#فوبيا_الحب ❤
الحلقة[22]
وعدينا درنا سحور وعميمه روحت وقعدنا نرجو في ايوب رن عليه ابراهيم قاله مش جاي بكرا توا نجي سهرنا ل ساعه 4 صبح ورقدنا و في الصبح بدري قطعو لحم ودارو غداء وطلع ابراهيم شال لحم كل واحد في حوشه ورد
احمد يشلح : انتي قرضي بصل وطماطم وليم وفلفل ثوم بس
نا : تي خلاص تتبيله نا اللي دارتها
احمد : حلاوه مش في تقريض حلاوه في خلطه تتبيله
نا نبكي : نا بصل مانحبش بكل يا احمد
احمد : ديري يافرخه
انس خش علينا في مطبخ : هههههه حرام عليك يا راجل شوف دموعها من بصل
احمد : خليها ادير نا مانعرفش
نا بدموعي: كان زرده مع اصحابك راك انت اللي تقرص
احمد : حتي مع اصحابي مانديرش فيه وديري وانتي ساكته .انس ايوب جاء
انس : لالا رن عليه ابراهيم اخري قاله شوي ونجي شكله في طريق
الاء خشت وبنتها قالبه مطبخ : نساعدك
نا : عليك طروح دارت دوش وبنه عطوراتها يجيبن نهايه بنغازي وتقولي نساعدك
انس يبحت فيها مبتسم : لا قريب تكمل عندك عليش تلبزي في روحك
احمد : تعال ياللي ماتحشم ارفع الفحم
انس رفعه : اطلع وانت ساكت
طلعو والاء مازالت تبحت في انس
الاء : ياخيا يهبل بعد ما حلق
نا نمسح في دموعي : الاااااء برااا
الاء : هههههه والله تعالي نشيل معاك
نا : شيلي معاك كانون
الاء :مسافه من هنا لعندهم وبعدين ثقيل توا نشيل قصعه لحم ونرد علي تتبيله وانتي شيلي كانون
نا : الله أكبر علي شطاره اطلعي باهي
رفعت لحم وطلعت خذا منها انس في نص طريق ونا خذيت الكانون من تحت الدروج نشيل ونحط نشيل ونحط ثقيل بكل بعدها نسمع صوت سياره تجري وتبيب برمت لقيته ايوب نزل من سياره وجاني
ايوب : خليه ثقيل عليك
نا حطيت يدي ع شمس : شكرا
ايوب طبس رفعه وبحت فيا : كنهن عيونك حمر كنتي تبكي
نا : ههههه لالا احمد خلاني نبشر نص شوال بصل
ايوب : عليك شورخ فرخ هذ
قعدنا نمشو وهو يبحت فيا ونا مطبسه راسي
ايوب : وافقتي
نا : شن
ايوب : وافقتي علي عرب اللي جيبتهم عمتي
نا : قلت نفكر
ايوب : كنت نسأل عليه عيل مش تمام راه
نا : وانت كيف عرفته
ايوب : رنيت علي عمتي عطتني تفاصيل طلع قريب راجلها سنكوح راه ماتوافقيش
نا : باهي مش موافقه خلاص اصلا هكي ولا هكي مانبيشي توا قلت نقوللهم نفكر بعدها نرفض
ايوب فرح : احسن حاجه مازالتي صغيره
نا : هيا ولعو نار ايوب كرلكم كانون الزلزله
ابراهيم صبي قعد شاد مع ايوب : كان كلمتيني راه كريته لك
انس : جيب بنزينه خلينا نولعو يا منتصر
ولعو وبدو يشوه وبنات يديرن في سلاطات والاء مقمعزه تقرا ونا رن تلفوني صبيت فتحت خط
...........
نا : الو
ملاك : ايوه يااوفي كل سنه وانت طيبه
نا : وانتي طيبه ياخيا شن جوكم
ملاك : عذاب عيد عذاب تعب في تعب
نا : هههههه اشر منك والله نحن عيد عندنا قصه معش يكمل
ملاك : عيدكم يطول عليك قرف
نا : هههههه اها اسمعي معش تخليني نضحك كلهم يبحتو فيا ويفنصو
ملاك : ايوب قاعد
نا : اها يبحت حتي هو
ملاك : باهي اضحكي بصوت عالي ديري روحك تكلمي في حبيبيك
نا : هههههههه حبك برص ان شاء الله احمد يفنص
ملاك : ابرمي وعطيهم بظهرك
نا برمت : شن جو موني
ملاك : توا نبي نسكر نرن عليها والله مشغوله عليها
نا : وجعتني خطرها حقيتيه احمد بعد عدينالها قاعد فم باب حوشهم
ملاك : تي فوتي كلب كان يحبها راه ما اجوز بنت عمه عطه عمااااا
نا : ههه بس يا ماما باتها هو اللي عزم عليها عشان حسام خذا أختها شكله قال خوذو حتي اخري طبعا احمد ماقدرش يطيح كلمه باته قدام رجاله
ملاك : تقول يوزع في شكلاطات داير فيها تخفيضات 2 بعشره عليك تفكير حتي كان يقول نحب وحده
نا : هههه عنجد دلاله يقول لباته يحب
احمد : ايلااااااف
نا : هييي حي عليا احمد يضبح خلاص باي
ملاك : عدي ياخوافه سلام
......
ماما : احسن حاجه جايب دبش من تركيا مش حنتعب واجد نجيب حاجات مكياج ما مكياج وباته توا يجيبله ذهب
نجاح : باهي ربي يكمل عليه
هدي : تبي ديريه كبير ؟
ماما : اها عازمه هلي وهل الحاج ونحن
هدي : ماشاءلله ربي يكمل عليهم
ماما : تسلمي إن شاء وعقبال ابراهيم وايوب
.. ....
نا : هيا جعت
الاء : مافيش عدل بكل طرحه اوله لهم ونحن نرجو
عمر جاء : تي هيا ازف
هبه : قصدك ماعطوكش من طرحه اوله
عمر : لالا قصدك طابت ماعبرونيش
شباب : هههههههه
احمد عزقلي تلفونه صبي يجري وعمر يجري وراه ونحن نضحكو
احمد : نا رياضي انت اللي تتعب
عمر وقف : واقسم بربي العزه نوريك
احمد : يبي يشلط في تلفون ويأكل وراس امك ما تحلم بيها
ردو مع بعضهم يضحكو
الاء : تي وين خواتك
نا : يشلطن وهبه قالتلي تبي حمام
الاء : توا نجيك نجيب شيت آخر
نا : احمد تلفونك يرن
احمد : من ايديا ملبزات
نا😑 : باسم فلان
احمد : مده ياانس وافتح
خذا مني انس وفتح خط ومايك ونا صبيت
باسم : اوووي ياطيري
احمد : يا مرحبا شن جو
باسم : تمام اسمع قالولك شباب نبو زرده
احمد : لا ما يصير شي خميس نبي نشيل هلي يجيبو حاجات وجمعه دفعي والسبت هلي يبو يلبسو يا ### ولا غيرتو رايكم معش تبو تعطوني
باسم : هههه تي لا يا راجل قصدنا جمعه جايا
عمر : بيش تجي الاحد ياسنكوح دفعي
باسم : كيف هدرزه جماعيه امالا
انس : تعال كسد معانا في مزرعه
باسم : أي من مزارع
احمد : مزرعه عمي علي في ### تعال
باسم : فيها قلايا وشوايا ولا علي وجي
عمر :تعال في حتي سلاطات
باسم : هههه تم عطوني ساعه ونكون عندكم
احمد : كلم فارس وحسن
باسم : في مشرق الكلاب هذا عليش قالولي علي زرده لقوه مكان صح بكل ماتفهم شي غادي
احمد : تم خلاص نرجى فيك
باسم : هيا سلام
........
نا : خلاص تشليط من كثر ما مقمعزه مع شباب لعند تحشمت والله هما يبو يهدرزو حاجات شبابيه ونا مقمعزه
هاجر : خلاص حبيبي نكلمك بعدين
منذر : كنها منفصله اختك هههههه
هاجر : ادعي ونبي يأخذها واحد يربيها هذه بو لسان
نا : هاااجر
هاجر : ههههه خلاص سلام
ايمان : كنك يابارده تخلي فينا نسكرو
نا : شن هتخنيس قريب نروحو وانتن تشلطن تعالن نلعبو
هبه : صح نا ماكلمتش بكل كملناها مسجات نا عصام
نا : لا بلكي تبي تكلمي بيش يعلقوك جنب حواله
.......
الاء : وين ايلاف
ابراهيم صبي : خشت جوا
ايوب : توا نجي نا في سياره
ابراهيم : راجيني
انس : شن جو قرايا
الاء : تمام حال تعب
انس : ربي يعاون تعالي نتمشو
تباعدو شويا من حوش
الاء : قتلك تبي ترد للمحور
انس : اها الاثنين راد هذوما شابطين فيا
الاء : خلاص فوتهم ياانس تحررن مناطق كلهن
انس : لالا مازال منطقه وحده بس
الاء : باهي خلاص انت من بدايه معاهم
انس : خايفه عليا 😉
آلاء ارتبكت : لا قصدي قصدي يعني عليش ماشي
انس تنرفز : ماشي ندهور
جاء يبي رد
الاء : اها خايفه
انس برم عليها : يا نجك ليا يا بنت عمي 😉
الاء : بنت عمك صحيح
انس : ها شن نقول هذي صله قرابه 😁بعدين مراتي مش توا عاد راه نصدق انك مراتي يصير فيها كلام اخري
الاء😳 : ايلاف جايا خلاص اسكت
انس : وربي نحبك باهي😎😍
عطها بوسه في هواء وبرم عليا 😘 وعدا
نا : هيا الاء نبو نلعبو
الاء أنجمطت
نا : الاء هيا كنك مستكه اننسس كنها البنت مستكه
انس رد مبتسم : كنها الاء طفي ولعي يا ايلاف
الاء : احم باهي حتي نا
نا : تي شن حتي انتي
انس : ههههه خليها تغسل وجها شكلها خايفه من امتحان
ردينا للحوش غسلت وقالتي انس شن قال وانا ميته عليها ضحك وبعدها قعدنا نلعبو مندمجات في لعبه ونحق سياره عاليه فخمه سوده
نا : نعليا نا من سياره وصاحب سياره المظلمه ان شاء الله يطلع جاينا
الاء : وقعدنا نعاكسو
نا برمت عطته بظهري : تي غير اسكتي ديري حوله شوفيه وين جاي
ياسمين : حي علي امكن نزل من سياره عليك طرف مطرف ولا نظارات🤤
الاء : اوفي ماتبرميش خايفه عليك تموتي
هبه : غير شوفن كيف يتكسل بعد نزل تقول جاي من مصر
نا : بنات طرف واجد
بنات صوت واحد : طرررررف ناعليا نا
نا برمت : هييييي هذا صاحب احمد
باسم طلع تلفونه وقعد يبحت في مزارع : ايوه احمد ..اها.. تمام وصلت اطلع
نا : طيرن احمد يبي يجي وربي
وخشينا نجارو وهو حقنا
احمد : باسم قدام مزرعه
انس صبي يجري : حي علي امكم بنات يلعبن في كوره
احمد وايوب وانس طلعو مالقونش خشلنا ايوب وانس
احمد بصوت عالي : خش بسياره تفضل
خش بسياره نا نتبوع فيه من روشن
انس : ايلاف ياحيوانه
نا : هييي فجعتني كنك
ايوب قرن حواجبه : ديرن قهوه صاحب احمد برا ومعش تطلعن
نا : أصحاب احمد يشربو في نسكافي ما يحبوش قهوه
الاء تقرص فيا : سكري فمك والله قريب يأكل
انس : معش تطلعن ايوب رن علي منتصر خليه يرد هو يدهور تقول وليه
طلعو والاء ردت تقرا وجاء احمد في يده شكاير حطهن
احمد : انتي ديري نسكافي وكلمي ايمان ادير قلايا
نا نفتش في شكاير : من جابهن
احمد: صاحبي سرعي بس هذا مايحبش يطول
نا : باهي خلاص اربح
كلمت هبه وقعدنا نفتشو لقيناه جايب مايونيز وكاتشب وهريسه كم علبه وقازوزه اشكال وأنواع بشاكيط وااجد وعصائر وشوكولاطات وبرنقز كم علبه وجبن ثلاث أنواع
هبه : شكله زايدات عليه فلوسه
نا ابتسمت : هيا خلينا نديروله خوه سناء هذا
هبه 😒 : وكان حاجه والله كبيره عليش جايب شوكولاطات ماعندنش احفاد
نا : بس عندكم بنات 😅
طلعنا أول سفره نسكافيه ونوعين حلو بعدين بدينا في شوايا اللي جابوها ودرنا قلايا و4انواع سلاطه وحطينا الجبن رتبنا ودرنا حركات وطلعها منتصر ولحقتهم نا بقازوزه وعصير
.........
نا تباوعت شوي وكرست : ياخيا تاريته طرف غير نا مش عارفه كني انفصلت يوم جامعه لالا اوفي صاحب خوك فوتي بعدين خوذي اللي يحبك وماتأخذي اللي تحبيه خليك مع ايوب ه بارد وخلاص اصغر مني تي لالا حتي هو نفوته توا ربي يجيبلي نصيبي بعدين راجل ماقالش نبيك ياطواطي ونقول لا مانبيش اصلا ماحتي خذاني هو طول في عرض وشكله مع احمد في صاله حديد جسمه معضل ولا شعره😍 يهبل تهب فيه ريح بروحه ياامي يجنن هييي استغفر الله ياربي
ايوب : كنك سارحه هاتي سفره وطيري
نا : 😅 باه
ايوب مسك يدي مع سفره : ههههه عليش تضحكي يا مفيكه
نا حولت يدي : شي طير
كملنا حاجات و باسم روح ونحن كلينا شوايا لعند فوزنا من لحم وروحنا قعدنا نوتو حاجات دفع احمد وعمر
بابا : اسمع من معروف عيت فلان دفعهم 2000مش نفسنا 1500
احمد : أنا جايب معايا 4000 من محل خوذو منهن دفع وباقي اشرو بيهن حاجاتكم
عمي علي : عندك شروط ولا لا
احمد : لالا خلاص كل شي اتفقنا عليه
بابا: باهي ماشاء الله كل شي علي بركه ذهب توا نجيبه لكي نا
احمد : ربي يطول في عمرك ياباتي
بابا : ربي يهنيك
طلعو وجانا احمد
نا : حمادي مش قلت صاحبك جاب بضاعه فساتين اشريلي واحد نعدي بيه السبت اخت عريس😁
احمد : ايلاف راسي دايخ توا نرن عليه يجيبه هنا ماشي نبي نشري حولي للعشاء
نا : نجك ليا نا مهم يجيبه
رن احمد علي باسم وقاله اختارلي كم فستان وجيبه ليا جمعه في ليل داير عشاء بيش تجي قعدنا نوتو وجاء يوم دفع وقربعوها أصحاب انس قدام حوشنا سلاح والالعاب ناريه وتمتيع وأصحاب احمد جو نصهم ودارو جو وقعدو يركبو في باسطي وقازوزه عشان يشيلوهن معاهم وكلهم عادو معاهم ماعدا احمد وفارس ونحن جوا نوتو في عشاء ومشنوقين ع آخر
نا : عازم واجد بكل اولدك هذا كله دفع في عرس شن يدير بنغازي كلها تحظر
ياسمين : أصحاب محلات وشباب كل حد عازم اصحابه
ماما تشوف في رز : ديري واسكتي ريت حاجه كبيره
نا : مطيبه في مناب وتقولي ريت هالحاجه كبيره
احمد خش : امي رن عليا عمر راه دفعو
قعدنا نزغرتو ونشتو هو ضحك وطلع
هبه : يا نجي خويا كبير .. علي راسي كيف شنبير
نا : كل طويل يجي من غادي .. نفرح نحسابه حمادي
الاء : يانجيلي حبي نا .. اللي ديما قايلي لا
نا : دفع احمد مش انس
الاء ترقص : غنيلي علي محور
نا : ان شاء الله ما يخله مطراحه خشاش جبهه بسلاحه
الاء ترقص : وووووه العب العب
هدي : ان شاء الله ما يسكر بابه .. حوش اللي جيناه طرابه
ايمان : ياعون اللي ناسب هلنا .. يأخذ من كشيك عسلنا
غنينا شويا بعدها ردينا للعشاء وجو شباب وطلعنا 20 قصعه وجانا
احمد : عقبو 3قصاعي احتياط
نا : احمد فستان شن صار فيه
احمد : ماسالتش هذا وين جاء
طلع وحطينا لارواحنا وقمعزنا نتعشو وقعدو يجيبو في قصاعي ونحن نغسلو
ايوب خش : رز مخدوم ربي يعطيكن صحه
ماما : صحه صحه تعال خوذ شاهي
نا طلعت برغوة الصابون : ايوب صاحب احمد مازال قاعد
ايوب : وانتي شن دخلك
ياسمين : تي هذه مصلحجيه امبدري وهيا تخطط في لبسه وصاحب احمد هو اللي جايبها
نا : احمد اموصيه عليها
ايوب طلع
نا : حقير خوك هذا بجد يعني كتله من ثقاله
الاء : وانتي ما لقيتي ما تسألي الا هذا
كملنا ومسحنا مواعين ورديناهم وشباب قعدو يخفو شوي شوي يروحو معش قعدو الا باسم وفارس وحسن وعيسي معاذ وأصحاب انس الاثنين من محور ولد عم عبدالرحمن جاء علي قصاد عشاء بعد مارنو عليه احمد وانس وحلفوله
باسم : هيا تصبحو علي خير
احمد : خليك بدري
باسم : لالا وين تعال خوذ حاجتك في سياره
احمد : باهي خليك شويه توا نجيك
احمد خش : ايلاف جيبي 3قصاعي احتياط وجيبي معاكي من شنطه 200جنيه
ماما : عليش
احمد : قصاعي نبي ندزهن مع باسم و200حق فستان هانم بنتك
نا صبيت نجري جبتهن وجيت : تفضل ياعيوني
احمد : سكري فمك وطيري
نا : خزي خوتي ما يحبوش من يدلعهم بكل
الاء : توا يدلعوهم صبايهم 😌 قمعزي واسكتي
نا : غيرنا راينا😒
ماما : وين خواتك
نا : مطرحات علي سرايرهن
.........
احمد : هذين عشاء للشباب
باسم : عليك جو ازف عارف هلي مانحبهنش حركات هذينا😑
احمد ضحك : معليش تحملني نسيبك عاد وهذينا فلوس
باسم : وهذينا حق توصيله عشاء ولا كيف 🤨
احمد : لا حق فستان مره اخري توا نعطيك حق توصيله
باسم : ترا عدي ### خوذ فستان وفلوسك وطير
ركب سيارته
احمد : غير اسمع ياراس
باسم : تي والله ماهن خاشات جيبي ويدك من قزاز يا شاب تعبان نبي نروح حس عصبان ورز ركبن عليا تصبح علي خير
احمد : ههههه منور يابرو و صحه
بيبله وعدا
....
احمد : خوذي فستان وردي هذينا في مكانهن
طلع
نا : هييي عليك كشفه شكلي خذيت فستان بلوشي
ماما : انتي الله يفضح بيك وخلاص
نا : تعالي يالولي نقيسوه
خشينا للدار شفت فستانين يهبلن بكككككل وشكلهن غاليات نا طالعه عشان نوريهم فستان يخش علينا
نا ..
.....
#يتبع
#رايكن😉
شكرا علي كومنتات سمحه😍🙈
#Fafy fa