#فصلية_لظالم_وحش
بقلم سقين الشمري
#البارت١٠_____١٢
#البارت١٠
""زمرد كعدت الصبح احس راسي يريد ينفجر راح اموت من الوجع وأحس جسمي متكسر تكسر وأحس شي يحفر براسي
وجع مو طبيعي يربي شنو هاي شلون اريد أعيش دخيلك الهي هاي وين جانت مضمومتلي اني شجابني ساعه السودة
ماما شلونها شلون صارت ليش مجتي عليه أخذتني بيت جدو. اهلها درو او لا
ضليت كاعده بمكاني حتى مكلفو نفسهم يجيبولي فراش نايمة بالكاع وأحس جسمي متكسر تكسر
وين جنت ما انام غير عالتبريد لو غرفتي الي كلمن يطب الها ينجن من جمالها وترتيبها دخيلك ربي شنو هاي اكول انام واكعد وبلكت الكي هذا الشي حلم
بس ارجع اكعد والكي حقيقه دخيلك ربي
صار يومين اني بدون اكل ولا شرب والدوخة كلش قويه صارت عندي
وره ساعه اقل متحملت سمعتهم من كعدت همة كاعدين وهسه احس راسي حينفجر من الوجع كمت وأتوجه عالحايط ورحت دكيت الباب محد فتح
كمت أصيح كتلهم فدوة بس افتحو الباب راح اموت من الوجع محد اجه وفتح الباب ظليت اعيط ولا كانو اصلا داصيح
كمت ابجي كتلهم فدوة ماكو رحمة راح اموت من الوجع
ماكو فايدة دعيت الله لا يوفقكم كون انشالله
وره شوي انتفتحت الباب نفس المرة الي شفتها البارحة سدتها واجتي عليه ونصرات القلق باينه على وجها
اجتي يمي كالت ها يمة شبيج شيوجعج
كمت ابجي كتلها خاله فدوه اروحلج راح اموت من الوجع جسمي كلة يوجعني وراسي أحسه يريد ينفجر
كالت سوده عليه يمة وين دواج خلي اجيبلج لكمة تاكليها واشربي دواج
كتلها يا دوة ؟؟؟
كالت الدوة الي نطا الج المضمد ابو عصام البارحه
كتلها خاله انتي شدتحجين يا مضمد يا دوة
كالت نسيت يمة انتي جنتي سوده عليه فاقده و وديناج للمضمد بليل وخيط راسج وانطاج دوة
كتلها هاي شوكت وصدك يعني راسي هسه مخيط كالت اَي والله يمة
كتلها شو ما ادري اصلا ما حسيت
كالت يمة منين تحسين وانتي جنتي فاقده مو زين كعدتي هسه
ضليت ابجي كالت دكفي يمة خلي اجيبلج لكمة سندي كلبج بيهاواشربي دواج علمود ترتاحين
سكتت كامت راحت جابتلي اكل خطيه مسويه شوربه وتمن ومرك ولحم ودجاج أجت جايبتلي صينيه شكبرها
باوعت عالصينيه وضليت صافنة
كالت ها يمة شبيج معجبج الاكل تريدين شي بالج كولي واني اسوي ألج
كتلها لا خاله بس اني هذا كلة ما اكلة كالت ليش
كتلها ما احبه وأبد ما اكلة نادرا كالت لعد شتاكلين كولي واني اسوي الج هسه بسرعه
ابتسمت ابتسامه خفيفه كتلها خاف تضحكين اذا اكلج
كالت لا يمة كولي !!!
كتلها نساتل وجبس
كالت يا عزا وذني بيش يسندن كلبج واني اكول ليش جنج عودة معصعصة من صدك ضحكتني رغم حزني ووجعي
كتلها هو اني هذا اكلي كالت خلي اشوف بلكت احد يجيبلج
كتلها لا عوفي تسلمين راح اكل الشوربة احبها
كالت اكلي يمة براحتج الي يعجبج رادت تروح كتلها فدوة خاله كعدي يمي علما اكمل وعود روحي
كالت يمة عيوني مو تدللين اصلا كملت كلشيت
كعدت بالكوة علمود اكل لان متت من الجوع كلش جوعانه
حطيت اول لكمة شوربه بحلكي كتلها اكدر اسال سؤال ؟؟
كالت كولي يمة !!!
كتلها انتي شصيرين منهم كالت يمة اني هنا خدامة اشتغل عدهم
كتلها ها واني كيفت عبالي وحده منهم علمود تساعديني
كالت لا يمة اني هنا خدامه
بس بشنو تريدين اساعدج
كتلها هيج سالفه توجع الرأس بعدين اكولج
سمعت اخر صوت جنت أتمنى اسمعه
.........: اَي بالله ليش متكولين احجي شنو السالفه
وكعت الخاشوكة من ايدي فزيت بساع
رفعت راسي لكيته هو نفسه
واكف مرتجي ويباوع عليه كامت ام علي كالت اني اروح يمة
كتلها خاله اخذي الصينية وياج
كالت ليش ما اكلتي شي
ولا حتى الشوربة
كتلها تسلمين خاله شبعت
كالت ودواج يمة
بعدني دا اريد تجاوبها
صاح هو كللها
ما سمعتي شيلي واطلعي اكلت وجع
باوعت عليه بخزرة
خلت اخذت الصينية وطلعت
ضليت كاعده بمكاني ومدنكةراسي ما اريد ارفعه واشوفه
سد الباب وأجا عليه
من صدك خفت
صار مقابيلي
دنك صار بمستواي
كال اَي يالبغدايه واخيرا صحيتي
ما جاوبته ولا رديت عليه
كال وهسه عرفتي شنو عقابج اذا اسائتي التصرف او قللتي من قيمة احد بهذا البيت وما احترمتي
باوعت عليه مخنزرة ما حاجيته
كال اَي وهسه من دامج صحصحتي و صرتي زينة
حضري نفسج اليوم بليل ابلش بالثأر باوعت عليه
كتله يا ثار شنو قصدك ؟
كال اليوم بليل كالأسد
تتحضرين وتجين لغرفتي
باوعتله مصدومة
كتله نجوم السما اقربلك
😘😘😘
#البارت١١
"" ضربني راشدي وكال مبين ما افتهمتي كلامي قبل شوي
كتله الي بالك ميصير لو اموت
كال نشوف ونتواعد الا اكسر خشمج العالي هذا
اذا ما خليتج تبوسين الرجلين عتبيني
خزرته بكل قوتي رد رجع ضربني
كال عيونج من احجي وياج ينزلن للكاع
وهسه يا حبابه كملي شعندج ما عندج
واشربي دواج وصحصحي
واليوم ماكو شغل علمود متتعبين
بليل اريد اخذ راحتي تمام
باوعت مصدومة كتله يا شغل
كال انشالله ناويه تكعدين ويخدموج
انتي تعرفين شنو معنى فصليه لو لا
كتله بس اني ما اعرف اشتغل
كال اَي عادي تتعلمين
كفختين على راسج وتعلمين
كتله زين عوفك عن المشاكل وسالفة الثأر
اني شنو ذنبي شدخلني
اني حتى بيت جدو اهل بابا نصهم ما اعرفهم
أخذتني فصليه علمود شنو لا اني ولا عيشتي اتوالم وياكم
كال هذا الحجي روحي كولي لبيت اهل ابوج مو الي اني عليه استلمت فصليه ولازم اخذ بالثأر
ولازم أنفذ وعدي
كتله والله هذا الشي شيله من بالك وباوعت بنضرة حاده
صفن بوجهي وجان يكول نتواعد
كام وخله وطلع
استغفرت ربي كلت مو خوش نيه ناوي شلون بيه هسه
اوف بابا وينك ليش رحت وعفتني
دخيلك يا ربي خلصني من هاي الورطة
كعدت وأخذت صفنات
اجتي ام علي كالت ها يمه ليش ما اكلتي
وخليتيني اخذ الصينية
كتلها ما اشتهي خاله انسدت حتى نفسي
كالت سوده عليه يمة
سكتت وضليت ساكته
بعدين كتلها خاله هو هذا شنو أسمة ؟؟؟
كالت منو يمةرجلج تنهدت كتلها اَي
كالت يمه أسمة فهد
باوعت عليها كتلها صدك تحجين ؟
كالت اَي والله ليش!
كتلها شنو حيوان ومسمي هيج اسم
كالت وج اششش يمعوده لا يسمعوج الله شاهد يموتوج
سكتت ما بيه حيل انضرب انوب اصلا جسمي كلة ديوجعني
انطيني الدوة ام علي شربته وراحت
وره شوي نعست يمكن بي العلاج منوم خليت ونمت احسن
من التفكير والوجع الي موتني
للضهر اجتي ام علي كعدتني علمود العلاج
لكتني مصخنه كوة اكلت علمود الدوة لفة جبن وكلاص جاي
اني ردت هذا اكلي انوب حتى اجبانهم همة يسوها
واني اتخبل منها مال العرب بس خطيه ام علي
هيه مسويتهن كيمر عرب وجبن عرب
ما اعرف ليش هاي المرة بس شفتها حبيتها
استنضفتلها وعادي اذا اكلت من أيدها
شربت العلاج وبعدها طلبت منها بس فراش
لان جسمي تكسر كلش
خطيه جابتلي بعد معاناه وفوكاها فراش قديم
كوة جبرت روحي ونمت عليه شسوي مظطرة
الشي الوحيد الي ارتاحيت بي مو اول ما اجيت لازم اشتغل
جان عذري الي صار بيه ومرضي
المهم صار الليل واني كل ما يقترب الموعد
أكوم ارجف من الخوف ما اريد اخلي ياخذ الي يريده
انوب النوم طار من عيني لان كضيت النهار كلة نايمه
مددت بفراشي وحاولت انام مكدرت
تضاهرت النوم لان على فجاه يدخل عادي
وفعلا ورة شوي سمعت صوت صار قريب عالغرفه
غمضت عيوني حيل يا رب بس لا يكشفني
مع العلم اني بارعه بالتمثيل
سمعته دخل للغرفة ضَل ساكت محجة ولا سوه شي
وره شوي فززني صوته وهو يكول لا تمثلين موش عليه
هاي السوالف ما تعبر انه ما خاب الي سماني فهد وما عاب حلكة كتله بكلبي تعترف بروحك حيوان ما جاوبته
اجى عليه ضربني بإصبعه على راسي وكال بله مياعه وتفاهه كومي وياي انداريت عليه كتله اشو انته كلمة والثانية
وكلت عني مايعه شفتني بالله خزرني كال كومي وبدون صوت
كتله والله لو تموت ما اجي شو هذا تخبل صم حلكي وشالني وطلع بيه واني إدفر بي
😘😘😘
البارت (١٢)
ضليت ادفر بي وهو ولا يمة خلة وصعد عالدرج
انوب البيت ماكو احد بي
يمكن يدرون وطابين لغرفهم مدري همة هيج
بعد ما ادري بس ردت بس واحد يطلع ويخلصني ماكو
اصلا همة يريدون هذا الشي
وصل للغرفه مالته فتح الباب ونزلني وقفلها
واني ادفر بي واعيط وهو ولا يمة
يربي هاي شلون
كتله فدوة حباب عوفني الله عليك
كال بأحلامج والله
كتله انته شتريد مني
كال اريد ثأري
كتله والله سبيتني بثارك
اني شكو جاي عليه
متروح على الي كتله
لو جاي عليه لان بنيه ويتيمة
ولا حول ولا قوة كلشيت ما اكدر اسوي
كال او شكد لغيتي
كتلة اَي جاذبه اني فدوة حباب عوفني الله يخليك
كام يتقدم ناحيتي واني ابتعد وارجع ليورة
لحد ما وصل ليمي لزم ايدي اتخبلت كلت هذا ناويها لا محال
كتله فدوة حباب عوفني وكمت اجر ايدي على كيفي
كال اششششش
قرب وجها عليه ولزم البدي مالتي
دفعته بهستيريا وكتله لو بيك خير روح اخذ ثارك من الي كتل اخوك
مو جاي عليه لان مرة تاخذ ثارك مني
هو اتخبل شلون تدفعيني وتكوليلي هيج كام يضرب بيه والله بعد ما بيه حيل والله من الكتل
كمت احمي وجهي وراسي لان ياذيني بأيديه
كال شلون تكوليلي هيج اليوم الا ادفنج
دفعني عالجربايه ونام فوكاي وصم حلكي لان كمت اعيط
ومثل الوحش كام يعظ بركبتي حتى البدي شكة
انوب من شاف صدري طلع فقد رسمي
كمت الوب جواه اخر شي اختنكت
ضربته على بطنه كل قوتي
عاط ووكع بصفي عالجربايه
كمت اركض طلعت للصاله اريد افتح الباب وانهزم ماكو قافلها
سمعتة يكول والله اليوم الا اموتج وأطلع بروحج الا ادفنج اليوم .يربي شلون هسه هو يمشي واني احس كل خطوة يقترب بيها تطلع روحي عالبطيء
وصل ليمي وأحس روحي اختنكت
كان يضرب ويدفر زهكني
اخر شي لكيت المسدس مالته عالميز
رحت اركض عليه شلته وخليته براسي
كتله قسم بالله اذا ما عفتني هسة اكتل نفسي
صفن عليه رد كال دذبي هذا مو لعب جهال
كتلة ومنو كلك اني دالعب احجي صدك
كال ههههه هو انتي وين تعرفيلة كاعده تقشمرين عليه
عبالج اخاف عود وتخوفيني انتي
نزلت المسدس من راسي سحبت أقسام
ورجعته على راسي
تفاجأ هو ضَل مصدوم
كتله وهسه
كال اهدي تعاي خلي نحجي
كتله كل حجي بينه ماكو
لو تفتح الباب وتخليني اطلع لو اكتل نفسي
كتله زين انتو تريدون عذابي وتكرهوني اذا متت شنو يفرق عندك .كال اني ردت أعذبج مو اموتج
كتله واذا ويفرق شي عندك
كال ما اخليج تموتين الا اخذ ثأري
ضحكت كتله انته واحد مريض ومتخلف
اباوع على ايدة كورها وضغط عليها بمعنى ضاج وانزعج
كال هسه بس ذبي المسدس وانطينيا
كتله افتح قفل الباب يله انطيكيا
صدك راح جاب المفتاح فتح الباب وكال هسه ذبي عاد
مديت ايدي نطيتهيا جر ايدي هم
وضربي راشدي كال مو انه الي اتهدد
بس اكفي ناويلجياها نيه كشره واني اعلمج الا أذلج
بس اصبريلي . جر ايدي وطلع وطلعني وَيَا
نزل جوة رجعني للمخزن
دفعني كل قوته بحيث وكعت وسد الباب وقفلها
مهتميت اله يطبه مرض شسويله بس راسي آذاني كام يوجعني
الدوة يمي شربت المسكن بدون مي كوة بلعت الحبايه
متنبلع بدون مي .وخليت ونمت
كعدت الصبح على صوت ام علي وهيه تكعدني
كالت كعدي يمة فتحت عيوني كالت صباح الخير يمة يمة كومي كتلها صباح النور خاله خير وين أكوم
كالت يمة كومي مو اليوم يريدونج تشتغلين وتبلشين
وهسه كالو نريدها خلي تكعد ودزوني اكعدج علمود تروحين عليهم .كتلها خاله شنو اشتغل ترة ما اعرف عده تنضيف خفيف مثل كنس مسح
كالت عود اني وياج كومي هسة
كتلها وشلون اريد أكوم والبدي مالتي مشكوك
كالت يا هاي ليش
كتلها من ورة هذا الي اسم على مسمى فهد مدري ذيب مدري ضبع
ضحكت وكالت وج عزة ولطمت على خدها
كالت وج اسكتي يمكموعه لا يسمعوني والله يموتونج
كتلها اوي خاله لا والله ما بيه حيل الضرب بعد
شنو هالهمجية حيوان قابل بس ضرب
كالت وج عزة اسكتي تالي وياج
ضحكت وسكتت
كالت اوكفي حلي اجيبلج شالي حطي على صدرج وركبتج المزوركة .عزه شكد فشله الله لا يوفقك كون يا حيوان
راحت جابت الشال واجت خليته على ركبتي وصدري
وكتلها فدوة خالة شلون اريد ملابس كوليله يروح يجيبلي جنطتي شلون ابقى بذني يعني
كالت والله يمة ما ادري خلي اشوفه واكولة
كالت ضمي شعرج هسه يكومون يحجون عليج
كتلها اوي ما احبة ولا اعرف البسه ومن حقهم يجبروني عليه
كالت دطلعي وهسه يعلمونج عالحق شلون يصير
سمعنه صوت وحدة عاطت وكالت يله يم عليوي وينج وين صرتي . كتلها هاي منو دتعيط.
كالت يله امشي هاي الشيخة الجبيره هسه تكلي الدنيا عراسي
كتلها زين بس اريد اغسل وجهي
كالت يله تعاي امشي
رحت غسلت وجهي ورحت وياها للهول هناك كاعده العجوز
طبيت وكلت صباح الخير وام علي كدامي
كلهن التفتن عليه
يتبع
#فصليه_لظالم_وحش
بقلم سقين الشمري
١٣________١٦
#بارت١٣
باوعتلي العجوز ومخنزرة عليه
وجان تكول لا هله ولا مرحبا
كلت بكلبي عوذه بلشت رحمة الله من الصبح
كالت ام علي روحي بوسي أيدها ورأسها
تقدمت بست راسها ورجعت ليوره
لو تموت عجوز البين ما أبوس أيدها وع
خزرتني كالت يالبغداديه تستنكفين تبوسين ايدي
ما رديت عليها
ضربتني بالعصا مالتها
كتلها ااااخ هاي ليش بيبي
جان تكول بيبي شنو
لتحجين بغدادي استغفرت الله
وكلت هسه الحجي شعليه بغداد
بس مبينات ابد مو طايقاتني
كلها تخوزر بيه
على دقيقه وينامن براسي
كالت منا وغاد تكولين الشيخة حتى مو حبوبتي
ميشرفني كتالين حفيدي يكولولي حبوبه
تنهدت كالت جن ما عجبج الحجي يالصفره
كرصتني ام علي كتلها حشاج شيخة كلامج على راسي
كالت عسا بالكسر كون خزرتها
وجان تكول نزلي عيونج لترفعيها بوجهي
اني الصراحة مو من النوع اللوكي وأحب اتلوك
ما رديت عليها بس ردت ام علي كرصتني
صحت اخ على كيفي وباوعت عليها
جان تكول سمعي يالعرمة
من اليوم انتي خدامه
تشتغلين حالج حال ام علي وأكثر منها تشتغلين
واي حقوق ما الج
لو يتكسر راسج متحجين ومتفكين حلكج
باوعت مصدومة عليها
ردت كملت
كالت وتخلين وليدي ياخذ الي يريده
وتجيبين النه حفيد يسد السالفه كلها وبأسرع وكت ويوكف الدم . وما الج حتى غرفه تنامين بالمخزن
تروحين تنزعين لبس ألأكح......الي لابستة
تلبسين اسود وطبخ ممنوع تطبخين ما ناكل من أيد كتالين وليدنه .بكلبي فرحت لان كلشيت ما اعرف اسوي عدا الخفايف بالاكل . تلبسين ربطه وتضمين عطوبج
خلي بالج اذا عاندتي لو سمعت شكوة عليج متلومين غير نفسج ومعليج باي احد تكملين شغلج تولين تكعدين بالمخزن
متشوفينه خلقتج عالاكل ممنوع منعا باتاًتكعدين ويانه
تتزقنبين بالمطبخ
تقومين بواجب رجلج كامل وبدون نفس وحتى واجب الليل
كتلها من رخصتج شيخة اريد احجي
كالت حسج ما اسمعه
كتلها لا لازم تسمعيني
كرصتني ام علي كتلها لا لازم احجي
شيخة هذا الي حجيتي كله
اني ما اعرف نصه اولا
ثانيا اني ما ابقى هما لان اني مدخلني بيهم
ثالثا اني شعليه من هاي الهوسه كلها
رابعا انتي واني والكل يدري اني مو منا وعلاقتي مو كلش وية بيت اهل بابا والمناسبات يله اجي
واصلا اني مو تابعه لقانون العشاير فما دخلني بيكم وبطلايبكم
هذا يا قانون الرجال يغلط والمرة تدفع الثمن
هذا الشي حرام حتة كالت يا صلفه وتكفين بوجهي تكولين هيج يا عديمه التربيه
كتلها حجية ترة التربيه ما الها دخل بهذا الشي
كتلها اني وعيت وكبرت على هذا الشي وهو الصح
بعدين اني لا يمكن ابقى بس تجي ماما عليه اروح وياها
وحتى بيت اهل بابا اتبره منهم على هذا الشي الي سوو بيه
جان تكول يالصلفه شلون وتكفين بوجهي وهيج تكولين
كتلها اني حجيت الحق
ضربتني بالعصا بعدن عنها كتلها حجية مو صغيره اني تضربيني محروك دمج على حفيدج على عيني وراسي
وحقج بس مو تفرغين قهرج بيه اني شنو دخلني
كتلها انتي جبيره وواعيه ومربيه اجيال
راضيه بهذا الشي انتي ترة هذا ضلم
واني شدخلني بيكم عدهم غيري
يروحون ينطوها فصليه اني معليه
تخبلت عليه واكو وحدة كامت تريد تضربني طلعت أمة لفهد
جان تكول الحجية هذا كلامج روحي نكعي واشربي مية
واذا كمت هسه اجنزج هنا خوش
باوعت على ام علي هاي من كل عقلها تحجي
خزرتني وأشرت اسكت
كالت وهسه تولين وتبلشين شغل وحسج ما اسمعه
مفهوم جرتني ام علي وطلعنه
كتلها هاي عجوز البين شايفه روحها
لطمت حيل على وجها وكالت وج راح تجلطيني الزمي لسانج
لا تروح اسمعج .كتلها ويطبها مرض
وصلنه للمطبخ كالت دكعدي خلي اسويلج لكمة سندي نفسج بيها لان اليوم راح تتعبين
كتلها يمعودة بس اريد شي يسترني
هذا الشال كفرنيكفرني
كالت ما عندي شي شنو اسويلج بلكت اروح عاد اجيبلج من البنات
سكتت صدك منين تجيبلي
تريكت وكمت وياها عالشغل هيه تكلي واني اسوي
لحد الغدة جوي همة تفاجأ فهد وضل يخزر بيه
وجدهم واحد مكروه رجل عجوز البين
صاح على فهد كلة هاي الفصليه
شنو هذا لبسها وين كاعدين احنه
جا جرني من ايدي وشمرني بالمخزن كام يغلط
كح.... شنو لبسج هذا تطلعين بي كدام جدي
كتله اعذرني والله ما لكيت ملابس وما لبست
انته حتى هدومي مجبتهن منين البس
كال انجبي ولا تراددين واكعدي هنا هسه اجي
وخلة وطلع
فهد: رحت على خواتي ردت دشادشة الها
ما قبلن ولا وحدة تنطيني يكولن منطي لكتالين اخونه
وحبوبتي هم مقبلت
خليت صعدت اخذت فلوس من غرفتي ونزلت
صاحو عالغدة كتلهم بعدين اتغدة
طلعت فريت الولايه كلها ماكو احد مفتح
تالي رحت لغير ولايه بعد عن ولايتنه نص ساعه
لكيت مجمع مفتح نزلت وطبيت اله سلمت وكتلة شكو ملابس لون اسود عدك خليهن الي وربطات هم (شالات)
كال قليل ما عندي اسود لان مو محرم واحد يلبسه نادر أجيبه ما أجيبه لان قليل الي يأخذن اسود كتله كلشيت اسود عندك خلي الي
كال يا قياس كتله ها ما ادري بس هيه مو سمينه
كال راح اخلي واذا بيهن اشكال رجعنه عادي اخذ الأصغر
كتله مشكور متقصر
رحت على قسم الملابس الداخليه اخذت الها
بس على أعصابي واكف فشله
بس اخذتلهيا حلوات 😁
اخذت سيت مناشف الها وأخذت شامبو وغسول وصابون هم مستلزمات كاملة الها لان كلشيت ما اخذت وياها من جبتها حت غراضها ما اخذتهن كملت
دفعت الحساب وطلعت
رجعت للبيت طبيت للمخزن شمرتهن بوجها وكتلها ذبي سلاباتج والبسي ذني بسرعه وطلعت
رحت على ام علي كتلها صبيلي غده
تغديت وشربت جاي وصعدت انام شوي وارتاح بغرفتي
❤❤❤
فصليه لظالم (وحش)
البارت (١٤)
طلع وركع الباب استغفرت الله تالي كمت اطلع ملابس من الي جابهن الي علمود اسبح
لان صار من اجيت عدهم لحد الان لا سبحت ولا بدلت
كمت طلعت الملابس من العلاليك
ولن اشوفه جايبلي دشاديش عزة تخبلت اني ما اعرف البسهن
يربي هاي شلون
فوكاها ما جايبلي لو تراكسود واحد
وفوكاها مبينات عريضات
شلتهن وطلعت داصعد عليه واكله هاش شنو جايب
لاكتني ام علي كالت ها خير شبيج كتلها شوفي شنو جايب الي وين البس هيج اني
جرتني من اَيدي وطببتني للمخزن
كالت وج اسكتي يالمعزايه
هسه يموتوج الله شاهد البسي واسكتي
كتلها بربج خاله شوفي وحدتهن شعرضها
قابل اني هيج سمينه وجايبها هيج
كالت هسه البسي وحده وانطيني الباقي اخذهن وياي
عندي مكينه اخيط بيها عود اني أصغرهن الج
كتلها صدك خاله كالت اَي والله
تشكرت منها وكتلها بس اريد اسبح وين الحمام
كالت كومي ادليج حتى من تطلعين نتغدى اني وياج
كتلها بس دقيقه بلكت جايبلي منشفه باقي الغراض
فتحت العلاليك وَيَا ريت مفتحتها
جايبلي ملابس داخليه عزة شكد جريء وعود منسق ومختار حلوات
شكد فشله فتحت الباقيات همزين جايبلي شامبو وغسول حتى الليفه
بس الملابس سود جايبهن اااوف
اخذتهن وطلعت وصلت للحمام مقفول احد كاعد يسبح
انتضرنا يكمل الي يسبح وادخل اني اسبح
ام علي راحت صاحو عليها الحراس
انتضرت قريب على باب الحمام لحد ما انفتحت الباب
وطلعت بنيه مبينه اخته لفهد
شافتني خزرتني كالت بنتر شسوين هنا
كتلها اريد اسبح
كالت وين هنا
كتلها لعد وين
جان تكول باحلامج
اكسر رجليج
كتلها ليش لعد وين اسبح
كالت بالكبور ولتراددين
كتلها احترمي شنو بالكبور شنو شايفتني زعطوطه كدامج
كامت تعيط واجتي تمد أيدها عليه
لزمتها وكتلها احترمي نفسج ترة اني اعرف اجاوز
ما اسمحلج تمدين ايدج عليها
كالت اليوم انتي كلتي هيج الا اطلع بروحج اجتي ام علي على عياطنه تركض وذيج هجمت تريد تضربني
وام علي وكفت بالنص تفك بينه
على صوتنه طلعو الي بلبيت كلهم
نزل فهد من فوك يركض كال هاي شكو
وجان تستلمة بدموع التماسيح
ترضاها يخويه الفصليه تغلط عليه وتضربني
هو عيونه صارن براسه
تكلة وغلطت على أبويه وعليك اني تخبلت كتلها
يا جذابه خافي ربج شوكت كلت هيج لو ضربتج
ما احس غير فهد ضربني راشدي فر راسي فر
انداريت عليه
جان يكول شلون هيج تكولين على اختي وضاربتها
وتغلطين على أبويه
ضربني لحد ما خشمي فاظ دم
واني اكلة والله جذابه والله محجيت هيج
كمل ضرب شمرني يم رجلين اخته كال اعتذري بساع
كتله والله لو اموت
هجمت أمة عليه الا ما مخلتني
وهو واكف ويباوع عليه
ولا حرك ساكن
وامة وحده ضخمة وتضرب قوي
حتى الفيل احسن منها
راسي انفتح الخياط ورجع يذب دم
الكاع صارت عياره عن دم
الله شاهد يمكن مبقى بيه دم كد ما نزفت
اخر شي طحت ما تخربطت بس ما بيه حيل اشم الهوى حتى
سمعت جدهم يكول كافي لا تموت عوفوها
عافوني بالكاع ورجعو لغرفهم
هو ضَل يباوع عليه وره شوي صعد
اجتي المنقذة خطيه ام علي تركض
بجت عليه رادت بس تكدر تشيلني ما كدرت
واني ما بيه أكوم بس أكوم اوكع لان دايخة حيل
صعدت تركض مدري شسوي
نزلت وراها نزل فهد
اجى شالني وتكولة يمة
فدوة شوفها لا تموت
ساكت ميحجي شي
شالني وداني للمخزن
نومني بالفراش افتح عيوني وأسدها
كلتله يمة خلي نوديها للمستشفى
كللها ميحتاج هسة تصحى
ضليت اسمعهم بوشوشه مو وضوح بس احس تبللت من الفراش
ام علي :يمة فدوة دمها هم خلص باوع الفراش
فهد :تعاي بس نشيلها نغسللها وبدلي الفراش بلكن يوكف الدم
زمرد : حسيت عليهم يوكفون بيها كمت رأسا دخت ووكعت
ما حسيت بشي بعد
ام علي :وج عيني يمة عزة راح تموت البنيه
فهد بس جيبي شي يسترها بساع
ام علي :لكيت جايب شي مثل الشال طويل ذبيته عليها حتى مو وكت نبدللها
فهد: طلعت اركض بيها للسياره صارت صفره وشفتها بيضه
كلت لا تروح تموت
طلع جدي كال ها وين شافها غركانه بدمها
شرفتها هيج تكفي بدون اجابه بس كتله للمستشفى
وركبت بساع وأخذت وياي ام علي
انوب لا أيد ولا رجل يربي
وصلت المستشفى ونزلت اركض وأصيح
رأسا جابو سديه واجو يركضون حطيتها
وضليت أغطي بيها ما اريد شي يطلع منها
طلعو يركضون طببوها لغرفه الطوارئ
واي كلت يربي بس لا تموت
زودتها وياها زين شلون راح تعيش ويانه هاي
وهو البيت كلة متحلف يطلع قهره وقهر موت اخوي بيها
😘🌹😘🌹😘🌹😘🌹😘🌹
البارت (١٥)
ضليت اباوع عليها الدكتور يحرك بيها والممرضات وَيَا وهيه مثل الميته حتى نفس ماكو
للحضة خفت خاف ماتت
سمعت الدكتور يكول اركو سوولها أشعه لرأسها ما اكدر اسوي شي لان الجرح حيل ملتهب
الدكتور :بساع ترة حالتها خطره لان نازله دم هواي
طلعو يمشون بالسدين وهيه مستمره تنزف
كتله دكتور خير شبيها
كال بابا هاي وين جانت شنو شبيها هيه راح تموت شلون مشفتو الجرح مورم
ونوب ملتهب ونازفه دم هواي
كتله وهسه
كال اعتمد عالاشعه
طببوها اخذولها أشعه جانو اكو غير ناس هواي واكفه تريد تاخذ بس الدكتور وكفهم كال حاله طارئه
كملت الأشعة وهيه بعدها فاقده
طلعوها رجعوها للغرفه
والدكتور اجى كال عيني لازم عمليه تره عدها فطر بالجمجمة
والدم مجمع وجامد بالجمجمة
صفنت عليه هذا شديكول
كتله وهسه ماكو اَي حل كال لا يضل راسها يوجعها
وترة بي أعراض هذا الشي
ضليت ساكت يربي شلون هسه وين انطي وجهي هاي منين طلعتلي انوب
كتله متتاجل يعني
كال على مسؤوليتك توقع
تالي اضطريت أوقع على أوراق العملية
وام علي تبجي يمي طكت واني أنشدهت
طببوها للصاله مال العمليات واني اباوع عليها خايف تموت
رين اني ليش خفت عليها
معقوله لان سنه او بس تجيب طفل يوكف دم العشيرتين واردها لاهلها وخاف تصير طلايب جديده
لا هذا ابد مو سبب
باوعت بوجها ابد ما بي روح
زين كله مصار الها ٤ ايّام من أجت
لو تبقى سنه شراح يصير بيها
اني اعرف وادري سبب الفطر الجمجمة بسبب
ضربتي الها بكوشه التخم لان هيه كلش قويه وثكيله وكلها خشب يعور اني كوة اشيلها
وره ما دخلوها لغرفه العمليات
خابرت جدي وسولفتله تفاجأ
من سمع كال يله لعد عود من تطلع من
العمليه خابرني سديته منة وباوعت على ام علي تبجي
عبالك بتها مو وحدة غريبه
كتلها خاله ليش تبجين
كالت يمة والله صار بيها هيج
وهيه مالها ذنب كتلها شلون مو سبت أبويه وضربت اختي
ام علي :هيه ما كالت شي ولا ضربت اختة وسردت الحجي كله اله
هو ضَل متفاجا شلون ضلمها وهيه هسه بين الحياه والموت
بس هو اصلا رغم يشوفها حلوة والبعض هسه جسدته عليها من جمالها وغيره يتمنى نضره منها بس من يذكر اخو يزيد غضبه
يكول طلعو الممرضين يركضون ويصيحون دم كتلهم خير
كالو محتاجين دم ضروري
لان حالتها صارت خطره نزفت دم هواي ونسبه دمها صارت ٧ونص راح تروح من بين أيدينه
فهد :رغم ما اعرف شنو زمرة دمها طلعت اركض للمختبر علمود يسحبولي دم الها بعد التطابق والتحاليل اخذو مني دم كالو ميكفي بطل لازم تدبرلنا بعد اقل شي ٣بطاله دم
تبرعت ب٢وردت انطي اكثر بس مقبلو ٢وكامو يحجون عليه
كالو مو زين عليك ميصير ولازم تبقى كاعد تره دوخ وتوكع
خابرت جدي كتله اَي واحد من الولد خلي يجي بساع دز اكثر من واحد لان احتاجو دم الها واني تبرعت ورائدين بعد
كال هسه مسأله الطريق
صدك وره شوي اجوي ولد عمامي ٣خطيه رأسا بوجهك للمختبر بعد التحاليل اخذو من ٢بس طابقو كل واحد اخذو منة بطل
اني من صدك بس تحركت دخت لان يحبو بطلين
كلت بكلبي لعد هيه الي مصفر دمها شلون
كالو خير شصاير ليش داخله حرمتك للعمليات ليش هيج حالتها
سكتت ما جاوبت شحجي شكول همة عرفو وافتهمو
رد ابن عمي الجبير كال يا خويه على كيفكم ما صارلها غير ٣لو ٤ من اخذتوها وهسه داخله عمليات هين شعليها
انته ادرى بحياتها وحالتها وهيه من بغداد وعلاقتها ويه بيت جدها مو كلش وغصب عنهاصار هذا الشي مو شفت بيوم الي رحنه ناخذها شنو صار الصوج مو منها من بيت جدها وابن عمها هيه شعليها هيه صارت ضحيه
كتلهم تعالو ساندوني اريد أكوم ودايخ
كالو وين ؟
كتلهم اريد
اروح هناك خاف يطلعوها لو يصير شي
كالو احنه نروح اكعد انته
مقبلت واصريت اروح تالي
اجوي ساندوني وكمت رحت ليم غرفه العمليات
لكيت ام علي كاعده تدعي وتبجي
كتلها ها شصار مطلعوها
هزت راسها لا
كعدت وضلينه ننتضر لحد ما طلع
الدكتور من صاله العمليات كمت والدوخة بعدها بيه
كتله ها دكتور بشر
كال الحمدلله عدت على خير وكلشي تمام لو مو النزف وخفته ليصير عدها نزيف داخلي
بس لازمها عمليه وراحه
تره جرحها جان ملتهب وهذا راح يضل يسوي عدها الم وصداع لحد ما يطيب فراح تبقى عالمسكنات ولازم متاخذهن بكثره علمود لا يصير عدها ادمان
بس سؤال هاي ليش هيج مبين متعرضه لشي
وبعدين وين جنتو مخليها غير داووها
كتله لا مبيها شي بس وكعت وصارت هيج
كال انته شصير منها زوجها كتله اَي كال ها
يله ما بيها غير العافيه وهسه همة راح يطلعوها من غرفه العمليات .والسوم تبقى تحت المراقبه خاف يصير عدها لا سامح الله نزف داخلي
كتله انشالله
فصليه_لظالم (وحش)
#البارت16
بقلم (سقين الشمري)
"""فهد : راح الدكتور وراها بشوي طلعو زمرد من غرفه العمليات بعدها ما صاحيه من البنج
ورأسها ملفوف ووجها شاحب ولونه اصفر وبي زراك اثر الكتله
وهي نايمة متدري شكو عبالك ميته حتى النفس من تجره ميبين ويكولون حاطيلها اوكسجين اثناء العمليه لان ما كادرة تتنفس ومختنكة
ولد عمي تخبلو من شافوها
وام علي كطعت روحها
كلت بكلبي زين هاي اذا شأفتها أمها هيج شحسوي
وصلو للغرفه وشالوها وخلوها عالسديه الثانيه
وعلمو المغذي ورتبو فراشها وراحو احنة بقينه يمها
ولد عمي ضلو واكفين بالباب ما طبو لان عيب وهيه ما لابسه شال
اااخ الله لو مو عمليه وشادين راسها فلا اخلي شعره وحده تطلع من راسها
كعدت ام علي يم راسها تقره آيات على راسها وتبجي ابد ما سكتت
واني ضليت اباوع عليها وشوي وطلعت يم ولد عمي واكفين يم الباب
مال الغرفه جانن اكو كراسي محطوطه كعدنه عليهن
وكالو هاي انته مسوي بيها هيج سكتت
كالو شلون آنطاك كلبك من يمته وانته تمد ايدك على حرمة
وفوكاها موتها
كتلهم ما ادري من اشوفها كدامي واذكر اخوي اريد اطلع بروحها وما يشفى غليلي
كالو وهيه شعليها
فهد: من دامها من اهل الي كتلو اخوي عليها
كالو بس الي تسوي غلط وحرام وحتى الله ما يقبل
واكو حديث او قول يقول :
(((اذا دمعت عين أنثى بسبب رجل
تلعنه الملائكة بكل خطوه يخطيها
للأمام علي (عليه السلام ) )))
زين شلون انته من شيعه علي وتسوي هيج
انته ابن شيوخ وابن أصول وابن أجاويد
وانته تربات المضايف والدواوين شلون ترضاها على نفسك تمد ايدك عله حرمة
كمت احس راسي يريد ينفجر كتلهم
كااافي انعل ابوها لابو شتريدون اسويلها لعد
أبوس أيدها ورأسها وأرحب بيها وهيه من اهل كتال اخوي
تستأهل وبابو زايد عساها بالكبور
همة ضلو صافنين
بعدين كالو محتاج شي
هزيت راسي لا
محجو شي بعد
بس كالو احنه رايحين وانشالله لليل انمر
ضليت ساكت محجيت
همة راحو ورثت جكاره
وشربتها وره شوي
دخلت للغرفه هيه على نفس نومتها
كلت لام علي ما صحت هزت راسها لا
كعدت عالتخم المحطوط بالغرفة
ضليت كاعد يمها وهيه حتى رمش ما رمشت
وره تقريبا ساعه ام علي كالت
يمة روح صيح للدكتور يجي عليها شو
ما كعدت وصارلها شكد من طلعوها
شو خوفتني
هزيت راسي باي وكمت
طلعت رحت للدكتور
كتله انو ما صحت
رأسا اجى وياي
شافها كال فاقده
كتله خومو اكو خطر يعني كال حسب حالتها اذا ضلت فاقده مو زين
واذا كعدت لا
واذا طولت منا لنص الليل فاقده اكيد مو زين
استغفرت الله
عفيه حتى مرضج شلعان كلب
اجى فحص عيونها وكال للمرضة جيبي فلان دوة وكذا
وتعاي جابته واجت سوه إبره وضربها كلها بالمغذي
وكال راقبو وضعها اذا منا لساعه ساعتين مصحت نتخذ غير اجراء
هزيت راسي باي وخله الدكتور وطلع
المهم وره نص ساعه حسبنه الها ٣١ دقيقه و١٥ ثانيه زمرد
كامت تفتح بعيونها
كمت اركض عليها
وصلت ليمها
بعدها تحت تاثير البنج حاجتها ام علي
باوعت شويه وسدت عيونها
وانوب فتحتهن
بعدها ما صحت كامل
زمرد : فتحت عيني مغوشه ما اشوف بس بياض
واسمع أصوات يمي
عرفت من الصوت همة فهد وام علي
شوي شوي افتح بعيوني واسدهن
كمت اشوفهم بس بتشويش ما واضحين
اريد اشيل ايدي وافرك عيني علمود بلكت يروح الغواش
مكدرت احس ثكل بيهن ما بيه ارفعهن
سمعت ام علي تحجي وياي
ما بيه اجاوبها ولا بيه احرك جسمي
ضليت افتح وأغمض عسا ولعل يروح الغواش ماكو
احس نفسي نعسانة حيل
رجعت نمت
ام علي : يمة وليدي اركض كول للدكتور صحت
فهد : طلعت رحت للدكتور وكتله
كال الحمدلله تعدت مرحلة الخطر لعد
اجا شافها نايمة كال يله اهم شي تعدت مرحلة الخطر
بس بعدها تحت تاثير البنج وهذا الشي عادي
اطمن على وضعها وخله وراح
لليل هيه صحت واجو ولد عمي
طبعا اني من صحت مجنت موجود
جنت جوة بالكافتريا واخابر
من وراها عفت حتى شغلي
من رجعت وره ساعتين كالت ام علي صحت وحجت وياي
بس تبجي وتكول راسي يرجعني وتكول اريد امي
كلت للولد اتفضلو هيه اختكم
بس انعل يومها ملابسه حجاب ومو مال البسها
عاد من طبينه جانت نايمه بسبب المسكنات الي اخذتهن
كومة علمود وجع راسها فراسا تنام
سلمو على ام علي
وسالو شلون صارت كتلهم جانت فاقده
وهسه لا زينه وصحت
كالو انته مبين تعبان وما الك خلك
روح ارتاح ساعه ساعتين
وتعال او اذا تريد نبات عادي
كتلهم لا ما اريد
هيه ليله أتحملها
بهالاثناء دك التيلفون
شفته رقم الوالدة
ابد ما دكت من اجيت لحد الان
فتحت خطت عبالي جاي تسألني
وبس حطيته على آذاني اجاني صوت
امي وهيه تعيط عبالي اكو شي
صاير بالبيت او بخواتي
حبوبتي او جدي
بس لا سمعتها تعيط وتكول نايم بالمستشفى علمود كتالين اخوك
وفوكاها قايم بكلشيت الها ومداريها
ولك هاي من كتالين اخوك فهدددددد
كتله اهدي يمة مو زين عليج العياط
كالت خايف عليه اني منو
اهم شي الفصليه اني منو
ولك راح داويها وخايف عليها
ولك هاي وديها للكبور
كتلها يمة والله مو زينه وجبتها حالتها خطره
كالت بالكبر اني اريدها تموت
حركت كلبي يفهد
شكلك نسيت اخوك وموته
كتلها والله ما ناسي يمة
كالت فعد هسه اذا ما جست للبيت وعفتها اقسم الله بحليب الي رضعته
لا ابني ولا اعرفك وغاضبه عليك ليوم الدين
كتلها يمة فدوة لتسوين هيج
هسة صحيح اكرها وهية عدوتي بس
هسه هيه مرتي
شلون اعوفها بالمستشفى واجي
شيكولون بيت الشيخ غزوان عايفين نسوانهم بالمستشفى وهمة ماكو
ترضيها يحجون علينه
الام : فهد اني حجيت الي عدي وكلت اذا ما اجيت هسه للبيت وعفتها
لا ابني ولا اعرفك واعوف البيت واطلع بس انته بقيت الي
وهسه عفتني ورحت عالفصليه
كتلها يمة سدته بوجهي كلت بكلبي انلاصت
جانت عايزه كملتها امي
كلت للولد يبقون بمكاني
بس اروح بشغله واجي
كالو روح احنه موجودين
بس همة درو لان جان صوت امي
عالي واني حجيت كدامهم ما لحكت حتى اطلع بره
باوعت عليها نايمة متدري شكو ماكو
خليت وطلعت وصلت للبيت
نزلت ورحت سلمت على حبوبتي وجدي
سال عليها كال شلون صارت المسعده كتله زينه
اما حبوبتي ما سالت اصلا
سئلت على امي
كالو بغرفتها
رحت عليها دكيت الباب
جانت اختي يمها الصغيرة يمها هناء
خواتي كلهن مزوجات
باقيات بس ٢ وحدة هيه هناء الزغيره
والثانية أميره ابن عمي رايدها
عساس هالفترة خطوبتهم
بس بعد صار الي صار
سلمت على امي
ما ردت
كتلها خيرج يمة
وجان تنفجر بوجهي وتبجي
كتلها يمة وعيونج مضطر
كالت عساها تموت هم متوديها
كتلها يمة مو احنه اتفاقنا سنه او تجيب ولد وتروح
اذا ماتت شلون
كالت اني اريدها تموت
اصلا حتى لو رجعت موتها على ايدي
ضلت تصيح وتعيط
تكول جيبها هسه هنا
اريد ابرد كلبي بيها
اريد اموتها
اريد اطلع بروحها مثل
ما ابن عمها طلع بروح اخوك
كتلها انتي كلتي ابن عمها مو هيه
وجان تكب بوجهي وتعيط وتبجي
تالي جدي صاح راحت هناء عليه
كاللها كوليلهم خلي يجون
رحت كايد امي وكعدتها عالتخم
وحجة جدي
كللها عوفي يروح مهما يكون تبقى مرته وصارت على ذمتة
ميصير تبقى وحدها بالمستشفى
رادت تحجي سكتها
وكال يله كوم وليدي
ومن الصبح انتو هنا
كمت وبست راسها وكتلها وروح أبوي ما تعنيلي شي
انتي الأصل والأهم
بس حالتها اضطرت
وديتها
خلي تجي وشوفي شراح اسوي بيها
ما حجت هزت راسها بس
لان جدي كاعد
متكدر تحجي
خليت اترخصت
وصعدت بلدت ملابس
وطلعت للمستشفى
يتبع