام : قصدك نا مش حبيبك
هبه : لا مش حبيبي
عصام تنرفز : عليش تدوي معايا تمشي في وقت نا شن بنسبه لكي
هبه : انت كلل حياتي وانت نبض قلبي انت أنفاسي دنيتي كلها
عصام : احم كان من بدايه عليش تنرفزي فيا
هبه : هههه هك فيك جو بس تدوي وانت معصب نحس فيك قريب تطلع من فون ههههه
عصام : توا تشوفي يا شريره زيدي وكثري غير توصلي فيا
هبه : هههه احلم
.........
احمد : ايوه
سناء : نعم
احمد : شن جو
سناء : الحمدلله
احمد : باهي وبعدها
سناء ساكته
احمد : ندوي معاك نا بعدين انتي اللي قلتي خلي تلفون مفتوح
سناء ساكته
احمد تنرفز : ندوي نا تخلينش نعيط
سناء بدلع : نسمع فيك
احمد هدا : اوووف باهي شن
سناء انفصلت : انت كنك امفصل جسمها عليش قتلها ماتجيش عليك انت كنك تبحت في جسمها اصلا كان عطيتها مقاس وخلاص ولا خطبتها وانت شي مركز ان شاء الله حتي مع باقي زبائن هكي ولا مع هذه بس ولا تعرفها اصلا حسيتك تضحك معاها واخذ راحتك اكيده تعرفها وااضحه حبيبتك اوله هذه الي دويتلي عليها صح هي يعني تبي تردلها كان متحشم من باسم توا نقوله نا عادي راه. قعدت تبكي ،توا نقوله ما ما ماتفهمنش ما تخافش مش حتخرب صحبتكم بسببي
احمد مصدوم : كنك انتي فيش تقولي من قالك هذا كله تي اسكتي كنك تبكي توا
سناء تبكي : نبي نرقد
احمد : ونا نبي نوضح موقف واسكتي ماتبكيش والله مانعرفها الله ياطشه انتي كنك تبكي خلاص كان ع كلبه اوله امتسحت من راسي وقلبي انتي تربعتي خلاص اسكتي يابكايا
سناء ساكته
احمد : ندوي ياغيوره حي عليك غيرتك شي يوم تبي تقتلك انتي
سناء تمسح في دموعها : لا مش غايره
احمد : ههههههه هذا كله مش غايره تي كان قدامك راه قتلتيني
سناء : لالا نا نقتلش نخنقك بس
احمد : نعليا من قوي نا صار تبي تخنق
سناء : ههههه عليك حناطه
احمد : حبيبي بعد يغار يخنق بعد نخون شن ندير
سناء بصوت عالي: نقتل
احمد : انحبك
سناء ابتسمت : باه شكرا
احمد : عفوا مش بيناتنا ياطيري😑
سناء : ههه كنك
احمد : بكرا عندي عمل نبي نرقد
سناء : نوم عوافي تصبح على خير
احمد : عنجد هذه تبي تصكري من جدك
سناء : انت تعبان تبي تسكر
احمد : في وحده خطيبها يقوللها نحبك تقوله شكرا
سناء : شن نقولك
احمد : قولي حتي نا نحبك يامانو مش تقوليلي يامانو انتي
سناء بصوت دلع : اها نقولك يامانو بس مش توا كلمه لخرى
احمد : نعليااااا نا من صوت الى يدوب فيا
سناء : ههههههه شن نسكر
احمد : لالا خليك معايا حبيبي نبي نسمع صوتك لعند ننعس
سناء بصوت هادي : حاظر قولي وين شريتها قطعه
احمد : شريتها في ### نبي نبني حوش كبير
سناء : شوف تفصيله حوش باسم احلي حوش تفصيلته فضيعه وديكور كله من تركيا ودبي
احمد : اها عارف زمان يقولي نوصي للروحي ونوصيلك معايا نا نقوله لالا لعند نلقى نصي نختار نا وياها
سناء : لقيتها😜
احمد : لالا مازال جاري بحث
سناء : احمد كنك معايا اليوم
احمد : ههههه نخفف في دم ياعسلي نا
سناء : نجيلي حناطه ياربي
احمد : تهزي انتي يافرخه
سناء : لا ياعيوني والله مانتهزا
احمد : نعليا نا عيونك صار
قعدو يهدرزو لعند رقدو
فاتن أسبوعين
........
ايوب : وين قاعد
احمد : صبح كنك توا كيف نبي نطلع للمحل
ايوب : عطيني ساعه ونقعد عندك بس اي منهن
احمد : تمام قاعد في شارع عشرين
ايوب : خلاص قريب نا قاعد عند صاحبي شوي ونقعد عندك نبيك في موضوع
احمد : تمام
معاذ : صباح خير
احمد يفتح في قراج : اووي صباح نور طولت عليك
معاذ : لا عادي
قعدو يهدرزو ربع ساعه وجاء ايوب
احمد : اهو جانا زبون
ايوب : كيف عارفتني جاي نشري
احمد : هههه حسيت بجيبك
قعدو يهدرزو بعدها معاذ صبي
ايوب : احمد نبي نخطب
احمد : خطرتني ازف ع خطبه نسيت ندوي للفرخه ايلاف
ايوب انصدم : كنها ايلاف
احمد : صاحبي يبي يخطب نا ماعنديش الا هي هبه اكبر منا
ايوب قرن حواجبه : تبي تعطيها
احمد : والله كان وافقت هيا بجوها نا ما نزرش عليها ،قولي من تبي تخطب انت
ايوب : نبي نخطب بنت نعرفها متحشم من باتي نبيك تصبي معايا
احمد : تمام معاك بس انت واثق من روحك اصغير راك م 98 زواج مسؤوليه
ايوب : لالا نبيها خطبه بس
احمد : تمام براحتك توا ندوي للعمي وللباتي
ايوب : هيا سلام
وطلع يجري ركب سيارته من سرعه لعند مطبق العداد وأغاني ع آخر
ايوب : تمام بكككل تمااااام نا تقول عليا لا نا واهو جايها واحد مصوقر لكن وحق الله يا ايلاف نقهرك. مسح دمعته، قبل ماتقهريني نحبها ازف انحبببببها قعد يخبط ع دومان ويسمع في اغنيه
ويجري ويسب يخش في شوارع فرعيه بعدها من سرعه معش تحكم في سياره هب خبطها
..........
نا :صباح خير يا بنات
ملاك : صباح عمي صلاح امكيجه ياحيوانه
نا : اها بابا ههههه
جمانه : صباح تعب حطو جدول
نا : عليك صبح كنكن
ملاك : جدول واعر
منال : يسهل علينا ربي
بيلسان : بنات فوتن جدول نبي نقوللكن تعرفت علي شاب ع نت ع اساس صداقه قالي نحبك
نا : من قالك تعرفي
بيلسان : نبي ننسى منجوه كلب سيبته
ملاك : هو مهيج مع بنت اخري فوتيه ماتعبرش ودقي مع جديد
جمانه : ههههه عليك بارده كلا انتي
بيلسان : بعدك غرباوي😍
نا : احلفي ناعليا نا ماعنديش معاهم روح
ملاك : اوفي شن صار كنك
منال : بلاهم مانقدرش نعيش غرابه ..وكالين العيش
نا نصفق بشوي : علي خاطره العقل هبل ...غرباوي وتقول عسل
جمانه : ايييييي ايييه بعدك دوتهم نا عليا نااا
نا : هههههه مفيكه مش علي اساس صداقه يابيسو
بيلسان : ما من ليل علينا عدا ... كامل في تضبيط مخده
بنات : ايييييييي ايي
نا : هههههههههه حي علينا تهورنا
بيلسان :هييي نحساب روحي في شقه
بنت : بنات هيا محاظره بدت
ركبنه للمحاظرة زحمه بكل قمعزنا جنب بعضنا خش دكتور بداء شرح
نا نكتب في ورقه : بيسو شوفي طرف اللي جنب روشن هذا امتى طلع
بيلسان ردت عليا : غرباوي احلي
نا نضحك بصوت واطي وكتبت : معناها خليك مع غرباوي
بيلسان كتبت : اكيده يلعب عليا ماعبرتش عطيته حوله في واحد يحب في شهر
نا : في لي يحب من اوله نظره 😍
بيلسان : نعليا نا وخلاص
كملنا محاظره ونزلنا قابلني رامي
نا : يا عليك قصه
رامي : سلام عليكم
نحن : عليكم سلام
رامي : بنات عادي تخلني مع ايلاف نبيها شوي ؟
نا : لا مش عادي نا نبيش
منال : ايلاف اسكتي
وعدن وخلني بروحي
نا نرعش : تفضل شن تبي بسرعه
رامي أبتسم : كنك وسعي بالك
نا خفت وخرت اخري : لو سمحت انت واصلتك معلومه اني مانحبش نصبي مع شباب ولا نشرحلهم ولا عندي معاهم خلطه كلكم عليش تحرج فيا وتحرج في روحك
رامي قرب : نا مش طالب شي انتي عارفه شن نبي
نا وخرت : ونا رافضه
رامي قرب : قريب نخشو علي كليه الآداب اثبتي
نا خنقتني العبره : تعرف كان تعرضلي اخري وقسم بالله نكلم الأمن
وجا باسم كره من تي شرت امتاعه
رامي : كنك انت
باسم : انت اللي كنك مع بنت
برم عليا : انتي امشي احسابك بعدين
نا عديت نجري للصحباتي هما تعركو بيديهم وبعدها طلعو برا جامعه
نا : حي علي جدي وحي خلاص توا نبطل
جمانه : غير وسعي بالك
نا نبكي : قتلكن نا فكني منا رامي كلب
ملاك : شن دارلك
نا : شكله مش واعي وحق الله لعند خوفني
منال : شن اسمه صاحب خوك هذا اللي كل مره طاب في جامعه
نا نبكي : باسم يقعد خو سناء توا يقول عليا مش متربيه
بيلسان : اوفي شوفي شوفي عطي الإمتاع امن فلوس بيش يخش
نا : حي صح معناها توا يجني نا كرعيا رقدن مش ناقصه فجايع
خش عدا للكفتيريا وجاء قعد بعيد علينا شويه ويبحت فينا
منال : عديله
نا نمسح في دموعي عطيته بظهري : في عينك
بيلسان : يمسح في فمه شكله دم
نا : حي عليا وحي شن درت في روحي
بنات : جااا جااا
باسم مابش يقرب واجد : تعالي هاكي شكاره ورني علي عمي صلاح روحي
نا برمت لقيت فمه دم : لا صحيت مانبيش وبابا في طريق وانت عليش جاي
باسم : جاي لصاحبي يقرا هنا وتعالي خوذي شكاره
نا نمسح في دموعي : لالا مانقدرش ومانبيش عدي مش ناقصني
باسم قرن حواجبه : باهي تعالي خوذي مناديل بس
مابيتش لا نتحرك ولا نرد
قرب باسم حط شكاره ومناديل وروح
جمانه : كنك انتي
نا : مانبيش ولا وحده تدوي راه مش ناقصه
ملاك : خلاص اسكتن خلنها
بيلسان : مكياجك عار هذا عليش قالك تعالي خوذي مناديل انفجع راجل
نا : كيف قعدت باندا
جمانه : اشر خوذي امسحي وخوذي مكياجي ديري
منال : تعالن ناكلو حاجات باسم بعد رعشنا
بنات : هههههه بارده
بعدها كل وحده روحت للحوشها روح بيا بابا ونلمح باسم قدام صيدليه حذانا بابا بيبله هو حق سياره جاء للبابا و بابا نزل
باسم : خير ياعمي كيف حالك
بابا : الحمدلله كيف حالك انت وكيف حال عايله خير ان شاء الله كنك فمك
باسم كسر عينه في سياره قرن حواجبه: الحمدلله لا شي والله عويل حرام كاثرين تبي حاجه توصي بشى
بابا : لا والله بارك الله فيك دير بالك علي روحك تفضل
باسم : لا والله عندي عمل بعدين توا نجي للاحمد
بابا : تنور هي سلام عليكم
باسم وخر ويبحت فيا متنرفز : تفضل عليكم سلام
.....
بابا قدم سياره قدام حوش نا نزلت وباسم مازال يبحت نا برمت شفته بعدها خشيت جري وبابا لحقني
هبه : الله اكبر ع مكياج إن شاء الله يحقك احمد ولا انس
نا : سكري فمك مش وقتك
خشيت بدلت وصليت وتغدينا خشيت سريري انفكر ازعمك يقولها لالالا ماحتي شكله طيب امتاع مواقف بس لنقانى راجل خاف عليا كيف اخته بارك الله فيه بس ياريتني قتله ماتقولهش هو ديما كابسني بعدها رقدت مع 5 عشيه نضت مع 10ونص نضت لقيت ماما وخالتي هدي وخواتي والاء يتباكن
نا : كنكن انس صح انس حي عليا انس
قعدت نبكي ونخبط في كرعيا
هبه تبكي : لالا ايوب دار حادث
نا 😳نبكي : شنو دار حادث شن صار فيه
هاجر : قالو مقلوبه بيه سياره من صبح في عشيه كيف قالو
نا نمسح في دموعي : توا نرن علي ياسمين ماما رني ع خالتي نجاح
ماما : عند هلها ياناري مش عالمه
نا : توا نرن علي احمد
رنيت ماردش ونحن مشغولات خشو ع 12
نا : شن صار
احمد : كويس متهور بكل فرخ هذا
ماما : كيف داره حادث
عمر : سرعه جنونيه مطبق ام العداد قالولي يمتع بسياره ومتعارك مع واحد ضايفه في طريق
احمد : مش عارف كنه مشكله في صبح كاين عندي وقالي نبي نخطب
نا : 😳
عمر : كذاب ديما يقول فيها
احمد : تي عارف مش حيصير من موضوع. اطلعي افتحي لل انس مشغول
انس خش سلم علينا كلنا : شن صار فيه المفيك
احمد : كويس روحنا بيه هله مش قاعدين
ماما : كنك ما قتله يجي هنا
عمر : مابش قال لالا نبي نتريح
انس حط سلاحه فوق الصالون : تعالو نعدوله
ماما : ارجو نلبس
انس : امي ساعه 12
ماما عدت : وكان نبي نطمن علي عيل
عدو اطمنو عليه وجو رقدو كلهم نضت ثاني يوم مشيت للجامعه روحت رقت
الاء : اوفي نوضي ايوب برا يتغذا
نا نهز في راسي بعدها فطنت نطيت : كيف جاء مش كراعه مجبسه فيها بلاتين
الاء : جا بقيلات مع ابراهيم
نا : باهي نبدل ونطلع بس اسمعي نبي نقولك حاجه صارت معايا في جامعه قبل مانطلع
الاء قمعزت : قولي
نا : هذا رامي ........
الاء : باسم خو سناء سناء
نا : لا خو جدك العور اها سناء خايفته يقولها للاحمد قتلك من امس ونا ماسكه معدتي واحمد حاولت بقدر إمكان مانتقبلش معه
الاء صبت :تي غير هي ماحتي قال
نا : إن شاء الله
الاء : خطرها وين انس
نا ؛ توا يجي
الاء : من امس جاي سلم عليا بعدها معش حقيتا
نا صبيت : يدير في اوراق عشان يبي يعدي للادرن شضايا يتحركن
الاء : ياعيوني قالها ليا
صبيت وبدلت خشيت للحمام وصليت وطلعت
ايوب : اووووووي بلعسل عيت عمي
نا : هههههه الحمد لله علي سلامتك
ايوب : آلله يسلمك قلت ماجيتيش نجي بالك مشغولين عليا
هبه : والله انشغلنا عليك يا قرد امس كله ونحن نتباكو
ايوب بحت فيا : كلكم تبكو
الاء : لالا نصنا
ايوب : خلاص توا نعاود حادث ع سريع بيش تبكن كلكن
كلنا : بعيد سوو عليك
ابراهيم : طلعو يعزوك يابرو
ايوب : عليك حسد
خش انس بحت في الاء بعدها في ايوب : اووووو حوش منور ومظلم
حط اوراق قمعز جنبي
ايوب : كنك يا تافه قلت نجي هنا امي نفختهن ليا كملتها ابكاء وجو اجدودي ع صبح قرفوني رنيت ع ابراهيم جيت هنا
انس : مرحبتين بيك يانفاخ
نا : تغذيت
انس : لالا جعان
ايوب : تعال تغذا معايا نا وابراهيم
انس : عقبتو فيها حاجه صبي يا ايلاف حطي
نا : حتي نا تغديتش نحط نا وياك
نا صبيت وهو قرب من الاء بس مش واجد باقي كل حد يهدرز مع آخر
انس : شن جو ياطويري
الاء : تمام شن جوك انت
انس : ميه ميه حلوه زياره هذه
الاء : قلت ننزل نغير جو شوي لقيت ايوب وابراهيم
انس : باهي نبيك بروحنا
الاء : ادوي نسمع فيك
انس : تعالي للفرندا نطلع اندخن الحقيني
الاء : تي كيف
انس : اصرفي نبيك في موضوع
الاء : باهي
انس صبي : ايلاف توا نجي اندخن كم سبسي
طلع شويه وصبت الاء
ابراهيم : تبي تركبي
الاء ارتبكت : اها نبي نقرأ خلاص
هاجر : عمرك يكمل وقريتك ما تكمل
ماما : ماشاءالله تبي تطلعلنا دكتوره ربي يساعدها
الاء : سلمك ياخالتي ان شاء الله
طلعت للفرندا مالقتش انس تبي ترد
انس : وواااه
الاء : هييي
انس ماخلهش تعلي صوتها سكر فمها بيده وكرها من خصرها : اسسسسسس
الاء : فجعتني المس قلبي
انس حط يده علي قلبها : نعليا نا قريب يطلع من مكانه سامحيني
الاء تحول في يده من خصرها وتوخر : باهي شن موضوع
انس ماسكها : باهي كيف نبي نقول وانتي توخري
الاء طبست رأسها : نسمع يا انس عاد مش هكي
انس قرب منها : نا قلت نحبك لكن انتي لا
الاء : انس نا نبيش ندير شي الا بعد ادير حاجه رسميه
انس : ونا عيوني لك شن تبي بس
قمعزو علي كراسي
الاء : نا مش طالبه منك شي حتي كلمه رسميه لعند نكمل اقريتي
انس : نعم نعم كيف لعند تكمل قريتك نا نبي نرجى اربع ولا خمس سنين
الاء : شن اندير باهي حتي انت تبني علي مهلك وعلي اقل ناخذ آخر سنتين
انس : من آخر انتي تحبيني وتبيني
الاء انحرجت : احمم
انس : ادوي ما تخافيش مني وحق الله مانلعب عليك رايدك بالحلال انتي عرضي قبل حتي مانحبك بنت عمي معناها عرضي والله مانرضى فيك ختشه
الاء مبتسمه وساكته
انس قرب لكن في نصهم طاوله : ادوي يا همي وحق الله نخاف عليك اكثر من روحي تي اللي يرميك بورده نرميه برصاص
الاء : اها حتي نا
انس :تي شن اللي حتي انتي
الاء :اللي قلتها امبدري
انس : نسيت دويت واجد نا شن قلت نا
الاء : حتي نا نحبك مش من توا بس نبي نقولك حاجه وحده نبيك ليا أخ واخت واب وام وزوج وحبيب وصديق يعني كل شي نبيك ليا وتفهمني وديما معايا
انس مبتسم : ونا لك ومعاك ديما مش خاطري نقعد نا وياك
الاء طبست رأسها وخنقتها العبره : لا حرب ولا سلاح خاطري نبيك دير بالك على روحك بس
انس : هههههه لا تخافيش علي قلبك قاعد بس في طلب
الاء رفعت رأسها : نعم
انس : عبايه في جامعه ولا دبش طويل
الاء : ماتخافش نا صينتك انت وبابا مستحيل نواطي روسكم ونا عارفتك شن تسمع علي جامعات بس نا نقرأ ونروح
انس : نجك ليا يا قلبي خلاص خشي يافرخه قريب نبوسك
الاء انصدمت
انس : تي صبي هههههه
الاء ركبت تجري وتضحك بلا صوت
خش تغذا وقعدو يهدرزو شوي طلعو
.......
مشن الأيام ونا نحاول نتفداء
في احمد وبديت في الامتحانات مازالي ماده وحده بس بعد ثلاثه ايام موعدها ومازال ع فرح شهر ماما وخواتي يحجزن ويرتبن ونا والاء ومنتصر وياسمين وعبدالله إمتحانات
ماما : تعرفن امبدري نكلم في نجاح قالتي خطبت للايوب نا وامي وخواتي
نحن 😳😳😳😳
هبه : كييييف كيف خطب هاجر : مش قتلكن صايع
ايمان : علي اساس شالته من وطى هي
نا 😳 : من خطب
ماما : نجاح قالت بنت يحبها دار فينا ليالي سود متحشمش حتي من باته بجبسه بكل ويلاطع
نا من صدمه خشيت للدار ماقدرتش حتي نقرا
احمد : جيبولي غذاء جعان
هاجر : عشيه توا نجيبلك عصريه
احمد : كلمولي ايلاف نبيها وجيبي غداء مانبيش سندوتشات مال منهن
هاجر 😑 : باهي
......
هبه خشت : تعدليش عليه كلب اللي جابه يجيب غيره
نا : ماتوقعتش بكل تي لعند يومتها بجبسه يبحت فيا ويغمز و يعزق في كلمات في نص دوه عسل ما عسل بعدها يصدمني بخطبته فاجئني صراحه
هبه : ولا يهمك تعبرش بس انتي صديتيه دغري مانحسبكش انانيه هكي وترفضي شخص حبك
نا : هبه خليك في حالك مش ناقصني مش متحمله روحي ونحس في قلبي انغم عليا وبعدين كان حب صح راه ماوخرش وبعدين وقسم بالله العظيم حركات و رد فعلي بعد نحقه هكي بروحي مش متريحتله حاسه انه كذاب
هبه : يالله فوتي نبي نقولك عيد ميلادي اسبوع جاي وعصام معش فتحلي موضوع بكل
نا : غير خليه يجى
هاجر فتحت باب بقوه : اطلعي يبيك احمد
نحن : الله يفجع درايزك انتي واحمد
نا : اطلعي توا نجي هبه راه يبقي باسم قاله حي عليا
هبه : ماتخفيش قوليله قالي اشرحيلي ونا قلت لا
طلعت
.....
احمد : تعالي وسكري باب
نا خفت قمعزت : نعم كنك
احمد : كنك ترعشي
نا : لا شي
احمد : من آخر في وليد صاحب قالي نبي اناسبك هو كويس محترم وحاله ماديه متريحه مواليد 92 قلت انشاورك كان تبي قوليلي نرد عليه عشان هو له فتره داويلي وامس ذكرني قالي شن صار في موضوعي
نا :
.........
#يتبع...
شنو رايكن نتفقو اتفاق معش نحق ملصقات بين تعليقات سمحه😍 انزل حلقه بكرا😉 اسفه علي تأخير
#رايكن😉
#Fafy fa