السلام عليكم شلونكم اعتذر عن التأخير عندي ضرف مستعجل ماكدرت اكمل البارحة البارت وصدكوني اليوم كوة كملت واعتذر اذا اتاخرت كم يوم بالتنزيل اتمنى تعذروني لان صدكوا ماغندي اي وقت اكتب وضرو داخلة ببعض اتمنى متضوجون مني وتتفهمون ضروفي ،و اوعدكم القصة راح تكون شي جميل مختلف جدا يستحق صبركم وياية😍💖
البارت العاشر
فيد عبدالله
ايسر:بعدما وصلت رغد ضليت بشك من الصار لامي رجعت للبيت صعدت لسهى كبل جانن البنات نايمات كتلهة تعالي وياية جوة
سهى:هااا شكو شصاير خالة شلون صارت😳
ايسر:زينة الحكيني جوة بسرعة ونزلت وسهى وراية وصلت للصالة ورأسا التفتت عليهة وكتلهة سهى شصاير امي ليش تخربطت
سهى:هاا ماادري
ايسر:لاتدرين اكيد فاحجي بلا لف ودوران لان اعرف شلون اطلع الحجي ولاتكولين كلشي ماكو ترة ماتعبر علية احجييييييي
سهى:يعني ما كالتلك خالتي شصار
ايسر:لو كايلتلي اجي اسالج ما حجت شي والممرضة هم ماحجت وامي نزلت يم بيت ريام ماقبلت تجي لهنا فاحجي احسن ماافقد اعصابي
سهى:هااا ماادري شصار اني جنت فوك اليوم كلة ما ادري شصار😥صدكني
ايسر:يعني ضليتي فوك من طلعت اني معقولة ما جعتي انتي بناتج ما نزلتي كلتي اشوف الجوة ميتين عدلين احجييييي😡
سهى:على كيفك والله خوفتني راح تصير عندي ولادة من الخوفة والهبطة
ايسر:اتقربت منهة ولزمتهة من ايدهة حيل خوفة وهبطة ليش شمسوية اني جنت شاك انتي اساس البلا
سهى:لا شعلية اني ما دهلني بس انهبطت على خالتي
ايسر:سهى والله اذا ماحجيتي هسة اوديج لاهلج وماتشوفين بناتج بعمرج بعد
سهى:😳😢اني ماادري شصار بس الظاهر رغد ماانطتهة علاجهة لان من نزلت اخذت غدة للبنات اسمع امك تكللهة انطيني علاجي لان اتأخر الوقت ونسيتة المفروض اخذة ورة الصلاة رأسا
ايسر:والله عرفتهة هاية ثولة وراح تنساه هي علاجهة نستة
سهى:هااا ياعلاج
ايسر:علاج امي😒 البارحة اعلم بيهة وتنساه ،بس انتي طايحة حظ وادب سزز والله لهدرجة هانت عليج امي وشلتي ايدج منهة ومالج عىاقة تنزلين تتزقنبين وما تتابعين امي وضربتهة راشدي
سهى:😢ايسر اني شعلية انتة مو كتلي ماعليج بعد وهي ممرضة وتاخذ راتب لعد شنو شغلهة اذا ماتهتم بالمريض وحتى امك ما تتقبل مني شي انتو عزلتوني كلش وفضلتوا هاية علية خل تفيدكم لو صاير بامك شي من وراهة بعد لاتجي كوللهة واني اداري خالتي والله بعيوني (اييي خوش اجتني حجة اطردهة واخلص من وجهة اليجيب النظر)لاتكول للحجية اني كتلك تضوج مني وهي كارهتني هالفترة خليني اني اداريهة وارجع العلاقة مثل ماجانت واحسن اني حسيت بغلطي
ايسر:هو هيج هاي الناس الظاهر ما يغزر بيهة ،وانتي اني اعلمج من افرغ كل هالطيحان الحظ من وراج يا حيوانة،وطلعت ركبت سيارتي واني اغلي اذا مااندمهة ماارتاح جانت راحت امي اليوم من بين ادينة من ورة ثولهة شلون اعتمدت عليهة اني كل عقلي هي علاجهة نستة الصبح والبارحة طول الليل تون من الالم ونستة الصبح بالطريق اتصلت على امي وكتلهة شلونج انتي شلون صرتي
ام ايسر:الحمد لله يمة زينة هسة ارتاحيت وكاعدة اني وريومة نسولف
ايسر:يمة اليوم ليش ماماخذة علاجج بوقتة شفتي شلون اثر عليج واتخربطتي
ام ايسر"هااا هاي رغد كالتلك والله يمة التهيت ونسيتة
ايسر:ورغد شنو شغلهة ليش ماذكرتج بي المن اتزوجتهة اني طبعا احجي وكوة لازم اعصابي ردت اتاكد من امي وهي اكدتلي انه ناسية علاجهة
ام ايسر:لايمة اني غفيت شوية وهي مارادت تكعدني الظاهر فتأخر
ايسر:يمة لاتضميلهة وتطمطين وراهة مثل ذيج لحدما طيحت حظي
ام ايسر:لايمة مو هيج
ايسر:لاهيج يمة يلا اني اروح عندي شغلة وديري بالج على صحتج وباجر امر اخذج وسديتة واني مدخن وافكر هي يمتة حبتني حتى اني اسلمهة امي اعز مااملك اكيد راح اتاذيني بيهة بس الا اخليهة تعرف شنو اني ومنو كوة وصلت وفتحت الشقة اتوجهت للغرفة فتحت الباب وصارت بوجهي متفاجأ فقدت وضربتهة الضربة بوجهة صارت ضربتي وكعت وكام خشمة يجري دم مااهتميت رفعتهة من شعرهة وكتلهة انتي اليوم مخربطة بالعلاج مو ومامنطيتة لامي بوقتة
رغد:اتفاجأت شمدري بعدين شدخل هذا بوكعتهة اكيد هاية سهى فرتهة علية دفعتة مني وشعري اتملخ بيدة واخذت موبايلي اريد اكتبلة اتفاجأت بي ضرة من ايدي وركعة بالكاع وطفة ضليت اباوعلة متفاجأة بتصرفة وغضبة عبالك واحد مجنون كل عقلة يصدك مرتة وما يسمع مني هو نسة شنو هية هسة صار يصدك بيهة ويعتقد تخاف على امة
ابسر:احجي بدون كتابة باشارة اي لو لا
رغد:اشرتلة لااااا
ايسر:جذاااابة حتى امي كالت اليوم علاجهة ناسيتة وتخربطت من ورة ثولج جان ماتت امي اني مو من البارحة اعلم بيج واكلج ديري بالج يتاخر
رغد:ااشرلة اريد يفتهم مو هذا السبب خلي يسأل امة تكلة الصار مايفهم علية ويعيط وموبايلي كسرة
ايسر:تاشرلي ماافتهم عليهة جانت مخبوصة واني اعصاب مابية اركز اخر شي عطت بيهة كاااافي خبال اثبتي
رغد:انفعلت بالاكثر وصرت احاول اعبرلة واريد موبايلة مديت ايدي اخذة واني كوة ارجف بعد ماحسيت بروحي فقدت توازني ووكعت من القهر والظلم كل كياني تخربط ومااتحملت هيج يتهمني ومايسمع مني ،ماادري شكد ضليت فاقدة الوعي فزيت الدنيا هدوء وضوة خافت يمي مال التيبل لامب باوعت ايسر حاط كرسي وكاعد يمي وبس عيونة تباوع بدون اي رد فعل ثاني ردت اكوم ماخلاني لزمني راد يرجعني للسرير كاللي استريحي لا تتعبين روحج ما سمعتة نترت ايدي من ايدة بقوة و هميت انزل ما خلاني وكال خلي نحجي بلا اعصاب دفعتة حيل
ايسر:من فقدت الوعي حسيت روحي راحت شلتهة واحاول اصحي بيهة ماكو اخذت بالساعة وهي فاقدة اخر شي اتصلت على امي وكتلهة اتعصبت عليهة لان نست علاجج ماكتلهة ضربتهة هم جنت خجلان من نفسي اول مرة اضرب مرة بحياتي كل سوالف سهى ما جنت اضربهة بس هاية من فقدت جرت عليهة وضلمتهة
ام ايسر:مايصير يمة شنو هاية شدخلهة البنية صارتلهة شغلة ونست شجاك تهسترت ماصار شي ولا تقهرهة
ايسر:حسيت استعجلت وضلمتهة وضلمتهة اكثر من ماسمعت اني شجاني اول مرة ما اوزن الامور واتصرف باستعجال ضلت بالساعة ونص تفتح عيونهة شوية بس ماتركز وياية جبت كلينس وضليت امسح بالدم الطلع من خشمهة مسحت وجهة وايديهة واني مستغرب منين جبت هالقسوة، اخر شي من انتبهت رادت تكوم من يمي حقهة تضوج مني احاول الزمهة تبعدني اخر شي دفعتني حيل من صدري لزمتهة من اديهة وكتلهة كاااافي اتخبلتي هزت راسهة بأي كتلهة لعد من تعقلين نحجي وطلعت كعدت بالصالة وصورتهة ابالي شوية واسنمعهة قفلت الباب بالمفتاح شوية ودكت سهى تسأل كتلهة خلصت جاي ماردت اكللهة شي ما عايز دوخة راس هسة خلي يستقر وضعي وية رغد واشوف اخرتهة شلون تصفى الامور واشوف اخرتهة لو مااستمر هالزواج مااكول لسهى مالي خلكهة اخخخ شنو اطلكهة ما صارلي اسبوعين واحس تعلقت روحي بيهة مااحس مستعد اعوفهة حاس لو خلبهة تحبني راح تمشي حياتي حلوة جان هذا الحديث يدور ابالي وةني اسوق راجع للبيت دخلت بوجهي لغرفة امي نمت بيهة شوية واسمع سهى فتحت الباب بدون ماافتح عيني كتلهة اصعدي نامي يم بناتج باجر اصفالج من ارتاح
سهى:بسس...
ايسر:اششششش ولا كلام
رغد:عزت علية نفسي كلش من ضربني اختنكت انجن لو بقيت وياه كوة انتظرت يطلع الصبح اخذت جنطتي ورحت بعد ما تركتلة ورقة كتبتلة بيهة كلمة وحدة(اتمنى تطلكني بهدوء مثل مااتزوجنة بهدوءحياتنة ماراهمة ابد انتة ما متقبلني بحياتك وماراح تتقبلني ابد مادامك معتبرني ممرضة من اول موقف ضربتني بدون متعرف الصدك وزواجنة غلط ومالازم نكمل بي اتسرعنة ثنينة وكملنة ونعرف مالنة مستقبل سوة متنازلة عن كلشي بس اريد ورقتي وحتى تفهم سبب الصار اسأل سهى ) واخذت جنطتي وطلعت لبيت ام احمد لميت جنطة ملابس صغيرة اشرتلهة انه اخذهن للشقة وياية محتاجتهن وخذت جنطتي وطلعت لمكان مااريد احد يلكاني بي مكان جان بابا مدليني بي وكايلي لو جار الوقت عليج روحي هناك امان
ايسر:كعدت الصبح من وقت وبدلت وشربت جاي وطلعت للشقة دخلت جانت هدوء وباب الغرفة مفتوح رحت للغرفة مالكيت رغد فتحت الغرفة الثانية ماكو الحمام ماكو دكيت على امي ش ،خايف رايحتلهة كالت ريام امي نايمة ومااجت رغد صاير شي كتلهة اشوفكم ونسولف التفتت وشفت ورقة عالطبلة الوسطية بالصالة قريتهة لو انجنيت هاي كل عقلهة منو كاللهة اطلكهة بميفهة شنو ومن كاللهة اني ما متقبلهة اني احسهة صارت جزء مهم بحياتي دكيت على ام احمد كالت اجتي اخذت جنطة ملابس وكالت اخذهم لشقتي سديتة وانجنيت هاي وين راحت وهي ماعندهة احد
ريام:هلاو ايسر ها وين رغد رايحة لكيتهة
ام ايسر: هايمة وين البنية
ايسر:يمة شصار البارحة احجي لا اكتل روحي هسة واريحكم وارتاح
ريام:سولفيلة يمة على سوالف مرتةةليش تطمطمين ترديهة تتمادى اكثر
ام ايسر:اي مو مااريد اسوي مشاكل واخرب بعد ماتستاهل صارت وراحت متسوة
ايسر:يمة اني وسهى مشاكلنة دوم بس شصاير
ام ايسر:بس ما تتخبل ترة البنية حامل مااريد اذيتهة شما تسوي والصار هوة جنت اصلي واسمع الباب اندك وسهى فوك نزلت فتحتة ورجعت اصلي وانوب طبيت اشرب مي وسمعت كلمة خدامة من سهى عليمن ومنو ردت اعرف وكفت قريب وسمعت...........................وهذا الصار يمة فوك ما البنية تعاونهة على وصخهة ولزمت البيت جلفتة تكول للجيران خدامتي وعز علية اشوف البنية مكسورة وذليلة ومالهة صوت تدافع عن روحهة من هاي تنرفزت مو كتلك اعلن زواجك خليتهة بهالموقف ليش
ايسر:بربكم هسة يلا تحجون تدرون سهى شلون فرتهة ........وامي من خابرت اكدت لان نست علاجهة ورحت ضربتهة والصبح مالكيتهة وكمت كسرت الصينية الكدامي هي ومواعينهة واصيح سهى الزمج لو لا جنتي بواحد صرتي بمصيبتين اني اعلمج
ريام:شوفوا كتلكم لا تضمون الزواج هو مو شي عيب محد سمعني وكتلج ماما لاتضمين الموضوع محد يسمع لحدما شردتوا البنية هسة وين راحت خطية ما خابرتهة مترد
ايسر:مغلق كلماادك راح اتخبل وين راحت سههههههىى اني اعلمج
رغد:وصلت بعد معاناة لان مااندل زين مكان جديد وناس جدد مااعرف شي عنهم بس من سوالف ابوية اعرفهم ناس طيبين وراح ارتاح يمهم دكيت الباب وفتحة الية شاب اسمراني ضخم جنت كاتبة بورقة بيت ابو فلان اشرتلة انه هذا ورفعت الورقة بوجهة قراهة وكال اي وصلتي تفضلي منو انتي وهنااا كلت راح ابدي فصل ثاني بحياتي وعيشة ثانية تختلف عن كل العشتة قبل بكل شي اهم شي بالاشخاص ......يتبع