#عشگت_ملاك بارت٤
جوزيف ..
هاي مو اول مرة اخطف بنات عادي كولش عندي وهواي بيهن حاولن يشردن فغزل بالنسبة اليه مو مميزة
رجعت بالليل يم امي اشوفهة مشتاقلهة علساس انا مسافر اخذتلهة هدايا وشي
وتلكتني بملگة حلو وضلت تبوس بيه
وراحت تحضر العشى
وبين ما هيه تحضر العشى انا بقيت اگلب بالجهاز
وراهة اتعشينه وسولفنه انا وياهة راحت اتجيب عصير اجتي لگتني غافي ع القنفة انا جنت نص ونص اسمعهة من غطتني گالت سودة علية والله يوليدي متشوفلك بنية حلال ترد عليك وحشة البيت وتحتويك مليت اريد اشوف احفادي ..الله يهديك يروحي
انا ابتسمت ونمت بعد ماعرف شصار
الصبح افز على صياح خالي وابنه جايين ببيتي ويعاركون امي يكولولهة وين ابنج الشفية هستوة ذكر عنده ام
گمت انا حيل نعسان صحت بصوت مطبك ها خير شكو بدت سوالفكم الماصخة
جان يگمز ابن خالي سامر ويگول دسكت انت وجودك بالبيت مثل عدمك
انا شلون اكرهة جان گبل اگومله واجيبة بوكسات واشبعة فشار وغلط واطلع ضيمي كوله بي
خالي تخبل من شافني اضرب بأبنه ركض جاب سجينه ونبتهة بأيدي
انا انداريت على خالي واباوع لامي تدك وتلطم وتصيح يمه وليدي عزه العزاني وتبجي بحرگة
كتلهة وانا اعصابي نار
هذا اخوج الزفت شفتي عمايلة واخذت السويج مال السيارة وطلعت من البيت
گبل رحت للمبنى مالتي
لگيت ولاء شاد راسة بقطعة بيضة هزيت بأيدي ومشيت اجه وراي وصاح زعيمنه
خيرك شكو شصاير
انا اباوع لايدي كلهة دم لعبت نفسي گعدت بغرفتي وصحت على جهاد هذا ايدي اليمين كتله جبت وجبة جديدة مال بنات گال اي جبنة ودزينه خبر لاهلهم
وگال بس هسة لازم نعالجك كتله ما روح للطبيب مو اكو من ضمن المخطوفات وحدة ممرضة خل تجي تشوفلي الجرح وتخيطة
گال جهاد ماعرف وحدة ممرضة يمكن طلعت
انا گبل تذكرت انو غزل مطالعة بعدهة فگلتلهم جيبوهة
غزل..
بقيت يوم كامل بهاي الغرفة يكلك قبر تخوف اون وابجي محد يسمعني حته ماكدر انتحر ماكو شي انتحر بي
وفجأة جان ينفتح الباب واجه واحد منهم صاحلي يلا كومي انا فرحت عبالي اجه عمو ياخذني
كتله وين گال معليج امشي وانتي ساكته
اخذني وصلنه لغرفة جوزيف
فتح الباب ودخل وگال زعيمي جبتهة
جوزيف گال يلا بسرعة تعالي شوفي شغلج مو انتي ممرضة كتله بلي
ووصيتهم على خيوط لحميه حتى اخيط جرحه بيهة وشاش ابيض
جابولي واشتغلته
وكلما اغرس الابرة يضل يعيط ويفشر ويگلي انتي متقصدة عساس تنتقمين مني اشوفج اليوم اموتج والله
انا بقيت ساكته لان هذا همجي ويخوف مو مال اتناقش وياه
يتبع....
عشكت ملاك
By Sajaalial
عشكت ملاك 🔞 تدور احداث هذه القصة على شابة زغيرة شريفة من اهالي بغداد الحبيبة غزل:هلو انا غزل عمري ١٨سنة ر... More