عشكت ملاك

بارت ١٤

جوزيف:
بقيت مصدوم طول الطريق وماعرف شنو اسوي معقولة هيه طلعت تمثل عليه وهاي كلهة خطط من عدهة
لا يا الله بس لا صدك
لا مستحيل غزل تسوي هيج
وانا جنت صافن فجأة اتصل علية رقم غريب
مرديت نوب رجع اتصل من جديد
فتحت خط
الو  بعصبية ونترة
الو حضرتك جوزيف
ي نعم خير شرايدة
اول شي رد بأدب ثاني شي انا عمة غزل وجاية انطيك حجايتين يفيدوك
اني عيوني توسعت بدهشة وكتلهة اي احجي
كالت: ترى غزل بنية حيل ممؤدبة وسافلة ومو زينة اخلاقهة وافعالهة ميلبس عليهة ثوب بس هية دائما تطلع بالوجه البريء
ترى قبلك هواي ضحكت عليهم وانطت روحهة في سبيل تغسل عقلهم وتدمر عيشتهم
واني جاية اكولك رجعهة للمكان الي اجتي عليه لانو فعلا مكانهة الحقيقي

وكبل سدت الخط
انا متت من القهر ضليت اخن واجر جكارة ورى اللخ
هيج حسيت روحي طلعت وحسيت نفسي وقعت بالفخ لاول مرة شكد حاولن قبلهة يأسرن قلبي ليش بس وياهة وحبيتهة وعيشتهة بكلبي ليش تسوي هيج
وتستغلني ومسوية روحهة شيخ براسي
بس اقسم بالله انا مطالع من ضهر ابوي اذا ما اخليهة تتندم وتبقى تتوسل بسيطة يا غزل ركبت السيارة وطرت بيهة اسوق بدون وعي

غزل:
والله ماعرف شسوي وشلون اثبت برائتي كدامه يا الهي ما اتوقعت هيج يصير بيه
انا لازم اتصرف
نمت هيج نص ساعة طبعا مادري بنفسي من غفيت
كعدت لكيته بعده مجاي
اني كبل فتت للحمام جنت تعبانة حيل
سبحت وكملت طلعت نشفت شعري وخليت وخليت الشال بس هيج مو مغطي شعري كله
طبعا جنت مفكرة اشرد لان مالي عين اواجه رغم انا مالي ذنب
فتت بغرفته باوعت لملابسة بستهن وطلعت ورقة وقلم وكتبت:
جوزيف يا ارجل رجال شافته عيني
اني حبيتك وحأبقى احبك وانا ابد مو مذنبة محد متقرب علية لا من بعيد ولا من قريب
يشهد الله انوو ما اعرف ليش اجيت لهنا
اني حروح لان ماكدر اباوع بوجهك بعد الي صار رغم اني ممسوية اي شي

المخلصة : غزل
علكتهة عالمراية ودا اطلع من الغرفة وجان انصدم بي 😐😐
كلت برعشة: جوووزييييف
كاال : ي اني جوزيف شبيج اول مرة تشوفيني
عاقد حواجبه وشكله ميبشر بخير
اني بخوف: لا مو اول مرة بس اتفاجأت بيك

-ي حقج تتفاجئين الي يسوي عمايلج مو بس يتفاجأ
*جوزيف خليني افهمك بس انطيني مجال شوية
-دسكتي لخاطر الكعبة ترى كلشي توضح وانتي وحدة كح.. وبت ليل
اني دموعي كبل نزلت كتله
احترم نفسك ولتتعدى حدودك وياي اندمك والله
باوع علية بخبث وشنو تكدرين تسوين انتي
اني دفعته اريد اطلع
جان يلزم ايدي قوي حيل
اني انحيت وصحت من الالم
نوب كال اسألج سؤال؟ وتركني
باوعت بحقد اسأل
كال شكم واحد متقرب عليج
اني كبل صيحت بوجهة يا تافه يا بلا اخلاق
باوع عليه كال اني من زمان بدون اخلاق
وحتتأكدين هسة
اني مفهمت قصده بس من شفت عيونة شلون يباوع على جسمي
متتت من الخوف والتوتر
قفل باب الغرفة اني دموعي نزلن
وجر الشال من راسي وطلع شعري
اني نزلت يم رجليه وابجي
فدوة الله يخليك لتسويلي شي
والله انا احبك.
يتبع