اول شي هلاوو شلونكم ثاني شي اعصابكم علية ادري عطلتكم اسفة جدا بس اااااه لو تدرون قهرتي اليوم لل٥ الصبح سهرانة اكتب وعيوني راحت وما نمت تالي بغلطة مني ينمسح البارت على نهايتة يمة وكف كلبي من القهر والله فد ضجت تخيلو ٣٠٠٠ كلمة كتبتهن مرتين والله تعبت وكعدت اكتب واجو خطار بحيث اذن وعين يمهم وايد وعين تكتب انحولت🥺فارجوكم قدروا تعبي وادعموني بتصوويت ومتابعة طيبة
البارت الثامن والعشرون
فيدعبدالله
رغد:وصلنة للبيت وبداخلي شي مرتاح من ناحية ايسر دخل هو حط العلاليك عالكاونتر ودخل غسل وجهة وراح يبدل اني هم بدلت ومشطت شعري وسويتة ذيل لان تعب من الحجاب والقراصة من الظهر ملفوف وطلعت حضرت العشا كعدت عالميز وانتضرة يجي ماكو جعت كلش كمت اصيحة واسمعة يحجي بالموبايل
ايسر:كتلج مااكدر اجي هسة لاتلحين تعبان كلش
رغد:مااعرف ليش فاارت اعصابي دكيت الباب بعصبية واسمعة كال يلا مع السلامة رحت عالميز متوترة اعصابي طلع الاستاذ مصادق وحدة ممشية امورة مااتخيلتة يدور هالدروب حتى مااحترم وجودي صرت اغلي قهر منة متواعد يروحلهة بالليل حقيررر طلع من الغرفة وكعد عالميز كال اتأخرت اسف جنت اخابر اااه انووب يعترف اكول سهى ماضلت وياه من سوالفة العوووج مرة يشرب مرة يصادق اكلت كوة تنبلع اللكمة احس سم وينزل لمعدتي منا قهرة هذاك الحقير اليأشرلي وهبطتي ومنا قهر هذا المكابلني ياكل ببرود شكد كرهتك 😡 كمت اخذت علبة سفن احس معدتي صارت تفور فتحتهة واسمع صوتة
ايسر:يابة شجاج عالمشروبات الغازية مو زين على الطفل داري صحتج وصحتة
رغد:مااهتميت لكلامة شربت نصهة ومعدتي صارت تغلي اجة شايل مواعينة خلاهن عالكاونتر ومشة غسل وكالي بلازحمة جاي طبعا هاي طقوسة بعد كل وجبة جاي خليت المي عالنار وجاي اعزل المواعين صارت ريحة الاكل بخشمي لعبت نفسي كلش ومنا معدتي طلعت ركض للحمام واستفرغت احس انسحبت روحي من كدما اتقيأت اجة وراية للحمام كتلة اشرتلة روووح ماسمع اتقدم ناحيتي وكف وراية لم شعري بايديه وصار يفركلي بضهري غسلت اخذ المنشفة ونشفلي وجهي اخذتهة منة بعصبية وطلعت وكفني وباوع مستغرب
ايسر:شبيج مو على بعضج من دخلنة ما جنتي هيج
رغد:ايسر اني كلشي ولا واحد يقلل قيمتي ويلغي وجودي
ايسر:🤨كملي دااسمع التخربط مالتج
رغد:مااخربط اني بس اريد اكلك انه واجب تحترم وجودي وارتباط اسمي باسمك بطفل شيكولون العالم لو دروا انتة مصادق بنات وتروحلهن شنو صورتي كدام الناس زعجني برودة وابتسامتة المخفية كتلة انتة متخاف من اللله لايطلعهة بيك تصادق بنات بالحرام
ايسر:بسسسسسس شنو هالخربطة منيلج هالاافكار السخيفة منو كالج اني صاحب هيج سوالف عبالي تختلفين طلعتي سوالفج نفس سوالف سهى واني ماخبلني منهة غير هاي سوالفهة
رغد:اني سمعتك تخابر تكللهة مااجي هسة تعبااان يعني يعني ......
ايسر:اول شي عيب تتصنتين علية ثاني شي هاي حتى تتأكدين وترتاحين بدل ما تظلين متخربطة كل شوية
رغد:اني مو من وراك اتخربطت اني....،قاطعني وشال موبايلة بوجهي اخر مكالمة سهى احس فد فشلت تعال يامن تضم وجهي احس عركت واحتريت هههههه شحجاني اني شنطقني
ايسر:هااا اشوف انبلع السانج يا ام وجود وكرامة .عمي محد يكدر يمس كرامتج بشعرد دامج زوجتي
رغد:اني اسفة ونزلن دموووعي كالعادة مو قصدي والله استمع اجيت اصيحك للعشا واجتي الحجاية باذني
رغد:اهووو هم بجت دخيل ربج شكد تتنعوصين
رغد:😭😭 زدت بدموعي فد فشلت فشلو شيكول علية هسة من شافني هيج اتقدم وحضني وصار يمسح على راسي وكالي
ايسر:رغد اني اتخبل من مرة تحاسبني او تتجسس علية لان اني وداعت امي ماعندي شي ماالي بدرب الحرام لان الله كفاني بحلالة ومثل ماالج خصوصيات احترمهة الي خصوصيات احترميهة بس تدرين وكلتهة الج قبل والله تصيرين حلوووة من تغارين ههههه
رغد:دفعتة وباوعتلة 😠ما اغاار اني وفتت للمطبخ اكمل شغلي بعصبية مد راسة يمعودة ام الغيرة اكو جاي لو نروح ننام😁
رغد:😒 ايي،مستفزززز كملت المواعين وكمل الجاي صبيتلة ودخلت كملت المطبخ ورحت غسلت وفرشت وكتلة راح انام محتاج شي
ايسر:بعد وكت،
رغد:تعبانة😒
ايسر:اوك براحتج تصبحين على خير😒 تتهرب تكعد وياية وتضوج تظهر مشاعر اهتمامهة بية الي احسة بدة يتطور اتذكر المدالية العجبتهة من لمحتهة تباوع عليهة كلت الااشتريهة الهة ومااخلي شي بنفسهة يروح فجبتهة الهة مفاجأءة من صعدت السيارة رحت طلعتهة ورحت لغرفتهة دكيت الباب شوية وفتحتة عرفتهة بدلت لان هي من تنام تحب تلبس شي خفيف فتحت الباب وشعرهة فاتحتة وعيونهة منعسة
رغد:نعساانة وايسر دك الباب كمت لبست وفتحتلة مطفية
ايسر:اسف كعدتج ما عبالي تنامين بسرعة
رغد:لا عادي محتاج شي
ايسر:هااا وقدمتلهة العلبة هاي الج
رغد:فتحتهة نفس الكلادة العجبتني كمزت فرحانة بيهة ،شكر شكرا هي هاي العجبتني بالمحل
ايسر:وكافي بس عيونج تأشر مو انتي حتى😏
رغد:رحت عالمراية بعدت شعري على صفحة و لبستهة ودا اشوفهة حلوة لو لا وكفت كبال المراية واجة صار وراية كال
ايسر: حلوة برقبتج عرفت تلوكلج
رغد:شكرا كلفت نفسك بعدني جاي احجي وجان يطبع بهدوء بوسة على رقبتي احس ذبت ببوستة اول مرة ماانفر من قربة طبع بوسة ثانية وحضني من ورة بقوة ودفن راسة برقبتي اشتم شعري وتنهد وابتعد عني كال تصبحين على خير وطبك الباب ومشة واني بعدني بمكاني ارجف من الصار بس هالمرة الرجفة بغير احساس وغير مشاعر مشاعر جديدة اول مرة اختبرهة رحت مددت وضليت افكر بالصار اتلمس مكان بوستة واحس كلبي يرجف طار النوم من عيني واتكلب وافكر بي صاير حنون كلش وياية وهاظئ يسيطر على روحة مدللني حتى لو اتخربطت يدهل وياي للحمام ومينزعج ابد ولا يستنكف بس اني استاهل يعاملني بكيب بعد كل السواه بية بس احس كلبي صار يميل الة ويرغب بقربة مااعرف شوكت غفيت فزيت عالمنبه كوة سحلت روحي سويتلة ريوك ودكيت الباب حسيتة كعد ركضت للغرفة احس استحي احط عيني بعينة
ايسر:كعدت مرتاااح من الصار البارحة من شفتهة شلون ذابت بايدي مستمتعة ومغمضة عيونهة ما نفرت ولا شردت ما اتماديت وياهة مااريد اضغط هليهة صح احترك جد جدي من عفتهة بس كلت خليهة تتروض وتتعود وتنسة بالتدريج لو فجأة يمكن تنفر مني اكثر دكت الباب كتلهة جاي كمت بدلت وطلعت لكيتهة بالغرفة اعرف شردت تستحي اتريكت وبدلت وطلعت رحت مريت لقمر شفتهة هي وملاك وطبعا محاولات سهى اليائسة ان ترجع مستمرة بس اقابلهة بالبرود لان خلص انتهينة من باعتني باول موقف احتياج الهة ولوكفتهة باعت وطلعت بروحهة عرفت ماالنة طريق سوة وضغطت وكملت لخاطر بناتي بس هم ماقدرت وخربت وحجت علية واتجاوزت واخوهة جملهة الي من طلع اختفة عبالة ااذي فخلص ماارجعهة وقافل هالمرة طلعت للدوام واجة كتاب باسماء مجموعة من الضباط وجان اسمي من ضمنهم دورة شهر للاردن بالنسبة النة خوة مهمة للترقية حتى ترتفع رتبتي من نقيب لرائد بس فكرت بامي وقمورة المريضة ورغد منو يمهة ردت ارفضهة بس جماعتي ماقبلوا وكالو هو شهر تخلص شلون ماجان كمل الدوام ورجعت للبيت وطبعا وية مافتحت الباب استقبلتني ريحة الاكل التشهي
رغد:طلع ايسر ورجعت نمت كمت ب١١ كوة غسلت واتريكت شي خفيف ورتب البيت جان نظيف طبخت تبسي دجاج بالفرن وتمن وسلطة ولبن حضرت كلشي ودخلت سبحت وبدلت وضفرت شعري جان بعد وقت على جيتة كعدت اتصفح بموبايلي واجاني اشعار عالماسنجر من ولد مااعرفة (هلاو ممكن نتعرف ولو اني اعرفج مو رغد)خفت وسديت موبايلي بسرعة كلبي صار يدك منو هذا اليعرف اسمي لان اني جنت مخلية اسم افتراضي ضليت حسبة تجيبني وحسبة توديني شوية ودخل ايسر سلم علية وجان جايبلي علاكة حلويات وكرزات وعصاير كالي هاي احسنلج من المشروبات الغازية بعد لاتشربيهن ابد هزيت راسي بموافقة وبالي يجيب ويودي شهالسوالف التطلعلي صفح صبيت غدا لان كال جووعان كلش والريحة تخبل وهو سبح وبدل عالسريع واجة ياكل كعدت ابتسم
ايسر: همزين انتضرتيني اضوج اكل وحدي
رغد:😐 اكلت وكمت سويتلة جاي لميت المطبخ وعزلتة وصببت الي والة جاي ورحت كعدت يمة ابتسم ورجع على موبايلة كتلة ايسر
ايسر:هااا
رغد:اليوم الظهر واحد دزلي هاي الرسائل عالماسنجر
ايسر:منو هذا شمعرفة باسمج دخلت لصفحتهة بالفيس غير اسم شعرفة باسمهة كتلهة خاف صديقة معلقة باسمج
رغد:اصلا ماعندي صديقات ولا ضايفة احد ولااعلق
ايسر:افتر راسي منو هذا كتلهة راح اربط صفحتج عالحاسبة واظل وياه لحدمااعرفة منو هذا
رغد:ماشي اصلا الغي الماسنجر
ايسر:لا يجوز احتاج اكتبلج عليه من اذا سافرت
رغد:تسافر
ايسر:اليوم اجتي قوائم دورة بالاردن وبيهة اسمي وورهة متأملين بترقية بس اني مالي واهس شلون اعوفكم
رغد:بس بيهة مستقبلك غير اني اشوف الافضل تروح
ايسر:الله كريم صدك اخذت الحساب مالت رغد وضليت اراسل بالولد بصفتي رغد وهو مشت عليه بس العجبني بدة يذكرلي تفاصيل عنهة مرضهة ضروف زواجنة عركتنة ضربي الهة اتعجبت شعرفة بيهن معناهة هذا شخص يعرفنة معقولة صهيب بس لا شعرفة بالفيس مالتهة هذا شخص عندة رقمهة لان هي مسويتة عالرقم بس منو ممكن ياخذ رقمهة شكيت بشخص واتمنى احساسي غلط
رغد:مررت ايام وجان هذا الرقم يرسل كومة رسائل كمت حتى مااقرة امسحهن اول باول مر ١٠ ايام وقطعت الرسائل سالت ايسر كال خل يولي واحد مشتبه ماحسيت اقتنعت باجابتة بس سكتت ماردت اناقش هو بيهيج مواضيع ميتناقش والتهة يحضر لسفرتة الي ما بقالهة كم يوم وبيوم العصر اندكت الباب وايسر جان نايم لبست شالي و فتحتهة وانصدمت بسهى بالباب باوعتلي من فوك لجوة وكالت روحي صيحيلي ايسر كتلهة تفضلي ضلت صافنة بوجهي وكالت انتي تحجين ماجاوبتهة ودخلت هي تردد انتي تحجين سديت الباب وراهة ودخلت هي تباوع للشقة رحت واريد ادك الباب على ايسر ضلت تباوعلي فتحتة كلت عناد بيهة وطبكتة بوجهة الفضولية اتقربت للسرير جان ملابس فانيلة نايم على بطنة وضهرة طالع عضلاتة بارزة خصلات شعرة المنثورة بطريقة عبثية على كصتة ضليت صافنة بي ديلا هسة اني وكت صفناتي ندهتة ايسر ايسر فتح عيونة ونهض مستغرب لان داخلة الغرفة
ايسر:ها رغد بيج شي
رعد:لا لا بس اجتي سهى
ايسر:اففف هاي شجابهة
رغد:تريدك
ايسر:خلي ابدل واطلعلهة
رغد:ردت اطلع كلي انتضري نطلع سوة مااريد تضلين كاعدة وياهة وحدج
رغد:ماشي نهض هو ردت وجهي لبس تيشيرت وجان لابس برمودة وطلع واني وراه راح غسل واتوجه للصالة كالي جاي يرحم والديج دخلت للمطبخ اسوي جاي واسمع حجيهة كالتلة
سهى:باي حق ترفع دعوى تاخذ البنات مني الحضانة الي قبل ميصير عمرهن ١٨ هن الية
ايسر:هذا لو جنتي كفو واحد يبقيهن يمج وانتي تربيهن ابقيهن ليش حتى مرة الثانية تموتين وحدة
سهى:اذا تريد بناتك يرجعن فاني مااعوفهن يربن بيد ذيج الخبيثة لااني اجي وياهن
ايسر:لا اشو اخذهن وبدونج وغصبا عنج
سهى:انشوف يا ايسر وعوود ظل مجلب بهاي وجه الفكر وبايعني اني وبناتي لخاطرهة
ايسر:شفتي هاي الماعاجبتج عندي يوم واحد وياهة يسوة عشرتي وياج كلهة
سهى:اي يلوكلهن امهات السحر والشعوذة من هاي هديت علينة تضرب بية وبحسام فرت عقلك وملتك ناحيتنة لهناك يجوز تذب بناتك لخاطرهة
ايسر:سهى احترمي نفسج لاتخليني اهينج كدامهة ترة سوايتج بيهة لحد الان تدك براسي بس احترمتج لخاطر بناتي وماكلت لاحد لاتخليني اطلع خياسج كلة هسة
سهى:والله يلوكلهن مدري من ياشارع يلموهن ويصيرن بروس الزلم هوانم
ايسر:انجبييي وطلعي برة والبنات غصبا عنج اخذهن ونشوف
رغد:طلعت سهى واني حجيهم يدور براسي شنو سوالفهة وياية افتر راسي من التفكير وايسر متوتر وعصبي مااكدر احاجي خاف يكب بوجهي لليل ردت اتصل على ريام لان رصيدي مخلص اتصلت عليهة وصارت توصل رسائل كومة واني اسولف مااهتميت ضليت اسولف وكملت سديت الاتصال من ريام وجان يلفت نظري رسالة فوك وصلت ايسر ادري غلطت بحق زوجتك بس...... وماطالع الباقي رأسا ربطت الرسالة الوصلت والولد وهذا الدايرسل هسة فتحت الرسائل بفضول وعرفت الجان يرسل هو ابن اخت سهى وهي دافعتة وماخذة رقمر من الحجية باعتراف الولد لان الظاهر ايسر لازمة وضاربة خسيت بصوتة يصيحني والرسائل مستمرة توصل حباب جاوبني البنات مالهم ذنب غلقتة ورحت رجعتة الة ورجعت الف فكرة وفكرة براسي ليش ماكللي عرفتة زين شنو مصلحة سهى تدفع هذا الولد علية معقولة لهدرجة وصلت حقارتهة تريد تورطني بعلاقة وية هذا الولد وتخلي ايسر يطلكني زين شعبالهة هو اني جاية من الشارع حتى اصادق ورة زوجي مااعرف تفكيرهة وين وصل بس العرفتة ايسر ما يحاجيهة من يومهة لان تتوسل بي وماكو كرهتهة اكثر هي وتفكيرهة القذر وصلت تنطي رقمي للولد حقة ايسر من نفر منهة كلش وما يريد تربي البنات هي الظاهر مصدوم بجانبهة الشيطاني بقت ليش ما كلي ساعات اضوج وساعات اكول خطية قابل يكول ام بناتي الي ارتبطت بيهة سنين هيج سوت قبل سفرة بيومين رتبنة البيت وانتقلت اعيش ببيتهم الجبير كافي بهذال احنة بجهة والحجية بجهة تعبت والانسان من يكبر مالة غير بيتة اخذنة بس ملابسنة وطبعا صممت غرفة وحدي وكالي من ارجع من السفر الله كريم مستعجل اريد اتطمن عليكم قبل السفر وصدك بين ما كملنة هو سافر مااعرف ليش حسيت بفراغ جبير من سافر افتقدتة اي افتفدت صوتة ضحكتة اباوع لملابسة واني ارتبهن شوكت يرجع هستوة خلص يوم طبعا لزمت البيت اسبوع كامل ترتيب وتغير ديكول واثاث صح جديد بس مخربط رتبتة وعدلت وتنضيف رجعت لمعة بالبيت
الحجية:كافي يمة تعبتي انوب انتي حامل شيخلصني من ايسر يجيب ويوصي
رغد:خالة على كيفي جاي ارتب شوية شوية لو تعبانة ما اتحركت لليل خابرت ريام تجي يمنة من يروح زوجهة لان كالت عندة شغل كم يوم ويرجع
ريام:يمة فدوة للتخابر وتعزمني ان شاء الله اكول لزوجي واجي هم اغير جو اختنكت من البيت
رغد:سديتة منهة واني احوس اريد اتصل على ايسر كاميرا اريد اشوفة اشتاقيتلة مو بيدي اشتاقيت لصورتة مرات نتراسل بالرسائل بس ما شفتة من يوم السافر تالي كلت انجبي بس انتي تشتاقين ما اشتاقلي هو واتصل
ايسر:نص اموري عفتهة عالنص قضية البنات اجلتهة واجراءات الطلاق من سهى ماكاملة كلهة رجعنة لبيتنة وهاي الخبلة تريد غرفة وحدهة اووف والله تعبو مو كافي بعد كتلهة ميخالف بس كلت بلكي من اسافر تشتاقلي وتبطل من هالفكرة تالي ماصلا ما كلفت روحهة واتصلت علية حتى من اتراسل وياهة الا اني اكتب يلا ترد وشوية وتتحجج بشي وتروح ضجت معناهة ما فارقة عندهة بيوم كاعد بالليل ضايج واعصابي طافرة منا تدريب وتعب ومنا بالي يم اهلي ومنا رغد ماكو اراسلهة طول اليوم ومترد جان تتصل رغد باوعت للشاشة ابتسمت وخفيت ابتسامتي رديت عليهة بثكل سلمت علية وحجت شوية مبينة مرتبكة كالت عادي تفتح فيديو هلا هلا انوب صارت فيديوات فتحتة جانت فالة الشعر ومخلية مكياج لاول مرة كدامي ولابسة دشداشة ربع ردن كتلهة اشتعلوا هاااي شنو تحركين بدمي لان مو هنا اني مخلية مكياج ولابسة هالملابس الحلوات والله تخبلين رادت تحجي كتلهة لا بس اسكتي وخليني اتأملج
رغد:من اجتي ريام وهي تلح خابري فيديو خطية اخوية حرام عليج كتلعة لليل واستحي اخابرة رغم اشتاقيتلة والله واحس مفتقدة شي عزيز بس اتحرج حتى احاجي تالي لليل صعدت جايبة عدة المكياج وخلتلي وسرحت شعري وبدلت ودكت علي كدامي وطلعت وهي تكلي اي هيج حارمة اخوية من هالجمال اتصل و سلمت عليه وسالتة عن وضعة مرتبكة اخر شي تجرأت كتلة خلي نفتح فديو عجبتني ردة فعلة ناحيتي حتى ما خلاني احجي اخر شي تعب ونعس كتلة مبين تعبان
ايسر: شوفتج تعبتني وهدت حيلي لان اشتاقيتلج
رغد:ردت اكلة اني هم اشتاقيتلك بس استحيت سكتت وكتلة ان شاء الله ترجع بسلامة
ايسر:ماااشي ديري بالج على نفسج على احمد وعلى امي
رغد:احمد منو
ايسر:ابنج
رغد:واذا بنية
ايسر:لا ولد شاك بيج ولد واذا بنية فاعشقهة مادامج انتي امهم
رغد:شكرا
ايسر:خررب عفوا روحي نامي انتي ما من وراج حجاية تريح القلب
رغد:ماااشي😒كلتهة بانزعاج
ايسر:لاتضوجين بس والله ما تحمل بعد رغد وتنهدت حسي بية مو غلطت واعتذرت ونسيت ليش ماجاي تبدين صفحة جديدة
رغد:ردت اكلة بديتهة من يوم السافرت وعرفت قيمتك بداخلي بس سكتت باوعتلة وكتلة اكو هواية حجي بكلبي من تجي نحجي🙂
ايسر:الله كريم يلا عيني تصبحين على خير
رغد:تصبح على خير وسديتة حسيتة غابت ابتسامتة من نهيت الاتصال هيج بس اريد احاجي وجها لوجه مررر كم يوم وريام راحت ضوجة بس اني والحجية فرحانة ببطني الصارت تبين شوية وكبرت جنت كاعدة عالموبايل وطلعتلي صفحة حسن ابن خالة زهرة احس كلبي طاك جان اريد اعرف اخبارهم ليش نسوني وعافوني دخلت عالماسنجر وكتبتلة السلام عليكم حسن اني رغد
حسن:هلاااا رغد صدك جذب انتي وين ليش كاطعة منة
رغد:لا لا حيلك مابية شي عايشة ومرتاحة ببيت زوجي وانتظر طفلي وووحجيت
حسن:ياالله ياالله هاي الاخبار التفرح والله اتمنالج الخير من كل قلبي اخت اعتز بيهة
رغد:ولو زعلت من محد سال علية
حسن:ليش ولج زوجج كل فترة مخابرنة يسأل عالجامع ما كمل
رغد:اوكف شنو يخابركم شنو جامع
حسن:ليش مايكلج
رغد:كلشي مااعرف عنكم من يوم الطلعت منكم
حسن:بس زوجج على تواصل دائم ويانة عدا صهيب الي سلام ما بينهم صدك هو خطب
رغد: الله يسهدة بس مو موضوعي شنو جامع
حسن :اعرفي من زوجج احسن مااتدخل اني
رغد:مااكولة والله بس كلي
حسن:مو هو من عرف بيبي سوتلج عملية بدل ماتبني جامع ماقبل وكال اني مرتي مو مشروع صدقة الهة زوج غصبا علي يصرف عليهة وماقبل الا يبني بفلوس عمليتج جامع لبيبي
رغد:شوكت صار هالحجي
حسن:بعد ماةخذج باسبوعين بيبي تمرضت عليج كلش وخابرتة واجة شافهة وسولفتلة على كلشي بس رغد حتى من عرفنة بفعلة ايناس قبل شهر وكلنالة كال اني مرتي مستحيل اشك بيهة كد شعرة والكلام الوصل لايقدم ولايأخر وتندي اضفرهة يسوة الكون مبين رايدج لا تخسري خوش انسان ومن عاشرتة يلا عرفتة حتى بيبي تحبة وتكول لو اجتني رغد زعلانة اني اردهة
رغد:زين ايناس شدخلهة
حسن:هي السوتهة هي الراسلتلة العنوان
رغد:نزلن دموعي كتبتلة ليش بشنو اذيتهة
حسن:اختي رعنة وتغار وسدي موضوعهة ما حجيتلج الا لان اعزج بس اني مستغرب ليش ايسر ما كالج لحد هسة
رغد:واني هم ماادري الة علاقة بيكم ابد ولا خطر ببالي متواصل وياكم
حسن:لارغد هو مارج تتواصلين ويانة وكال البيت الي انطعن بشرف مرتي بي ما الهة اي تواصل وياه بس اتوقعت كايلج ومانعج تتواصلين ويانة حتى بيبي تتحسر على شوفتج هاي يمي افتحلج كاميرا وياهة واتصلت شوية شفتهة وسلمت عليهة وحلفتهة لاتجيب طاري لاحد اتصلت اني بيهة بس ردت اطمنهة وبس وكتبت لحسن يمسح المحادثة ولايكتبلي ابد مااريد ايسر يعرف اني عرفت بالسواه وشلون كبرني بعينهم وشلون خلالي قدر وقيمة من دفع فلوس العملية
مررت الايام والاسابيع وصرت اخابر ايسر اكثر واني صرت اتفتح وياه شوية شوية واطلع من قوقعة رعبي لمنة لحقيقة حبي الة الي صرت ماانكرة بداخلي واليوم يجي ايسر اتحضرتلة من قبل بيوم احس طايرة بجيتة ملك كل احساسي ونسيت كلشي وياه وبديت بالصفحة الجديدة وياه الي رادهة تحضرت وسرحت شعري ومكياج وكلبية جديدة وكالوا يوصل وية الغدة طبختلة الاكل الي يحبة باميا وتمن وحشيت دجاج بالفرن شويتة وهنا خوانة اجو من الضحى واتعرفت عليهم كلش طيبين وحبابات زوجاتهم وانتضرة بلهفة شوكت يجي لكيتة دازلي مسج اني وصلت العراق ومشتاقلج بكد رحمة الله ابتسمت ودزيتلة نووورت العراق منتظرينك واكغة بالمطبخ اني والبنات واندكت الباب وطلع ايهم يفتحة وجان...............يتبع